اسكربت رواية صدفة الفصل الثالث والفصل الأخير بقلم ريماس
صدفة البارت الثالث قبل الأخير
حياه : انت
انت كويس
عمر : مكنتش كويس بس اما شوفت عيونك بقيت كويس
حياه باستغراب : نعم ؟!
عمر واشتد عليه الوجع : اه اه
حياه : طب استنى هطلبلك الاسعاف شكلك نزفت كتير اوى
الاسعاف جت واخدت عمر على المستشفى
___
الدوك خرج برا
حياه : طمنى يا دوك
الدوك : لازم عمليه ضرورى عشان نطلع الرصاصه ولازم حد من اهلو
حياه : لى
الدوك : عشان يمضى ع الورقه ويدفع المصروفات حضرتك من اهلو
حياه : اى لا هشوف اهلو اهو
الدوك : ياريت بسرعه
حياه لنفسها : هعمل اى دلوقتى ياربى هتصرف ازاى ده انا حتى معرفش اسمو
هتعملى اى يا بت يا حياه هتعملى اى
حياه : يا دوك لو سمحت ينفع امضى انا
الدوك : حضرتك قولتى انك مش قرييتو وانا عاوز حد من اهلو
حياه : لا لا مين قال ده انا مراتو بس معلش الصدمه بس نسيتنى
الدوك باستغراب : لا اله الا الله
تمام انزلى خلصى الاجراءات تحت وانا هبدا العمليه
حياه : تمام
نزلت حياه تحت ومضت انها مراتو
حياه لنفسها : يا ترى الى انتى بتعمليه ده صح يا حياه ، انك تقولى ع حد متعرفيهوش جوزك ، بس عادى يعنى ده هو السبب انى عايشه دلوقتى هو الى نقذنى من الحيوانات دول ، بس اسمو اى طيب هعمل اى دلوقتى ، هقول لدوك معرفش اسم جوزى ولا هقول للموظفه نسيت اسم جوزى
ياريتو مقابلنى اهو حصلو كده بسببى لازم اساعدو
خلاص يحياه ده كلمه هتكتبيها يعنى
حياه لموظفه الاستقبال : طب معلش هستاذنك اخد حاجه جوزى من فوق
الموظفه : اتفضلى
طلعت حياه فوق واخدت بطاقتو و شافت اسمو و بياناتو
حياه : عمر عمر كامل
ظابط شرطه
يا ختااااى
اى البلوه الى انتى عملتيها دى يحياه لبستى
خلاص اول مهيصحى هياخدك ع القسم
اى الحظ ده
نزلت تحت لموظفه الاستقبال ومضت الاسم وكلمت الاجراءات
حياه : حاجه تانيه
الموظفه : لا تمام كده كلو تمام لسه بس هتدفعى ....
حياه : لا هو يدفع باه اما يصحى
الموظفه : نعم
حياه وطلعت بطاقه ائتمانو : اهى البطاقه بس معرفش الرقم واهى كمان بطاقتو الشخصيه جوزى ظابط فى المباحث ، متقلقيش هيدفع اول ميصحى خلى البطاقه معاكى لو عاوزة
الموظفه باستغراب : خلاص يفندم اما يصحى جوزك
حياه : تسلمى يقمر
__
حياه فضلت قاعده برا وقلقانه اوى ع عمر كل شويه تبص ع الساعه وهتموت من القلق
حياه لنفسها : مالك ابت كده بتفكرى فيه كده لى ، اوعى تنسى يا حياه انو اهانك ، انتى وقعتى ولا اى يخريبيتك ، بس بس بطلى تتاملى كتير عمرو مهيكون ليكى ، ده ظابط شرطه ولى مقامو ، ده مش بعيد يسجنك اول ميصحى
خلاص بصى قبل ميصحى اجرى من هنا
الدوك خرج من اوضه العمليات
حياه : طمنى
الدوك : الحمدلله الاستاذ زى الفل بس هيصحى كمان ساعتين عشان البنج
حياه : لء انا هبص عليه بس من برا وامشى عشان مستعجله اوى لازم اقول لاهلو
الدوك : تمام
دخلت حياه الاوضه وبصت ع عمر
