رواية التزامي سبب نجاتي بقلم سعود الفصل التاسع 9 عبر مدونة دليل الروايات (pdf)
ملحوظة: الرواية كاملة أكتب في جوجل "التزامي سبب نجاتي دليل" أو أدخل على "Deliil.com" مباشرة.
التزامي سبب نجاتي الفصل التاسع 9 بقلم سعود نصر الدين
تصل الطائره مطار قطر وتنزل منها عبير مرتبكه وتنظر حولها ثم الي خارج المطار وتنظر حولها علي الشوارع وما بها من مناظر جميله
عبير.بسم الله ماشاء الله
سائق تاكس.تاكس يامدام تاكس
عبير.اه لو سمحت عاوزه اروح العنوان اللي في الورقه دي
السائق.اتفضلي
تركب السياره عبير ويتحرك بها التاكس ناظره من الشباك علي الابراج بقطر والشوارع الجميله وتهدا في نفسها سارحه في الشوارع
السائق.حمدالله علي السلامه
عبير.فين حضرتك
السائق.العماره اهي يامدام ذي ممكتوب بالظبط في الورقه
عبير.متشكره جدا عاوز كام
السائق.عشرون درهما
عبير.اتفضل بارك الله فيك
ثم تنظر الي العماره لتلتقي ببواب اسفلها
عبير.لو سمحت مدام كريمه الشقه رقم كام
البواب.الدور الثاني شقه رقم اربعه
عبير.متشكره
تركب الاسانسير بصحبة البواب.سبحان الذي سخر لنا هذا وما كنا له مقرنين
البواب.اتفضلي...ثم يرن البواب الجرس وتفتح اليه مدام كريمه
كريمه.ايوه
البواب.المدام عاوزه حضرتك ياهانم
كريمه.اي خدمه
عبير.السلام عليكم ورحمة الله وبركاته
كريمه.وعليكم السلام ورحمة الله
عبير.انا عبير اللي كلمتك عنها مدام مديحه
كريمه مبتسمه.اهلا اهلا حمدالله علي السلامه اتفضلي..خلاص روح انت
البواب يذهب وتدخل عبير الشقه وتغلق كريمه الباب خلفها
كريمه.اتفضلي
عبير مرتبكه تنظر حولها
كريمه.من هنا اتفضلي انتي من ريحة الحبايب
عبير.جزاكي الله خيرا
كريمه.اللهم امين احنا وياكي طمنيني عليكي عامله ايه
عبير.الحمدلله بخير
كريمه.اول مره تيجي قطر صح
عبير.ايوه وبسم الله ماشاء الله جميله
كريمه.عارفه انا من القاهره بس جيت هنا من فتره كبيره وبقا ليا شغلي وكمان ابو محمد جوزي بيشتغل هنا وببنزل كل فين وفين وربنا كرمنا بمحمد دلوقتي 12 سنه وعندي ريم 16 بس حاليا في الشقه التانيه ابو محمد هو والاولاد علشان تاخدي راحتك
عبير.مفيش داعي لكل دا انا ممكن انزل في اي مكان
كريمه.عيب يابنتي تقولي كدا وانا موجوده هي مديحه متكلمتش عني ولا ايه
عبير.يعلم ربنا شكرت فيكي اد ايه
كريمه.خلاص بقا وكلها يومين وفيه شقه هتفضي هنا في العماره تنزلي فيها وتبقي قريبه مننا
عبير.ربنا يبارك فيكي
كريمه.انا هسيبك ترتاحي دلوقتي وبعدين نتكلم اوضتك اهي وراكي البيت بيتك انا موجوده معاكي هسيبك انا اروح الشغل وبعدين نتكلم
عبير.ماشي
كريمه.سلام ياحبيبتي
تخرج كريمه وتغلق وراءها الباب تقوم من مجلسها عبير وترفع نقابها ثم تذهب الي الحمام للوضوء لصلاة بعض الفروض
رواية التزامي سبب نجاتي
يرجع محسن الي المنزل
اسماء.كان لازم تخرج يعني
محسن.منا كويس اهو
اسماء.كويس فين
ريهام.كدا يامحسن تخرج وانت تعبان كدا
محسن.صباح الخير ياماما معلش زهقت من البيت
ريهام.طيب تشد نفسك شويه وتخرج براحتك
محسن.ان شاءالله
ريهام.مالك حزين كدا ليه
محسن.لا مفيش حاجه
اسماء.امممم انا فهمت
محسن.فهمتي ايه
اسماء.اكيد روحت تدور علي البنت اللي كلمتني عنها
محسن.حاجه ذي كدا
ريهام.بنت مين
اسماء.دي بنت ياماما واضح ان ابنك بيحبها
محسن.مبقتش تفرق
اسماء.لو ليك نصيب تقابلها هتقابلها بصو انا عندي فكره كويسه
ريهام.فكرة ايه
