رواية احببت طالبتي الفصل الثاني عشر 12 بقلم منة رجب
رواية أحببت طالبتي الفصل الثاني عشر 12
خرج حسام بعد م سبب صدمه ل ساره و وغضب للكثير من الطلاب
ساره متدايقه و نفسها تعمل حاجه في حسام دلوقت
ساره بعصبيه: هو مجنون ده والا ايه
سلمى: ساره ما تنسيش انه هو قالك انه هيطلب منك حاجات خليكي جاهزه في اي وقت
ساره تضرب راسها بيدها ااه افتكرت يا ربي
سلمى: اهدي وفكري هتعملى ايه
ساره: مش عارفه يا سلمى
سلمى: خير ان شاء الله وبعدين انا مش هسيبك هغضل جمبك ومعاكي لغاية م نخلص سوا
(وجود صديق داعم في حياتك من أعظم وأجمل النعم اللي ممكن ربنا يديهالك كل خطوة بتاخدها حتى لو بسيطة حتى لو بالنسبة لبعض الناس تافهة بتبقى عارف إن فيه شخص هيفرحلك ويشجعك بخصوصها كأن ضهرك مفرود ومحمي دايما وجودكم سوا بيدي لكل حاجة كل تفصيلة طعم وإحساس مختلف لأن دايما وجود إنسان مصدق فيك قادر يخليك تحقق ما لا تتوقعه)
ساره تحتضن سلمى بقوه: ربنا يخليكي ليا يا رب وما يحرمنيش منك ابدا ابدا
سلمى: ويخليكي ليا يا رب. ما تقلقيش طول ما احنا مع بعض ما فيش حاجه هتحصل ان شاءلله
ساره: ان شاءلله يا حبيبتي ان شاءلله ربنا معانا
سلمى: يلا بقه نروح
ساره: يلا
....
(اياك والخوف الله معك في كل مكان وكل زمان ❤)
....
حسام دخل مكتبه
يدق الباب
حسام: ادخل
طالبه: دكتور ممكن اسأل حضرتك سؤال
حسام: اتفضلي
طالبه: إشمعنا اخترت ساره انا رفعت ايدى وكنت هعمله
حسام: مش انا قولت مش عايز كلام في الموضوع ده تاني
طالبه: بس انا عايزه اعمله
حسام: خلصت كلامي اتفضلي واقفلي الباب وراكي
طالبه: بس..
حسام بصوت عالى: بقولك اخرجي برره
خرجت بره وهي بتقول ساره ماشي يا ساره مش هخليكي تبقى عائق بيني وبين حسام، حسام ليا انا وبس
ومشيت
ندخل بقه ل حسام
حسام في نفسه: انا اخترتك يا ساره لاني عارف انك مش هتقدري تعمليه وبعد كده اقدر اعاقبك براحتي
زفر حسام بضيق
**
رجعت ساره البيت وباين على ملامحها التعب
الام: حمد لله على السلامة حبيبتي
ساره: الله يسلمك يا ماما
اسلام: ازيك يا ساره
ساره:الحمد لله
الام: روحي غيري وتعالي على شان تتغدي
ساره: لا مش جعانه بعد اذنكو
دخلت ساره الغرفه
اسلام:ساره مالها يا طنط
الام: الجامعه يا ابني واكيد ضغط على شان الامتحانات
اسلام: ربنا معاها
**
دخلت ساره الغرفه متدايقه ومش عارفه تعمل ايه ما لهاش نفس لاي حاجه ولا اكل ولا اي حاجه غيرت هدومها ولبست اسدالها وصلت فرضها
دخلت الام: ايه يا ساره مش هتاكلى ليه يا حبيبتي
ساره: مش جعانه يا ماما
الام تجلس بجوار ابنتها وتمسك يدها مالك يا حبيبتي ايه اللى مدايقك
ساره تحتضن امها بشده والم ما فيش حاجه والله يا حبيبتي
الام: ماشي يا عمري ايه يا حبيبتي انتي موافقه على اسلام
ساره: انتو هتبقو مبسوطين لو وافقت يا ماما
الام: انا اهم حاجه عندي هي سعادتك يا حبيبتي اهم حاجه انك تكوني مبسوطه مش احنا وما تخافيش من اي حاجه وما تخجليش ولا تخافي لو مش موافقه قولي مش موافقه اهم حاجه سعادتك و راحتك يا حبيبتي
ساره حست براحه و سعاده بعد كلام والدتها
ساره وهي تبوس يد والدتها: شكرا يا حبيبتي ربنا يخليكي ليا وما يحرمنيش منك ابدا يا رب
الام: حبيبتي، الا قوليلي انتي عقلتي كده امتى😹
ساره: هو ده وقت تريقه يا ماما
الام: بهزر معاكي يا حبيبتي، يلا بقه على شان تاكلى
ساره: لا مش جعانه عايزه ارتاح شويه على شان عندي مشروع زفت كبير لازم اخلصه خلال اسبوع
الام: ربنا معاكي يا حبيبتي يلا انا طالعه على شان اسخن الاكل
ساره: ماشي يا حبيبتي
خرجت الام
ساره في نفسها انا استريحت اوي لكلام ماما مش عارفه برده اعمل ايه ساعدني يا رب
اخرجت دفترها الذي اصبح صديق الامها
(اكرمنى يا رب بحق احتياجى للكرم، اقف معايا يا رب وقولي اعمل ايه)
اغلقت دفترها ونامت شويه
............
