رواية أدوار وهمية البارت العاشر 10 بقلم بنوتة الشيخ الكاتبة أروى المسلاتي
رواية أدوار وهمية البارت العاشر 10
قربت لي غرفة نومها بس تراجعت لما سمعت رواد يحكي بي العربي 😳
يحكي بي العربي مع شخص كأنها سامعه صوته قبل 💔
خشت وشافها رواد يلي تحكم في اعصابه ومدارش ردة فعل غريبه !
رواد:استمر يهدرز....واي يابرو هاذي العيشه هنايا
الشاب:شد الهمه يا غالي سيب كل شي وتعال
رواد؛نفخ دخانه واشر لي ريم بيده بمعنى شنو تبي ؟؟
ريم:شافت صورة الشاب يلي في مكالمة الفيديو ...وحست انها شايفاته قبل !!
مكانش مجرد احساس ....كانت متأكده!
رواد؛شنو؟؟؟
ريم:فاقت من سرحانها....شي اسفه
رواد:حط الدخان ع الطاوله
ريم:طلعت وسكرت الباب
رواد؛وهاذا النفخ يلي عايش فيه ...تحس روحك مراقب في كل مكان
الشاب:قعد يضحك وشرب من الكاس يلي جنبه
رواد:طير توا نفختلي راسي
--
انور:وقف وجسمه ينتفض مش مصدق يلي شايفه قدامه
عائشه:شافتله متعجبه...انور خيرك
انور؛ماشي جاي ويده على راسه ...يشوف في تالفونه ويحاول يتصل بي خوه مره واثنين و3 لكن الخط يفصل
لين اخيرا شد والماسنجر بدي يشرين .....
انور:الوووو الووووو
قيس:ايوا انور
انور:انفجر يحكي بي هستيريا .....تي ووووووينك وووووينك خششت العيله في بعضها حرام عليك وين قاااعد انت خليتها ح........
قيس:قاطعه ....انور اهدا شويه واسمعني
سيبت كل شي وطلعت عندي اسبابي لكن مخطط نجي ونصلح غلطي
انور:تصلح غلطك😳😳
قيس:اي.....لما نوصل للبلاد نكلمك متقولش لي حد اتصلت بيك
انور:لسانه ارتبط ....مقدرش يقوله ان خداها💔
مقدرش يقوله ان الاوضاع تلخبطت والبنت تسجلت بي اسمه ....تسكر الخط قبل ما يستوعب الكلام ويرد💔
عائشه:وقفت وحطت يديها على كتفه....حبيبي خيرك شن صار!؟
انور:قعمز وحياه مهدود وراسه بين يديه يحاول يستوعب الوضع يلي هوا فيه
---
سمر:تنهدت.....سمعت من وحده في العيله ان في مرا متزوجه من عيلتنا تخون في راجلها!
مروه:تجمد الدم في عروقها ومقدرتش تنطق حرف
بس الغريب في الموضوع ان لما قامت عيونها شافت نفس ملامح الخوف عند لمياء؟
لمياء:غيرت ملامحها.....بالله منو الفاضيه يلي يبدا عندها كوم صغار تخون راجلها؟
شافت لي مروه.....مديرهاش الا الفاسده
مروه:وجها اصفرررر....مسكت الكاس ويدها ترجف قعدت تشرب في الميه
سمر:انا قلتلهم قرمو كناين العيله واطعنو فيهم مدخليش
لكن نساوين خوتي لااا...صح بايرات ومعفنات لكن مش متع الجو هاذا
لمياء:غيرت الجو بضحكه وخدت الموقف بي بصاره لكن عارفه كويس ان سمر تقصد كل كلمه حكتها !
مروه:مشاء الله ياسمر بنتك كبرت دوره وتشوفيها عروسه
نمارق:ابتسمت....
سمر:شافت لي نمارق...لا ياوخيتي بنتي قاعده صغيره نهاري ثانيه اعدادي شنو بنعطي فيها
مروه:كملت المحضر وهيا تحاول تلهي نفسها في المعازيم
اما لمياء الارتباك متعها كله مشي بمجرد ما لاحضت ان مروه خافت !
بقلم بنوتة الشيخ
ريماس:مقعمزه اطبق في حوايجها وترتب فيهم
تهدرز على نفسها داخل قلبها ومليانه حسره
كانت تفضل انها تقعد بدون زواج لو عرفت ان وليد نيته سيئه من البدايه 💔
لما جي خطبها ورضي بيها ومحكاش لي حد رسمت في بالها صوره قنينه ليه لكن ضاعت من اول يوم زواج !
