رواية لم أرزق غيرها كاملة بقلم الكاتبة هدير محمود، الرواية كاملة من الفصل الأول إلى الأخير عبر دليل الروايات "deliil.com"
رواية لم أرزق غيرها الفصل الأول - عشق الطفولة
مراد:حبيبي قاعد سرحان في ايه
هبه وهي بتجري لحضنه :وحشتني اوي يا مادو
مراد:مادو يعني يرضيكي حد من اللي شغالين معايا يسمعوا مادو دي هييتي تضيع
شدت خدود زي كل مره كل يوم نفس الحوار بنفس الغيره بس الحب مانقصش ولو ذره وحده ده حب سنين حب قلب مش شكل حب العقل دايماً بقول لو العقل حب خلاص القلب هيحب ورجله فوق رقبته ده حب عقل مش اي كلام..
هبه:مش مهم تضيع
مراد:مضيع يعني في ستين داهيه المهم قلبي فرحان
بس سرحت تاني
مراد:سرحاتي في ايه تاني
حس بيها.. ومين يحس بيها غيره عمره ماعترض بس الناس وحشه بيخلوا دماغ حبيبته تفكر.. خايف يكون العيب منه خايف تسيبه.. مش خايف يكون منها لا يستحيل يخاف مش عايز اطفال هي بنته ومكتفي بكدا هو اصلا كان يحلم بأيه اكتر من كدا ده لف سنين وسنين عشان تكون ليه حارب الكل الأهل والصحاب والظروف عشان بس ترضي مش توافق.. وبعد كل ده تسيبوا او يسبها ده يحارب ويحارب بس تفضل، مين قال ان الحب مضمون اعرف اول ماتضمن الحب انه هيمشي او هيحصل فتور وفي الحالتين هينتهي الحب.. الحب حرب لازم تكون قدها..
عارف ان كلامه هيندم عليه بس هيقوله ولا انه يشوف دمعه واحده منها
مراد:هنروح لدكتور
هبه بكل كسره:مااحنا روحنا
مراد:هنروح نشوف انا مش هسيبك تدبلي كل يوم.. وعشان تبقي فاكره انا مش فارق معايا العيب عندي او عندك مش فارقه إلا لو انتِ.. قالها وهو مش قادر مش مصدق اصلا انه قالها.. عايزه تتجوزي غيري طبعاً مش هحرمك
هقطعت كلامه حطت ايديها على بوقه تمنعه يكمل..
هبه:انت بتقول ايه انت جوزي ولو مفيش عيال انت ابني.. هو فيه احسن منك ده انت حتي مجنني.. مش الأطفال برده بيجننوا أهلهم وهما بيحبوا ده
ماقدرتش تكمل تمثيل بتحبه لا بتعشقه بس نفسها ده البنت بتولد وبتلعب بالعرايس من صغرها عندها شعور الام مش بايدها بس لو ده نصيبهم يستحيل تسيبوا إبن من غيره لا.. هيكون ابنها...
مراد:بكرا هنروح لدكتور بكرا
واخدها في حضنه وشد عليها اكتر خايف من بكرا خايف تسيبوا.. خايف من الدنيا.. بس هبه ليهِ هيحارب الدنيا.. ايوا اللي حارب مره يحارب تاني وتالت..
ناموا الاتنين وهما خايفين.. ناموا وهم عارفين ان القرار صعب.. بس هما اقوي مع بعض
هبه:مراد
مسك ايديها
مراد:اوعي تخافي انا معاكي
الممرضه:رقم 24 اتفضلي يا مدام هبه
شد عليها اكتر يطمنها فتحوا الباب سوا حط ايدو على ايديها وفتحوا الباب.. مع دقات قلوبهم..لو حد قرب منهم هيسمعها هيسمع قلقها وخوفها
دكتور حسام:اهلا يامدام هبه.. اهلا يابشهندس مراد اتفضلوا
بعد كلام كتير
دكتور حسام:اتفضلي معايا.. ممكن حضرتكم تعملوا التحاليل دي عشان نطمن بس.. حضرتك والمدام
خرجوا بقلوب خايفه اكتر مفيش راحه راحوا وعملوا التحاليل وجه وقت القرار
هبه:افتح يا مراد
مراد:هبه عايزك تعرفي اني يستحيل ورقه وشويه كلام ياثروا فيا.. انت حب عمري اللي حفيت لحد ماوصلت ليه يستحيل كلام اهبل زي ده يأثر.. بس تاني انتي ام بالفطره يعني
هبه:وانت عشقي يا مادو
مراد :بحبك يا قلب مادو...
