رواية حكاية بنت البارت الثاني
حكاية بنت البارت الثاني
_احكيلي حكايتك
=حكايتي:-
Flash back
(_ايه يا حبيبي
=ايه يا حبيبتي وحشتيني
_انت اكتر والله اخبارك ايه
=انا بخير طول ما انتي معايا
_هتنزل اجازه امتي ان شاء الله؟!
=كمان كام يوم، ع فكره انتي اللي مصبراني ع سنتين الجيش دول
_هيعدوا ع طول ان شاء الله
=ده انا لسه داخل بقالي شهرين
_معلش يا حبيبي استحمل عشان تيجي تتقدملي
=ان شاء الله انا هقفل عشان ورايا خدمه
_خلي بالك من نفسك
=بحبك ❤
_وانا اكتر
(قفلت وروحت قعدت مع ماما وبابا)
_السلام عليكم
=وعليكم السلام يا حبيبتي
_نور انا حاسس اني تعبان شويه
=مالك يا بابا
_مش عارف بس عاوز اقولك خدي بالك من مامتك
=ايه اللي بتقوله ده
(وفجاه لقيته غمض عيونه روحت عليه اشوف نبضه لقيته توفي، لقيت احمد نزل من الجيش وفضل معايا انا وماما علشان مش عندي اخوات واهل بابا وحشين معانا وهو اللي اخد العزا مع الرجاله وبعد ٣ ايام انا قفلت تليفوني وفضلت ف اوضتي رافضه اشوف حد... احمد جه قبل ما يروح الجيش وحاول يشوفني او يتكلم معايا بس انا رفضت... فضلت كده حوالي اسبوعين حتي ماما كنت رافضه اشوفها، لقيت ماما حالتها بتدهور هي كمان قولت لازم ابقي جنبها بعد كده، وبعد ٣ شهور
_يا بنتي عدي ع موت ابوكي ٣ شهور مفيهاش حاجه
=لا يا ماما الناس تقول ما صدقت
_يا بنتي انتوا بتحبوا بعض من زمان وابوكي الله يرحمه كان موافق وانا شايفه ان خير البر عاجله وانا مش هفضل عيشالك
=يا ماما هو لسه مخلصش جيش واكيد مش مستعد
_يا بنتي هو قالي انه مش هيقدر يستني اكتر من كده عاوز دبلته ف ايدك عشان يبقي سندك قدام الناس كلها
=هكلمه يا ماما ونتفاهم وهرد عليكي
_ماشي يا حبيبتي ربناا يهديكي ويصلح حالكوا
(ورنيت عليه)
_الو
=ايه يا احمد الكلام اللي بتقوله ماما ده صح
_ايوه عاوزك ع سنه الله ورسوله وعاوز دبلتك ف ايدي النهارده قبل بكره
=بس ده بابا بقاله ٣ شهور بس متوفي
_عارف بس انا عاوز اكون باباكي وسندك قدام الناس كلها
=يا احمد بس...
_بصي مش هنعمل خطوبه هلبسك الدبله عند الصايغ وبس
=ماشي يا احمد
_انا هنزل بكره واجيب ماما وبابا وهنيجي لمامتك ونتفق ع كل حاجه
=حاضر،عارف يا احمد
_نعم يا عيون احمد
=كان نفسي يكون بابا معايا
_مش انا باباكي بردو، ادعيله يا حبيبتي هو حاسس بيكي وزمانه فرحان
=حاضر يا احمد
_بحبك اوي
=وانا كمان
_اضحكي بقا
=حاضر (بضحكه رقيقه)
(وقفلت وروحت لماما)
_ماما احمد هيجي بكره مع اهله
=ماشي يا حبيبتي ينوره
_انا هدخل انام
=تصبحي ع خير
_وانتي من اهل الخير
(دخلت اوضتي وقعدت اعيط عشان بابا واحشني لحد ما نمت من كتر التعب)
_الو
=ايه يا نور برن عليكي من بدري قلقتيني عليكي
_كنت نايمه معلش
=طب انا لسه واصل البيت
_حمدالله ع السلامه
=الله يسلمك حبيبتي
_انا هقوم اشوف ورايا ايه وهحضر نفسي
=وانا هروح اشتري طقم وهحلق واكلمك
_مش تتاخر عليا
=حاضر حبيبتي، باي
_باي
(وقومت نضفت مع ماما ولبست وحضرت نفسي ولقيته بيرن
_الو
=ايوه يا احمد انت فين
_انا جاى ف الطريق
=ماشي حبيبي
(وقفلت روحت وقفت قصاد المرايه وحضرت الشربات
_اهلا وسهلا اتفضلوا
=ابو احمد:اهلا بيكي يا ام نور
_اتفضلوا اتفضلوا نورتونا
