رواية أنين الفهد كاملة من الفصل الأول للأخير بقلم دنيا صابر

رواية أنين الفهد كاملة جميع الفصول بقلم الكاتبة دنيا صابر عبر دليل الروايات

رواية أنين الفهد الفصل الأول

اسمي أنين ف تالته ثانوي مدرستي للبنات بس انا اصلا تقريبا كدا كل مراحل التعليم بتاعتي كانت للبنات بس مش مختلطه , بيت مصري اصيل ملتزم بالعادات و التقاليد بابا متشدد شويه و امي زي اي ام مصريه عاديه جداا طيبه و مطيعه جداااا ع طول بتسمع كلام بابا ف اي مناقشه او ختي جدال بتدخل فيه مع بابا مش بتقول غير كلمه حاضر ف محدش يستغرب لما تلاقوني بشخصيتي دي مهزوزه و ضعيفهو متوتره و مستسلمه للامر الواقع 

النهارده اول يوم ليا ف الكليه برقت اول ما شوفت كميه الولاد التير دي و البنات قاعده عادي مع الولاد (اي دا كانوا فين كل الولاد دي) 

المنظر دا خلاني ابقي افضل ان ابقي لوحدي و مكونش صداقات خوفا من الاختلاط و ان انا دايما مش متعوده ع التجمعات و الصحاب و كدا لحد ما صاحبت ,مني 

مع ان مني صاحبتي كانت عكسي تماما واثقه من نفسها و متحرره ف لبسها و بتكلم اولاد عادي جدا و مع ذلك : بقت صاحبتي الانتيم مع بعض دايما و بقول لها كل حاجه و بقيت بقلدها ف اي حاجه بتعملها كانت هي قدوتي ف بقلدها ف لبسها بس مش بلبس زيها اوي بحكم بيتنا المتشدد و بقيت بكذب ع ماما و بابا و اقول ان عندي محاضره و اخرج معاها نروح مول او مطعم او حتي سينما و انا كنت بلاقي ف تصرفاتي و كذبي الكتير دا اني باخد حريتي و بعيش سني زي اي بنت ف يني بتعمل كدا و اكتر اشمعنا انا و ليه لا لو كذبت كام كذبه مش جريمه يعني, 

مني : انا زهقت من المحاضره اللي مش عايزه تخلص دي و الدكتور الرخم دا انا اصلا مش فاهمه هو بيتكلم عن اي ما تيجي نخلع 

أنين : ايوا و لو خلعنا هنروح فين يعني 

مني: مممم مش عارفه اي رايك تيجي عندي البيت اهو نغير جو و نغير روتين الوفسح و الخروج دا 

انين: لا يا بنتي هتكسف من اهلك 

مني: بطلي هبل دا دا اهلي طيبين خاالص و هيفرحوا بيكي و كمان احنا هنبقي ف اوضتي يعني براحتنا 

أنين : اوك 

لما وصنا بيتها كان مختلف جدا عن بيتنا بيت من بيوت الطبقه الراقيه مامتها و باباها شوفت نوع تاني مختلف من الاباء و الامهات هو ف كدا !!

دخلنا اوضيتها و اوضه ف منتهي الجمال اوضه اي بنت تحلم بيها و قعدنا نتكلم و ف وسط الكلام 

مني : ما تفكي كدا يا بنتي بدل التنشانا دي 

أنين : افك ازاي يعني ما انا فكه اهو 

مني : لا اقصد خدي راحتك و اقلعي الطرحه دي الجو حار انتي اي مش حرانه 

أنين : لا لا اقلع اي انا كويسه كدا 

مني : يا بنتي عادي الجو حار و ماما و بابا مشوا اهو و اخويا مستحيل يفكر يدخل عليا الاوضه الا لما يستأذن 

أنين : اخوكي هو مش انتي قولتي ان اخوكي مش بيرجع من الشغل الا بليل 

مني : اه بس انا اتفاجاءت ماما بتقول تعب و جي بدري النهارده 

أنين : دا انتي بتستهبلي و بتقولي كدا بكل بساطه و عايزاني اقلع الطرحه لا طبعا انا كدا كويسه 

مني : انتي حره بلا وجع دماغ انا مالي تبقي حرانه و لا بردانه خيرا تعمل شرا تلاقي المهم تشربي اي 

أنين : اي حاجه 

خرجت مني تعمل حاجه نشربها و انا عماله اتفرج ع فيلم كانت مشغلاه ع اللاب 

_ انتي جيتي ياااا مني مش تسالي ع اخوكي التعبان دي اخريت.... 