قلوب خايفه وايد بتترعش مسك الورق وبدأ في فتحها
مراد:المشكله عند...
الفصل الثاني
مراد:المشكله عندي يا هبه
اخذ نفس طويل.. النهاية ليه قريبه اوي كدا ليه دايماً الفراق هو الحل
مراد:المشكله عندي يا هبه
هبه:مراد
هتقول ايه مفيش اي حاجة تقولها الهم اكبر منهم.. تسيبوا لا طبعاً يستحيل تسيب حب عمرها..
مراد:هبه.. بصي مش عايز اي قرار متسرع.. وااا يعني
اخد نفس من سيجارته...
يا رب.. وكمل كلام هو قدامه ايه غيره المهم بلاش تاخدي قرار دلوقتي لأنه هيبقي عاطفي فكري وقرري.. وخدي القرار الصح حتي لو.. كان بعدنا
حطت ايديها على بوقه تمنعه من انه يكمل التخاريف دي.. هو او هي مش فارقه
هبه:هنكمل مع الدكتور ونشوف حل
مراد:لا مافيش دكتور الحل الوحيد اللي قدامنا بعد ماتفكري يعني واي كان القرار انا مش هتعالج تمام
عيطت ممكن تسيبوا..أما هو كان في نار بس لم شافها ماقدرش يستحمل عياطها ده لو غلطانه بيسامحها ولا انها تعيط
مراد وهو بيحاول يهديها:هششش اهدي
هبه بشحتفه:اصل.. يستحيل اسيبك يا مراد اسيبك ازاي هو انا ليا غيرك ولا عايزني اروح لبابا اللي مش هيفكر ثانيه أنه يبيعني اللي يدفع اكتر انت حمتني من أهلي وغير كدا انا بحبك ااه مانكرش ان في الأول كنت بكرهك عشان دفعت كتير لبابا وافتكرت انك زيهم بس لم لقيت حبك.. حبيتك بجد عرفت اني اتحبيت ماتبعتش انا ما بحبش غيرك، عمري ماحبيت غيرك عمري
وكملت بنهيار وهيا ماسكه فيه كأنه هيهرب منها... اوعي تنسي انا معاك لآخر عمري بولاد او بدون مش احنا اتفقنا اني اكون بنتك و انت ابني
قالتها بضحكه مسكوره ماقدرتش تضحك حتي لو بتواسي حبيبها الجرح اكبر الوحده لم بتحب بتتمني تخلف من اللي بتحبه عشان يكون ليها حته منه.. بس النصيب يستحيل تسيب مراد
مراد:يبقي من النهارده مفيش السيره دي
حاولت تعترض بس مفيش فايده..
هبه مفيش سيره تمام
قالها تاني بتصميم
هاااا
حركت رأسها بالموافقه ولسه في حته لا قلبها كله بيقول لا..!
والسؤال هنا هتصبر لأمتي ...!
__
هبه:ازيك يا ماهي وحشتيني جدا
ماهي :اهلا يا بيبو وانتِ كمان حشتيني موت
حسام:ازيك يا بيبو وحشتنا أيامك ايه عم روميو فرج عنك ولا ايه أصل بقالنا قرن مش بنشوفك
مراد:لا عم روميو مش بيسيب جوليت بتاعته ابدا رجله على رجليها.. ووجه كلام لعشقه
عاملتي ايه يا قلبي في النص ساعه اللي سبتك فيها
هبه بكسوف من حب جوزها الظاهر :ماعملتش
ووشوشته... مراد شيل ايدك وخف شويه
مراد وهو بيحضنها اكتر:ابطل ايه يا حبي.. ووطي صوته انا ساكت بالعافيه.. بيبو ايه رأيك في هروبه حلوه كدا على...