وليد:فتح الباب ع غفله وبطريقه تخوف فزعت ريماس
ريماس:وقفت من مكانها
وليد:خيرك خفتي ؟
ريماس:شي خلعتني
وليد:شبحلها بنضره طويله....شنو يلي اديري فيه!!
ريماس:نرتب في الحوايج
وليد:جبت بضاعه حطيتها في المطبخ وتيلي سفره وحطي كل شي نلقى حاجه ناقصه ما تلومي الا نفسك تمام!؟
ريماس:هزت راسها بمعنى تمام
وليد:تحركي قدامي سيبي يلي في يدك الشباب قريب يوصلو
ريماس:حط الكنشفه يلي في يدها ع السرير وطلعت من الغرفه
خشت للمطبخ وتفاجئة بي الحاجات يلي جايبهم في الشكاير
شكلاته من اغلا الانواع ،مكسرات،شيبس،سامينسا
بوخه وغيرها من الحجات الغريبه
كانت ريماس اول مره تمسك شرب ويديها يرجفو
بدت توتي في السفره وهيا كاتمه دموعها
حاسه نفسها في كابوس صعب تطلع منه
--
سلمى:تنحي في اكسسوارها وهيا مبتسمه وتهدرز بي عفويه❤️....بس عجبني كان كل شي مرتب وحلو
اهلك محلاه جوهم حسيتهم تأقلمو مع اهلي بسرعه بدات امك تجنن يا حليلها
بدر:راقد ع السرير وعيونه في التالفون ....امم كويس
سلمى:تمسح في البودره ....قولي بدر انت تعشيت مع الشباب لوطه ولا نديرلك شي تاكله؟
لان مبكري فكرت فيك وخليت اختك تنحيلك صونيه بروحك قلت بالك يجوع في الليل او مياكلش كويس مع الشباب ؟؟
بدر:لاهي في تالفونه ...امممم اي اي حلو
سلمى:شافت لي بدر من المرايه بخيبت امل💔...بدر تسمع فيا ولا نحكي بروحي؟
بدر:ابتسم وهوا يشوف لي التالفون
سلمى؛بدر؟
بدر:انتبه وقام عيونه...اهاا شنو
سلمى:كانت واضحه علامات الكسر في وجها....سلامتك
وناضت للحمام
بدر؛رجع عيونه لي التالفون وهوا يبتسم على كلام مروه ويرد عليها بلهفه❤️
الكاتبة أروى المسلاتي
ريم :حطت فنجان القهوا على الكميدينو جنبها وخدت ولدها حطاته في سريره
رواد:راقد ع السرير ويخدم ع اللاب توب ....شن جو المحضر اليوم؟
ريم:غطت ولدها واتجهت لي السرير
فتحت كتابها ....عادي زي اي عرس عندكم
اقاربكم وقحين ونساوين خوتك مزيتات واعل العريس قفاصين
وكلهم يقرمو في بعض
رواد:امممم ع اساس انتي التب فيهم يعني ؟
ريم:خذت رشفه من قهوتها وعيونها في الكتاب ...يكفي داخلي نضيف
رواد:خليني نشوفه 🤤🔥
ريم:قامت حاجبها وشافتله....شن هوا يلي بتشوفه!؟
رواد:النضيف يلي داخلك😉
ريم:منوريش فيه للكلاب 😊....وقامت فنجان القهوا قدام وجها وشربت
رواد:مقتلكش وريه للكلاب وانتي شكلك متعوده قتلك انا نبي نشوفه
ريم:حطت فنجان القهوا وقامت عيونها ...ممكن تخليني نقرا لانك نفختلي راسي بدوتك!؟
رواد:حط تالفونه وقرب منها....تعرفي اني كارهك ونتقززمنك!
