قراءة وتحميل رواية مزاولة حب بقلمى دودو محمد الفصل الخامس "5" عبر مدونة دليل الروايات pdf
 |
| رواية مزاولة حب كاملة |
- ملحوظة للوصول للرواية كاملة جميع الحلقات أكتب في جوجل (رواية مزاولة حب مدونة دليل الروايات)
رواية مزاولة حب الفصل الخامس 5
فى شقة ندي
كانت يارا واقفه فى اوضت أنس بتشم البرفان بتاعه بحب وسمعة صوت انس بيقول ليها
انس :- انتى بتعملى ايه فى اوضى
يارا :- اتصدمت ووقفت مكانها ومتحركتش
انس :- راح عندها وقال بعصبيه انا مش بكلمك انتى بتعملى ايه فى اوضي
يارا :- بتوتر ا.ا انا كنت جايه هنا علشان اروح هناك
انس :- نعم
يارا :-ا.ا. اقصد كنت رايحه هناك علشان اجى هنا
انس :- داس على أسنانه وقال انتى بتقولى ايه
يارا :- ا.ا انا عايزه ندي
انس :- مسك دراعها بغيظ وقال مش هتروحى عندها إلا لما تقوليلى بتعملى ايه فى اوضي
يارا :- دموعها نزلت وقالت ارجوك سبنى امشى
انس :- بعصبيه انا كلمتك علشان تعيطى
يارا :-بدموع بترجاك سبنى امشي
ندي :- جات وشافت حالة يارا دخلت تجرى وشدت يارا من أيده وقالت ي.ي يارا مش دى اوضت ماما انتى دخلتى غلط
يارا :- ها
ندي :- اسفه يا انس انا بعتها تجيب حاجه من اوضت ماما ودخلت اوضك مفكرها هى دى الاوضه
انس :- بص ليها بغيظ وقال بعد كده محدش يدخل اوضى وانا مش موجود مفهوم
ندي :- ح.ح.حاضر بس انت ايه رجعك تانى
انس :- نسيت المحفظه بتاعتى واخدها وقال اتفضلوا اطلعوا بره الاوضه
ندي :- مسكت ايد يارا وقالت تعالى يا يارا وخرجوا من الاوضه
انس :- قفل الباب بالمفتاح واخد المفتاح فى جيبه وبص ليارا بغيظ ومشى
يارا :- بدموع شوفتى طريقة كلام اخوكى معايا عامله ازاى
ندي :- يا اختى اتنيلى احمدى ربنا أن هو معملكيش كفته واكتفى بالكلام معاكى بالطريقه دى انس مش بيحب حد يدخل اوضه طول ما هو مش موجود الحمدالله أن انا عرفت اتصرف وخرجتك من الموقف ده
يارا :-بعصبيه اخوكى ده بارد ومعندهوش دم انا ماشيه
ندي :- يا بنتى استنى لما تاكلى معانا الاول
يارا :- بعصبيه مش عايزه اطفح وفتحت الباب وخرجت روحت على بيتها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
دخل يوسف وارين الفيلا علشان كل واحد يروح على اوضه وينام ووصل ارين عند باب اوضتها وقال
يوسف :- يلا تصبحى على خير
ارين :- ايه ده يا يوسف مش هتدخل معايا
يوسف :- احم ل.ل.لاء يا حبيبتى هطلع انام فى اوضى
ارين :-بزعل ليه بقى
يوسف :- علشان امبارح ربنا ستر ومحدش شافنى عندك فى الاوضه النهارده مضمنش ايه اللى هيحصل
ارين :- قربت منه وقالت علشان خاطر ارين حبيبتك نام عندى النهارده
يوسف :- اتوتر وغمض عينه وقال ا.ا ارين قولتلك مش هينفع
ارين :- قربت اكتر ليه وقالت وحياتى عندك
يوسف :- بلع ريقه بصعوبه وبص على شفايفها ونفسه سرع
ارين :- ابتسمت بدلع وقربت على شفايفه ولسه هتبوسه
يوسف :- صورة تمارا جات قصاد عينه بعد عن ارين وفك دراعها من وراه رقابته وقال ا.ا ارين قولتلك مش هينفع تصبحى على خير يلا ادخلى اوضك
ارين :- بصت ليه بزعل وقالت بغيظ ماشى يا يوسف براحتك ودخلت ورزعت الباب وراها
يوسف :- اتنهد براحه وطلع على اوضه ووقف عند الشباك بتاعه وبص على شباك تمارا لاقها واقفه فى الشباك بتاعها ابتسم واتنهد بحب وراح مسك تليفونه ووقف تانى عند الشباك واتصل بتمارا وانتظر ردها.
