رواية انا والجن بقلم ايه عادل كاملة جميع الفصول عبر دليل الروايات
رواية انا والجن الفصل الأول
انا اسمي اميره بحب الحياه اوي وبحب نفسي ومش مهم عندي اي حد غيري انا مكنتش بزعل لما حد بيقول عني انانيه بالعكس انا كنت شايفه اني راحتي أولا وده مش عيب هحكيلكم قصتي اللي محدش ممكن يصدقها أبدا يلا بينا :
الام : يا بنتي يلا اصحي بقي الساعه داخله علي 2الضهر قومي ساعديني بدل الكسل اللي انتي فيه ده
اميره : يوووه هو احنا مش هنخلص من الهم ده هو انا اتخرجت عشان تخلوني اكنس وأمسح ماعندك بنتك ريهام خليها تعمل
الام : خلي عندك دم اختك في ثانويه عامه ولازم تذاكر زي مانتي خدتي فرصتك هي كمان لازم تاخد فرصتها بطلي الانانيه اللي فيكي دي ياستار يارب مش عايزه منك حاجه ربنا مايحوجني ليكي
اميره في سرها : الاسطوانه بتاعت كل يوم يلا المهم انها خرجت اما افتح الفيس شويه
فتحت الفيس وبتقلب ..
اميره : ايه الحلاوة دي مين الواد القمر اللي باعتلي طلب صداقه ده انا معرفوش بس هقبل الطلب ده شكله ابن ناس اوي وايه الصور الحلوه دي ، بس مال عينه عامله كده ليه لونها عجيب
قاطعها صوت رسايل الماسنجر ..
بتقول:هاي اميره عامله ايه انا يوسف وبيقولولي جوزيف ممكن نتعرف انا شوفتك كتير اوي قبل كده بس انتي ماتعرفينيش
سرحت اميره وقالت ايه ده يعرفني منين ده وفجأه قاطعها صوت دبه البيت الجامده خليتها تصوت ........
ياتري ايه اللي خضها هنعرف في الحلقه الجايه من انا والجن
رواية انا والجن الفصل الثاني
اميره سمعت الباب بيترزع اتخضت وصوتت لقيت ريهام اختها بتزعق وبتقول...
ريهام : ياختي بتخافي اوي انتي ماعندكيش دم يا بنتي سايبه امك بتعمل الأكل وبتنضف البيت وانتي قاعده ماسكه الزفت ده في ايدك ماتقومي تساعديها
اميره : والله ياريهام هموتك في ايدي لو خضتيني كده تاني احترمي نفسك وانتي بتكلميني انا اختك الكبيره
ريهام : ههههههههه كبيره ياشيخه أجري كده روحي عملتي ايه ياكبيره يخليني احترمك طول عمرك انانيه ومش بتحسي بحد يا اميره
اميره : لتاني مره بقولك احترمي نفسك بدل ما اجيبك من شعرك وبعدين مادمتي محموقه كده قومي انتي نضفي
ريهام : انا مش هستناكي تقولي ياختي انا فعلا جيت من بره عملت كل طلبات ماما بس خلي بالك من حاجه انا في ثانويه عامه يا اميره ولو سقطت ولا جيبت مجموع قليل هتبقي انتي السبب
اميره : هتجيبها فيا يافاشله أجري شوفي انتي بتعملي ايه
دخلت الام علي صوت الاختين قائله
الام:بس الله يخربيت النضافه علي العمايل علي دماغكم قرفتوني شوفو حالكم ووطو صوتكم الجيران سمعت صوتكم يا محترمين
اميره : شوفي بنتك الجميله الشاطره بتعلي صوتها عليا وبتقولي اني فاشله وانانيه ومش بعمل حاجه في البيت ودخلت عليا الاوضه وخضيتني برزعها للباب انا بقول ايه ولمين صحيح ماهي دي الدلوعه اللي علي الحجر
