رواية فتاة فى زمن قاسي الفصل الرابع عشر 14 والفصل الخامس عشر 15 بقلم دودو محمد
 |
| فتاة فى زمن قاسي بقلم دودو محمد |
فتاة فى زمن قاسي الفصل الرابع عشر 14
سرحت علياء فى الصور اللى كانت متعلقه على الحيطه وبصت ليها بأستغراب راح عندها عمر وسألها واقفه كده ليه ردت عليه وقالت
علياء :- مين دول يا عمر
عمر :- ده ابويا وامى الله يرحمهم وده اخويه أدم انتى عارفاه طبعآ
علياء :- ومين دى
عمر :- اتنهد بوجع وقال دى ريم
علياء :- ريم مين
عمر :- ريم دى تبقى اختى
علياء :- اختك؟! بس انت مقولتش ليا أن ليك اخت
عمر :- انتى مسألتنيش علشان اقولك يا علياء
علياء :- طيب هى عايشه هنا معانا
عمر :- قعد وقال لاء
علياء :- امال هى فين
عمر :- بوجع ماتت
علياء :- بصت ليه بصدمه وقالت ماتت
عمر :- ايوه ماتت
علياء :- قعدت جمبه على الكنبه وقالت ربنا يرحمها
عمر :- بدموع واحشتنى اوى
علياء :- هى ميته من زمان
عمر :- ماتت وانا عايش بره ملحقتش اشوفها اخدها فى حضنى أودعها قبل ما يدفنوها اختى ماتت وسكت والدموع نزلت اكتر من عينيه
علياء :- اهدا يا عمر ادعلها بالرحمه
عمر :- بدعلها علطول يا علياء بس احساسى بالذنب هيفضل عايش معايا لحد ما اموت
علياء :- بعدم فهم احساسك بالذنب ليه هو انت كان ليك يد فى موتها
عمر :- ايوه يا علياء ليا يد انا مذنب انا اللى قتلتها
علياء :- بصدمه ايه انت اللى قتلتها ازاى
عمر :- لو كنت قعد هنا ومسافرتش مكانش حد قدر يقرب منها
علياء :- حد يقرب منها ازاى انا مش فاهمه حاجه
عمر :- بص للأرض وقال اختى انتحرت
علياء :- انتحرت!!
عمر :- ايوه بعد ما واحد معندهوش شفقه ولا رحمه استناها وهى خارجه من المعهد وخطفها واغتصابها غابت يوم كامل أدم وامى خرجوا يدوره عليها سألوا كل الأقسام والمستشفيات لحد ما وصل بلاغ من المستشفى أنهم لاقوا واحده مغتصبه وهدومها متقطعه ومرميه فى مكان مقطوع ومغمى عليها راحوا يجرو يتأكدوا اذا كان هى ولا مش هى وامى تدعى انها تكون مش هى واتأخرت عند اى واحده من أصحابها بس الصدمه لامى أنها طلعت هى فعلا امى اغمى عليها لما شافت بنتها كده وجالها السكر واختى دخلت فى حالة انهيار عصبى اتعالجة فتره فى المصحه وخرجت كل ده وانا معرفش اى حاجه وفى يوم أدم دخل على اختى فى الاوضه لاقها انتحرت اخدت حبوب وقفت عضلة القلب عندها وماتت قالوا ليا الخبر مصدقتش نفسى أن اختى ماتت ازاى انا سيبها اخر مره ووعدها هجبلها حاجات كتير اوى وانا راجع من السفر وطبعآ على ما رجعت مصر كانت اندفنت واخدوا العزا كمان وعرفت كل اللى حصلها ده ومن يومها وانا محمل الذنب لنفسى علشان هما كانوا امانه فى رقابتى ومحفظتش عليهم يمكن لو كنت جنبهم ومعاهم مكانش حصل لاختى كل ده واخد عهد بينى وبين نفسى هقف جمب اى واحده مغتصبه وهساعدها بأى طريقه
علياء :- كانت بتسمع الكلام ده وهى دموعها نازله منها وقالت علشان كده ساعدنى واتجوزتنى
