الفصل الثالث من رواية فتاة فى زمن قاسي للكاتبة "دودو محمد"
- للدخول إلى فهرس الرواية كاملة، حيث يوجد به جميع الحلقات أضغط هنا
 |
| فتاة فى زمن قاسي بقلم دودو محمد |
الفصل الثالث "3" رواية فتاة فى زمن قاسي لدودو محمد
ملحوظة للوصل إلى جميع فصول الرواية أكتب في جوجل (فتاة فى زمن قاسي مدونة دليل أو "deliil.com")وصلت علياء مع الشرطه القسم ودخل الظابط مكتبه وساب علياء مع العسكرى بره
العسكرى :- اترزعى هنا لحد ما الباشا ينادى عليكى««««««««««««««««««««««««««««
علياء :- قعدت فى الارض بدموع وبصت للعسكرى بكسره وقالت هو انا ممكن اعرف مين اللى بلغ عنى
العسكرى :- اخرسى خالص ومسمعش حسك
علياء :- بدموع حاضر وشويه والظابط طلب علياء علشان يحقق معاها ودخلها العسكري وقفل الباب وراه
الظابط :- اقعدى يا علياء
علياء :- قعدت بدموع وبصت لظابط بوجع وقالت والله العظيم معرفش الخاتم ده بتاع مين اقسم بالله انا عمرى ما مديت ايدى على حاجه مش بتاعتى انا بشتغل وبأكل اخواتى بالحلال انا بخاف ربنا يا باشا
الظابط :-بس الخاتم كان معاكى انتى يا علياء ازاى جه معاكى
علياء :- معرفش
الظابط :- قولى الحقيقه ومتخافيش هقف جنبك
علياء :- والله العظيم ما اخده من حد ولا أعرف جه البوك ازاى
الظابط :- ما هو ملهوش رجلين علشان يمشى لوحده ويجى عندك
علياء :- انا فقيره اه وبشتغل فى البيوت اه بس عمرى ما افكر اسرق يا باشا لو كنت عايزه الطريق ده كنت مشيت فيه من زمان ومكانش هيبقى ده حالى ولا كنت اتمرمت فى البيوت علشان قرشين اصرفهم على اخواتى
الظابط :- حس بصدق كلام علياء وصعبت عليه وقال طيب حد هيقوم ليكى محامى
علياء :- منين يا باشا هيكون معانا فلوس محامى انا معايا ربنا هو اللى قادر يظهر برأتى قصاد الكل بس اللى عايزه اعرفه بس مين اللى قال أن انا سرقت منه الخاتم
الظابط :- واحد اسمه أدم سليم الطحاوي
علياء :- بس انا معرفش حد بالاسم ده ولا عمرى شوفته هسرق منه الخاتم ده ازاى انا هتجن حضرتك ازاى معرفهوش وازاى سرقته بس
وفى الوقت ده الباب خبط ودخل العسكرى وقال إن اخو المتهمه بره ومعاه المحامى
الظابط :- دخل المحامى
العسكرى :- تمام يا فندم وخرج دخل المحامى وقفل الباب وراه
علياء :- اخويه جابك ازاى
المحامى :- استاذ مراد هو اللى جابنى معرفش مين اخو حضرتك
علياء :- بأستغراب استاذ مراد
المحامى :- بص لظابط وقال ممكن اقعد معاها لوحدينا شويه
الظابط :- اه طبعآ عن اذنكم وخرج وسابهم
المحامى :- انسه علياء احنا هنا لوحدينا ومحدش هيسمعنا ممكن تقولى ليا الحقيقه
علياء :- بأستغراب حقيقة ايه
المحامى :- سرقتى الخاتم ازاى ومن مين
علياء :- ضحكت بتريقه وقالت سرقت يعنى انت المحامى اللى مفروض جاى يدافع عنى فى قضيه انا معملتهاش وبتتهمنى أن انا عملتها اممممم اطلع بره
المحامى :- بأستغراب نعم
علياء :- غمضت عينيها بوجع وقالت بصريخ اطلع بررررررره مش عايزه حد يدافع عنى بررررره
الظابط :- فتح الباب ودخل وقال فيه ايه
المحامى :- الواضح كده أن وكيلتى عندها انهيار عصبى
علياء :- بدموع انا موكلتش حد انا وكيلى ربنا هو بس اللى عنده الحقيقه اطلع بره قولتلك
الظابط :- اتفضل أخرج
المحامى :- احم عن اذنكم وخرج من المكتب وراح عند مراد وعبد الرحمن ومروان وقال رفضت ان انا ادافع عنها
مراد :- بأستغراب رفضت طيب ليه
عبدالرحمن :- كنت متأكد انها هترفض مساعدة حد ليها اختى نفسها عزيزه اوى ومش بتقبل مساعده من اى حد
مراد :- طيب والعمل
عبدالرحمن :- مش عارف
مروان :- طيب مين اصلا اللى قدم البلاغ ده
المحامى :- مش عارفين ملحقتش حد اشوف ملف القضيه
مياده :-بدموع يعنى ايه هنفضل متكتفين كده ما تشوفوا حل
مروان:- يا انسه مياده مش فى ايدينا حاجه احنا حتى مش عارفين مين اللى عمل كده
وفى الوقت ده وصلت عربيه فخمه ونزل منها عمر
مراد :- استغرب وقال أستاذ عمر
عبدالرحمن :- مين ده
مراد :- ده صاحب الشركه اللى شغال فيها
عمر :- راح عند مراد وقال السلام عليكم
مراد :- وعليكم السلام ورحمة الله وبركاته خير حضرتك
عمر :- خير ان شاءالله انا جاى اخرج الانسه اللى جوه دى
