رواية أحببتها رغما عنى الفصل الرابع عشر 14 والأخير عبر دليل الروايات للقراءة والتحميل pdf
رواية أحببتها رغما عنى البارت الأخير
ادم بصدمه:نعم !!؟
مراد: زى ما سمعت
ادم: انا سامع وكل حاجة بس متفاجأ ليه سارة يعنى
حكى له مراد عنه وعن سارة لما كانوا بيحبوا بعض زمان بس كان لازم يبعد عنها وكده
ادم: طب ليه مقولتليش من بدرى
مراد: خفت لتتضايق منى وتاخد عنى فكرة غلط خصوصا ان سارة كانت لسه صغيرة
ادم: امممم واضايق ليه هو انا هلاحقى لاختى الوحيده عريس زيك يحافظ عليها ويصونها
مراد: افهم من كدة انك موافق
ادم: طبعا موافق
واحتضنا بعضهما البعض
ادم: بس لازم ناخد موافقة سارة
كشّر مراد ولاحظ ادم ذلك
ادم: فى ايه
مرا؛د خايف لترفض
ادم باستغراب: ليه
مراد لانها بقالها فترة كبيرة بتتعامل معايا رسمى جدا وببرود كانى غريب
ادم: امال انت عاوزها تعاملك ازاى تاخدك بالاحضان وتضحك وتهزر معاك ههههه
مراد بضحك: مش للدرجادى ده
فاتح ادم اهله بما اخبره مراد
وفاء بزعل: كبرتى يا بنتى وبقى يجيلك عرسان
ادم: ايه رايك يا سارة
سارة بخجل: هفكر الاول
ادم: تمام براحتك.
سيد: خليه ييجى بكره مع اهله ويطلب ايدها زى الاصول
ادم: تمام يبابا هقوله
ذهبت سارة لغرفتها فورا توضت وصلت ركعتين وظلت تبكى فى سجودها لان الله استجاب دعائها فقد كانت تدعى ربها ان يجعله من نصيبها فهى احبته من صغرها انهت سارة صلاتها واتصلت بخديجة
خديجه: السلام عليكم ورحمة الله وبركاته ازيك يا سارة
سارة: وعليكم السلام ورحمة الله وبركاته
الحمدلله بخير انتى عاملة ايه
خديجة: تمام الحمدلله
سارة: حصلت حاجة النهاردة
خديجه: خير ان شاء الله
سارة: مراد اتقدملى
خديجة بفرحة الف الف مبروووك يا روحى وانتى ايه قولتى
ساره: انا موافقنش لسه
خديجة باستغراب: ازاى لسه موفقتيش وانتى كنتى هتجننى عليه هههههههههه وبتدعى انه يكون من نصيبك
سارة مانا هوافق بس مش دلوقتى عشان ميفكرش انى مدلوقه عليه
خديجة بضحك طيب يا حببتى كويس ربنا هداه وجيه يطلب ايدك بدل المحاولات الفاشلة اللى كان ببعملها عشان يكلمك
سارة الحمدلله
خديجة ربنا يتتملك على خير يا سارة قلبى
سارة امين يارب وانتى كمان.
وجاء يوم الرؤية الشرعيه
جاء مراد مع اباه فقط لأن امه متوفيه وليس لديه اخوات( مقطوع من شجرة😂)
دخلت سارة وقدمت لهم العصير بعد ان رحبت عائلتها بمراد وابيه والتقت اعينها بمراد لحظه من الزمن
سيد للموجودين: نسيب العرسان مع بعض علشان يتعرفوا يلا بينا وخرجوا من الغرفه ولكن ادم جلس فى نفس الغرفة ولكن بعيدا عنهم بمسافه كبيرة
ادم بمزاح: اعتبرونى مش موجود
مراد: سارة ايه اخبارك
سارة: الحمدلله وانت
مراد:تمام الحمدلله عندك اى اسئلة حابة تساليها
سارة: انت ليه كنت بتحاول تكلمنى اكتر من مرة وتتقرب منى لما انت عاوزنى ليه مجتش تتقدملى من الاول
مراد: عشان كنت عاوز اعرف لسه بتحبينى ولا لا
سارة: وافترض قولت لا كنت هتسينى
مراد بحزن: لو كان فى حد فحياتك والحد ده هتكونى سعيده معاه كنت هسيبك عشان اللى بيحب بجد بيحب يشوف اللى بيحبه سعيد على طول حتى لو كان مع حد تانى
ابتسمت سارة فقد اعجبها رده
ساره: انا الحمد لله مفيش حد فى حياتى واصلا مينفعش يكون فيه عشان دا الحب من النوع ده حرام
مراد عشان كده كنت بتصدينى علطول كل ما احاول اكلمك
سارة: ايوه عشان كل حاجه فى الحلال بتكون احلى
سعد مراد جدا بها وزاد اعجابه بها
وظلوا يتحدثون لبعض الوقت
ادم: ما كفايه انتوا الانتين يلا يا مراد على بيتك مش صدق ما لقيتها
مراد : انت ياخى مش ناوى تحل عنى امتى تتجوز وتغور من وشى
ضحك كلا من ادم وسارة على كلامه
آدم: محسسنى كنت بتشيلنى على راسك ٢٤ ساعه ههههههه
فى صباح يوم جديد تشرق الشمس بنورها الساطع فى سماء القاهرة لتداعب بخيوطها الصفراء العيون السوداء لتبدأ خديجة الاستيقاظ من النوم
