رواية احبني مدير شركتي البارت الثالث والبارت الرابع بقلم سميرة محمد
رواية احبني مدير شركتي الفصل الثالث 3
وقفت ملك قدام الشركة بتقول للحارس انه جايه بخصوص مقابله للشغل
الحارس: استني طيب يافندم هنا اقولهم على حضرتك
ملك : تمام
ملك فضلت رايحه جايه برا الشركة وهي ماشيه وكانت نظامها مش متعودة على نظام الصنادل الكعب فلاحظت عربيه ضخمه راحت باتجاهها وفضلت تبص في الازاز الاسود الي بيغطيها وتظبط نفسها وتبص فيها وعماله ترفع البنطلون وتحط في الكحل بيعينها بدل الكحل الي اتمسح ولاكن ملاحظتش انه فيه شخص كان شايفها جوا العربيه وبيلاحظ كل تحركاتها ونزل من العربيه
هنا ملك من الصدمه رجعت بضهرها وكانت هتقع
الشخص الي طلع من العربيه لحقها وبيشدها في حضنه علشان متقعش
ملك من الصدمه غمضت عينيها افتكرت انه وقعت وهي متمسكة في كتفه وقريب وشها من وشه ومش حاسه
الشخص الي طلع من العربيه:انسه افتحي عينيكي انتي موقعتيش
ملك: فتحت عين واحدة وتبص ليه بعد كدا فتحت عينها الاتنين بدهشه
الشخص: انتي هتفضلي متنحه كدا فيا
ملك : هاا ايه بتقول ايه
راح ساب ايده من جسمها ووقعت في الأرض
ملك وهي في الارض بتتوجع: اه انت مجنون اذاي توقعني كدا
الشخص : محدش قالك افضلي متنحه فيا
ملك بتقول بصوت مهموس: متكبر ووقح حقير
دخل الشخص الشركة من غير ما الحراس يقولوله حاجة وطلع الحارس الي دخل يقولهم بخصوص ملك
الحارس: يافندم ..يافندم فيكي تدخلي
ملك : اه متشكرة لحضرتك
الحارس : العفو يافندم
دخلت ملك الشركة وانبهرت بجمالها وكبر الشركة وكانت منظمه بطريقه شديدة وسألت الحارس الي جوا عن اوضه المقابله وشاورلها عليها وطبعا كان قبلها ناس مستنيه للمقابله
معلش كنت عاوزه اعرف هو حد دخل قبل كدا ولا لسه المقابله ما ابتدائتش قالتها ملك لواحد مستني المقابله
رد عليها وقال لا والله لسه محدش دخل ويعتبر انتي خامس واحدة مابينا
تمام متشكرة جدا :قالتها وهي تجلس على احدى الكراسي منتظرة دورها
طلع الي المفروض يعملهم اختبار المقابله وامر انه كل الي يدخل واحد ولما يطلع يدخل الي بعديه على طول وفضل هكذا دخلوا بالتدريج الاربع شباب كل واحد يدخل لواحده لغايه اما جيه دور ملك وقفت متوتره وقبل ماتدخل خبطت على الباب
اتفضل: الشخص الي كان بيعمل المقابلة ليهم
السلام عليكم :ملك
اهلا ممكن اوراقك علشان اعرف بياناتك واتفضلي املي البيانات بتاعتك هنا
ملك :تمام
حضرتك الانسه ملك
ملك:ايوا
معلش كنت عاوز اعرف كام مره اشتغلتي في المهنة دي
ملك: امممم.....الحقيقه ولا مره
ولا مره .. انتي كدا لازم نعلمك اسلوب التعامل في الشغل اذاي
ملك: حضرتك انا جاهزة اتعلم وانا سريعه في فهم الشغل بتاعي كويس وعند ثقتك فيا
مفيش ثقه احنا هنا عندنا ثقتك في شغلك وهنشوف ملف حضرتك وهنقولك في حدود يومين عن قبولك هنا
ملك :متشكرة جدااا لحضرتك
سعيد لمقابلتك انسه ملك وبتمنى انه يكون توافق لقبولك هنا في شركتنا
ملك: ان شاء الله دا يكون شرف ليا
وخرجت ملك من الشركة وهي متوترة وخايفه بسبب انهم ممكن يرفضوها ولاحظت تليفونها بيهتز في ايديها
ملك: الوو أميرة عامله ايه
أميرة: انتي الي عملتي ايه كويسه هاا طمنيني على مقابلتك للشركة؟
ملك:الحمدلله كويسه بس خايفه اوووي سألوني على موضوع اني اشتغلت وانا مجربتش شغل قبل كدا وانتي عارفه
أميرة: طب ليه ياغبيه مقولتلهمش انك اشتغلتي قبل كدا كدا وكدبتي عليهم
ملك: انتي مجنونه مستحيل اكدب وكمان خلاص بقى انسي بس عاوزه اقولك اني الشركة خرافه يا أميرة بس انا جايه عندك وهاحكيلك على كل حاجة باي بقي علشان هركب واجيلك
أميرة: خلاص هستناكي متتأخريش باي
....داخل الشركة دق الباب بتاع المدير
اتفضل:قالها المدير وهو مشغول بالاوراق الي في ايده
حضرت المدير انا معايا ملفات الي قدموا على الشغل وكنت عاوز اعرضهم عليك :الموظف الي عمل المقابله للي قدمو على الوظيفه
المدير: تمام قولي عليهم وانا سامعك
حضرتك الاول شاب كان متخرج بس شهادته ملهاش دعوة بشغل الشركة اما التاني ميعرفش اي حاجة خالص عن الشغ....