مراد:-علياء وحضرتك تعرفها منين
عمر :- دى قصه طويله بس البنت مظلومه
عبدالرحمن :- مين حضرتك وعرفت منين أن اختى مظلومه
عمر :- ما لسه قايل ليه دى قصه طويله المهم انا جاي أخرجها من هنا
عبدالرحمن :- احنا مش تحت امرك انا عايز اعرف انت مين واختى تعرفها منين
عمر :- بص لعبدالرحمن بغيظ وبص لمراد وقال مراد انا داخل أخرجها وعرفه ازاى يتكلم بأحترام مع حد اكبر منه وسابهم ومشى
عبدالرحمن :- مين ده يا مراد
مراد :- ما قولتلك صاحب الشركه اللى شغال فيها بس الصراحه معرفش ايه علاقته باختك
عبدالرحمن :- بعصبيه تقصد ايه بعلاقته بأختى
مراد :- مقصدش حاجه طبعآ انا عارف أخلاق اختك بس معرفش يعرفها منين انا حاسس ان انا تايه
عبدالرحمن :- مش اكتر منى
عمر :- دخل وقال للعسكرى يدى الكارت لظابط ودخل العسكرى وشويه وخرج ودخل عمر المكتب وقفل الباب وراه
الظابط :- اتفضل يا عمر باشا
عمر :- قعد وحط رجل على رجل وقال شكرآ يا حضرت الظابط
علياء :- كانت بصه على الارض ودموعها نازله منها ومش مهتمه باللى بيحصل حواليها
الظابط :- علياء
علياء :- بصت ليه بدموع وقالت نعم
الظابط :- ده عمر باشا اخو أدم سليم اللى قدم البلاغ فيكى
علياء :- بصت ليه بأستغراب وقالت ولا اعرفه ولا اعرف اخوه ولا عارفه هما ليه عملوا فيا كده
عمر :- سورى بس حصل سوء فهم صغير
علياء :- سورى حصل سوء فهم ؟؟ممكن اعرفه لو سمحت
عمر :- وانتى عايزه تعرفي ليه مش اهم حاجه انك تخرجى من هنا
علياء :- وقفت وقالت عايزه اعرفه علشان سوء الفهم ده فضحنا قدام أهل الحاره كلها اللى من بكره هيخترعوا مليون قصه وقصه وكلها تشويه فى سمعتى عايزه اعرف علشان خوف اخواتى عليا ودموعهم اللى نازله منهم وهما مش فاهمين فيه ايه عايزه اعرف علشان احنا فقره واى حاجه بتتصدق علينا أننا نعملها عايزه اعرف علشان بسببكم عيشى هيتقطع فى المصنع اللى شغاله فيه والناس بعد كده هتخاف تدخلنى بيتها اشتغل فيه عايزه اعرف و افهم انتوا مين اصلا وليه عملتوا فيا كده عرفت بقى انا عايزه اعرف الأسباب ليه
عمر :- بصى كل اللى اقدر اقوله ليكى أن دى كانت لعبه من عيال ومش فاهمين هما بيعملوا ايه
علياء :- ضحكت بوجع وقالت لعبه من عيال لدرجاتى احنا بقينا رخاص اوى كده ليكم بقينا مجرد لعبه لعيالكم يلعبوا بينا ويدسوا علينا ويفضحونا علشان يلعبوا ويتبسطوا وضحكت بوجع وقالت ولاء جاى بكل برود وتقولى كانت لعبه طيب يا سيدى يارب نكون قمنا بدورنا كويس والاولاد اتبسطوا باللعب بينا وقربت منه وتفت على وشه وقالت حسبى الله ونعمه الوكيل فيكم يا شيخ
عمر :- داس على أسنانه ومسح وشه وقال لظابط خلص إجراءات خروجها
الظابط :- حضرتك أمضى هنا وهى كمان وتقدروا تمشوا
عمر :- راح مضى وبص لعلياء بغيظ وسابها ومشى
علياء :- غمضت عينيها بوجع ودموعها نزلت منها
الظابط :- أمضى هنا يا انسه
علياء :- مضت وقالت اقدر امشى
الظابط :- امشى
علياء :- خرجت من القسم واول ما ظهرت طلعت مياده وسمر يجروا عليها ويعيطوا
عبدالرحمن :- راح عندها وقال علياء انتى كويسه
علياء :- هزت راسها وقالت متقلقش عليا انا كويسه بس يا بنات اهدوا كأن مفيش حاجه حصلت
سمر :- احنا كل ده مش فاهمين ايه اللى حصل يا علياء
علياء :- ضحكة بوجع وقالت عادى احنا كنا لعبه لاولاد الأكابر وعادى انتهت بجرة قلم علشان احنا فقره
مروان :- مش فاهم
علياء :- مش هتفرق كتير لو فهمت انا تعبانه وعايزه اروح انام
عبدالرحمن :- احنا عايزين نفهم يا علياء عايزين نعرف هنرد ونقول لناس ايه لما يسألونا عن اللى حصل ده
علياء :-بدموع لما انا افهم ابقى افهمكم
مراد :- سبيوها دلوقتى ترتاح وبكره نبقى نفهم منها كل حاجه وواقفوا تاكسين وروحوا على البيت
««««««««««««««««««««««««««««
فى فيلا عمر
دخل عمر وهو متعصب اوضت ادم لاقه قاعد بيتكلم مع مريم وبيضحك شد من أيده الفون وقفل السكه وحدفه على السرير جنب ادم وقال
عمر :- وليك عين تتكلم وتحب وتضحك فى الفون بعد اللى عملتوا ده
أدم :- وقف وقال عملت ايه يعنى دول ناس يستاهلوا اللى حصل فيهم
