رواية ساعة حظ ياسمين ومصطفى الجزء الخامس 5
رواية ساعة حظ الجزء الخامس 5
صحيت ياسمين من النوم ع صوت المنبه الساعه 6 وشعرها كان منكوش
بتبص ع موبيلها بتلاقيه ف حضنها بتستغرب مين شال الموبيل من جنبها!!
بتبدء تفتكر انها كلمت مصطفى
يالهوي انا نمت وتيفه قصدي مصطفى قصدي تيف يوووه ايا كان وهو بيكلمني!!! ياترى قال عليا ايه ، ولا كان بيقولي ايه
طب كنت بشخر وانا نايمه ولا ايه!!!
وبعدين هو فيه حد يعمل اجتماع سته ونص برضو!!!!
لبست ياسمين بسرعه ونزلت ع شغلها جري عشان تروح الاجتماع وهيا عماله تشتم فيه ف سرها عشان صحها بدري!
دخلت الشركه ...كانت فاضيه خالص !!
بصت ع الساعه لاقتها 6 و 40 دقيقه يعني المفروض الميتنج بدء من عشر دقايق!
بصت يمين وشمال ع المكاتب كانت مضلمه الا مكتب واحد بتاع مصطفى كان منور
باااس انا جيت متاخره وهما بدءو وهسمع كلمتين....اهدي يا ياسمين عادي زي حبيبك
حبيبك ايه انتي كمان
اتقلي بس لحد ماتجوزيه وتطلعي كل دا ع جتته
انا ياض تجبني اجتماع 6 ونص انا ياض* بصوت بوحه*
واقولك انا بنت وكيوت وشويه وهعملك قلوب ودباديب ف عيني دا انا بص هظرفك واحده ما انت لو مهتم كنت عرفت لوحدك اخليك تسالني مالك 100 مره
شهيق وزفير كتير قبل ماتقول ف نفسها يلا بينا...لسه ياسمين هتدخل المكتب لاقت مصطفى خارج بالصدفه قدامها
وقفو قدام بعض كتير...بيتامل ف عينيها ف ملامح وشها الي قريبه من ملامح سعاد حسني
شعرها المفرود الناعم
وهيا كمان وقفت وعينيها كانت كلها رقه...كلها اشتياق سرحانه ف عيون مصطفى وشعره وريحه البرفيوم الي تاخد العقل وكانه ممثل سينمائي وهيا بطله ف الفيلم معاه...
ياسمين اناااااا...
بنبره رقيقه من ياسمين بترد عليه...
انت ايه يا استاذ يامصطفى !!
مسك ايديها وهو بيحرك راسه بالنفي وبيقولها
مصطفى بس من غير استاذ
لما مسك ايديها وعينيه ف عينيها...
قبلها دق جامد...مشاعرها متلخبطه...عيونها عاوزه تحضنه
حاولت تمسك نفسها وتغير الموضوع
مصطفى ولا بتحب اقولك زي ناس كدا ياتيفه!!!
انا بحب مصطفى منك ، بتطلع حلوه...انا بحب اسمع اسمي منك
ماشي يامصطفى
حرك ايديه انها تعيد اسمه تاني
بكسوف بتقوله
يامصطفى...
عارفه ان صوتك وانتي نايمه حلو
انا اسفه اني نمت منك امبارح...بس انت اصلا الي غلطان ازاي يعني تنزلنا 6 ونص
يادي الدبش الي ف لسانك!!
دبش طبعا لو كانت ميرا كان زمانها....
انا جبتلك هديه....
بتتلخبط وبتحرك ايديها بعيد عنها وهيا بتقوله
مش عاوزه حاجه منك اصلا ، جايبلي هديه ليه اصلا ، اعرفك انا عشان تجبلي هديه!!!
طلع سلسله دهب من علبه هدايا
السلسله كانت عباره عن نص قلب
نبضات قلب ياسمين كانت بتدق من الفرح ...مشاعرها متلخبطه كلام كتير...كتييير عاوزه تقوله لي مصطفى ... بس مكسوفه مش عارفه تقوله ايه او تعمله ايه
كل الي كانت بتعمله انها بتضحك
اول مره تجيلها هديه اول مره حد يهتم بيها...
تسمحيلي البسهالك
هزت راسها بالايجاب .. وهيا بتضحك
فتح السلسله وهو بيحطها على رقبتها قالها
انا جبتلك السلسله دي نص قلب بس عارفه النص التاني فين
فين؟!