(قد يتغير كل شيء في أقل من ثانية
ليس لشيء
فقط لأن الله يريد
فلا تقل مستحيل
(إنما أمره إذا أراد شيئاً أن يقول له كن فيكو)
**
رجع حسام بيته
غير و وخد دش و صلى فرضه
فون حسام بيرن
السلام عليكم
حسام: وعليكم السلام
الاب: ازيك يا حبيبي عامل ايه وحشتني
حسام: الحمد لله كويس يا بابا وانت كمان وحشتني كل اللي عندك عاملين ايه
الاب: كلهم كويسين وبيسلمو عليك و هدى بتسلم عليك كتيير وزعلانه منك
(هدى عمة حسام بتحب حسام جدا وهو كمان بيحبها اوي)
حسام: هي فين عايز اسلم عليها
الاب: اهي معاك
هدى: قلبي
حسام: دوودووو حبيبتي وحشتيني اوي اوي
هدى: وحشتك يا واطي ده انت ما بتسألش حتى كده برده ما يجيش على العشره يا ابن اخويا🥺🙈
حسام: ايه يا دودو الفيلم ده
هدى: بس ايه رأيك عجبك صح😹
حسام: اخبارك ايه انتي وكل اللى عندك
هدى: الحمد لله يا حبيبي كلهم كويسين
حسام: طب الحمد لله سلميلي عليهم
هدى: الله يسلمك يا حبيبي، ايه يا ابني مش ناوي تتجوز بقه وتفرح قلبي
حسام: قولي ان شاءلله يا حبيبتي سلميلي على اللى عندك كلهم عايزين حاجه
هدى: شكرا يا حبيبي عايزين سلامتك
قفل حسام الفون ونام شويه
**
صحيت ساره و صلت المغرب
وقعدت تدعي ل ربنا كتير
قررت ساره تتجرأ وتقول رأيها
خرجت ساره من الغرفه
الام: صحيتي امتى يا حبيبتي
ساره: لسه صاحيه يا ماما
الام: هتروحي الجامعه بكره
ساره: لا ان شاءلله مش هروح
الام: طيب يا حبيبتي
ساره: ماما كنت عايزه اتكلم معاكي
الام: اكيد يا حبيبتي اتفضلي
ساره: ماما انا رافضه الجواز
الام حست ب راحه و فرحه
الام: بجد
ساره: اه يا ماما
الام: طيب يا حبيبتي
ساره: اقول ل بابا ازاي والا اعمل ايه
الام: انا هقول ل ابوكي
ساره: ماشي يا ماما
..
ذهبت الام
الام: احمد عايزه اتكلم معاك
احمد:اكيد
الام: ساره مش موافقه على الجواز
الاب باستغراب: اييه
الام: هو ايه اللي ايه البنت مش موافقه ومش مرتاحه واحنا متفقين انه احنا مش هنجبرها على اي حاجه من صغرها
الاب: يلا كل شئ قسمه ونصيب
خرجو من الغرفه
محمد: ايه يا احمد كل ده الاميره ساره ما قالتش
احمد: بصراحه يا محمد ساره مش موافقه
**
يا ترى رد فعل محمد هتكون ايه
ده اللى هنعرفه... يتبع الفصل 13 اضغط هنا