خديجة: لامها صباح الخير
الام: صباح النور عليكى يارب
خالد: ادم النهاردة هييجى ياخدك؟
خديجة: ايوة يا بابا
ادهم بمزاح: وانا اقول ليه متشكيه النهاردة
خديجه بخجل وغضب: بس يا ادهم
وصل ادم ومعه سارة ودخلا ليسلما على الجميع
خالد: متتاخروش علينا
خديجة: تمام يا بابا
فى السيارة
ادم: حابين تروحوا فين النهاردة
ساره: بضحك الملاهى
ادم: هههه هبلة وانتى يا خديجة ايه رأيك عايزة تروحوا الملاهى بردو
خديجه: اللى تشوفوه
ادم :تمام هنروح الملاهى
ذهبا الثلاثه الى الملاهى واستمتعوا جدا وخاصة سارة بحركاتها الطفولية
ثم ذهبوا الى المطعم ليتناولوا الغداء
فى المطعم
بعد ما تناولوا الطعام ذهبت سارة الى الحمام وتركت ادم وخديجه لوحدها
ادم: والله البت سارة ده مشكله ربنا يكون فى عونك يا مراد
خديجه: ربنا يسعدها ان شاء الله
ادم بضحك: ما تفكى يا خديجه شويه ده انا زى خطيبك يعنى هههههه
ضحكت خديجة بصمت
ادم: يا ربى على الكسوف حتى الضحكة يا بنتى لما نشوف بعد الجواز هتتكسفى كده ولا لا ثم غمز لها
خديجة بكسوف وحاولت تغير الموضوع: احم ايه اخبار طنط وفاء وانكل سيد
ادم :تمام الحمدلله بيسلموا عليكى
خديجه: الله يسلمهم
بعد ما خرجت سارة من الحمام وفى اثناء سيرها تسمع صوتا من خلفها تعرفه جيدا: اخبار سارتى ايه
سارة :مراد
مراد :قلب مراد
سارة: ايه اللى جابك هنا
مراد :حبيت اعملك مفاجأه وقدم لها باقة ورد حمراء
سارة: بفرحة شكرا ذوقك حلو
مراد: انتى الاحلى
سارة يلا بينا عند ادم وخديجة
ادم لمراد ايه التاخير ده يا زفت انت
مراد يادى الشتيمه اللى مش بنخلص منها
خدتنى نومه يا كلبوص انت
ادم بغضب: انا كلبوص طب ماشى حسابك بعدين
ضحك الجميع وقضوا يومهم بسعاده
---
بعد مرور ٤ سنين
انهت سارة وخديجه دراستهما وبعد ايام قليله سيكون هناك حفل زفافها
تغيرت اشياء كثيرة فى هذه المدة
استطاعت خديجه باسلوبها الرائع وطيبتها ان تجعل ادم يتقرب الى الله اكتر واكثر ويصلى الصلوات فى وقتها بالمساجد
ويحفظ القرآن فطالما حلمت بزوج متدين مثلها ويعينها على الالتزام والعبادة
وزادت علاقه سارة ومراد محبة واحتراما وكانت سارة تدعو ربها دائما ان يجعله نعم الزوج لها ونعم الاب لابنائها وان يتمم لها على خير
وصديقنا ادهم حصل على مجموع عالى فى الثانويه العامة ودخل كليه الهندسة وحقق حلمه.
---
صفيه: يلا يا خديجه اجهزى عشان المأذون فى الطريق
خديجة: حاضر يا ماما هروح ألبس أهو
اما عند سارة
المأذون: بارك الله لكما وجمع بينكما على خير
ادم : بفرحه وهو يحتضن اخته الف الف مبرووك يا حببتى
سارة: الله يبارك فيك يارب ويلا بقا خديجة مستنياك
ذهب مراد لسارة واحتضنها طويلا ثم همس لها بحبك
سارة بفرحة: وانا كمان ثم قبل جبينها
مراد اخيرا بقيتى مراتى
سارة الحمدلله
مراد انا مش عاوز حاجة تانى من الدنيا عشان انتى دنيتى كلها
سارة بسعاده وانت كمان حياتى كلهاوحب عمرى الوحيد
ذهب مراد لخديجة ومعه المأذون وتم عقد القران
صفية: لولولولىىىىىىىىىى
خالد بدموع وهو يحتضن ابنتبه: ربنا يسعدك يا قلبى
خديجه بفرحة :آمين يارب
ذهب ادم لخديجة واحتضنها وقال: انا اسعد انسان على وجه الارض عشان انتى مراتى
خديجه بفرحه: وانا كمان
ادم اوعدك انك هتكونى مبسوطه معايا ومش هزعلك ابدا ولا هسيبك ولا هستغنى عنك وهستشيرك فى حياتى كلها وههقولك على كل اسرارى وقراراتى وهنكون مع بعض فى الحلوه والمرة ثم اكمل بضحك وهنجيب عيال كتير
خديجه بخجل: انا بحبك
ادم بسعادة: اخيرا قولتيها دانتى كنتى هتشيلينى عشان اخليكى تقوليها
خديجه: عشان مينفعش يا حبيبى اقولهالك وانت لسه مبقتش زوجى
ادم: يا ايه
خديجة: يا حبيبى
ادم بتمثيل قلبى قلبى هيقع يا ناس ثم ضحك واحتضنها
واقيم اكبر حفل زفاف لادم وخديجه وسارة ومراد وعاشوا ليله رائعة
واكملوا حياتهم بسعاده وفرحه وبهجة.
انتهت. ✋💞⚘
ليها جزء تانى أضغط هنا