بصيت بخضه للي واقف عند باب الاوضه بعد ما سكت اظن كدا اتفاجئ لما شافني 

مني اتكلمت من وراه 

مني: سلامتك يا ادم ماما قالت انك تعبان مالك 

أدم بعد ما بص بصه طويله لأنين غير اتجاه نظره و بص لمني : ابدا تعبت فجاءه ممكن من ضغط الشغل و استاذنت و جيت اريح شويه 

مني : معلشي يا أنين مكنش يعرف انك موجوده ,, ادم دي أنين الانتيم بتاعي أنين دا ادم اخوياا اللي ع طول بحكيلك عنه 

ادم بابتسامه : اهلا يا انسه أنين و بص ل مني و قال بطريقه غزل تعالي هنا يا بت انتي مقولتليش يعني ان عندك صاحبات حلوين اوي كدا 

انين اتلخبطت و اتكسفت جااامد اول مره حد يعاكسها او يغازلها بطريقه مباشره و صريحه كدا 

مني: اي يا بنتي انتي مكسوفه كدا ليه دا ادم زي اخوكي يعني 

ابتسمت أنين ابتسامه صغيره متردده 

أدم لقي الوضع متوتر و شاف ان أنين مكسوفه انسحب بهدوء و خرج من الاوضه 

و انا قاعده مكسوفه و متلخبطه و متوتره هو فعلا انا حلوه و لا بيجامل 

شويه و الباب خبط و اتفتح بعد ما مني فتحت الباب 

مني: خير يا عم أدم 

ادم و هو بيبص ع انين : مالك بس يا مني قفشه ليه كدا انا جاي اسال الجميل يشرب حاجه 

مني بنرفزه : لا الجميل شرب خلاص يلا يا بابا ورينا جمال خطوتك 

انين بكسوف و ارتباك : طب استأذن انا 

مني : لا لسه بدري اقعدي و بطلي رخامه 

أنين : معلشي يا مني اتاخرت و لازم امشي 

مني : معلشي يا ادم هتعبك بس بليز وصل انين عشان هي اول مره تيجي هنا 

أدم بابتسامه :عادي مفيش مشاكل اتفضلي يا انسه 

أنين بارتباك و خوف و احراج : لا لا مش لازم اانا همشي لوحدي حضرتك تعبان اتفضل انت و انا هتصرف 

ادم بحزم و نظره ناريه : مينفعش اللي حضرتك بتقوليه دا اتفضلي معايا مينفعش يبقي ف راجل ف البيت و اسيبك تروحي لوحدك يلاا 

و خرج ادم و ورد خارجه وراءه زي ما يكون مغناطيس بيشدها مندهشه بشاهمته 

طول ما هو بيوصلها بعربيته و هو عمال يفتح معاها مواضيع و ف الاخر قال 

أدم : أنين اي رايك نبقي صحاب 

ورد : ازاي 

أدم و هو بيديها فونه ف ايدها : سجلي رقمك هنا و كدا هنبقي صحاب شوفتي سهله و بسيطه ازاي 

ورد ضحكت و سجلت الرقم كانها مسحوره 

.......فضلوا اسبوع يكلمها و يدردشوا و يتعرفوا ع بعض و يفضلوا بالساعات و بعدها انقطعت اتصالاته لمده اسبوعين 