حياه : ياااه ده انت شكلك قمور اوى ، بس انت مش ليا ، انا بسبب الاذى بس لكل الناس ، وانت شكلك طيب وابن ناس ، شكرا ع كل حاجه عملتها عشانى
وفضلت تتامل فى ملامحو جامد
: بس باه يحياه يالا اطلعى شوفى هتروحى فين ولا هتعملى اى
دورى ع بيت ولا اى خرابه تعدى فيها
__
بعد ساعتين عمر بدا يفوق
عمر للممرضه : انا فين
الممرضه : حضرتك فى المستشفى الحمدلله جت سليمه والرصاصه طلعت
عمر وافتكر : اه طب كان معايا بنت هنا
الممرضه : اه مرات حضرتك
عمر بصدمه : مين مرات اى
الممرضه : مرات حضرتك استاذه حياه
عمر : حيااه الله طلع اسمها حلو اوى
الممرضه باستغراب : هو حضرتك متعرفش اسم مراتك
عمر : مين قال انها مراتى
الممرضه باستغراب : هى و مضت تحت بكده
عمر : طب هى فين ممكن تناديلها
الممرضه : للاسف مشيت حمدلله ع سلامتك
سلام
__
حياه كانت فى الشارع ومش عارفه تروح فين حست انها منبوذه من كل الناس ، حتى اختها الى كانت مفكرة انها هتكون سندها باعتها ، كل حاجه كانت جايه عليها ، حست انها مخنوقه جامد ومش عارفه تعمل اى
قالت لنفسها وهى بتعيط وقعدت فى وسط الطريق فى الشارع : يارب انا مبقتش قادرة استحمل بجد ، نصيبه ورا التانيه انا تعبت اوى ، حتى مش عارفه هعد فين ولا اتصرف ازاى دلوقتى ، يارب انت ارضك واسعه ورحمتك واسعه هعمل اى ، انا مش عارفه انا تعبت اوى
فضلت ماشيه لحد موصلت لكوبرى
حياه : ياارب انا مش قادرة بجد ،نفسى تسامحنى يارب ع الى هعملو ، يارب لو مش هتاخدنى ، انا هجيلك ، انا تعبت ومبقتش قادرة استحمل
وبصت حياه ع الكوبرى ولسه هتنط فى البحر
حد مسكها وحضنها ووقعت فوقو
.........
حياه بخضه : اهه
عمر انت بتعمل اى هنا
عمر : كده يا مراتى تمشى وتسيبينى وحدانى لا وعاوزة تموتى نفسك انت اتهبلتى
حياه ببكاء : نقذتنى لى
عمر : متعمليش كده تانى واوعى تفكرى فى الانتحار تانى لى بتعملى كده
حياه ببكاء : مفيش حد بيحبنى انا انسانه منبوذه ومش عارفه لزمتى اى ، بسبب الاذى لاى حد حواليا ، حتى انت جربت اهو اول مقربت منى اتضربت بلرصاص انا بكره نفسى اوى
عمر : طب لى متقوليش ان ده قدر ربنا
حياه : ونعم بلله بس انا تعبت تعبت اوى
عمر وحضنها اكتر وحس ان قلبو بيدق جامد وانو عاوز يعمل اى حاجه عشان يوقف دموعها :هش هش خلاص كفايه
وفجاه لقى نفسو بيقولها : تقبلى تتجوزينى
حياه باستغراب : اى
عمر : اه انا بدور ع حد اتجوزو ومش لاقى ووقفت كل البنات فى الشارع ومحدش راضى بيا
حياه وابتسمت : بطل باه انت بتتريق عليا
عمر بحب : مش عارف انتى عملتى فيا اى شوفتك معرفش حصلى اى فضلت افكر فيكى جامد مش قادر انساكى ، شكلى حبيتك يقمر ، بقولك اى والله بتكلم بجد انا حبيتك وعاوزك ميهمنيش انتى مين ولا قصتك اى ، انا بمشى ورا قلبى وواثق انك بنت كويسه ، معرفش اى السبب الى خلاكى تعملى كده ، بس انا لمست فيكى حاجه مختلفه عن كل البنات ، كل مبص لعيونك بتعلق بيكى اكتر ، كل حاجه فيكى شدتنى