نطت من على الكرسي لدرجه ان ماهي اتخضت
هبه وهيا بتسقف بايدها من كتؤ الفرحه :باريس بقالنا كتير مرحناش يلا انا جاهزه حالا
وقعدت تشد مراد من هدومه
مراد:اواا دانا مراتي اجنن مني
ماهي بكل خبث:صح ليهم حق ماهو مفيش لا عيال ولا بابي عايز بارتي بمناسبه كذا ولا قرف العيال ناس مرتاحه.. شوفت يا حسام كان زماني مرتاحه انت اللي قعدت تزن نخلف نخلف اهو خلفنا
حس بمراته خدها بسكوت ومشي بيها كل مابيحاول ينسي وينسينها الناس مش بتنسي الناس
الناس وحشه عليها هي ماتقدرش تستحمل وهو هيكدب لو قال نسي، ليه قلبه بيطالب عايز ابن زيهم ليه الدنيا مش بتدي كل حاجة... ده حتي صحابهم مستكترين عليهم حبهم... ليه الناس مابتحبش تشوف حد فرحان ابدا
مراد:باي ماهي باي حسام ابقوا سلموا على زيكو
ماهي:باي..
حسام بعتاب :مش تخفي شويه
ماهي :ايه هو انا قولت ايه.. بس الصراحه بحقد عليها اتجوزت راجل غني لا وكمان بيعشقها وبيموت فيها مش انا
حسام:اوف كل يوم نفس الزن مالو عاجبك لدرجة دي روحي اترمي عليه ماهو ده أصلك...
وسابها ومشي
ماهي بحقد:ياريت كان ينفع حاولت بس ايه جبله ماسك في مراته زي الخفاش ايه الحب ده... مش فاهمه ماسك فيها على ايه والعيب منها
هبه قالت لكل صحابها انها اللي مش بتخلف حست ان كدا بتحسن صوره جوزها..
___
مراد:اوف البيت وحشني موت
لاحظ سرحان حبيبته.. كان عارف بس خايف
مالك يا حببتي
هبه:مراد انا عايزه اتبني طفل..
الفصل الثالث
هبه:مراد انا عايزه اتبني طفل..
اتصنم مكانه بس بعدها مشي ودخل الحمام وقالها بكل برود:داخل اخد شاور .. لو تلفوني رن ردي بدالي
اتجننت من بردوه
هبه:مراد بطل تتجاهلني
مسك نفسه بالعافيه:احمدي ربنا اني بتجاهلك يعني مش بعمل حاجة وده أفضل.. أفضل بكتير من اني اعمل حاجة.. ومسك ايديها وداس عليها جامد.. عشان لو عملت هتبقي النهاية امشي من قدامي يلااااااا
وساب ايديها ودخل جري على الحمام عايز يهرب.. كان متأكد ان اللحظه دي هتيجي بس كان بيحاول ينسي.. كسر المراية..
مراد:ليه ليه مش مكتوبلي افرح ليه لازم اتحطت في الاختبارات دي ليه
رغم انها مصدومه من اللي عمله بس لم سمعت صوت التكسير جريت عليه...وشافت المنظر جوزها حبيبها على الأرض بيبكي وايديه بتنزل دم نسيت كل حاجة وجريت وخدته في حضنها وهو كمان نسي كل حاجة حضنها نساه نفسه.. ليه الدنيا عايزه تبعده عنها.. عن امانه
عيط زي الطفل:ليه ليه يا حبيتي ليه لازم حاجة تبوظ كل اللي عملناه ليه منعش سعده ليه دايماً في اختبار ليه بيبقي صعب
هبه :معرفش معرفش.. انسي يا مراد انسي خلاص مش هتكلم في الموضوع...
