رواية قسوة قلبك البارت السادس والثلاثون 36 بقلم هاجر العفيفي
رواية قسوة قلبك الفصل السادس والثلاثون 36
فى مكان شبه مجهول
ابتدت جيانا تفوق بس كان فيه شريطه سوده على عنيها وايديها مربوطه ورجليها ومش عارفه تتحرك
جيانا بخوف ودموع : انا فين يارب نجينى
فى الوقت ده سمعت صوت قدم بتقرب من الأوضه وحد بيحاول يفتح الباب جيانا اتنفضت فجأه من الخوف لقت الحركه بتقرب منها اكتر وهى كانت بتنكمش بخوف اكتر لحد ماحد حط ايده على شعرها
جيانا برعب : انت مين
باسم بخبث : مش عارفه صوتى ياجوجو
جيانا حست فعلا انها تعرف الصوت ده وركزت جدا لقت ان ده صوت باسم شهقت بصدمه
جيانا بصدمه : باسم !
باسم : شاطره ياقطه مانتى بتفهمى أهو بسرعه
جيانا بدموع : انت عايز منى ايه ابعد عنى
باسم : تؤ تؤ فى حد يبقا فى ايده الفرصه دى ويسيبها وفجاه شال الشريطه السوده ال كانت على عينها
جيانا ابتدت تفتح عينيها ببطئ عشان تتعود على الاضاءه وبعد كده شافته قدامها
جيانا برجاء ودموع : أرجوك سيبنى
باسم : بصى بقا ياقطه انا جايبك هنا لغرضين أول واحد عايز اشوفك وانتى مذلوله عشان جناحاتك ال كنتى فرداها علينا دى تتكسر ومش مفكره فى أقوى منك تانى واحد عايز انتقم فيكى من ال قصي عملوا فيا بوظلى أكبر عمليه كانت ممكن تخلينى فى بلد تانيه دلوقتى بس هقول ايه طلع غبى بوظلى العمليه وهو كمان مات وراح فى ستين داهيه
جيانا بصتله بذهول : هو انت طب ازاى
باسم ببرود : أه أنا لكن ازاى دى ملكيش دعوه بيها
جيانا بصتله بغضب : انت حيوان ازاى تعمل كده
قاطعها صفعه على وشها من باسم
باسم ببرود : القلم ده عشان يبقا يفكرك ياقطه لما تعوزى تغلطى تانى اثبتى على حدودك بدل وربنا هتندمى على كل كلمه انا خارج دلوقتى بس هارجعلك تانى وبصلها من فوق لتحت وخرج وسابها
جيانا كانت بتبكى بحرقه من أثر الضربه وال هيا فيه
جيانا بدموع ورجاء : يااارب اخرج من هنا على خير يااارب
بقلم هاجر العفيفي
فى المساء
فى منزل جيانا
كريمه بقلق : يارب يعنى هتكون راحت فين
كاميليا بقلق : هى قالتلك ايه ياماما
كريمه : كانت خارجه بسرعه ومستعجله ومحددتش قالت انها راحه لواحده صاحبتها تعبانه يارب هون
فى الوقت ده دخل أمجد
كريمه بلهفه : ها يابنى لقيتها
أمجد بقلق : مش لاقيها خالص انا مش عارف هى راحت فين وفونها اتقفل أنا هتجن
فى الوقت ده فون كاميليا رن برقم عمر
كاميليا بقلق : ألو ياعمر
عمر : ألو ياحبيبتى عامله ايه
كاميليا بتوتر : تمام
عمر بشك : لاء انتى فيكى حاجه مالك ياكاميليا
كاميليا بتوتر : الصراحه كده ياعمر احنا مش لاقين جيانا من الصبح خرجت ومنعرفش عنها حاجه
عمر بصدمه : اايه ازاى وخرجت امتى وراحت فين
كاميليا : قالت انها راحه عند واحده صاحبتها تعبانه ومن ساعتها فون مقفول
عمر : طب ومين صاحبتها دى تعرفى عنوانها أى حاجه عنها
كاميليا : لاء بس باين دى البنت ال كانت جيانا بتشتغل معاها فى مكان واحد وعرفتها من الشغل
عمر : طب هاتى عنوان الشغل بسرعه
كاميليا : العنوان.........