حياه : وحضرتك باه هنتجوز فى القسم ولا فين
عمر : لا انت مراتى اصلا ومكتوب كده فى ورقه المستشفى
حياه : هههههههه متاكد انك ظابط
عمر : اه طبعا ظابط بس معاكى انا اسير لعيونك
ها قولتى اى والله وافقى بس انا عاوزك كده ، حتى من غير اى حاجه ، عاوزك انتى وبس
حياه : حتى من غير متعرف انا مين
عمر : مش عاوز اعرف انا حبيتك وخلاص
حياه : لا يا عمر لازم اقولك
بص لازم تعرف قصتى
وحكتلو حياه ع كل حاجه حصلت معاها من اول مكانت صغيرة لحد مكبرت
حياه بحزن : وبس كدا
عمر : حياه
حياه : اى
عمر : تعرفى انى اتمنى تكونى مراتى بجد ، انتى ازاى صبرتى ع كل ده ، لو حد مكانك كان انتحر من زمان
حياه : ومين قالك انى محاولتش وهفضل احاول انت بعد مهتمشى من هنا
عمر وحط ايدو ع بقها : هش مفيش هشمى دى انا هاخدك معايا
حياه وبعدت عن حضنو وزقت ايدو : طب ابعد كده
عمر بوجع : اه اه
حياه ببكاء : اسفه يعمر والله اسفه بس انا حظرتك قولت انى خراب وبسبب الاذى
عمر : ابدا ع قلبى زى العسل
حياه : اسفه بجد
عمر : بحبك وعاوزك تتجوزينى
حياه : بجد يا عمر بتتكلم
عمر : والله بحبك اوى وحبيتك اكتر ولسه هحبك اكتر وجوز اختك ده انا هوريه ع الى عمله معاكى
حياه وبصت فى عينو وهى بتعيط : موافقه يا عمر ارجوك خلصنى من الى انا فيه ده انا تعبت اوى
عمر : وهعوضك عن كل الى فات صدقينى وعن اى اه قولتيها هبدل كلو لفرح وابتسامه ، اوعدك هخليكى تنسى الى فات انا ب حبيتك اوى ، عمرى متخيلت انى بقع زى بقيت الشباب كده
فجاه الفون بتاع حياه رن
حياه : الو
ريم ببكاء : الحقينى يا حياااه الحقينى بسرعه
حياه : حصل اى يريم
ريم : ...
البارت الأخير - النهاية
ريم ببكاء : جيت بدرى من الشغل لقيت عادل الكلب نايم مع واحده فى السرير بتاعى
حياه : طب اهدى وانا جيالك
وقفلت الخط
عمر بقلق : فى اى
حياه : ريم يعمر لازم اروحلها
عمر : بعد كل الى عملتو فيكى
حياه : اعمل اى بس يعمر والله مش عارفه اكرهها ، خلينى انا ابدا بلحاجه الكويسه دايما
عمر : كل مرة بتثبتيلى انك الانسانه الصح
___
اول مدخلت بيت ريم لقت البيت ضلمه خالص
حياه : يا ريييم انتى فين
فجاه حياه اصطدمت فى حاجه ع الارض
واول مشافتها اتصدمت
حياه ببكاء : عمر عمر الحقنى
عمر : اى
حياه : شهد يعمر الحقنى حد خانقها وريم جمبها
عمر : لا اله الا الله
حياه : ريم ردى عليا
ريم : هش هش شهد نايمه محدش يصحيها
حياه وضربت ريم بلقلم : ريم انتى الى عملتى كده
ريم ببكاء : ابعدى يا وحشه ابعدى
حياه بحزن : ريم انتى كويسه
ريم وهى حاضنه شهد : هش شهد نايمه
عمر طلع فوق وشغل الكهربا
ريم : لا لا محدش ينور النور شهد هتصحى كده
حياه ببكاء : والله الى حصل ده حرام ، يا ما حظرتها كتير ومسمعتش كلامى ، قولتلها هتندمى ، بس لى يارب شهد الى تدفع التمن لى
عمر وحضنها : اهدى يحياه ده قضاء ربنا وعادل الكلب ده مش هسيبو
وطلع عمر الفون
عمر : الو
الظابط : ايوا يفندم
