رواية احببت زوجة أخي الفصل السابع بقلم وفاء كامل
رواية احببت زوجة الفصل السابع
وصلنا الفصل ال فات عندما
اكمل حسام قائلا.. انتي عارفه ان بابا وماما حنان طول عمرهم بيعاملونا كويس
وكل طلبتنا مجابه
واحنا لازم نيجي ع نفسنا ونسعدهم
بما بابا قلبه تعبان وانا بخاف عليه ليحصله حاجه عشان كدا بس انا وافقت
نَور.. وانا كمان ياحسام وافقت عشان كدا
هما اجبرونا على الجواز
وانا مقدرتش ارفض عشان بابا محمد وتعبه
حسام.. عشان كدا اي رايك جوازنا ع الورق بس
وقدامهم نحاول ميعرفوش حاجه ع اتفاقنا ده
نور.. متشكره اوي ياحسام انك تفهمت الموضوع
حسام.. المهم يلا عشان تنامي وانا هنام هنا ع الاريكه
اومأت راسها بالموافقه ونامت ع الفور فهي اطمئنت بعد كلام حسام
لكنها لا تعلم كم هو يتالم ع هذا القرار ف حبيبته امامه ولا يقدر ان ينام بحضنها
ياعالم القدر مخبلكم اي😔
ـــــــــــــــــــــــــــــــــــــــــ
ف صباح يوم جديد
استيقظت نور م نومها ع طرقات الباب
ففزعت بشده
وذهبت ل حسام وتقول له.. حساااام اصحي ف حد ع الباب اكيد ماما
ولكن حسام لا يدري بها
ف العلاج الذي ياخذه يجعله ينام كثيرا ولا يشعر بمن حوله
استغربت نور ع طريقته هو ازاي نايم كدا ومش سامعني اخذت تهز فيه جامد وهي تقول.. حساااااام
انتفض حسام م مكانه وقال لها.. اي ف اي
نور بغضب.. انت بجد مكنتش سامعني
حسام وقد حرج م نفسه فهو يعلم ان علاجه السبب
حسام.. انا اسف بس كوت تعبان جدا امبارح وسهرت شويه ونمت متاخر
نور.. خلاص
المهم الباب بيخبط مينفعش حد يشَوفك كدا ع الاريكه
حسام.. خلاص انا هقعد ع الفراش وانتي افتحي
ولبست نور الروب ع بجامتها وفتحت الباب
حنان.. صباحيه مباركه ياحلوين اي كل ده نوم دانا ايدي وجعتني م كتر الخبط 😅😅
نور.. صباح الخير ياماما
معلش بقا راحت علينا نومه
حسام.. صباح الخير ياست الكل
حنان لاحظت ارتباكهما وظنت انه ف شئ ما غلط
حنان.. طيب ياحبيبي انا قولت للخدم يجبلكوا الفطار هنا
حسام مفيش داعي يا ماما احنا هننزل نفطر معاكي انتي وبابا
حنان متفاجئه م كلامه كيف يعقل ان يفطروا تحت وهما عرسان وقالت بتردد.. بس يابني ...
قاطعها حسام.. عادي يا ماما مفيش بس
احنا متعودين نفطر معاكم
حنان.. بس دي عروستك واول ليله بينكم لازم تفطروا سوا
مش تشوف رأي مراتك بردوا اي
التفت حسام الي نور.. لو مش عايزه تنزلي عادي على فكره
نور.. لا انا عايزه انزل تحت
حنان.. ع راحتكم ياولاد انا هقول للخدم يحضروا السفره
وتركتهم ونزلت
حسام.. انتي اضايقتي لما صممت ننزل ناكل معاهم
نور.. لا طبعا
وظلت تفكر مع نفسها.. انا مصدقت اخر م الغرفه دي مش قادره اقعد معاك ف غرفه واحده سامحني ياحسام بس انا رغم طول السنين دي والمحبه والاخوه ال بنا بس لما اتجوزنا انا بقيت 😓 بكرهك وبكره وجودي معاك
انا عارفه انه غصب عنك توافق ع جوازنا
بس انا متاكده انك هتفهمني
ذي ما انت طول عمرك بتفهمني
تركها حسام و دخل للحمام بينما كانت نور تبدل ملابسها
ــــــــــــــــــــــــــــــــــــــــــــــــ
داخل الحمام
نوبه الصداع ال كانت بتجيلوا كل يوم بقت اقوى فاليوم ده
ف كل يوم وانتشار الورم يذيد
