رواية قسوة قلبك البارت الرابع والثلاثون 34 بقلم هاجر العفيفي
رواية قسوة قلبك الفصل الرابع والثلاثون 34
بعد مرور شهر على موت قصي
كانت الفيلا مليئه بالحزن والأسى الكل حزين جدا لأن وجود قصي فى البيت ده بالدنيا لوحده
فى غرفة ميرا
كانت جالسه ضامه رجليها بحزن وبتفتكر ذكرياتها مع قصي أخوها وقد ايه هى مش لاقيه حد يكون حنين عليها من بعده ولا يديها نفس اهتمامه دموعها كانت مش بتنشف خالص قاطعها من حزنها صوت هاتفها بصت لقت رقم أمجد اترددت ترد بس قررت انها ترد عادى
ميرا بحزن : ألو
أمجد : ميرا ايه أخبارك
ميرا بحزن : عادى زى مانا مفيش جديد
أمجد : طب ممكن تقبلى تقابلينى النهارده
ميرا بتعب : مش عارفه هقدر ولا لاء
أمجد : معلش حاولى انا مش هضغط عليكى بس أنا فعلا محتاجكك ضرورى
ميرا : طيب هحاول ادينى العنوان
أمجد : العنوان..........
ميرا : تمام مع السلامه
أمجد : مع السلامه
ميرا قفلت معاه ورجعت راسها لورا واخدت الدوا بتاعها وشردت تانى
فى غرفة قصي وجيانا
استيقظت على صوت فونها ردت بتعب
جيانا بتعب : ألو
ميرنا : جيانا عامله ايه ياحبيبتى
جيانا : تمام وانتى أخبارك ايه
ميرنا : الحمد لله كنت عايزه أقابلك
جيانا : طب ماتيجى حبيبتى البيت بيتك
ميرنا : معلش ياريت اقابلك بره
جيانا : ال يريحك حاضر
ميرنا : تسلميلى حبيبتى هقابلك عند........
جيانا : حاضر مسافة السكه
ميرنا : ماشى سلام
جيانا قفلت معاها وقامت دخلت الحمام اخدت شاور وخرجت لبست هدومها ونزلت وقابلت سميه فى وشها
سميه : الهانم راحه فين على الصبح
جيانا بضيق : راحه مشوار وهاجى بسرعه
سميه : وليه بسرعه خليكى بره علطول ايه يعنى
جيانا بعدم فهم : قصدك ايه
سميه بغل : قصدى انك قاعده هنا ليه تانى ماال كنتى قاعده هنا علشانه مات وخلاص ايه ولا انتى فاكره نفسك هتورثى انتى مش عارفه انتى مين ولا ايه انا مش عارفه هو جابك من انى داهيه فوقى ياحبيبتى واعرفى مقامك كويس هو لما جابك هنا كان عامل ليكى قيمه مش بتاعتك بس خلاص انتى دلوقتى اتكسرتى وملكيش مكان هنا مفهوووم ولا انتى ولا ال فى بطنك ده
جيانا بصتلها بصدمه من كلامها هى كانت عارفه انها قاسيه بس عمرها ماكانت تتوقع كلامها ده أبدااا
جيانا بصتلها بتحدى : لاء أنا عارفه أنا مين كويس انا جيانا الأدهم بنت ناس طيبين وربنا سترنا مش محتاجين وانا هنا بس عشان قصي الله يرحمه ولما مات انا صممت اروح بيت امى بس عمى محمود رفض وقالى لازم اكون موجوده فى بيت جوزى وانا كنت عايزه بس يكون ليا ذكرى مع أغلى انسان فى حياتى بس الصراحه انا عمرى ماكنت أتوقع انك بالقسوه دى انا من ساعة ماجيت هنا وانا شايفاكى مش طايقه غير نفسك وبس والله انا مش عارفه انتى طايقها ازاى عمرى ماشوفت ام بتعامل ابنها كده زى ماكنتى بتعاملى قصي عمرى ماشوفت أم منزلش من عنيها دمعه واحده على ابنها ال مات ايه ده انتى معندكيش قلب ده حجر صح بصى بقا انا همشى فعلا ومش هاجي هنا تانى نهائى وبنتى أوابنى هيكون معايا دايما هى دى الحاجه الوحيده الحلوه ال طلعت بيها من الدنيا بس كلمه واحده عايزاكى تعرفيها ان ال بتعمليه فينا ده هتتعبى منه فى الأخر وبصتلها من فوق لتحت بغرور وسخريه سلام ياسميه هانم
