رواية انا والجن الفصل السادس 6 والفصل السابع 7 بقلم ايه عادل عبر دليل الروايات
رواية انا والجن الفصل السادس
ريهام ومامتها هيموتو علي اميره ومش بايديهم اي شئ
الام : اه يا بنتي يااارب بنتي يارب اروح فين ومين يصدقني يارب انت عالم ان انا مؤمنه وموحده بيك ساعدنا يارب
ريهام : ايه يا ماما ازاي اللي حصل ده انا هموت علي اميره وازاي أصدق أن فيه جن ولا عفريت ممكن يخطف اختي احنا بنقرا قصص وبنشوف في الأفلام بس مستحيل ده يحصل مخي مش مستوعب ، طيب مين ممكن يساعدنا هنلجئ لشيخ ولا ايه مين ممكن يرجع اميره يارب ترجع يارب دلنا علي الطريق الصح
اميره في قصر في مكان مش معلوم كله مرايات وكل شئ في القصر لونه أحمر باهت القصر كئيب وكل اللي فيه مش بيتكلمو
يوسف: هاه ايه رأيك في القصر يا حبيبتي
اميره :باهت وكئيب وكل الموجودين يرعبو ،ابوس ايدك رجعني لأمي واختي انا مش عارفه اشمعني انا
يوسف: حبيتك انا مش بأيدي والحب مش مبدائي بس انتي اللي خلتيني احبك انا كنت بتمني اليوم اللي تبقي قدامي زي دلوقتي
اميره : وانا مقدرش احبك واتآقلم علي العيشه معاك انا مش بحبك
يوسف : انا عارف وهديكي فرصه تغيري رأيك فيا صدقيني لو عرفتيني هتحبيني
في اقل من ثانيه ظهر قدامهم واحده والغضب علي وشها باين جدا وقالت:
هي دي اللي مش عايزني عشانها هي دي اللي مخلياك مش عايز تقرب مني
يوسف : أيوه يا شيمونا هي دي وانا بحبها ومافيش اي قوه تقدر تمسها انتي فاهمه
شيمونا: فاهمه بس افتكر ان اللي جاي خراب بسبب الانسيه دي واعرف ان نهايتك قربت
يوسف : ههههههههه نهايتي قربت علي ايد مين ؟ ايدك مثلا
شيمونا : لا مش علي ايدي علي ايد ملكنا الاعظم لوسيفر ، انا نبهته علي وجود انسيه في حياتك يا زيخون وافتكر ان انت اللي بدأت
يوسف : خلاص يبقي مافيش حاجه تخليني اخاف مادام الملك عرف بوجود اميره انا احب اقولك واعرفك ان في اقرب معركه انا هموك يا شيمونا افتكري كلامي كويس ، هقتلك
اميره في ذهول من كل اللي بيحصل قالت حرااااام عليكم انا مش بحبه ياستي وخديه انتي أولي بيه انا جيت هنا غصب عني
شيمونا:افهم من كده انك مش بتحبي زيخون
اميره : ياستي مش بحب زيخون ولا حاجه سيبوني رجعوني لاهلي
يوسف في قمه غضبه زعق في وش اميره بصوت ضخم وعالي وقال اميراااااااااااااه اخرسي
اميره وقعت من طولها
يوسف : شيمونا اطلعي بره
شيمونا : هطلع بره بس افتكر انك هتخسر
يوسف : فوقي يا اميره قومي بقولك
اميره : انت ايه انا مش عايزاك
يوسف : انا خارج وهسيبك لوحدك ياريت تعقلي انا زعلي وحش واللي حصل ده لو اتكرر تاني هتتحبسي للابد وبدل مانتي في قصر هتترمي في زنزانه
خرج يوسف و اميره ابتدت تهدي شويه وقعدت تفكر تقول : يارب انا عارفه ان دي غلطتي وان كان لازم مابقاش طماعه بس انا في محنه يارب خليك جانبي
ظهرت شيمونا ل اميره وقالتلها : انتي عايزه تخرجي من هنا
اميره ساكته
شيمونا : ردي عليا والا همشي من هنا ومش هساعدك نهائي وهسيبك بقي زيخون يتجوزك وتحملي ويبقي ليكي اولاد من الجن وتموتي اثناء ولادك
اميره : انتي بتقولي ايه تقصدي أنه عايزني عشان يخلف مني وبعدها أموت
شيمونا : مش قبل ما اعرف انتي عايزه تمشي من هنا ولا لا وأي كلمه بينا لو زيخون عرفها هتبقي من اعدائي وساعتها هقتلك
اميره : لا ارجوكي انا عايزه اهرب ومش عايزه ارجع هنا تاني
شيمونا:يبقي تسمعي اللي هقولك عليه بالحرف......
