رواية محامية تحت التمرين كاملة جميع الفصول بقلم الكاتبة الصاعدة ميرنا ناصر عبر دليل الروايات للقراءة والتحميل pdf
رواية محامية تحت التمرين البارت الأول
ف مكتب كبير يهيبه الجميع يعمه الصمت .لن تسمع فيه سوى صوت كتابات ع احد الاجهزه الألكترونية والكل ف هيبة ووقار لاستقبال المحامى الكبير(ادهم الطواف) الذى يرأس هذا المكتب والعدد المهول من المحامين
ادهم بصوت قوى:صباح الخير القهوة على مكتبى وتبعتولى الطالب الاول ع الدفعه ولو اتأخر خمس دقايق عن كدا بلغوة برفضى وورق الجلسة الاخير ف قضية القتل تتبعتلى ...
كل الموظفين بيتحركوا بسرعة جنونية عشان ينفذوا اللى قالوا وانا واقفة مش فاهمة هو قال طالب بس مش طالبة هو فى ايه ما علينا
ادهم يخرج من غرفته: مبعتوش الطالب ليه 😕يااساتذه لو اتاخر يبقى اترفد من قبل مايشتغل دا استهتار يانبيل يا اكرم بسرعة لو سمحتوا
نبيل: فين رقم نور دا رن عليه بسرعه ينهار اسود
اكرم:ايه فى ايه مات الواد ولا ايه
نبيل:ياريت السى فى بتاعها مكتوب انسة😊
اكرم:ينهار طين يلهوى ورينى كدا "نور ابراهيم القاضى"
محستش ومفهمتش اى حاجة غير انه اسمى اتنده ومستغربين انى بنت مش ولد
نور:ايوة يازمالة انا نور😊😂
نبيل :زمالة ونور وبنت ع الصبح ومش لابسة بدلة
نور:هلبسها ليه انا هتجوز ثم انى بنت اصلا البس ليه بدلة.حلو الدريس ده
اكرم: دريس☺دا هيدرسونا ف كتب التاريخ ع اللى الاستاذ هيعملوا فينا دلوقت اتفضلى ادى دريسك اقصد السى فى بتاعك وادخلى وان شاء الله تطلعى سليمة ومعتقدش 😕💔
نور:بص يسطا ماعلينا من كل الكلام دا مبسوطه انى اتعرفت عليكوا😊
نبيل:مبسوطة الحق قال دا انتى هتتسحلى دلوقت😊الله يرحمك كنتى مبتسمه☺
خبطت الباب وانا خايفة ومرعوبة من رد فعل الشابين دول استنتجت مع عصبيته انه هتهزق تهزيق جامد يعنى😂
ادهم من غير مايرفع نظره:ادخل ياللى بتخبط اكيد انت الطالب الاول ع الدفعة مواعيدك مظبوطه لو كنت اتأخرت شوية كنت هتترفد من قبل الشغل دلوقتى هنبدأ تدريب يانور عايزاك راجل تعتمد ع نفسك من دلوقت وتنشف كدا اول قضية هتابعك انا وبعدها هيرأسك الاستاذ رؤوف معانا هنا برضو
نور:..............
ادهم باندهاش:انت مبترد..........
نور: بخ🙈😂
ادهم :بخ !!!انتى مين وايه اللى سمحكلك تدخلى هنا وفين نور
نور:انا اهو
ادهم :يا انسة انا اقصد الطالب نور ابراهيم القاضى😊
نور: ماانا نور ابراهيم القاضى الاولى ع الدفعة السنادى واللى حضرتك طلبت انك تاخد الاول ع الدفعة وانا الاول ع الدفعه يوووه الاولى 😂
ادهم:بنت ايه وزفت ايه الاول ع الدفعه ف اتنين مكررين واسمهم نور وولدين
نور:تؤتؤ بنت وولد نور بنت وفى نور ولد والولد مسافر هيكمل حاجه برا البلد ..وانا البنوتة اللى هتشتغل 🌸
ادهم:بنوتة ف عينك انتى اطلعى بره انا مش بشغل بنات دا اولا ثانيا مفيش بنت محامية شاطره اخركم البيت اصلا
نور:هو انت منهم يسطا براحة مش محتاج الامر كل ده ليه لان السندريلا قالت البنت زى الولد مهياش كمالة عدد
ادهم باستهزاء :السندريلا بدال ماتقولى شعر وتتلفظى ببيت شعرى محكم القافية والوزن بتقولى السندريلا طيب ياستى انا مش بحب البنات ☺وبكرههم واه منهم وطلعى برا واسمها حضرتك مش يسطا ولو بعين بنات بعد يسطا دى اعتبرى نفسك مرفوضه
نور:على فكرة انا ممكن افحمك ب بيت شعر ولكن بابا علمنى مقولش شعر حد واشعر لنفسى واقول ولكن هتحداك واعمل زى العرب زمان وارد عليك ب بيت شعر حضرنى الان للشاعرة المعروفة نانسى عجرم وهو"يابنات يابنات يابنات اللى مخلفش بنات مشبعش من الحنية ولا شافشى الحلويات"الله عظمه شايف الوزن بنات حلويات دا من شعر البحر الطويل ع فكره
ادهم:دا بيت شعر ؟!!! مين نانسى عجرم دى
نور:بتاعت اخاصمك اه اسيبك لاء وجوه القلب ....
