رواية عشقني شيطان الفصل الثاني عشر 12 للكاتبة دنيا رشاد
رواية عشقني شيطان البارت الثاني عشر 12
بعد اسبوع لم يحدث به شيء مهم
فحور كما هي مريضة تموت من اوجاعها بسبب مافعله فهد معها لم تفعل عمليتها
وفهد لم يراه أحد منذ اسبوع عندما كان بالمستشفي عند حور بعد خناقته مع ادم
جاكلين وادم لم يتركوا المستشفي ولو لدقيقة فهم بجانب حور
شريف يدير شركة زين ولا يخلو يوم من مرح اروي التي اعتادوه ولا يعرف مايخبيه لهما القدر
ايمان تعمل مع اياد في المستشفي في أعمال غير المشروعة بدون شفقة أو رحمة ونسيت اختها وابيها
سها تعمل في الشركة مع ياسر ولاتعرف ان حياتها ستتغير كليا والقدر يخبئ لها الكثير من المفاجآت التي لم تراها
سهير تخطط مع شخص مجهول شيء لم نعرفه بعد وتنقل له كل اخبار العائلة
ايات تظن أن آدم لن يأتي مرة أخري بعدما صدته فهي قلقة عليه لا تعرف لماذا واحمد لاحظ تغيرها ولكنه سعيد أنها تهتم بأحد بعد ماحدث لها
**
في مكان في ايطاليا
يتجمعو مجموعة من ثلاثة أشخاص
اسلام ....يعني ايه تقتلوها
ماركو.....هي الوحيدة الي عرفت بالي بيتعمل لازم تموت
جوو ....بس بصراحة البنت فرسة تتاكل اكل
عندي حل احلي هاتوها هنا نتبسط بيها شوي نشوف المصريين بدل الي هنا زهقت من العيون الخطر والشعر الاصفر
ماركو ...البنت دي ليا لوحدي انتو فاهمين
الثاني ...اهدي علي نفسك شوية ياباشا خودها مش هانخسر بعض علشان بنت
جوو ....بقولكم انا هاموت علي حبيبت قلبي من ساعة ماسبت مصر مشفتهاش يعني انا هاعمل كل ده وبعدين مشوفهاش لااااا كده كتييير انا قررت اني هاجيبها هنا ايطاليا بالقوة حتي لو بالغصب
اسلام ...بس دي بنت عمك ازاي تخطفها مش كفاية الي عملته فيها زمان انت ايه
جوو ..اهدي علي نفسك كده
اسلام...اهدي زاي مش كفاية الشغلانك الزفت الي انتو بتشغلونه فيها دي
ماركو...اهدي بدل ماخلص عليك
جوو...تخلص علي مين دا خويه ياماركو اهدي وفوق لنفسك
**
في الملجئ
....ادعلها يانور انتي عارفة انها كانت بتحبك
نور...انت عارفة ياعمو اني بحبها جدا وبحبك اوي بس طيبة اوي ازاي تزعلها ازاي ياعموو
....مش عارف يانور انا لما بشوفهاا مبشوفش حاجة قدمي بغير عليها اوي
نور...انت بتحبها صح
....معرفش لو كنت بحبها مكنتش ازتها مكنتش كسرتها واهنتها انا بكره نفسي اوي اكيد هي بتكرهني
نور....دي طيبة مبتعرفش تكره حد كانت دائما تيجي مع طنط مارغي هنا وكنت بحبها جدا
هو انا ممكن اقولك يافهد من غير عمه
فهد..ايوه طبعا ممكن تناديلي فهد كان نفسي اسمعها منها من غير خوف هي متعرفش حاجة من الي انا بحسها يوميها مش هي الي انكسرت انا الي انكسرت انا الي حسيت اني موت لما شفتها مرمية علي الأرض وشوفت ازاي مبتتحركش وشفتها بتنزف عرفت اني فعلا شيطان ذي ماهي كانت بتقول
نور....انت عملت ايه يافهد انا مش فاهمة حاجة
فهد ....لو حكيتلك هاتكرهيني ومش هاتفهمني يانور
انا خايف تسبني وموت ساعتها مش هاسامح نفسي ابدا لما شفتها بتحضن ادم حسيت بقلبي بيتقطع مش عارف اعمل ايه انا تعبان اكتر منها
نور ....معلهش ياعمووو
المرة الجاية هاتيجي وتجبها معاك وهاتبقي كويسة بس انت متزعلهاش يافهد
فهد....هي مستحيل تسامحني وادم كمان مستحيل يسامحني لأنها حببته وانا كسرتها قدامه اتجوزتها غصبن عنها بس هي الي كرهتني في كل البنات خلتني افهم ان كلهم عاهرات بس الصح أن هي الوحيدة الي عاهرة مستحيل تسامحني مستحيل يانور
حور بكرة هاتعمل عملية جراحية صعبة هي انقذت حياة واحد قبل كده بتمني تبقي قوية وتقوم منها ..
