رواية قلب من اول وجديد الفصل الرابع 4 بقلم أميرة أبوغابة

الفصل الرابع من رواية قلب من اول وجديد بقلم أميرة أبوغابة

رواية قلب من اول وجديد كاملة

الفصل الرابع 4 من رواية قلب من اول وجديد بقلم أميرة أبوغابة

-انت قصدي خير يا فارس بيه

-اسمي فارس بس ،انا كنت جاي اطمن ع ليلي واعتذرلها

-طب اتفضل يابني مكنش فيه داعي تتعب نفسك ،بنتي هي الغلطانه

-ليلي مغلطتش ف حاجه ،الغلط عندي انا .

-طب ثواني اندهلها اتفضل

تدخل امل ل ليلي الاوضه وتكلمها بصوت واطي

-ليلي الحقي مين بره

-ايه يا ماما بتتكلمي كدا ليه ؟؟

-الظابط اللي اسمه فارس بره قال بيقول جاي يعتذرلك ،وجايب معاه ورد وشيكولاته كانه جاي يخطب ..

-انتي بتقولي ايه يا ماما وجاي هنا ليه ؟؟

-انتي مبتفهميش بقولك بيقول جاي يعتذرلك

-انا مش هقابله يا ماما اتصرفي

-مينفعش يا ليلي ،ده ضيف عندنا

-لا مش طالعه ،كفاية اللي انا فيه ده كله بسببه مش طالعه

امل بنفاذ صبر -ماشي يا ليلي انتي حره احرجيني مع الناس كدا طول عمرك كدا

تطلع امل وهي بتنفخ من بنتها وتقف قدام فارس

-معلش يابني هي تعبانه ونايمه من امبارح

-طب حاولي كدا معلش لازم اطمن عليها

-هي كويسه تسلم لذوقك اروح انا اعملك قهوه ولا شاي ولا عاوز حاجه ساقعه

-لا قهوة بس ع نار هاديه خالص لو مش هتعبك

تتركه والده ليلي وتدخل المطبخ

-ينفع كدا اجيلك لحد عندك ومترضيش تقابليني

ليلي تلتفت وراها وتقوم من ع السرير

-انت بتعمل ايه هنا وازاي تدخل عليا الاوضه كدا

-انا جاي اطمن عليكي ومكنتش همشي غير اما اشوفك بيعيني

-حاسس بالذنب اوي كدا

-ليلي مش حكايه ذنب اللي حسه اكبر من كدا بكتير

-انا مش عاوزة اعرف اللي حاسه انا مش عاوزة اشوف وشك تاني نهائي انت مش فاهم انا بكرهك كفايه دخلتني القسم وقعدتني مع مجرمين !!

-ليلي اسمعيني

تدخل والده ليلي عليهم -ف ايه انت بتعمل ايه هنا

-ليلي كانت بتنادي ع حضرتك افتكرتها عاوزة مساعده

-طب اتفضل بره لان اختي جيالي ومينفعش تشوفك ف اوضتها كدا

يطلع فارس ويشرب قهوته براحته ومتوقع ان ممكن تكون دي اختها وابنها يحيي اللي سمع والدة ليلي وهي بتقولها هتتجوزي ابن خالتك وفعلا توقعه طلع ف محله ...

جرس الباب يرن يقوم جري يفتح الباب

خاله ليلي باستغراب : احنا داخلنا بيت غلط ولا ايه يا يحيي

يحيي : لا ياماما ده بيت ليلي ، انت مين ؟؟

فارس وحاطط ايده ف جيبه : اصماله عليك يا يحيي هو بيت خالتك فعلا

يحيي : مانا عارف انت مين بقه وعدينا كدا زقه ودخل

امل والدة ليلي : اتفضلوا اتفضلوا ازيك يا حبيبتي ازيك يا يحيي

بعد سلام حار واحضان بين الاخوات قاعدوا وباصين لفارس باستغراب وع وشهم سؤال مين ده !!

يرد عليهم فارس : انا اكون المقدم فارس الميناوي وجاي هنا لان حصل امبارح سوء تفاهم و .. و ...

تقاطعه والدة ليلي : اها يقصد انه هو اللي خبط ليلي بالعربيه وجاي يطمن عليها كلك ذوق يا فارس

يفهم فارس كلام امل فيمشي معاها ع الخط

-اها اها صح انا متربي ع كدا لازم اعمل اللي عليا

ليلي تخرج من اوضتها وتتريق ع كلامه

-اها انت هتقولي داانت عملت اللي عليك وزيادة ياحضره المقدم فارس المنياوي

تسلم ع خالتها وخالتها تاخدها بالاحضان

-براحه يا خالتو جسمي متكسر

تتجه ليحيي ويسلم عليها بكل حب -ازيك يا ليلي انشاءالله انا وانتي لا الف سلامه عليكي

فارس يعوج بوقه ويقوله -متاڤورش ف الاداء كدا يا يحيي ولو عاوز تبقي مكانها سهله يعني انزل ارمي نفسك تحت اي عربيه

ليلي تحاول تمسك نفسها عن الضحك ولكن ترد لتغيظ فارس وتطبطب ع كتف يحيي -بعد الشر عليكي يا كوكي داانت اللي فاضلي

فارس يكح جامد ويتكلم بصوت واطي -انا هكسرلك ايدك دي يا ليلي اصبري عليا ..

فارس قام وقف -طب همشي انا يا مدام امل وهبقي اجي تاني اطمن ع ليلي

ليلي بسرعه -لا متجيش تاني انا بقيت كويسة شكرا

فارس بيحاول يداري كسفته -لا هاجي انا قولت بحب اعمل اللي عليا وزيادة عن اذنكوا ممكن يا ليلي تيجي اقولك كلمه

ليلي قاعده مكانها مقمتش ولكن مامتها بتقولها بعينها قومي خلصينا منه بقه ..

