نوفيلا الشهد الفصل الثالث والفصل الرابع بقلم شهد حسن
رواية الشهد الفصل الثالث 3
في صباح ملي بالانوار استيقظوا ابطالنا و كلا منهم ذهب الي طريقه
شهد بزهق : نرمين لسه في كام كشف
نرمين : حضرتك بقالك ساعتين بس جايه و لسه في كشوفات كتير
شهد : ماشي دخلي الكشف
نرمين : ماشي
**
مراد : تشربي حاجه يا لينا
لينا : اه ممكن قهوه
مراد : ماشي
مراد بصوت عالي نسبيا : مننني
مني بدلع : نعم
مراد : عاوز ٢ قهوه
مني بغيظ : حاضر
و خرجت عشان تفكر في فكره جهنميه
و عملت القهوه ودخلت
مني : اتفضلوا و اعطت لكل واحد قهوته
لينا برقه : شكرا
مني بصت لها من فوق لتحت و قالت بغيظ: العفو
بعد ربع ساعه
مراد : لينا في حاجه
لينا : انا حاسه اني دايخه
مراد : طيب اقعدي ارتاحي
لينا : لا عادي انا هجيب الملف ده و جابت كرسي وواقفه عليه عشان تجيب الملف داخت
مراد قام جري عليها ووقعت عليه شالها وهو ضاممها لصدره و خرج بيها قدام الكل طلب مايه و قعد يرش عليها مفاقتش
شالها وراح بيها المستشفي
مراد بعصبيه : الدكاتره اللي هنا فين
الممرضه : اخر الطرقه يمين
دخل بيها للدكتور
الدكتور : في حد حاطط لها منوم
مراد : حضرتك متأكد
الدكتور : ايوا متأكد انا حاليا هعلق ليها محلول يفوقها
مراد بقلق : هو انا ممكن اقعد معاها
الدكتور : ايوا
مراد : ماشي شكرا
و الدكتور خرج و مراد قعد يفرك في ايد لينا
مراد : والله لاوريها هي مين و ازاي تعمل فيكي انا عارف انها هي اللي عملت كده الكلبه دي
لينا نو كومنت
مراد : كان عندك حق لما قولتي اني لازم اطردها بس انا هعرفها ازاي تعمل فيكي كده و بعدين اطردها
و دخل عليهم اسر و منار
منار : اه اللي حصل مالها
مراد : دا محطوط ليها منوم بس انا مش عاوز حد يعرف غيرنا عشان نعرف ناخد حقها
منار : و مين عمل فيها كده و ليه
مراد : اللي عمل كده السكرتيره بتاعتي ليه دي بقي معرفش
منار : ايوا طيب هي هتصحي امتي
مراد : كمان شويه هتصحي
اسر : طيب هي كويسه يعني
مراد : ايوا كويسه
اسر : والدها مكانش موجود النهارده
مراد : ايوا
و عدي ٥ دقايق
لينا : مراد انا دايخه لالا هجيب الدفتر مراد
مراد : لينا انا جنبك فوقي يا لينا و بدا يفرك في ايدها جامد بتوتر
ومنار واسر مستغربين حركات مراد و خوفه علي ليان و لما كان شايلها كان ضاممها ليه ازاي
لينا بنوم بسبب المنوم : انا بعمل اه هنا
مراد : انتي اغمي عليكي و احنا جبناكي هنا المستشفي علقتي محلول و بتفوقي اهوا
منار : اه صح حصل كده فعلا
لينا : بس
مراد : متتكلميش كتير لحد ما تفوقي عشان متتعبيش ممكن
لينا برقه : ممكن
مراد : انا خارج و جاي دلوقتي ماشي
لينا : ماشي
مراد خرج و طلب اكل من ماك و مستنيه
و اسر بره قدام غرفه لينا و منار جوه معاها
منار : هو فيه اه بينك و بين مراد
لينا : دا اللي هو ازاي يعني
منار بخبث : يعني مفيش حاجه كده ولا كده اصله يعني امبارح لما كنتي هتقعي فضل مبحلق فيكي و النهارده لما و قعتي شالك و كان ضامك لصدره جامد ولما دخنا لقناه قاعد يفرك في ايدك و انتي هلوثتي باسمه و حاجات كده ورا بعض مع انكم مع بعض بقالكم يومين بس
لينا :مفيش حاجه و مش عارفه بس اكيد دي رجوله منه امال هيسبني اقع من غير ما يوديني مستشفي
منار : ماشي
الباب خبط و مراد واسر دخلوا
لينا : دي ريحه اكل انا بحبه دا اه دا ماك صح
