نوفيلا سمراء "الجزء الثاني" الفصل الأول - نورهان نصار

نوفيلا سمراء الجزء الثاني 2 كامل بقلم الكاتبة نورهان نصار جميع الفصول من الفصل الأول إلى الفصل الأخير

• ملحوظة: الرواية كاملة أبحث في جوجل "نوفيلا سمراء دليل الروايات"

نوفيلا سمراء الجزء الثاني 2  الفصل الأول بقلم نورهان نصار

في بيت فهد:

فهد بحده: أنت بتقول ايه؟؟

رياض بخوف:ده اللي حصل و الله يا باشا...و اول ما فوقت ملقتهاش في العربيه....

فهد بجنون:يعني ايه اللي حصل ده!!!

الباب خبط...و رياض فتح الباب و كان سامر..

سامر بمرح:ازيك ياا...

و سكت لما لقي رياض مضروب...

سامر بجديه:فيه ايه؟!

و دخل لقي فهد قاعد و باين أنه علي أخره..

سامر بقلق:فيه ايه يا فهد؟

فهد:لؤلؤه اتخطفت يا سامر!!!

سامر بعدم فهم:لؤلؤه مين يا فهد؟

--

لؤلؤه ماشيه و عيونها متغميه بقماشه سوداء و فاروق ماسكها و محسن وراهم....

لؤلؤه بخوف:حرام عليكم..انتوا عاوزين مني ايه!!

فاروق بجديه:ما تتكتمي بقي يا بت أنتي جبتيلنا صداع...

و وقفوا...و فاروق سابها عشان يفتح الباب...

لؤلؤه ببكاء:و الله حرام عليكم...

فتح فاروق الباب و زق لؤلؤه و قفله بسرعه...و هي اول ما سابها رجعت لورا و شالت القماشه من علي عيونها...و بقت تبص حواليها بخوف...

لؤلؤه بخوف: أنا..أنا فين؟

و جرت علي الباب و بقت تحاول تفتح فيه...بس الباب مقفول من بره بالمفتاح...

لؤلؤه بتخبط علي الباب و بصوت عالي:افتحوا...حرام عليكم...

و بقت تعيط..

--

سامر بجديه:و هتقول ايه دلوقتي لأهلها يا فهد..

فهد بتفكير:مش عارف...

سامر:أنت غلطان في ده يا فهد...

فهد بحده:سامر...بالله عليك..أنا مش ناقص اللي فيا مكفيني..

سامر بصوت عالي:هو أنت تغلط و لما تطربق علي دماغك تقول كده...البنت دي نزلت من بيتها و كانت جيالك و انت باعتلها حد تبعك..

فهد بجديه و صوت عالي:ما تتعدل في كلامك هو أنا جايبها لحاجه شمال...

سامر بسخريه:ده علي أساس أن أهلها عارفين أنها بتشتغل معاك..

فهد بصراخ:ممكن تسكت عشان أشوف ههبب ايه!!!!

سامر اتنهد و بغيظ: مفيش فايده..

--

كانت قاعده ورا الباب علي الأرض و بتعيط..

لؤلؤه لنفسها بخوف:مين الناس دي..و عاوزين مني ايه..

و بدعاء:يارب نجيني منهم و من شرهم...

و قامت لؤلؤه من علي الأرض و بقت تدور في المكان علي أي حاجه تقدر تخرج بيها..و بتتحرك بحذر تحسباً لوجود حد...خلصت المكان كله و اللي كان بيت عادي جدا..و لقت سلم...طلعت لؤلؤه عليه بالراحه..و لقت دور تاني من البيت...و فيه تكمله كمان...لدور فوقيه...دخلت لؤلؤه الدور التاني...و كان عباره عن ٣ أوض...

دخلت أول أوضه منهم..و كانت أوضه نوم كبيره...و لقت علي السرير تليفون...جرت عليه بسرعه و مسكته و كتبت رقم فهد و اتصلت...بس مكانش فيه رصيد في التليفون...رمته لؤلؤه بقله حيله و قعدت بخيبه أمل علي السرير و حطت رأسها بين ايديها و بقت تعيط....

و فضلت كده شويه و سكتت فجأه...

لؤلؤه لنفسها:ليه هو!! ليه رقمه!!

و بخوف:تاني يا لؤلؤه عاوزه تجرحي نفسك تاني!!

و سمعت صوت التليفون بيرن...مسكته بسرعه و ردت..

لؤلؤه: مين!!!

الطرف التاني:دلوقتي هتلاقي ناس عندك جابولك أكل...و عندك لبس ليكي في دولاب الأوضه اللي أنتي فيها دلوقتي...

و سمعت صوت الباب تحت بيتقفل

لؤلؤه بتوتر و خوف: أنت..أنت مين...

الطرف التاني:هما دلوقتي خرجوا..انزلي أفطري و وقت الغدا أكلك هيجيلك برضه..و ارتاحي...

و اتقفلت السكه .

لؤلؤه بقله حيله سابت الفون...و قامت نزلت لتحت بخوف....

لقت فعلا كل اللي قاله حصل...و محطوط في المطبخ أكل هي بتحبه....

لؤلؤه بتوتر:مين ده!!!!!

--

في بيت أدهم:

أدهم بعدم فهم:يا ابني انا مش فاهم حاجه..اهدي بس و بطل زعيق و فهمني...

سامر بحده: الأستاذ فهد مشغل بنت معاه من غير ما أهلها يعرفوا..و النهارده الصبح اتخطفت...

أدهم بعدم تصديق:نعم!!و فهد يعمل كده ليه...

سامر قعد و بنرفزه:معرفش يا أدهم معرفش...

أدهم قام وقف و أخد مفاتيحه:طب قوم يلا نروحله...