جوه قلبك...يعني انتي دلوقت معاكي قلبي كله...
لما لبسها ليها لقى عينيها بتدمع
ف ايه معجبتكيش!!
هزت راسها بالنفي وهيا بتقوله
انا اول مره حد يعمل معايا كدا.،.اول مره حد يقولي كدا
بصلها بعينيه بكل رومانسيه وهو بيمسح دموعها وهيا بتكمل كلامها
انا اول مره احس اني...مهمه ف حياه حد...انا...انا...
هو انا لو حضنتك دلوقت يا ياسمين هتزعلي مني....
هو المفروض طبعا ازعل وارزعقك بالقلم ع وشك
لا وع ايه بلاش...
بس انا محتاجه دلوقت اني اتحضن فعلا
اوعي تغدر يا ابو لي * بصوت هنيدي ف فول الصين *
وتستغلي الموقف وترزعيني قلم خدامين انسى اسمي بعده
بتصحك وهيا بتهز راسها بالنفي
حضنها ... حضنته
وهو ف حضنها اول مره يحس بالامان من فتره طويله
انا عرفت بنات كتيره أشكال والوان اول مره احسن كدا مع بنت
فكر يطلع خاتم الي اشتراه ليها ويقعد نص ركبه ويقولها
بحبك
تتجوزيني....
ولا هيبقى اوفر الجو دا!! ولا يعمل ايه
بتبعد ياسمين وهيا بتقوله
صحيح مش هنروح الاجتماع!!
اجتماع ايه!!
الاجتماع الي انت جبتنا عشانه
انا جبتك عشان اجتماع!!
ياعم الاجتماع الي جبتنا عشانه 6 ونص
اه اه اه مالو يعني!!!
لا اله الا الله!! مش هنروح ولا ايه
نروح فين
انت بتستغبى ولا ايه مالك ما انت كنت كويس!!
اصل بصراحه مافيش اجتماع
ليه؟!
عشان مافيش اجتماع
طب طالما مافيش اجتماع جبتني ليه يعني من 6 ونص وانا جايه جري وبقول جيت متاخره!
انا قولتلك كدا عشان كنت عاوز اشوفك...
ما انت شوفتني امبارح هو كل يوم!!!
بيقول ف سره كويس اني ما استعجلتش وطلعت الخاتم...
دبش ياربي...
ماهو اصل...
ياسمين لو عاوزه تروحي البيت توكلي ع الله وانا الي هقولهم اديتك اجازه..
اه واسيبك مع ميرا لوحدكم!!
انا قاعده يا استاذ...قاعده ع قلبك
طب انتي عاوزه ايه دلوقت يعني!!!
معرفش ... انا هروح مكتبي اعرف واجيلك
ف انتظارك ياباشا...
هيا يمكن مابتعرفش تعبر عن الي جواها بس هيا نفسها تصرخ وهيا بتقوله بحبك
ياسمين راحت مكتبها وهيا فرحانه قلبها بينط من الفرح بتبص من بعيد لبعيد ع مصطفى عشان الغرفتين كانو قصاد بعض
ماسكه السلسله او بالاصح النص قلب بقبضه ايديها زي ماتكون خايفه تروح منها وهيا وبتقول جوه نفسها
اوعدك يامصطفى اني احافظ ع القلب دا من اي حاجه توجعه...وزي ما ادتني قلبك عشان اخلي بالي منه انا كمان هديك قلبي ياريت تخلي بالك منه
بتقرب النص قلب ناحيه بوقها وبتبوسه وهيا بتقول بس بصوت عالي شويه
بحبك...
صوت من بره
وانا كمان بحبك....
بترفع راسها ياسمين لانها مستغربه الصوت لانه ماكنش صوت مصطفى
بتلاقيه تاكي!!!
وكان جنبه ف لحظتها مصطفى الي سمعه وهو بيقولها
وانا كمان بحبك !!
نظره حزن من مصطفى لياسمين الي قلبه انكسر لما سمع كدا
مصطفى انت فاهم غلط...
قوليلهم الاجتماع اتلغى يا انسه ياسمين
استنى بس يامصطفى والله انت فاهم غلط
عن اذنكم...
ف مشهد درامي حزين يترك مصطفى الغرفه وعينيه بدءت تتملي بالدموع وهو بيتحرك خارج المكتب والشركه...
مصطفى...
مصطفى...
يامصطفى...