عمر :- انت ازاى كده ها انت عارف بسببك حصلى ايه من البنت فى القسم وللاسف مقدرتش اعملها حاجه علشان معاها حق فى اللى عملته اتفضحت فى الحاره عندها بسببك علشان خاطر السنيوره بتاعتك كانت مضايقه منهم شويه انت ازاى تعمل كده البنت اتأذت بسببكم جامد ولو مكنتش جيت فى الوقت المناسب وسماعتكم وانت بتتكلم مع خطيبتك على اللى حصل ده كان زمان البنت مرميه فى الحجز مع المجرمين حرام عليك يا اخى ضيعت مستقبلها
أدم :- انا مش عارف ايه مزعلك اوى كده ما تتفلق البنت واخوتها
عمر :- يا ابنى مش كده حس بالناس شويه مش علشان انت اتولد فى قصر ومعاك فلوس كتير تدوس على الناس برجليك افهم يا ابنى ربنا خلقنا طبقات والمفروض الطبقات اللى زينا تساعد الفقره مش تدوس عليهم فوق يا آدم وبلاش افترا على الغلابه
أدم :- بعدم اقتناع اوك هفوق
عمر :- انت بتخدنى على قد عقلى صح
أدم :- خلاص يا عمر بقى عايز اكلم مريم زمانها زعلت علشان الفون اللى اتقفل فى وشها ده
عمر :- ده على اساس انك بتحبها اوى مش كل شويه مقضيها مع واحده شكل
أدم :- يا عم انا واحد بيحب التغير بزهق بسرعه وبحب اجدد
عمر :- انا قولت الخطوبه دى هتعدلك طلعت زى ما انت عديم المسؤوليه ومن بكره هكلم الناس وافسخ الخطوبه دى
أدم :- تفسخ ايه لاء طبعآ لما اقضى معاها شوية وقت
عمر :- ضربه بالقلم وقال اخرس انت عايز تصغرنى قدام الناس انا لما وافقت بالخطوبه دى وافقت فكرتك بتحب المرادى بجد علشان كده روحت خطبتها ليك بس لو اعرف نيتك كده مكنتش روحت صغرت نفسى مع الناس
أدم :- ها ابوس ايدك يا عمر سيب الخطوبه دى يمكن على رأيك يتصلح حالى واحبها بجد علشان خاطرى مش انا اخوك الصغير اللى دايمآ تقول ليه أنه ابنك وربتنى على ايدك
عمر :- وياريت التربيه نفعت معاك يا آدم ياريت انا هحاول اصلح الأمور واعوض البنت دى عن اذيتها وياريت يتصلح حالك الفتره الجايه علشان لو فضلت على حالك ده انا هحرمك من فلوسى وبص ليه بغيظ ومشى وسابه
أدم :- شوح بأيده لأخوه وقعد مسك الفون بتاعه واتصل بمريم وقال سورى يا حبيبتى الفون فصل شحن
مريم :- اوك يا حبيبى ولا يهمك بس شوفت اللى حصل
أدم :- ايه
مريم :- الزفته طلعت منها ازاى معرفش
أدم :- عارف
مريم :- عارف عرفت منين
أدم :- عمر هو اللى طلعها
مريم :- طلعها ازاى مش فاهمه
أدم :- سمعنا واحنا بنتكلم فى الفون على الخاتم وصمم يفهم الموضوع وقولتله وراح طلعها من القسم
مريم :- بغيظ اخوك ده غلس كنت عايزه افرح فيهم شويه
أدم :- افرحى يا قلبى من بكره كل الحاره هتتكلم عليها والعيار اللى ميصيبش يدوش
مريم :- اوك انا هنام بقى تصبح على خير
أدم :- وانتى من أهله يا حبى وقفل السكه معاها وضحك بلؤم وقال كلها كام يوم وتتلقحى جنب اخواتك يا حلوه وغمض عينه ونام
««««««««««««««««««««««««««««
اشرقت شمس صباح يوم جديد بنورها الساطع فى سماء القاهره لتبدء مياده بفتح عيونها بصت على الكنبه لاقت علياء قاعده على الكنبه وضمه رجليها عند صدرها وحطه راسها عليها وعماله تعيط اتنهدت بحزن وراحت عند اختها وقعدت جنبها وحطت ايديها على كتف اختها وقالت
ميادة :- مالك بس يا حبيبتى
علياء :- بدموع لاول مره يا مياده هنزل الشارع وانا عينى مكسوره وهشوف نظرة الشك فى عين كل واحد فى الحاره انا عملت ايه علشان يحصلى كل ده
مياده :- يا حبيبتى اللى يقول يقول محدش ليه عندك حاجه ربنا بس هو اللى عالم بيكى وعارف انك مظلومه محدش من العبد فى أيده حاجه ولو على كلام الناس فالناس كلها بتتكلم على الفاضى وعلى المليان
علياء :- انا كل اللى هيجنينى مين دول وليه عملوا كده
مياده :- اللى يعرف الاجابه على السؤال ده مراد
علياء :- مراد مين
مياده :- مراد ابن عم عبده
علياء :- وهو يعرف منين
مياده :- لانه يعرف الراجل اللى جه خرجك امبارح من القسم ولما عبدالرحمن سأله ده مين قال ليه أنه صاحب الشركه اللى هو شغال فيها
علياء :- بأستغراب صاحب الشركه اللى شغال فيها طيب وهو عمل فيا كده ليه ولا يعرفنى منين
مياده :- معرفش
علياء :- وقفت وقالت أنا لازم اعرف كل حاجه دلوقتى ولبست العبايه بتاعتها