عمر :- بص ليها وقال اول ما شوفت منظرك وانتى منتحره افتكرت اختى واتخيلتك هى واخدك وكنت ملهوف عليكى كأنك انتى هى وقررت اساعدك بس لما قربت ليكى اكتر اتشديت ليكى وعجبنى قوتك رغم كل اللى انتى فيه اتمنيت لو كانت اختى قويه زيك كانت زمانها عايشه جمبى دلوقتى
علياء :- بدموع انا دلوقتى فهمت انت بتعمل معايا كده ليه كنت خايفه منك اوى كنت دايمآ اقول لنفسى انت ليه بتعمل معايا كده حتى لو كنت حاسس بالذنب كان فيه مليون طريقه تانيه تساعدنى بيها ومكانش مقنع خالص انك لاحقت فى الوقت الصغير اوى ده انك تحبنى دايمآ كنت حاسه ان فيه حاجه غلط فى الموضوع بس خلاص دلوقتى انا عرفت السبب
عمر :- لاء يا علياء انا فعلا عجبتنى شخصيتك اوى وكان نفسى اختى تبقى قويه زيك
علياء :- على فكره انا ارتحت اكتر لما عرفت الحقيقه لأنها وضحت قدامى انك مش حد وحش ولا انك هتفكر يوم تستغلنى ولا أن جوازك منى وراه مصلحه انا فعلا اطمنت ليك يا عمر
عمر :- وقف وقال تعالى معايا
علياء:- بصت لايده بأستغراب وقالت اروح معاك فين
عمر :- هتعرفى
علياء :- بصت لايده ووقفت وقالت اتفضل
عمر :- ابتسم ليها ونزل أيده وطلع على السلم
علياء :- طلعت وراه وهى مستغربه هو رايح فين
عمر :- فتح باب اوضه ودخل وقال ادخلى يا علياء
علياء :- بصت بتوتر وقالت ادخل فين
عمر :- ابتسم ليها وقال متخافيش
علياء :- دخلت الاوضه وهى متوتره وقعدت تدعك فى ايديها
عمر :- دى اوضتنا
علياء :- بصدمه اوضتنا
عمر :- ايوه اوضتنا احنا الاتنين
علياء :- ا.ا انت هتنام هنا معايا
عمر :- ايوه
علياء :- ل.ل لاء انا عايزه اوضه انام فيها لوحدى
عمر :- مش هينفع
علياء :- ليه
عمر :- علشان اخواتك عايشين معانا ولو شافوا انك بتنامى فى اوضه لوحدك هيسألوا ليه مش بتنامى فى اوضة جوزك واسأله كتير انتى مش هتقدرى تجاوبى عليها علشان كده لازم تنامى هنا
علياء :- بس
عمر :- قطعها وقال متخافيش انا هنام على الكنبه وانتى نامى على السرير
علياء :- بتوتر م.م.ماشي
عمر :- استنى وراح فتح الدولاب ومد أيده بورقه وقال خدى يا علياء
علياء :- بصت لايده وقالت ايه ده
عمر :- ده حساب فى البنك فتحته ليكى بأسمك علشان لو يوم جرارى حاجه يبقى معاكى حاجه تسندى عليها
علياء :- انا مش هاخد حاجه انا مش محتاجه فلوس ولا عايزه اى حاجه من اللى عندك دول يا عمر انا اهم حاجه عندى تحمينا من غدر الزمان
عمر :- انا طول ما انا عايش محدش هيقدر يكسرك يا علياء بس ده امان ليكى بعد موتى
علياء :- محدش عارف مين هيموت قبل مين يا عمر
عمر :- عارف بس خليه معاكى علشان خاطرى
علياء :- مدت ايديها بتردد اخدت منه الورق وبصت ليه وقالت شكرآ
عمر :- ابتسم ليها وقال سبق وقولتلك بلاش تشكرينى دى فلوسك يا علياء وكل حاجه بأسمى بتاعتك
علياء :- احم م.م.ماشى ممكن تطلع بره
عمر :- بأستغراب ليه
علياء :- ع.ع.عايزه اغير هدومى
عمر :- اه ماشى انا جايب ليكى هدوم فى الشنط دى بيت وخروج يارب يعجبوكى وسابها وخرج