عمر : بعتلك صورة واحد اسمو عادل الراجل ده انا عاوزو حى او ميت انت فاهم
الظابط : اكيد بس حصل اى
عمر : قتل بنتو وخان مراتو وكان هيتعدى ع واحده و الواحده دى تخصنى اوى
الظابط : تمام يفندم علم وينفذ هنبدا ندور حالا
وقفل عمر الخط
عمر : متقلقيش والله هاخد حقهم وحقك منو
حياه وبصت فى عينو ببكاء : كنت فين يا عمر من زمان
عمر : مش مهم المهم دلوقتى ان ربنا بعتلك ليا عشان انا فعلا محتاج حد زيك فى حياتى
حياه : طب و ريم
عمر : هتعيش معانا و ان شاء الله تتعالج
حياه : يعنى هنوديها المصحه
عمر : ده الحل لازم تتعالج
حياه بحزن : طيب ، ربنا يرحمك يا شهد ملائكه فى الجنه يحبيبت خالتو
عمر : امين
___
الظابط : هو ده عادل الى هناك ده امسكووه بسرعه عمر بيه شدد عليه اوى
عادل حاول يجرى منهم
الظابط ضربو فى رجلو بلرصاص
عادل وقع ع الارض ومعرفش يتحرك
الظابط : يالا هاتوه ورايا ع البوكس ده لسه عمر بيه لما يعرف كمان هيتصدم
___
عمر : اى بتقول اى
الظابط : اه والله يعمر بيه تاجر مخدرات
حياه : ياااه كل ده
عمر : ده الحساب تقل اوى
حياه : عمر متلوثش ايدك بيه عشانى ، هو كده كده هياخد اعدام ، انت لما تعاقبو فى الدنيا بتريحوا ، خليه يروح للى خلقو وهو هيعاقبو
عمر : انتى بجد مفيش منك يحياه والله
كل مرة بتثبتيلى اكتر ان قلبى اختار صح
ومشى عمر وحياه من القسم ومعاهم ريم
عمر : استنى استنى
حياه : اى
عمر : المصحه اهى
حياه بحزن : برضو
عمر : لو بتحبيها تسيبيها هنا تتعالج الصدمه كانت كبيرة عليها
حياه واطلقت تنهيده : طييب
وحطو ريم فى المصحه وعمر شدد جدا هناك انهم يعالجوها ويخلوها فى اوضه لوحدها بعيد عن الناس التانيه (وصى عليها يعنى من الاخر )
حياه : تفتكر هتبقى كويسه
عمر : ان شاء الله
حياه : ممكن اطلب منك طلب
عمر : اكيد
حياه : انا عارفه انو ميهمكش والله بس عشانى انا
عمر وقاطعها : طالما حاجه عشانك تبقى تهمنى وتخصنى يا حياه
حياه : انا عاوزة اعرف انا مين وفين اهلى
عمر : حاضر يحياه حاضر
هقولهم فى القسم يدورو وان شاء الله اوصلهم
حياه : ربنا يخليلك ليا
عمر : ويخليكى ليا
تعالى باه ناكل غزل بنات
حياه : فى الشارع
عمر : اى مبتحبيهوش
حياه : لا بموت فيه بس اتكسف اوى
عمر : هات اتنين يا ريس
خدى يحياه احلا غزل بنات لست البنات
حياه : ههههههه هاكلو ازاى ده
عمر : زى كده
ومشوا ياكلو غزل بنات فى الشارع والضحكه ع وشوشهم
عمر كان كل الى مفرحو انو اخيرا ضحكها
ضحكتها كانت عندو بلكون كده
عمر : ايوا كده خليكى علطول بتضحكى عشان عينكى مش المفروض تدمع ابدا دى مخلوقه عشان تضحك بس
حياه : بحبك اوى بجد ربنا يخليك ليا انا مضحكتش كده من زمان
عمر : وان شاء الله من انهارده مفيش غير الفرحه والابتسامه وبس
__
اول موصل عمر البيت
الام : اذيك يا ابنى مال ايدك
الاب : حصل اى يحبيبى ومين دى
عمر : دى يبابا البنت الى خطفت قلبى ، مش كان نفسكو اتجوز ، اهو انا عاوزها ومش عاوز غيرها