مراد : صح ياله بقي عشان ناكل لاننا جعانين
لينا : ياله
وقعدوا ياكلوا و أسر بيرمق نظرات سريعه على منار و يرجع يبص قدامه تاني و منار محرجه منه
لينا بصوت واطي : انا برضوا طب ما انتي اهوا وأسر اهوا
**
فهد : الماموريه كمان ساعه و هتم صح يافندم
مجدي : صح يا فهد و بقولك للمره التانيه خليك مأمن على نفسك دي مأمورية صعبه و مش محتاجه غير فهد و انت فهد فعلا
فهد بثقه : وان شاء الله هكون عند حسن ظنك فيا
مجدي : إن شاء الله
فهد : عن اذنك انا بقى ورايا مشوار قبل بدايه المأموريه هروحه و همشي على طول
مجدي : ماشي
وخرج فهد ركب عربيته و اخد طريقه المراد به اللي هو طبعا مستشفى الدكتوره شهد
ربع ساعه للوصول وركن عربيته و نزل ببدلته الميري اللي تلفت الانظار و كل بنات المستشفى بحلقت فيه و هو لم يعطي اهتمام لأي واحده فيهم تماما
فهد : لوسمحتي عاوز ادخل للدكتوره شهد قولي لها فهد
نرمين : حاضر لحظه واحده بس
فهد : اتفضلي
دخلت نرمين
شهد : في اه يا نرمين
نرمين : في واحد اسمه فهد برا عاوز حضرتك
شهد : طيب دخليه
نرمين : حاضر
نرمين خرجت واذنت لفهد بالدخول
فهد : احم احم السلام عليكم
شهد : وعليكم السلام ورحمة الله وبركاته
فهد : ازيك يا شهد
شهد : الحمدلله بخير انت اخبارك
فهد : الحمد لله بخير
شهد : يارب دايما
فهد : انا وانتي يارب
شهد : انا اسفه جدا يا فهد بس انا بجد بكره فكره الجواز دي. تماما
فهد : ليه هو ممكن سؤال بس براحتك عاوزه تجاوبي عليه عادي مش عاوزه عادي. برضوا
شهد : اتفضل
فهد : هو انتي ارتبطي قبل كده
شهد : لا تماما
فهد بارتياح : ماشي
شهد : انا اسفه جدا والله مكانش قصدي اني ازعلك وفتحت درج المكتب طلعت حظاظه سوداء واعطتها ليه.... ممكن تقبلها مني واعتبرها اعتذار
فهد : وانا قابل اعتذارك تعرفي اني بحب اللون الاسود جدا
شهد : ملك الألوان هو الاسود اصلا بس هو انت ليه لابس بدلتك الميري دلوقتى
فهد : ورايا مأمورية واول ما امشي من هنا هبدا المأموريه
شهد :امم ربنا يعينك
فهد : ويعينك ياارب
وخرج السلسله من جيبه
شهد : شكرا
فهد : العفو بس لو فكره الجواز دي عقده ف قريب هيجي اللي يفكها غصب عنك او برضاكي سلام يا شهد وخرج
شهد : هو قال اي دا بس حلوه البدله الميري هههه اي الهبل اللي بقوله دا يا نرمين
نرمين : نعم
شهد : لسه في كام كشف
نرمين : كشفين بس
شهد : طيب دخليهم بقى
نرمين : حاضر
وبعد فتره ليست بقليله
شهد : ياه الحمد لله اني خلصت اما اقوم عشان امشي بقى
وقامت ركبت عربيتها ومشيت روحت بيتها
شهد بمرح : مساء الخير
سعاد : مساء النور والسرور والورد المنثور
الدمنهوري مكمل : على قلبك
شهد بقلق : مالكم فايقين كدا ليه
الدمنهوري : لا ولا فايقين ولا حاجه
شهد : ماشي انا داخله اغير هدومي وجايه
سعاد : ماشي وانا هقوم احضرلكي العشاء
ودخلت شهد اخدت شاور و لبست هدومها وخرجت من غرفتها واتعشت وقعدت معاهم
شهد : لوسمحتم من غير لف ودوران قولوا في اه
سعاد : يا بنتي احنا عملنا اه عشان تقولي كده
شهد : رايقين و فايقين و في ورا الحاجتين دول طلب اه هو ما هو انا لازم اعرف
الدمنهوري : هترتاحي لما نقول يعني
شهد : جدا والله
الدمنهوري : اخواتك جايين يقضوا يوم بكره
شهد : لا والله ودا اسمه اه بابا لوسمحت قول الحقيقه
الدمنهوري :..
