رواية قسوة قلبك البارت الثالث عشر 13 بقلم هاجر العفيفي
رواية قسوة قلبك الفصل الثالث عشر 13
فى فيلا الجارحى
سنيه خرجت صرخت بصوت عالى : الهانم الصغيره انتحرت
سميه بصراخ : بنتييييي وقامت تجرى على الاوضه
محمود اتصدم ومكانش قادر يقوم خالص
سميه دخلت لقت بنتها مرميه فى الارض وقاطعه شراينها جريت عليها وحضنتها وفضلت تعيط جااامد وتصرخ
سميه : اتصلى بالاسعااااف يااااسنيه
وفعلا اتصلوا على الاسعاف وبعد شويه وصلت واخدتها وامها ركبت معاها وابوها ركب العربيه وراح وراهم
***
فى قسم الشرطه
كان قصي ماسك القلم وشارد وفجاه جاله فون مردش فى الاول وتجاهلوا بعد كده رن تانى وفتح الفون ورد
قصي بضيق : الو مين وبصدمه ااااايه !! انتحرت طب مستشفى ايه قام لملم حاجته بسرعه واخد المفاتيح ونزل يجرى ركب عربيته وساقها بسرعه جنونيه
وبعد وقت وصل عند المستشفى ودخل سال فى الريسبشن على رقم الاوضه وطلع يجرى لحد ماوصل
كان والده ووالدته منتظرين بره اوضة العمليات
قصي بلهفه : خرجت ولا لسه
سميه بدموع : انت السبب انت السبب منك لله
محمود بصوت عالى : متشيلوش ذنب هو مش السبب فى حاجه بنتك هى ال عملت كل حاجه
قصي : خلاص يابابا انا فعلا السبب عن اذنكم هنزل استنا تحت لحد ماتخرج من العمليات ونزل وسابهم
سميه : شوفت نزل ازاى ومستناش حتى يطمن على اخته
محمود : ماانتى كلامك زى السم
سميه : مش دى الحقيقه
محمود : ممكن تسكتى بقا وخليكى فى انتى فيه
سميه : سكتنا
عند قصي
نزل تحت ينتظر بس جاى فى دماغه كلام والدته وكلام جيانا لسه بترن فى باله كلمة انت السبب وللاسف كله بيقولهاله
هل هو فعلا بقا مؤذى لكل ال حواليه وبقا خطر عليهم طب جاب قسوة القلب دى كلها منين قاطعه من شروده صوت رنة فونه
قصي بضيق : الو
عمر : ياابنى روحت فين اللواء محمد بيسال عليك
قصي : فى مشوار كده جاى اهو
عمر : طب بسرعه بقا علشان ميعملش مشكله
قصي : ماقولتلك ماشى جاى
عمر : خلاص ياعم هتضربنى سلام
قصي : سلام وقفل معاه ونظر على المستشفى نظره اخيره وراح ركب عربيته ومشى
بقلم هاجر عفيفي
فى منزل جيانا
دخلت هى وكاميليا وكانت جيانا هتطق من العصبيه
ودخلت على اوضتها مسرعه
كريمه باستغراب : مالها ياكاميليا
كاميليا : حصل موقف معاها ماكان على البال ولا النيه
كريمه بقلق : موقف ايه يابنتى قلقتينى قولى
كاميليا بتردد : الصراحه كده جيانا اتفصلت من الكليه
كريمه شهقت بصدمه : يلهوووووى اتفصلت ليه عملت ايه دى طول عمرها ملهاش دعوه بحد ايه ال حصل يابنتى فهمينى
كاميليا : ال حصل ان كله عرف ان اخوها يعنى اسفه فى الكلمه مدمن والمعيد قالها كلام يضايقها
كريمه : ياعينى يابنتى اتاذيتى بسبب اخوكى الله يسامحك ياابنى دمرتنا كلنا ام ادخلها اشوفها
كاميليا : سبيها دلوقتى ياماما لما ترتاح وابقى ادخليلها
كريمه : ماشى يابنتى بس صحيح هو مين ذاع الخبر ده فى الكليه
كاميليا بتردد مش عارفه تقولها ايه بس حاولت تكدب : د د دول ناس بقا الله لايسامحهم بتحب الشر
كريمه : ربنا ينتقم منهم على حرقة دم بنتى
كاميليا : يارب انا هقوم ياماما اغير هدومى علشان مرهقه
كريمه : ماشى يابنتى على مااحضر الغداء
كاميليا : ماشى
ودخلت اوضة امجد ال هى بقت اوضتها من ساهة ماجت عندهم دخلت نامت على السرير ودموعها نزلت بغزاره وطلعت صورة والدها وباستها
كاميليا بدموع : وحشتنى اوووى اوووى يابابا محتجاك اووى جمبى ربنا يرحمك ياحبيبى ومسحت دموعها وباست الصوره وشالتها فى شنطتها وقامت دخلت الحمام اخدت شاور وخرجت غيرت ملابسها وخرجت تساعد كريمه فى اعداد الغدا
