رواية البحث عن الجاني الفصل الثالث كامل بقلم دودو محمد
رواية البحث عن الجاني الفصل الثالث
فى قسم الشرطه
طرق العسكرى على باب غرفة مكتب فريده وسمع صوتها تأذن له بالدخول فتح الباب واده التحيه وقال
العسكرى // سيف باشا عايز حضرتك فى مكتبه
فريده / زفرت بضيق وقالت ماشى روح انت وانا جايه وراك
خرج العسكرى ونظرت اتجاه وقالت بزهق
فريده/ تلاقيه مخنوق وعايز يدينى كلمتين فى جنابى وقامت وقفت ووضعت القبعه فوق رأسها واتجهت إلى الباب وخرجت وذهبت إلى غرفة مكتب سيف وطرقت الباب وسمعت صوته يأذن لها بدخول فتحت الباب ودلفت إلى الداخل وقالت خير يا فندم حضرتك عايزينى
سيف // وهو ينظر إلى الملف الذى بيده شاور إلى المقعد بدون ان يتكلم
فريده / جلست فريده على المقعد ونظرت له وانتظرت ان يتكلم
سيف// نظر لها والقى ملف امامها وقال خدى
فريده / بعدم فهم قالت ايه ده يا فندم
سيف // ايه عاميه مش شايفه ايه ده
فريده / لاء شايفه يا فندم ان ده ملف بس اعمل بى ايه
سيف // اعملى بيهم مركب ورق والعبى بيهم
فريده / ياريت حضرتك تفهمنى من غير تريقه
سيف // ما انتى اللى غبيه ملف وبدهولك هيكون ليه يعنى اكيد ده ملف قضيه جديده
فريده / احم يعنى من غير تهزيق ولا تريقه حضرتك ده ملف قضيه حضرتك بتدهولى انا ليه بقى
سيف // وضع يده على وجهه بعصبيه وزفر بضيق وقال حضرتك ايه شغلتك هنا؟ عامل بوفيه
فريده / لاء حضرتك ظابط فى البحث الجنائى
سيف // والله انا اتفاجئت بالموضوع ده
فريده / يعنى انا عايزه افهم حضرتك بعت ليا ليه علشان تتريق عليا وتهزقنى
سيف // بعصبيه بت انتى غبيه اوى كده ليه انتى ازاى دخلتى كلية الشرطه اكيد فيه حاجه غلط انا من الاول قولت ان الستات كلها فاشله واخرهم قعدت البيت حتى فى دى فاشلين فيها والله
فريده / نهضت وقالت لحد كده وكفايه حضرتك مفيش داعى لتهزيق فهمنى عايز ايه وانا هنفذه علطول من غير اى تجريح فيا
سيف // نهض واتجه إليها ونظر لها نظره مطوله وقال انتى ازاى تتكلمى معايا كده
فريده / اسفه يا فندم بس مهما كان منصب حضرتك ده ميدلكش الحق انك تهنى وتقلل منى وتتريق عليا
سيف // لما تبقى شغاله فى البحث الجنائى ومخك واقف ومش بتفهميها وهى طايره يبقى لازم افوقك يا حضرة الملازم
فريده / حضرتك اللى كلامك قليل جدآ ومطلوب منى افهم كل اللى حضرتك عايز تقوله من كلمتين وبس
سيف // نظر لها بغيظ وقال والكلمتين كتير عليكى المفروض من نظرة عين تفهمى
فريده / ليه هو انا جايه اشتغل فى البحث الجنائى ولا اشتغل خبيرة عيون
سيف // بعصبيه خدى الملف وغورى من وشى
فريده / اخده اعمل بى ايه
سيف // بعصبيه وصوت مرتفع تخديه تدرسى القضيه علشان هنبدء بحث عن الجاني فهمتى حضرتك ولا لسه
فريده / احم لا فهمت يا فندم عن اذن حضرتك وخرجت من عنده