كان تعبان اوي لدرجه انه كان قاعد على الارض و ماسك راسه بين ايديه الاتنين و مش عارف يعمل ايه حتى المسكن كان بره و مكانش ينفع انه ياخد العلاج امبارح لان نور كانت موجوده معاه ف الغرفه
مكنش قادر انه يقف و هو عارف ان نوبه الصداع مش بتروح غير بالمسكن و فجأه سمع خبط على الباب
نور.. حسام انا خلاص جهزت و ماما بتنادي علينا
حسام و حاول انه يبان طبيعي وتماسك.. طب انزلي انتي و انا هنزل وراكي
فرحت نور بشده انها لن تطر ان تذهب معه فهي لا تحب تواجدها معه
وذهبت هي وعندما سمع حسام صوت الباب يغلق عرف انها خرجت
استند على مقبض الباب و استعاد توازنه و ذهب مسرعا و فتح حقيبه الملفات ال بياخدها معاه دايما ف الشغل
و كان حاطط علبه العلاج فيها بس مخبيه ف مكان سري بداخل ال حقيبه
ولكن يتفاجئ بشده عندما يجد العلبه فارغه
ظل يتذكر ان العلاج خلص و كان مشغول امبارح وجوازه وتعب والده وكل شئ حصل كفيل انه ينسي
و نسي يشتري علبه جديده
حسام بتعب وااالم.. يااارب هعمل اي دلوقتي
انا مش قادر اتحمل ازاي هقعد معاهم وانا كدا
يارب خليني اتحمل الالم ومتفضحش امامهم
والدي مريض ومش هسامح نفسي لو حصله حاجه بسببي لو عرف الحقيقه
دعا ربه ان يعطي له الطاقه ال تخليه يستحمل
ويتماسك
وذهب الي الاسفل
ــــــــــــــــــــــــــــــــــــــــــــــــ
ع السفره
حسام.. صباح الخير يابابا عامل اي دلوقتي
محمد.. صباح النور يابني الحمدالله نشكر ربنا ع كل حال
حنان.. يلا تعالا عشان تفطر ياحبيبي
حسام.. لا ياماما انا لازم اروح الشركه اتاخرت
حنان ومحمد بصدمه😲
محمد.. شركه اي دي ال عايز تروحها ف صباحيتك ياابني
حسام معلش يابابا ورايا شغل كتير
حنان.. ومراتك هتسبها ف اول يوم جوازكم كدا😲
نور وقد حس بالاختناق كلما تنطق والدتها كلمه مراتك مراتك
وقالت بهدوء تحاول تخفي غضبها.. ماما انا قاعده معاكم اهو
فيها اي خليه يروح شغله ويمارس حياته الطبيعي
وظلت تردد ف نفسها.. احسن ع الاقل يبعد ع انظاري
لاني بجد كرهتوا وهطر امثل طول الوقت امام ماما وبابا اننا بنحب بعض ومتجوزين فعلا
حركه حلوه منك ياحسام انك تسيب البيت
محمد.. خلاص تعالا افطر بس وبعدين امشي
حسام.. بس.....
حنان.. اقعد ياحسام عشان تفطر ومش هسمحلك تخرج م غير ما تاكل انت مش شايف نفسك خسيت ازاي ووشك باهت
اكيد م كتر الشغل ومجهود ذياده يابني الحياه مش شغل بس
اهدي شويه
ونظم اوقات عملك عشان تقدر تقعد مع مراتك
حسام.. حاضر ياماما
وجلس ع السفره ليفطر
وظل ينظر للطعام انه بالفعل جائع جدا
ولكن كلما ينظر للطعام
معدته تغم عليه
ف كل هذا بسبب العلاج الذي ياخذه والجلسات ال بيعملها
محمد.. نسيت اباركلكم ياابني
الف مبروك وعقبال ما اشوفك اب اجدعنوا
نظرت لهم نور بغضب حاولت ان تخفيه
اما حسام فانه
اكتفى بالابتسامه لانه لم يكن قادر على الكلام قوه الصداع ضيعت تركيزه و كل اللي قدر يقوله الله يبارك فيك يابابا
ع قد ما يقدر كان بيحاول انه ميفقدش توازنه و انه ميبينش عليه حاجه
حنان بقلق.. حبيبي مبتاكلش ليه ومالك انت وشك اصفر كده ليه
محمد.. حنان عندها حق انت كويس
حسام.. انا كويس بس تعبان شويه من امبارح و منمتش كويس
حنان.. خلاص يا حبيبي افطر و اطلع كمل نومك
نور قلقت لفعلا حسام يطلع ينام وتطر هي تطلع معاه عشان محدش يلاحظ حاجه عليهم
