رواية أدوار وهمية البارت السادس 6 بقلم بنوتة الشيخ الكاتبة أروى المسلاتي
ملحوظة قبل البدا عند البحث عن الرواية اكتب في جوجل (رواية ادوار وهمية دليل الروايات) لكي تظهر لك الفصول الجديدة
رواية أدوار وهمية البارت السادس
اسفه ع التأخير الايام هاذي خدمتي هلبا معش عرفت وين نفرق روحي 😭
لغيت الخيال بنات بنخليها حقيقه ،
قعدت ريم يوم كامل داخل العمليات لين طلع الدكتور اخيرا
الدكتور:الف مبروك ولد لكن الام مش رح تطلع الايام هادي تاعبه
سعاد:بعيون معبيا دموع .....الحمد الله يااااارب نبي نشوفه حفيدي لازم نبي نشوفه اول وحده وينه
الدكتور:اهدي يا حاجه يبي ع الاقل 3ساعات في الحضانه باش نتأكدو انه بخير
سعاد:حاطه يديها ع قلبها ....ااااه ياولدي الغالي اااه😭
متت بحسرتك ياولدي ياريت غير شفت وليدك قبل ما تموت
الله لا تسامحهم ولا تربحهم حسبي الله ونعم الوكيل
بشير:خلاص عاد متقعديش تندبي هنايا قدام الناس حتى في وقت الفرح لازم من العياط
سعاد:لانك مش حاس بي النار يلي فيااااا 💔
انا بس امه يلي مستحيل ننساه
رواد:مفيش داعي تقلبيها نكد خصوصا ان المرا تاعبه !
انا طالع بنولع سبسي لو احتجتو شي كلموني
سعاد:هزت راسها بمعنى تمام وهيا تمسح في عيونها
بشير:قعمز جنبها وهوا يشوف لي حجرة المصحه البيضاء....مصره تقعدي منكده على الصغار هكي ؟؟
8شهور ليك كل يوم عياط ونديب ؟؟
ولدك بيسافر
سعاد:شافتله بصدمه....ولدي ؟؟؟من فيهم😳
بشير:خدي نفس ....رواد
سمعته يحكي هوا وصاحبه بيرجعو لي المانيا
الجو هنايا ممشاش معاه بدات لما جي ولقي النكد والعزيوات يلي فاتحتيهم هنايا
سعاد:جت بتنوض وتلحق رواد....لكن مسكها بشير من يدها ......ارزني
مهما ترجيتي وبكيتي ولدك مش رح يقعد بي الاسلوب هاذا
سعاد:شنو تقصد؟نتفرج عليه وهوا يضيع مره تانيه ؟
بشير:لا اكيد لكن مش بي الطريقه هاذي
سعاد:تكلمت بي استهزاء ....وشنو الطريقه يلي عندك باش تحافظ بيها على صغارك ياسي بشير ؟؟
قاعد تهزب فيا نشيت انك انت السبب في هجرة رواد ولا ندكرك ؟
بشير:تغيرت ملامحه ....هني عمرك ولا دوه فارغه
ولدك مش رح يقعد لين يربطه شي هنايا
سعاد:بنضرات استغراب....شنو بيربطه؟
بشير:بنزوجه
سعاد:سكتت شويه وعلى وجها التوتر....متقوليش انك.....
بشير:اي بزبط ....ريم
سعاد:تكلمت بي انفعاااال كبير ......على جثتي الله ما تخشلي حوش من جديد لو كان نبدا
بشير:ولدك بيقعد جنبك وحفيدك يتربي عندك
متغلطيش وتوقفي في وجه الزواج هاذاااا
كله في صالحنا
سعاد:وليدي مات بي حسرته 💔
بشير:الله غالب ....مات خلاص ومعش في شي يرجعه
لكن نبيك متوقفيش في طريق رواد وتخليه يهرب من جديد
سعاد:مسحت دموعها .....كان وافق عليها السوداء هاذي
بشير:خدي نفس عميق وهوا يحرك في راسه يمين يسار ويردد....مستحيل تتغيري
---
نورهان :واقفه تشوف لي امها وبوها من بعيد
واضح ان بوها يقنع في امها في موضوع مهم وامها زي سعاد زي العاده مسكره راسها
غيرت اتجاه عيونها لي الروشن ....قلبها رجف 💔
رجفت اي قلب يشوف الشخص يلي يحبه ❤️
شافت صاحب خوها الغامض رواد .
