رواية عريس لأختي كاملة حكاية جديدة بقلم الكاتبة كوكي سامح
قصة عريس لأختي
سمعت اققرب صاحبه ليه بتقول لأختها اتجوزى بدل ما تعنسى وفى وقتها افتكرت عملتى السوده انا اللى حكمت على اختى تعيش تعيسه طول عمرها وانا كمان وكله بسبب الطمع والخوف من كلمه عانس ومن أب ميعرفش يعنى ايه يحافظ على كرامه مراته وبسبب كده انا غلط ياريت تسمعوا حكايتنا وتحكموا بنفسكم وكل ده بسبب عاوزه عريس لأختى بدل ما تعنس؟
.. انا دعاء عندى 35 سنه متجوزه وعندى بنتين وقبل لما اتجوز طبعا كنت عايشه مع بابا وماما وكان ليه اختين هند وهيام وكانت هند اختى اكبر منى واتجوزت بعد ما عدت ال 30 سنه اما هيام كانت جميله وعايقه بتحب اللبس والميك اب غيرى خالص انا كنت مخلصه تجاره وبشتغل فى شركه محاسبه وكنت من البيت للشغل ومن الشغل للبيت والكل
يشهد بأخلاقى إنما الحلو ميكملش بابا كان كل يوم يضرب ماما وهى كانت ضعيفه جدا عمرها حتى ما رددت عليه وكان بتاع ستات كل يوم والتانى يعرف واحده عليها وهى يا حرام كانت عايشه علشانى انا واخواتى البنات بس ربت فينا ان لما نتجوز ندور على راجل يكون ضعيف الشخصيه او بمعنى أصح كلمتنا تمشى عليه من كتر اللى هى شافته مع بابا ونسيت اقولكم انا ليه صاحبه عمرى داليا وكانت متربيه معايا وبحكم انها كمان جارتى فكونت على طول فى بيتهم اكل وشرب وفسح وخروج ومع الوقت انا خلاص كنت تميت ال 30 سنه وخوفت من العنس وبصراحه انا فى بيتهم
مشفتش غير كل خير اب بيعامل مراته احسن معامله لدرجه كنت بغير منهم لأنهم عكس بيتنا تماما المهم وانا مقدرتش ده😭 كان ليها اخوها احمد وهو كان أكبر منى بسنتين بصراحه انا عمرى ما فكرت فيه بس لما وصلت ال 30 سنه افتكرت كلام ماما خودى راجل تمشى كلمتك عليه وهو كان من النوع ده ضعيف الشخصيه وقولت هو ده اللى هينفعنى عالاقل مش هيعمل زى بابا لأنى انا قعدت فى بيتهم كتير وشوفت معامله باباه لمامته وكان بيعاملها وكأنها ملكه وفعلا رسمت عليه ووقعته فى شباكى واتخطبنا وصاحبتى داليا
كانت فرحانه اوى بخطوبتى لأخوها وفى يوم احمد وده كان يوم عيد ميلادى وكنا قاعدين مع بعض قالى فى عريس متقدم لأخته ليلى وكانت من سن اختى هيام وانا فرحت فى الاول ولما سألته مين بصراحه انبهرت لأنه واحد جارنا ومقتدر جداً وكان اسمه محمد وكمان تنك وعمره ما بص لأى بنت فى منطقتنا ولما العيد ميلاد خلص وهو قام ومشى فكرت ليه محمد ده ميكونش من نصيب اختى هيام على الاقل هى أولى بيه محمد كان عنده مكتب عقارات فى عماره جمبنا وخليت اختى تاخد رقمه من على اليفطه اللى كانت على باب العماره وفعلا ابتدت تكلمه بشخصيه وهميه لفتره
بقلم كوكي سامح
ولما سألها انتى مين قالت انا جارتك هيام وكنت بحبك بس اتكسفت اقولك وفرح اوى وبقت كل يوم والتانى تعدى من قصاد المكتب لحد لما اتعلق بيها وحبها وأصبح ما بينهم كل يوم مكالمات وخروج واتعلق بيها اوى😍 وفى يوم لقيت خطيبى احمد جاى عندنا وزعلان اوى بسأله مالك قالى بابا بيكلم ابوه عريس اختى إللى قولتلك عليه علشان يجى يتقدم رد وقاله انا اسف ابنى اختار هيام اختك انتى ويلا مش غريبه زيدنا فى دقيقنا ما انتم نسايب ابنك واخد اختها الكبيره وبصراحه بابا وماما كانت مفاجأه بالنسبه ليهم واتحرجوا جدا وانا بقى عملت نفسى ملاك ومش عارفه حاجه وروحت قايله معقول عاوز هيام اختى والله ما اعرف بس ده نصيب وقام ومشى وهو حزين ع اخته ليلى وفعلا اختى هيام اتخطبت ل محمد وكانوا فرحانين اوى وعيله خطيبى كانوا بيموتوا من الغيره ان هو اختار اخته وبعد فتره خطيبى سابنى بسبب الموضوع ده وانا اضايقت جداً بس هو مقالش السبب 😁 بس انا كنت عارفه ان اهله زعلانين من خطوبه اختى للشاب اللى كان متقدم لأخته
واختى اتجوزت محمد وانا حاولت ارجع لخطيبى وفعلا فضلت العب عليه لحد ما رجع ليه واتجوزنا وياريتنى ما اتجوزت ومن اول ما دخلت البيت حماتى وحمايا وحتى صاحبتى داليا عشره عمرى ابتدوا يعاملونى اسوء معامله لدرجه لما حملت الحمل الأول كانت بنت ولأن جوزى كان وحيد ع اخواته البنات حماتى وحمايا وصاحبتى واخواته رفضوا يحضروا ولادتى وحتى السبوع وكل ده بسبب ان اختى اتجوزت إللى كان متقدم لأختهم وبرضه بعدها بفتره حملت تانى وقولت اجيب الولد احمد قالى لو بنت انا نفسى مش هحضر الولاده وكانت البنت التانيه وفعلا محضرش لا هو ولا اهله وغير المعامله السيئه اللى بشوفها معاهم اما اختى ف محمد بقى يعاملها معامله وحشه اوى وده لان
مامته كانت عاوزه اخته تقعد معاها تخدمها لأنها مريضه بس اختى مش واخده ع كده ورفضت ولما حملت محدش حضر ولادتها وكانت لوحدها ومحمد غضب عليها وحرمها عليه لعدم طاعته ولأنها عاملت امه وحش وهى مريضه ورغم جمالها حتى مش بيجى جمبها اما اخت جوزى ليلى ربنا اردا ليها زوج صالح وبرضه جارنا وراجل الكل يشهد بيه محترم وأخلاق ومال وعايشه فى سعاده تحسد عليها ودلوقتى بقول ياريت اللى جرى ما كان انا واختى عايشين وكأننا مش متجوزين فى تعاسه والايام زى بعضها إنما ليلى متهنيه اخر هنا..
فعلا انا واختى خسرنا علشان كسرنا خاطر بنى ادمه كانت فرحانه بعريسها وانها تتخطب وخدناه منها بس عوض ربنا ليها كان كبير إنما أنا واختى ربنا كان عقابه لينا شديد أصعب شئ لما تكونى جميله وجوزك ميبصش فى وشك وكمان مش راضين لا بيكى ولا بولادك
ووقتها قولت لنفسى ياريتنى اتربيت على الرضا بالمقسوم لأنى انا واختى مكناش نعرف ايه هو الرضا..
قصة مكتملة
- نرشح لك أيضًا قصة بحب أبن عمي أضغط هنا لقرأتها