رواية قسوة قلبك البارت الواحد والثلاثون 31 بقلم هاجر العفيفي
رواية قسوة قلبك الفصل الواحد والثلاثون 31
فى المستشفى
راح قصي عند عمر ودخل كان هو ومعاذ
قصي : صباح الخير
عمر ومعاذ : صباح النور
قصي : ايه عامل ايه النهارده ياعمر
عمر : بخير الحمد لله وانت
قصي : تمام
معاذ : مالك ياقصي
قصي بضيق : اللواء محمد بيقول ان احنا نستعد عشان المهمه
معاذ : طب وايه ال مزعلك فى كده مااحنا متعودين على كده
قصي : انت عارف ان مينفعش اسيب جيانا الفتره دى وكده
عمر بتفهم : طب مقولتش كده للواء محمد ليه
قصي : أكيد مش هقوله كده ياعمر انت بتقول ايه
معاذ : وانا ال فرحى بعد شهر ده
عمر : بصوا انتوا الاتنين أنا عارف انكم مش عايزين تروحوا المهمه دى وكده عشان جيانا وريتال طب ماانا عندى كاميليا أهو وبرضوا مستغناش عنها ايه رايكم نسيب الداخليه أسهل وخلاص
قصي : انت بتتريق
عمر : أصل أنتوا هتشلونى فى ايه يعنى مااحنا طول عمرنا بنطلع مهمات كتير وربنا بيوفقنا ايه ال يخوف فى كده
معاذ : مش خوف بس خوف عشان احنا منرجعش
عمر : أكتر واحد متفائل فينا غور ياض
قصي : معاذ عنده حق مين يضمن ان احنا نرجع منها
عمر : انت كمان ياقصي بتقول كده انت أكتر واحد بتقوينا وتشجعنا دايما
قصي : مش عارف مش مطمن المره دى خالص
عمر : ان شاء الله كله هيعدى على خير تفائلوا ياشلة بؤساء انتوا ويلا عشان تخرجونى من المستشفى
معاذ : ياخويا أقعد هتروح فين انت مش شايف وشك عامل ازاى مرسوم عليه خريطه
عمر : ياظريف هو وشى متشوه أووى كده
قصي : ياااه مفيش فيه حته سليمه
عمر بإحباط : أطلعوا بره
قصي ومعاذ : هههههههههههه
معاذ : بتطردنا يارمضان قصدى ياعمر
عمر : أه
قصي بخبث : اممم مستنى حد بقا
عمر : لاء هى جت ومشيت قبل ماانتوا تشرفوا
قصي : تفكيرك كله فيها يسهلوو بقا
عمر : على اساس انت مش بتفكر فى جوجو دلوقتى
قصي بعصبيه : ايه جوجو دى ياض ماتلم نفسك
عمر : هههههههه يابنى بهزر جيانا دى اختى وربنا
قصي : أيوه كده اتلم أنا مش ببطل تفكير فيها أصلا
معاذ : زيدى يازيدى الله يسهلك ياعم
قصي : مش ناقصه قر وحيات أمك
معاذ : هقر ليه بس ده أنا فرحان ليكم والله
عمر : ياحنين
معاذ : أه حنين
قصي قام وقف : أنا هاروح الفيلا وارجعلك تانى
عمر : مش هيحصل انا هخرج معاكم
معاذ : يابنى انت لسه تعبان
عمر بإصرار : لاء أنا هخرج مش بحب قعدة المستشفيات أصلا
قصي : طب أنا هنزل أخلص الاجراءات واجيلك وسابهم وخرج
بقلم هاجر العفيفي
فى فيلا الجارحى
كانت جيانا بتتمشى فى الحديقه الخاصه بالفيلا وكانت شارده فى معاملة سميه ليها ليه بتعاملها كده هى مأذيتهاش فى حاجه من ساعة ماجت وكمان مش هى لوحدها ده بتعامل قصي نفس المعامله المفروض ده ابنها أى أم بتحب ابنها ده حتى كريمه والدتها رغم ال أخوها عملوا فيهم سامحته علطول ليه دى قلبها بالقسوه دى مع قصي ومع الكل شايفه نفسها وخلاص قاطعها من تفكيرها صوت قصي
قصي : حبيبى سرحان فى ايه
جيانا بابتسامه : مفيش كنت زهقانه شويه نزلت اتمشى
قصي : ياخبر زهقانه وأنا موجود
جيانا : مش انت فى الشغل
قصي : ايه رايك اسيب الداخليه واخدك ونروح مكان بعيد عن الناس كلها ويبقا أنا وانتى بس
جيانا : ههههههه مش للدرجه دى يعنى
قصي : ليه مش عايزه تكونى معايا لوحدك