انا والجن الفصل السابع
اميره فرحت من شيمونا أنها هتساعدها وقالت : انا معاكي مادمتي هترجعيني لحياتي الطبيعيه تاني
شيمونا : انا هجيبلك اختك هنا هتبقي هي همزه الوصل لرجوعك تاني عالمك
اميره : لا لو فيه خطر عليها بلاش انا ماليش غيرها هي وأمي
شيمونا : ماتقلقيش انا عارفه بعمل ايه كويس
اميره : طيب فهميني هتعملي ايه
شيمونا : من مصلحتك ماتعرفيش كل حاجه بس اللي اقدر اقولهولك انك تحاولي توهمي زيخون انك ابتديتي تتعودي علي وجودك هنا وانك ابتديتي تحبيه
اميره : حاضر
شيمونا انصرفت ويوسف دخل لقي اميره قاعده علي السرير وبتقوله ايه انت لسه زعلان مني
يوسف : لا مش زعلان انا مقدر كل اللي انتي فيه وبعدين انا بحبك
اميره : طيب انا جعانه ولا انتو مش بتاكلو وهتموتني من الجوع
يوسف : في ثانيه الأكل يكون قدامك
اميره لقت كل الأكل اللي ممكن تتخيله قدامها قعدت تاكل ويوسف بيتفرج عليها
اميره : ايه هتفصل تبصلي كتير انا مش هعرف أكل كده
يوسف : خلاص كلي براحتك
اميره : قالتله هو انت حبيتني ليه
يوسف : محدش بيحب عشان سبب معين هو الحب زي القضا ولو بأيدي مكنتش حبيتك خالص وكان زماني متجوز شيمونا هي دي اللي كانو عشيرتي مختارينهالي وهي انسب واحده ليا ومع ذلك انا اختارتك
اميره : طيب ماشي ، ممكن اعرف ممكن اعمل ايه غير اني محبوسه في الاوضه دي
يوسف : ممكن تتمشي في القصر هو مالوش حدود ومش ممكن تزهقي منه
اميره : انا تعبانه جدا ممكن انام ؟
يوسف : اتفضلي نامي وانا هنزل تحت لو عوزتيني قولي زيخون تلاقيني قدامك
اميره :ماشي ، تصبح علي خير
في غرفه ريهام ظهرت فيها شيمونا وقعدت تتفرج علي كل ركن فيها قبل ماتظهر لريهام اللي نايمه علي السرير بتبكي علي اختها وان هي قليله الحيله مش عارفه تعمل حاجه
شيمونا : ريهام . ريهااام
ريهام : انتي مين وعايزه ايه
شيمونا : انا شيمونا جنيه من عالم الجن وجايه عشان اعرفك ان اختك محتاجاكي
ريهام : اه عايزه تاخديني انا كمان بقي ولا ايه واختي فين وعايزين منها ايه
شيمونا : انا جايه اساعد اختك وارجعها تاني وانتي اللي هتساعدينا في ده
ريهام : وانتي ايه مصلحتك
شيمونا : انا قريبه زيخون اللي هو يوسف والمفروض أن ده هيبقى جوزي بأمر من اهلنا بس هو حب اختك اميره وللاسف انا كده اتكتب عليا ماتجوزش وافضل قاعده منتظره زيخون يحن عليا ويسيب اميره ويرجعلي ونتجوز وانا لما لقيت اميره كارهه زيخون قولت اساعدها اختك لو زيخون اتجوزها وحملت منه هتموت يوم الولاده لأن الطفل اللي هيجي هيبقى خارق نص انسان ونص جن يعني هيبقى خطر علي الإنس والجن كمان زيخون كده هيدمر العالم بغباءه
ريهام : طيب احنا هنعمل ايه دلوقتي
شيمونا انتي هتيجي معايا وانا هخلي جنيه هنا بنفس شكلك تقعد مع والدتك وتتعامل معاها زيك تمام وانا هستضيفك عندي في قصري علي اسااس انك هتبقي نفس شكل الجنيه اللي هتقعد مكانك يعني بختصار هنبدل في اشكالكم عشان مانتكشفش