ادهم:اخرصى ايه الهبل ده
نور:خولاصه الكلام وعموما ومنطقيا انا اتقبلت وش لانه اكيد حضرتك مش هتطلع عيل انت قولت انه هعين الطلاب الاوائل وانا منهم وحضرتك لبست فيا خلاص وهنعيش مع بعض حلوين كدا وانا والله حد لذوذ كدا وهنبقى اسرة مع بعضشينا ان شاء الله😊
ادهم:اه هو انا حقيقى لبست اكبر قضية ف حياتى دلوقت اترزعى وهدربك ولو غلطه واحده ينور هتترفدى
نور :هتنبوهر وهشرفك😎انا اصلا مولدة ع مكتب انت مش فاهم
الباب بيخبط بيدخل السكرتير مندهش
اكرم:انتى لسه عايشه طب الحمدلله
ادهم بصوت قوى :خير يااكرم
اكرم:اه...اه الاستاذ معتز الشامى وصل ياافندم تسمح حضرتك بالدخول
ادهم وهو يجلس باناقة ووقار : اه خليه يتفضل ..صحيح البتاعه دى هتشتغل معانا خدوا السى فيه وابدأ شوفوا الشئون عشان تتعين
اكرم:بس دى بنت يافندم
نور:خليك بحبوح كدا اومال هو عارف وغنيتله دلوقت ..اقصد اقنعته روح يااكرم ودخل المتهم بسرعه
ادهم:متهم ايه اخرصى
خرج اكرم وهو يقص ل نبيل كل شئ
نبيل:هى البت الشهاده لله دمها خفيف حسيت كدا
اكرم:وحلوه مشيفش يعم عنيها خضرا ورموشها وبشرتها حاجه جايه من برا
نبيل :بس بس زنوب ملناش دعوه
اكرم:كلناش دعوة ايه بس تخيل اصحى الصبح البس بدلتى واجى اصطبح بالنيوتيلا دى مش بعم محمد الساعى القهوه بصوته ووشه ده القهوة يااستاذ لكن دى هتقولى صباح الخير يابيبى مثلا
نبيل:بيبى ايه ياعم دى بتقول يسطا😂
دخل المكتب معتز الشامى شاب فى اوخر العشرينات طويل القامة يتميز بأناقته ووسامته
نور: الله هو فى رجال اعمال قمرات كدا🙈😂
ادهم بعصبية:نعم ياختى انتى بتقولى ايه
البارت الثاني
ادهم :نعم ياختى انتى بتقولى ايه
نور تقرب من اذنيه:هو معتز دا جرافيك ولا حقيقى بنوادم زيينا
ادهم بهمس: اسمها بنو ادم مشاء الله فصيحة وايه جرافيك دى انتى متخلفة يابنتى
ادهم بصوته الرخيم: احم واقف ليه يامعتز بيه اتفضل المكتب كله منور
معتز بصوته الهادى: هههه دا من زوقك يادكتور ادهم
نور تقرب من ادهم:بست..بست
ادهم بعصبيه وهمس:ايه يازفته قاعده مع قطه بتبسبسى
نور: هو سؤال هو دا صوته كدا
ادهم:اه 😒🤔 ماله
نور: زى طبقه عبد الحليم يعنى ياربى اليوم اللى اتعين فيه اشوف رجل اعمال حقيقى وبدل ..وبدل .وجرافتات مش جرافيك وناس جامده كدا وعبد الحليم ياااه😲😮كتير قلبى صغير
ادهم بعصبية :اخرصى ممكن اه معتز بيه بلغنى ان القضية اللى انت جاى فيها صعبة اووى وعرفت انك اخترت مكتبنا بالذات ودى ثقه كبيره
نور: اه ..اه ادهم افتح الشبابيك بسرعة انا اتخنقت ومش قادرة اتنفس خالص 🤕
《قام ادهم مسرعاا بفتح نوافذ المكتب ويهتف بشده للساعى لكى يحضر بمشروب 》
ادهم بذعر:فى ايه يابنتى انتى
نور : مش قادره اخد نفسى من البرفيوم اللى حاطه معتز بيه تاعبنى رحيته قوية وانا عندى ضيق ف الشعب الهوائية