مياده :- رايحه فين
علياء :- هنزل عند عم عبده اعرف من ابنه الحقيقه
مياده :- يا بنتى استنى هنا الناس لسه نايمه
علياء :- مش هقدر اصبر يا مياده هموت واعرف ليه عملوا فيا كده ليه وخرجت من الاوضه ونزلت
مياده :- اتنهدت بزعل وقالت ربنا يريح بالك يا علياء
سمر :- فتحت عيونها وقالت فيه ايه
مياده:- بصت ليها وقالت مفيش وخرجت من الاوضه دخلت الحمام
علياء :- نزلت خبطت على الباب ورنت الجرس
حكمت :- فتحت الباب وقالت علياء تعالى يا بنتى
علياء :- انا اسفه يا خالتى أن صحيتكم
حكمت :- يا بنتى احنا صاحيين من الفجر تعالى يا حبيبتى
علياء :- ممكن تنادى ليا مراد
حكمت :- فيه حاجه ولا ايه يا بنتى
علياء :- ايوه يا خالتى ناديه وهتعرفى كل حاجه
حكمت :- طيب يا بنتى ادخلى واقفلى الباب وانا هدخل اناديه
علياء :- دخلت وقفلت الباب ووقفت جنبه تستنا مراد وبعد وقت جت حكمت ومعاها مراد
مراد :-دعك فى عينه وقال خير يا انسه علياء
علياء :- ممكن اعرف مين اللى عمل كده فيا وعملوا فيا كده ليه وايه علاقتك بيهم
مراد :- وهو باصص على الأرض قال معرفش هما عملوا معاكى ليه كده
علياء :- بدموع هما مين
مراد :- اللى جه ده امبارح يبقى أستاذ عمر صاحب الشركه اللى شغال فيها ويبقى اخو عريس مريم
علياء :- برضه مفهمتش حاجه ليه عملوا معايا كده انا معرفش حد فيهم واول مره اشوف البنى ادم ده امبارح فى القسم وازاى الخاتم ده جه عندى أنا هتجن
مراد :- انا زيك يا انسه علياء عايز اعرف الحقيقه وازاى الخاتم ده وصل عندك
علياء :- ممكن تودينى الشركه اللى انت شغال فيها
مراد :- ليه
علياء :- بدموع عايزه اعرف الحقيقه علشان ارتاح
مراد :- خليكى انتى انا هعرف منه كل حاجه
علياء :- مش هقدر استنا لما انت تيجى انا منمتش طول الليل هتجن من اللى حصل ده خالتى خليه يخدنى الشركه ابوس ايدك
حكمت:- لا حولا ولا قوة الا بالله استهدى بالله يا بنتى واصبرى
علياء :- بدموع مش قادره اصبر يا خالتى انتى عارفه يعنى ايه الحكومه تيجى تخدك بليل زى الحراميه والمجرمين احساس صعب الناس كلها هتبص ليا نظره مش كويسه كل الناس اخدت فكره عنى ان انا حراميه ومحدش هيرضى يدخلنى بيته ولا يشغلنى عنده كله هيخاف منى
حكمت :- لا إله إلا الله معلش يا ابنى نفذ ليها اللى هى عايزاه
مراد :- وهو باصص على الأرض قال حاضر يا امى عن اذنكم ادخل اغير هدومى
حكمت :- روح يا ابنى وبصت لعلياء وقالت تعالى يا بنتى اقعدى
علياء :- قعدت وقالت بدموع ادعيلى يا خالتى انا تعبت من الدنيا دى
حكمت :- يا حبيبتى اصبرى ده ابتلاء من ربنا وان شاءالله هيجزيكى كل خير على صبرك ده
علياء :- بدموع ونعم بالله يا خالتى
وفى الوقت. ده خرج مراد
مراد :- انا جاهز
علياء :- وقفت وقالت يلا بينا
مراد :- فتح الباب وقال اتفضلى يا انسه علياء
علياء :- خرجت من الباب ونزلت
حكمت :- مراد
مراد :- نعم يا امى
حكمت :- خلى بالك من علياء خليك معاها
مراد :- حاضر يا امى وخرج وقفل الباب وراه ونزل وراه علياء وراحوا استنوا الاتوبيس من غير ولا كلمه وبعد وقت الاتوبيس وصل والدنيا اتزحمت حاول مراد يركب علياء من غير ما حد يلمسها وركبت علياء وهو ركب وراها وقعدت علياء على الكرسى ووقف هو وبعد وقت وصل الاتوبيس عند الشركه ونزل مراد وعلياء ولسه هيدخلوا الشركه
الامن :- مين حضرتك
مراد :- سيبها معايا
الامن :- مينفعش تدخل بشكلها ده
علياء :- صعبت عليها نفسها ودموعها نزلت منها
مراد :- مد أيده فى جيب الأمن وحط ليه فلوس
الامن :- اوك دخلها بس من وراه علشان محدش يشوفها
مراد :- شكرآ واخد علياء ودخلها من باب الجراچ وطلع فوق دخلها مكتبه وقال خليكى هنا هروح اشوف استاذ عمر وصل ولا لاء
علياء :- هزت راسها بدموع وقالت حاضر
مراد :- قفل الباب وخرج راح عند مكتب عمر وسأل عليه وصل ولا لاء
السكرتير :- لاء لسه موصلش
مراد :- طيب لما يوصل بلغنى علشان عايزه ضرورى
السكرتير :- حاضر
مراد :- راح على مكتبه وقعد وقال لسه مجاش بس اول ما يوصل هعرف
علياء :- هزت راسها وقالت م.م.ماشى
مراد :- اجبلك ايه تشربيه ولا اجبلك فطار
