رواية أصبحت أسيرته الفصل الحادي عشر 11 بقلم سمسم الكاتبة سماح نجيب
رواية أصبحت أسيرته الفصل الحادي عشر 11
چواد بعيون متسعة.....انتى ايه اللى عملتيه ده يا تالين انتى اتجننتى
تالين بقسوة.....طلقنى ياچواد
چواد.....انتى بتقولى ايه
تالين.....بقول ايه خد دى وهى تقولك بقول ايه
وقامت با خراج صورة سيلفيا من احد الادراج لانها قد وجدتها تحت احد الكراسى عندما اغمى عليها وقررت الاحتفاظ بها حتى يحين مواجهتها له بخيانته لها
چواد.....ايه دى وايه اللى جابها هنا
تالين.....ليه هو انت لما حبيبة القلب ادتهالك مكنتش مركز وحطيتها فى جيب الجاكت بتاعك
چواد.....صورة ايه وچاكت ايه مفيش حاجة من دى حصلت
تالين.....امال ايه اللى جابها فى جيبك
چواد.....للدرجة دى معندكيش ثقة فيا
تالين.....ثقة ايه اللى بتتكلم عنها يا خاين يا كداب
قام چواد با مساكها من كتفيها فى حركة غاضبة من كلامها
چواد...انا خاين وكذاب انا اللى مقبلتش بسليفيا لما عرضت نفسها عليا علشان خاطر بحبك
فلاش باك
چواد بذهول.....سيلفيا فى ايه
سيلفيا......مفيش كنت فاضية قولت اجى ادردش معاك شوية
چواد.....ندردش وانتى بالمنظر ده
سيلفيا.....ماله وحش
چواد....لو سمحتى اتفضلى على اوضتك
سيلفيا....انت إيه مفيش حاجة بتأثر فيك
چواد...... برا يا سيلفيا اخرجى برا
سيلفيا.....للدرجة دى بتحب مراتك
چواد....واكتر كمان دى الوحيدة اللى ليها حق فيا مش اى حد غيرها
سيلفيا......ايه هتكون احلى منى فى ايه
چواد.....مفيش مقارنة بينكم كفاية بس نظرة عنيها اللى بتغرينى من غير ماتتكلم
سيلفيا......كده يا چواد ماشى
چواد.....اتفضلى واعتبرى التعاقد اللى بنا كمان ملغى انا ميشرفنيش اشتغل مع واحدة رخيصة زيك
انتهاء الفلاش باك
........
چواد.....شوفتى علشانك انتى رفضت واحدة كانت عارضة عليا نفسها واديكى شوفتيها هى جميلة ازاى وجاية تتهمينى انى خاين
تالين.....امال الصورة دى ايه والوقت اللى انت مكنتش بتتصل عليا فيه كان بسبب ايه
چواد.....مكنتش بتصل عليكى لانى كنت مشغول لان بعد ما لغيت التعاقد معاها شوفت شركات تانية علشان اعمل معاها الصفقة اللى كنت مسافر علشانها الصفقة اللى كنت معملتهاش كان زمان بيتى اتخرب وبيت الناس اللى بيشتغلوا عندى ولولا ستر ربنا لقيت شركة وعملت معاها الصفقة وعدت على خير
تالين...والصورة
چواد.....اهى دى اللى معرفش جت فى جيبى ازاى بس تعالى معايا حظك حلو سيلفيا تحت وهخليها تعترف بكل حاجة
قبض على يدها بقوة واخذها خلفه ونزل لمعرفة حقيقة الصورة
چواد بغضب......سيلفيا الصورة دى اللى وصلها عندى انطقى احسن مش هيحصلك كويس ولو انتى لسه باقية على عمرك
سيلفيا بخوف....انت بعد ما رفضتنى يوم ما جتلك ولغيت التعاقد روحت اوضتك وحطيت الصورة فى جيبك علشان لما مراتك تشوفها تنفصلوا ولما فات وقت ومحصلش حاجة جيت وعملت كده
چواد......سمعتى يا تالين وانتى يا سيلفيا
وقام بصفع سيلفيا عدة صفعات على وجهها
چواد....برا ومش عايز اشوف وشك تانى مرة
كريمة.....هو ايه اللى بيحصل يا چواد بالزبط