علياء :- بصت على عمر وهو خارج واتنهدت وقعدت على حرف السرير وبصت على الورق اللى فى ايديها وحدفته على السرير وقامت راحت عند الشنط فتحتها اخدت منها ترنج وعجبها شكله اوى ودخلت الحمام غيرت هدومها وخرجت قعدت على السرير تفكر فى أيامها الجايه لحد ما نامت وبعد وقت دخل عمر لاقه علياء نايمه دخل بص ليها وهى نايمه وابتسم بحب ومسك الغطا حطه عليها واخد المخده ونام على الكنبه وبص لعلياء وافتكر أخته اتنهد بوجع وغمض عينه ونام
««««««««««««««««««««««««««««
اشرقت شمس صباح يوم جديد لتبدء علياء بفتح عيونها بصت فى الاوضه حاوليها لحد ما افتكرت أنها فى فيلا عمر بصت على الكنبه لاقت عمر نايم عليها من غير غطا ولاقت الغطا عليها عرفت أن عمر هو اللى غطاها اتنهدت وقامت من على السرير واخدت الغطا وحطته على عمر وهو حس بيها وفتح عينه وابتسم ليها وقال
عمر :- صباح الخير
علياء :- صباح النور
عمر :- عرفتى تنامى كويس
علياء :- انا مش عارفه ازاى نمت النوم ده كله
عمر :- المهم انك ارتحتى
علياء :- الحمدالله
عمر :- قام قعد على الكنبه ومسك ضهره بألم
علياء :- بعد كده نام انت على السرير وهنام انا على الكنبه
عمر :- لاء طبعآ مينفعش دى اوضك انتى وانتى اللى لازم تنامى على السرير
علياء :- انا قصيره وهعرف انام على الكنبه إنما الكنبه صغيره عليك انت
عمر :- متشغليش بالك انتى بيا انا هعرف انام عليها
علياء :- م.م.ماشى اللى يريحك عن اذنك وسابته ودخلت الحمام
عمر :- بص عليها وهى ماشيه ومسك تليفونه واتصل على اخوه أدم وانتظر الرد
أدم :- عمور عامل ايه
عمر :- بخير يا حبيبى انت عامل ايه
أدم :- زفت لسه اول يوم ليا ومعرفش اى حد هنا وحاسس نفسى هطق من جنابى
عمر :- معلش يا حبيبى هما بس اول يومين كده وبعد كده هتتعود ومراد عامل ايه
أدم :- بصوت واطى انت ملاقتش غير اللطخ ده وتبعته معايا ده مش عارف حاجه فى اى حاجه
عمر :- أدم اتكلم كويس عليه وبعدين انا مش بعته معاك انا بعته يمسك فرع الشركه بتاعتنا
أدم :- يا سلام يعنى مش بعته ينقلك اخبارى
عمر :- يخد باله منك ويمسك الفرع يا لمض
أدم :- ضحك وقال ده انا حفظك اكتر من نفسك يا نمس
عمر :- ضحك وقال يلا خلى بالك من نفسك باى وقفل السكه وكانت علياء خرجت وهو بيتكلم واول ماسمعت اسم مراد اتوترت وبصت لعمر لاقته بيبص ليها ويبتسم ابتسمت ليه بتوتر واديته ضهرها ووقفت تسرح شعرها قصاد المرايا وبعد وقت خلص عمر
علياء :- احم ه.ه.هو اللى اسمه مراد ده هيمسك الشركه هناك
عمر :- ايوه ليه
علياء :- يعنى هيعيش هناك علطول
عمر :- ايوه مراد من أكفاء الموظفين عندى فى الشركه وانا بثق فيه جدآ علشان كده مسكته الفرع اللى هناك وكمان فيه سبب تانى
علياء :- ايه هو
عمر :- أدم اخويه طايش جدآ فى تصرفاته وكان لازم ابعت معاه حد يكون ثقه علشان كده بعت معاه مراد ياخد باله منه ويطمنى عليه اول بأول
علياء :- ليه ده بالذات