تمارا :- نعم عايز ايه
يوسف :- بصى عندى على الشباك
تمارا :- بصت ليه وقالت بصيت عايز ايه بقى
يوسف :- فاكره لما كنا نقف فى الشباك ونقصص ورق ونطيره فى الجو ونقولوا على اساس عصافير الجنه
تمارا :- ابتسمت وقالت ايوه وامى وامك كانوا يصحوا الصبح ويلاقوه الدنيا متبهدله ورق ويفضلوا يزعقوا لينا وكانت رحمه بتتشتم معانا مع انها كانت بتبقى نايمه فى الوقت ده وقعدت تضحك
يوسف :- بحب كانت حلوه اوى الأيام دى
تمارا :-حلوه اوى يا يوسف وعلطول بفكر فى الأيام دى و عمرى ما نسيتها
يوسف :- ياريت ما كنا سفرنا
تمارا :- كان هيحصل ايه يعنى
يوسف :- كنت هبقى جنبك واعيش معاكى كل لحظات عمرك لما نجاحتى فى المدرسه ولما دخلتى الكليه لما اتخرجتى واتعينتى فى الشركه كان نفسى اشاركك كل فرحه فرحتيها كل ضحكه ضحكتيها كل دمعه نزلتيها كل حاجه يا تمارا
تمارا :- كانت بتسمع كلام يوسف وهى بتعيط وقالت انت بقى كنت معايا وجنبى فى كل اللحظات دى
يوسف :- ازاى
تمارا :- السل وسكتت وقالت اقصد يعنى علشان دخلت الكليه اللى كنا متفقين ادخلها لما اكبر ذكرت واجتهد علشان انفذ وعدى ليك
يوسف :- صح فين السلسله اللى قولتلك متقلعهاش من رقابتك مهما حصل
تمارا :- احم اتشبكت منى واتقطعت وبعد كده ضاعت معرفش راحت فين
يوسف :- كده يا تمارا انتى وعدينى انك مش هتقلعيها من رقابتك مهما حصل
تمارا :- ضحكت بوجع وقالت وعد وراح زى وعود كتير متنفذتش ما بينا يا يوسف وعلى رأيك دى كانت طفوله مش اكتر
يوسف :- بوجع اه عندك حق
تمارا :- بوجع تصبح على خير
يوسف :- وانتى من أهله وقفل السكه مع تمارا واتنهد وبص عليها لاقها دخلت وطفت النور دخل هو كمان وطفى النور ونام على السرير وحط أيده تحت راسه وبص على السقف شاف صورة تمارا ابتسم ليها وغمض عينه ونام
تمارا :- دخلت اوضتها وطفة النور ونامت على السرير بدموع ومسكت السلسله بأيديها واتنهدت بوجع وقالت انا عمرى ما نسيتك يا يوسف انت طول عمرك جنبى ومعايا وغمضت عينيها بوجع ونامت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء العاصمه لتبدء تمارا بفتح عيونها على صوت تليفونها مدت ايديها وبصت فيه لاقته رقم يارا ردت عليها وقالت
تمارا :- صباح الخير يا يارا
يارا :- صباح النور معلش امبارح معرفتش اكلمك رجعت من عند ندى نمت علطول
تمارا :- اه يا اندال من غيرى
يارا :- روحت وياريتنى ما روحت
تمارا :- ليه
يارا :- هبقى احكيلك لما تيجى الشغل المهم كنت عايزه اقولك أن انا كلمت بدر وموافق وهيعدى عليكى فى الشركه بعد الشغل
تمارا :- بتوتر ب.ب بس اكيد هتكونى معانا
يارا :- اكيد طبعآ متقلقيش بدر عسل والناس بتاخد عليه بسرعه
تمارا :- اوك اشوفك فى الشركه كمان شويه باي
يارا :- باى
تمارا :- قفلت السكه مع يارا وقامت من على سريرها راحت وقفت عند الشباك بصت على الفيلا عند يوسف لاقت يوسف قاعد فى الجنينه وبيشرب القهوه بتاعته وبصلها وشاور ليها بأيده ابتسمت ليه وشاورت ليه هى كمان واتنهدت بوجع ودخلت قعدت على سريرها ومدت ايديها جوه الهدوم طلعت سلسلة يوسف وحسست عليها بأيديها بحزن شديد وقالت مش قادره اكرهوا على كل اللى بيعملوا فيا ده وكل ما بشوفه قصاد عينى بتعلق بيه اكتر وبتعذب اكتر واكتر ياريت كنت نسيتك ولا حصل ليا كل اللى بيحصلى ده وقامت دخلت الحمام اتوضت وخرجت أدت فرضها ولبست هدومها ونزلت ليهم تحت وقالت صباح الخير