وسابتها ومشيت
سميه اتصدمت مكانتش تعرف ان ردها هيكون كده كانت فاكرها ان كلامها هيكسرها وتعيط وتمشى لكن بالعكس هى طلعت أقوى من كده بس هى برضوا مش هترحمها
بقلم هاجر العفيفي
فى احدى المطاعم
أمجد بتردد : ميرا أنا عارف ان مش وقته الكلام ده بس فعلا لازم نتكلم فيه
ميرا باستغراب : اتفضل يا أمجد
أمجد : الصراحه كده انا فكرت فى كلامك كله وحسيت ان معنديش مانع لأى حاجه خالص احنا ننسا الماضى خالص انا عندى ماضى برضوا ال هو موضوع الادمان وكده ال حكتلك عليه لازم ننسا ده كله انا محتاجلك
ميرا بدموع : لو انا نسيتلك الموضوع ده عمرك انت ماهتنسا الموضوع بتاعى وممكن ترجع تعايرنى بيه فى يوم من الأيام وانا عمرى مش هسمح بكده ودى ممكن تقتلنى مش تجرحنى بس
أمجد : مين قالك ان هعايرك احنا يكون بينا وعد ان يكون فى حب مابينا ينسينا أى حاجه مش عايزين حاجه تفكرنا بالمواضيع دى تانى
ميرا بتشتت مش عارفه تفكر مش عارفه تركز فى أى حاجه : أمجد أنا حرفيا مش قادره أفكر موت قصي مقصر فيا جدا وحاسه ان من غيره بضيع معلش ادينى وقت افكر من فضلك
أمجد : أنا مقدر كل ال انتى فيه عشان كده عايزك تاخدى راحتك ماشى
ميرا : أوك ممكن توصلنى عشان اتاخرت
أمجد بابتسامه : طبعا اتفضلى ودفع الحساب وخرج ركبوا تاكسى ووصلها وبعد كده روح
****************************************
عند جيانا وميرنا
ميرنا باسى : جيانا انا مش عارفه أقولك ايه بس انا عايزاكى تهدى شويه انتى كده حالتك بتسوء اكتر واكتر
جيانا بتعب وشرود : خلاص ياميرنا بعد ماتعلقت بيه وحبيته من كل قلبى يسيبنى فجأه ويمشى انا مش قادره اتصور أى حاجه من غيرو انتى عارفه انا بتخيلوا فى كل خطوه حواليا ده عوضنى عن كل حاجه حتى الدراسه تصدقى قدملى فى كليه خاصه عشان السنه متضيعش عليا وكان هيساعدنى فى المذاكره كان بيحاول يسعدنى فى كل حاجه بس ملحقش ملحقش وانهارت فى البكاء
ميرنا بحزن : يابنتى اهدى انا جايباكى عشان تطلعى من التعب ال انتى فيه مش تدخلى فى تعب غيرو
جيانا بدموع : اطلع من ايه انا استحاله انسا قصي ده ابدا كفايه ان هو سابلى أجمل حاجه فى حياتى وحطت ايدها على بطنها
ميرنا بصدمه وفرحه : انتى حامل
جيانا بدموع : اه
ميرنا بحزن : بصى انا مقدره الخاله ال انتى فيها بس لازم تحطى ثقه فى ربنا ان دايما القادم احسن انتى ربنا بعتلك نعمه نعمة الأطفال حاولى تحافظى عليها مش تضيعيها بالحزن والقهر حاولى تعدى المرحله دى خليكى انتى الأقوى