=ام احمد:يزيد فضلك يا حبيبتي
_ابو احمد: احنا جايين نطلب ايد بنتك نور لابننا احمد
=اكيد موافقه طبعا، نور ي بنتكوا
_ام احمد:اومال فين العروسه
=يا نور يا نور
(انا طلعت ومعايا الشربات وكنت مكسوفه اني اشيل عيني من ع الارض، قام احمد واخد مني الشربات سلمت ع باباه ومامته وقعدت جنب ماما)
_ام احمد:عروستك مكسوفه اوي يا احمد
=ايوه يا ماما ده ف الاول بس، بعد كده محدش هيعرف يسكتها من كتر الكلام
_متكسفهاش يا واد
(وضحكنا كلنا، وقرينا الفاتحه)
_والد احمد: تعالي يا نور اقعدي هنا جمبي
=حاضر يا عموو
(روحت قعدت جنبه)
_بصي يا بنتي احنا خلاص بقينا اهلك من هنا ورايح، ابوكي الله يرحمه مكنش مجرد صديق كان اخ ليا واب لاحمد اعتبريني ابوكي يا بنتي اي حاجه تعوزيها اطلبيها مني، والولد احمد ده لو زعلك عرفيني بس وانا هاخدلك حقك
=حاضر يا عموو شكرا لحضرتك (بابتسامه رقيقه)
_احنا هنستاذن بقا وبكره ان شاء الله احمد ومامته هيجوا ياخدوكوا عشان تلبسوا وتختاره الدهب
=نورتونا فرصه سعيده
_نورك يا ام نور
=مع السلامه ف رعاية الله
_مع السلامه
(دخلت غيرت وقعدت مع ماما شويه لقيت موبايلي بيرن)
_وحشتيني
=انت لسه كنت قاعد معايا
_انتي بتوحشيني وانا معاكي اصلا
=حبيبي والله
_مبروك يا عروستي، اخيرا هنكون لبعض قدام الناس
=الحمد لله
_اجهزي بكره الساعه ٤
=حاضر يا حبيبي
_هروح انام بقا
=ماشي، تصبح على خير
_وانتي من اهلي باي
(قفلت واخدت صوره بابا واتكلمت معاه شويه ونمت
تاني يوم روحنا جبنا الدهب وروحت رن عليا)
_ايه يا حبيبتي
=ايه يا بابا
_مبسوطه؟!
=ده انا هطير من الفرحه
_عاوزك تكوني فرحانه دايما حتي لو انا بعيد اعرفي ان قلبي معاكي
=مش تقول كده احنا خلاص بقينا لبعض وحلمنا اتحقق
_انا مسافر بكره خلي بالك من نفسك
=مش ينفع تفضل معايا يوم كمان
_انا كنت نازل عشان اخطبك وهما يومين بس اجازه ولازم امشي
=هتوحشني
_انتي هتوحشيني اوي المره دي
=ماشي حبيبي
_هقفل احضر شنطتي وانام
=ماشي،باي
_باي
( واحمد سافر الصبح بعد ما جه سلم علينا والمره دي اخدني ف حضنه ومكنش عاوز يسيبني وبعدين مشي، اول يوم من بعد الاجازه مش بنعرف نتكلم انا وهو تاني يوم اتكلمنا كتير وقالي انه رايح خدمه وفضلت يومين اكلمه كان ف الاول مش بيرد وبعدين موبايله اتقفل، عدي كمان يومين وانا مش عارفه عنه حاجه لقيت باباه بيرن)
_ايوه يا عمي
=ايوه يا نور يا بنتي
_مال صوتك يا عمي
=احمد
_ماله
=تعيشي انتي
_عمي بلاش هزار كده
=احمد استشهد يا نور ادعيله يا بنتي
(وقفل بدات اضحك بهستريا وبدات اعيط وارن ع احمد بس كان مقفول افتكرت ان عندي رقم واحد صاحبه رنيت عليه)
_الو
=الو
_انا نور فاكرني
=اه فاكرك
_ممكن اكلم احمد عشان موبايله مقفول
=احمد استشهد
( التليفون وقع من ايدي وفضلت اصرخ والطم جاتلي حاله هيستريا ودوني المستشفي ولما خرجت كان احمد ادفن، فضلت ٣ شهور مش بخرج ومش بكلم حد وقافله موبايلي وقررت ان اتفوق ف كليتي اللي هي التمريض عشان انقذ حيات كل حد محتاجني)دي حكايتي
_يااه انتي شوفتي كتير اوي يا نور
=الحمد لله ع كل حال يا مالك
_اقولك سر
وبكده البارت التاني يكون خلص واتمني يعجبكوا والبارت الجديد هنشوف ايه السر اللي مالك هيقوله لنور