نور ...انت بتحبها يافهد
فهد....انا عمري محبيت يانور ولا هاحب حد انا شيطان مبحبش قلبي مش موجود علشان يحب قلبي مات من وانا عندي ١٦ سنة كرهت كل حاجة ذاكرت وتعبت وبقيت أهم دكتور في العالم وصاحب اكبر مستشفيات في العالم وصاحب اكبر شركات مقاولات بس كل ده عملته من غير قلب والجاني الحقيقي عايش ومتهني
نور....مين يافهد
فهد...اقرب حد الي من المفروض يكون سند الانسان في حياته
نور ...حور كانت دائما بتقولي جملة حلوه اوي كانت بتقولي أن نجيب محفوظ قال
لا تستطيع أن تبدأ فصلا جديدا من حياتك وانت مازلت مصرا علي إعادة قراءة اخر فصل مربك
يعني علشان تبدأ حياة جديدة متفكرش في الماضي المؤلم ليك متوقفش نفسك عنده
فهد ...انتي عسل اوي يانور
نور ...وانت شيطان يافهد هههههههه
فهد...عندك حق
نور...بجد يافهد انت قلبك ابيض بس الي حصل في حياتك كله سواد وجروح مش عارف تطلع نفسك منه
عارف مين سماني نور
فهد...اكيد حور الي سميتك
نور...صح حور هي الي سمتني نور لان كانت دائما تقولي ان النور دائما في حياتنا بس احنا الي بنضلم النور ده بالظلم والحقد والحسد
فهد ....هاترجع يانور هاترجع بالسلامة
**
سها .. 😭 باباا
طلبت سها سريعا رقم الاسعاف واخدت ابيها الي المستشفي بعدما دخلت شقتها وجدته واقعا علي الأرض
دخل ابو سها الي الطوارئ سريعا بعد ساعة خرج الدكتور
الدكتور ...انا اسف يابنتي البقاء لله
سها ...مات 😭
الدكتور ....ان لله وان ايه راجعون
**
في المستشفي
الدكتور ...جهزي المريضة للعمليات
دخلت الممرضة وجاكلين وادم الي حور قبل أن تدخل العمليات اخيرا سمح لهم الدكتور أن يروها خمس دقائق
حور ...وجهت وجهها للجه الأخري حتي لايري ادم عينيها التي تجمعت بها
ادم ....انا اسف ياحور
حور ...اسف علي ايه انت ملكش ذنب انا الي اسفة علي الي حصل فيك كانت حور تحاول أن تخفي دموعها ولكنها خانتها ونزلت كالسيل
جاكين...بس ياحور احنا هانسافر علي امريكا ياحببتي اهدي
حور...بعد ايه ياجاكلين بعد ايه
الممرضة ...ممكن لو سمحت يااستاذ ادم تخرج بره علشان نجهز المريضة
ادم ...قبل حور من مقدمة رأسها وتركها وذهب
لبست حور ملابس العمليات واخذوها
بعد ساعتين لم تخرج حور قلق ادم كثيرا عليها وجاكلين ايضا
ادم....انا السبب في الي حصل لحور لو مكنتش أعطيت فهد كاميرات الفيديو مكنش حصل كل ده مكنش حصل
داخل العمليات
الدكتور ....المتبرع قلبه ضعيف جدا
الممرضة .....يعني ايه يادكتور
الدكتور ....خطر جدا ممكن يموت بس لازم اعمل العملية هو طلب كده حتي لو علي حساب حياته
بدأ الدكتور في إجراء العملية وبعد عدة ساعات خرجت حور من غرفة العمليات الي غرفة عادية فالعملية نجحت ولكنها تحتاج لبعض الراحة
بعد عدة أيام
قام كل من جاكلين وادم لم يرو حور موجودة في سريرها انتفض ادم من مكانه خوفا من ان يكون فهد اخذها
جاكلين ...مش موجوده في الحمام
بس لقيت دوول علي الطربيزة دي واحد مكتوب عليه اسمك وواحد مكتوب عليه اسمي وواحد اسم فهد وواحد اسم مليكة
ادم ...يعني ايه
جاكلين ...خد الي عليه اسمك افتحه وشوفه وانا كمان هافتح بتاعي
فتح ادم الظرف وجد بداخله ورقة مكتوب بها
ادم حبيبي متقلقش عليا انا هابقي كويسة انا مشيت لمكان محدش يعرفة معنديش طاقة اني ابص في عينك مش عيزاك تحس بالذنب من الي حصلي انت مالكشي ذنب ياادم انت احسن حاجة حلوة في حياتي انت ومليكة وجاكلين مسبتنيش لحد دلوقتي بس حور القديمة ماتت ياادم ماتت انتهت
لو كنت قعدت مكنتش هاعيش مكنتش هابقي حور كنت هابقي جسد بس
سامحني ياادم وعيش حياتك ومتدورش عليا لو بتحبني متدورش عليا وخالي بالك علي مليكة
حبيبتك حور
فتحت جاكلين ظرفها
حبيبت قلبي ياجاكي بقيتي بتتكلمي عربي حلو ياقلبي هاتوحشيني اوي بس كان لازم ابعد كان لازم ابعد عن اي حاجة بتفكرني بالحصلي انا تعبان ياجاكي كان نفسي. اسافر معاكي امريكا ونعيش ونشتغل سوي بس
خلاص كل الاحلام اتبخرت مع الي حصلي سمحيني ياجاكي
وخالي بالك علي مليكة خليها تسافر معاكي
صديقتك حور
ادم ...يعني ايه مشيت علي فين
جاكلين ....انا خائفة عليها اوي دي لسه تعبانة وحالتها النفسية وحشه
ادم...بس ليه حور سايبه جواب لفهد ياتري فيه ايه !!!
بس هي راحت فين .. يتبع الفصل الثالث عشر اضغط هنا