***
فى المستشفى
كان سميه ومحمود واقفين منتظرين الدكتور يخرج يطمنهم على ابنتهم وبعد شويه من الوقت خرج الدكتور راحوا عندو
سميه : خير يادكتور بنتى ايه اخبارها
الدكتور : الحمد لله لحقناه على اخر لحظه كويس انها متاخرتش عن كده كان ممكن لاقدر الله يحصلها حاجه
محمود : الحمد لله
سميه : طب مينفعش نشوفها
الدكتور : لسه هنخليها تحت الملاحظه كمان تلات ساعات بعد كده هنوديها اوضه عاديه عن اذنكم
محمود وسميه : اتفضل
سميه وجهت كلامها لمحمود : البيه ابنك هرب مش عايز يشيل نفسه مسئوليه انا مش مسمحاك ولا انت ولا هو
محمود : قصي مهربش لانه عمروا ماهرب من اى حاجه تلاقيه جاله شغل مفاجئ وبعدين محدش قالها تنتحر هى ال عايزه تقهرنا وخلاص
سميه : كمان هتحملوها المسئوليه مش انتوا ال حبستوها وخلتوها تكره حياتها
محمود : مفيش حد هيضيعها غيرك يعنى مشوفتيش غلطاتها انتى ايه مبتحسيش انا مش هتكلم معاكى دلوقتى علشان احنا فى المستشفى لما نروح لينا كلام تانى وسابها وراح جلس على كرسى بعيد
سميه اتغاظت وجلست مكانها وفضلت تبصله بحقد
***
فى قسم الشرطه
قصي وصل بهيبته المعتاده ودخل مكتبه وبعد شويه دخل عمر عليه
عمر : ايه ياابنى مشيت فجاه ليه
قصي بضيق : مفيش المهم اللواء محمد فين
عمر : فى مكتبه روحلوا عايزك ضرورى
قصي : تمام بقولك الواد ال فى المخزن ده عايزكم تظبطوه وبعد كده ارموه فى اى داهيه
عمر : امرك يابشا
قصي : تمام وخرج من مكتبه واتوجه لمكتب اللواء وخبط واذنلوا بالدخول
قصي : مساء الخير يافندم
اللواء محمد : مساء النور ياقصي اتفضل ياابنى
قصي جلس على الكرسى المقابل للمكتب : خير يافندم ايه القضيه النهارده
اللواءمحمد : خير ان شاء الله دول ناس تجار سلاح مش هياخدوا فى ايدك حاجه
قصي : تمام فين المعلومات يافندم
اللواء محمد طلع ورق ال فيه بيانات القضيه وعطهولوا : اتفضل ياابنى ده ملف القضيه كلها اهو كل حاجه عايز تعرفها هنا
قصي : تمام يافندم عن اذنك
اللواء محمد : اتفضل ربنا يوفقك
قصي : يارب وخرج من مكتب اللواء محمد وراح مكتبه تانى كان عمر مستنيه
عمر : ايه قضيه جديده
قصي : اه
عمر : طب وهتنفذ امتى
قصي : النهارده او بكره بالكتير
عمر : اممم تمام بقولك يابشا
قصي : اممم
عمر بتردد : ا ا انت عارف البنت ال اخوها فى المصحه دى متعرفش ال بتيجى معاها دى تقربلها ايه
قصي : لاء وانت عايز تعرف ليه
عمر بتوتر : ع عادى بس بشوفها معاها علطول بسال ممكن تكون اختها
قصي : فكك ياابنى من الحوارات دى روح يلا شوف شغلك
عمر قام وقف : ماشى تمام عايز حاجه
قصي : لاء سلام
عمر خرج وقصي مسك فونه وطلب رقم والده
قصي : الو ياحاج ميرا ايه اخبارها
محمود : الحمد لله عدت على خير لحقناها انت مشيت ليه فاجاه كده ياابنى
قصي : معلش اللواء طلبنى فى مهمه جديده ومقدرش مروحش معلش اعذرنى
محمود : عارف ياابنى انا قولت كده برضوا ربنا معاك خلى بالك من نفسك
قصي : حاضر سلام
محمود : مع السلامه
قصي قفل مع والده ومسك ملف القضيه يراجعه
***
فى منزل جيانا
كاميليا دخلت غرفة جيانا لقتها شارده خالص
كاميليا بحزن على رفقيتها : جيانا حبيبتى اهدى كده انتى مش حمل زعل تانى خالص
جيانا بشرود : اتعودت خلاص مش فارقه
كاميليا : طب بلاش السكوت ده عيطى اصرخى لكن متسكتيش كده ارجوكى
جيانا بسخريه : والله ماهتفرق كتير
كاميليا : هنلاقى حل ان شاء الله بس اهدى كده
جيانا : انا هشتغل من بكره
كاميليا بصدمه : ااايه تشتغلى ازااى من غير شهاده !!