بعدها عنه :لا يا هبه مش هتنسي مش هاخد مسكن يااعالج الموضوع وينتهي واخد حل فوري يا بلاش لكن كل شويه نذكر الموضوع لا كفاية كفاية تعبت.. اوعي تتكلمي انا عارفك وحتي لو مش عارف انتِ أم محدش بيمنع بنت أنها تكون ام.. بس انا هديكي فرصه.. واوعدك يعني لو مانفذتيش الوعد واخلفتي الفرصه هكون في ضهرك برده.. آخر فرصه اوعي تنسي ذكر الموضوع ده تاني في البيت يعني النهاية
هبه:مراد لا بلاش عشاني انت اللي قولت انها فطره... غصب عني.. بس.. لم لقت ان مفيش فايده.. بحبك يا مراد اوعي تسبني.. وانا عمرك ماهسيبك
مراد:ولا انا يا روحي
هبه:ايدك يالهوي استني
جريت وجابت الاسعافات الاوليه.. بس الجرح كان كبير
هبه :يلا نروح اي مستشفي بسرعه يلا مراد قوم يا حبيبي قوم
مراد:البسي وانا هسد الجرح بس
جريت على بره تنفذ طلبه بس مره واحده رجعت وباست خده
هبه بكل حب:اوعي تزعل مني
مراد:في حد بيزعل من قلبه.. يلا البسي.. يلا جري يا بنتي هنقضي اليوم في الحمام.. لو عليا موافق بس ايدي بتوجعني اوي.. يلا
وبصلها بألم مصطنع يلا يا بيبو روحي البسي
هبه:ثانيه واكون جاهزه
___
رغم حبهم الكبير ده كان فيه حقد مالي شخص من علاقتهم.. وقرر يبوظ كل حاجة.. الطمع وحش
ماهي:لازم اتصرف واعمل اي حاجة.. مش هسيب الملايين دي تروح ليها او تروح على الفاضي يعني مراد مقطوع من شجره والزفته مش بتخلف وهو عايز حد بيخلف.. يبقي شويه دلع على شويه كيد من بتوع الستات ويبقي في ايدي وفلوسه بتاعتي... قريب هتبقي ليا يا مراد.. قريب
الفصل الرابع
يابنتي نفسي ادخل عليكي مالقكيش بتاكلي هموت واعرف بتودي الاكل ده كله فين
وبص ليها بسخريه لأنها مهما اكلت مش بتتخن.. منظرها كان مضحك جدا ماسكه ازازه بيبسي في ايديها والايد التانيه ماسكه شبسي وحاطه قدامها كل انواع المكسرات ومعاهم حلويات وكمان مانستش تحط كام طبق اندومي وكل ده في بوق واحد.. وجع البطن بينادي
راح ومسكها من قفاها زي حرامي الغسل
مراد بغيط:بت ردي عليا انتِ سليمه في مخك هااا حلو وحادق في بوق واحد يالهوي وبعد ده كله الهانم عصايه
شالت ايده من عليها وحطت ايديها على وسطها
هبه بفخر:على الاقل انا مهما كلت مش بتخن الدور والباقي عليك بتقعد بالساعات في الجيم ومع اي اكل بيطلعك كشر مش انا
ونفخت بغرور وثقه
مراد وهو بيجري عليها :كرش انا بيطلعي كرش.. اومال مين اللي ماشي يعاكس فيا في الرايحه والجايه وقلدها بطريقه مضحكه بحب عضلاتك يامراد .. ااه يا ناكره الجميل ده انا بعمل كل ده عشانك
والله ماانا سايبك يا بت تعالِ هنا.. استني
وقعد يجري وراها... هبه وهيا بطلعه لسانها
هبه:عجزت يا مادو ولا ايه اجري يا بني وشد حيلك اجري