سميه :- صباح النور يا حبيبت ماما اقعدى افطرى
تمارا :- لاء مليش نفس عن اذنكم
عماد :- تمارا
تمارا :- نعم يا بابا
عماد :- تعالى معايا عايزك
تمارا :- خير يا بابا فيه حاجه
عماد :- تعالى معايا المكتب وانتى تعرفى كل حاجه
تمارا :- حاضر وراحت وراه ابوها ودخلت اوضت المكتب وقفلت وراها الباب وقالت خير يا بابا
عماد :- طبعآ انتى عارفه انا بحبك قد ايه وبخاف عليكى ازاى
تمارا :- ايوه يا بابا عارفه مش محتاجه كلام
عماد :- اللى بيحصل مع يوسف ده غلط
تمارا :- بأستغراب ايه اللى بيحصل مش فاهمه يا بابا
عماد :- غيرتك الواضحه عليه دى من ارين خطيبته متنفعش
تمارا :- غ.غ غيره غيرت ايه يا بابا م.م.مفيش حاجه من دى طبعآ
عماد :- لاء فيه يا تمارا مينفعش ده دلوقتى واحد خاطب وانتوا دلوقتى مش زى زمان انتوا بقيتوا شباب كبار ولازم يبقى فيه حدود فى التعامل مع بعض انتوا مش العيال بتوع زمان اللى كانوا بيلعبوا مع بعض ويتخانقوا علشان لعبه انتوا دلوقتى ناضجين وفاهمين بتعملوا ايه متخلنيش استعمل معاكم اسلوب تانى
تمارا :- بدموع انا محافظه يا بابا على الحدود اللى حضرتك بتقول عليها وعارفه أن يوسف بقى خاطب بس وسكتت
عماد :- بس ايه اتكلمى
تمارا :- ولا حاجه يا بابا وحاضر هحاول احافظ على الحدود دى اكتر من الاول
عماد :- اتكلمى يا بنتى مش هتلاقى حد يخاف عليكى وعايز مصلحتك قدى
تمارا :- ضحكت بوجع وقالت الكلام مبقاش فيه منه فايده عن اذن حضرتك علشان هتأخر على شغلى
عماد :- اتنهد وقال روحى يا حبيبتى شغلك
تمارا :- باى وفتحت الباب وخرجت وراحت عند العربيه بتاعتها ركبتها وراحت على الشركه
عماد :- مسك تليفونه واتصل على حسام وانتظر الرد
حسام :- صباح الخير يا عماد
عماد :- صباح النور انا كلمت تمارا زى ما اتفقنا ياريت تكلم انت يوسف بقى
حسام :- تمام هكلمه
عماد :- شكرآ يا حسام انك قدرت موقفى كأب
حسام :- يا عماد احنا عشره من زمان اوى ولو انا مكانك كنت هطلب منك كده برضه وفى الاول والاخر تمارا عندى زى رحمه بالظبط
عماد :- ربنا يديم ما بنا المعروف سلام وقفل السكه وخرج تانى
سميه :- خير يا عماد فيه ايه
عماد :- قعد وقال مفيش حاجه كنت بحط النقط على الحروف من اولها
سميه :- نقط ايه وحروف ايه انا مش فاهمه حاجه
عماد :- الاولاد يا سميه كبروا ومينفعش يبقوا مع بعض زى زمان كان لازم اوضع حد من اولها علشان منخسرش عشرة عمرنا بسببهم
سميه :- انت تقصد تمارا ويوسف
عماد :- ايوه تمارا واضح اوى أنها بتحبه وهو خاطب ومينفعش بنتك تكون سبب فى خراب ما بين يوسف وخطيبته وكمان هما دلوقتى مش يوسف وتمارا الأطفال دول كبروا ومينفعش اللى كان بيحصل زمان يحصل دلوقتى الناس هتتكلم وسمعة بنتك هى اللى هتبقى فى الصوره لانها هى البنت
سميه :- بتفهم فعلا عندك حق يا حبيبى
عماد :- وانا كلمت حسام وهو تفهم الوضع وقال هيكلم يوسف يبعد عن تمارا ويبقى فيه حدود فى التعامل معاها
سميه :- عارف انا كان نفسى يوسف يبقى من نصيب تمارا بس طبعآ الجواز قسمه ونصيب
عماد :- ادعيلها ربنا يرزقها بأبن الحلال اللى يسعدها
سميه :- يارب يا حبيبى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
يوسف كان قاعد فى الجنينه بيشرب القهوه بتاعته ومتابع شباك تمارا علشان يعرف اول ما تصحه دخلت عليه ارين وقالت