شاب مش مفهوم ابدا !....
8شهور كاملات مسمعتش صوته يحكي ابدا غير انه ينادي على رواد بس !...
متعرفش اي معلومه عليه غير ان اسمه مجد ومش متزوج ولا خاطب !
8شهور تطلع وتخش قدامه عينه مقامهاش فيها ابدا وهاذا الشي يلي زاد حببها فيه !
شخصيته شكله رزانته ❤️
كانت ميته فيه بطريقه مش طبيعيه
بس هوا زي العاده مش عاطيها وجه ابدا !!!
مجد:واقف جنب رواد يحكي وفجآه قعد يضحك من قلبه وقام راسه فوق عشان تتلاقى عيونه في عيون نورهان ❤️
نورهان:من الارتباك متعها ومعرفتش تتصرف دارتله باي من بعيد👋🏻
مجد:اختفت الضحكه من على وجها ونزل راسه
ونورهان في اللحضه هاذي تمنت لو الارض تنشق وتبلعها 🤦🏻♀️💔
بقلم بنوتة الشيخ
انور:مقعمز يفكر في الكلام يلي حكاه صاحبه
فاطمه طلاقها بتطل لانها حامل من خوه !!
يعني زواجه من حرام في حرام 💔
وغلط يسكت ع شي زي هاذا قدام الناس
غلطه كان انه من البدايه سكت حتى لو حكي توا مفيش حد بيصدقه
خربت علاقته بينه وبين خطيبته وعايش مع وحده بي الحرام !
بجد انور اقتنع انه غلط اكبر غلط في حياته ومفروض خلا فاطمه تتحاسب على عمله زي هاذي!
لكن بعد شنو؟؟انور خداته العاطفه وخلاته يستر عليها وقعد هوا حاصل 💔
بين الحديث الطويل هاذا بينه وبين نفسه قاطعاته فاطمه وهيا طالعه من الممر بي البيجامه الورديه متاعها وماسكه بين يديها طفل صغير عمره قاعد مزيود
انور:الف مره قتلك معش تجيني للمربوعه
فاطمه:جيت بنحكي معاك
انور؛مفيش شي نحكو فيه خودي بنتك وخشي داخل
فاطمه:انور لازم نحكو ....شوف قداش ليا جايبه ومدرتش لا سبوع ولا لمه لعند امتى بنقعد نأجل ؟
كلهم يستنو فيا نعزمهم وانت متبيش الناس
انور:سكت دقايق بعدين حكالها الخبر بدون مقدمات ...انا بنتزوج
فاطمه:تغيرت ملامح وجها وعقدت حواجبها بي خبث....بتتزوج؟؟؟
انور:اي
فاطمه:ليش ؟؟
انور:ضحك بهزوه....ليش؟؟؟لاني ببساطه مش متزوج
فاطمه:قامت حاجبها ....ومنو هاذي يلي بتاخدها
انور:ولع دخانه....خطيبتي الاولى ....تعدلت الامور بينا واحتمال الخميس الدخول
فاطمه:بنضرة حقد ....ومحددين حتى الموعد !