مراد وهو بيمثل التعب :استني يا بيبو.. ااه مش قادر استوب يا بيبو مش قادر اخد نفسي... ااه
جريت عليه بلهفه متعرفش انه خبيث اول ماقربت منه
مراد :هوب قفشتك يا هبله تعالِ بقي انا عجزت وكمان بقيت بكرش ماشي يلا يا حلوه اختاري عقاب
هبه ببلاهه:انا والله يابني ماعملت حاجة ده لساني الوحش انت عارفه هو انا اللي هقولك يا مادو.. بص يا سيدي هقولك على حل ايه رائيك تقوم كدا زي الشاطر تطلب 2 بيتزا عشان هموت من الجوع ولا اقولك خليهم 3 لا استني 4 انت اتنين و انا اتنين وبصت تسئله بكل برائه وحيره... اتنين هيكفوا صح
مراد:هبه انتِ هبله بجد ردي عليا انتِ هبله
هبه :انا هبله ليه يا حبيبي
مراد:يا رب الصبر من عندك امشي يا هبه تصدقي ابقي عبيط لو كلمتك تاني امشي
بعد نص ساعه
مراد وهو لابس قميص بالمقلوب :حببتي انا طلبت البيتزا وطلبت 6 مش 4 روحي حاسبي عشان ماينفعش اخرج كدا
هبه:بجد يا روحي
بعد ماجابت البيتزا وظبطت السفره
هبه بدهشه وكانها لسه ملاحظه :ايه ده يا مادو انت نسيت بيلبسوا القميص ازاي
مراد وهو بيشد الكاتشب :بس يا ظريفه .. روحي جهزي بقيت الحاجه
هبه وهي ميته من الضحك :مش قادره انت لبست القميص بالمقلوب عشان تكلمني.. كان ممكن تقولي عادي تقولي انك عبيط وانا كنت هصدق ماكنش ليه لزوم،
حرام القميص اتكرمش عالفاضي ... بصلها بغضب
مش قادره الصراحه شكلك مضحك
مراد:ماخلاص بقي اقعدي كلي
رشت الميه عليه من كتر ماهي مش قادر تبطل ضحك
هبه وهيا كاتمه الضحكه بالعافيه:sorry خلاص لا والله ماقادره شكله يضحك
مراد:اتلمي يا هبه اتلمي بدل ما اوريكي
وقام ووشه مش باينه له ملامح ومسك وشها
هبه بكل رعب :مراد مادو حبيبي فيه ايه انا كنت بهزر
وزاد رعبها اكتر لم مسك السكينه:مراد ايه هتقتل مراتك حبيبتك مراد ابعد انت بتهزر صح ابعد مراد ابعد اه ابعد حد يلحقني مراد بطل هزار
بس فجأه لم قطع حته من البيتزا وبهدل بيها وشها وهدومها
هبه وهيا بتصرخ:حرام عليك قطعتلي الخلف حسبي الله
كان لزمته ايه السكينه
مراد وهو بيصورها اضحكي للصور يا حبي عشان نبقي بيت المجانين مجنون ومجنونه قلبه.. بحبك
هبه:وانا كمان يا قلبي..
بعد وقت كتير من الجنان
وهما بيتفرجوا على فيلم
هبه:ليه استخدمت السكينه
مراد:أستغفرُ اللهَ ايه يا بنتي قولي احم.. مش بنتفرج على فيلم
هبه وهيا بتزغزغه :بتخافي يا بطه
مراد وهو بيبعدها :بطه عبوشكلك يا شيخه اتخضيت بس
هبه وهيا بتغمزله:اتخضيت عليا انا
مراد :متكلمنيش انتِ على الخوف دانتي كونتي زي الفار المبول لم مسكت السكينه
هبه:متقولش فأر..بس برده ليه مسكت السكينه
مراد:عشان الاكشن عمر المشهد ماكان هيكمل بدون خوف.. قالها بطريقه دراميه مبالغ فيها
هبه:والله اتجوزت عيل اهبل
مراد:لو قد الكلمه دي اسبتي مكانك