ريم:علاش ؟لقيتني نشبهلك لا سمح الله!؟
رواد:هه...لانك دمرتيني لمدة 9شهور
لكن صدقيني رح يجي اليوم يلي نسيبك فيه ونرجع لي مكاني وطز فيك مش مدورك
ريم:ابتسمت ع جنب ....ونستنا فيه لليوم هاذا بفارغ الصبر والله
رواد:بعد من عليها وهوا يحاول يحافظ على البرود متعه خدي اللاب توب وناض ....متفتحيش عليا دار الضيوف
عندي مكالمات مع القنينات
ريم:قلبت عيونها بملل....مقدمك
رواد:فيه طرف شكلاته ع الطاوله متاكليش منه
ريم:قامت حواجبها مستغربه
رواد:مش بخيل لا سمح الله لكن الشكلاته بنكهة الفراوله وانتي تتحسسي منها ...ضحكلها بي استفزاز وطلع وسكر الباب مخلي ريم مصدومه كيف عرف عليها شي زي هاذا محدش يعرفه غير عيلتها !!؟
__
لمياء:تدهن في الكريمه ع يدها اختك بدت حقيره بكلل يا ايمن مصحها وخلاص
تحكي عليا انا ومروه في مجمع نساوين ومش معدله بكل قهرتني
ايمن:مدخليش فيكم تصافي انتي وياها
لمياء:والله؟؟انت شنو وضيفتك هنايا فهمني ترااا!؟
شنو وضيفتك الهم ع قد ما نحكيلك في مواضيع مستحيل تاخد موقف !؟
ايمن:سكر السهاره يلي جنبه ورقد
لمياء؛اي خليك ديييييمه هكي بااااهي !!
وربي لما يجيني يوم ونسيبلك الحوش انت وصغارك ....ورقدت وهيا متكنطيه
__
نورهان:واقفه في الصقع تحكي بي التالفون لافه نفسها بي شال وردي ولابسه برنوص ....اي تمام
منعرفش على حسب الاوضاع توا كان امي قتلي باهي اطلعي تو نقولك اخطمي عليا
حست نورهان بي يد نخصتها ع كتفها ....تلفتت وقريب طلعو عيونها لما شافت مجد
نورهان:اوكي تمام شوي ونعاودلك ملاك ...وسكرت الخط من قبل ما تسمع حتى ملاك شنو ردت عليها
نورهان؛حلقها جف....تفضل؟
مجد:حط يديه في جيوبه وقعد يشوف يمين يسار ....جيت بنسأل علاش الحمام البراني مسكر !
نورهان:شبكت يديها في بعض بتوتر ...رواد مبكري الضهر سكره قال الشيشمه معش تنفع بكرا جايبله السباك يصلحه
مجد:اهااا....به كويس
نورهان:قعدت واقفه معرفتش تمشي ولا تقعد؟!
وشن تحكي
مجد:انتي شنو موقفك برا الدنيا ليل وصقع!
نورهان:انقطعت التغطيه داخل ولازم نكلم البنت يلي تقرا معاي
سيارة بابا واقفه ومفيش حد من خوتي في الحوش الساعه 11 كلهم يطلعو للخدمه بكري
مجد:امم ولا يهمك تو نشوف خوك فوق اصلا غضوا معندناش هلبا خدمه مش لازم ينوض من الصبح
نورهان:ابتسمت وهيا متردده...ش شكرا
مجد:قام كتافه....إِنِي تايم
نورهان:اءء ت تبي شي ؟؟
مجد؛هز راسه بمعنى لا .......معش تطلعي في الليل بس
حسيت طلوعك كاثر
مره ماوحه كناسه ومره اتصالات وكل مره طالعه بي حاجه
نورهان:ابتسمت بخبث....علاش انت مراقبني ؟؟
مجد:توتر....هه مراقبك علاش بمراقب انتي طالعه قدام وجهي والله حاله
وبعدين معلوم يلي يراقب في الثاني
نورهان:احمرو خدودها❤️...تصبح ع خير
مجد:تلاقي الخير
نوهان:خشت وهيا بطير من الفرح ناسيه كل المرات يلي هزبها فيها 💔
مجد:قعد يشوفلها لين اختفت وهوا يحك في راسه ....جذابه لدرجة الاذابه الفرخه
__
سلمى:طلعت من الحمام تجفف في شعرها
بدر:نحى التالفون وشافلها...صحه صحه
سلمى:بنبرة زعل.....سلمك
بدر:مزل من السرير وقرب عليها
سلمى:واقفه قدام المرايه وفاتحه الاستشوار ....
بدر:سكر الاستشوار ومقرب على كتفها وعيونه عليها في المرايا ❤️ .....تاعبه؟
سلمى:بلعت ريقها....اي شوي
تعرف الزحمه وصوت الاغاني يلي يطربق الدماغ
بدر:بعدلها شعرها من على على رقبتها ....بتسهري معاي ولا مش قادر!