الام : بقي ريهام هي الدلوعه اللي علي الحجر ماشي يا اميره
خرجت الام وريهام من الغرفه ، واميره قفلت الباب بالمفتاح ولبست قميص نوم شفاف كعادتها وقعدت ترقص ونسيت خالص أنها ترد علي الرساله ، لقت صوت رساله تانيه قالت يوووه انا نسيت ارد علي الرساله صحيح لقت يوسف باعتلها بيقول : عيب لما أكون ببعتلك وأنتي سايباني كده وعماله ترقصي
اميره اتفزعت وردت بمنتهي الغضب : انت تعرفني منين ولا بتشوفني ازاي انت مين اصلا انا ماعرفكش انا قبلت الصداقه لأن البروفايل بتاعك عجبني مش اكتر
يوسف: اهدي بس انا بخمن قولت اقول اي حاجه عشان استفزك وتردي
اميره :اها تمام ، عايز ايه بقي يا عم يوسف
يوسف :انا معجب بيكي وبشخصيتك انا اعرفك كنت معاكي في الجامعه بس انتي ماتعرفينيش كنت بشوفك من بعيد لبعيد
اميره : ياسلااام طيب يامعجب برضو عايز ايه
يوسف :نتقابل ، ممكن ؟؟
اميره :انت جرئ كده ازاي هو انا اعرفك
يوسف: ياستي اعرفك انا يوسف عندي 29سنه والدي ووالدتي سايبينلي ورث كبير اوي بصرف منه ماليش قرايب تقدري تقولي مقطوع من شجره
اميره الطمع خلاها تتشد ليه اكتر وابتدت تتكلم بجديه وإعجاب طبعا بفلوسه وقالت : تصدق انت صعبت عليا يعني انت ماعندكش حد ممكن يقعد معاك او يونسك طيب مالكش صحاب
يوسف:لا ماليش ومش بحب يكون ليا هاه نتقابل
اميره :ماشي موافقه ، فين ؟؟
استنيني عند كوبري قصر النيل وانا هجيلك ...
انا والجن الفصل الثالث
اميره فضلت مستنيه يوسف وهي بتفكر ياتري شكله ايه في الطبيعه وعايز مني ايه
قاطعها صوت يوسف اللي ظهر من عدم وقال
يوسف :اتأخرت عليكي انا اسف
اميره : لا خالص انت جيت في ميعادك بالظبط ،بس قولي انت ظهرت منين ولا جيت ازاي
يوسف : اما جيت من قدامك بس تلاقيكي ماخدتيش بالك يلا بينا نقعد في اي حته
راحو قعدو في كازينو علي النيل ...
يوسف : بصي بقي من غير لف ولا دوران انا عايز اتجوزك
اميره قالت وهي مصدومه ازاااي يعني انت ماتعرفنيش اصلا
يوسف : وانتي يهمك في ايه انا هعملك كل اللي انتي عايزاه فيلا وعربيه ودهب وفلوس هلف بيكي العالم جربي مش هتخسري وبعدين اعتبريني عريس صالونات ياستي
اميره : ممكن تديني فرصه افكر
يوسف : لا وهاجي اتقدملك بكره ويلا عشان اروحك
اميره طول الطريق مش مصدقه اللي هي فيه واحد بعتلها علي الفيس طلب صداقه امبارح عايز يتقدملها علي طول كده بس كل اللي هيقدمه ليها مش قليل
يوسف قاطع تفكيرها وقال : يلا يا حبيبتي اتفضلي
اميره : لا معلش انت عرفت البيت ازاي بقي انا مانطقتش طول الطريق يبقي ازاي
يوسف : قولتلك براقبك وعارفك وعارف اختك انتي بس اللي مش واخده بالك مني تصبحي علي خير وماتنسيش بكره
نزلت اميره وهي مش عارفه فيه ايه بيحصل معاها ومين ده ، طلعت اميره وفتحت الباب لقت مامتها قالتلها : كنتي فين ومين اللي موصلك للدرجادي انتي قليله أدب
قاطعتها اميره وقالت : ياستي ده عريس وجاي يقابلك بكره