سيف // نظر لها وزفر بضيق وقال كانت ناقصه قرف هنا كمان ورجع مره اخرى وجلس على المقعد الخاص بى واخذ الهاتف واجرى اتصال وانتظر الرد
........//خير متصل ليه يا سيف
سيف// كنت عايز اجى اتكلم مع حضرتك
........//بخصوص ايه
سيف //بخصوص هاجر بنت حضرتك يا كرم باشا
كرم // بنتى رافضه ترجعلك تانى يا سيف وعايزه تطلق
سيف // تطلق طيب والاولاد انا سيبتها تريح اعصابها شويه عند حضرتك
كرم // هى بتقول مش عايزه الاولاد خليهم معاك بس مستحيل ترجع ليك تانى ياريت تجيب المأذون بليل علشان تطلقها
سيف // بس انا بحبها ومقدرش استغنى عنها دى كانت زعله بسيطه بتحصل ما بين اى زوجين عادى بس مش لدرجة انها توصل لطلاق انا معترف ان اتعصبت عليها بس غصب عنى ضغط شغل عليا وحضرتك عارف قد ايه الشغل بتاعى مرهق وموتر للاعصاب وبرجع من الشغل اقابل مشاكل البيت والاولاد لوحدى علشان كده اتعصبت عليها
كرم // والله هى رافضه ترجع ليك تانى وبتقول هى ملهاش فى جوى الجواز والخلفه هات المأذون بليل وطلقها وكل شئ قسمه ونصيبه
سيف // بس حضرتك
كرم // قطع حديثه وقال خلاص يا سيف خلصنا هات المأذون وتعالى بليل طلق
سيف // تنهد وقال اللى حضرتك تشوفه بس النهارده مش هقدر عندى شغل
كرم // ماشى هنستناك بكره سلام واغلق السكه
سيف //القى الهاتف على سطح المكتب بعصبيه وسمع صوت طرق على الباب قال بصوت مرتفع مش عايز زفت حد يخبط على بابى
فريده / فتحت الباب وقالت دى انا حضرتك
سيف // ضغط على اسنانه بعصبيه وقال وايه يعنى انتى انا مش قولت محدش يتزفت ويخبط على الباب
فريده / بتوتر ا.ا.اصل فيه جزء فى القضيه دى مش قادره افهمه
سيف // ده على اساس انك فهمتى قبل كده
فريده / احم ل.ل.لاحظ ان كلام حضرتك جارح يا باشا
سيف // اتزفتى واخلصى وقولي عايزه ايه
فريده / هو ازاى الفرح هيتعمل النهارده والعريس متهدد بالقتل مش المفروض الفرح كان اتلغى لدواعى امنيه
سيف // ولو اتلغى الفرح هنوصل للجاني ازاى مش لازم نعمل ليه مصيده علشان نقبض عليه
فريده / ايوه حضرتك بس يعنى كان فيه مليون طريقه غير دى الفرح هيبقى زحمه ومش هنعرف نأمن كل المعازيم كده فيه خطر على الناس اللى هتبقى موجوده
سيف // دى مش شغلتك احنا مأمنين المكان كويس خلي تركيزك انتى فى مين الجاني
فريده / الشبه ما بين تلاته
سيف //مين هما
فريده/ خطيبة العريس السابقه اللى هو سابها بعد حب اربع سنين علشان اللى هيتجوزها النهارده
او حبيب العروسه السابق اللى ابوها رفضه علشان ظروفه الماديه مش كويسه
سيف // والتالت مين
فريده /عدو مرجان والد العروسه ومنافسه فى السوق
سيف // بس ده ليه هيبعت جواب تهديد بقتل العريس الاتنين المشتبه فيهم اللى قولتى عليهم فى الاولى ليهم هدف فى الجريمه لكن شريك مرجان هدفه ايه
فريده / هو انا مش عارفه ايه هدفه بس لما شوفت اسمه فى الملف جالى احساس بالشك من نحيته