معتز برقه: يااه انا اسف يا انسة معقول ريحة البرفيوم دى تتعب الحلويات دى كدا دا احنا نرفع ع الماركة دى قضية ياقمر
نور: هو انتوا عشان اغنياء تموتونا ونختنق كدا ايه الظلم ده هاا وبعدين فى حد يرش العلبة كلها كدا طب خلى شويه تروح بيهم مشوار تانى 🙂
ادهم ومعتز:ههههه😂
معتز: شكلك دمك خفيف اووى وقمر اووى و....هو اسمك ايه
نور: هاااا قمر 😲..اسمى ...ا ..اسمى
ادهم :اتخرصتى دلوقت اسمها لمبه يامعتز بيه
نور بعصبيه:لمبه ايه يااباجورة انت اسمى نور افتكرت 😀
ادهم يجز على اسنانة:اباجوره هاا مخصوم منك 3ايام
معتز: حقيقى اسم على مسمى نور وكلك نور وحيوية وبراءة وجمال
نور: بس يسطا ميرسى لذوقك والله بس انا اصلا دبش ومش بيمشى معايا الجو النحنحة والرومانسية ده
《معتز لن يتفوه بكلمه واحده ويصدم من رد فعل نور ولكن نظرات الاعجاب بجمالها كان واضح لن تفهم نور تلك النظرات ولكن ذلك الصوت الرخيم الحاد ف الطبع كان يفهمه بكل وضوح دون ادنى شك》
معتز:......
ادهم يكتم ضحكاته: اه معتز بيه ندخل ف القضيه وتعالى نقعد ف غرفة الاجتماع علشان تحكيلنا كل حاجه بوضوح بدال قاعده المكتب دى يلا يانور
نور: اشطا
معتز: اه طبعاا
ادهم :اتفضلوا استريحوا اه يامعتز بيه احكيلى اللى حصل بالتفاصيل
نور: ايتا ايتا ايتا
ادهم :فى ايه يازفته انتى خير
نور: هو هيحكى لينا القضية بالتفاصيل زى الحكاية كدا
ادهم بإستغراب: اه عند سيادتك ميعاد او هنعطلك
نور: ابدا استنى بس
《قامت نور تركض الى مكتب ادهم وتخرج من حقيبتها الخاصة دفتر واقلام ملونة كثيره وحقيبة من البلاستيك 》
ادهم: ممكن افهم ايه الدفتر ده والاقلام الكتيرة دى وايه الكيس ده
نور:يسطا هدى اعصابك دا عشان نكتب كل اللى هيقوله كل معلومة او حاجة بلون
ادهم: بغض النظر عن يسطا ف دى مخصوم منك اربع ايام بس حركة حلوة انا بحب النشاط ف العمل والكيس دا ايه
نور:😞 اتخصم منى 7ايام مره واحده ماانت لسه خاصم 3من شويه 😞 ما علينا ربنا ع الظالم دا لب 😇😊 لزوم الحكاية عشان نتسلى
ادهم بعصبية:نعم ياختى لب ارمى الكيس دا بسرعة وإلا ودينى هرفدك يانور
نور: طب اخد تلات حبات بس ونتسلى🙂 طب لبايه واحده😊
ادهم:منك لله ياشيخة جبتيلى الضغط
معتز:هههههههه والله ماقادر دمها خفيف اووى وطلعت من مود الكأبه
نور: اوماال احنا شعارنا اخصم م الموظف وشرشحه يرتاح المتهم ونفرحه اهلا وسهلا يافندم🙂
معتز: ههههه مش قادر اقسم بالله
ادهم يكتم ابتسامته : مخصوم منك 10ايام يانور وكلمه تانى هيبقو عشرين 🙂 اتفضل يامعتز بيه
《نور بتمسك القلم بيديها وتقفز ع الطاولة فى غضب ونظرات عينيها بدموع》
نور: خبر ايه يااعم انت نازل تخصم تخصم مره تلاته ومره اربعة ومره عشره انا لسه اشتغلت عشان تخصم ولا كأنه مكتب اهلك 🥺
معتز: هههههه انزلى يانور واستهدى بالله
ادهم يضحك دون ان يتحدث:....