**
لينا : مساء الأنوار
قاسم : مساء النور يا عاقله
لينا : يا بابا انا لازم اجمع لان النور واحد واحنا ك عيله باقي الانوار بقى
هبه و فاطمه : ماشي يا بكاشه
لينا : على طول فاهمني غلط انا داخله اخد شاور وأخرج لكم افرفشكم شويه انا عارفه انكم زعلانين لاني مش قاعده معاكم طول النهار
هبه : انتي هتقولي دا حتى انا وماما فاطمه قاعدين نعيط على بعادك طول النهار هههههه
لينا بغيظ : طيب انا داخله و مش خارجه ودخلت غرفتها اخدت الشاور بتاعها و ظبطت نفسها
قاسم : ربنا يهديكي يا لينا
هبه : يارب
خرجت لينا
لينا : يا ماما يا أهل البيت انا جعانه يا جدعان انا جعانه
هبه : الاكل ع السفره يا هاديه الهادين
لينا : ميرسي
قاسم : انتي مش كنتي بتقولي داخله ومش خارجه خرجتي ليه
لينا : صعبتوا عليا
فاطمه : قلبك قلب خسايه يا بنتي
لينا : فعلا يا تيته
فاطمه : ههههههه
وقعدوا أكلوا و قعدوا يتفرجوا ع التلفزيون ويضحكوا ويهزروا
ومن ضمن الكلام و الضحك
قاسم : انا هقول لكم على موضوع هيفرحكم بس ركزوا معايا
الكل بتركيز : قول
قاسم : هو الموضوع يعني
فاطمه : ما تقول يا ابني
قاسم : من الاخر يعني
هبه : ما تقول يا قاسم هو احنا طايلين من الاول ولا حتى من الاخر
قاسم :..
**
مراد : هو في اه
أسر :في أنك بتحب
مراد :دا اللي هو ازاي
أسر : يعني لقيت نصك التاني فحافظ عليه انت من وحدتك يا مراد حسيت ان في حد بيكملك انت مشوفتش خوفك عليها كان ظاهر ازاي يا اما دي مساعده شوف قلبك هيقولك اه يا صاحبي ولو بتحبها متترددش ابدا
مراد : انا مش عارف انا فعلا مش عارف عندي مشاعر متلغبطه
أسر : اقعد مع نفسك وفكر وشوف اه اللي هيحصل
مراد : ماشي
أسر : ياله نروح بقى
مراد :ياله
وكل واحد راح بيته و اخد شاور واكل ونام
نوفيلا الشهد الفصل الرابع
قاسم : فهد عاوز يتجوز
هبه بفرحه : اخيرا مين اللي عاوز يتجوزها
فاطمه : اه هي مين
قاسم : شهد
لينا : قصدك الدكتوره بتاعت تيته
قاسم : ايوا
هبه : طيب و هي رأيها اه
قاسم : ابوها لسه هيفتح لها الموضوع
هبه : بس فهد ملحقش يتعرف عليها
قاسم : بس اتشد. ليها واتمناها تكون ليه
لينا : الحب ولع في الدره يا ولاد هههه والله ووقعت يا فهد
فاطمه : ههه اتلمي يا بت بتقولي كده على اخوكي
لينا : احنا اسفين يا باشا
قاسم : المهم انتم اه رايكم فيها
فاطمه : من رأيي هي بنت محترمه و تقريبا اللي شد فهد ليها انها غير اي بنت بتترمي على فهد رمي كده دي حتى مبصتش ليه ودا اللي خلاه حاسس انها غير عشان كده اتشد ليها
هبه : وبنت عندها رقي و مش متصنعه في الكلام
لينا : وعسوله و فريش كده
قاسم : على بركه الله لما فهد يرجع من المهمه اللي رايح فيها نبقى. نتقدم ليها
هبه : الحمدلله
قاسم : بس انا حاسس ان البنت دي وراها زعل أو حاجه مش عارفه تقولها دا غير أن فهد قال إنها كارهه فكره الجواز جدا