سيف // ده على اساس انك بتحسى اصلا
فريده/ ليه يا فندم الاهانه حضرتك عملت ليك ايه علشان تعاملنى بالطريقه دى
سيف // على مكتبك روحى شوفى شغلك
فريده /والله العظيم اللى بيحصل ده ظلم
سيف // انتباه يا حضرت الملازم
فريده / مش انتباه ها
سيف // نعم يا اختى
فريده / م. م. ما هو ميرضيش حد اللى حضرتك بتعملوا فيا ده
سيف // اقسم بالله لو مغورتيش من وشى دلوقتى
فريده / قطعة حديثه قائله وربنا ما انت حالف انا مشيت اصلا حتى ابعت العسكرى هتلاقينى فى مكتبى وبدرس القضيه وركضت على غرفة مكتبها
سيف // زفر بضيق وارجع رأسه للخلف
________________________________________
خرجت رضوي من العمل وصعدت السياره واتجهت إلى المنزل وبعد وقت وصلت واتجهت إلى الاعلى وقامت برن الجرس فتحت لها والدتها قبلة وجينتها وقالت
فريده / واحشتينى يا مزتى واتجهت إلى الداخل وقبلة والدها وقالت حبيب قلبى اللى بيلعب بديله وانا مش فى البيت
فريد // ضرب مؤخرة رأسها بخفه وقال يا بت اختشى فيه واحده تقول لابوها كده
فريده / مش انا قولت يبقى فيه وبعدين يعنى البيت فاضى عليكم انتو الاتنين والشيطان كان ثالثكم يا ديدو
منى / والله لسانك ده هيوديكى فى داهيه
فريده / انتو هتتكتروا عليا ولا ايه لا خدوا بالكم ده انا الملازم فريده فريد منصور وسقطت على الارض
منى / ابتسمت وقالت ينيلك بت اسلوبى طولك يا ضنايا
فريده // نهضت من على الارض وقالت احم ما يوقع الا الشاطر المهم انا جعانه اوى
منى / يا ضنايا يا بنتى ادخلى غيرى هدومك وانا هحضرك الاكل
فريده / اللهى يعلى مراتب بنتك اللهى تفرحى بيها اللهى يبعد عنها وش الفقر اللى اسمه سيف قادر يا كريم وتركتهم وذهبت غرفتها بدلت ملابسها ووضعتهم فى المكان المخصص ليهم وخرجت من الغرفه جلست على المقعد الخاص بطاولة الطعام
فريد // قوليلى يا بنتى
فريده / واقولك يا بنتى ليه انت مش المفروض ابويا
فريد // بعصبيه فرررررريده
فريده/ قهقهت وقالت خلاص خلاص بهزر معاك يا ديدو يا جامد قولى بقى كنت عايز تقولى ايه ووضعت الطعام داخل فمها
فريد // هو اللى اسمه سيف ده كبير ولا صغير
فريده / لا كبير ولا صغير عنده زى خمسه وتلاتين سنه او اقل حاجه بسيطه بتسأل ليه يا بابا
فريد // اوعى يكون لعبى ولا بيعمل حاجه يضايقك بيها فى الشغل
فريده / والله هو من جهة بيضايقنى فهو بيضايقنى بس من عصبيته ولسانه اللى عامل زى الكرباج ده انما بقى لعبى دى معرفش والله اذا كان لعبى ولا لاء هو معايا وش خشب لوح ازاز قلقاسه علشان مبحبش القلقاس المهم هو كل حاجه وحشه معايا
فريد // بأرتياح طمنتينى
فريده / بعدين متخافش على بنتك يا ديدو بنتك اسد اللى يقرب منها تاكل قلبه من جوه
منى / ربنا يحميكى ويحرسك يا ضنايا
فريده/ بالله عليكى ادعيلى يا ماما النهارده عندى مهمه مع وش البومه ده قلقاسه
منى / بخضه مهمة ايه دى يا بنتى احسن ما يحصلك حاجه
