رواية حب ممزوج بكره البارت السادس 6 بقلم هدير محمود
رواية حب ممزوج بكره الفصل السادس 6
" كنت واقف فرحان وانا شايفها راحه تحقق خطوة مهمه فى حياتها.. فرحان بيها كأنها بنتي وده اول يوم مدرسه ليها.. كانت بتعدي الطريق وضحكتها سابقه خطواتها.. لغايه ما لمحت عربيه جايه من بعيد بسرعه عاليه فضلت انادي عليها بس مسمعتنيش من دوشه الطريق.. وقفت مكانها ووقعت فجأه قلبي وقع معاها.. معرفش ازاي جريت عليها وجبت سرعتي ديه منين.. لحقتها والعربيه كانت خلاص على وشك انها تخبطنا بس الحمد لله تفاديتها..
العربيات كلها وقفت حوالينا وانا شايلها على رجلي بحاول افوق فيها "
- اشتياق.. اشتياق انتي كويسه.. اصحي عشان خاطري.. حد معاه بيرفيوم يا جمااااعه بسرعه
" حد ناولني بيرفيوم.. فضلت ماسك ايدها وبدعكلها لغايه ما فتحت.. وكأن مع فتحة عيونها روحي اتردتلي تاني "
- الحمدلله الحمدلله.. انتي كويسه يا اشتياق
= ااه دماغي.. هو ايه اللي حصل
- مفيش مفيش يا حبيبتي
" شيلتها كانت لسه مش واعيه اوي.. ركبت العربيه ورجعت على البيت "
**
*الساعه 10 بليل *
- عامله ايه دلوقتي
= الحمدلله احسن.. شكرا جدا يا محمود
- شكرا علي ايه بس.. انتي وقعتي قلبي وخضتيني عليكي يا بنتي
= والله انا معرفش ايه اللي حصل فجأه شوفت منظر مرعب كده عربيه ضخمه اوي خلاص هتيجي تطيرني.. اسكت انا بقى قومت واقعه
- يعني مش المفروض اجري.. تؤتؤ قومت واقعه
" ضحكت علي طريقته وهو بيقلدني.. ابتسم وساعتها حسيت اني عايزه أجري بقى دلوقتي.. لا وربنا مهما عملت وكنت حليوه كده مش هقع انا بكره الرجاله اصلا"
- سرحتي في ايه
= ولا حاجه.. لولا وجودك معايا النهارده كان زمانكوا بتاخدوا عزايا
" حط ايده على بوقي"
- ششش اسكتي متقوليش كده بعد الشر عليكي
= امممم
- ايه ؟
= اممممممم
" شال ايده بسرعه وهو مرتبك "
- اه اسف معلش غصب عني.. هقوم انا بقى
= رايح فين
- هطلع انام شويه عشان عندي عمليه بكره مهمه ادعيلي
= ربنا يوفقك ان شاء الله.. شكرا مره تانيه على وجودك جمبي
- شكرا لوجودك انتي فى حياتي
" انا بقول مش كل الرجاله يتكرهوا يعني فيه ناس چنتل وسكر كده وحرامييه.. اه حراميه.. بيمشوا يخطفوا ف قلوب الناس كده من غير استأذان"
*بعد شهر *
- ها قولتي ايه يا عمتي
= والله يا حبيبي انا معنديش مانع.. ديه امنيه حياتي والله يا ابني.. بس كلمت عمك فريد؟
- طبعا يا عمتي وهو وافق وهينزل على ميعاد الخطوبه
= أصيل يا ابني.. بس انت قولت لاشتياق؟
- لسه البركه فيكي بقى
= خير يا حبيبي.. ربنا يجعلها من نصيبك يارب
*في نفس الوقت*
- بتقولي اييه يا روان؟ محمووود قال كده؟
= اه يا بنتي مالك مستغربه ليه
- ها.. لا عادي بس يعني مش متوقعه
= هو جه وقالي انه بيحبني وعايز يخطبني.. ف جيت اقولك على طول
- محمود!!! انتي متأكده
= انا عارفه انك مش هتصدقي خصوصا انه كان قريب منك اوي الفتره اللي فاتت بس اهو اللي حصل بقى طلع بيحبني انا
- اه اه.. ماشي يا حبيبتي ربنا يوفقكوا ويسعدكوا
= يعني انتي مش متضايقه
- لا هتضايق ليه.. بالعكس فرحتلك جدا ربنا يهنيكي يارب.. محمود انسان كويس وهيسعدك
= يارب يا شووق.. بس اوعي تجيبي سيره لمحمود اني قولتلك لغايه بس ما يحصل حاجه رسمي
- ماشي مش هقوله