نور: هو مكتب اهلك🤫 انا نسيت طيب يسطا فرصه سعيده انا هقدم استقالتى
ادهم بعصبية: للاسف مش هتقدرى عشان العقد اللى المفروض مضيتى عليه وقت التكريم مدته تلات سنين مينفعش غير لما ارفدك وانا مش هرفدك عشان أدبك وانزلى 😊 من على الطاولة
نور بهس: دا انا هديك بالطاولة دى ع وشك 😒
ادهم : اتفضل يامعتز بيه واسف ع كل ده انسة طفلة صحيح 😒
معتز : اجمل ما فيها طفولتها🌸
نور:نينينيني 😏سورى اتفضل يافندم احكى خلى اليوم الاسود يخلص
معتز: الحكاية انى دخلت شراكة بين تلاته من اهم رجال الاعمال منهم هايدى معتصم سيده الاعمال المعروفة واتنين من البرازيل زى ما كنت فاهم وطبعاا على زن من هايدى اقترحت عليا اشارك الاتنين دول بالذات بعد ما فهمتنى انهم تقال ومعاهم مليارات وبيستثمروا دايما وعملنا كذا مشروع وطلعت كسبان طبعا وبعدها هايدى فهمتنى ان هاشم الرواى اللى هو واحد من الاتنين دول هيبيع منتجع استثمارى عامله بيطلع على البحر بمبلغ 500مليون جنيه وان ده فرصه لانه اكتر من كدا تمنه بصراحه لما شوفته ذهلت من الجمال والارباح وبعدها فهمتنى انه داخل مشروع حديد وصلب ودا تخصصه وهيبع دا عشان المشروع بالفعل كان فرصه واشتريته واتنصب عليا طبعاا وطلع ان هاشم الراوى ده مختل عقليا وملهوش اى صرفه ف بيع اى املاك لانه مختل ودا يبطل البيع والشرا
واتاخد منى المنتجع دون الفلوس وقالوا انهم مستلموش ومكنش للاسف فى محامى لان دا كان ثقه بينا ولينا فتره بنشتغل
نور: ياكبد امك ياولدى وخدوا منك 500مليون جنية ياعينى ...هما الستات كدا مخهم بيشتغل حرباية متزعلش نفسك اهم حاجه صحتك وبدلتك وبرفانك كويسين 😊بكره عمل غيرهم متقلقش
معتز: هو انتى ف عنيكى دموع ليه كدا ياانسه نور
نور: الست هايدى دى وحشة اووى ايه دا هما فى ناس حراميين كدا
ادهم بتقليد وعصبية: كبد امك ياولدى .... ومتقلقش وصحتك وبكره تعمل غيرهم مخصوم منك اربع ايام يانور😊 عايزين حل للقضيه ياهانم 😕
يتبع..