تاني يوم راحت الجامعه و ف وسط دردشتها هي و مني سالتها ع اخبار ادم هي اصلا متعرفش هي ليه سالتها او هي ليه قلقانه عليه اوي كدا او ليه خايفه يكون كان بيلعب بيها او وخدها تسليه و بعدين زهق و بعد مع كل الدوشه اللي ف دماغها الا انها سالت عليه خايفه يكون حصل ليه حاجه 

انين : هو ادم تمام يا مني 

مني : هو انا مكنتش حكيت ليكي دا كان جاي من الشغل و عمل حادثه و رجله اتكسرت و قاعد ف البيت بقاله اسبوعين و فونه اتكسر و العربيه و كان يوم 

انين بخوف و قلق : اي انتي بتقولي اي ازاااي دا حصل 

مني بخبث : اي يا جميل قلقت اوي كدا ليه دا مجرد كسر 

انين بربكه و بتداري خوفها : اااا لا مش حكايه قلق بس بطمن بس 

مني :ايوا انا عارفه المهم سيبك من ادم مقولتلكيش ع مها بنت خالتي البت الزقه دي لما جيت عشان تزور ادم و وعماله تتمايص و سلامتك يا ادم الف سلامه عليك دا انا زعلت اوي و كنت خايفه عليك موووت و كلام ملزق البت دي مببلعهاش رخمممممه انا مش عارفه ادم بيستحملها ازاي و اي دي رسم ع خطوبه و جواز بس ع مين دا بعدها قال تتجوز اخويا قال هي ناقصه تلزيق 

انين و جوها بركان غيره و حزن من اللي سمعته هي اصلا مش فاهمه نفسها هي غيرانه ليه اساسا هما مجرد صحاب وبس ايوا صحاب و بس مش المفروض تغير… كل دا انين بتحاول تقنع بيه نفسها 

مني : أنيييين انتي يا بنتي روحتي فين 

انين : معاكي اهو بس سرحت شويه 

مني : طيب كنت بقول لك تيجي نخلع مليش مزاج للدكتور الرخم اللي جاي و نروح عندنا البيت اهو نغير جوا و نرتاح و بالمره تتطمني بنفسك ع ادم 

انين بتردد : ااا ااصل لاااا ملوش لازمه 

مني : انتي لسه هتعترضي يلا يلا 

ف الصاله ف بيت ادم و مني بعد ما مني و انين روحوا 

مني : وبس يا سيدي احنا زهقنا قولنا نخلع من المحاضره و نتطمن عليك 

ادم و هو مركز عينه ع أنين جامد و مش واخد باله اسلا باللي مني بتقوله : اه فيكي الخير روحي بقا هاتيلي ميه 

مني : طيب 

انين بكسوف من نظراته :الف سلامه عليك 

ادم : الله يسلمك يا انين 

وسكووووت 

وفجاااءه 

ادم و هو باصص ع انين : وحشتيني  

أنين الفهد الفصل الثاني

وتين بكسوف و صدمه رفعت عينها : انا همشي 

ادم : انين استني متمشيش انتي بجد وحشتيني الفتره اللي فاتت دي و كمان كنت هتجنن عشان طول المده دي مسمعتش صوتك و كنت عايز اطمن عليكي و اشوف مين بيدايقك خلاص متهربيش هو مش احنا صحاب وحشتيني ك صاحبتي 

انين وهي مش عارفه ترد تقول اي قاطع سكوتها 

دخول خالت ادم و  مها بنت خالت ادم و هي دخله الصالون بتتمرقع 😂

شويه و دار بينهم حوار ك الاتي 

ام مها : سلامتك يا حبيبي و شد حيلك كدا و ان شاء لله نفرح بيك قريب 

ادم بثبات : لسه بدري يا طنط عايز اكون نفسي اول و اعمل بيت ضغير ع قدي كدا 

ام مها : متقلقش دا انت الف واحده تتمناك 

مها بدلع اوفر : ازيك يا ادم عامل اي الوقتي 

ادم و هو بيبص عليها بنظرات متفحصه : الله يسلمك يا مها انا تمام و زي الفل 

كل دا و انين بتبص عليهم و متابعه الحوار و بتكلم نفسها ( الست باين عليها عايزه تجوزه بنتها و كمان تاخده بشنطه هدومه و البت كمان باين عليها بتحبه عينيها منزلتش من عليه و كمان زي القمر …جتنا نيله ف حظنا ……لا لا يا انين انتي برضوا حلوه متتهزيش و خليكي واثقه ف نفسك اي نعم البت عسل و حلوه اوي و بسكوته ف نفسها و دلوعه و باين عليهم اغنيه و ناعمه بزياده …بس انا برضوا ……انا برضوا اي بلا نيله …)

