رواية قلب من اول وجديد بقلم أميرة أبوغابة كاملة جميع الفصول بداية من الفصل الأول عبر مدونة دليل الروايات (deliil.com)
 |
| رواية قلب من اول وجديد كاملة |
الفصل الأول من رواية قلب من اول وجديد
-يا ليلي وحيات امك عندك اهتمي بلبسك شوية .. شيلي النضارة دي .. حطي شوية احمر ولا اصفر ف وشك ده !!!
=ماما .. ارجوكي سيبيني ف حالي .. انا اصلا متاخره ع صحابي سلام
سابت ليلي مامتها ونزلت لصحابها اللي مستنينها ف الكافيه .. لتكمل امها باقي كلامها
-يا حزن عليا وع حظي ف بنتي الوحيده .. كل بنات خلاتها و خلانها حتا ولاد عمها اتخطبوا اللي هي .. مشمته فيا القريب والغريب يا ليلي ..
تدخل ليلي الكافيه وتروح لمكان صحابها المكان اللي بيقعدوا فيه دايما بس تتفاجئ بشخص جديد اول مرة تشوفه .. فتقعد جمب صحبتها هند
-ايه يا بنتي مش تتكلمي تقولي اي حاجه داخله ع كفره !!
تضربها ف كتفها وتكمل بصوت واطي-مين ده يا هند .. احنا اتفقنا مفيش ولاد .. مين ده !!!
-يا بنتي ده فارس ابن عمي قابلته وانا داخله قولتله يجي يشرب حاجه معايا اعبال ماتتجمعوا
بعد مرور حوالي نص ساعه من الكلام والرغي بين الخمس بنات ،ف وجود فارس ابن عم ليلي اللي كل البنات اللي ف القاعده بتكراش عليه ماعدا ليلي "معقده الشله" طبعا
يتطفل شخص اخر وهو اكتر شخص ليلي بتكره ،اول ما ليلي شافت احمد جاي عليهم من بعيد "زميل معاهم ف الكليه"
-كدا كملت بقه
-مساء الخير عليكوا ومساء الفل ع ليلي .. عامله ايه يا لولي !!
يخربيت تقل دم امك ياخي
-قولتلك مبحبش الدلع ده يا احمد .. انا هدخل الحمام عن اذنكوا
ليلي من توترها من نظرات فارس ليها طول القاعده بقالهم اكتر من نص ساعه قاعدين وفارس منزلش عينه عن ليلي لحظه واحده ،ده حتي كل اللي قاعدين لحظوا كدا وبدوا يتهامسوا براحه وليلي مش متعوده ع كدا ..
نرجع لموضوعنا ليلي قايمه رايحه الحمام ولكن يمسك ايديها
-ليلي
ليلي اتعصبت جدا وصوتها بدا يعلي من حركه احمد دي -انت عبيط انت ازاي تتجرأ وتمسك ايدي..انا ماشيه خالص بلا قرف
سحبت شنطتها وجريت ع بره بدون سلام ولا كلام لاي حد
-هند مالها ليلي
-احمد انت عارف ليلي مبتحبش اسلوبك ده
امل صديقه اخري -لا بس كانت اوڤر برضو يا هند
ريم صديقه اخري برضو -عندها حق يا هند امل .. ست ليلي دايما معقده كدا .. انا خايفه تعدينا ولا حاجه
كل ده وفارس قاعد هادي وساكت بس من جواه مولع من احمد ومن كلامهم
وقف فجاءه -انا ماشي يا هند
ريم متدخله -ليه بس يا فارس ده القعده هتحلو عشان ليلي مشيت
بصلها ومردش عليها ووجه كلامه لبنت عمه -سلام يا هند
هند مستغربه ابن عمها اللي بيميل لاي بنت حلوه وريم ملكه جمال ولكن مردش حتي عليها وطنشها ومشي
-----------------
فارس طلع يجري بيدور عليها ..ركب عربيته وبدا يدور ف كل الشوارع اللي ممكن تخرج منها ولكن ملقهاش نهائي قعد يلف بعربيته اكتر من ساعه يفكر ف ليلي
"مين دي اللي تشغل تفكيري بالشكل ده ، دي ولا شكلي ولا استايلي دي بنت عاديه واقل من العاديه ازاي اخليني مركز معاها كدا ،ده هي نفسها لاحظت تركيزي ده ، انا كل ماكنت بحاول ابعد عيني عنها غصب عني كنت برجع وابصلها تاني .. كنت مرتاح .. كنت عاوز اخليني مركز كدا ..لازم انسي ده مش شكلي دي بنت عاديه "
بعد ساعه اخري من التفكير واشعال سجاره ورا سجاره ،اتصل بصديقه وائل اقرب صديق له وتقابلوا بعد المكالمه بنص ساعه
-مالك يا فارس شكلك مش مظبوط وبتشرب سجاير كتير اووي
-مفيش يا وائل مخنوق شويه
-هتداري عليا داانا قاريك يابني
-اهدي بقه لاننا داخلين ع كمين
-رخصك يا بني وبطاقتك انت واللي جمبك
فارس ينزل من سيارته بكل عصبيه
-معاك المقدم فارس الميناوي يا حيلتها انت مين بقه
-وايه اللي يثبتلي ؟؟
-امك اللي هتدفن تحت رجلك دلوقتي
ظابط من بعيد -فارس بيه احنا اسفين والله لسه متعين جديد معلش اللي مايعرفك يجهلك
-ده استهتار يا احمد بيه مش كدا
-اسفين يا ريس اسفين
يدخل سيارته وينطلق
وائل حافظ صاحبه اكتر من نفسه ومتاكد ان صاحبه مش تمام
-لا ده الموضوع كبير وباين ع المزه المرادي قويه
-ماتتعدل يا وائل
-طب احكي بهدوء كدا
-بنت عاديه يا وائل واقل من العاديه شقلبت كياني من ساعه ماشوفتها ، وهي ولا شكل ولا استايل بس ملامحها فيها حاجه شداني اوي لدرجه اني مكنتش عارف انزل عيني من عليها هتجنن يا وائل !!!
-يا عم تروح بنت تيجي غزال سيبلي نفسك خالص ، اللي هتنسيهالك هي وامها كمان البت سماح هسهرك صباحي يا ريس
-اتعدل ماتتكلمش عنها كدا ،اطلع فين
-انزلي وانا هسوق
اخده شقه شبه دعاره بالظبط ، فارس كان اول مره يقرف من حاجه زي كدا ده هو عايش ف كدا اصلا بس كل تفكيره ف ليلي
-ايه الزباله اللي جيبنا فيها دي الله يخربيتك
-سيبلي نفسك خالص بقه
-انت تخرس خالص
-اهدي يا عم فارس بقه .. سماح .. سماح .. تعالي
فارس ف حاله صدمه -ليلي !!!!!!!!