البارت الثالث
ادهم بتقليد وعصبية: كبد امك ياولدى....ومتقلقش ..وصحتك وبكره تعمل غيرهم مخصوم منك اربع ايام يانور 😊عايزين حل للقضيه ياهانم
نور بعصبية :يخرب بيت نور كدا بقيوا 21يوم يعنى هقعد شهر اشتغل ويطلع عين اهلى وف الاخر مخدش فلوس فين العدل يباشا فينه لا اراه🥺
معتزه يكتم ضحكته: خلاص يانور دكتور ادهم بيهزر معاكى
ادهم ببرود : تمام يامعتز بيه كله هيبقى تمام انت متحملش هم وان شاء الله فلوسك هترجعلك
معتز: تمام اووى استأذن انا
ادهم : اتفضل شرفتنا
نور: لو سمحت ارفدنى 😊
ادهم بنظرة تحدى : لاء على مكتبى حصلينى🙂😒
نور : طيب 🥺
ادهم: هخليكى تروحى عند رؤوف دلوقت وهيعلمك تكتبى ازاى المرافعة باللغة العربية الفصحى وطبعا هختبرك تحلى ازاى القضية وتقوليلى
نور : تمام
《بعد مرور ساعة واكثر》
ادهم: ايوا يانبيل ابعتلى انسة نور
نور: استاذ نبيل قالى انك عايزنى ياادهم ف حاجه
ادهم :يعنى نبيل السكرتير بتقوليله يااستاذ وانا مدير المكتب وواخد دكتوراه بتقوليلى ياادهم اسمى استاذ ادهم او دكتور
نور بهمس:متكبر مغرور .😕
ادهم: بتعملى ايه بره كنتى
نور: اتعرفت ع الموظفين كلهم عشان فضولى مكان وعشان المكتب بتاعى😊
ادهم : اتعرفتى ع 15موظف وخلتيهم يفضولك مكان وشغلتيهم تحت ايدك مشاء الله معانا شخصية قيادية يانور
نور بتقليد لادهم: ايه نور دى😕 اسمى استاذه نور او دكتورة ولا اقولك قولى ياسيادة المستشارة العظيمة
ادهم : بت انتى انا جيلى الضغط ومش ناقص انت هتترزعى معايا هنا ف الاوضة دى فيها جزئين انتى هتترزعى ف الجزء اللى هناك ده
نور: بس المكتب بتاعك كئيب كدا والمكان بره احلى فرفوش كدا وناس رايحة ونا جاية
ادهم: طبعاا بالنسبة لوحده جاية من الشارع زيك عايشه ف دوشة وسوق ف حابة كدا فى 15شاب بره مينفعش
نور بدموع محبوسة ف اعينها: مش جاية من الشارع انا مش جاية م الشارع بس عشان انت متكبر ومغرور فاكر انه الكل اصغر منك بعد اذنك
《ادهم شعر بالندم بعد ان خرجت نور وخبط بيديه القوية على طاولة مكتبه》
نور مسحت دموعها: عم محمد انت ياراجل بست بست 👋
عم محمد: خير يااستاذه نور
نور: لا استاذه ايه انا زى بنتك خلى البساط احمدى قولى ياسياده المستشارة نور😊
عم محمد: ههههه😂 طيب ياسيادة المستشاره نور عايزه ايه من عمك محمد
نور : لا بهزر معاك قولى يانور بس عايزه اعرف انت بتيجى الصبح الساعه كام
عم محمد: خير يابنتى ف حاجه ولا ايه
نور: خير ياراجل متقلقش جايه اسرقه الصبح عاادى😂
عم محمد: لا شكلك حكاية ولمضه😂 باجى الساعة6 والموظفين بتيجى 9 الصبح بقعد ارتب المكاتب وادخل ع شغل البوفيه
نور : طب ينفع تيجى 5 الصبح كدا واعزمك ع فطار مفيش منه بايديا دول طعمية سخنة وشويه فول من اللى قلبك يحبهم وعيش سخن
عم محمد: ليه بس يابنتى نيجى ف الصبح بدرى كدا
نور: ماقولتلك هسرق المكتب ياعم محمد الله 😂
عم محمد: طيب يانور يابنتى حاضر
نور: بكرا هتفهم ياعمو كل حاجه💙
صباح يوم جديد
نور: هى بقت كام الساعة دلوقت ياهمو
عم محمد: 8ونص يابنتى تعبتى نفسك
نور: بس انا كدا مرتاحة هدخل ارتاح شوية ف المكتب
عم محمد: تمام يابنتى
《دقت الساعة التاسعة صباحاا والكل فى هيبة ووقار لاستقبال ادهم الطواف》
ادهم:صباح الخير يااستاتذة
الكل فى نفس واحد:صباح الخير يافندم
