رواية ان كيدهن عظيم الفصل الثامن 8 بقلم منار رمضان عبر دليل الروايات
رواية ان كيدهن عظيم البارت الثامن 8
فى مصر
الحاج سيد : حمدالله على سلامتك يا خالد
خالد : الله يسلمك يا عم سيد عامل ايه
الحاج سيد : الحمدلله يابنى. اذيك يا حياة عاملة ايه يا بنتى
حياة : الحمدلله يا عمو حضرتك عامل ايه
الحاج سيد : الحمدلله يا بنتى بسم الله ماشاء الله بنتك كبرت مكنتش متوقع انك تتكلمى عربى
حياة : اصل بابا معودنى اتكلم عربى ع طول عشان منساش لغتنا
الحاج سيد : ربنا يبارك فيكي يا بنتى اتفضلى ادخلى جوة عند مريم فاكراها
حياة بابتسامة : انا فاكرة صورة كنا متصورينها زمان فى الجنينة بتاعتنا بس مش عارفه شكلها دلوقتي
الحاج سيد : هى جوة ادخليلها
حياة دخلت عند مريم فى اوضتها حياة بتخبط على الباب
مريم : ادخل
حياة دخلت
مريم بفرحة : انتى حياة صح
حياة : أيوة انا
مريم جريت عليها وحضنتها
مريم : تعرفى انى كان نفسى اشوفك غير ف الصور اللى كنا مع بعض فيها كان نفسى اقابلك بجد
حياة : وانا والله كمان واهو الحمدلله جيت وهنستقر كمان هنا
مريم : أيوة ما انا عارفة اول ما بابا قالى مصدقتش احنا خلاص بقينا صحاب اشطا
حياة : اشطاااا طبعاا
حياة ومريم خدوا ع بعض جدا
خالد وحياة راحوا بيتهم وطبعا اللى حصل لسه ادام عيونه وبيحاول يتماسك عشان حياة
حياة لاحظت أن باباها سرحان
حياة : بابى انت كويس
خالد ...
حياة هزت كتفه : بابى
خالد : هااا مالك
حياة : مالك انت يابابا انت كويس سرحان ليه
خالد : انا كويس يا حبيبة بابا متقلقيش
حياة : بابى كفاية تحمل نفسك ذنب اللى حصل انت ملكش ذنب ده كان غصب عنك وعننا كلنا
خالد : حاضر يا حياة يلا اطلعى ارتاحى عشان أن شاء الله من بكرة هتنزل الشركة ونبدا شغل
حياة : واااوو انا مش مصدقة بجد انى هشتغل المدير التنفيذي للشركة
خالد : كل اللى انتى عايزاه هيحصل لأن الشركة كلها باسمك يا حبيبتي
حياة : بجد يابابا
خالد : الشركة وكل الأراضى وكل حاجه بقت باسمك انتى
حياة : طيب ليه يابابا عملت كده انا مش محتاجة حاجه مش محتاجه غيرك انت فى حياتى وبس
خالد : يا حبيبتي انا معاكى وانا يدعى أن ربنا يطول في عمرى عشان اجوزك وافرح ليكى واطمن عليكي يا حبيبتي
حياة : ربنا يديمك ليا يا احلى بابا ف الدنيا
خالد : ويخليكى ليا يا رب بس ف حاجه عايزك تعرفيها وتاخدى بالك منها
حياة : حاجه ايه يا بابا
خالد : انتى دلوقتى تملكى 20 فدان وشركة وبيتين ده غير الفلوس اللي فى البنك يعنى انتى مطمع لاى حد واى حد ممكن يستغلك ويستغل طيبتك عشان يطلع بمصلحة منك
حياة : ازاى يا بابى مطمع لاى حد
خالد : يعنى ممكن حد يستغلك لانك طيبة وكمان ممكن حد يضحك عليكى باسم الحب وأنه بيحبك وهو فى الحقيقة بيحب فلوسك مش بيحبك انتى فهمانى
حياة بحزن : هو فعلا ممكن حد يعمل كده يا بابى
خالد : شوفتى استغربتى ازاى عشان انتى طيبة جدا فى ناس تعمل اكتر من كده كمان يا حياة بس انتى متديش الامان لحد من حواليكى غير وانتى متاكده أن الشخص ده محل ثقة وكمان يكون بيحبك لذاتك لطيبتك وقلبك وكل حاجه فيكى مش عشان فلوسك وان كمان تكون فلوسك دى اخر حاجه يفكر فيها
حياة : طيب وهو فى حد يقدر ميفكرش فى الفلوس
خالد : فى ناس بتبقى عيونها مليانة وشبعانين حتى لو فقراء بس عندهم عزة نفس وكرامة وربنا بيوفق القلوب مع اللى يشبها وان شاء الله هيوفق قلبك مع القلب اللى يشبهك بس انا دلوقتي عايزك تركزى فى شركتك وازاى نكبرها ونعمل فرع واتنين وتلاتة ومليون كمان
حياة : أن شاء الله يا بابا هنكبرها مع بعض
خالد : أن شاء الله يا قمر يلا اطلعى انتى ارتاحى
حياة : حاضر وانت كمان ارتاح متتعبش نفسك عشان متتعبش
خالد : حاضر يا يويو
تانى يوم فى الشركة