انها لا تريد ان يجمعهم غرفه واحده 😡
حسام.. لا ياماما انا هروح الشغل
حنان.. براحتك ياحبيبي
حسام كان في ورطه حقيقيه الصداع ازداد بشده وطول الوقت يضغط ع شفتيه م شده الالم حتي تمزقوا
و مكنش قدامه حل غير انه يقوم بسرعه ويروح االصيدليه يجيب العلاج
حنان.. رايح فين انت ماكلتش اي حاجه يابني
حسام.. معلش ياماما ماليش نفس ع ازنكوا
وخرج م الفيلا
حنان بحزن.. يامحمد انا حاسه ان الواد ف حاجه
محمد.. وانا كمان ياحنان
نور.. ممكن يكون فعلا مستعجل وال فيه ده ارق م كثره الشغل
انشاء الله مافيش حاجه
حنان.. لا يابنتي انا عارفه حسام انا ال مربياه كويس
ومتاكده ان ف حاجه مخبيها علينا
نور قلقت فعلا عليه
لكن سرعان ما اخرجت هذا الشعور فهي لا يفرق معها حاله
ــــــــــــــــــــــــــــــــــــــــــــــــ
اوقف حسام سيارته عند الصيدليه
و اشترى العلاج و اخذه بسرعه
و قعد ف السياره مستني ان العلاج يجيب مفعوله علشان يعرف يسوق
ثم ظل يتذكر ليله امس
وملامح نور وهي معه ف الغرفه وترتدي بجامه وشعرها المنسدل ع ظهرها
مش قادر ان نور تفارق خياله
ومع الوقت احس ان الصداع هدي شويه و قرر انه يروح الشركه
وصل الي شركته
وظل يعمل بجهد ويضغط ع نفسه
كان نهاره مليان بلقائات بالعملاء
و مع كل جهوده انه يكمل الشغل كان برضو العلاج مخليه حاسس انه عايز ينام باي شكل
لكن للاسف الضغط عليه كان كبير
ــــــــــــــــــــــــــــــــــــــــــــــــ
ف الفيلا
ذهبت نور الي غرفتها لتحضر ملابسها واشيائها
وذهبت بهم لغرفه حسام
وظلت ترتب ملابسها
ثم طرق الباب
نور.. اتفضل
حنان.. حبيبت ماما بتعمل اي
نور.. ابدا ياماما انا برتب حاجتي
حنان بألم.. انا عارفه انك مضايقه علشان حساك مش معاكي و انتو لسه اول يوم
نور.. انا لا ابدا
انا عذراه عشان هو لوحده ف الشركه وكدا
عادي ياماما متكبريش الموضوع
حنان وقد لاحظت انه لا يفرق معها وجوده اصلا
حنان.. حبيبتي ممكن سؤال
نور.. اتفضلي ياامي
حنان.. هو اي ال حصل بينكم امبارح
نور بتوتر.. ها 😲
تقصدي اي
حنان.. يعني حسام بقا جوزك رسمي يا نور
لمسك
نور بتوتر.. ا... اه طبعا
حنان.. ربنا يكرمكوا ويسعدكم دايما يابنتي
وتجيبولنا حفيد يملي علينا الدنيا
بجد يا نور حسام دايما شايل الحمل عن محمد و كل المسؤليه ارجوكي حاولي تخففي عنه
نور.. انشالله ياماما
حنان اقتربت منها وضمتها لصدرها وقبلت رأسها
ربنا يهديكي يابنتي ويعد ايامك ال جايه
نور.. ربنا يخليكي ياامي
ــــــــــــــــــــــــــــــــــــــــــــــــ
ف المساء ع منتصف الليل
وصل حسام الي الفيلام وكان الجميع نائم
حسام فتح باب غرفته وتفاجئ بنور
.. انتي لسه صاحيه يا نور
نور.. ايوا
الصراحه مجاليش نوم وفضلت قاعده ع النت شويه
ع كل حال حمد الله على السلامه
حسام باستغراب .. الله يسلمك
هو فيه حاجه
نور بتوتر.. ايوا
انا كنت عايزه اتكلم معاك ف موضوع
حسام.. انا اسف يانور بس مش وقته انا عايز انام دلوقتي
بجد تعبت اوي ف الشغل النهارده
نور بغضب.. براحتك و سابته و مشيت و هي متعصبه منه جااامد
حسام فعلا كان تعبان جدا وعايز ينام بسبب العلاج ال دايما بينيمه
وظل يحارب مع النوم طوال اليوم وهو ف الشغل