فريده / يحصلى حاجة ايه بس يا ماما ده فرح بس هروح فيه بمهمه رسميه علشان نأمنه
منى / ربنا يستر ويحميكى يا بنتى يارب
فريده / نهضت وقالت الحمدالله تسلم ايديك يا ست الكل وارسلت لها قبله فى الهواء وذهبت إلى غرفتها واغلقت الباب خلفها لتجد الهاتف يعلن عن مكالمه لها ركضت اتجاه الهاتف ونظرت بى وجدت المتصل سيف توترت وقالت وده عايز منى ايه دلوقتى وردت عليه قائله خ.خ.خير يا فندم
سيف // بعصبيه خير ايه وزفت ايه انتى مش بتردى على تليفونك ليه
فريده / ا.ا.اسفه يا فندم التليفون كان فى الاوضه بيشحن وانا كنت بره باكل
سيف // بت انتى حد مسلطك عليا علشان تشيلنى
فريده/ بعد الشر عليك يا فندم بس مين هيسلطنى بس ده مجهود شخصى والله
سيف // اتزفتى واجهزى وانا نص ساعه وهكون تحت البيت عندك
فريده / تحت البيت عندى ليه يا فندم خير
سيف// هخدك افسحك
فريده / بجد يا فندم والله مش عارفه اقول لحضرتك ايه تحيا الحكومه
سيف // الصبر يارب اجهزى علشان نروح الفرح وياريت تلبسى مدنى علشان نظهر اننا من المعازيم ونعرف نراقب كويس
فريده / اااااه فهمت حاضر يا فندم
سيف // ابعتى العنوان فى رساله بسرعه اخلصى واغلق الهاتف قبل ان تجيب عليه
فريده// اشوف فيك يوم يا سيف يا ابن ام سيف الراجل بيعاملنى معاملة مرات الاب ربنا يصبرني عليك وارسلت له عنوان المنزل وذهبت امام خزانة الملابس الخاصه بيها واخذت فستان طويل رقيق واخذت الشال الخاص بى وبدلت ملابسها ووضعت بعض مستحضرات التجميل على وجهها ونظرت نظره اخيره على مظهرها بالمراه والهاتف اعلن عن اتصال نظرت بى وجدته سيف اخذت الهاتف وقالت انا جاهزه
سيف //وانا تحت البيت اتفضلى انزلى
فريده / ثوانى واكون عند حضرتك الو الو قفل السكه ابن المضايقه ووضعت الهاتف بحقيبة اليد الخاصه بيها وخرجت من الغرفه وقالت ماما انا نازله عايزه حاجه
منى / خرجت من المطبخ وقالت بسم الله ماشاءالله زى القمر يا حبيبتى ربنا يحميكى ويحرسك يا بنتى يارب
فريده / انبى انت اللى عسل وسكر وانا اجى جمبك ايه يا مزة المزاميز انت يا قمر
منى / قهقهت قائله روحى يلا يا بنتى وخلى بالك على نفسك
فريده / نهار مش فايت اتأخرت على قلقاسه هيطن عيشتى سلام يا مزتى وبلغى بابا بقى وخرجت من الباب وركضت إلى الاسفل
""""""""""""""""""""""""""""""""""""""""""
سيف // كل ده
فريده / صعدت السياره وقالت اسفه يا فندم
سيف// نظر لها وقال ايه اللى انتى عامله فى نفسك ده
فريده / مش فرح
سيف// وهو فرح حد من اهلك
فريده / الله يا فندم مش حضرتك اللى قولتلى البس مدنى علشان نظهر اننا من المعازيم وانا نفذت كلامك
سيف // نظر لها وشغل السياره واتجه إلى الفرح
فريده / زفرت بضيق وصمتت طول الطريق وبعد وقت طويل وصل سيف بالسياره إلى مكان الفرح ونظر لفريده بتحذير وقال