عمر : تمام هحاول اتصرف واكلمك
كاميليا بقلق : ماشى
وقفلت معاه
كريمه : خا يابنتى طمنينى
كاميليا : عمر قال هيطمنى بس هيشوف الاول
كريمه : يارب يارب استرها
أمجد : أنا هنزل ادور فى المستشفيات والأقسام برضوا وسابهم ونزل
****************************************
عند عمر اضطر ان يكلم قصي عشان هو يعرف صاحب الشغل اكتر
عمر : الو ياقصي
قصي : الو ياعمر فيه جديد
عمر بتوتر : الصراحه اه
قصي : فى ايه قول بسرعه
عمر : ج جيانا
قصي قلبه دق أول ماجاب اسمها : مالها ياعمر انطق
عمر : كاميليا كلمتنى وقالت انهم ميعرفوش عنها حاجه من الصبح
قصي بصدمه وعصبيه : ازاى ميعرفوش عنها حاجه بقولك ايه كلم معاذ وقابلونى بسرعه
عمر : طب بص كاميليا قالتلى انها قبل ماتختفى كانت راحه لصاحبتها ال هى كانت شغاله معاها
قصي : اه تمام انا كده تقريبا عرفت بص انا عايزك تجبلى قوات وتجهز فى أى وقت أديك اشاره فيها
عمر : حاضر حاضر
قصي : سلام
عمر : سلام
- ملحوظة الرواية كاملة أكتب في جوجل "رواية قسوة قلبك دليل الروايات"
عند قصي
أول ماعرف كده كان هيتجن مش عارف يفكر حرفيا تفكيره وقف بس حاول يركز وعايز يعرف طريق باسم بأى طريقه لأنه عارف ان هو أكتر واحد ممكن يعملها قام خرج ركب تاكسى وطلع على مكان الشغل ده وكان مقفول بس حاول يوصل لعنوان كريم صاحبه عشان ده اكتر واحد قريب منه وبالفعل وصل للعنوان بسهوله وركب تاكسى وطلع على العنوان وطلع خبط وفتحتله والدة كريم
والدة كريم : أهلا وسهلا مين حضرتك
قصي : كريم موجود ياحجه
والدة كريم : اه يابنى موجود اتفضل ادخل وانا هناديلك عليه
قصي دخل الصالون وبعد وقت قليل دخل عليه كريم
كريم بارتباك : أ اهلا وسهلا قصي باشا اتفضل خير
قصي : كويس انك عرفتنى وفرت عليا كتير
كريم بتوتر : ومين ميعرفكش ياباشا
قصي : المهم أنا عايز عنوان الأماكن ال بيكون فيها باسم حالا
كريم بتوتر : باسم ل ليه
قصي : باسم خطف مراتى وانا مش هستنا لما يعمل فيها حاجه لازم تساعدنى
كريم : ياخبر مراتك لاء هقولك العنوان........ ياريت تروح باسرع وقت باسم كان عايز يأذيها ولما انا اعترضت طردنى
قصي : تمام كده شكرا ليك وسابه وخرج من الشقه ومن المنزل باكمله
كريم : استر يارب
****************************************
فى المكان المجهور
جيانا كانت بتترعش من الخوف ومرعوبه ونفسها حبيبها يجى ينقذها بأى طريقه وكانت بتفكر ان ليه ميرنا عملت فيها كده وهى سبب فى وجودها هنا ليه بس هى مأذتهاش فى الوقت ده دخل عليها باسم
جيانا اتنفضت برعب أول ماشافته وكان فى واحد من رجالته داخل وفى ايده ميرنا وكانت منهاره من البكاء وبصت لجيانا ال كانت مصدومه
جيانا بصدمه : ميرنا !