ريهام : ماشي يلا بينا
ظهرت في الوقت ده خيزوعه اللي هتحل محل ريهام وقالت : تحت امرك يا مولاتي شيمونا
شيمونا : هتعملي اللي قولتلك عليه يلا
في لاحظه حصل تبديل الشكل وشيمونا وريهام راحو مملكه الجن
ريهام خايفه ومرعوبه من اللي حصلها وبيحصلها وياتري ايه تاني مستخبي وفعلا شيمونا عايزه تساعد ولا دي خدعه
شيمونا : ريهام انتي هتقعدي هنا معايا وفي اوضتي وهتستخبي لو اي حد جه واوعي تخافي او تتلغبطي
ريهام :حاضر بس انا عايزه اشوف اختي ممكن اشوفها دلوقتي
شيمونا : لا طبعا زيخون معاها دلوقتي لما يخرج من القصر هنروحلها
ريهام : انتي ليه بتعملي كل ده اكيد مش عشان اللي قولتيهولي وبس
شميونا : انا مش بحب و لا بساعد وكل اللي بعمله ده لمصلحتي بس لو في مصلحه لينا احنا الاتنين ليه لا ، ريهام انا لازم اخلص من زيخون زي ماذلني وكرهني وخلاني اقل من اي جنيه انا لازم اقتله
ريهام : افهم من كده ان انتي مش هتأذيني ولا انا ولا اميره
شيمونا : انا لو عايزه اقتلك كنت قتلتلك ولو عايزه اقتل اميره كنت قتلتها بس موتكم مالوش اي لازمه اللي ليه لازمه فعلا هو موت زيخون
الجزء الثامن
اميره : صباح الخير يا يوسف
يوسف : ازيك
اميره : كويسه ، انت رايح فين
يوسف : في اجتماع عائلي لازم احضره واعملي حسابك بعد الاجتماع فيه حفله فيها كل مملكه الجن ولازم تبقي موجوده
اميره : انت ايه اللي بتقوله ده انا ايه اللي يوديني انا بخاف من خيالي تقوم موديني حفله كلها جن ، لا روح انت
يوسف : مش بمزاجك وبعدين بصي حواليكي كل اللي حوالينا جن وانتي معايا محدش هيقربلك يلا سلام وحضري نفسك الدولاب ده فيه كل اللي ممكن تحتاجيه من لبس وعطور
اميره قاعده بتتفرج علي الدولاب وبتستكشف كل اللي فيه ظهرلها فجأه شيمونا ومعاها اختها بس اختها وهي بشكل خيزوعه اميره اتفزعت من شكلها وقالت مين دي ياشيمونا انتو عايزين
ريهام : في ايه ماتخافيش انا ريهام
اميره : ريهام ايه انتي مش ريهام اختي مش شكلها كده
شيمونا شرحتلها كل حاجه و اميره عيطت في حضن اختها وقالتلها وحشتيني اوي وماما كمان وحشتني
ريهام : ماتعيطيش يا اميره هترجعي ومش هنبعد عن بعض ابدا
شيمونا : يا جماعه مش وقته فيه النهارده حفله لكل مملكه الجن ولازم كلنا نروح اميره هتبقي مع زيخون وانا وريهام هنبقي زي اي حد مدعو للحفله وهناك هنبدا خطتنا انا هفضح زيخون في الحفله وهوقع بين زيخون والملك لوسيفر وريهام في عز المعركه هتاخد اميره وتجري توصل للممر اللي هشاورلكم عليه وهتلاقو واحد مستنيكم هو ده اللي هيرجعكم تاني لبوابه عالم الإنس، اتفقنا
اميره وريهام: اتفقنا
يلا يا ريهام نجهز للحفله وللخطه
زيخون في اجتماع العشيره
الام : انت فاكر ان الانسانه اللي انت مدخلها عالمنا دي هي الاي هتخليك تدمر عالم الإنس