الام : ومالو اقعد بس وفهمنا
عمر حكالهم ع كل حاجه رغم ان حياه رفضت كتير بس عمر قرر ان علاقتهم تكون مبنيه ع اساس الثقه دايما
الام وحضنت حياه : تعالى يحبيبتى
ان شاء الله ربنا هيعوضك وتقدرى تعتبرينا اهلك
حياه : اكيد يا طنط
الاب : زين ما اخترت يا بنى البنت دى شكلها طيبه ومحترمه اوى
حياه : تسلم يعمى
عمر : كده يعنى موافقين زعرطولنا باه يالا
الام : لولولولولولولولولى الف مبروووك يا بنى
الاب : ايوا كده اخيرا هنفرح بيك يا عمر غلبتنا والله
عمر : كنت بدور ع فتات احلامى ومحبتش اتصرع
بس هنتجوز بكرا ان شاء الله وانا هعمل دعوه لكل اصحابى لانها هتعيش معانا هنا
الام : ومالو نفرح بيك
زينب بفرحه : عمر انت رجعت
عمر لحياه : زينب اختى الصغيره
زينب : انا سمعت كل حاجه والف الف مبروووك
عمر وحضنها : الله يبارك فيكى
زينب وحضنت حياه : شكلنا كده من عمر واحد وهنبقى اصحاب
حياه : يشرفنى اكيد
عمر وجه جمب حياه : بحبك اوى بجد ، من اول مشوفتك وانت جوا تفكيرى ، انت هديه من ربنا يا حياه ، جيتى عشان تنوريلى دنيتى
حياه : والله يعمر ده كتير اوى ، انت بس الى شايفنى كده
عمر : حبى نفسك وهتلاقى الكون كلو بيحبك
حياه بحب : بحبك اوى مش بس كده انا بعشقك
عمر : يااه اخيرا قولتيها يا اسعد يووم فى عمرى
__
بعد مرور عام ....
حياه بفرحه : بجد يا عمر
عمر وهو بيحضنها : بجد يا روح قلبى
حياه : يعنى انا اسمى الحقيقى اروى ومامتى وبابايا موجودين ، يعنى انا مش يتيمه
عمر : اه والله
حياه : بحبك اوى اوى
وعلفكرا انا كمان عندى خبر حلو
عمر : قولى بسرعه مش قادر اتنفس
حياه بدلع : انا حامل
عمر وحضنها اكتر : مبروووك هتبقى احلا واحن واطيب مامى فى الدنيا
حياه بحب : وانت هتبقى اجمل بابى فى الكون و المجرا والمجرات المجاورة
بس انا حابه اشوف اهلى
عمر : ومين قالك انهم مش هنا دول برا وهيموتو ويشوفوكى
حياه خرجت برا لقت ناس شكلهم شيك اوى وقاعدين برا ومعاهم شاب
حياه : ماما ، بابا
الام وجريت عليها وحضنتها : بسم الله مشاء الله واخده عيونك يا باسم
الاب وحضنها جامد : وواخده جمالك يا سماح وحشتينا اوى يا اروى وحشتينا بجد
حياه : وانتو اكتر بجد كنتو فين فى عز مكنت محتجاكم جمبى انا عمرى معرفت طعم للحنيه عمرى محسيت بلحضن الجميل ده
الام بفرحه : المهم انك رجعتلنا
اروى بصى ده اخوكى حازم
حياه : حازم ياااه عندى اخ كمان
بس ينفع اطلب منكو طلب
الام والاب : اكيد
حياه : قولولى حياه عشان عمر بيحب اسمى كده
الام : تؤمرى ده كفايه لقيناكى بس
الاب وفضل يتامل فى ملامحها : يااه من عمر تلات سنين وانتى مخطوفه يحياه ودايما عايشين ع امل رجعوك ، واهو ربنا حقق املنا يا بنتى
حياه : بحبكوا اوى اخيرا حسيت يعنى اى اهل
وعلفكرا انا حامل كمان وهتبقوا اجداد
الام : لولولولولولى يا منت كريم يارب
الاب : الف مبرووووك يقمر
_
بعد مرور تلات سنوات
...