ارين :- انا مش عارفه ليه غاوى تقعد فى الشمس كده
يوسف :- ها ع ع عادى يعنى
ارين :-يوسف انت مالك متغير معايا اوى من امبارح انت زعلان منى فى حاجه
يوسف :- لاء طبعآ ومش متغير ولا حاجه
ارين :- لاء متغير معايا ده انت حتى لما صحيت من النوم مسألتش عليا زى ما متعود
يوسف :- ها م.م.معلش يا حبيبتى بس مشغول شويه متزعليش
ارين :- مشغول بأيه أن شاءالله
يوسف :- بالشغل طبعآ يا قلبى
ارين :- شغل ماشى يا يوسف عن اذنك ودخلت وسابته
يوسف :- بص على ارين وهى ماشيه واتنهد وبص على شباك تمارا لاقها لسه نايمه وفضل يتابع الشباك لحد ما لاقها صحيت ابتسم وشاور ليها وقام ودخل الفيلا جوه وقال
يوسف :- صباح الخير
سميحه :- صباح النور يا حبيبى
يوسف :- قعد وقال فين بابا
رحمه :- فى اوضت المكتب بيتكلم فى الفون
يوسف :- اوك وقعد ياكل
حسام :- خرج من المكتب وقال صباح الخير يا ابنى
يوسف :- صباح النور يا بابا
رحمه :- يوسف
يوسف :- نعم
رحمه :- عايزه انزل اشتغل معاك فى الشركه اللى انت شغال فيها دى
يوسف :- هى شركة ابويا كل شويه حد يقولى نزلنى شغل معاك فى الشركه
رحمه :- ليه مين تانى كلمك
يوسف :- مالك صاحبى قرر يرجع مصر ويعيش هنا علطول وعايز يشتغل معايا فى الشركه
سميحه :- بجد مالك هيعيش هنا خلاص
يوسف :- ايوه زهق من الغربه
حسام :- غلبان عاش لوحده هناك كام سنه لا اب ولا ام راجع امته
يوسف :- النهارده أن شاءالله
سميحه :- يرجع بالسلامه يارب
رحمه :- طيب وانا يا يوسف يعنى هتشغل معاك صاحبك واختك لاء
يوسف :- حاضر يا لمضه ابقى انزلى من بكره وشكلنا كلنا هنطرد من الشركه جماعه والله اللى مصبر الراجل ده علينا أنه بيعز بابا
حسام:- ده عشرة عمر من ايام الدراسه وهو صديق وافى ومحترم اوى
يوسف :- فعلا علطول يسألنى عليك ووقف وقال هروح انا بقى عايزين حاجه
حسام :- استنا يا يوسف عايز اتكلم معاك كلمتين
يوسف :- خير يا بابا
حسام :- تعال نتكلم فى المكتب
يوسف :- اوك وراح وراه ابوه فى اوضت المكتب وقفل الباب وراه
حسام :- بص يا ابنى انت كبرت وبقيت راجل طول وعرض واكيد هتفهمنى
يوسف :- خير يا بابا عايز تقول ايه
حسام :- تمارا
يوسف :- بقلق مالها
حسام :-عايزك تتعامل معاها بحدود انتوا مش يوسف وتمارا الأطفال انتو بقيتوا كبار ولازم يبقى فيه حدود فى التعامل
يوسف :- بس يا بابا انا بتعامل معاها عادى بأدب وبأحترام تمارا صديقة الطفوله
حسام :- يا حبيبى ممكن يبقى عادى بالنسبه ليك وليها كمان بس الناس مش هتشوف كده هى بنت ولازم نحافظ على سمعتها وبعدين سيبك من الناس ارين خطيبتك مش هتتقبل وجود تمارا فى حياتك حتى ک صديقة طفوله
يوسف :- هو عم عماد اللى طلب منك كده
حسام :- ايوه ومن حقه كأب يخاف على بنته وسمعتها انا لو مكانه كنت هعمل زيه وزياده يعنى ترضى صاحبك مالك يجى يعيش معانا ويتعامل مع اختك كده عادى مع اننا عارفين ادبه وأخلاقه
يوسف :-بزعل لاء طبعآ عمومآ اللى انتوا شايفينه صح انا هعمله
حسام :- يوسف انا حاسس بحاجه فيك غريبه
يوسف :- ايه هى يا بابا
حسام :- انت فيه حاجه جوه قلبك لتمارا
يوسف :- بتوتر ها احم ل.ل.لاء طبعآ ايه اللى حضرتك بتقوله ده ا.ا انا بحب ارين طبعآ
حسام :- يوسف يا ابنى قول الحقيقه