هبه وهيا بطلعه لسانها:مش قدها عشان كدا هجري
مراد وهو بيجري وراها :استني يا هبله تعالي يا بت
واستمر جنانهم وحبهم.. بس ديما الدنيا بتحب تدي دورس وجه وقت الدرس درس كبير وصعب.. هل هيبقوا قده ولا لا
الفصل الخامس
حبيبي يا حبيبي اصحي.. هبه بصراخ... ولاااااااا اصحي
اوف بقالي ساعه بصحي في امه ايه الكسل ده... اعمل ايه اعمل ايه
قعدت تلف زي الهبله تفكر تصحي القتيل ده ازاي.. ومره واحده جريت وشكل فيه فكره شيطانيه جت في دماغها
مراد بفزع بعد مااترمي عليه ازازاه ميه:عااااااااا... أعوذ بالله ... مجنونه يابت انتِ... تعالِ هنا.. وقام جري ورها
هبه وهيا بطلع لسانها :هاااا مش هتعرف تمسكني
مراد وهو بيمثل الصدمه:حاسبي يا بيبو
هبه وهيا مخضوضه:ايه ايه في ايه
مراد بشر:هاا قفشتك يا حلوه.. هاا بقي تحبي العقاب يكون ازاي
رسمت وش البراءه :عقاب لمين.. وشاورت على نفسها... يرضيك تعاقب بيبو حبيتك روح قلبك.. بنتك هاا يرضيك
مراد:لا الصراحه.. وسكت وفكر شويه.. يرضيني
اتخضت وحاولت تهرب منه بس مفيش فايده :ابعد يا مراد مراد بجد بقيت اخاف منك
مراد بغموض:هااا يا ست بيبو ماقولتيش ايه العقاب
هبه برعب:بلاش يا حبيبي دانا حبيبتك
مراد :خلاص لقيت العقاب المناسب
عند الجمله دي فكت حصاره بصعوبه وحاولت تجري بس قرب منها جامد
كل مايقرب خطوه كان بتبعد خطوه ومره واحد راح ماسك خصله من شعرها المنعكش....
مراد:العقاب روحي سرحي شعرك المنعكش ده
زقت إيده كأنها ماكنتش زي الفأر المبلول من شويه وحطت ايديها على وسطها
هبه:منعكش ايه .. ده كيرلي يا غبي دانا دفعت فيه كتير عشان اعمله كدا تقولي منعكش
مراد:غبي هااا ورش الميه لسه مابردش.. قصدي مانشفش.. طب يلا يا حلوه كنت هسامح بس خلاص صدر القرار بسبب سوء أخلاقك.. انجري قدامي اعملي شعرك يلا... واقفه ليه، وقال بأمر.. ادخل اخد دوش تكوني خلصتي يلااااا..
مراد:والله كدا قمر.. مش احسن من الخيمه
هبه بزعل:بس بقي ماتكلمنيش مش عايزه اكلمك.. امشي وبدون فطار
مراد :ايه ده حبيبي زعلانه مني
هبه بدلع:تو مش زعلانه.. دانا مخاصمك امشي يلا..
ومشيت بعيد عنه..بس لقته واقف مكانه وبيكمل لبس
هبه بعصبيه:ايه يا حبيبي مش هتصالحني
مراد:لا
هبه:مراد انت بتهزر صح.. هتسبني زعلانه
مراد :مش قولتي مش زعلانه ومش بتكلميني خلاص بقي اسكتي وبطلي كلام... عايز اصلي
دخلت المطبخ.. عالمه تغير مكان كل حاجة بتزعق في اي حد يقرب منها
داده سماح:أهدي يا بنتي فيه ايه
هبه بزعيق :اوف مش قولت مليون مره محدش يشيل الطقم ده من مكانه انا بحبه في المكان ده
لسه كانت هترد عليها بس مراد شَاور لها بهدؤ.. عشان تسكت وقرب منها واخدها في حضنه
مراد:ايه يابنتي الدوشه دي
كأن حد ادها إذن بالعياط..