عمر :- ما قولتلك لأن انا بثق فيه ومن أكفاء الموظفين عندى فى الشركه
علياء :- ثقتك مش فى محلها يا عمر بعت مع اخوك الشخص الغلط ده من اسوء البنى ادمين اللى ممكن تقابلهم فى حياتك ده شيطان على هيئة بنى أدم
عمر :- ليه الكره اللى انا شايفه فى عيونك ده يا علياء مراد انا اعرفه من زمان اوى وهو فعلا انسان محترم وعلى خلق
علياء :- بعصبيه لاء مش محترم ولا يعرف حاجه عن الاحترام ده ممثل كبير ومخادع انا بكرهوا بكرهوا
عمر :- بأستغراب أهدى يا علياء
علياء :- غمضت عينيها علشان تسيطر على عصبيتها وقالت احم انا بكرهه وبكره كل اللى فى الحاره محدش فيهم وقف جمبى ولا قدروا يحمونى من غدر الزمان ولا قسوتها
عمر :- انا مقدر اللى انتى فيه يا علياء بس مش كلهم وحشين ولا كلهم كويسين فيه ناس كده وفيه ناس كده ومراد من الناس الكويسين بلاش تظلميه بكلامك
علياء :- انت حر عايز تصدق أنه مش كويس صدق مش عايز انت حر عن اذنك
عمر :- بص ليها بأستغراب وهز كتفه ودخل الحمام
«««««««««««««««««««««««««««««
نزلت علياء من فوق لاقت سمر قاعده وبتاكل قالت
علياء :- صباح الخير
سمر :- وهى بتاكل صباح النور
علياء :- امال فين اخواتك
سمر :- معرفش
مياده :- نزلت من فوق وقالت صباح الخير يا بنات
سمر وعلياء :- صباح النور
مياده :- امال فين عبدالرحمن مش فى اوضه
علياء :- معرفش انا لسه بسأل عليكم سمر
وفى الوقت ده دخل عبدالرحمن وهو مش قادر يفتح عينيه وقال السلام عليكم
البنات :- وعليكم السلام ورحمه الله وبركاته
علياء :- كنت فين كده
عبدالرحمن :- فى الشغل
علياء :- شغل تانى يا عبدالرحمن مش عمر قالك أنه هيشغلك معاه فى الشركه
عبدالرحمن :- قولت انزل النهارده علشان اجيب مصروفى انا والبنات
علياء :- ومطلبتش منى ليه
عبدالرحمن :- علشان فلوسك مش من حقنا يا علياء الاول كنا بناخد منك علشان من شغلك انتى لكن دلوقتى اللى معاكى دول فلوس راجل غريب مش من حقنا
سمر :- يا عم فكك كده متبقاش قفيش ووش فقر حد يلاقى فلوس جايه ليه من غير تعب ويقول ليها لاء فقر
عبدالرحمن :- اخرسى انتى خالص وحسك عينك تطلبى منه فلوس فاهمه عايزه حاجه اطلبيها منى انا
سمر :- يا شيخ روح انت بتتكلم على مية جنيه اللى فى جيبك كأنها مية الف جنيه انا احلامى محتاجه ملايين علشان تتحقق واللى هيحققها ليا جوز اختك عمر
مياده :- خلى عندك شوية دم يا بارده ازاى تقدرى تطلبى من حد غريب حاجه
سمر :- انا كده محدش ليه دعوه فاهمين
علياء :-بصت بغيظ لسمر وقالت طيب اسكتوا بلاش فضايح عمر نازل
عمر :- انا طالع اخد شاور فى السريع علشان اروح الجامعه
علياء :- طيب ريح شويه انت مش قادر تفتح عينك
عبدالرحمن :- مش هينفع وسابهم وطلع على اوضه
علياء :- ربنا يحميك ويحرسك يارب يا حبيبى
عمر :- صباح الخير يا بنات
مياده وسمر :- صباح النور
علياء :- وقفت وقالت فين المطبخ
عمر :- ليه
علياء :- علشان احضر الفطار
عمر :- انتى تقعدى معززه مكرمه والفطار هيجى لحد عندك