لما حست وتين ان ف بركان بيغلي ف قلبها وقفت مره واحده و كلمت مني بصوت واطي : مني انا همشي انا بقا 

و انين مشت بسرعه مستنيتش ردها كانت كمدايقه اوي من نفسها و من قلبها اللي دقاته بتوجعها و من الغيره اللي ظهرت فجاءه دي  مشت و هي مدايقه من المقارنه اللي حطت نفسها فيها هي و مها و الكفه اللي ربحت اكيد مها و هي و مش هتكسبه مش لازم تتعلق بيه هي و هو مينفعش انين انتي و ادم صحاب صحاب و بس

بعد يومين و ادم بيرن ع انين و انين مش بترد 

مني و انين خرجين من الكليه و لقوا 

مني : اي دا مش دي عربيه ادم اي اللي جايبه هنا دا تعالي نشوف ف اي 

انين بتوتر و انسحاب : لا لا روحي انت و انا همشي 

مني و هي بتشد انين من ايدها : اي يا بنتي تعالي بطلي التنشانه اللي انتي فيها دي 

مني و هي بتبص من شباك العربيه : ادم اي اللي جابك 

ادم و هو بيبص ع انين اللي واقفه وراء مني : اصلك وحشتيني و مش بتردي عليا قولت اجي اشوف مالك 

مني و هي مش فاهمه حاجه و بتبص ع فونها  :بترن فين يا ابني مظهرليش ولا رنه منك 

ادم و هو بيضيع الحوار :طب يلا اركبي اوصلك انتي وصاحبتك 

مني و هي بتشد انين تركبها : تكسب ثواب والله بدل مرمطه التكاسي يلا يا بنتي اركبي متخشبه كدا ليه 

ادم و هو بيعدل المرايه عشان يقدر يشوف بيها انين اللي راكبه وراء 

ادم  بنظره عتاب : اذيك 

انين بصوت واطي :تمام 

مني جالها اتصال من واحده صاحبتي و اتفقوا يتقابلوا ف كافي 

مني :ادم الله يخليك روح الكافي ……عشان سها هتقابلني هناك و انت وصل انين بيتها بقا 

انين و لسه جايه تعترض 

ادم و هو بيبص عليها و بحزم : تمام 

دقايق و نزلت مني 

العربيه  سكوووت

قاطع السكوت 

ادم : مبترضيش ع اتصالاتي ليه 

انين باختصار : كنت مشغوله 

ادم ب عتاب : و روحتي اخر مره بسرعه مستنتيش حتي رد اختي او رد اي حد قومتي بسرعه كدا ليه 

انين : ابدا عادي يعني 

ادم ف محاوله استفزازها : مشيتي بسرعه ليه دا حتي قعده مها حلوه 

انين بانفعال : اه ما انا عارفه عشان كدا قولت اسيبك تشبع بقعدتها الحلوه براحتك 

ادم ضحك جامد 

انين باستفهام :انت بتضحك ليه انا مش بقول نكت و الحوار مش هاممني خالص  

ادم و هو بيضحك : ما انا عارف 

انين و هي مدايقه من طريقته : يوووه  بقا و كانت راحه تمشي 

ادم و هو بيحاول يستفزها : دا انتي باين عليكي انك محروقه خاااالص يا انين و يا تري ليه كدا 