چواد.....مافيش يا امى عن اذنك
صعد چواد الى الغرفة وكانت تالين فى موقف لا تحسد عليه فهى قد حكمت عليه بالخيانة فى حين انه لم يفكر فى خيانتها مطلقاً
صعدت خلفه الى الغرفة للاعتذار منه على سوء ظنها ولكنها وجدته يقوم بلم بعض اغراضه
تالين......چواد انت بتعمل ايه
چواد.....زى ما انتى شايفة
تالين.....انت هتروح فين وتسيبنى
چواد.... رايح فى داهية
تالين.....چواد انا اسفة يا حبيبى
چواد.....مش محتاج أسفك بس علشان انا راجل ومقبلش على كرامتى ان مراتى تخرج من البيت وهى حامل فانا اللى هسيب البيت
تالين..... إيه تسيب البيت
چواد......امال انتى مفكرة إيه انى هقبل انك تمدى ايدك عليا وتتهمينى بالخيانة ولما تعتذرى هقبل اعتذارك الظاهر فعلا انى دلعتك زيادة يا تالين واخدتك عليا بس ملحوقة من هنا ورايح كل واحد هيعرف مقامه كويس
وان كان حبى ليكى هيخليكى تغلطى فى تصرفاتك معايا يبقى هدوس على قلبى بالجزمة ولا انك تحطى من كرامتى ورجولتى ابدا
تالين.....انت لازم تقدر ظروفى لما الاقى حاجة زى دى فى جيب جوزى اعمل ايه
چواد.....كنتى قولتيلى كنتى واجهتينى وعرفتينى فى ايه انا دلوقتى عرفت انتى كنتى بتبعدى عنى ليه وعاملة حاجز بينى وبينك ودى مش اول مرة فاكرة لما غلطت فى اسمك وانا نايم برضوا عملتى نفس التصرف اسهل حاجة عندك انك تبعدى بس المرة دى انا اللى هبعد مش انتى يا تالين
تالين.....چواد حبيبى بس اهدى واسمعنى
چواد.....خلاص يا تالين مبقاش له لزوم الكلام انا اللى مضايقنى انى كنت بتعامل معاكى على انك اغلى حاجة فى حياتى وانا مطلعتش ليا اى قيمة عندك
تالين بدموع......متقولش كده انت حياتى وعمرى كله يا چواد
چواد.....تصدقى انا كنت بعشق اسمع اسمى منك بس دلوقتى مبقتش عايز اسمع صوتك خالص عن اذنك
تالين......حبيبى ما تسبنيش ارجوك
ولكنه قد رحل غير مبالى بدموعها التى اصبحت مثل الشلال على خدها
چواد......امى خلى بالك من تالين
كريمة...... انت رايح فين يا چواد وايه الشنطة دى
چواد.....هروح اقعد فى الشقة اللى جمب الشركة شوية
كريمة.....وهتسيب مراتك وهى كده
چواد....انا لو مخرجتش دلوقتى ممكن اعمل تصرف اندم عليه بعد كده سلام يا امى
سمعت تالين صوت انطلاق السيارة فانفجرت بالبكاء الذى وصل الى حد الهستيريا
وصل چواد الى شقته وجلس رأسه بين يديه يفكر كيف ان من احبها اصبحت جرح فى قلبه
وهى لم تكن بافضل حال منه فهى اصبحت جسد بلا روح او نجمة انطفىء نورها واصبحت معتمة
كان كلما تحاول الاتصال به تجد رقمه مغلق وهذا ما يزيد فى عذابها
حتى وجدت ان هاتفه اصبح مفتوحا فقامت بالاتصال عليه
عندما رأى اسمها على شاشة الهاتف كأن عاصفة قد ضربت بقلبه فبرغم ماحدث ما زال عشقها يسرى فى عروقه مسرى الدم ففتح الهاتف ليس لشىء سوى سماع صوتها
تالين... چواد حبيبى
چواد....
تالين...... ارجوك رد عليا يا قلبى
چواد...
تالين.......للدرجة دى هنت عليك تسيبنى
چواد...
ثم قام باغلاق الهاتف بعد ان شعر ان قلبه سيطاوعه الحنين اليها ولكن كبرياءه كرجل لا يسمح لها بتجاوز تصرفاتها معه
....