علياء :- شكرآ لا ده ولا ده مش عايزه حاجه
مراد :- رفع السماعه بتاعة التليفون وطلب واحد قهوه ليه وواحد ليمون لعلياء
وبعد وقت جت القهوه والليمون وقال اشربى يا انسه علياء
علياء :- مش عايزه شكرآ
مراد :- خلاص جبته ليكى اشربى الليمون علشان يهدى اعصابك
علياء :- ابتسمت ليه بوجع وقالت شكرآ واخدت الليمون وشربت منه شويه وفى الوقت التليفون رن وبلغه السكرتير أن عمر وصل حط السماعه وقال
مراد :- استاذ عمر وصل
علياء :- طيب يلا بينا
مراد :- خليكى طيب هنا لما اتكلم معاه الاول
علياء :- لاء معلش انا عايزه ادخل معاك
مراد :- اتنهد وقال ماشى اتفضلى معايا
علياء :- مشيت مع مراد وراحت عند مكتب عمر
السكرتير :- مين دى يا استاذ مراد
مراد:- جايه تقابل أستاذ عمر
السكرتير :- يعنى هو عارف
مراد :- لاء
السكرتير :- طيب ثوانى أبلغه اسمها ايه
مراد :- قولوا أن فيه واحده معايا عايزه تقابله
السكرتير :- تمام ودخل وقفل الباب وراه وبلغ السكرتير عمر وخرج وقال اتفضلوا
مراد :- اتفضلى يا انسه علياء
علياء :- وهى الدموع فى عينيها شكرآ ودخلت
مراد :- دخل وراها وقفل الباب وقال تعالى يا انسه علياء
عمر :- انتى
علياء :- بدموع ايوه انا جايه وعايزه افهم الحقيقه انتو مين وليه عملتوا كده فيا
عمر :- ما قولتلك امبارح حصل سوء فهم وخرجتك منها عايزه تعرفى ايه تانى
علياء :- سوء فهم من مين وليه انتو تعرفونى منين علشان تعملوا معايا كده ابوس ايدك فهمنى انا هتجنن والله العظيم
عمر :- اتنهد وقام وقف وقال بصى يا انسه علياء انا عارف ان اللى حصل امبارح ده تعبك نفسيآ وأنه تقريبآ كده هيكون سبب فى قطع عيشك شوفى محتاجه ايه مقابل مادى يعوضك عن اللى حصلك وانا تحت امرك
علياء :- ضحكت بوجع وقالت هو كلامكم ليه كله بالفلوس انا اخر حاجه افكر فيها هى الماده انا بس عايزه اعرف اللى حصل ليا ده ليه احنا فقره وغلابه اه بس نفسنا عزيزه اوى يا أستاذ عمر
عمر :- انا اسف مقصدش الاهانه ليكى والله انا قصدى حاجه تعوض الخساره اللى هتحصل ليكى بسببنا
علياء :- العوض على ربنا مش على البنى ادمين يا استاذ عمر ممكن بقى تفهمنى ليه حصل كل ده
عمر :- مش هقدر اقولك والله يا انسه
علياء :- ليييييييه
مراد :- أهدى يا انسه علياء
علياء :- بدموع حسبى الله ونعم الوكيل فيكم ربنا ينتقم منكم
عمر :- اتنهد بحزن وقال انا اسف ليكى يا انسه مكنتش حابب أن كل ده يحصل
علياء :- اسف هو ده اللى بنخدوه منكم تدوسوا علينا بجزمتكم وفى الاخر تقولوا اسفين انا فوض ربنا هو قادر يجيب ليا حقى منكم وخرجت تجرى من المكتب
مراد :- بص لعمر بوجع وطلع يجرى وراه علياء
عمر :- قعد على المكتب وقال ليه يا آدم تأذيها بالشكل ده ليه
مراد :- وهو بيجرى وراه علياء قال انسه علياء استنى بس
علياء :- لو سمحت سبنى لوحدى شويه
مراد :- مش هينفع لازم زى ما جبتك هنا اروحك تانى البيت
علياء :- شكرآ ليك انا اصلا مش هروح البيت اتفضل حضرتك روح شغلك
مراد :- هوصلك مكان ما انتى رايحه
علياء :- اتنهدت بدموع وقالت هروح اشوف المصنع يمكن محدش عرف حاجه عن موضوع السرقه ده
مراد :- طيب اتفضلى اوصلك مكان ما انتى رايحه وركبوا الاتوبيس وراح وصلها عند المصنع بتاعها ورجع تانى الشركه
علياء :- دخلت المصنع لاقت الكل بيبص عليها راحت عند رضوي وقالت صباح الخير
رضوي :- بزعل صباح النور يا علياء عامله ايه دلوقتى
علياء :- انتى عرفتى
رضوي :- للاسف البت نجاة جت بلغت الخبر للمصنع كله
علياء :- بدموع وطبعآ صاحب المصنع عرف
رضوي :- بدموع ايوه وقال للمشرفه تشوف حسابك ايه وتطردك
علياء :- بدموع كنت عارفه أن ده اللى هيحصل
رضوي :- هتعملى ايه دلوقتى
علياء :- اتنهدت وقالت فيه رب كريم وخبطت على كتف رضوي ومشيت تانى من المصنع وهى دموعها على خدها ومشيت فى الشارع مبقتش عارفه تروح فين لحد ما لاقت نفسها وقفه قصاد المقابر دخلت عند قبر ابوها وامها وقعدت فى الارض وقعدت تعيط وقالت انا تعبت المسؤوليه بقت كبيره اوى عليا من يوم ما انتو سبتونى فى الدنيا لوحدى مبطلتش ضرب فيا وكل قلم اقوى من اللى قابله بس المرادى كانت القاضيه انا تعبت وعايزه اروح عندكم والله العظيم تعبت وحطت راسها على القبر وقعدت تعيط وافتكرت ايام ما كانت صغيره وأبوها وامها عايشين