هبه بشحتفه:مراد انت مابقتش تحبني صح قولي طب ايه اللي ناقص وانا اعمله.. قولي
حاول يهديها.. بس فضلت منهاره
هبه:ليه يا مراد طب فهمني والله هغير نفسي.. اوعي تسبني اوعي
مراد وهو بيشد عليها في حضنه كأنه عايز يدخلها بين ضلوعه:اسيبك ايه يا هبله.. انا كنت بهزر معاكي.. وقال بندم.. انا آسف غلطه ماكنتش اعرف يا حببتي ان هيحصل كدا.. وقال بندم وحسره عشان عمل كده في حبيبته.. مش لازم اسامح نفسي مش لازم
مسحت دموعها بطريقه بريئه :بس يا اهبل تعاقب ايه انا مسامحك خلاص.. بس لازم تعوضي
مراد:عيله انانيه وطماعه قولي يا ستي
هبه :نروح الملاهي
مراد:من ساعت ماعرفتك وانا بقول عليكِ مجنونه.. كنت بكدب نفسي واقول لا بلاش تظلمها لكن سبحان الله كل يوم بتثبتي انك مش مجنونه وبس لا وعبيطه.. ملاهي يا هبه وانا اللي قولت البت هتطلب فيلا او سفريه مش ملاهي فعلا هبله
مسكت إيده بكل جديه :أي مكان معاك يا حبيبي بالنسبالي جنه.. في ستين داهيه الفلوس.. المهم ابقي معاك.. معاك وبس.. بس ده مايمنعش اني مجنونه
مراد:تعالِ يا هبله هنا.. ااه سوري قصدي مجنونه
داده سماح:احم بشمهندس مراد.. انتو في المطبخ.. ويعني.. وقعت تفرك ايديها من أفعالهم اللي مادلش على اتنين كبار.. انت فاهم يابني
مراد:والله يا داده لو كنت فاهم ماكنتش عملت كدا في المطبخ.. لكن تقولي ايه مع الهبله دي.. ومالحقش يكمل كلامه بسبب ضربت هبه ليه..
هبه:بس
داده سماح:ربنا يسعدكوا يا بني
هبه ومراد:يا رب
الفصل السادس
هبه:بص يا مادو انا راحه مشوار كدا
مراد:مشوار كدا.. اللي هو فين
هبه بزعل:بقي كدا.. مش واثق فيا
مراد:هبه بطلي هبل.. فين سؤال عادي انتِ عارفه ان عمري مادققت في الموضوع ده وعشان كدا بقول لمجرد الاستفسار.. ها بقي فين
هبه:ماشي كل بعقلي حلاوه.. بص يا سيدي هروح اجيب شويه هدوم على شويه حاجات تافه انت عارفني عز المعرفه بموت في التفاها
مراد:ماشي يا روحي يا تافه.. سلام
بعد نص ساعه
هبه:داد سماح انا خارجة
داد سماح:تحبي اعمل ايه على الغدا
هبه وهيا بتبوس داد سماح:اللي انتِ عايزاه يا قمر.. يلا سلام
داد سماح:ربنا يكتبلكوا السعاده ويرزقكم بالذريه الصالحه
أما مشوار هبه فكان مختلف خالص
هبه:يا رب سامحني على الكدب ده.. إن شاء الله يسامحني مادام الهدف خير يبقي خلاص... يا رب نيتي خير سهل الموضوع عليا
وقفت قدام لافته دكتور علا تخصص نسا وولاده
واتمنت مع دخولها ربنا يسهل الامور
هبه:ازيك يادكتور
دكتور علا:ازي بو اتمني اننا نكون ملتزمين بالعلاج
هبه وهيا بتديها التحاليل
هبه:ااه الحمد مستمره بس مفيش نتيجه
كتور علا :طيب واخبار جوزك ايه.. ماشي على العلاج
هبه بتوتر:ببقي هموت من الرعب وانا بديله العلاج.. المشكله دلوقتي مش عارفه ازاي اخليه يعمل تحليل
علا:بصي يا هبه الموضوع مش هيتحل غير لم تكلمي جوزك.. لازم تصارحيه بصي انا عارفه مراد مش هيقبل بسهوله بس حاولي معاه
هبه:ادعيلي يا علا
علا:ان شاء الله خير والمره الجايه تجيلي وانتِ حامل.. واتكلمت بجديه... بصي الدوا ده ليكي وده لمراد استمري عليه اسبوع وتعالي وحاولي في الفتره دي تبقي عرفتي جوزك وكمان تعملي التحليل.. كلميني لم تروحي عشان مخنوقه من العياده بطريقه فظيعه ونفسي اخرج زي زمان
هبه وهيا لسه قلقانه:هكلمك ادعيلي بس
علا بمزاح:بطلي خوف يا جبانه.. ولو نسيتي تكلميني هعملك بطاطس محمره
ضحكت على كلمه صاحبتها المشهوره بس برده لسه القلق والخوف ماليها
علا:ايوا كدا اضحكي وفكي.. سلام يا بو
هبه:سلام يا قلبي
طول الطريق بتفكر في كلام علا.. مراد لو عرف هيموتها.. بس الأفضل يعرف منها احسن مايعرف وهيا مش جاهزه ويخرب الدنيا..