تالين.....ماما انا عايزة عنوان الشقة اللى قاعد فيها چواد
كريمة.....ماشى هديهولك وحاولى يا تالين تصلحى امورك مع جوزك
تالين.....ان شاء الله يا ماما
بعد اخذها العنوان ذهبت لرؤيته فهى لم تعد تطيق فراقه
قامت برن جرس الباب ففتح چواد الباب
وعندما وجد انها زوجته كان يريد اخذها فى أحضانه فكم اشتاق اليها
تالين.....مش هتقولى اتفضلى
چواد....اتفضلى ادخلى
نظرت تالين الى الشقة فكانت ذات ذوق راقى جدآ
چواد.....انتى جاية ليه يا تالين
تالين بشوق وعشق......علشان وحشتنى ومش قادرة اعيش من غيرك
چواد......وبعدين
تالين......وبعدين فيك انت مش ناوى ترجع البيت تانى
چواد.....مش دلوقتى
اقتربت منه ووضعت يديها على صدره ونظرت إليه بعيون دامعة
تالين..... خلاص يا حبيبى سامحنى
چواد كان ينظر اليها بغضب بالرغم من اشتعال الشوق في قلبه
چواد......خلاص يا تالين روحى دلوقتى علشان متتأخريش
تالين.......طب تعالى روح معايا
چواد....لاء
تالين......طب هقعد انا معاك هنا
چواد...... برضو لاء
تالين......هو ده ردك عليا انت بتعمل فيا ليه كده انت مفكر نفسك ايه
چواد بكبرياء رجولى......انا چواد النصراوى اللى مفيش واحدة او واحد اتجرأ ومد ايده عليه چواد اللى لو كان طاوع كل ست اعجبت بيه كان زمانه عنده علاقات ملهاش حصر چواد اللى دلعك وكان بيعاملك كانك بنته مش مراته چواد اللى انتى اتهمتيه بالخيانة فى حين انى مبصتش لحد غيرك
تالين.....وانا اعتذرتلك
چواد.....مش كفاية وكفاية كلام ويلا روحى
خرجت تالين من عنده بقلب ممزق وعيون حمراء من كثرة البكاء
بعد خروجها استند على الحائط خلفه واغمض عينه من شدة وجع قلبه عليها
....
قامت سمر بالاتصال على تالين لدعوتها الى زفافها
سمر.....ازيك يا تالين كل ده مشوفكيش
تالين...... معلش يا سمر علشان الحمل وتعبه
سمر .....الف سلامة على فكرة فرحى يوم الخميس ولازم تيجى والا هزعل
تالين......لاء يا حبيبتى طبعا هاجى
....
قامت تالين بالاتصال بچواد لاخباره انها ستذهب إلى زفاف صديقتها
تالين.....چواد
چواد......نعم
تالين......انا اتصلت عليك علشان اقولك انى هروح فرح سمر صاحبتى
چواد...... ماشى روحى
تالين بصوت هامس......... وحشتنى اوى يا حبيبى
چواد.....فى حاجة تانية عيزاها
تالين بدموع......لاء شكرا
بعد انتهاء الاتصال
چواد.....وانتى وحشتينى اكتر يا عمرى
..........
حضرت تالين زفاف صديقتها ولكنها حزينة واصبحت الابتسامة غائبة عن شفتيها وبعد انتهاء حفل الزفاف عادت الى المنزل بقلب تثقله الهموم
ذهبت الى غرفتها وقامت بتبديل ملابسها وجلست امام الشباك فهذه اصبحت جلستها المفضلة منذ ان تركها زوجها فبعد ان كانت لا تجلس الا فى احضان چواد اصبحت تجلس وحيدة بدموع لا تجف
كانت تطفىء الانوار وتجلس فى ضوء القمر ثم شعرت بفتح باب الغرفة ثم وجدت زوجها على الباب لم تصدق عيناها فهو قد اتى اليها مرة أخرى فذهبت وارتمت فى احضانه واطبقت عليه بيديها الصغيرة ممسكة بثيابه كانه حلم وستفيق منه
تالين......حبيبى انا كنت عارفة انى مش ههون عليك وحشتنى اوى يا قلبى
چواد... يتبع الفصل الثاني عشر اضغط هنا