فلاش بااااااك
تدخل علياء وهى عندها تسع سنين الشغل عند ابوها وتقول
علياء :- بابا يا بابا
مسعد :- فيه ايه يا حبيبتى
علياء :- ماما تعبانه اوى وبتتوجع
مسعد :- تعبانه يبقى هتولد اجرى عند ام هانى الدايه وقوليلها ماما بتولد خليها تيجى بسرعه
علياء :- بفرحه هيييييا ماما هتولد وتجيب لينا بيبى صغير وطلعت تجرى بفرحه
مسعد :- ضحك وقال ربنا يجعله وش السعد والخير علينا يارب وارزقنى برزقهم وراح البيت ودخل عند مراته فى الاوضه وقعد جنبها وقال ربنا يقومك بالسلامه يا حبيبتى
ساميه :- تعبانه اوى يا مسعد مش قادره خلاص اااااه
مسعد :- اجمدى يا حبيبتى علياء راحت تجيب الدايه
ساميه :- بتعب العيل هينزل منى خلاص ومسكت أيده جامد وصرخت وقالت ااااااااه وفى الوقت ده نزل البيبى واتنهدت براحه
مسعد :-بص للبيبى بصدمه وقال انتى ولدى يا ساميه
ساميه :- وهى بتاخد نفسها ايوه لفه بحاجه لحد ما تيجى ام هانى تقطعله
مسعد :- قرب من البيبى ولفه وقال دى بنت
ساميه :- نعمه ورضا ربنا يخليهم لينا ويرزقك برزقهم يارب
مسعد :- طيب هتسميها ايه
ساميه :- سمر بحب الاسم ده اوى
مسعد :- خلاص ارتاحى يومين ونروح نكتبها انا وانتى فى الصحه
ساميه :- أن شاءالله يا حبيبى
وفى الوقت ده جت علياء ومعاها ام هانى الدايه وكملت ولادة سمر ولفتها وادتها لساميه ومشيت
علياء :- ماما انا عايزه أشيل النونو شويه
ساميه :- تعالى اقعدى جنبى يا حبيبتى
علياء :- قعدت جنب امها واخدت سمر على رجليها
ساميه :- اختك حلوه يا لولو
علياء:- اوى يا ماما هتسميها ايه
ساميه :- سمر ايه رأيك
علياء :- الله حلو اوى يا ماما وفى الوقت ده جت مياده ومعاها عبدالرحمن
مياده :- ايه ده يا ماما انتى جبتى النونو
ساميه :- ايوه يا حبيبتى اختك سمر تعالى شوفيها
مياده :- باستها وقالت الله يا ماما حلوه اوى
ساميه :- وانت يا روح ماما شوفت بقى عندك اخت صغننه ازاى
عبدالرحمن :- وحسه النونو ته
ساميه :- ليه يا بودى بتقول على اختك وحشه
عبدالرحمن :- انا مس بحبها
مسعد :- افتكر أنه معاه فى جيبه حاجه حلوه طلعها وقال بص اختك جابت ليك ايه
عبدالرحمن :- اخدها بفرحه وقال اختى مين يا بابا
مسعد :- اختك النونو جابتها معاها وهى جايه
عبدالرحمن :- هييييييا انا بحب النونو اوى عايس ابوسها
مسعد :- شاله وقربه من سمر وخلاه باسها وقال يلا بقى نسيب ماما ترتاح ونروح نعمل ليها اكل
ساميه :- خليك انت يا حبيبى انت راجع من الشغل تعبان انا هقوم اعمل الاكل انا كويسه ومفيش حاجه
مسعد :- لاء خليكى انا مش تعبان وبعدين لولو هتساعدنى صح
علياء :- بفرحه ايوه يا بابا
مسعد :- شال عبد الرحمن على كتفه ومسك ايد علياء وفى الايد التانيه مسك ايد مياده وخرج من الاوضه وقفل الباب وراه ودخلوا المطبخ وقال ها نعمل ايه بقى
علياء :- اممممم مكرونه وفراخ
مسعد :- انت تأمر يا قمرى انت بس هتساعدينى
علياء :- بفرحه اه هساعدك
مسعد :- بدء يعمل الاكل وعلياء تساعده وهى فرحانه
مياده :- بابا عبدالرحمن نام
مسعد :- بص وقال طيب هاجى ادخله اوضه وقال خلى بالك من الاكل يا حبيبتى
علياء :- حاضر يا بابا
مسعد :- شال عبدالرحمن ودخله اوضه وخرج دخل المطبخ تانى وحضر الاكل وقال روحى يا لولو صحى ماما علشان تاكل
مياده :- لاء خليكى انا هدخل اصحيها
علياء:- ماشى روحى وانا هساعد بابا هنا
مسعد :- ربنا يخليكم ليا يا حبايب بابا خدى يا لولو حطى الاطباق على الطبليه
علياء :- حاضر يا بابا وحطت الاطباق على الطبليه وحضروا الاكل وخرجت ساميه من اوضتها وقالت
ساميه :- امممم الريحه تجنن تسلم ايدك يا ابو علياء
مسعد :- بألف هنا وشفا يا قلبى اقعدى يلا انتى محتاجه غذا
ساميه :- اقعدوا يلا يا بنات وبصت حواليها وقالت فين عبدالرحمن
مسعد :- قعد على الأرض جنبها وقال نام وهو قاعد حطيته فى اوضه ولما يقوم ابقى اكله
ساميه :- ماشى كلوا يا بنات
وقعدوا ياكلوا وفى الوقت ده سمر عيطت قالت شكلها عايزه ترضع هدخل ارضعها