اسماء.اما يخف شويه محسن تيجي ياماما انتي وهو قطر تغيرو جو ايه رايكم
ريهام.فكره حلوه ايه رايك يامحسن
محسن.مش وقته
ريهام.ليه ياحبيبي حتي انت بتحب السفر
محسن.بعدين ياماما بعدين
ريهام.علشان خاطري
محسن.اخف وربنا يسهلها
اسماء.الجو هناك تخفه يامحسن هيعجبك اوي
محسن.انا فكرت اسافر خصوصا اني زهقت من كل حاجه هنا بس اللي مخليني دلوقتي متراجع سبب قوي جدا
اسماء.كدا كدا انت هتغير جو وتيجي يعني مش هتستقر هناك انا عارفاك خلاص تيجي معانا وترجع لنفس السبب اللي مكنتش عاوز تسافر علشانه
محسن.انا هقوم ارتاح ونتكلم في الموضوع ده تاني
اسماء.ماشي ياحبيبي خلي بالك من نفسك
ريهام.مين البنت دي وايه السبب ده
اسماء.اللي فهمته ياماما ان محسن ظلم بنت اوي وكسرها وهي فاهمه غلط مع ان ربنا انتقم من اللي ظلموها بس هو بيدور عليها علشان يعرفها ويوضحلها كل حاجه وبيدور عليها
ريهام.اه فهمت ان شاء الله يلاقيها بس فكره كويسه اللي قولتيلي عليها دي
كريمه ترجع من عملها وتفتح باب الشقه وتدخل وتري عبير نائمه بنفس ثيابها ونقابها بالغرفه وتدخل الي غرفتها لتغير ثيابها وبعد ذالك الي المطبخ تحضر الغداء وتتذكر مديحه وتمسك هاتفها لترن عليها
بقلم سعود نصر الدين
كريمه.الو
مديحه.عامله ايه
كريمه.الحمدلله بخير انتي اخبارك ايه
مديحه.بخير الحمدلله واخبار عبير ايه طمنيني عليها
كريمه.كويسه الحمدلله هي وصلت من ساعتين ونايمه شويه واصحيها تتغدا وتكلمك
مديحه.تسلمي ياحبيبتي مستنيه تليفونك
كريمه.ماشي يلا في رعاية الله
ثم تتصل علي مديرة المدرسه اللتي تشتغل بها اللتي هي تكون اخت محسن
كريمه.السلام عليكم اذي حضرتك يامدام اسماء
اسماء.الحمدلله بخير
كريمه.معلش انا عارفه انك في القاهره بس البنت الجديده وصلت اللي هي بتدرس مادة القران
اسماء.هي منين
كريمه.من القاهره
اسماء.كويس اهم حاجه تكون بنت كويسه
كريمه.متقلقيش وانا متاكده هتبسطك جدا
اسماء.خلاص ممكن تروح بكره المدرسه وسيبي ورقها بعدين لما انزل قدميها للوكيل في المدرسه وبلغيه ان مدام اسماء عينتها بس هتمضي عقدها لما ترجع من القاهره
كريمه.تمام حضرتك متشكره اوي
اسماء.وانا معايا شوية ظروف مع اخويا وان شاء الله مش هطول
كريمه.ربنا ييسرلك الحال يارب وترجعيلنا بالف سلامه
اسماء.متشكره اوي في رعاية الله
كريمه.في حفظ الله
ريهام.مين دي ياسماء
اسماء.دي كريمه مشرفة المدرسه بتاعتي في قطر بتبلغني ان البنت اللي هتدرس القران وصلت
ريهام.اه ربنا يوفقك
اسماء.اللهم امين
محسن جالسا بغرفته يفكر اين يبحث عنها وكيف يجدها ومن ناحية اخري يفكر بالسفر حتي ينسي الحادث وماقبله مع عبير
تدخل اسماء.بتفكر في ايه
محسن.انا هسافر معاكي
اسماء بابتسامه بجد
ريهام.ايه رايكم الاسبوع الجاي
محسن.اوك الاسبوع الجاي
اسماء.لكن ايه القرار المفاجئ ده
محسن.ابدا بس حسيت اني مخنوق هنا وفعلا محتاج تغيير جو
ريهام.كويس اوي خلاص علي الاحد كدا تمام
محسن.تمام
كريمه تقترب بهدوء من عبير.عبير عبير
عبير مفزعه ويديها علي النقاب
كريمه.مالك الف سلامه متاسف مش قصدي اخضك
عبير.لالا ابدا ولا يهمك
كريمه.ليه نمتي بهدومك
عبير.لا كنت تعبانه صليت وكتت بقراء قران بس الظاهر نمت من غير معرف
كريمه.طيب قومي الغدا جاهز وعلي فكره بكره هتروحي المدرسه علشان تتعودي عليها علي مدام اسماء متوصل بالسلامه
عبير.ليه هي فين
كريمه.في مصر عندها ظروف وهتيجي
عبير.ربنا معاها ويوفقها لما تحب وترضاه
كريمه.امين يارب