انين و هي متوتر :هاااا هو اي اللي ليه …اناا انا همشي 

وصلنا يلا انا نازله باااي 

ادم بتنهيده :اهربي مسيرك تعترفي 

تاني يوم انين و مني خارجين من الجامعه و شافوا ادم واقف عند الكليه جمبه عربيته مع احمد صاحبه و بنت صاحبتهم ف الكليه انين عارفاها معرفه سطحيه بس اي اللي موقفها معهم و عمال يتكلم و يضحك 

انين شافته و الغيره بتاكل فيها و بتغلي و مع ذالك عملت مش شايفاهم لحد ما مني اتكلمت 

مني بغيره و حقد  :هي مش دي اميره اي اللي وقفها من ادم و احمد دي بت لزقه اوي تعالي نشوف بتضحك ع اي 

**

راحت و قالت 

مني :بتضحكوا ع اي

ادم و هو قاصد يتكلم بنبره استفزازيه : ولا حاجه بنتعرف ع صاحبتك تصدقي انا اكتشفت ان مش انين اللي ولحدها صاحبتك الحلوه لا دا تقريبا دفعتها كلها عسل اميره دي طلعت دمها خفيف بشكل 

انين و الكلام بيرن ف دمغها و زعلت جااامد و بتحاول تقاوم دموعها : مني انا ماشيه انا سلام 

مني و شديتها من دراعها : لا تمشي اي استني ادم يروحك دا انا حتي معرفتكيش ب احمد صاحب ادم او نقدر نقول الانتيم بتاعه و اللي دايما يحللي مصايبي من غير ما بابا يعرف و منقذي 

احمد  :اهلا وسهلا انسه انين مني كلمتني عنك كتير  و بالمناسبه اسمك حلو اوي و غريب كدا 

انين بارتباك :اهلا بحضرتك و مرسي 

و ركبوا ادم سايق و احمد جمبه و البنتين وراء 

احمد لف وشه وراء و قال : و انتي مخطوبه و لا لا يا انسه انين 

انين و هي بصه ع ايديها و محرجه :لا لسه 

احمد : ليه كدا هما شباب البلد معندهمش نظر  ازاي يسيبوا 

بنوته حلوه زيك 

انين بخجل :مرسي جدا لذوق حضرتك 

احمد بابتسامه عريضه : انا بقول الصراحه مش بجامل ابدااا 

ادم و هو متغاظ و بيحاول يمسك اعصابه : اي يا عم الحلو انت بص قدامك و اتعدل كدا و انتي اتلمي شويه 

انين و هي متعصبه ازاي يكلمها كدا و كمان بجح اوي اتلمي ليه انا دا كان لسه عمال يضحك و يهزر مع المايصه اميره و حاي لي يقول اتملي: هو اي حضرتك انا معملتش حاجه غلط و بعدين انت ملكش اي كلمه عليا و متكلمنيش بالاسلوب دا 

ادم بنرفزه :انين اسكتي خالص مسمعش صووتك 

انين و هي متنرفزه هي كمان :انا مقلتش,حاجه غلط عشان تسكتني 

ادم سكت و انتبهي للطريق و هو متعصب و ع اخره 

و اول ما وصل عند بيت انين : يلا انزلي 

انين بزعل : باي يا مني و فرصه سعيده يا استاذ احمد 

احمد بسرعه : لا استاذ احمد اي خلي البساط احمدي و قولي احمد ع طول احنا خلاص بقينا صحاب اصل كل صحاب مني صحابي انا كمان اصلي غتت 

انين بابتسامه :ان شاء الله اكيد  صحاب و اتشرفت 

ادم بيغلي و ماسم نفسه :خلصنا امشي يلا 

انين بصت عليه بصه اخيره و مشت 

تاني يوم بيرن عليها مش بترد بعت ليه رساله و قال 

ادم : انا مستنيكي ف كافي ……لو مجتيش كمان ساعه هجيلك عند البيت و انتي حره 

اول ما وصلت الرساله خافت و اتوترت و مش عارفه هو عايز يقابلها ليه و احتارت و ادايقت من اسلوبه و قررت تشوف هو عايز اي و لبست و جهزت و قالت ل مامتها ان عندها سيكشن و دي كذبه من ضمن كذبها الكتير و تنازل جديد من ضمن تنازلاتها الكتيييير 