جيانا مسرعه : لاء والله انا اروح معاك فى أى حته طول ماانت معايا أنا بطمن لكن أنا قصدى مش للدرجه دى تسيب الداخليه عشانى
قصي : عشانك اسيب حياتى كلها والله
جيانا : انت عارف ياقصي
قصي : نعم ياقلبى
جيانا : انا كان حلم حياتى ان اتجوز ظابط كنت بقرأ روايات كتير جدا عن الظباط وكنت بحبهم جدا مكنتش متخيله ان حلمى هيتحقق
قصي قرب منها ومسك ايدها : واهو حلمك اتحقق أهو وأنا كمان مكنتش متخيل ان أخد واحده بالجمال ده وتكون معايا وملكى أنا وبس وباس ايدها
جيانا اتكسفت وحاولت تغير الموضوع
جيانا : أه صحيح هو عمر عمل ايه
قصي : خرج النهارده ووصلناه بيته
جيانا باستغراب : هو لحق ده لسه داخل امبارح
قصي : احنا طبيعتنا مش بنحب المستشفيات ولا قعدتهم
جيانا بتفهم : أها
قصي : طيب أنا هطلع أخد شاور عشان ورايا مشوار مهم
جيانا : ماشى ياحبيبى
قصي باس ايدها وسابها وطلع
جيانا بصتله بحب
- ملحوظة الرواية كاملة أكتب في جوجل "رواية قسوة قلبك دليل الروايات"
عدى اسبوعين على أبطالنا بدون أحداث تذكر كان قصي وجيانا عايشين فى سعاده وجيانا رجعت الكليه تانى بس قصي ال بيوصلها كل يوم ويجيبها
ومعاذ وريتال مش بيبطلوا خناق وهزار مع بعض
وعمر ابتدا حالته تتحسن مع الوقت وكان دايما بيكلم كاميليا فى الفون بس هى مكانتش بتيجى عنده عشان هو عايش لوحده
أمجد كان بيحاول يروح الفيلا عند جيانا بس كان بيبقا نفسه يشوف ميرا وللأسف مكانتش بتظهر
فى فيلا الجارحى
جيانا : أمجد ازيك
أمجد حضنها : الحمد لله ياحبيبتى انتى أخبارك ايه
جيانا : الحمد لله بخير تعال نروح الجنينه وأخدته وراحت الجنينه
جيانا : ماما عامله ايه
أمجد : بخير الحمد لله
فى الوقت ده جت ميرا عندهم
ميرا : جوجو انتى فين بدور عليكى
جيانا : خير ياميرو فى حاجه
ميرا : لاء كنت عايزه أقعد معاكى بس وخدت بالها من أمجد
ميرا : أمجد أزيك
أمجد بحب : الحمد لله انتى أخبارك ايه
ميرا : تمام
سنيه الداده جت عليهم
سنيه : جيانا هانم قصي بيه عايز حضرتك
جيانا : حاضر عن اذنكم خمس دقايق وجايه
أمجد : اتفضلى
جيانا طلعت وسنيه مشيت ومش فاضل غير أمجد وميرا
أمجد حاول يستغل الفرصه : أنسه ميرا ممكن سؤال
ميرا : أها اتفضل
أمجد : أنتى مرتبطه
ميرا اتصدمت من سؤاله والصراحه هى مش عارفه تقوله ايه تقوله انها حبت أحقر واحد فى الدنيا بس حاولت تبان عادى خالص
أجابته ميرا : لاء ليه
أمجد باحراج : أحم مش قصدى ان اتدخل فى حياتك بس الصراحه أنا معجب بيكى من أول مره شوفتك فيها
ميرا اتصدمت من كلامه ده
أمجد : أنا أسف على كلامى ده بس أنا قولت أصارحك عشان مش بحب اللف والدوران
ميرا كانت مذهوله مش عارفه ترد هى استحاله تدخل فى حالة حب من جديد لاء وهو لو عرف ال حصلها قبل كده هيبعد وهى هتتجرح من تانى لما لقت نفسها مش عارفه ترد قررت تمشى
ميرا قامت وقفت : عن أذنك وسابته وطلعت
أمجد عرف انها زعلت من كلامه وندم ان استعجل وقالها الكلام ده حس ان وجوده ملوش لازمه أخد حاجته ومشى
فى الأعلى
فى غرفة قصي وجيانا
جيانا بدموع : يعنى هتسيبنى
قصي بحنان : مين قال كده بس ياحبيبتى ده مهمه صغيره هاروح فيها ومش هتأخر كلها أسبوع بالكتير وبعدين دى مش أول مهمه أروحها يعنى لازم تتعودى على كده
جيانا بدموع : قلبى مش مطمن والله
قصي : هههههه قصدك ان هموت مثلا
جيانا حطت ايدها على شفايفه
جيانا : اخس عليك انت كده هتموتنى قريب