علياء :- خليكى يا ماما انا هجبها ليكى
ساميه :- طيب شيليها كويس اوعى تقع منك
علياء :- حاضر ودخلت شالت سمر وجابتها وادتها لامها
ساميه :- اخدتها ورضعتها وكملت اكلها والكل دخل نام بعد يوم طويل
««««««««««««««««««««««««««««
مر كذا يوم على ولادت سمر
خرجت ساميه وهى لابسه هدومها وشايله سمر وقالت
ساميه :- خلى بالك على اخوكى واختك يا علياء هنروح نكتب اختك فى الصحه ونشترى شويه حاجات للبيت وهنيجى بسرعه
علياء :- حاضر يا ماما متخافيش
ساميه :- بصت كتير لعلياء وقالت لولو انتى دلوقتى كبيره اخواتك امانه فى رقابتك يا حبيبتى حافظى عليهم وخدى بالك منهم
علياء :- يا ماما قولتلك حاضر متخافيش هاتوا لينا حاجات حلوه وانتو راجعين
ساميه :- ابتسمت ليها وقالت حاضر يا حبيبتى وحضنتها جامد وباست راسها وقالت هدخل ابص على اخواتك وهما نايمين
علياء :- ماشى يا ماما
ساميه :- دخلت باست راس مياده وعبد الرحمن وغطتهم كويس وبصت ليهم مده طويله وسمعت صوت مسعد بينادى عليها خرجت وقالت يلا يا حبيبى انا جاهزه وراحوا عند الباب وبصت ساميه لعلياء وابتسمت ليها وقالت تعالى هاتى حضن يا حبيبت ماما
علياء :- طلعت تجرى على امها وحضنتها وحضنت ابوها وقالت متتأخروش
مسعد :- ربنا يسهل خلى بالك على اخواتك وخرجوا وقفلوا الباب وراهم ونزلوا راحوا الصحه وقعدت علياء تتفرج على التليفزيون وشويه و سمعت صوت ناس بتنادى على عبده بصت من الشباك وسمعت صوت راجل بيقول الميكروباص اللى لسه طالع من الحاره اتقلب على اول الشارع وناس كتير ماتوا دخلت تتفرج على التليفزيون تانى ومحطتش فى دماغها حاجه وشويه والباب خبط ولاقتها حكمت قالت خالتى تعالى ماما وبابا بيكتبوا اختى فى الصحه وشويه وجاين
حكمت :- اتنهدت وقالت لا حولا ولا قوة الا بالله لسه صغيرين مين هيخلى باله منكم استغفرالله العظيم مفيش احن من ربنا عليكم
علياء :- بعدم فهم تعالى يا خالتى انا مش فاهمه بتقولى ايه
حكمت :- بحزن فين اخواتك يا حبيبتى
علياء :- اخواتى نايمين جوه
حكمت :- طيب تعالى معايا يا بنتى
علياء :- اسفه يا خالتى ماما مش هنا ومقدرش انزل واسيب اخواتى لوحديهم
حكمت :- يا حبيبتى انا عارفه انك لسه صغيره على الكلام ده وممكن مش هتقدرى تستوعبى الكلام اللى هقوله ليكى ده بس لازم تعرفيه
علياء :- خير يا خالتى
حكمت :- بحزن البقاء لله يا حبيبتى ماما وبابا ماتوا راحوا عند اللى خلقهم
علياء :- بعدم فهم يعنى ايه يا خالتى بابا وماما شويه وجاين
حكمت :- يا قلبى اللى بيتقطع علشانكم ماما وبابا راحوا عند ربنا الميكروباص اتقلب بيهم وماتوا
علياء :- بدموع بابا وماما راحوا عند ربنا يعنى مش هنشوفهم تانى
حكمت :- حضنتها بدموع وقالت ايوه يا حبيبتى بس انا مش هسيبكم وهبقى زى مامتكم بالظبط
علياء :- لاء انا عايزه ماما وبابا مليش دعوه ونزلت تجرى فى الشارع لحد ما راحت مكان الحادثه وشافت ناس ميته ودم مغرق الأرض وشافت حته من هدوم امها باينه من تحت الغطا طلعت تجرى عندها وقالت ماما ردى عليا رايحه فين وهتسبينى ماما انتى مش بتردى عليا ليه انتى قولتلى هترجعى تانى انتى وبابا قومى يلا تعالى معايا بلاش تروحى عند ربنا قومى يا ماما ردى عليا انتى مش عايزه تردى عليا ليه انتى زعلانه منى فى حاجه طيب انا اسفه وعيطت وقالت ردى عليا بقى يا ماما
عبده :- لا حولا ولا قوة الا بالله تعالى يا بنتى
علياء :- لاء انا عايزه ماما وبابا يجوا معايا يا ماما قومى بقى ردى عليا
عبده :- يا بنتى ماما وبابا راحوا عند ربنا خلاص
علياء :- لاء مش عايزاهم يروحوا عند ربنا انا عايزاهم يروحوا معايا البيت خليهم يرودوا عليا يا عم عبده
عبده :- يا حبيبتى أهدى خلاص مينفعش يردوا عليكى وفى الوقت ده جه واحد وقال فيه عيله صغيره لسه عايشه دى تبع مين دى يا عم عبده
علياء :- قامت تجرى من الأرض وشدتها منه وقالت دى اختى سمر ابعد عنها
عبده :- بص للراجل وقال اختها سيبها وروح انت
علياء :- قعدت فى الارض وقالت ماما قومى رضعى سمر جعانه وبتعيط طيب لو زعلانه منى ومخصمانى علشان نزلت الشارع من غير ما اقولك اسفه طيب قومى من غير ما تردى عليا