قاطعه المدير: انجز يا علاء انت هاتحكيلي قصه حياتهم قولي على الي ينفعوا يمسكوا الشغل كويس ويقدروا عليه علشان مش فاضيلك دلوقتي
علاء:تمام حضرتك فيه شاب عنده خبره موثوقه جدا في شغله دا غير انه مكتسبها في انه اشتغل قبل كدا
المدير بصله نظره بعيونه العسليه وكأن النار هتحرق علاء: مش قولت اني عاوزها بنت مش ولد؟ مش قولت كدا ....
علاء بتوتر: اسف حضرتك البنت الي جات وحيدة فيهم ومعندهاش خبره
المدير: امممم حلوة طيب
علاء : احممم... افندم
المدير: ذي ماسمعت رد على سؤالي
علاء: اه يافندم
المدير: تمام المهم السكرتيرة بتاعتي تكون جذابه لانها هتقابل عملاء معايا وانت عليك مسؤليه انك تفهمها الشغل اذاي هنا في الشركة خلال اسبوع
علاء :اسبوع اذاي؟
المدير ببرود :ذي ماقولتلك كدا هو اسبوع تحت التدريب
علاء: تمام يافندم وكمان انا لاحظت انها ذكية من خلال شهادة التعليم الجامعي بتاعها هتتعلم بسرعه الشغل
المدير: طب حلو حلوة ذي ماقولت وذكية كمان ، فيك تتفضل على شغلك
علاء :حاضر يافندم
المدير: وخلي بالك ياعلاء من حاجة متبقيش غبي
علاء: في ايه يافندم
المدير: انه لما يكون الموظف الي اختارته علشان يبقى السكرتير بتاعي ويكون عنده خبره كدا ذي ماقولت واشتغل في كذا مكان طب ليه مثبتش على شغل في الشركات الي اشتغل فيها قبل كدا بلاش دي هو لو كان ذكي ذي مابتقول مكنتش الشركات استغنت عنه وهو يدور على شركة علشان يشتغل
علاء: تمام حضرتك
دلوقتي امشي : قالها المدير وهو بيراجع شغله في الاوراق والكمبيوتر الخاص به
احبني مدير شركتي الفصل الرابع
وقفنا عند لما المدير اختار البنت الي هي ملك
... في بيت اميرة
اميرة سمعت صوت الجرس واتأكدت انه ملك
اخيرا يابنتي اتأخرتي ليه :قالتها اميرة وهي بتحضن ملك
ملك : معلش والله ياروحي المواصلات كانت زحمة
أميرة:ولا يهمك ياروحي ادخلي اقعدي محدش في البيت ذي ماشايفه كدا امي في المدرسه وبابا في شغله بالشركة
ملك : تمام بس عاوزه كوبايه ميه لاني عطشانه اووووي
أميرة: احلى كوبايه ميه لملوكتي الحلوة وكمان هعملك القهوة الي بتحبيها
ملك :تسلميلي ياروحي
بعد ما جبتلها الميه وعملتلها القهوة سالتها أميرة عن الشركة وحكتلها ملك عن الشخص الي كان بالعربيه وانها وقعت بسببه وعن الي عملها المقابله
أميرة: ههههه يعني انتي رايحه تمسكي فيه بدل ماتبعدي عنه جبانه ياملك طول عمرك
ملك : يابنتي انا خفت ومحستش بالي حصل ليا
أميرة :طب قوليلي هو حلو ؟
ملك : الصراحه بسبب الي حصلي مركزتش غير في عينه كانت نظراته بعيونه العسلي باردة بس كانت فيها لمعان غريب
أميرة :طول عمرك غبيه من صغرك ملاحظتيش غير عنيه مش بتلاحظي حد نهائي كدا من صغرك
ملك : لا لحظت بس مش هو
أميرة بتعجب: مين طيب؟
ملك : الي عملت معاه المقابله عرفت انه اسمه علاء كان محترم في اسلوبه جداااا وذوق اوووي
أميرة: اوووه شكل السنيورة بتاعتنا وقعت فيه ههههه
اسكتي يارخمه:قالتها ملك وهي بتضربها بمخده الانتريه
وفضلوا يضحكوا سوا لحد اما مشيت ملك من عند أميرة وروحت البيت
..... (خلينا نتعرف على الشخصيات الجديدة وهما علاء والمدير الي هو فارس ذيدان
فارس مدير الشركة وسيم انيق في لبسه طول بعرض وكمان شخص بيحافظ على لياقته البدنيه بس من جهة انه البنات مش بيقدروا يقاوموا جاذبيته دي وهو طبعا كشاب ذكي بيستغل كدا ويعتبر فارس وحيد الام والاب ماتوا في حادثه والي كان بيربيه الدادة الخاصه بيه
اما علاء دا بيكون موظف عند فارس كان احترامه واخلاقه الظاهرة قدام الناس بيحبوه وكان من حيث انه جميل جميل بس جماله وجاذبيته ميتقارنش مع فارس وعلاء كان بالرغم انه مجرد موظف الا انه كان فارس بيعتمد عليه في حاجات كتيرة لشغله)
..... في بيت ملك
سعاد بصوت واطي: حبيبتي وصلتي
ملك : اه يامام..