قامت ليلي توصله لحد الباب -بس يونس ده ظريف اوي

ليلي ببرود -اسمه يحيي وهو فعلا ظريف اوي

فارس ببرود اكتر -ليلي انا حاطك ف دماغي ،فخافي مني بقه

-تعرف تبعد عن طريقي وكفاية لحد كدا

-احنا لسه بنبدا يا ليلي .. افهمي

قفلت الباب ف وشه -بني ادم سئيل !!

-ليلي

-ايوا يا ماما

-تعالي اقعدي مع خالتك بقه

ليلي بتنفخ ومش طايقه لا خالتها ولا يحيي اصلا

-لا معلس هدخل استريح اصل تعبانه متاخذنيش يا خالتو

-براحتك يا حبيبتي بكرة

ليلي دخلت اوضتها وكل اللي شاغل تفكيره فارس حلاوته وشياكته وخفيه دمه ،كل اما تفتكره تبتسم

فوقي يا ليلي انتي نسيتي هو عمل ايه ده مش بني ادم انا هنساه خالص وهوقفه عند حده

يمر اسبوع ولكن ف الاسبوع ده فارس كل يوم لازم يجي بيت ليلي ،بس ليلي مترضاش تقابله وترفض وتقول لمامتها

-ماما لو جيه تاني مدخلهوش من باب البيت اصلا

-من امتا يا ليلي بنكرش الضيوف

-ده مش ضيف ده حد رخم

-طب ف موضوع حابه اكلمك فيه بقه عشان نقطع رجل الراجل ده خالص !!!!

-ها اشجيني؟؟

-يحيي

ليلي بتنفخ -ماله ده كمان

-طالب ايدك يا ليلي وشاريكي لعاشر مره ،ابن خالتك وهو اللي هيحميكي ادي لنفسك فرصه يا ليلي كفايه كدا عليكي ،انتي متخرجه وبتشتغلي كمان

ليلي للحظه فكرت ف فارس ،جيه ف بالها وزعلت واتمنت ان يكون فارس مكان يحيي بس بصت لمامتهت بخيبه امل -ماشي يا ماما انا موافقه

-لولولولوي مبروك يا عروسه ماما الحق ابلغ خالتك

-الله يبارك فيكي يا ماما .. طيب

موبيل ليلي بيرن وتلاقي هند زميلتها (بنت عم فارس)

-ايه يا لولي فينك يابنتي ده كله

-موجودة يا هند عامله ايه ؟؟

-مالك ف حاجه مزعلاكي ولا ايه

-لا بالعكس ده انا خطوبتي قريب اهو

-بتهزري !! مبروك يا لولي

-الله يبارك فيكي اعبالك يا هند

-يارب يا اخوتي بس مين بقه سعيد الحظ

-يحيي ابن خالتي هنحدد ميعاد الخطوبة وهقولك

-ماشي يا حبيبتي خلينا نتقابل بكرة بقه

-تمام يا هند باي

-باي لولي

---------------------------

تاني يوم ف الكافيه المفضل ل ليلي وصحابها بيحتفلوا بخطوبه ليلي

هند بتحضن ليلي -مبروك لولي والله فرحتلك جدا

-ميرسي يا هند اعبالك ، اعبالكوا كلكوا يا بنات

ريم بضيق -والله باهمالك ف نفسك ده يا ليلي مكنتش متوقعه تكوني اول المخطوبين ف الشله

ليلي بثقه عكس اللي جواها -للاسف مش بالشكل يا ريم وكمان الشخصيه بتتغلب ع الشكل يارب تكوني فهمتي حاجه

ريم بتضحك -اها اها فهمت يعني انتي ولا استايل ولا شخصيه

ليلي بعصبيه -احترمي نفسك يا ريم انا ماسكه نفسي عنك بالعافيه

هند بتحاول تلطف الجو -خلاص يابنات احنا مش صغيرين ع الحركات دي

-ازيك يا هند !!

-فارس !! ازيك عامل ايه

ينظر فارس ناحيه ليلي ويلاقيها مضايقه - انا تمام ،انا كنت جاي اقعد مع صحابي متوقعتش اشوفك هنا صدفه جميله

ريم متدخله -هي فعلا جميله ازيك يا فارس ماتقعد

-حاسس ان ف ناس مش هتحب وجودي

-لا لا بالعكس كلنا حابين وجودك وليلي كدا كدا مبتحبش نفسها اصلا

فارس بسخريه من ريم -بس اكتر حد يهمني هنا ليلي ولو هي مش حابه وجودي انا همشي

ريم سكتت معرفتش ترد وليلي رفعت عينيها لقيته مركز زي كل مرة ،قامت وقفت -انا اللي همشي لاني مش فاضيه ،خطوبتي وكدا وكلكوا معزومين طبعا

فارس زي مايكون جردل ميه سقعه وقع ع قفاه ف عز الشتاء -خطوبتك !!!

ليلي بلامبالاة -ايوا عن اذنكوا

فارس يشد ليلي من ايديها لاول مرة يقفد اعصابه بالشكل ده وقالها ف ودنها -مش هتتخطبي ولا هتتجوزي ولا هتكون لحد غير انا احفظي الكلمتين دول كويس يا ليلي

اسفه جدا عن التاخير ده بس كنت تعبانه شوية ..

رايكوا ف البارت ف الكومنتات يهمني جدااا ..

• قلب من اول وجديد الفصل الخامس 5 من هنا