سلمى:ابتسمتله في المرايه....نقدر اكيد ❤️
بدر:جبدها ليه ❤️
مشت الليله نفس اي ليله متع عرسان ❤️
كانت سلمى متريحه معاه ...فهمت ان اليوم يلي فات كان صعب عليه هاذا باش مصار شي بينهم❤️
بس تريحت اخيرا يعني عادي رح تكمل حياة طبيعيه معاه !
مسكينه💔لو انها قرت المسج يلي وصله من مروه كانت فهمت كويس كيف رح تكون حياتها
{مروه:لو تحبني حتى 1%قرب عليها اليوم💔
منبيش حد يمسك عليك شي ويقعدو يحكو بيك
المهم ليلة الدخول قضيتها معاي انا وعارفه كويس قداش تحبني خلاص مش طالبه اكتر من هكي }
—
كانت اسوء ليله تمر على ريماس :-
اصوات الضحك طالعه بشكل رهيب من المربوعه
الاغاني يلي صوتها عالي كأنه في قاعة افراح
السبان والكلام الكبير يلي تسمع فيه💔
خافت على نفسها وتوقعت كل شي
ناضت سكرت على نفسها الغرفه وحاولت انها ترقد وتقرا شوية اذكار ممكن تساعدها وتساعد قلبها يطمن❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم ⛅️⛅️
الساعه12الضهر:-(في السياره)..
مجد:يسوق ومره مره يشوف للمرايا
نورهان:كأنها تراجي في نضراته ❤️كل ما يشوفلها في المرايا تجي عينه في عينها🙈
رواد:ياكل في السياره ....خود يمينك خود يمينك ياراجل اختصار لي الطريق وين رافعنا لي الزحمه
مجد:قلب عيونه بملل وكمل سواقه
نورهان:انت يلي قعدت سنين برا حافظ الطرق اكتر من بابا
رواد:طبعا انا سريع البديها
مجد:شبحله بخبث....اي لين خلاص
رواد:كمل ماكلته وركز على مجد يشوف للمرايا ...خبط مجد على رجله
ركز في سواقتك مجد ركززز
مجد:بلع ريقه....به الزح خيرك
رواد:شافله بنضره غريبه وكمل ما كلته
__
لمياء:خشت للمطبخ وهيا قريب تموت من الخوف ...مروه
مروه:توتي في سيريلاك لي ولدها...اها
لمياء:بنقولك شي خايفه بنموت نحس في روحي
مروه:خيرك ....وعلاش وجهك مخطوف هكي !!
لمياء:نضت اليوم صبح لقيت واصلتني رساله على الواتس متعي يهددو فيا بي صوري قريب هبلت بنمووووت نسحابهم يكذبو بعتولي صوري يا مروه نهاري اسود وربي نمووت
مروه:حطت الصونيه ع الرخامه وبلعت ريقها...وصلتني نفس الرساله حتى انا 💔
لمياء:تبصرررري ؟؟؟جديات تحكي !!!!!
سمر:خشت عليهم....وحتى انا
شافو لمياء ومروه لي سمر وهما مصدومين في ملامح الكسر يلي اول مره يشوفوها على سمر
زوز كناين وحماتهم تهددو بي صورهم في نفس اليوم
منو وراها وليش؟
__
سلمى:صباح الورد❤️
بدر:صباح النور
سلمى:الفطور واتي وحوايجك واتيات لو تحب ادير دوش
بدر:علاش متعبه روحك
سلمى:واجبي 😊❤️
بدر:ابتسملها بضحكه صفراء وناض للحمام
__
عائشه:حضنت انور من كتافه❤️....مرقدتش من امس ؟
انور:مقدرتش ...ابدا مقدرتش
عقلي يفكر ويفكر ويفكر ....نبي حل ملقيتاش
علاش يصير معاي هكي حياتي مصره انها تخرب بي اي طريقه مفهمتش علاش !!
عائشه:اهدي حبيبي اهدي ....وحضناته
انت مكانش عندك خيار غير يلي درته ...مسكت وجها بين يديها
واكيد خوك لما تشرحله يلي صار وان خلاها حامل رح يتفهم الوضع
انور:يشوفلها وساكت
عائشه:تمسح على خده....انت مدرت شي غلط!