سيف// اوعى تتصرفى بأى تهور جوه ومتعمليش اى حاجه من دماغك غير لما ترجعيلى الاول مفهوم
فريده/ مفهوم يا فندم
سيف // اوعى تلفتى الانظار ليكى
فريده / دى مش بأيدى يا فندم مش هقولهم متبصوش يعنى
سيف // اسمعى الكلام اللى بقوله ليكى وبلاش مناهده فى الكلام كتير
فريده/ حاضر يا فندم
سيف // نزل من السياره واتجه إلى الباب وفتحه ومد يده لفريده وقال انزلى
فريده / نظرت إلى يده بتوتر ومدت يدها ووضعتها بها ونزلت من السياره
سيف // اغلق باب السياره ووضع ذراع فريده بذراعه وقال سلاحك معاكى
فريده /ا. ا. اه فى الشنطه
سيف // امشى يلا وذهبوا داخل الفرح وبدأوا يتابعوا المكان بحرص تام نظرت فريده له قائله
فريده/ سيف باشا
سيف// ضغط على اسنانه مقطعآ لها سيف باشا ايه الله يحرقك هتبوظى الدنيا
فريده / سورى نسيت
سيف // مش وقت نسيان خالص ركزى معايا بقى
فريده / حاضر حاضر
سيف // نهض ومد يده لها وقال قومى نرقص
فريده / ها
سيف // اخلصى
فريده / حاضر ووضعت يدها بيد سيف وذهبت معه
سيف // احاط خصرها بذراعيه ونظر لها
فريده / نظرت له بتوتر ووقفت مكانها مصدومه
سيف // بعصبيه حطى ايدك على كتفى
فريده/ ها ح.ح.حاضر وضعت يدها على كتفه وبدأوا يتراقصوا على انغام الموسيقه واعينهم مراقبه المكان بحرص
سيف //تفاجئ برأس فريده على كتفه نظر لها بأستغراب تفاجئ اكثر عندما احاطت رقابته بذراعيها
فريده / همست له فى اذنيه وقالت فى واحد حركاته غريبه شويه
سيف // فين
فريده / اوعى تبص علشان ميخدش باله تعالى بس نقرب شويه منه امشى معايا واحده واحده
وتحركوا الاثنين إلى الشخص المشتبه فيه ولكن سيف وقف على طرف الفستان الخاص بفريده وسقطت على الارض وسقط سيف فوقها
سيف// نظر لها بغضب شديد وقام وقف وقال انتى غبيه مش تخلى بالك
فريده / وانا مالى ما حضرتك اللى دوست على الفستان بتاعى وقعتنى
سيف //نظر فى المكان بصدمه وقال فين الراجل
فريده / وقفت ونظرت فى المكان وقالت ملوش اثر وسمعوا صوت مرجان ينادى على بنته وركض إلى سيف وقال
مرجان // بنتى يا سيف باشا مش موجوده فى اوضتها ولا ليها اى اثر
سيف // نظر بغضب لفريده وقال عجبك كده
فريده / وانا مالى
سيف // فين الكاميرات اللى فى المكان هنا بسرعه
مرجان// اتفضل معايا حضرتك وذهبوا إلى غرفة المراقبه وارجع سيف الكاميرات ووقف يتابع المكان إلى ان وجد الشخص المشتبه فيه استغل وقت انشغال الجميع بوقوع سيف وفريده وركض داخل الفيلا دفع الارض بقدمه ونظر نظرة غضب لفريده وخرج من الغرفه
فريده / تنهدت بزعل وخرجت خلفه وقالت سيف باشا سيف باشا
سيف // وقف وقال انتى ايه يا شيخه مش فالحه فى اى حاجه كل قضيه تدخليها تبوظيها مننا ياريت تقدمى استقالتك وتريحنى من قرفك بقى وتركها وذهب
فريده / نظرت له بدموع وخرجت تركض من الفرح واتجهت إلى منزلها
