رواية ان كيدهن عظيم الفصل الثاني 2 بقلم منار رمضان عبر دليل الروايات
رواية ان كيدهن عظيم البارت الثاني
محمد : فاطمة
فاطمة : نعم يابابا
فاطمة : بقولك ايه عمك احمد جه النهارده يطلب ايدك لخليل ابنه
فاطمة : لمين
محمد : لخليل الواد محترم وراجل يعتمد عليه
فاطمة : خليل يا بابا مش المفروض خالد هو الكبير
محمد : خالد ده لسه ادامه كتير عايز يسافر ويكمل تعليمه إنما خليل معاه دبلوم زراعى وبيشتغل مع أبوه فى الارض وبعدين انا هبقى مطمن عليكى وانتى معاه
فاطمة : وانت هتبقى مبسوط يا بابا
محمد : جدا يا فاطمة طول ما انتى فى بيت احمد اخويا هبقى مطمن واموت وانا مرتاح البال
فاطمة حضنت ابوها : بعد الشر عليك يا بابا ربنا يخليك ليا يا رب
محمد : ويخليكى ليا يا بطوط ويلا ضوفى ناقصك ايه عشان تنزلى تكمليه عشان خطوبتك يوم الجمعة باذن الله
فاطمة : أن شاء الله يا بابا
فاطمة لنفسها هوافق بس عشانك يا بابا بس اوعدك أن اللى هيفضل فى قلبى خالد اللى حبيته من صغرى وعمرى ما أطلعه من قلبى وانى هعمل المستحيل عشانه
فى بيت احمد
خليل فى الغيط
خليل بصوت عالي : هتجوز هتجوز انا هتجوز هتجوز تتتترارار
خالد : يخربيت صوتك لميت علينا الدبان
خليل : بس ياض انت مالك يلا يا باير
خالد : باير انا باير. وبعدين ايه ياض دى ده انا اكبر منك احترم نفسك
خليل : اكبر منى بسنه واحدة يعنى اللى يشوفنا يقول تؤام أهدى انت بس ومتفضلش تقول كبير كبير ده كمان أطول منك
خالد : حنفية وفتحت فى وشى اكتم ويلا خلينا نشوف هنعمل ايه
خليل : فى ايه
خالد : فى خطوبة سيادتك فى لبس سيادتك اخلص
خليل : تصدق عندك حق يلابينا
خالد : يارب صبرنى على ما ابتلتنى بيه
خليل : امين يارب يلا بقا
احمد : زينب
زينب ام خالد : نعم يا احمد
احمد : انا مش عايز فاطمه تحس ان ملهاش ام فى وقت زى ده انتى عارفه ان الوقت ده اى بنت بتحتاج امها فيه
زينب : انا فاهمة كل الكلام ده كويس يا احمد وبعدين انت عارف انا بحب فاطمة اد ايه دى بنتى اللى انا مجبتهاش ومعزتها فى قلبى كبيرة وربنا يقدرنى واقدر اعوضها عن أمها فى وقت زى ده
احمد : انا عارف انك ادها يا زينب ربنا يخليكي ليا وميحرمنيش منك ابدا
زينب : ويخليك ليا رب
خليل : الله الله ايه اللى بيحصل ده
احمد : انت جيت امتى يا عريس الغفلة
خليل : من ساعة ربنا يخليكي ليا وميحرمنيش منك ابدا ايه الرومانسيه دى ياحج مكنتش اعرف انك كده
احمد : لا ده انا عجبك اوى امشى ياض يا بن ال
خالد : عييب يا حج عيل زى كده يخليك تغلط
احمد : شوفت اخوك عاقل ازاى مش عارف انت مطلعتش عاقل زيه ليه كده
زينب : انتوا مالكم حامين على الواد ليه حد محدش ليه دعوة بخلولى
خالد : خد ياعم دلوقتي بقا خلولى
احمد : اه ما انا واخد بالى حبيب ماما اخر العنقود
خليل : انا مش عارف انتوا متغاظين منى ليه والنبى يا جماعة كل واحد يخليه فى حاله
يوم الخطوبة الكل كان مستعد وجاهز زينب اللى مسابتش فاطمة دقيقه واحدة لوحدها وكانت أم العروسة وام العريس مع بعض يوم الخطوبة عدا والكل كان مبسوط وبيرقصوا والاهل والجيران كلهم حضروا وحددوا الفرح بعد شهر
تانى يوم
خالد بنوم : الو
خالد : أيوة انا خالد احمد الشرقاوي
خالد فاق : بتتكلم جد
خالد : احلف كده قول والمصحف
خالد : انت عارف انت لو ادامى كنت بوستك عارف انا بحبك بحبك اوي كمان
خالد : ياعم انت هتصاحبنى اقفل بقا سلام
خالد نزل ع السلم جرى
خالد : بابا ماما خليييييل انت ا ياللى عايشين معايا فى البيت
احمد : فى ايه
زينب : مالك يا خالد
خليل : فى ايه يا بن المجنونة انت
خالد بكل صوته : المنحة جاتلى
زينب : لللللللووولللوللى الف مبروك يا حبيبي
خليل : الف مبروك يا معلم
احمد : الحمدلله الف الف مبروك يا حبيبى
خالد : الله يبارك فيكم يارب
احمد : هتسافر امتى
خالد : بعد شهر ونص باذن الله
خليل : اهم حاجه أنه بعد الفرح عشان والله والله لو كنت سافرت قبل الفرح كنت هتجوز بردوا عادى
خالد : عارفك والله ندل
خليل : وانا اقدر بردوا
احمد : بتعيطى ليه يا زينب
زينب : مفيش حاجه
خالد : ايه يا ماما ليه كده بس
زينب : دى دموع الفرح يا حبيبى ربنا يفرحك
خالد : انا مش عارف ايه الشعب ده زعلان يعيط فرحان يعيط بردوا شعب راضع كولا والله
خليل : عندك حق والله عندهم حول فى المشاعر بس المهم الغربة متاخدكش مننا
خالد : عيب عليك مش المانيا اللى تاخد خالد من اهله
احمد : ياواد ياواد
الكل ضحكوا
يتبع ... ان كيدهن عظيم الفصل الثالث أضغط هنا