ريهام : عريس ههههههههههه الله يكون في عونه هيشوف أصعب ايام حياته
اميره : العريس اللي بتتريقي عليه ده معاه عربيه أحدث موديل وعنده فيلا وفلوس في البنك وهيعيشني احسن عيشه
ريهام : وده عرفتيه منين
اميره بتوتر: كان معايا في الجامعه وبعدين المهم دلوقتي انه جاي بكره يتفق مع ماما علي كل حاجه
الام : ماشي يا بنتي انا اتمنالك كل خير
تاني يوم
تليفون اميره بيرن
اميره : ألو مين معايا
يوسف : انا يوسف يا حبيبتي عامله ايه
اميره : أيوه يا يوسف انت جيبت رقمي منين
يوسف : من ناس زمايلانا زمان من الجامعه
اميره : طيب ، هتيجي امتي
يوسف: هاجي علي الساعه 7بالليل
اميره : طيب ماشي مستنياك
يوسف : ماشي يا حبيبتي يلا باي
انا والجن الفصل الرابع
جه يوسف في الميعاد بالظبط واستقبلته الام
الأم : اهلا وسهلا اتفضل شرفتنا
يوسف: شكرا يا طنط
الام :اميره قالتلي انك عايز تخطبها عرفني عن نفسك
يوسف :انا يوسف رجل أعمال والدي سابلي فلوس اصرف منها واعمل مشاريع وماديا انا مرتاح ومش هخلي اميره تحتاج اي شئ صدقيني
الام :ماشي يا بني علي الله التساهيل
أول مايوسف سمع كلمه علي الله التساهيل قعد يكح ووشه اتغير
الام افتكرته تعبان ولا حاجه جابتله مياه علي بال ماراحت وجت كان يوسف استجمع نفسه ورجع عادي
الام:انت كويس يابني
يوسف:اه انا تمام ياريت اعرف رد حضرتك
الام :انا كل اللي يهمني سعاده وراحه بنتي وما دامت هي موافقه يبقي تمام انا موافقه
يوسف:تمام يبقي اتفقنا
الام :يلا نقرأ الفاتحه
يوسف قعد قال بنبره كلها غضب لااااااااااا اوعي اوعي تعملي كده
الام اترعبت وقالتله هو انت مش مسلم انا بقولك نقرأ الفاتحة
يوسف: لا انا مش هقرا الفاتحة
خرجت اميره علي صوت يوسف والأم وقالت فيه ايه ،ايه اللي حصل
الام : الإنسان ده مش طبيعي يا اميره مش عايز يقرا الفاتحة
اميره : ثواني بس انت وشك عمل كده ليه انت فيك ايه
يوسف : الأمور كلها بقت علي المكشوف وباين من عينيكم انكم فهمتو انا ابقي ايه
الام : اعوذ بكلمات الله التامات من شر ما خلق
يوسف :كلمه ذياده وهحرقك
اميره ماستحملتش واغمي عليها لما لقت يوسف بيتحول لشئ شكله بشع لونه اتغير وبقي أحمر باهت وجسمه شبه محروق بس لسه انت عينه ملونه بس شكلها يرعب
فجأه اختفي
الام قعدت تفوق بنتها وتقولها قومي يا اميره خلاص مشي قومي يا بنتي واحكيلي عرفتي الشيطان ده منين
فاقت اميره بعد شويه وحكت لمامتها كل اللي حصل
الام : انتي اللي فتحتي باب مش هيتقفل أبدا يا بنتي ليه كده تقابلي واحد ماتعرفيهوش ليه
فتحت ريهام باب الشقه ولقت اختها بتترعش والأم حزينه
قالت : مالكم فيه ايه انتو كنتم كويسين وفين العريس وايه اللي حصل
الام : مافيش حاجه يلا شوفي وراكي ايه وأنتي يا اميره تعالي اسندي عليا انيمك في اوضتك
نامت اميره في اوضتها وفي عز ماهي مرهقه ومرعوبه لقت الهوا فتح شباكها وكسر الزجاج وظهرلها...