قاطعتها امها: هششششش وطي صوتك وادخلي على اوضتك وانا هحصلك واجيبلك الاكل
ملك : طيب
دخلت ملك الاوضه مستنيه امها تيجي ودخلت امها سألتها ملك ايه الي حصل وامها سكتت ومرديتش
ملك :طبعا من غير متقولي علشان هو قالب عليا ومستنيني اجي علشان يضربني مش كدا
سعاد: ﻷ علشان مصمم انه يجوزك صاحب البار وانتي لازم تختفي من قدامه الفتره دي علشان كدا
ملك بعصبيه وبصوت حزين ومسكت ايد مامتها: انا همشي من هنا يا امي كفايه كدا بقى تعالي نمشي من هنا تعالي نعيش حياة حلوة انا تعبت من الحياة دي وانتي كمان أكيد تعبتي بسببه كان نفسي يبقى عندي اب حنين عليكي وعليا لكن شوفي نفسك كدا وشك وجسمك كله كدمات من الضرب حتى انا بداري وشي بالمكياج قدام اصحابي لما بضرب منه بسبب غلط انا معملتهوش عجبك عيشتنا كدا انا كنت بتمنى اني اكون من غير أب احسن ليا بكتير على انه يكون افضل من الي انا فيه
سعاد: حبيبتي متقوليش كدا ربنا يهديه
ملك بنفاد صبر: ربنا يهديه ..ربنا يهديه دا عمره ماهيتهدي انتي شايفه انه هيكون صالح بعد كدا دا معيشنا في مرار ومعيش نفسه في حاله سكر عشر سنين عشر سنين ظلم منه مش كفايه كدا يا امي
سعاد: مصيره يتعدل ويرجع ذي الاول ياملك
ملك: الي اختار الطريق الغلط وحبه هيكمل فيه وهيكون مستمر فيه طول عمره ، انا هنام ياماما ملهاش لازمه اكمل كلامي معاكي ملهوش فايدة
سعاد: طب مش هتاكلي
ملك : اكلت عند أميرة تصبحي على خير
سعاد: وانتي من اهل الخير ياروحي
صباح يوم جديد وكان استيقاظ ملك على اهزاز تليفونها الي بتحب دايما تحطه جنبيها وكان رقم بيرن عليها غريب
غريب رقم مين دا: قالتها ملك بنعاس
الو : قالتها بصوتها الغالب عليه النوم
علاء: انسه ملك
ملك : ايو انا ملك مين معايا
علاء: حضرتك انتي اتقبلتي في الشركة وهيكون موعد تدريبك من النهاردة الساعه 9 الصبح
بجد انا اتقبلت بالشركة :قالتها ملك بفرح
علاء: ايوا انسه ملك
ملك : متشكرة جداااا بجد
علاء : الشكر للمدير مش ليا
ملك : تمام بس هي الساعه كام دلوقتي
علاء: 8وربع
ملك: ايه ؟
علاء بتعجب :ايه؟..ايه؟
طب معلش ممكن تقفل علشان اجهز لحضرتك واجيلكم الشركة تمام : قالتها ملك وهي بتجري في الاوضه علشان تلحق تجهز نفسها
علاء: تمام مع السلامة
ملك : سلام
جريت ملك واخدت دش كعادتها ولبست بنطلون جينز اسود مع شيميز احمر اللون ودخلته جوا البنطلون ورفعت شعرها بطريقه عدم الاهتمام وكانت من عادتها انها مش بتهتم بجمالها وركبت علشان تروح للشركة