انور:اي ...عندك مشكله؟؟
فاطمه:بتردد....لا
بس شنو بيحكو الناس؟؟
لما جابتله البنت مشي تزوج عليها
انور:شافلها بي ازدراء .....ياريتك فكرتي في كلام الناس من قبل ما اديري عملتك كنهادا راهو مش هادا حالي وحالك
فاطمه:خدت بنتها وناضت وهيا متكنطيه
---
لمياء:واقفه في المطبخ ومتكيه ع الدولاب....قتلك يابنت
مروه؛تغسل في الماعين....ها شنو
لمياء:كلمني كريم وقالي ريم جابت ولد
مروه:اي قالي ايمن قبل شوي
لمياء:كريم حكالي شوية طراطيش وقال ان عمي يبي رواد يرجعها عشان البيبي خصوصا انه طلع ولد
مروه:سكرت الميه وتلفتتلها....ياريت بدل ما عايشين في رعب هكي ومتوقعين راجلك ولا راجلي يرجعها في اي لحضه
لمياء:اي والله
مروه:مسحت يديها وفتحت تالفونها ...ابتسمت ابتسامه خفيفه
لمياء:متقوليليش خيرك الشهور هاذي كلها عيونك مينقاموش في التالفون ؟؟؟
مروه:انخطف لونها....مدايرين قروب فيس انا وخواتي نهدرزو
لمياء:ضيفيني
مروه:انا وخواتي نقولك نقرمو في سلفاتنا ونقرم فيك
لمياء:ضحكت....خزي يابارده
مروه:ضحكت ورجعت عيونها لي التالفون وكانت في رساله واصله من بدر ❤️
بدر:جبتلك 1500خودي بيهم الحاجات يلي حكيتيلي عليهم امس ناقصينك
مروه:ردت عليه بي رساله ....ربي يخليك ليا ❤️
---
ريم:فتحت عيونها ببطئ وتعب ....ام اءء امي
ريماس:ابتسمت بي فرح ....الحمد الله على سلامتك❤️
ريم:ااااااه....وين امي
ريماس:ترتب في باقة الورد....لوطه كيف نزلت
خشت للحمام
ريم:وين ولدي ؟
ريماس:قعمزت....في الحضانه تو يجيبوهولك
ريم:اخخخ نحس في وجع في راسي خلاااص
ريماس:سمعت شوية طراطيش
ريم:شن سمعتي ؟
ريماس:ان بيردوك
ريم:فهمت قصدها.....لمنو؟؟كريم هههههه
ريماس:لا
لي سلفك يلي رجع من المانيا ...مراد اسمه او رواد معش ندكر
ريم:تحرك في يدها بوجع
ريماس:شن رايك انتي ؟
ريم:شبحتلها....ماما وبابا وخوتي شن رايهم؟
ريماس:ضحكت بهزوه ....موافقين اكيد بدات انتي توا عندك ولد مش بروحك
ريم:خدت نفس....ميهمنيش
ريماس:سمعت من عزوزتك ان لو رفضتي بياخدو منك الولد بي القوه لان يبوه يتربي عندهم
ريم:يكون احس ....في الحالتين مش هامني سواء ردوني او خدو الولد
ريماس:تبصري ريم؟؟؟؟تبصرررري
ولدك كيف ميهمكش ؟؟؟؟؟؟
ريم:قلبت عيونها.....ريماس للمره المليون افهمي
مفيش حاجه في الدنيا هيا تهمني الدنيا بايعتها
ريماس:بايعتيها ولا .......
ريم:فنصت فيها رغم تعبها.....ردي باااااااالك ودي بالك تفكري حتى التفكير تفتحيه الموضوع هوا
ريماس:بلعت ريقها....تمام اسفه
ريم:سكري عليا الضي بنولي نرقد
ريماس:اممبه ...وناضت
الكاتبة أروى المسلاتي
نورهان:روحت من المشفى لقت الحوش فاضي مروه وامياء كل وحده في شقتها
ضمت الحوش وطلعت تنشر في الحوايج ...
وقفت جنب الحبل تنشر وعقلها ماشي بعيد تقكر في اللقطه العبيطه يلي صارتلها اليوم مع مجد 🤦🏻♀️
وبينما هيا كانت منسجمه خش وتلاقو الاثنين مع بعض ❤️
مجد:معش عرف يقدم او يوخر !؟
نورهان:ليست وشاحها وابتسمت ....تفضل
مجد:خش وهوا متوتر ....وصل لعند الباب يلي يركب لي حوش ناصر (الله يرحمه)بس لقي الباب مسكر
زاد توتر قعدت واقف قدام الباب وواضح انه متكنطي
طلع تالفونه ونورهان تنشر على مهلها ومركزه فيه ❤️
مجد:يحكي بصوت واطي لكن بيتفجر....متقوليش المفتاح معاك
رواد:مفتاح شنو؟
مجد؛الباب يلي يركب لي الشقه
رواد:عندي اي
مجد:النممممم علاش مقلتش من الاول علاش بتضربلي تعبه تانيه
رواد:منعلمش بيك مروح بعدين قداش مره قتلك متروحش بروحك ؟!