_______________________________________
دخلت فريده إلى غرفتها ونامت على السرير والدموع انهمرت من عيناها وشعرت بيد على كتفها نظرت عليها وجدتها يد والدها القت نفسها بحضنه وظلت تبكى بوجع طبطب على ظهرها بحنو وقال
فريد //مش بنت فريد اللى تكون ضعيفه كده امسحى دموعك وخليكى جامده
فريده / ببكاء مش عايزه اكمل فى الشغل ده يا بابا انا هسيبه خلاص
فريد// بعصبيه ايه اللى انتى بتقوليه ده بسهوله كده بتتخلى عن حلمك مش طول عمرك بتحلمى انك تبقى فى الشرطه ايه حصلك عمرك ما كنتى ضعيفه كده
فريده /انا اكتشفت ان انا منفعش فى الشغلانه دى اكتشفت ان انا فاشله اوى يا بابا
فريد// اكتشفتى ايه؟ انك فاشله وده اكتشفتيه ازاى انتى لسه مستلمه الشغل مكملتيش شهرين ما انتى لازم هتوقعى وتقومى من تانى هتغلطى مره واتنين وتلاته وفى الاخر هتعملى الصح لازم تكونى عندك ثقه بنفسك اكتر من كده يا بنتى
فريده/ بس هو علطول بيقلل منى يا بابا بيحسسنى ان انا ضعيفه اوى
فريد // اللى هو مين ده
فريده / سيف اللى انا شغاله معاه اللى انا حكيت ليك عنه قبل كده
فريد // اه افتكرته بس هو ليه
بيعمل معاكى كده
فريده / مش عارفه يا بابا من اول لحظه شافنى فيها وهو مش طيقنى وعلطول يقولى انتوا اخركم قعدت البيت انتو فاشلين فى كل حاجه تحس ان عنده عقده من الستات كلها
فريد // انتى بقى اثبتى ليه انك واحده مختلفه عن الناس كلها غيرى وجهة نظره عنكم وعرفيه ان الست تقدر تعمل اللى اى راجل ميقدرش يعملوا قومى يا بنتى وشوفى شغلك واثبتى نفسك وحققى حلمك وخليكى زى ما انتى فريده القويه اللى مفيش حاجه تكسرها فريده ام دم خفيف اللى ضحكتها متفارفش شفايفها ابدآ
فريده /نهضت وقامت بمسح دموعها وابتسمت وقالت بأصرار عندك حق يا بابا متخلقش اللى يكسر فريده فريد انا هروح واكتشف مين الجانى واثبت ليه ان انا قدها ومش فاشله زى ما هو بيقول
فريد // ابتسم وقال هى دى بنتى اللى هفضل افتخر بيها طول عمرى وخرج وتركها فى الغرفه
فريده/ قامت بتبديل ملابسها ووضعت القبعه فوق رأسها وخرجت من غرفتها وقالت انا رايحه الشغل واحتمال مجيش النهارده
منى / هو ايه اللى متجيش النهارده انتى بنت ومينفعش تنامى بره البيت
فريده / ايه اللى انتى بتقوليه ده يا ماما انا رايحه الشغل وهحاول احل اللغز بتاع القضيه النهارده وارجع البنت لبباها
فريد // سبيها يا منى روحى يا بنتى ربنا معاكى
فريده / اتجهت إلى باب الشقه وخرجت واغلقت الباب خلفها ونزلت إلى الاسفل وصعدت السياره وقامت بتشغيلها واتجهت إلى العمل الخاص بيها ودخلت إلى غرفة المكتب وجلست على المقعد وامسكت ملف القضيه ونظرت فيه بتركيز شديد وبعد وقت طويل من التركيز توقفت بصدمه وقالت معقوله واخذت الهاتف وقامت بأجراء اتصال وانتظرت الرد
سيف // عايزه ايه
فريده/ انا عرفت مين اللى عمل كده
سيف // يبقى مين
فريده /...