رواية أبصرت بعشقه الفصل الخامس بقلم نورهان احمد
رواية أبصرت بعشقه البارت الخامس
لان اقبل أن اري دموعك مره اخري ساكون مصدر سعادتك الي الابد 💘
كيان وهي ماشيه وفي نفس الوقت امير كان بيلف ف خبطو في بعض تاني
كيان قفلت عينيها جامد وقالت اسفه ما اخدتش بالي
امير اتعصب اووووي بس مش منها اتعصب على اللي هي فيه وقال لا ولا يهمك حصل خير
كيان حست أنها سمعت الصوت ده قبل كده بس قالت شكرا لذوقك ي استاذ
امير ما تشكرنيش انتي مش محتاجه حاجه
كيان لا شكر
معتز شاف كيان قرب منها وقال في حاجه ي كابتن
امير عرف انو ده معتز وقال لا ما فيش حاجه بس انا من غير قصد خبطت ف الانسه وكنت بتاسف لها
معتز ابتسم وقال طيب شكرا
امير ما تشكرنيش عادي
معتز تمام وابتسم وقال بعد ازنكم واخد كيان ومشي
كيان كانت في دنيه تانيه خالص هو الصوت بس مش الاسلوب وهي اللي خبطت فيه مش هو فضلت تفكر كتير لحد لما فاقت على صوت معتز وهو بيقول سرحانه في اي
كيان ولا حاجه عادي وابتسمت راحو قعدو واكلو
امير وچني قعدو
چني ممكن سؤال وتجاوب بصراحه
امير قولي
چني انت بتحبها ولا مشفق عليها
امير بصلها وقال هي ما فيهاش حاجه تخليني اشفق عليها هي كامله من كل حاجه وفقدان البصر ده مش عجز هي بتعمل كل اللي هي حبه تعمله بتخرج وبتمشي في الطريق من غير مساعده حد ف هشفق عليها لي أنا حبتها لذاتها بشخصيتها بكيانها حبيت كل حاجه فيها بتسحرني لما بشوف عنيها
چني اسفه بس هو كان سؤال محيرني
امير ما تتاسفيش عادي تكلي اي
چني بيتزا
امير تمام راح طلب لها بيتزا وقعدو اكلو وطول الوقت وهو مراقب كيان ولاحظ انها سرحانه وكان نفسه يروح يتكلم معاها
وعدي اليوم وروحو
كيان روحت هي واهلها وقعدو
معتز أنا مسافر بكره هاتعوزي حاجه اجبهالك ي كوكي
كيان اه عايزه
معتز ب اهتمام عايزه اي
كيان عايزاك تخلي بالك من نفسك اهم حاجه
معتز حضنها وقال ما تقلقيش وانتي ي ست ندوش
ندي اممممم عايزه عايزه
معتز انجزي ي بت
ندي عايزه سلامتك ي اسطااا
معتز باستغراب اسطااا اتعلمتيها فين دي
كيان ضحكت وقالت اكيد مني يعني
ضحكو كلهم وامهم كانت فرحانه انو عيالها فرحنين
قعدو شويه وبعدين كل واحد راح ينام
كيان قعدت في البلكونه وحطت الهند فري وكانت بتسمع اغنيه لحماقي وسرحانه في كلماتها وافتكرت لما زعق اول مره وتاني مره كان اسلوبه مختلف فاقت من شرودها على صوت معتز وهو بيقول سرحانه في اي
كيان مش عارفه حاجات كتير
معتز زي
كيان مش عارفه
معتز كيان أنا كلمت دكتور ماهر وقال انو العمليه هاتكون بعد شهرين انتي جاهزه
كيان اتحددت خلاص
معتز اه
كيان تمام
معتز اوووك بقولك بقا
كيان انتبهت وقالت قول
معتز ايمان اخبارها ايه
كيان بغمزه حلوه
معتز مالك ي بت عينك بتوجعك
كيان ضحكت وقالت لا عادي بس بتسال على ايمان لي
معتز انتي هاتستهبلي مانتي عارفه اللي فيها
كيان عارفه بس انت هاتاخد الخطوه امتا
معتز لما تعملي العملية هاتكون الفرحه فرحتين
كيان مالكش دعوه بيا افرح دي حياتك
معتز لا دي حياتنا احنا الاتنين نفرح مع بعض ونزعل مع بعض ومش عايز اسمع الكلام ده تاني فاهمه
كيان خلاص ي كبير ولا تزعل تحب اكلمهالك
معتز لا أنا هاكلمها
كيان تمام ي معلم
وفضلو يتكلمو شويه وبعدين معتز راح اوضته وكيان نامت
امير روح هو واخته وطبعا چني فضلت ترغي طول الوقت
امير بت بطلي رغي حرام عليكي
چني حاضر
امير ضحك وقال طيب أنا طالع انام عايزين حاجه
سهير وچني سلمتك
طلع امير وفضل يفكر كتير فيها وبعد شويه وقت نام
وتشرق سمش يوم جديد في حيات ابطالنا
كيان بتصحي على قبله معتز
كيان هاتمشي
معتز اه بس مش هاطول المره دي هاخلاص واجي
كيان عيونها دمعت وقالت خلي بالك من نفسك علشان خطري
معتز أن شاء الله ما تقلقيش انتي