هبه:عمو شعبان.. ممكن نروح الشركه
عمو شعبان السائق:تمام يا بنتي
في شركه الهبه للمقاولات
هبه:شكراً يا عمو
هبه:ازيك يا نور.. مراد جوا
نور:ااه يا بيبو ومعاه مدام ماهي
هبه بستغراب :ماهي.. طيب تمام
في المكتب
مراد:عايزه ايه يا ماهي
ماهي:هعوز ايه يا مادو
مراد:مادو.. وقال بتفكير... ااه الصراحه كنت بكدب نفسي وعمال اقول لا يا مادو لا يامادو مرات اخوك وصحابك ماتعملش كدا لكن الخسيس لازم نتوقع منه كل حاجة.. صح يا ماهي هانم
ماهي:خسيس.. طيب تمام انا خسيسه قولي بقي عملك ايه الأصيل.. هاا رد عملك ايه اهو هتفضل طول عمرك وحيد.. لا عندك ولاد وفلوسك هتروح على الفاضي..
مراد:بس بس لحد كدا وجبت اخري من المهزله دي.. يابنتي انتِ مش شايفه الموقف انتِ بتسوميني على نفسك
ماهي :لا طبعا انا مش وحشه
مراد:والله
ماهي:ايوا انا هطلق من حسام وانتِ طلقها وهجبلك ولاد كتير.. مراد انا بحبك
مراد:من كتر القرف هرجع والله حاسس اني دخلت مزبلة.. لآخر مره هكون كويس في الرد يا مرات صاحبي.. امشي لو مش عايزاني اضيعلك كل حاجة تمام.. ولو بس فكرتي هاا فكرتي في الموضوع اعتبري نفسك بعيده عن كل ده ولا حسام ولا ولادك وماتخفيش حسام عارفك على حقيقتك يعني اي كلمه مني هيصدق ويبصم بالعشرة ويلا بقي عشان مش قادر استحمل قرف.. وساكت بالعافيه عشان دقيقه تانيه هبهدلك تمام برااااااا
هبه:يلا يا ماما من هنا.. حبيبي وحشتني اوي
مراد: وانتِ كمان ياروحي
هبه:يلا يا ماما.. فعلا الواحد بيدخل بيته زباله
وبصت ليها بحتقار.. سابت الاوضه جري
هبه:شطور يا قلبي.. الصراحه ماكنتش متوقعه يوصل معاها لكدا.. وقال بحتقار وقرف... رخيصه
مراد:انتِ كنتِ عارفه
هبه:ايون.. المهم يلا نروح عشان نفسي نقعد مع بعض شويه
مراد:أوه ده الموضوع مترتب ليه
هبه:ايون.. يلا بقي يا باشا
مراد:يلا ياروحي.. بيبو معاكي حاجة مسكره..
هبه:ااه خد الشنطه
مراد:يا خربيت الكسل.. هاتي... هبه ايه ده.. ردي ايه ده انا قولت ايه ياهبه لدرجة دي بيعاني.. خلاص ولا كلمه امشي لينا بيت نتكلم فيه وشكله هيبقي آخر مره نتكلم فيه
لسه هتتكلم تمنعه.. بس سحبها من ايديها وركبها العربيه غصب
مراد:اطلع...!