لينا : انا ممكن اعرف اه السبب
هبه : ازاي
لينا : احنا اي نعم مش قد بعض بس سننا قريب من بعض و بيبقى. الإنسان محتاج لحد يفضفض ليه وهي اكيد محتاجه للحد ده واكيد مش هيكون فهد في الوقت دا لأنها كارهه الفكره
فاطمه :اول مره اعرف انك ناضجه
لينا بثقه : امال اه
قاسم : ماشي يا واثقه اعرفي بقى
لينا :اكيد مش دلوقتي
هبه : الوقت المناسب هنعرف فيه كل حاجه
قاسم : صح الكلام
**
الدمنهوري : انتوا هتسمعوني للآخر بدون مقاطعه
شهد بضيق : اتفضل. يا بابا
الدمنهوري : جايلك عريس
شهد : وانت عارف ردي واكيد انت كمان مش مواقف
الدمنهوري : لا يا شهد انا موافق لانه شخص مناسب جدا وانا عارف أخلاقه و مش هلاقي احسن منه ليكي وغير جوزات اخواتك العره دي
شهد : ومين بقى اللى امه داعيه عليه
الدمنهوري : فهد قاسم
شهد : لاوالله
الدمنهوري : اه والله
شهد : وانا مش موافقه وانت اكيد بتهزر
الدمنهوري : الكلام دا مفيش فيه هزار
شهد : ودا حبني ازاي بقى
الدمنهوري : أعجب. بشخصيتك
شهد : هههه أعجب بشخصيتي وانا مش موافقه مش موافقه
الدمنهوري : انا بوافق على كل حاجه بتقوليها الا المره دي انتي اللي هتوافقي
شهد : بس انا مش موافقه هتجوزني غصب عني
الدمنهوري : هبقي مضطر
شهد : يعني خلاص مفيش كلام
الدمنهوري : ايوا يا شهد
شهد بدموع : امال بتقولي ليه طالما انت عارف رأيي وانت اصلا مقرر
الدمنهوري : فكرتك هتغيري رايك بس انتي كده كده هتغيريه في بيت جوزك الكلام خلص و اه لما يرجع من المأمورية هيجي يتقدم
شهد بسخريه : قررتوا ميعاد الفرح هيبقى امتى بالمره
الدمنهوري : لا لسه
شهد : طيب انا داخله انام تصبحوا على خير
الدمنهوري : وانتي من اهل الخير
ودخلت شهد غرفتها تبكي بمراره لتدخل امها الغرفه وتواسيها
سعاد : يا حبيبتي الجواز دا سنه الحياه و حاجه حلوه
شهد : انتي بتضحكي على نفسك صح
سعاد : شهد الله يخليكي ما تقلبي المواجع و بعدين مش كل الرجاله واحد و فهد باين عليه ولد مثقف و فاهم و محترم و فيه كل الصفات اللي البنت بتتمناها فوافقي عليه برضاكي احسن ما يكون غصب عنك
شهد بحزن : من فارقه كتير برضايا غصب عني مش فارقه يعني اه اللي هيتغير و من ثم مسحت دموعها بعنف و اكملت عاوزه حاجه
سعاد : سلامتك يا حبيبتي
شهد : تصبحي على خير
سعاد : وانتي من اهل الخير
**
في صباح يوم مشرق وليس سعيد في منزل الدمنهوري
قامت شهد بملل جهزت نفسها لذهابها للمستشفى
شهد : صباح الخير
الدمنهوري : صباح النور
شهد : انا ماشيه مش عاوزين حاجه
سعاد : سلامتك يا حبيبتي
وخرجت شهد وبعد فتره وصلت لمكانها المراد به
شهد : نرمين دخلي الكشوفات لوسمحتي
نرمين : حاضر
ودخلت شهد والضيق مالكها
شهد : لا اله الا انت سبحانك اني كنت من الظالمين
ورددتها عده مرات
ودخل كشف ورا كشف وهي تتابعهم بدقه ومن ضمن الكشوفات
شهد : اتفضل.