انا والجن الفصل الخامس
اميره فتحت عينها بالعافيه من الإرهاق ولقت يوسف بس بشكله كإنسان
اميره : انت عايز مني ايه حرام عليك انا معملتش حاجه
يوسف :ماتخافيش انا مش هأذيكي طول مانتي مش بتأذيني
اميره:طيب انصرف بقي وأبعد عني
يوسف : مش قبل ما اعرفك علي نفسي ،انا بن الزيخون انا كنت ملازمك في بيتك في نومك في خروجك وحبيتك حبيتك اوي وكان لازم احط حد لحبي ليكي واتجوزك
اميره :تتجوز مين انت مجنون انا مش منك ومستحيل اوافق
يوسف :مش بمزاجك انتي دلوقتي مسيره مش مخيره خالص ،ولو فكرتي تحرقيني هحرقك انتي وأمك واختك اسمعي الكلام من غير مناقشه انتي تحضري نفسك بكره هاخدك انا قولتلك عشان ماتتخضيش واديكي فرصه تودعي امك واختك عشان مش هيشوفوكي تاني انتي ممكن تشوفيهم انما هما لا
اميره انهارت من البكاء وقالت :لا ارجوك لا انا مش هينفع اجي معاك
يوسف : انتي خايفه ليه انا هحميكي من كل شئ وكل اللي بتتمنيه هتلاقيه فلوس ودهب وكل حاجه انتي لما تيجي معايا هتقولي ياريتني جيت معاك من زمان ، هسيبك دلوقتي مع السلامه يامراتي يا حبيبتي
اميره قعدت تعيط ومش عارفه تتصرف ازاي خايفه تقول لمامتها ممكن يحرقهم فعلا فضلت اميره السكوت وفضلت في حاله صعبه جدا ومش بتتكلم وعينها رايحه جايه بخوف
تاني يوم اميره في الصاله خايفه تقعد لوحدها قاعده مع مامتها وريهام
ريهام : غريبه يعني قاعده معانا مش عوايدك
اميره :يمكن وحشتوني قولت اقعد معاكم تصدقي انتي كبرتي ياريهام
ريهام :ههههههههه انتي كنتي عميا وفتحتي ولا ايه
اميره :تقدري تقولي كده ،اوعي تزعلي مني انا اسفه لو في يوم جيت عليكي أو زعلتك انا والله بحبك انتي اختي الوحيده خدي بالك من نفسك ومش دراستك وافتكري دايما اني بحبك واني ماليش غيرك انتي وماما
ريهام : مالك يا اميره انتي ايه اللي مضايقك اوعي يكون موضوع العريس بتاع امبارح ده هو اللي مضايقك ماما قالتلي انها رفضته عشان كده انتي مضايقه
اميره :لا يا حبيبتي مش مضايقه
الام : الله عليكم لما بتبقو رايقين وراضيين علي بعض
اميره :والله يا ماما انا بحبكم اوي اوعو تزعلو مني انا اسفه علي كل مره ضايقتكم فيها
حضنت اميره اختها ومامتها بشده وقالت ربنا يحميكم ويحفظكم من كل شر
الام : يارب يا حبيبتي
قعدو هما التلاته في الصاله ، اميره لمحت يوسف في الشقه راحت مبرقه وبصتله بصه كلها خوف ،
سمعت صوت بيهمس في ودنها بيقول جه الوقت
فجأه بدون مقدمات النور قطع في ثانيه وجه و اميره اختفت الام وريهام قعدو يندهو ويصوتو يا اميره يا اميره ودخلو في انهيار ونزلو يدورو عليها بس للاسف مالقوهاش الام راحت القسم تعمل محضر باللي حصل ومحدش صدقها .....