علياء :- ازاى يعنى
عمر :- بصوت عالى يا ام حسن
ام حسن :- ايوه حاضر وجات تجرى
عمر :- حضرى الفطار
ام حسن :- حاضر ولسه هتمشى
علياء :- لاء استنى انا جايه معاكى
عمر :- رايحه فين
علياء :- متعودش حد يخدمنى يا عمر هروح احضر الفطار بنفسى وبصت لام حسن وقالت يلا بينا
ام حسن :- اتفضلى يا ست هانم
علياء :- ايه ست هانم دى انا اسمى علياء
ام حسن :- عاشت الاسامى يا ست هانم
علياء :- هتقولى ست هانم تانى نادينى بأسمى علياء
ام حسن :- بحب ربنا يبارك فى عمرك يا بنتى وابتسمت ليها وقالت المطبخ من هنا وراحوا مع بعض المطبخ
سمر :- وش فقر يعنى مش قادره تنسى ماضيها وبرضه بدور على التعب يأيديها مشوفتش كده فى حياتى
مياده :- بغيظ حطى لسانك فى بؤقك واخرسى احسنلك
سمر :- راحت قعدت جمب عمر وقالت جوز اختى يا غالى انت على وعدك ليا صح
عمر :- ضحك وقال ايوه والعربيه بره واقفه ليكى ومستنياكى
سمر :- بفرحه بجد يعنى انا دلوقتى عندى عربيه وهروح بيها الجامعه انت احسن راجل فى الدنيا دى بحالها
مياده :- بصت لأختها بغيظ وقالت مكانش فيه داعى تشترى ليها عربيه مش محتاجه ليها هى
سمر :- هى مين دى اللى مش محتاجه عربيه بعد كده متتكلميش على لسانى ماشى وبصت لعمر وقالت متحرمش منك يارب انا ماشيه وخرجت وسابتهم
مياده :- ممكن اطلب منك طلب
عمر :- اه طبعآ اتفضلى
مياده :- بلاش توافق على كل حاجه لسمر اختى
عمر :- بأستغراب ليه
مياده :- سمر اختى طماعه ولما هتلاقى انك بتنفذ ليها كل مطالبها هتزيد فيها
عمر :- طيب ما تطلب براحتها خير ربنا كتير
مياده :- اختى مش بتشبع ارجوك افهمنى
عمر :- بصى يا مياده اختك عامله شبه الواحد لما يجوع ومش معاه فلوس يجيب اكل هيفضل يحلم بجميع اشكال الاكل وبيتهيألوه أن لو اكل الدنيا كله بقى قصاده هياكلوا وهيطلب كمان وفاجئه هيلاقى قصاده اكل اشكال والوان وكتيرررررر جدآ وهيبدأ يدخل بطمع وياكل وياكل بس هيجى عليه وقت وهيوقف عن الأكل لأن معدته خلاص استكفت وشبع مهما حاول هيحس بالرفض والنفور من الاكل اللى قصاده هى اختك كده شافت قدامها فلوس كتير مفكره انها هتقدر تصرفها مره واحده بس هيجى عليها وقت وهتزهق من الفلوس دى وهتعرف أن فيه حاجات تانيه كتير اهم من الفلوس فى الدنيا دى
مياده :- بس متوقعش أن سمر تشبع من الفلوس
عمر :- وانا بخبرتى فى الحياة بقولك أن هيجى يوم وسمر هتستكفى وهدور على حاجات اهم بكتير من الفلوس
مياده :- اتنهدت وقالت بتمنى وفى الوقت ده علياء جات مع ام حسن وحطوا الفطار على السفره
عمر :- بحب تسلم ايدك يا علياء
علياء :- بكسوف ش.ش.شكرآ وقعدت على الكرسى وقالت امال فين سمر
مياده :- فرحت لما عرفت أن عمر جاب ليها العربيه ومشيت
علياء :- انت لحقت دى طلبتها بليل
عمر :- طلباتكم أوامر الصبح اتصلت وجبتها ليها
علياء :- شكرآ يا عمر مش عارفه اقولك ايه بجد بس كفايه على اختى كده سمر مش بتشبع