قصي ضمها ليه : بعد الشر عليكى ياقلبى متخافيش أنا هارجع ان شاء الله واوعدك ان أول ماخلص المهمه دى هاجى واخدك فى مكان لوحدنا شهر بحاله ومش هيبقا غيرى أنا وانتى بس
جيانا اترمت فى حضنه وانهارت فى البكاء
قصي طبطب عليها بحنان : خلاص بقا ياجوجو عشان خاطرى أنا
جيانا رفعت وشها ليه وهى عينيها مليانه بالدموع : أوعدنى انك هترجعلى
قصي بحب : ان شاء الله وعد ياأجمل انسانه فى حياتى
جيانا اترمت فى حضنه تانى وضمته جامد هى المره دى كانت محتجاه فعلا مش متخيله تعيش من غيره أبدا
قصي بمرح : لا لا أنا كده بقا هاروح مهمات علطول عشان تضمينى كده دايما
جيانا بعدت عنه بخجل
قصي : هههههههههه انتى لسه بتتكسفى يابت بس بحب كسوفك جدا
جيانا بخجل : قصي بس
قصي : هههههههه حاضر
جيانا : صحيح انت هتمشى امتى
قصي : اممم بكره بالكتير
جيانا بصدمه : ياخبر بكره بالسرعه دى
قصي : المهمه دى أحنا بنجهزلها من شهر فات ياجيانا وده وقت التنفيذ
جيانا بقلق : ربنا يستر ويرجعك ليا بالسلامه
قصي ضمها : ان شاء الله ياقلبى
****************************************
فى احدى المطاعم
معاذ : ياقلبى انا مش هتأخر والله
ريتال بضيق : وايه لازمتها الغيها ومتروحش
معاذ : هى خروجه هلغيها ياحبيبتى ده شرطه يعنى الغلطه بعمرى كله
ريتال : ياحبيبى أنا خايفه عليك
معاذ : وأنا مش عايز أسيبك والله بس غصب عنى
ريتال : طيب هتروح امتى
معاذ : بكره ان شاء الله وممكن أخد فيها يومين وهارجع نتجوز بقا
ريتال بقلق : مش مطمنه بس ربنا معاك ياحبيبى
معاذ بصدمه : انتى قولتى ايه
ريتال بخجل : قولت ربنا معاك
معاذ : ال بعدها
ريتال سكتت
معاذ : والنبى تقوليها
ريتال بكسوف : حبيبى
معاذ : الله أكبر الرؤيه بانت أنتى عارفه أنا بقالى 7 سنين مستنى الكلمه دى الحمد لله ان سمعتها قبل ماموت
ريتال : بعد الشر
معاذ بابتسامه : بحبك
ريتال : ممكن توصلنى بقا عشان أتأخرت
معاذ : بصى مش هزعل انك مردتيش عليا كفايه عليكى كلمه واحده النهارده هنشوف الباقى بعدين
ريتال : ههههههههههه ماشى يلا بقا
معاذ : يلا يامغلبانى
ودفع الحساب وخرج هو وهى وركب عربيته وشغلها ومشيوا
****************************************
فى منزل عمر
كان بيتكلم فى الفون وهو مبسوط
عمر بانتصار : يعنى كله تمام
الشخص : طبعا ياباشا انت تؤمر
عمر : ماشى متشكر أووى ياعلى
على : أوامرك ياباشا
عمر : تسلملى مع السلامه
على : سلام
عمر قفل معاه وهو مبسوط جدا وسرح فى ال حصل من اسبوع
فلااااش باااك
كان عمر مستنى فى المطعم
على : عمر باشا حبيبى وحشنى
عمر قام سلم عليه وحضنه : انت ال واحشنى ياعلى والله
على : أؤمرنى ياباشا أنا عنيا ليك
عمر : الأمر لله انا بس كنت محتاج شوية معلومات كده ومفيش غيرك هتعرف تجيبها
على : اتفضل طبعا
عمر : تعرف شركة هاشم للمقاولات
على : أه طبعا دى شركه مشهوره مفيش حد ميعرفهاش
عمر : أنا عايز أعرف كل حاجه عن شغل خالد هاشم وتمسك أى غلطه عليه
على : حاضر هانفذ كل حاجه بس هو عملك حاجه يعنى
عمر : مش مهم عمل ايه هابقا افهمك بعدين بس أهم حاجه تشوفلى الموضوع ده ضرورى وفى أقرب وقت
على : أدينى أسبوع بالكتير وكل حاجه هتكون عندك
عمر : تمام حبيبى تسلملى
على : حبيبى
باااااااك
عمر بانتصار : ماشى ياخالد أنا هعرفك مين عمر الأسيوطى وقعت فى ايد ال مش بيرحم بس أنا هلاعبك بالقانون يارجوله
يتبع