يوسف :- لف ضهره لابوه وقال و.و وانا هكذب ليه يا بابا
حسام :- مش عارف الصراحه يا ابنى
يوسف :- تمارا مش اكتر من اخت ليا يا بابا تمارا زيها زى رحمه بالظبط انا بحب ارين
حسام :- مع أن شايف الكلام اللى بتقوله من شفايفك غير الكلام اللى فى عيونك بس هحاول اصدق الكلام ده روح يا ابنى شغلك علشان متتأخرش
يوسف :- بص لابوه مده وسابه ومشى
حسام :- ربنا يريح قلبك يا ابنى وخرج من اوضت المكتب وراح على اوضه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الشركه
وصلت تمارا الشركه ودخلت على مكتبها وقالت
تمارا :- صباح الخير وقعدت على المكتب
ندى :- صباح النور مالك انتى كمان
تمارا :- مليش
ندي :- هو انا هلاقيها منك ولا منها فيه ايه يا بومه منك ليها
تمارا :- بابا
ندي :- ماله
تمارا :- بيطلب منى اتعامل بحدود مع يوسف
ندي :- طبيعى اب وخايف على سمعت بنته ايه الغريب فى كده
تمارا :- وانا عملت ايه علشان يخاف
ندى :- يا حبيبتى اى اب كان هيعمل اللى ابوكى عمله ده خصوصآ انك انتى ويوسف عايشين فى دور انكم لسه اطفال وبتتعاملوا مع بعض عادى جدآ
تمارا :- لاء طبعآ مش بتعامل معاه عادى وعارفه أننا دلوقتى غير واحنا اطفال ومحافظه على الحدود دى بس برضه
ندى :- اااايوه اهى برضه دى هى المشكله يا تمارا انتى مش قادره تقتنعى انكم كبار وإن هو بقى لواحده غيرك مش ليكى لازم تفوقى بقى من وهم حبك ليه
تمارا :- بدموع مش قادره يا ندى ده حب كبر معايا سنين عمرى كان عايش فى احلامى وفى خيالى قلبى قفل عليه ورفض يدخل اى حد غيره مش بأيدى والله العظيم ما بأيدى انتوا عارفين ايه احساسى لما بشوفه مع واحده غيرى بموووت بحاول أظهر قصادكم قويه وبضحك وبهزر علشان الدمعه متخدعنيش وتنزل من عيونى قصادكم غيرتى عليه بتخلينى شخص تانى خالص غصب عنى بتظهر الغيره دى بحس نفسى مهيبره زياده عن اللزوم بس مش بأيدى دى حاجه غصب عنى انا مهما اقولكم على اللى بحس بيه مش هقدر اوصلكم العذاب اللى انا عايشه فيه من يوم ما يوسف رجع مصر
ندي :- يا حبيبتى انا حاسه بيكى والله بس لازم تفوقى بقى
تمارا :- اكيد هفوق من حبه قريب قريب اوى أن شاءالله
ندي :- أن شاءالله وبصت وقالت وانتى يا اخرة صبرى مش ناويه تفكى بقى
تمارا :- ليه مالها
ندي :- بضحك اخويه انس قفشها فى اوضه
تمارا :- يا كسفتك يا بسيونى كنتى بتعملى ايه يا موكوسه
يارا :- بزعل كان نفسى اشوف عرين الاسد اللى بحبه
تمارا :- نعم يا اختى هو انا خلصت من فقع المراره اللى عندى فى البيت علشان تفقعى انتى كمان مرارتى اسد مين يا اختى
يارا :- ايوه انس فى عينى اسد ونفسى يحس بيا بقى
ندي :- مش انا أخته بس بقولها ليكى اخويه حمار وعمره ما هيحس بيكى
يارا :- دموعها نزلت منها وقالت ده انا اروح فيها لو اتجوز واحده غيرى
ندى :- صعبت عليها يارا قعدت جنبها وشدتها فى حضنها وقالت بعد الشر عليكى يا حبيبتى انا مش عايزاكى تتعشمى اوى يا يارا اخويه جد اوى فى حياته وبيتعامل معانا احنا ميرى انا أخته اهو وبتخنق علطول من طريقته معايا أهدى كده يا قلبى واللى فيه الخير يقدمه ربنا
تمارا :- حطى خبتك على خبتى وتعالى نتصور جنبها سيلفى
ندى :- تصدقوا هتصدقوا أن شاءالله حرام واحده زى تصاحب اتنين زيكم بومه انتى وهى بومه
يارا :- بكره تجربى الحب وعذابه وتيجى تحطى خيبتك معانا يا اختى