حياة : واااو تحفةة اووى جميلة جدا ماشاء الله يا بابا
خالد : عجبتك
حياة : جدااا ومنظر النيل تحفه وكمان عاجبنى ان الموظفين استقبلونا حلو اوى
خالد : طبعا لازم يستقبلونا حلو ويلا بقا على مكتبك هندلع من اولها ولا ايه
حياة بضحك : تمام يا فندم عن اذنك
خالد : اتفضلى ياباشا
حياة طلعت واتعرفت ع السكرتيرة بتاعتها وبتاعة خالد وعرفت مكان مكتبها وراحت عشان تبدأ فى شغلها
فى مكان تانى
حسن : وبعدين بقا هعمل ايه انا دى تانى شركة اروح اقدم فيها ويقولولى هنكلمك ومحدش بيتكلم اروح اولع فيهم طيب
محمد : ما قولتلك تعالى معايا
حسن : اجى معاك فين بس ده انت لسه مقدمتش فى الشغل وكمان بتقول أن الشركة لسه فاتحة جديد يعنى ملهاش مستقبل
محمد : ومين قالك أن ملهاش مستقبل دى لسه فاتحة وكمان دى شركة استيراد وتصدير وان شاء الله هنشتغل فيها وكمان عرفت انها بتاعة واحد مصرى هو وبنته وكان عايش طول عمره برة مصر ولسه راجع واستقر هنا
حسن : وانت عرفت منين ده كله
محمد : وانت متعرفش انى لما مكان لازم اجيب قراره الاول من البداية
حسن : لا وايه من البداية من البداية يعنى
محمد : اومال 😎
حسن : هنروح امتى بقا
محمد : بكرة أن شاء الله
حسن : يعنى هنشتغل ولا
محمد : اكيد خنشتغل لأنها طالبة ناس كتير
حسن : بس احنا مش ناس معينة احنا مهندسين
محمد : عارف يا اخويا عارف ادعى انت بس
حسن : يااااااارب نقبل بقا
تانى يوم
خالد : حياة فى ناس هتجيلك عشان يتقدموا للوظائف الجديدة وياريت تركزى بالذات مع المهندسين لأننا محتاجين مهندسين كتير وياريت يكون السي ڤى بتاعه كويس جدا
حياة : حاضر يابابا
خلود بضحك : بابا ايه
حياة بضحكة : سورى مستر خالد
خالد شدها من خدودها : شطورة يا بنت
حياة : عيب مينفعش تعمل كده مع الموظفين عندك
خالد : عندك حق امشى اطلعى برررة على مكتبك يا هانممم
حياة ضحكت وجريت ع برة
حسن : انت رايح فين يا محمد
محمد : هروح اجيب اى حاجه اشربها انا زهقت
حسن : طيب هاتلى معاك
محمد : ماشى
محمد ماشى بيعدل فى البدلة بتاعته وحياة طالعة بتجرى من المكتب وخبطت فيه
محمد بزعيق : ايه ده مش تبصى ادامك
حياة : انت بتزعقلى كده ليه انت اللى مش باصص ادامك
محمد : بت انتى وكل صوتك ده
حياة : ايه بت دى لم نفسك وكمان انا اتكلم زى ما انا عايزة
محمد بصلها بقرف وبص لمكتب رئيس مجلس الإدارة
محمد : لا يبقى بصى ادامك وانت طالعة تجرى وتضحمى بالطريقة دى وانتى خارجة من عنده بلا قرف
حياة : انت مجنون انت بتتكلم معايا كده ازاى
محمد سابها ومشى
حياة : ده متخلف صح لا اكيد مجنون
محمد راح عند حسن وهو مضايق
حسن : مالك يا بوز الفقر وفين الحاجة اللى هنشربها
محمد بعصبية : مفيش حاجه واخرس بقا
حسن : مين ضايقك
محمد : حسن حل عن دماغى مش فايقلك
السكرتيرة : محمد احمد طاهر
محمد : أيوة انا
السكرتيرة : دورك دلوقتي
محمد دخل المكتب واول ما شاف حياة
محمد : انتى
حياة : انت بتعمل ايه هنا
محمد : للاسف جاى اقدم هنا بس انتى
محمد سكت فجأة
حياة بتبصله من فوق لتحت : انا ايه سكت ليه يا استاذ
محمد مش عارف يتكلم ويقول ايه
محمد : هو انتى بنت رئيس مجلس الإدارة
حياة : تصدق
محمد : يعنى انتى كنتى طالعة من عند والدك بتضحكى وتجرى من عنده
حياة : تخيل
محمد : ينهار اسود ومنيل
حياة : السى ڤى
محمد : لا سى ڤى ايه بقا انا اخد الواد حسن وأجرى من هنا
حياة : لا ازاى هات السى ڤى
محمد : اهو
حياة : امممم هندسة برمجيات وامتياز فى كل السنين كمان
محمد بفخر : طبعا كنت الاول على دفعتى كل السنين
حياة : طيب مبروك عليك الوظيفة
محمد : شكرا
حياة : بس الغلطة فيها عقاب كبير جدا
محمد : لليغلط بقا
محمد سابها ومشى
وحسن دخل واستقبل هو كمان
يتبع... الفصل التاسع اضغط هنا