مجد:ناسي شحن اللاب توب وعندي خدمه لازم انسلمها الساعه 6ونص بزبط
رواد؛خليك في مكانك شوي وجاي
مجد؛تمام نراجي فيك
رواد:سكر الخط
مجد:قام عيونه وهوا مضايق شاف نورهان تتأمل فيه
نورهان:نزلت راسها بسرعه وخشت للحوش
مجد:خيرها هيا !
---
عائشه:سكرت الخط وخدت نفس طوووويل
ولاء:واقفه ع المرايه تنقي في حواجبها....عريس القهره؟؟؟
عائشه:اي
ولاء:مفهمتش شنو قاعده تراجي منه بس كيف وافقتي تكوني ضره !!؟
عائشه:قداش مره بتقوليهولي الكلام هوا ولاء متعبتيش!!
ولاء:بلاش مدخليش بيك في النهايه حياتك لكن تو تشوفي
زي الروايات يلي نتابع فيهم والله لما تاخده منك
الاولى
عائشه:ضحكت...هاذا واقعنا ياقلبي مش خيالك يلي تقري فيه
ولاء:الايام بينا
عائشه:ناضت تصلي في المغرب ومعدلتش عليها
---
بدر:خش بي كل هدوء من الباب وهوا يشوف يمين يسار لين قفز من مكانك لما خلعاته
مروه:بووووو 😂
بدر:ياعننننن شكلك
مروه:ضحكت ....خيرك خاش هكي خايف
بدر:تي وين نعلم شفت سياره برا
مروه:سيارة صاحب رواد
بدر:شن البراده هيا اول مره نشوف ضيوف يقعدو 8شهور بتريس قريب يسكر سنه
مروه:هانت معش مزال وخلاص يسافر
بدر:شبحلها بنضره ادووووب ....وانتي شن الحلاوه يلي ضارباتك هيا !'
مروه:ضحكت ....مش وقت كلامك البارد هاذا بسرعه شن جاي تبي
بدر:قرص خدها.....توزعي فيا
مروه:لا 🙈
بدر:المهم هادم الفلوس اطلعي خودي شنو ناقصك وكان راجلك سألك من وين احشيها في راس امك زي كل مره
مروه:شكرا بدوري❤️
بدر:قداش عندي مروه انا ...وباسها ع خدها
مروه:تحشممم
بدر:ضحك...هي نتلاقو
مروه؛اشرتله بيدها بمعنى باي ...كانت تشوفله وهوا راكب لي السياره كأنه اعضم أمانيها❤️
---
مجد:لاهي في تالفونه وبركان يغلي داااخله بسبب رواد يلي تعطل عليه !...كان منهمممك في الخدمه لين قاطعه صوت انوثي ❤️
نورهان:تفضل ❤️
مجد:قام راسه.....نعم؟
نورهان:تفضل ....ومدتله سفره فيها قهوه وكعك
مجد:خدي السفره ونزل عيونه....شكرا علاش متعبه ووحك
نورهان:ولا يهمك ...شفتك معصب قلت نديرلك قهوا تروق بيها
حتى انا لما نعصب لازم نبي قهوا 😅
مجد:عيونه في التالفون...شكرا
نورهان:العفو❤️...ع فكر الكعك خبزه توا عشانك
مجد:قام عيونه فيها
نورهان:نقصد عشان تشرب بيهم القهوا
مجد:شكراا
نورهان:اه عفوا ...اسفه دوتي هلبا
صحتين ...وخشت تجري ...هيا تحس بي الاحراج للمره المليون بسبب كلامها وحركاتها يلي متقدرش تتحكم فيهم لما تشوفه وتبان في نضره كأنها عبيطه !!