انت سترت عليها وطلعت عيلتك من هلبا قصص
معش تفكر وتزيد ترهق نفسك تمام؟؟
انور:كلامك زي السحر عليا يابنت
عائشه:ابتسمت بلطف....من قالك مش ساحراتك 😅❤️
انور:ارتمي في حضنها راضي بيه مدام منك
عائشه:حليلي انا❤️
--
مروه:مفهمتش كيف حصلو الصور مستحيل حد ياخدهم الا او كان عايش معانا في الحوش
نقصد انهم صور خاصه مستحيل حد ياخدهم
لمياء:يلي محيرني ان المبلغ يلي طالبينه شويه بكل
200جني رصيد !!
يعني لو حد عنده صور زي هكي احتمال يطلب الف
سمر:فكيني من الكلام هاذا توا مدخلناش كم يطلب المهم نعطيه ونريح واسي
نبي نتسلف من وحده منكم 200لين نروح نردهولك
لمياء:خودي من مروه عندها يا حنى هيا يلي تخدم
مروه:رجعت قصتها خلف ودنها....تو نعطيهولك
انتي ليش مروحتيش ؟ليك4ايام ولا !
سمر:تغيرت ملامحها....والله ياماما حوش بوي هاذا
تبي تلزيني منه ؟؟؟
مروه:مقلتش هكي انا😒
سمر:نماااارق نماااارق تعالي قيمي السفره من قدام وجهي
نمارق:افففف حاضر ياماما
سمر:ناضت من جنبهم وهيا متكنطيه
سعاد:ساعدوها البنت متعاركه مع راجلها وامتاعينه
لمياء:حاضر يا عمتي
سعاد:طلعت من الدار
مروه؛والله يلي يدير يلقى
لمياء:صدقتي
--
ريم:ناضت من نومها قعمزت على السرير .....شافت لي ولدها يلي كان رايح في نوم عممميق
ناضت لفت شعرها وهيا تتفحص في تالفونها لقت ان امها متصله بيها مرتين وواصلتها رساله الماسنجر مكتوب فيها ....200جني رصيد اليوم يكونو عندي والا صورك ينتشرو
ريم:فتحت الكميرا خدت سلفي وبعتتهولا...زيد هاذي عليهم
من قوة الرساله يلي يهدد معرفش شنو يرد عليها !!😂💔
--
فاطمه:استغلت وجود ام انور وبدت تحكي .....انور امتى بتبات عندي ؟
انور:شاف لي امه....تحشمي النم امي بينا دريلها قدر
فاطمه:والله انا ماقلت لاعيب ولاحرام سألتك امتى بتبات عندي!
انورفقد شعوره وقرب يبي يضربهابس مسكاته امه
انور:اطلقيني عليهااااااااا
امه:بطللل انور خيرك بسم الله خيرك شنو جاك ع البنت
عائشه:خشت مش فاهمه شي
فاطمه:شافت لي عائشه بحقد.....ابصر من معبيله راسه ....وطلعت وهيا تخبط
--
الساعه7المغرب:-
لمياء ومروه مقعمزين في الجنان يبعتو في الكروت وحالتهم حاله خايفين
فجآه يخش بدر ومرته سلمى
تلاقيهم سعاد بي زغاريط ومروه معلقه فيهم عيونها !
سعاد:روروروروروروي الف مبروك عليك ياغالي ربي يحضرني نشوف صغارك يارب
بدر:الله يسلمك خالتي ربي يدومك لينا....ويخطف في نضرات تقتل لي مروه
سمر:وين طالعين العرسان
سلمى:جاوبت وهيا مبتسمه بي فرح...بيعشيني برا بدر اليوم
يعاد:ربي يهنيكم يا بنتي عروسه من حقه يدلعك
سلمى:ضحكت وهيا تشوف لي بدر
اما مروه حرقتها كلمة يدلعك
رفعت تالفونها وبعتت لي بدر رساله
(مفيش عشي برااا ردها للحوش ولا خليها هنايا وانت روح)
بدر:قام تالفونه يشوف
سلمى:قال بدر عندي خالتي نحبها هلبا خلي نسلمو عليها قبل ما نطلعو
سعاد؛سلمه ياربي ان شاء الله وبي يعقد عسلكم
سلمى؛ربي يخليك
بدر:يشوف لي تالفونه....تعرفي شنو طلعتلي خدمه مستعجله منقدرش نفوتها نروح بيك ولا تقعدي عند خالتي ؟؟
سلمى:نصدمت ...ك ك ككيف بدر؟
بدر:والله مفيها كيف بكل تو نعرضك مره تانيه
سعاد:خلاص وليد اختي خليها هنايا كنهادا تتعشى لين تروح
بدر:تقعدي ولا تروحي؟
سلمى؛ابتسمت وهيا قاعده مصدومه...اي عادي نقعد
بدر:تمام امالا هي سلامات ...وطلع بسرعه
مروه:حطت يدها ع خدها وهيا مبتسمه ❤️
--
رواد:خش لي غرفة النوم ماسك شيبس ياكل لقي الغرفه فاضيه ومفيش حد غير ولد ريم يشوف لي السقف ويلعب
رواد:شاف يمين يسار وقعمز جنبه....مساء الخير
ولد ريم قعد يشوف لي رواد ويضحك ❤️
رواد:لا عاد قاعد مقلت شي انا الزح معش تبدا خفيف تضحك ع اي شي
البيبي:اختفت الضحكه من ع وجها
رواد:ايوا هكي خليك رااااجل
ريم:تتكلم من الحمام....خلي الولد في حاله متعلماش السفاله قاعد صغير
رواد:ياكل ويشوف للبيبي ....شن اسمه ديمه ننسى فيه!!