حياه عرفت فعلا يعنى اى معنى الحياه وعاشت مع اسرة بتحبها وجالها بدل الاهل اتنين ،اهل عمر كانو بيعاملوها زى بنتهم بلظبط واكتر ، واهلها الى مصدقوا انها رجعت
ولقت فى زينب صديقه كويسه اوى كانت زينب لسه صغيره اه بس كان عقلها كبير اوى كانت من عمر حازم
عمر فضل علطول جمبها وبيشد ايديها خطوة بخطوة للنور
حياه خلفت توام وجابت اروى و نور. وكانت بتحبهم اوى و اديتلهم حب وحنيه ودلع محدش شافو و عمر ساعدها فى تربيتهم وكان موفرلها كل حاجه
حياه قررت هتكمل تعليمها مع زينب اصل زينب جابت مجموع كبير وهتدخل طب وحياه هتدرس الطب زى مكان حلمها ولقت تشجيع وترحيب من الكل بقرارها
اما حازم فبدا يقرب من اختو اكتر و دخل كليه هندسه ، وكان شاطر اوى فى دراستو
ريم حالتها بدات تتحسن وحياه كانت علطول هناك معاها وبتشد ايدها خطوه بخطوه وبتشجعها
__
وفى يوم كان معاد خروج ريم من المصحه
حياه : ريمووو اهلا بيكى
ريم : ياه يحياه مش مصدقه انى هخرج
حياه : صدقى الحياه مسنياكى
ريم : انتى انسانه جميله اوى يحياه وانا مستاهلش كل ده انا اذيتك كتير
حياه : يسيتى ربنا بيسامح انا بس كنت عاوزة اوصلك ان مش كل حاجه اهمها رابط الدم وخلاص انتى اختى يا ريم
ريم ببكاء وحضنتها : اوعدك مش هعمل كده تانى انا اسفه اوى اوى
حياه : هش هش كفايه دموع باه
ريم : والله انا مكسوفه اوى من نفسى ع الى عملتو معاكى
حياه : يلا خلاص كفايه عتاب يالا اروحك
ريم : لا مش هينفع اعيش معاكو
حياه : لى دى فله عمر كبيرة اوى انا واهلى واهلوا وكلنا عايشين هناك استنى احكيلك
وحكتلها حياه ع كل حاجه حصلت فى غيابها وريم حست بغلطها اوى وبقت حياه بلنسبالها كل حاجه
...
وفى يوم حازم راح لعمر وطلب منو ايد زينب وقرر انهم هيتخطبو بس لحد ميتخرجو
يبقوا يتجوزو
ووعدهم انو هيخليها دايما فرحانه ومبسوطه
وكلهم فرحو اوى ورحبوا بلفكرة
وزينب كانت بتحبو اوى مهو كان شاب محترم وقمور
وهو حبها كده لادبها واخلاقها وكانت بنت جميله ورقيقه اوى
...
عمر : حياتى
حياه بحب : اى ينور عينى
عمر بحب : بحبك اوى بجد
حياه : يا عمر انا الى مش عارفه اشكرك ازاى انت زرعت الروح فى جسم انسان كان ميت ويائس و فاقد الحياه ، اديتلو امل وخرجتو من الى هو فيه
عمر : وانتى عملتيلى كل حاجه وخلفتى اطفال قمر شبهك بحبك اوى بجد ولو مها شكرتك مش هوفى بجد انا بحبك اوى مش عارف امتى ولا ازاى بس حبيتك
ربنا فعلا بيوحد القلوب والارواح
حياه : طب يعنى مصحينى ٣ الفجر عشان تقولى كده
الله اكبر الله اكبر
عمر : لا عشان نصلى سوى زى ما احنا متعودين
حياه : بحبك اوى بجد هروح اجيب الاسدال حالا
عمر : والله انا الى بموووت فيكى ونفسى عيالنا يكبرو شويه صغيرين ونعلمهم الصح والطريق ونصحى احنا الاربعه نصلى سوى ، بحبك اوى وبحب اما نقرب من ربنا سوى ونساعد بعض
حياه بحب : هيحصل يا حبيبى
عمر وباس راسها وباس ايديها برقه و بحب : بحبك يا كل حياتى
وتوته توته توته وفرغت الحدوته 💜😂
لو كملتو قراتها متبخلوش عليا برايكم تحت هقرا كل الكومنتات عاوزة رايكم بجد هيفرق عندى اوى انا لسه فى البدايه محتاجه تشجعيكم.. رواية جديدة اضغط هنا