جيانا بدموع : مش هقدر مش هقدر
ميرنا : لاء هتقدرى حاولى ياحبيبتى
جيانا بدموع : حاضر
بعد وقت
جيانا سابت ميرنا ورفضت انها توصلها عشان كانت محتاجه تتمشى على البحر شويه وبالفعل راحت قعدت قدام البحر بشرود وكانت بتكلم نفسها
جيانا : انا عندى نسبة أمل ولو لصغيره انك عايش ياحبيبى ياريت تكون عايش وكل ال انا فيه ده يطلع حلم وحشتنى أوووى انا هعمل كل ال انت كنت بتقولى عليه بس ارجعلى تانى ومش هزعلك والله ماهزعلك ومش هعاندك ابدا ولا اقف قصادك بس ترجعلى هى ليه الناس ظالمه كده بجد انا عمرى ماكنت اتوقع ان والدتك تكون بالطريقه دى يلا الله يسامحها بقا ومسحت دموعها وقامت وقفت تاكسى وراحت بيت والدتها وصلت وطلعت العماره وكانت فى قمة الهذلان والارهاق
طلعت خبطت وامها فتحتلها بصدمه
كريمه بصدمه ودهشه : جيانا مالك ياقلبى وشك مرهق كده ليه ادخلى ادخلى
جيانا لسه هتتكلم وقعت على الأرض فاقده للوعى
كريمه شهقت بصدمه : يلهووووى بنتى
فى الوقت ده دخل أمجد من باب الشقه وسمع صراخ والدته وشاف جيانا واقعه فى الأرض
أمجد : حصل ايه
كريمه بدموع : مش عارفه هى أول ماجت وقعت كده زى مانت شايف
أمجد شالها ودخل بيها أوضتها وحطها على السرير برفق
أمجد : هاروح أكلم الدكتور حالا وسابهم وخرج
كريمه راحت مسكت ايد بنتها : ايه ال حصلك ياحبيبتى
كاميليا دخلت بلهفه : جيانا مالها ياماما
كريمه : من ساعة ماجت وهى كده يابنتى
كاميليا بقلق : طب حد كلم دكتور
كريمه : أمجد راح يجيبوا
كاميليا : ان شاء الله خير
وبعد وفت وصل الدكتور ودخل كشف على جيانا وخرج ليهم
كريمه : خير يادكتور
الدكتور : هى مش بتاكل ولا بتاخد دوا وكده غلط على نفسها وعلى الحمل انا علقتلها محاليل عشان تعوضها شويه لكن لو فضلت على الطريقه دى يؤسفنى أقولك انها هتتأذى هى وال فى بطنها انا كتبت ليها شوية فيتامينات ومسكنات ياريت تخلوا بالكم منها جدا المده الجايه دى عن أذنكم
أمجد راح يوصل الدكتور
كريمه : ياحبيبتى يابنتى كان مستخبيلك ده كله فين ودخلت هى وكاميليا عندها وامجد نزل يجيب الدوا
- ملحوظة الرواية كاملة أكتب في جوجل "رواية قسوة قلبك دليل الروايات"
فى فيلا الجارحى
محمود كان صوته عالى جدا
محمود : انتى مجنونه ازاى تعملى كده مع جيانا من ورايا
سميه ببرود : انا عملت الصح مش عارفه ايه ال مضايقك دلوقتى مش أحسن ماتكون موجوده وطمعانه فينا على الفاضى
محمود باستحقار : أنا مش عارف انتى جايبه القسوه والبرود ده منين دى حامل عارفه يعنى ايه حامل يعنى ان شاء الله هتجيب عوض لينا بدل ال راح ده
سميه : ومين قالك انها حامل اصلا
محمود بصدمه : الدكتور بنفسه قال كده
سميه : مش يمكن متفقه معاه انت ايه خلاك واثق كده انها ملاك