كيان حاضر
معتز في امان الله وحفظه
كيان في أمان الله ورعايته
ومعتز مشي
كيان عيطت شويه وبعدين هديت وقامت غيرت علشان تنزل تروح لاايمان
في مكان تاني
امير صحي وقرر انه يروح تاني علشان يشوفها بس مش عارف هايقول اي لما يشوفها غير ونزل
مامته كانت قاعده راح سلم عليها
سهير ابتسمت وقالت ربنا يوفقك
أمير استغرب بس ما علقش وقال ادعيلي
سهير بدعيلك ي قلبي
امير طيب عايزه حاجه
سهير سلامتك ي حبيبي
نزل امير ركب عربيته علشان يروح يشوف حوريته هكذا سماها
سهير بعد لما طلع قالت ربنا يسعد قلبك وأيامك كلها ي حبيبي ويوفقك
امير بعد شويه وقت وصل راح لقي ايمان قاعدة
قال صباح الخير
ايمان ابتسمت وقالت صباح الخير
امير لسا ما جتش
ايمان شويه وهاتوصل ولسا هاتكمل كلامها دخلت كيان وهي بتقول ايمي وحشاني ي قلبي
ايمان انتي اكتر
امير لف اتسحر من جمالها وقف وتنح كيان كانت لبسه درس كشميري يجنن وشعرها كان مفرود ومن غير
ميك اب كانت تجنن
ايمان راحت حضنتها ولاحظت ان امير واقف متنح خالص
شاورتله انه يسكت شويه
امير فهم وهز رأسه
ايمان اخدت كيان قعدتها وفضلو يتكلمو بس كيان كانت حسه بحاجه غريبه حاسه انو في حد بيراقبها
فضلت تحكي عن اليوم اللي قضته هي واخواتها
ده كله وامير واقف مستمتع بكل حرف بتقوله وفرحان اوووي
كيان ايمان انتي لي ما قولتليش انو في حد موجود معانا
امير اتصدم ازاي عرفت انو في حد موجود
كيان ما تتصدمش حضرتك ريحه البرفيوم بتاعتك مميزه
ايمان كيان أنا
كيان ما تبرريش ي ايمي
امير أنا اسف أنا اللي خلتها ما تقولكيش علشان ما تمشيش
كيان وحضرتك عايز اي
امير انسه ايمان ممكن تخلينا لوحدنا شويه
كيان ايمان هتفضل موجوده
ايمان معلش ي كوكي خدو راحتكم وقربت من ودنها وقالت لو حصل اي حاجه اندهيلي هاتلقيني موجوده جمبك
كيان ابتسمت وقالت ما تقلقيش صحبك شبح
امير ضحك على طريقتها في الكلام
ايمان طلعت
كيان بتضحك على اي
امير لا اله الا الله ي بنتي هو أنا اتنفست
كيان ضحكت وقالت اه ضحكت ولا لا
امير بصراحه ضحكت
كيان اووووك
امير تمام
كيان عايز اي بقا حضرتك
أمير أنا اسف على اللي حصل المره اللي فاتت بجد ما كنتش اعرف وجتلك تاني يوم وانتي ما جتيش وجيت امبارح وبردو ما جتيش
كيان بس جيت الدريم بارك
امير وعرفتي ازاي
كيان قلتلك ريحه البرفيوم بتاعتك
امير امممم طيب رحتها حلوه ولا لا
كيان يعني
امير نعم
كيان ضحكت وقالت حلوه عايز اي بقا
امير أنا اسف بجد على قله ذوقي وعارف اني ذودتها وكمان وكمان
كيان هو حضرتك علقت يعني ولا اي
امير اتعصب وقال بعصبية لا حضرتك بس مش عارف اقول ايه
كيان حست انها دايقته وقالت طيب ما تتعصبش
امير قال عادي مش فرقه
كيان لا ما تزعلش مني بالله عليك
امير قال ما تقلقيش مش زعلان
كيان طيب بما انك مسامحاني أنا كمان سامحتك
امير ابتسم وقال بجد
كيان جد الجد
امير مد ايده وقال طيب ممكن اسلم عليكي علشان نكون اصدقاء
كيان قالت اكيد ومدت أيدها وسلمو على بعض امير حس برعشة غريبه في اطرافه وكذلك كيان وقلبها دق جامد
كيان أنا كيان احمد
أمير أنا امير مهران
كيان باستغراب امير مهران
امير اه تعرفيني
كيان اوعي تقول انك الرزل صاحب شركات الاستيراد والتصدير
امير استغرب انها بتقول كده وحب يعرف هي قالت كده لي امير لا مش هو انتي تعرفيه
كيان ي عم ده واحد مغرور رحت قبل كده اقدم في شغل عنده قبل ما اكون كده يعني من غير ما يشوفني رفدني من ساعتها وأنا مش طايقاه ولا بطيق الاغنياء
امير استغرب معقول يكون عمل كده فعلا بس حب يكمل الكذبه علشان ما يخسرهاش وقال لا ي ستي مش أنا ممكن تشابه اسماء
كيان ممكن
امير خلاص بقينا صحاب
كيان تمام وقعدو وفضلو يتكلمو شويه وبعدين ايمان دخلت