ندي :- بعد الشر عليا يارب ابعت ابن الفقريه ده بقى استنيت كتير اوى على فكره
مالك :- السلام عليكم
التلاته واقفوا جنب بعض بصوا لبعض وبعدين بصوا لمالك
تمارا :- ابن الفقريه
يارا :- بركاتك يا شيخه
ندي :- بصت للاتنين وبصت لسما وقالت هى كانت ابواب السما مفتوحه ولا ايه
مالك :- بأستغراب هو فيه ايه
تمارا :- ها م.م.مفيش اتفضل أمر يا ابن الفقريه اقصد أمر حضرتك
مالك :- استاذ يوسف موجود
تمارا :- يووووسف بصت لندى وقالت لازم تدعى وتقولى ابن الفقريه اهو طلع جاى لابن الفقريه التانى
مالك :- هو فيه ايه محدش فيكم بيرد ليه
يارا :- احم ا.ا اسفين استاذ يوسف مكتبه اللى جمبنا مش هنا
مالك :- اه اسف عن اذنكم وسابهم ومشى
ندي :- معقوله الدعوه استجابت بسرعه اوى كده
يارا :- يمكن مش هو ده ابن الفقريه ودخل الدعوه غلط
ندي :- جايز وقعدت على مكتبها
تمارا :- قعدت وقالت بس مين ده اللى بيسأل على يوسف
يارا :- يمكن شغل يا بنتى
تمارا :- شغل ايه يا اذكى اخواتك ما انا المساعده بتاعته ولو ده شغل كان بعت ليا
ندي :- اه صح تمارا عندها حق
يارا :- هنشغل بالنا ليه هيبان دلوقتى كل حاجه
ندي :- هو اخوكى جاى امته
يارا :- بصت فى الساعه وقالت هيعدى عليها بعد الشغل
تمارا :- يارا اوعى متجيش
يارا :- متقلقيش والله يا بنتى هروح استناكم فى الكافيه
تمارا :- ماشى
ندى :- شوفوا شغلكم بقى
تمارا :- يلا وكل واحده قعدت على مكتبها وبدأت تشوف شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى مكتب يوسف
خبط مالك على الباب وسمع صوت يوسف بيسمح ليه يدخل فتح الباب ودخل
يوسف اول ما شافه قام يجرى عليه وحضنه وقال
يوسف :- بفرحه مالك حمدالله على السلامه واحشتنى والله
مالك :- بحب انت اكتر والله عامل ايه يا جو
يوسف :- بضحك الحمد الله واحشتنى الكلمه دى منك والله تعال اقعد
مالك :- قعد وقال روحت ليك على المكتب اللى جمبك بس بعيد عنك لاقيت تلاته مجانين
يوسف :- تلاته مجانين مفيش غير المكتب اللى فيه تمارا واصحابها هو ده اللى جمبى
مالك :- تمارا مين انت تقصد تمارا اللى كنت بتحكى ليا عنها
يوسف :- ايوه هى شغاله معايا هنا
مالك :- امممم قولتلى وايه النظام
يوسف :- نظام ايه
مالك :- لاقتها زى ما كنت متوقع
يوسف :- قعد قصاد مالك وقال بحب لاقتها احلى واجمل من المتوقع يا مالك
مالك :- شكلك لسه بتحبها
يوسف :- فاق وقال ها ل.ل لاء طبعآ ا.ا انا بحب ارين خطيبتى ما انت عارف
مالك :- يووووسف انا اكتر واحد عارف اللى فيها انت مش بتحب ارين اصلا انت اللى شدك ليها اللى بتعملوا معاها بسهوله من غير اعتراض
يوسف :- تصدق أن انا فؤقت وندمت على كل لحظه غضبت فيها ربنا واللى كان السبب فى كده كلام تمارا اللى قالته ليا وبحاول مقعش فى الغلط ده تانى
مالك :- طول ما هى قصادك هتضعف وشيطانك هيوزك
يوسف :- عارف وبحاول اشوف طريقه اخلى ارين ترجع بلدها تانى
مالك :- يعنى صرفت نظر عن الجواز منها
يوسف :- لاء طبعآ بعد اللى عملتوا معاها مينفعش اسيبها بس انا بقول تبعد من قصادى الفتره دى علشان مضعفش واغلط معاها تانى
مالك :- طيب وتمارا
يوسف :- مالها
مالك :- هو ايه مالها طول عمرها شاغله تفكيرك ازاى هتتجوز ارين وانت بتفكر فى غيرها
يوسف :- اتنهد وقال تمارا اصلا مشغوله بغيرى وليها حبيب نسيتنى مع الوقت يا مالك