فاطمه : السلام عليكم
شهد : وعليكم السلام ازيك يا تيته و ازيك يا طنط هبه
فاطمه وهبه : الحمد لله بخير
شهد : يارب دايما اه اخبار العلاج معاكي يا تيته
فاطمه : الحمد لله
وبدأت شهد تكشف عليها و انتهت من الكشف
هبه : بصي يا شهد احنا عاوزين نقعد معاكي شويه لو أمكن يعني
شهد باحترام : تمام انا النهارده بليل ع الساعه ١٠ كده هكون خلصت نقدر نتقابل في اي كافيه
هبه : طيب تمام نستأذن احنا بقى عشان منعطلكيش
شهد : ماشي
فاطمه : سلام
شهد : سلام
وخرجوا
شهد لنفسها : انا عارفه اني لازم اوافق ف مفيش حل
**
أسر : منار
منار : نعم
أسر : انتي مهبطيش
منار : لا ليه
أسر : اصلي هبطت وزهقت
منار : من اه بس
أسر : مش عارف بس هو ممكن طلب صغير
منار : ايوا طبعا اتفضل
أسر : احكيلي عن نفسك
منار بمرح : والله يا اخ انا عندي ٢٠ انا في كليه اداره اعمال و جالنا كطلبه في كليه فرصه اننا نتمهد لشغلنا وجيت هنا الشركه
عندي ماما و بابا و الحمد لله مطلعه عينهم و بس عيشت ف. حياتي ٢٠ سنه بحالهم تخيل.
أسر :هههه متخيل
منار بتوهان : يخربيت جمال ضحكتك
أسر : ما انا عارف ان ضحكتي حلوه
منار : امم هو انا اقصد ان يعني
أسر : تقصدي اه
منار : يعني ان ضحكتك حلوه بس
اسر : بتعيديها تاني الله حاجه جميله
منار : اه بس. استنى بدل ما تاخد في نفسك مقلب واه حاجه جميله دي انت هتعمل فيها عبدالحليم حافظ وتقول حاجه جميله معادتش ناقص غير شاديه و العجله و تقول علشان احنا مع بعضينا ولاول مره لوحدينا هههههه
أسر : ههههه تصدقي بفكر في شاديه دي.
منار بغيره : ومين بقى ست الحزن والجمال
أسر باستغراب او عامل فيها مش فاهم بمعنى أصح :اسمها ست الحسن مش الحزن و بعدين هي بنت مرحه وفرفوشه اوي و بدأت اتعود عليها وعاوز امشي خطوه لقدام يعني
منار بحزن : ايوا قولتلي هي اسمها اه
أسر : لا اسمها مينفعش اقوله بس قريب اوي هقوله
منار : طيب احنا هنكمل امتى
أسر : دلوقتي
منار : تمام و بداو في تكمله الشغل
**
لينا : اووف بقى دا انتي بارده
مراد : هي مين دي. اللي بارده يا لينا
لينا بتسرع : ست منني
مراد : عملت اه
لينا : بقولها هاتي مياه قالتلي بمياعه و مراد هيشرب حاجه قولتلها قهوه
مراد بخبث : اه طب ودي فيها اه
لينا مقلده طريقتها : و مراد هيشرب حاجه
مراد : هههههه مش قادر
لينا بغيظ : انت بتضحك على اه
مراد : على طريقتك في تقليدها
لينا : عجباك طريقتها يعني
مراد : ولا عاجبني ولا حاجه هي بس متعشمه اني ممكن احبها او اي هبد من اللي ف دماغها ده وانا ولا حاططها في دماغي
لينا بارتياح : اوك ماشي
مراد بخبث : بس انا عاوز افهم انتي اتضايقتي ليه
لينا بتوتر : اصلي يعني مش بحب المياعه والهبد دا لان دا مكان شغل مش مكان مرقعه و قله ادب
مني بغيظ : بقى انا قليله أدب ماشي يا لينا والله ما هسيبك و خبطت