ريم:طلعت من الحمام...محمد
رواد:يشوف لي ريم من فوق لعند لوطه....اللهم صلي وسلم عليه ....🤤
ريم:عطاته بضهر وهيا ترتب في شعرها الكيرلي
اما رواد يتفحص في القفطان الشيفون يلي لابساته
كان قفطان قصير وردي شيفون وعند الركاب قماش ورد
رواد:وين ع خير؟؟
ريم:ترسم في فمها ....اختي العروسه مدايره لمة عشاء بسيطه اليوم لان امس مدارتش محضر
رواد:يشرب في القهوا ....غيري القفطان مش ماشي معاك لونه
انتي عبده وهوا بودري يبي وحده ابيض من مستقبلك
ريم:واقفه ع المرايه تساوي في القفطان جيهة الصدر.....محدش طلب رايك
رواد؛غيريه قلت
ريم: تابعت مكياجها...عبر ع مشاعرك
رواد؛بزع عليها القهوا يلي كانت في يده
ريم:رافعه حواجبها بصدمه ....قربت ع المرايا بخطوات بطيئ
كان قماش الورد كله ملبز💔
رواد:وتوا هكي بتغيريه غصب
ريم:قامت حاجبها وهيا متكنطيه....مزقت الطرف اللوطي يلي ملبز وخلت الباقي ....وطبعا القفطان بدي قصير هلبا
ورجع ع المرايا تكمل في مكياجها
رواد:اتكى ع السرير وجنبه البيبي ويشوف لي ريم ومبتسم....ايوا هكي الرؤيه اوضح🔥
البيبي:عيط بصوت واطي
رواد:قرب على ودنه.....امك خريه وعنيده
لكن عندها جسمممم🔥
ريم:شافتله من المرايا....بطل قلة ادب
رواد:كنت ناخد ونعطي معاه ....قال يبي خوت
ريم:والله؟
رواد:هوا قال مش انا🤷🏻
ريم:قلبه عيونها وبدت ترتب في شعرها
--
ريماس:طول الوقت خايفه ومرتبكه لو اهلها يحسو ان وليد مش طبيعي
كانت لابسه ومتأنقه وتراجي في المعازيم على اعصابها
بس ارتاحت لما شافت وليد يتعامل معاهم بكل سلاسه وطبيعي جدا
سمر:كيف الزواج معاك؟عاد نعرفوه بدر ولد خالتي تعيشي معاه ره ❤️
سلمى:اي الحمد الله...حنون ومحترم
مروه:ترضع في بنتها وتسمع
سعاد:رباية يديا ديمه هنايا قبل ما يتزوج
سلمى:حكالي عليكم وللامانه يشكر فيك هلبا انتي وبناتك وحتى كناينك
مره:قامت عيونها وتجي عينها في عين سلمى
سلمى:ابتسمت لكن مروه مقدرتش تبادلها الشي هاذا!
لمياء:قعمزت جنب مروه بهدوء وطبست عليها....نوض اسمعي القنبله
مروه:شنو؟
لمياء:لو تعرفي منو يهدد فينا بي الصور !
واصلين حتى في خوات بدر
مروه:عرفتوه منو؟
لمياء:اي
مروه:منو
لمياء...
--
ريم:لبست اكسسوارها وعقلها يرفع ويجيب
يحاول يذكر شي وفعلا قدرت تذكره!!
الولد يلي في مكالمة الفيديو !
هوا نفس يلي.....يتبع