= يلا همشي انا بقى عايزه حاجه
- سلام
" مشيت وكأنها سابت جوايا ١٠٠ سكينه مغروزه فيا .. ازاي ده حصل وامتى.. طب ليه كان بيقرب مني.. ليه وصلي احساس انه بيحبني.. طب لو هو كان معتبرني اخته وبيرتاحلي ليه مجبليش سيرة انه بيحبها.. ليه كل شويه اتكسر من اقرب حد لروحي.. ليه رجعت أثق ف انسان تاني لييه ليييه"
" حبست نفسي ف اوضتي.. مش عايزه اشوفه ولا المحه.. مش عايزه اشوف اي حد فى الدنيا ديه.. الدنيا ديه خداعه ومكاره.. انا مش قد الدنيا ديه.. مش قد الخبث والكدب والخيانه.. مش عارفه انا اللي اتربيت غلط وقلب صفي ونقي زياده عن اللزوم.. ولا هما اللي وحشيين"
**
- هي فين اشتياق يا عمتي بكلمها كتير مبتردش
= بقالها كام يوم قافله على نفسها ولا بتاكل ولا بتشرب يا محمود.. ده انا اللي كنت هسألك هي مالها
- يا نهار ابيض.. طيب محاولتيش تتدخللها ليه يا عمتي
= حاولت كتير والله كانت بتفضل تصرخ وتقول مش عايزه اشوف حد
- انتي فتحتي معاها الموضوع؟
= لا لسه مش عارفه اتكلم معاها فى حاجه
- طب انا هحاول يمكن تفتحلي
**
- اشتياق.. اشتياق انتي صاحيه؟ مش عارف انتي سمعاني ولا لا بس لو سمعاني ممكن تردي عليا
" سمعت صوته للحظه نسيت كل حاجه وفرحت لمجرد اني سمعت صوته.. كان واحشني.. وحشاني كل تفاصيله.. رجعت لنفسي بسرعه لا ده ميستاهلش اني احنله.. ده كداااب كداب ومخادع
= امشي من هنا مش عايزه اشوف حد سيبوني فى حاااالي
- اشتياق طب مين زعلك طيب وانا اجيبلك حقك
" اقوله ازاي انه هو اللي مزعلني ومزعل قلبي.. اقوله ازاي انه السبب انه يكسرني للمره التانيه.. هتجيبلي حقي منك ازاي يا محمووود"
غلبانين احنا اوي البنات.. بنتعلق بشويه اهتمام حتى لو مزيف.. بنتشعبط فى الكلمه الحلوه ونعتبرها انها الدنيا وما فيها.. "
" فضل يكلمني وانا مبردش وكل ما ينطق حرف ينزل قصاده مليون دمعه.. لغايه ما سكت ومشي"
**
- مبتردش عليا يا عمتي.. طب هي زعلانه مني فحاجه طيب.. انا والله ما اقدر ازعلها
= عارفه والله يا حبيبي.. انا معرفش مين اللي شقلب حالها كده.. آخر مره وروان عندها كانت كويسه من ساعتها وهي على الحال ده
= روان!.. اه صح هي روان اكيد عارفه هي مالها انا هتصل بيها واسألها
- ماشي يا حبيبي ابقى طمني
**
- الو.. ازيك يا روان
= اهلا يا محمود انت عامل ايه
- كويس.. بقولك متعرفيش اشتياق مالها
= لا مش عارفه انا حتى بقالي كام يوم بتصل بيها ومبتردش عليا
- طب ممكن تيجي تتكلمي معاها عشان هي قافله على نفسها ورافضه تشوف حد يمكن توافق تشوفك
= اه اكيد هعمل كده
- تمام متشكر.. سلام
" اممم يا حرااام يا اشتياق كسرت قلبك. تؤ تؤ اخس عليا.. ازاي انا قاسيه كده.. اشربي شويه من اللي طول عمرك مشربيهولي.. ولسه"
**
- اشتياق افتحي يا بنتي روان عايزه تشوفك
= افتحي يا شوق انا روان افتحيلي
" روان.. مش عارفه هقابلك بانهي وش.. طب ازاي همنع نفسي اني اترمي فى حضنك واعيط واحكيلك على اللي واجعني.. اقولك ازاي اني وقعت فى حب الإنسان اللي حبك "
" فتحت الباب.. كان شكلها مزري جدا ودبلانه.. حوالين عينها منشفش من دموعها.. الله قد ايه الدموع ديه بتغسل روحي.. كميه الراحه اللي بحسها وانا شيفاكي بتتألمي.. دوقي يا اشتياق اللي بدوقه كل ليله.. حسي بوجع القلب زي ما انا حسيت "