زيخون : اكيد طبعا يا امي هي اللي هتخلف أشر مخلوق علي وجه الكون كله وساعتها ابني هيبقى الملك ومحدش هيقدر يقف قصاده
الأب : بالشكل ده انت هتدمرنا احنا كمان يا زيخون انت عارف حاجه زي دي الملك لوسيفر عرف هيعمل فينا ايه هتبقي حرب في الممالك السبعه انت كده بتعادي كل الممالك لأنك هتقضي علي ملوكهم وهتضم السبع ممالك ليك مستحيل يقبلو بده ابدا
زيخون : هيبقي قدامهم حل واحد بس هو الخضوع لكل اوامري او انهم يعادوني وساعتها هما الخسرانين
الام : وشيمونا مفكرتش انك حكمت عليها بعدم الزواج وده في حد ذاته اهانه ليها
زيخون : انا مايهمنيش انا كل اللي بفكر فيه اني أحكم الممالك السابعه وكل الكوون هيبقي في خدمتي ولو شيمونا هتبقي ليا مصدر ازعاج هقتلها
في الحفله
اميره : ايه كل الجن ده شكلهم يرعب
يوسف : اضحكي وماتبينيش انك مضايقه
اميره : ومين اللي قاعد علي الكرسي الضخم ده
يوسف : ده الملك لوسيفر اقوي جني في العالم كله وهو المسؤول عن المملكه بتاعتنا
اميره : هو احنا هنقعد لوحيدينا ولا في حد هيقعد معانا
يوسف : كل عشيرتي موجوده هنا بس للاسف محدش راضي عن وجودك ولا عن تصرفاتي
اميره : طيب
دخلت شيمونا وهي بتقول اهلا بيكم كلكم احب اعرفكم علي اميره الانسيه اميره
قاطعها لوسيفر وقال : الظاهر انك مش شايفه الملك قاعد
شيمونا : اسفه جدا لفخامتك بس احب اعرفك علي الانسيه اميره اللي زيخون جايبها وسط عالم الجن
زيخون قرب من شيمونا وقال بعد اذنك اسمحلي بالكلام يا فخامه الملك
لوسيفر : اتفضل اتكلم
زيخون : اميره هتبقي موجوده في القصر زيها زي اي تحفه جميله موجوده
شيمونا : لا انت عايز اميره عشان تتجوزها وتخلف منها طفل خارق يهد كل الممالك السبعه واحب اقوله ان ملوك باقي الممالك عرفو بالخبر وفي طريقهم للمملكه للتفاوض مع فخامتك يا سيدي
لوسيفر : ليه عملتي كده ليه توصلي الامور للحرب انتي هتعملي حرب اهليه وهيبقي سببها غباءك لولا انك بنت مستشار المملكه انا كنت نفيتك للابد انتي والغبي زيخون
اميره وريهام بيجرو وبيهربو لاخر الممر بتعليمات من شيمونا ....
شيمونا : وايه يعني لما تنفيني انا جاهزه ومستعده بس مش قبل مااقول كلمه قدام كل اهل المملكه ، زيخون انت ظلمتني ولما واجهتك قولتلي في اقرب معركه هتموتني احب اقولك موتني
زيخون : انتي فعلا لازم تموتي
لوسيفر : سكوووووت ، زيخون شيمونا حكمت عليكم بالسجن الابدي في القصر ومش هتطلعو منه وانتو الاتنين مش هتتشكلو تاني في هيئه بشر ، خدوهم
والكلام لكل اهل المملكه كل من يعتدي علي أنسان او يحاول يدخله عالم الجن هيتنفي للابد ، فين الانسيه يا زيخون
زيخون : مش عارف . اميره اميره انتي فين اميرااااااااااااا
شيمونا : ماتقلقش انا رجعتها لعالم الإنس
لوسيفر : احسنتي يا شيمونا
اميره وريهام بيجرو لحد ما وصلو لاخر الممر وشافو اللي هيرجعهم لعالم الإنس .
يتبع.. الفصل الأخير اضغط هنا