ودخل الحمام ياخذ شاور
نور شافته لما دخل ياخد الشاور و افتكرت انه مفطرش من الصبح و اكيد جعان
هي اه بتكرهك بس مهما كان هما اخوات م زمان
وهو صعبان عليها
تركته ونزلت للاسفل وفي سرعه البرق
جهزت بيتزا
كان هناك عجين البيتزا ف الثلاجه
فوضعتها ف صنيه ووضعت الصلصه والفلفل الذي قطعته حلقات هو والطماطم والمشروم والزيتون ووضعت قطع فراخ عليها ورشت جبنه موتزيرلا عليها مع رشه رقيقه م الجبنه الرومي
ووضعتها بسرعه ف الفرن
بعد 15 دقيقه اخرجتها وقعتها ووضعت عليها كاتشب ومايونيز
واخذت عصير م الثلاجه وذهبت بهم للغرفه
ــــــــــــــــــــــــــــــــــــــــــــــــ
خرج حسام م الحمام
ولم يجد نور
وتفاجئ بها تدخل ومعها طعام وعصير
حسام.. هو انت جبتي الاكل ده ليه ؟
نور.. اصل انت مجيتش على العشا ولا فطرت معانا و قلت اكيد جعان عشان انا عرفاك مش بتاكل بره لوحدك
حسام و هو حاسس بحنانها وانها رجعت ذي زمان حفظاه وفهماه وعرفه كل حاجه عنه
حسام.. انا فعلا جعان بس بصراحه كنت مكسل احضر حاجه اكولها
نور.. طب يلا علشان تاكل
حسام قعد ياكل وهو مبسوط اوي باهتمامها بيه و مع انه كان نعسان جدا بس كان فيه فرحه فقلبه علشان كان حاسس باهتمامها وخوفها عليه
واخذ ينظر اليها وهي ترتدي بجامه بيضاء تذيدها جمالا وشعرها الطويل الذي يعشقه وجهها و عطرها الذي كان يميزها عن كل النساء
حسام كان ينسى نفسه و هو ينظر اليها و كانها تحرك جزء من قلبه
حسام.. الله البيتزا دي تجنن انا بحبها اوي
نور بابتسامه.. بالهنا وشفا 😊
حسام.. انتي طلبتي الاوردر ده امتى
نور.. لا انا ال عملتها
حسام.. بجد.. تسلم ايدك
طول عمرك يانور وانتي يتحبي المطبخ وتخترعي فيه
وانا كنت احب اقف اتفرج وارخم عليكي
نور بضحك.. اه فعلا
ثم ذهبت ضحكتها عندما تذكرت احمد 😔
حسام .. مالك
نور بحزن.. مافيش
حسام تنهد بضيق وقد فهم سكوتها.. واحشك
نور.. ها
حسام.. احمد واحشك
نور.. اوي 😓
حسام وقد اراد ان يغير جو الحزن هذا
.. نور انت كنتي عايزه تكلميني ف حاجه خير
نور.. هو انا كنت عايزه اتكلم ف موضعنا
حسام بتوتر .. احنا مش اتفقنا امبارح ع كل حاجه
نور.. لا ياحسام مش كل حاجه انت قلت اننا هنعيش سوا ذي الاخوات
بس مقولتش لحد امتي
حسام.. هو انتي للدرجه دي مضايقه م وجودي معاكي
نور وقد احست بالزنب.. لا طبعا يا حسام
انا بس عايزه نلاقي حل مش هينفع كدا نعيش مع بعض ف غرفه واحده وقدامهم بنمثل اننا متجوزين
حسام تنهد بحزن.. خلاص يانور ال تحبيه
بعد ست شهور هنطلق
متفقناش متفاهمناش مع بعض وكدا
نور.. تفتكر ماما هتصدق
حسام بعصبيه .. خلاص يانور انا هدعي اني بحب واحده وهتجوزها وانتي تزعلي وتطلبي الطلاق
نور بندم ع ما قالته جعلته بتعصب ويزعل .. ماشي
حسام ظل يفكر انه كدا كدا اصلا هو هيموت قريب
مش محتاجه انك تضايقي م وجودي معاكي يانور
خلاص هتخلصي مني قريب
وهتبقي ارمله للمره الثانيه
يمكن ساعتها تحسي بيا وتفتكريني بالخير 😔
وفجأه احس بالغسيان
انه بسبب العلاج لا يقدر ان يأكل شئ
فاسرع بسرعه للحمام واغلق الباب خلفه لكي يستفرغ
نور بصدمه وقلق.. حسااام انت كويس
حسام بصوت عالي وهو يمسك بطنه.. ااااااااه.. يتبع الفصل الثامن اضغط هنا