عبده :- بحزن تعالى يا بنتى معايا
علياء :- لاء انا مش همشى من هنا غير لما ماما وبابا يجوا معايا
عبده :- يا بنتى امشى معايا ومسك ايديها
علياء :- مدت ايديها وهى بتعيط اتجاه امها وأبوها وقالت ماما انا عايزه ماما يا باباااااا رد عليا طيب
عبده :- اخدها معاه البيت وقال حكمت يا حكمت
حكمت :- ايوه يا عبده
عبده :- بحزن قلبى بيتقطع على العيال دى لسه صغيرين خدى خليهم معاكى لحد ما نشوف ليهم أهل
حكمت :- خليهم اربيهم مع مراد ومهند ومريم
عبده :- مش من حقنا لازم حد من اهلهم هما اللى يخدوهم لأنهم قصر
حكمت :- واحنا هنعرف اهلهم منين
عبده :- من عنوان بطاقة مسعد خدى العيال بس اكليهم واعملى رضعه للبنت الصغيره دى
حكمت :- يا قلب امك يا بنتى لسه عندها ايام ربنا يصبرهم على فراق امهم وابوهم تعالى يا بنتى
علياء :- كانت ماسكه اختها ومش راضيه تديها لحد وعماله تعيط
حكمت :- عملت رضعه لسمر وقالت هاتى اختك ارضعها يا حبيبتى
علياء :- مسكت اختها جامد وقالت لاء محدش هياخدها منى
حكمت :- يا حبيبتى اختك بتعيط علشان جعانه
علياء :- هاتى انا ارضعها
حكمت :- مش هتعرفى
علياء :- لاء هعرف واخدت الرضعه منها ورضعتها لأختها وبعد وقت اندفن مسعد وساميه وعرف عبده يوصل لاهل مسعد بس رفضوا يخدوا العيال وكذالك أهل ساميه وانتهت ايام العزا
حكمت :- وايه العمل دلوقتى يا عبده
عبده :- مش عارف والله يا حكمت
حكمت :- خلاص خليهم عايشين معانا وخلاص
عبده :- يا حبيبتى انا مش معترض بس بصى لقدام دول تلت بنات وولد واحنا معانا ولدين وبنت يعنى لما يكبروا ويبقوا شباب مش هينفع يعيشوا مع بعض لان هما بنات واحنا هيبقى معانا شباب والعكس هيبقى معاهم شاب واحنا عندنا بنت يعنى انا ببص على المستقبل
حكمت :- طيب هنعمل ايه
عبده :- بصى احنا نراعيهم وهما صغيرين لحد ما يعتمدوا على نفسهم وبعد كده هما مع نفسهم
حكمت :- ماشى يا اخويه اللى تشوفه
عبده :- والبنت الصغيره ده هاتيها دى لسه ملهاش اسبوع فى الدنيا وعلياء لسه صغيره مش هتعرف تخلى بالها منها
حكمت :- مش راضيه تديها لحد
عبده :- خلاص خليها معاها بس خدى بالك منها وراعيها
حكمت :- حاضر
ومرت كذا سنه على مراعية حكمت للاولاد وكبرت شويه علياء
علياء :- خبطت على باب عبده
عبده :- فتح وقال تعالى يا بنتى
علياء :-دخلت وقالت كنت عايزه اكلمك فى موضوع
عبده :- اقعدى يا بنتى
علياء :- قعدت وقالت عم عبده انا هسيب المدرسه
عبده :- بصدمه ليه يا بنتى احنا قصرنا معاكم فى حاجه
علياء :- لاء خالص والله بس كفايه لحد كده انا كبرت واقدر اعتمد على نفسى واصرف على اخواتى
عبده :- يا بنتى مينفعش
علياء :- علشان خاطرى يا عم عبده انا هنزل اشوف شغل من بكره
عبده :- مين هيشغل عيله فى سنك بس استهدى بالله يا بنتى وشيلى الموضوع ده من دماغك
علياء :- علشان خاطرى يا عم عبده متخلنيش اخد اخواتى وامشى من الحاره خالص
عبده :- اتنهد وقال ماشى بس هتشتغلى ايه
علياء :- اى حاجه انشالله خدامه فى البيوت
عبده :- لا حولا ولا قوة الا بالله اللى يريحك يا حبيبتى
علياء :- وقفت وقالت شكرآ يا عم عبده عن اذنك وخرجت وسابته
عبده :- اتنهد ودخل عند حكمت
حكمت :- مين يا عبده
عبده:- دى علياء جايه تبلغنى أنها هتسيب المدرسه وتشتغل علشان تصرف على اخواتها
حكمت :- ليه بس
عبده :- مصممه اعمل ايه
حكمت :- طيب هتشتغل ايه بسنها الصغير ده
عبده :- بتقول هتشتغل انشالله خدامه
حكمت :- إذا كان كده ماشى هاتها تساعدنى فى البيت واديها اللى فيه النصيب
عبده :- ماشى هقولها واشتغلت علياء خدامه عند حكمت وبقت تخدم فى بيوت كتير وتصرف على اخواتها ولما كبرت شويه جت ليها شغلانة المصنع نزلت اشتغلت فيه وبقت تشتغل خدامه بعد ما تروح من المصنع ومع الوقت مبقاش مع علياء حق ايجار الشقه وطردهم صاحب البيت واخدهم عبده وقعدهم فى شقه على السطح وكبروا على كده
««««««««««««««««««««««««««««
بااااااك
فاقت علياء على ايد على كتفها بصت لفوق وقالت
علياء:- ....
- قراءة الفصل الرابع من رواية فتاة فى زمن قاسي أضغط هنا