سامر بجديه:انا لسه جاي من عنده و لو شوفته ادامي هقتله..

أدهم بجديه:يا ابني ما تيجي نشوف حل معاه..مينفعش نسيبه كده....

سامر قام وقف:ماشي أمر لله...

أدهم:يلا بينا...

--

لؤلؤه لنفسها:بس عرف منين أني كنت موجوده في الأوضه اللي فوق..

و بتذكر: ايه حوار الهدوم دي كمان...

و طلعت علي الدور التاني و دخلت الأوضه و فتحت لؤلؤه الدولاب..لقت هدوم كتير ليها..و بالألوان اللي بتحبها...و الاستايلات كمان اللي بتحبها و بتليق عليها...

لؤلؤه بتوتر:ايه ده....ده كل الحاجات اللي أنا بحبها..

و خرجت لؤلؤه من الأوضه عشان تشوف تشوف باقي البيت...و فتحت الأوضه اللي ادام أوضتها..

لؤلؤه بذهول:ايه ده!!!!!!؟

و دخلت الأوضه و الأوضه كلها أرفف وراها مرايات و مليانه هدوم و فساتين...و فيه جدار كامل عباره عن جزم و شنط...

لؤلؤه بعدم تصديق:دي شنطه ديور!!!!

و جرت بسرعه علي الشنطه عشان تتأكد...و حطتها تاني مكانها...

و في نص الأوضه ترابيزه كبيره مدوره او زي ما لؤلؤه كانت مفكره..بس لما قربت لقت أنها مش مجرد ترابيزه..لا تحت الازاز بتاعها فيه مجوهرات و الماظ...

و بتشد اللوح ده من تحت زي اي درج...

لؤلؤه بخوف:ايه ده!!ايه الحاجات دي كلها!!!

و فتحت الترابيزه من تحت و لقت فعلا أن الحاجه الماظ حقيقي و دهب حقيقي...

لؤلؤه بخوف:يا نهار مش فايت..مين اللي جايب الحاجه دي كلها...مين ده...

و قفلت الترابيزه تاني و خرجت بسرعه من الأوضه.

--

أدهم بجديه: أيوا يا فهد بس أهلها لازم يعرفوا..

فهد:ده علي أساس أنهم لسه معرفوش!!انت شايف الساعه كام...احنا بقينا بليل...

أدهم:أيوا بس لازم تعرفهم يا فهد..

فهد بقله حيله:حاضر يا أدهم...

سامر بغيظ:اخيرا يا أخي أقتنعت...

فهد بحده:أنت تسكت خالص...

--

في بيت لؤلؤه:

سحر بقلق:لؤلؤه اتأخرت اوي... المفروض تكون هنا من ٣ ساعات... أنا لازم اكلم أحمد...

و قامت دخلت أوضتها هي و أحمد..و أخدت تليفونها عشان تكلمه..و رد...

أحمد:الو يا سحر...

سحر بقلق: أيوه يا أحمد..لؤلؤه لسه مرجعتش لحد دلوقتي..

أحمد بقلق:طب ما اتصلتيش عليها ليه.. اقفلي و أنا هكلمها...

سحر:مش بترد يا أحمد مش بترد..و أنا مش عارفه أعمل ايه...

أحمد بقلق:اقفلي يا سحر اقفلي...

---

الوقت عدي نص الليل...و في القسم:

أحمد:يعني ايه اللي حضرتك بتقوله ده؟

الظابط:يعني حضرتك مش هقدر أعمل بلاغ عن اختفاء بنت حضرتك إلا بعد مرور تمانيه و أربعين ساعه...

أحمد بصوت عالي:ايه اللي أنت بتقوله ده.. ده لو البنت لسه كويسه بعد اليومين دول يكون جرالها حاجه و منقدرش نوصلها...

الظابط بقله حيله:ده القانون يا فندم..و منقدرش نغيره..يعدي بأذن الله ٤٨ ساعه و نعمل بلاغ..اتفضل...

خرج أحمد من مكتب الظابط بقله حيله..و هو مش عارف يعمل ايه..خرج و ركب عربيته...

أحمد بتوهان: هتعمل ايه يا أحمد!!!!!!

---

تاني يوم الصبح:

كانت لؤلؤه نايمه و فتحت عيونها و لقت حد ادامها...اتفزعت من نومها و قامت و بخضه: أنت مين!!!

عدي رفع ايديه بيحاول يطمن لؤلؤه: متخافيش متخافيش أنا عدي....

لؤلؤه بخوف:ع..عدي مين...

عدي بهدوء:طب ممكن تهدي الأول كده..هدخلك أجيبلك مايه...

و مشي عدي...و لؤلؤه كانت خايفه جدا و جرت بسرعه علي الباب....بس لقته مقفول...

عدي من وراها بهدوء:مش مفتوح..تعالي اشربي..

و حط الكوبايه علي الترابيزه..

و بتساؤل:ليه نمتي هنا علي الكنبه...ما البيت عندك واسع و مليان أوض أهو..

لؤلؤه بخوف:أنت.. أنت عاوز مني ايه؟!!

عدي اتنهد:طب ممكن تطلعي تاخدي شاور الأول و تغيري كده..و نفطر سوا...

لؤلؤه بشجاعه و جديه: أنا مش عاوزه حاجه...رد عليا أنت مين؟

عدي مشي علي المطبخ:براحتك...

و لف و بصلها و بغموض:بس لو طلعت من المطبخ و لقيتك لسه هنا..هنزعل من بعض...

و كمل طريقه للمطبخ...

لؤلؤه سندت رأسها علي الباب بخنقه:اوووف...

و طلعت علي فوق عشان تنفذ كلامه و بقت تعيط

• نوفيلا سمراء 2 الفصل الثاني أضغط هنا