محمود : انا ندمان والله ندمان جدا ان عرفت واتجوزت واحده بالحقاره دى وسابها وطلع
ميرا دخلت من باب الفيلا وكانت سامعه صوتهم العالى
ميرا باستغراب : فى ايه يامامى
سميه : ملكيش فيه انتى اطلعى أوضتك
ميرا : هطلع أشوف جيانا محتاجه حاجه ولا لاء
سميه بحقد : جيانا راحت فى داهيه
ميرا بزعل : مشيت كده من غير ماتقولى وبعدين ليه بتقولى عليها كده
سميه : مانا ال طردتها
ميرا بصدمه : ليه كده
سميه : يوووووه مش هخلص النهارده بقا من الموضوع ده طردتها وخلاص حصل ايه يعنى انا طالعه أوضتى ده انتوا تخنقوا وسابتها وطلعت
ميرا واقفه مصدومه من ال بتعملوا والدتها ده وقسوتها دى
*****************************************
فى قسم الشرطه
فى مكتب عمر
كان جالس على كرسى مكتبه وكان قدامه خالد واقف
عمر بسخريه : خالد باشا منور القسم كله
خالد بغيظ وحقد : انت ال عملت كده صح ورحمة أمى مش هرحمك
عمر ببرود : تؤ تؤ هدى أعصابك بس ياباشا ده كان طار قديم بس وباخده منك بس أنا طلعت أذكى منك أخدته بالقانون لكن انت طلعت غبى شويه
خالد بغيظ : ماتعدل كلام أحسنلك شويه
عمر ببرود : والله اتكلم براحتى مكتبى وفى القسم وليا سلطتى يعنى انت قدامى دلوقتى واقف متهم فقط لاغير
خالد : بتوقعنى ياعمر يا أسيوطى
عمر : اممم حاجه زى كده لما تبقا بالغباوه دى سهل تقع مش صعب خالص
خالد : ده كله عشان كاميليا صح ماشى ياعمر مش هسيبهالك مهما كان التمن
عمر : مش لو خرحت منها الأول انت اتمسك عندك ورق فى الشركه يخليك تقضى بقيت حياتك كلها انت وابوك فى السجن
خالد بصدمه : ايه !!
عمر ببرود : ايه اتصدمت مش كده معلش تعيش وتاخد غيرها وبصوت عالى ياعسكرررى
العسكرى دخل باحترام : أوامرك يافندم
عمر : خد المتهم على الحجز واعملوا معاه احسن واجب
العسكرى : حاضر يافندم قدامى يامتهم يلا
خالد بص لعمر بحقد : ماشى ياعمر مش هسيبك ومش هرحمك
عمر : هههههههه تصدق خوفتنى خدوا يلا ياعسكرى
العسكرى نفذ أوامره وأخد خالد للحجز فعلا
عمر رجع راسه للخلف وغمض عينه وضحك بانتصار
****************************************
بعد مرور يومين
فى منزل جيانا
كانت كاميليا فى الكليه وأمجد راح شغله
كريمه : جيانا يابنتى أنا هنزل أجيب شوية طالبات للبيت ومش هتأخر
جيانا بتعب : ماشى يا أمى
كريمه : مش عايزه أى حاجه اجيبهالك وانا جايه
جيانا : لاء تسلميلى ياحبيبتى
كريمه : ماشى ياحبيبتى سلام
جيانا : مع السلامه
وبعد مرور شويه من الوقت جرس الباب رن
جيانا بانزعاج : ايه ده هى ماما نسيت المفاتيح قامت من مكانها عشان تشوف مين وكانت فى منتهى التعب
جيانا بتعب : أيوه حاضر
وراحت فتحت بتعب بس كانت صدمه بالنسبه ليها
جيانا بذهول وصدمه ودهشه : قصي !!!
وقعت على الأرض فاقده للوعى
يتبع