ميرنا بدموع : أرجوك ياباسم متأذيهاش دى حامل حرام عليك أنا اسفه ياجيانا والله غصب عنى هو ال ضغط عليا أكلمك أنا مش ليا مصلحه أذيكى انا بحبك زى أختى
جيانا بدموع : مصدقاكى
باسم بخبث أمر تامر ال هو كان ماسك ميرنا ان يخرج بميرنا بره وبالفعل تامر أخد ميرنا بره وسط اعتراضها الشديد انها متسيبش جيانا
باسم قرب من جيانا بطريقه مقززه وحط ايده على شعرها وهى كانت بتحاول ترجع بخوف لورا
جيانا غمضت عنيها من أثر لمسته ليها
جيانا باشمئزاز : ابعد عنى متلمسنيش
باسم بمكر : تؤ تؤ اسيب الجمال ده لمين بس وقرب منها أكتر
جيانا بصراخ : ابعد عنى بقولك
باسم ببرود : صرخى براحتك محدش هيسمعك ياقطتى الجميله
فى الوقت ده سمعوا صوت بره باسم استغرب أخد مسدسه وخرج يشوف فى ايه وشاف اربعه من رجالته مرمين على الأرض مضروبين عرف ان فى حد موجود فى المكان خرج يشوف بقيت الرجاله ويدور على ال موجود
جيانا بانهيار : يارب مش قادره بقا يارب احمينى
فى الوقت ده حست بحد وراها وحط ايده على كتفها صرخت بخوف قصي حط ايده على فمها
قصي : هشششش اهدى ياحبيبتى متخافيش أنا قصي
جيانا بلهفه وفرحه : قصي حبيبى هتخرجنى من هنا صح
قصي : طبعا ياقلبى اطمنى أنا معاكى وابتدا يفك ايدها ورجليها وخلصها وقومها ولسه هيخرجوا
باسم دخل بصدمه : انت !! ازاى انت لسه عايش
قصي : تخيل ايه ماصدقت خلصت منى
باسم : مش كنت رحت فى داهيه
قصي : لاء لسه على قلبك خرجنا من هنا أحسن ليك ياباسم
باسم : لاء أنا مش باقى على حاجه ولازم انتقم منك انت بوظت عليا أكبر عمليه كنت بخططلها ولازم تموت
قصي بصدمه : هو انت
باسم بمكر : أيوه انا رئيس العصابه وانا ال فجرت بيك العربيه عشان اخلص منك بس للاسف نفدت منها المره دى مش هتخرج سليم وفى لحظه أخد جيانا وشدها ووجه عليها المسدس
قصي بغضب : سيبها ياباسم والا واقسم بالله ماهرحمك
باسم بسخريه : على اساس كده خوفتنى المكان هنا كله رجالتى يعنى انت متقدرش تعمل حاجه كله فى الهوا والسنيوره بتاعتك دى هتكون فى خبر كان عشان احرق قلبك عليها هى وال فى بطنها زى مابوظتلى اكبر عمليه بخططلها من سنه
قصي بصدمه : هو انت
باسم بسخريه : برافو عليك أيوه انا وانا ال فجرت بيك العربيه كنت فاكر ان خلصت منك وهاخد القمر دى ونسافر واعوضها عن غياب العاشق الولهان بس تصدق كانت ممكن تنساك كانت هتغلبنى شويه بس كنت هكسبها اصلها تستاهل وخساره فيها الموت لكن للاسف طلعتلى تانى
قصي بتحذير : طب سيبها ياباسم وانا هساعدك تخرج من البلد من غير مشاكل
باسم : تؤتؤ مش عليا الكلام ده فاكرنى هاصدقك
قصي بغضب : ياريت متدخلش جيانا بينا متتحماش فيها كلمنى راجل لراجل
باسم : ههههههههه تصدق ضحكتنى مفيش نقاش تانى ياقصي باشا اتشاهد على القمر دى خساره فيكي الموت
جيانا مكنتش عارفه تتحرك من الخوف والرعب وبتترعش فى ايده وتبص لقصي بخوف عشان ينقذها وهو كان بيحاول يديها شوية امان ويطمنها
باسم داس على المسدس بس فى الوقت ده سمعه صوت ضرب نار جاى من كل حته باسم خاف بس فجأه قوات الشرطه دخلت وعمر دخل وامجد وامجد جرى على أخته بلهفه والحكومه قبضت على باسم بس للاسف باسم زق العسكرى واخد المسدس وخرجت طلقه من المسدس
يتبع