مالك :- مين قالك
يوسف :- هى بنفسها اللى قالت ليا كده وهتخلينى أقابله كمان
مالك :- امممم ده طبيعى يعنى انت سافرت وهى عندها سبع سنين تقريبآ وقطعت علاقتك بيها ومبقاش فيه ما بينكم تواصل اكيد لما تكبر هتفقد الأمل فيك وهتشوف نفسها زى ما انت شوفت نفسك بالظبط
يوسف :- قعد وقال فى الاول وفى الاخر ده نصيب
مالك :- بصله وقال فعلا نصيب
يوسف :- احم سيبك المهم انا كلمت المدير وقال ليا اعينك مدير المشروعات
مالك :- حلو واستلم من امته الشغل
يوسف :- من النهارده لو حابب
مالك :- لاء خليها من بكره النهارده انا تعبان من السفر هروح انام
يوسف :- خلاص ماشى هستناك بكره
مالك :- وقف وقال يلا اروح انا سلام وفتح الباب وخرج ومر من قصاد مكتب تمارا واصحابها وبص على ندي وهى شغاله
ندى :- اخدت بالها قالت بصوت واطى لتمارا وهى جنبها الحقى الشاب اللى سأل على يوسف واقف بيبص علينا
تمارا :- رفعت راسها وبصت لاقته واقف بيبص راحت عنده وقالت فيه حاجه حضرتك
مالك :- ها ل.ل لاء عن اذنك ونزل ركب عربيته ومشى
تمارا :- قعدت تانى على المكتب وقالت شكل الدعوه رشقت فيه كان بيبص عليكى يا حلوه
ندي :- ع.ع.عليا انا
تمارا :- بتريقه اه عليكى انتى امال عليا انا
ندي :- يعنى احنا عارفين هو مين
يارا :- سهله تمارا تدخل تسأل يوسف
تمارا :- نعم يا اختى انا مش داخله مكاتب حد
وفى الوقت ده جه السكرتير وقال لتمارا أن يوسف عايزها
يارا :- بضحك مقولتش حاجه انا جات منه هو
تمارا :- بغيظ فقر تستاهلى اللى حصل فيكى من انس وقامت راحت عند يوسف
يارا:- بغيظ يا بنت ال وبصت لندي لاقتها بتضحك قالت اضحكى تعمليها واحنا اللى نقع فيها
ندي :- وانا مالى اشتغلى وانتى ساكته
تمارا :- دخلت المكتب عند يوسف وقالت افندم
يوسف :- اقعدى
تمارا :- لاء واتفضل قول عايز ايه علشان مش فاضيه ورايا شغل كتير
يوسف :- بت انتى ملبوسه ما احنا بليل كنا بنتكلم مع بعض كويس ايه غيرك الصبح كده
تمارا :- بتعامل معاك بحدود
يوسف :- وقف وقال اااااه حدود ده كلم ابوكى صح
تمارا :- ايوه وياريت حضرتك تقول عايز ايه
يوسف :- طيب بصى بقى يا شاطره الحدود دى فى الفيلا مش هنا هنا مكان شغل ولازم هنتعامل مع بعض كتير
تمارا :- بحدود برضه
يوسف :- انتى غبيه يا بت حافظه مش فاهمه
تمارا :- بغيظ لم نفسك ومتغلطش
يوسف :- براحتى
تمارا :- بقولك ايه متعصبنيش
يوسف :- لاء بقى انا عايزه اعصبك
تمارا :- بقولك ايه شكلك فاضى انا ماشيه
يوسف :- مسكها من دراعها وقال استنى هنا رايحه فين
تمارا :- اتوترت وبصت فى عيونه وبلعت ريقها بصعوبه وقالت ل.ل.لو سمحت سيب دراعى
يوسف :- بص فى عينيها وسرح شويه
تمارا :- ي.ي.يوسف سيب دراعى بقولك
يوسف :- ساب دراعها وقالت احم ا.ا.استنى ك.ك.كنت عايزك ع.ع.علشان نخلص شوية شغل
تمارا :- م.م.ماشي
يوسف وتمارا بدأوا يشتغلوا مع بعض وبعد وقت خلصوا وبصلها يوسف وقال
يوسف :- بتعب خلصنا كده اخيرآ
تمارا :- وقفت وحطت ايديها فى ضهرها وقالت بتعب انا خلاااااص مش قادره
يوسف :- بص فى ساعته وقال يااااه احنا اتأخرنا
تمارا :- بصت فى الساعه وقالت نهار فحلوقى اتأخرت
يوسف :- نهار فحلوقى
تمارا :- اه ومسكت شنتطها وقالت انا ماشيه
يوسف :- تعالى اوصلك
تمارا :- لاء بدر جاى يخدنى
يوسف :- بأستغراب بدر مين ده
تمارا :- حبيبى اللى قولتلك عليه