- يا ضنايا يا بنتي.. ليه عامله ف نفسك كده يا ضنايا.. مين اللي زعلك
" مش قادره اتكلم.. مش عارفه اقول ايه.. بصالهم ونفسي اعيط ف حضنهم.. حضن أمي الدافي وحضن صاحبة عمري الحنين"
= معلش يا طنط سيبينا لوحدنا شويه
- حاضر يا بنتي
**
- ايه يا اشتياق المنظر اللي انتي فيه ده.. مبصتيش ف المرايه يا بنتي.. شوفي خسيتي ازاي ووشك باهت
= مفيش يا روان انا بس متضايقه
- متضايقه من ايه يا بنتي... ده انتي محصلكيش كده لما كتب كتابك اتلغى ايه اللي وصلك لكده
= ايه لازمتها السيرة ديه يا روان دلوقتي انتي عايزه تضايقني
- مش قصدي.. بس ايه اللي وصلك لكده
= مفيش يا روان انا هبقى كويسه
- انتي متأكده
= اه متأكده
" لا يا روان انا مش كويسه.. ازاي مش قادره تحسي اني موجوعه.. ازاي ده طول عمرنا وجعنا واحد"
= طيب قومي البسي ونخرج شويه
- لا مش عايزه خليها بكره
= طب خلاص بكره هتصل بيكي وهعدي عليكي اخدك اتفقنا؟
- اتفقنا
**
- ممكن ادخل.. الدكتور سرحااان في ايه
= تعالى يا حازم
- مالك يا حوده
= كنت قايلك اني طلبت ايد اشتياق صح
- ايوه.. متقولش انها رفضت؟
= لسه متعرفش اصلا
- لسه ازاي عمتي مكلمتهاش
= مش عارفه تكلمها بقالها كام يوم قافله ع نفسها ورافضه تشوف اي حد حاولت ومفيش فايده
- هو ده اللي مزعلك كده انا قولت انك جعان ولا حاجه
= مش وقت هزار
- خلاص بحاول افكك كده.. متقلقش كل حاجه هتبقى تمام.. اممم هتيجي معايا بكره صح
= فين
- عشان نحدد معاد الخطوبه انت نسيت اني هخطب
= ااه صح معلش راح عن بالي.. اه طبعا هاجي معاك
- ولا يمهك يا عمنا.. ان شاء الله خطوبتنا تبقى في نفس اليوم
= ان شاء الله يا حبيبي.. الف مبروك
- الله يبارك فيك يا دكتره
* تاني يوم *
- الو ازيك يا محمود
= ازيك يا روان
- بخير.. كنت عايزه اقولك اني اتكلمت مع روان
= بجد.. وعرفتي مالها؟
- طلعت زعلانه منك أوي
= من ايه.. انا والله ما عملت حاجه
- مش عارفه مرضيتش تقول السبب.. بص انا عندي حل يخليك تتكلم معاها
= بجد قولي
- هي جايه عندي النهارده.. ايه رأيك تيجي وتشوفها
= لا مش هينفع
- ليه بس
= ازاي انتوا بنتين بس وانا اجيلكوا
- بابا وماما هيكونوا موجودين متقلقش.. ها قوولت ايه
= خلاص ماشي موافق.. شكرا جدا يا روان مش هنسالك الجِميل ده
- العفو يا دكتور مع السلامه
" ههههههه.. مسكين اوي يا محمود... ساذج واهبل وبتصدق كل حاجه زي اشتياق واكتر.. اوعدك يا دكتور اني هخليها تكرهك وتكره اليوم اللي حبتك فيه"
...
- الو يا روان.. مجتيش ليه ؟ ااه الف سلامه عليكي انتي كويسه اجيلك طيب.. طيب خلاص نخليها بكره.. ماشي سلام
...
ترن ترن ترن
- ازيك يا محمود اتفضل
= اشتياق جت؟
- لسه هي على وصول اهي.. اتفضل شويه وهتبقى هنا
= تمام
- نورتني.. ها تشرب ايه بقى
= لا ملوش داعي.. اومال فين والدك ووالدتك
- جالهم مشوار مهم ف نزلوا من شويه.. متخافش مش هاكلك يعني انت زي اخويا
= اه اكيد
- ها تشرب ايه
= قهوه مظبوط
- حالا وهتكون عندك
" دخلت تعمل القهوه.. طريقة كلامها كانت غريبه.. جو البيت غريب كل حاجه هنا غريبه.. مش مرتاح للمكان ده.. غابت عليا شويه وبعد كده شوفتها قدامي بمنظر عمري ما كنت اتخيله"
يتبع الفصل السابع الأخير اضغط هنا