لينا : ادخل
مني : اتفضلي و بتعطي لها القهوه ف اندلقت عليها
لينا : اه ايدي اه
مراد بعصبيه : امشي هاتي علبه الاسعافات الاوليه
وخلي بالك وانتي بتعطي لحد حاجه
مني بضيق : حاضر وخرجت
مراد : اقعدي على الكرسي يا لينا
قعدت لينا على الكرسي و هو قعد ع الارض ماسك ايدها بيمسحها بمنديل و ينفخ لانه يعتبر لسعه من القهوه السخنه
و جابت مني علبه الاسعافات الاوليه واعطتها لمراد وخرجت وبدأ يدهن لها مرهم و ينفخ في ايدها الي ان هديت
لينا : شكرا يا مراد انا ايدي هديت الحمد لله قوم أقف
قام مراد بقلق : انتي كويسه
لينا : ايوا كويسه الحمد لله
مراد : الحمد لله
لينا : ياله نكمل شغل بقى
مراد : ياله
**
قاسم : ألوو
فهد : ازيك يا غالي
قاسم : الحمدلله بخير انت اخبارك يا فهد
فهد : يارب دايما انا الحمد لله بخير اخبار امي و لينا و تيته اه
قاسم : الحمد لله بخير
فهد : يارب دايما
قاسم : امك قالت هتروح تقابل شهد النهارده ف كافيه الساعه ١٠
فهد : طيب تمام هي كويسه
قاسم بخبث : هي مين
فهد بتلقائيه : شهد
قاسم : اه كويسه
فهد : الحمد لله مش عاوز حاجه
قاسم : سلامتك
فهد : انا هقفل بقى. لان ورايا شغل
قاسم : ماشي ربنا يعينك سلام
فهد : سلام
**
في الكافيه
شهد : حضرتك كنتي عاوزني اتفضلي
هبه : بصي يا شهد انا هعتبرك زي بنتي و عاوزاكي تسمعيني تمام
شهد : تمام
هبه : فهد بعيدا عن انه ابني فهو طيب وحنين و بيخاف ع الشئ اللي يخصه اوي اوي و غيور حبتين وعنده ثقه في نفسه اوي و برضوا هو اسم علي مسمى في وقت غضبه بمعنى أصح فهد عصبي و نرفوز بس ع قد ما هو عصبي ع قد ما حنيه الدنيا كلها فيه و ع قد ما هو نرفوز ع قد ما هو هادي و بيحب الطمأنينه وروحه حلوه و بيخاف على زعلنا اوي ووقح شويتين هههه وانا عاوزه اعرفك ان كل البنات بتترمي ليه الا انتي شافك غير كل البنات شافك ست البنات أعجب بيكي اي نعم متعاملش معاكي بس فهد بيحب الحريه المطلقه يعني يبقى بيتكلم معاكي براحته و عاوزك تكوني بتاعته و انا متأكده انه هيحافظ عليكي لانه مكنش بيفكر ف الجواز دلوقتي بس. انتي جيتي وخطفتي قلبه من غير ما يحس انا عارفه انك مش متقبله الفكره بس ارجوكي وافقي و صدقيني هيجي عليكي يوم و مش هتبقي ندمانه ولا هتندمي تماما حاولي تكسري الفكره الوحشه اللي ف دماغك ايا كانت انتي قدامك فرصه مضيعهاش من ايدك و مفيش حد كامل بس ممكن الفرصه دي تغير حياتك وانتي بنت زي الورده الجميله ها قولتي اه
شهد وما باليد حيله : موافقه يا طنط
هبه : بلاش طنط قولي يا ماما
شهد : حاضر يا ماما
هبه : انتي عارفه اني اعتبرتك زي بنتي وكلنا اتمنينا انك تكوني لفهد
شهد : اشمعنا
هبه : معرفش بس انتي فيكي حاجه تشد كل اللي يحاول يقربلك
شهد :..
يتبع الفصل الخامس والسادس اضغط هنا