يوسف :- داس على أسنانه وقال حبيبك؟
تمارا :- ايوه حبيبى يلا باى وخرجت وسابته
يوسف :- اتعصب وبص من شباك المكتب لاقه واحد واقف تحت ومستنى تمارا ونزلت تمارا سلمت عليه وركبوا عربية تمارا ومشوا دخل وخبط بأيده على المكتب بعصبيه واخد تليفونه ومفاتيحه ونزل يجرى ركب عربيته ومشى بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الكافيه
وصلت تمارا ومعاها بدر ونزلوا من العربيه ودخلوا الكافيه وكانت مستنياهم يارا دخلوا قعدوا على الترابيزه
يارا :- اتأخرتوا كده ليه
بدر :- معرفش انا كنت مستنيها تحت زى ما انتى قولتى هى اللى اتأخرت
يارا :- ما تردى يا بنتى ايه اخرك كده
تمارا :-بتوتر ش.ش.شغل
يارا :- انتى مالك بتقطعى فى الكلام كده
بدر :- احمدى ربنا انا من ساعة ما شوفتها وهى منتطقتش ولا كلمه ده انا فكرتها خرساء
يارا :- أصلها متوتره منك
بدر :- متوتره منى انا ليه
يارا :- علشان عمرها ما اتكلمت مع راجل غريب
بدر :- بس انا مش راجل
تمارا :- بصت ليه بأستغراب وقالت نعم
بدر :- مقصدش انا قصدى مش راجل غريب انا زى اخوكى وبعدين انتى لما تعرفينى هتحبينى اوى
تمارا :- نعم
بدر :- هو فيه ايه انتى اللى نازل عليكى نعم نعم هو انتى لبسك عبدالحليم ولا ايه
يارا :- يا ابنى خف عليها يخربيت كده مش انا مفهماك
بدر :- ضحك وقال حاضر لاء بجد عايزك تتعاملى معايا عادى وبلاش التوتر اللى انتى فيه ده انا مش هاكلك
تمارا :- ابتسمت ليه وقالت حاضر
بدر :-بطريقه كوميديه قال طيب ما القمر بيعرف يضحك اهو يا جدعان
تمارا :- ضحكت وقالت طريقتك مضحكه اوى
يارا :- بدر اخويه دمه خفيف اوى على فكره زى العسل
بدر :- شكرآ يا حبيبتى ربنا يعسل أهلك واحد واحد يارب
تمارا :- قعدت تضحك
يارا :- المهم ندخل فى المفيد بقى
تمارا :- ايوه اتكلمى
يارا :- بدر انت هتمثل دور انك حبيبها
بدر :- وامثل ليه انا فعلا حبيتها
يارا :- بدرررررر
بدر :- خلاص خلاص كملى
يارا :- انت هتقابل جارهم وهتوصف ليه انت بتموت فيها قد ايه ومتقدرش تستغنا عنها وهتخليه يتأكد انك حبيبها بجد
بدر :- بثقه انا بلا فخر هخليه يجيب لينا المأذون كمان
يارا :- يا خوفى من الثقه الزياده دى
تمارا :- انت هتقابله مره واحده ومش هنحتاج منك اى حاجه تانى
بدر :- انت تأمر يا جميل
تمارا :- بكسوف ش.ش.شكرآ
يارا :- يا ابنى انت بتفهم بالمقلوب بقولك البت متوتره بتوترها اكتر
تمارا :- احم ل.ل.لاء عادى سبيه براحته يا يارا
بدر :- أهدى بقى اهى قالتلك سبيه براحته
تمارا :- ب.ب.بس مش براحتك اوى يعنى
يارا :- يا لهوى على الكسفه يا بسيونى
بدر :- هولع فيكى فى البيت
تمارا :- بضحك ياريت علشان ارتاح من فقرها
بدر :- بس كده عونيا
يارا :- والله
تمارا :- قعدت تضحك
بدر :- استنى بس الضحكه دى بجد
تمارا :- لاء بهزار
بدر :- اموت انا
تمارا :- بضحك لالالا اخوكى فظيع يا يارا امال انتى مش طالعه شبه ليه
يارا :- اطلع زيه ايه يا شيخه ده مجنن ماما فى البيت بطريقته دى
تمارا :- تعرفى أن بدر فيه كتير من كريم اخويه طريقته مضحكه كده برضه
بدر :- بس بقى احسن بتكثف
تمارا :- بضحك يا اختى بيضه
يارا :- بقولكم ايه متخلنيش اندم أن عرفتكم على بعض قوموا بقى عايزه اروح البيت وانام
تمارا :- يلا والتلاته واقفوا ولسه بتلف تمارا قالت بصدمه يوسف..