《 دخل ادهم وانصدم لما رآه من جمال المكتب ورائحته وتفاصيله 》
ادهم : عم محمد يانبيل
عم محمد بهمس خير يارب: ايوه خير يا استاذ ادهم
ادهم: مين اللى جاب الزهرية والورد ده ومين اللى جاب اللوحات دى والزينه وكل الديكور ده
عم محمد: نور ياادهم بيه
ادهم: نور !!!! هى فين اصلا ولحقت تعمل كله ده امتى
عم محمد: نور هنا من الساعه 5 الصبح يابيه كنست المكتب بتاع حضرتك والجزء اللى ف الناحيه التانية بتاعها وكانت جايبة ورد كتير وزهريتين واحد عن حضرتك وواحده عندها ولوحات زى مانت شايف وكراتين طلعت منها حاجات غريبة
ادهم بااندهاش: كله ده عملته نور وايه الحاجات الغريبة دى معرفش يابية حاجات زى العلب كدا وقعدت ترش بيها ع الحيطان قوم سبحان الله الحيطه لونها تتغير
ادهم يكتم ضحكته: سبحان الله😂
عم محمد: وورق اشى اخضر واشى احمر اسمه توس نوتس
ادهم بضحك: stik notes 😂 كمل ياعم محمد
عم محمد: واقلام كتير يابيه والوان كده و لوحات وصوره حاطتها ع المكتب وورق ابيض كتير وزينه وعلبه رشت منها ريحتها حلوه قووى يابيه تقريبا كالونيا وورد كتير شكلها عتحب الورد
ادهم بتقليد: كالونيا .وعتحب .وتوس نوتس وورشت ع الحيطه لونها اتغير سبحان الله
عم محمد: غريبه يابيه مبروكه نور دى
ادهم: اطلع بره ياعم محمد وهاتلى عصير كوبايتين
《دخل ادهم مكتب نور الذى كان يوجد ف نفس الغرفة ولكن يحجب عنه وعنها حائط م الزجاج ملون ويصدم من جمال غرفتها الصغيره وحقا مبهجة لدرجة انها كفيلة تفصلك عن العالم الخارجى داخل غرفة من السعاده والبهجة وعالم البراءة💙👑🌸 ووجدها نائمة على الكرسى 》
ادهم بهمس: شبه الملايكه يانور بغض النظر عن كمية الدبش اللى ف لسانك بس براءة الدنيا كلها فيكى شبه الملايكة وشعرك حلو اووى وعنيكى .....ملايكة اى وشعر اى وزفت عنيها ايه
ادهم بعصبية : نور انتى يازفتة قومى انتى يابت
نور بخضة: المغرور المتكبر جه عم محمد اقتله
ادهم يكتم ضحكته: لا مش عمك محمد انا المتكبر نفسه مخصوم منك 7ايام وكدا كملنا الشهر😊
نور :ياحزن الحزن ع الصبح كدا يامرارى💔😢
عم محمد: العصير يابيه ادى كوبايتك يانور
نور: انا مطلبتش؟!! متشكره ياعمو
عم محمد: لا دا ادهم بيه اللى قالى هات اتنين
نور : طيب شكراا ياعمو محمد
ادهم : دا مش ليكى انا كنت مستنى عميل بس هو فهم غلط
نور : مفيش عملاء النهارده 😊دى بتاعتى انت جبتها سبيل شكر مثلا
ادهم: هو احنا وصلنا لكام ف الخصم كدا
نور: انت جبتها لعميل بس انا هشربها ودا لذوقك المتناهى والمتفانى والمتتالى
ادهم يكتم ضحكته: اه 😊 طبعاا حليتى القضيه😕
نور: اه ياادهم حليتها وسهرت عليها الليل كله ومنمتش غير ساعه بس
ادهم بعصبية: اسمى زفت ادهم قولتلك احترمينى
نور: حاضر 😊حليتها يازفت ادهم يازفتوت حليتها
ادهم:نووووور بلاش غباء
نور: طيب الحل هو اننا هنشوف ميعاد صرف الشيك من البنك بااسمه
ثانيا لازم نطعن ف الشهادة بتاعت مختل عقليا دى لانها مزورة وان هاشم الراوى عرفت بعد اتصالات كتير نصاب محترف وحقيقى جنسيته البرازيل بس عايش ف مصر وكمان لازم نجيب شهود يشهدوا انه مش مختل ودا هيرجعنا وقدرت اعرف المكان اللى اتقابلوا فيه مطعم كبير وده بيسجل استلام الشيك القضية اتحلت😊
ادهم:عرفتى تعملى كل ده ف يوم واحد بس ....هو انتى اذاى كدا 😍 يتبع..