**

وصلت و لقيته مستنيه و عمال يخبط بصوابعه ع الطرابيزه اتوترت زياده 

انين و هي واقفه : بعت لي عايز تشوفني ف حاجه 

ادم و هو كاتم اعصابه : اقعدي عشان اعرف اتكلم 

قعدت 

انين :اتفضل اتكلم 

ادم : عاجبك احمد اوي بتهزري و تبتسميله و انا تزعقيلي و تقولي ملكش دعوه بيه هااا 

انين بتوتر و هي بتفرك ايديها : اه انت ملكش انت تزعقلي 

ادم و هو بيضغط ع ايده جاامد :انين انا لياا فيكي متستعبطيش متخلنيش اقوم اضربك الوقتي 

انين بنرفزه :لاطبعا ملكش دعوه بيها انا اولا كنت بكلمه عادي و بادب و هو انسان محترم و متعداش حدوده معايا و كمان ذوق و 

ادم مقاطعا : انت عبيطه يا انين هو انا متنيل جايبك عشان تشكريلي ف احمد ولا اي 

انين بخوف من حده صوته :ايوا جايبني ليه 

ادم بقله صبر :عشان اقول لك مشوفكيش بتكلمي احمد تاني 

انين  بخبث :وليه ان شاء الله دا حتي مني قالت ان هو طالب رقمي و عايز بتطور الصحوبيه 

ادم بحده :عايز اي ياختي دماغك دي انا هكسرهالك و هكسره هو نصين 

انين ببرود :انا عايزه اافهم انت متنرفز و متعصب ليه كدا و تحاسبني و تقول لي اعمل اي و معملش اي بتاع اي انا حاسبتك و قلت لك كلم دا و متكلمش دي لا طبعا رغم انك كنت ف نفس اليوم واقف عمال تضحك مع اميره و مندمج و عاجبك الوضع و انا متكلمتش ليه عشان الحوار ميخصنيش ف بالتالي انت كمان ملكش دعوه 

ادم بخبث و ف نفس الوقت ماسك اعصابه : قولتيلي كنت واقف ااااه انت بترديهالي يعني 

انين :اردلك اي لا طبعا انا مليش دعوه بيك 

ادم : تمام حيث كدا بقا قوليلي هي اميره دي مرتبطه و لا لا اصل انا بفكر اخطوبها عجباني و ساعدي صاحبك ف الحوار دا تكسبي ثواب مني قبل كدا قالت لي اميره معجبه بيا بس مش عارف مني مش بتخبها ليه رغم انها لذيذه و كيوت 

انين بنغزه من كلامه :اه اوي اوي اساعدك ليه لا 

ادم بتنهيده : اه ساعديني 

انين وقفت :تمام هساعدك امشي انا بقا و اسالها و ابقي اقول لك ردها 

ادم ولا اكنه سمع كلامها و قال بتنهيده : انتي مش هتعترفي

انين باستغراب :اعترف باي !!

ادم  بنبره امر :اقعدي 

انين قعدت 

ادم : انين انا بغير عليكي و بتصرف تصرفات طايشه بسببك انا اصلا مش بطيق اميره دي بس عملت كدا عشان اشوفك بتغيري زي ما انا بغير عليكي بس طلعت مش فارق معاكي من اساسه ( اتنهد وقال )انا بحبك كنت مفكر ان الحب دا متبادل بس عرفت الوقتي اني كنت غلطان انا بعتذر ع اسلوبي معاكي و بعتذر اني اتخطيت حدودي استاذن انا 

مشي ……………… 

انين ف البيت مش عارفه تركز ف المذاكره الموضوع عدي عليه شهر و الكلام معلق ف دماغها و هو مبقاش يكلمها و عرفت من مني بالصدفه ان هو سافر لشغل فتره شهرين و راجع فات منهم شهر و مفكرش يكلمها او حتي يبعت رساله .. يتبع الفصل الثالث اضغط هنا