---
ريم:نبي مروح خلاص
ربيعه:ماسكه حفيدها بين يديها ...طولي بالك خلاص هانت بكرا تروحي مدامك طبيعي
ريم:اريح
ربيعه:تشوف لي حفيدها ....كلمتني عزوزتك بكري
ريم:تلم في شعرها ....تبي الولد؟عطيهولها
ربيعه:تبي ترجعك ياعديمة الاحساس
ريم:ع اساس تاخدي في رائي يعني توا ؟؟
ربيعه:يادرويشه تلقي من يربيلك ولدك ومتقعديش عانس عندي
ريم:اي وامتى اتفقتو ؟؟
ربيعه:تنهدت مادا بينا والولد قاعد لحمه حمرا باش يتعود
ريم:شافت لي امها...مرتبين كل شي يعني
ربيعه:اي
ريم؛ابتسمت بي هزوه على حياتها يلي زي اللعبه بين اهلها واهل ناصر (الله يرحمه)
---
رواد:شن تقول انت ؟؟؟؟؟
بشير:يلي سمعته....ياسرك من الصياعه والضياعه
مروحلي تقول فرخ من الانجليز وشام وعار زايد
سفر خلاص انساه
بتقعد هنايا وبتاخد مرت خوك خلي ولد خوك يتربي بينا !
رواد:ضحك بصدمه.....لالالا مستحيل مستحيل عندي موعد الشهر الجاي ولادم نرجع يا بوي
بشير :ترجع اي لكن انت ومرتك
غير هكي معنديش كلام ياسر خديت راحتك هلبا
رواد:تي شنووووو الكلام هاذا انا منقدرش نفتح حوش ونشد مسؤلية عيل كيف تقولي تزوجت مرا بي ولدها ؟
بشير؛الولد هادا يكون ولد خوك
رواد:رجع شعره للخلف بتوتر وطلع
بشير:اسممع
رواد:وقف مكانه بدون ما يتلفت
بشير:اوراقك وجواز سفرك كله عندي متفكرش حتى التفكير في الهروب بتعب روحك ع الفاضي
رواد:طلع وهوا متكنطي ويشوف في الدنيا سودااااء قدامه
---
نورهان:مقعمزه جنب روشن دارها تراقب في باب شقة ناصر بالك ينزل مجد فجآه وتشوفه ❤️
لكن شافت العكس تمام !
كان خوها رواد ....طلع من المربوعه ماسك يديه بي راسه كأنه في مصيبه
طلع التالفون يحكي في البدايه بهدوء بعدين قعد يعيط ويخبط كأنه يتعارك مع حد ولوح تالفونه
كانت نورهان تراقب بي انتباه....ليش خوها يدير هكي؟؟عمره ما شفاته متعصب لي الدرجه هاذي !
نزل مجد وهوا يحكي بهدوء معاه لين بعد دقايق كانت تعبيرات وجها نفس رواد بزبط ويسأل فيه بصوت عالي ....يعني مفيش سفررررررر؟؟؟؟؟
كان منضر غريب بنسبه لي نورهان:-
---
فات 40يوم !
40يوم كامل مجد يحاول يقنع فيهم بشير انه رواد يسافر !
لكن بشير كان مسكر رااااسه تماماً....كان خوف انه يفقده من جديد
وفي نفس الوقت مصلحه !
هوا عارف كويس ان رواد مش رح يكون سعيد بي زواج زي هادا لكن مع هاذا مش هامه !
---
انور:ايامه الاخيره بدي يحس بي دوخه وديما راقد لدرجة انه معش قادر ينوض للعمل متعه !
حس ان في شي مش طبيعي لكن مركزش ع الشي هاذا !
اجل عرسه من عائشه بسبب ضروف قرايتها بس بعدين خلاص تبتو على يوم ❤️
كان اسعد يوم في حياة انور كلهااا❤️
وعائشه رغم الغصه يلي في قلبها بس ممنعتهاش انها تفرح ولو شوي❤️
زي ماكانت فيه ناس فرحانه كانت في ناس بتموت من الغيره والحقد🔥
وتتمنى يصير اي شي عشان يلتغى الزواج ومش هكي وبس هيا تحاول بكل ما عندها عشان تلغيه !