جيانا : زى الناس ال بتشتغل عادى
كاميليا : طب وهتشتغلى ايه بقا ان شاء الله
جيانا : مش مهم محل ملابس محل اكسسورات اى شغل وخلاص علشان الفراغ ال هبقا فيه وكمان علشان اساعد معاش بابا الله يرحمه مبقاش يكفى
كاميليا : طب وتعليمك السنين ال ذاكرتى وتعبتى فيها هتستغنى عنهم بسهوله كده
جيانا ضحكت بسخريه : ها يابنتى خلاص ال حصل حصل اهى سنين عدت وخلاص لكن مش هعرف ابقا كده لا انا هحاول اشوف حاجه تانيه وحسبى الله ونعم الوكيل فى ال كان السبب
كاميليا : منه لله نامى دلوقتى ياحبيبتى وارتاحى
جيانا : وانتى نامى ورايا كليه بكره
كاميليا لسه هتعترض جيانا قاطعتها
جيانا : لاء ملكيش دعوه بيا الكلام طالع عليا انا مش انتى انتى ملكيش ذنب ومن غير كلام كتير انتى هتروحى عادى مفهوم
كاميليا : ياجيانا انتى عارفه اننا على الحلوه والوحشه مع بعض ليه بتقولى كده
جيانا : علشان ده مستقبل مش لعبه وياريت تعملى ال قولتلك عليه من غير مناهده كتير علشان انا مش ناقصه
كاميليا : خلاص ال تشوفيه ياجيانا
جيانا : ال انا شايفاه صح
كاميليا : ماشى تصبحى على خير ياحبيبتى
جيانا : وانتى من اهل الخير
كاميليا قامت خرجت راحت اوضتها وجيانا نامت على السرير بشرود وهى بتفكر هتعمل ايه بكره لحد ماذهبت فى ثبات عميق من كتر التفكير والتعب
***
فى مكان ما
كانت شيرى مع صاحبتها وبيتكلموا
ميريهان : طب وانتى متعرفيش حاجه عن شادى دلوقتى
شيرى بقلق : لاء انا خايفه عليه اوووى وخايفه ليكون حصلوا حاجه والدور عليا اخو البت دى مش سهل
ميريهان : امممم قولتيلى بس انتى ال غلطانه من الاول علشان اشتركتى معاه فى الحوار ده وانتى عارفه البت دى مش سهله ولا هى ولا اهلها كمان
شيرى بحقد وغموض : بس انا مش اسهل منهم
ميريهان : قصدك ايه
شيرى : قصدى ان اصلا روحهم فى ايدى
ميريهان : ماتوضحى يابنتى
شيرى : يابنتى انتى نسيتى ان قولتلك ان صورها معايا ماهو اخوها جه بعد ماصورتها مش قبل
ميريهان : يابنت الذين يعنى انتى دلوقتى ماسكه عليهم ذله
شيرى بغموض : اه ولو شادى مرجعش هبتدى اللعب معاهم
ميريهان : برضوا هتلعبى معاهم ياشيرى
شيرى بغل : ده ال لازم يحصل
ميريهان : طب افرضى شادى ظهر
شيرى بخبث : هههههه يبقا يتصرف هو بالصور دى
ميريهان : ده انتوا دماغ
شيرى : عيب عليكى يابت اتعلمى برضوا
يتبع