---
مروه:ضميرها الصغير يلي كان يأنب فيها مات واختفى
بدت معش تشوف في حد !...لا راجل ولا صغار ولا اهل
معش تشوف الا في بدر وبس ❤️
حبها اعمى عيونها بدت تنفر من راجلها وهامله صغارها عشان تقعد مع بدر وترضيه
تغيرت بدرجه كبيره واي حد يقدر يلاحظ الشي هاذا
وبدر كان نفس الشي !....نسي انها متزوجه وبصغارها
خداته الدنيا معاها ومعش قدر يبعد عليها
من البدايه كانت علاقه مصيرها مجهول !!!
---
ريم:نحت عبايتها ووشاحها بهدوء عشان التسريحه متخربش !
شافت لي نفسها شويه في المرايه ....جميله❤️
ملامحها وسمارها يلي حاطيها لون يجنن ❤️
كانت لابسه قفطان ابيض سكري ....مخليه شعرها كيرلي غليظ مع قصه ومكياج بسيطه❤️
لمياء:شنو خلاص؟
ريم:نخلعت....اوكي جايه
لمياء:هيا اطلعي الناس يراجو
ريم:بخت عطرها وطلعت مع لمياء
بسبب زواج رواد على ريم دارو عشاء بسيط مفيه حد غير الاقارب وبس
سلمت عليهم ريم كلهم وخدت مكان قعمزت فيه
سعاد ام ناصر كانت سعيده بدرجه كبيره وحفيدها بين يديها
وريم زي العاده نضراتها ساخره بدرجه كبيره !
هازيه ع كل شي....ع زواجها الثاني
وولدها يلي مفيش اي مشاعر بينها وبينه
على عيلة بشير كلها
على اهلها يلي كانت صحة الوجه كبيره عندهم حتى بعد قصة ناصر قاعدين يجو عادي
هازيه على حياتها 💔
---
اما رواد كان بيهبل !!....الف قصه لازم يكملها ويديرها بي السفر💔
يشوف لي زواجه انه غلططططط ومش وقته
عنده الف مشكله لازم يحلها
يتهايل في ريم شيييينه ع حسب الكلام يلي سمعه من خواته
كانت تعابير وجها متتفسرش وزايده صاحبه مجد بي النقان ع راسه 🤦🏻♀️
---
ريماس:تعبت من الخطابه يلي ترفض فيهم واكتر واحد تعبها اخر شخص
طلبها 3مرات ترفض فيه وقاعد مصمم لين في يوم اذكرت كلام اختها ريم
ريم:قصدي عادي في النضره الشرعيه احكيله كل شي كمل معاك باهي قالك لا باهي عادي اصلا في حالة رفض وين بتتلاقو !!؟
حسمت ريماس امها انها رح تجرب كلام اختها !
---
مروه:صغاري خليتهم عند ماما
بدر؛تمام انا كيف طلعت من عند الرجاله اطلعي من الحوش تلقي سيارتي اركبي فيها طول مخليها مفتوحه
راجيني لين نجيك
مروه:به تمام .....وين بنمشو؟
بدر:مكان تحبه❤️
مروه:ابتسمت....تمام❤️
تشجعت مروه وطلعت لي سيارة بدر
---
ريم:حطت ولدها ع الفراش بعد ما رضعاته ....وقفت لبست عبايتها ورجعت خداته
سعاد:لالالا خلي عندي اليوم ميجيش يقعد معاك ليلة دخولك
ريم:ضحكت ع جنب وهيا تحكي ....ع اساس بندخل من اول يوم يعني !.....سلمت عليهم وركبت مخليتهم يقرمو فيها ع راحتهم وهيا عارفه كويس الكلام يلي رح ينقال من وراها
ركبت ريم بروحها ...فتحت باب الشقه وهيا تفكر داخلها
كيف رح يعاملها سي رواد هاذا ؟
ياتري رح يكون زي خوه او لا ؟؟؟
مكانتش تعرف انها خاشه ع اسرار قويه وح تقلبلها حياتها!!
حجات كانت زي اي بنت تقرا فيهم في الروايات وعمرها ما تخيلتهم يصيرو معاها !!!....يتبع