عمر :- سبق وقولتلك بلاش تشكرينى لأن دى فلوسك انتى يا علياء
علياء :- ابتسمت ليه بتوتر وقالت ي.ي يلا كلوا
عبدالرحمن :- نزل من فوق وقال انا ماشى
علياء :- اقعد افطر
عبدالرحمن :- لاء شكرآ هفطر فى الجامعه وسابهم ومشى
علياء :- بصت لاخوها وهو خارج واتنهدت بوجع وبصت لمياده وقعدت تاكل
مياده :- وقفت وقالت الحمدالله عن اذنكم
عمر :- وقف وقال استنى اوصلك معايا فى السكه
مياده :- لاء شكرآ بلاش تتعب نفسك انا هاخد اى حاجه توصلنى الشغل
عمر :- مفيش تعب ولا حاجه انا لو مكنتش متأكد انك هترفضى أن اشترى ليكى العربيه كنت جيبت ليكى واحده حالا
مياده :- ابتسمت ليه وقالت شكرآ بس انا مش بتاعة عربيات
عمر :- يبقى على الأقل اوصلك معايا
مياده :- ابتسمت ليه وقالت شكرآ على كل حاجه بتعملها معايا ومع اخواتى انا اختى محظوظه أن ربنا كرامها براجل زيك
عمر :- ابتسم وبص لعلياء وقال الحقى اختك بتعاكسنى قدامك
علياء :- ابتسمت وقالت انت تستاهل الشكر على كل حاجه بتعملها لينا
عمر :- باس راسها وقال انا اللى بشكر ربنا أنه رزقنى بيكى يلا باى وخرج هو ومياده
علياء :- اتوترت من اللى عمر عمله وسابت الاكل وقامت وقفت وغمضت عينيها بوجع وقالت يا خوفى يا عمر لتطلب منى حقك الشرعى وانا مش هقدر ادهولك وطلعت تجرى على اوضتها
«««««««««««««««««««««««««««««
فى الجامعه
عند سمر وصلت بالعربيه عند الجامعه وبصت لسواق وقالت بعصبيه
سمر :- انت يا حيوان بعد كده تفتح الباب ليا اول ما تشوفنى وتفتح الباب ليا علشان انزل
السواق :- حاضر يا فندم ونزل فتح ليها الباب
سمر :- نزلت بكل غرور من العربيه وبصت لسواق وقالت متتحركش من هنا مفهوم
السواق :- حاضر
سمر :- دخلت الجامعه والشباب كانت بتبص ليها نظرات شهوانيه بصت ليهم بقرف ودخلت بكل غرور وكبرياء
انجي :- سمر يا سمر وطلعت تجرى عليها بدموع وقالت انا اسفه متزعليش منى
سمر :- ابعدى يا جاموسه عنى
انجى :- بعدت عنها وقالت انتى لسه زعلانه منى انا عارفه من حقك تزعلى انا معرفش عملت كده ازاى وسمعت كلام هيثم انا بحاول اوصلك من يومها وانتى مش بتردى عليا
سمر :- ازعل منك ايه انتى اصلا مش شاغله بالى انتى وسى هيثم بتاعك ده انا ورايا حاجات اهم منكم انتوا الاتنين
انجي :- بصت ليها بأستغراب وقالت ايه اللى انتى بتقوليه ده انا عارفه انك زعلانه بس كلامك صعب اوى يا سمر
سمر :- بصى من الاخر انا لا عايزه اعرفك ولا اعرف حد منكم ممكن تمشى وتسبينى فى حالى بقى وبصت ليها بقرف ومشيت
انجى :- دموعها نزلت منها ولسه بتلف لاقت هيثم واقف وراها وبيدوس على أسنانه وقال عجبك كسرتك واهانتك دى دى مينفعش تحبيها ولا تعتبريها صحبتك دى واحده متستهلش انك تفكرى فيها اصلا يا انجى قولتلك طيبتك دى اللى هتوديكى فى داهيه
انجى :- بدموع انا متوقعتش أنها تعمل معايا كده يا هيثم سمر اتغيرت خالص طول عمرنا بنزعل مع بعض وبنرجع نتصالح مع بعض عادى انا خايفه على سمر من نفسها يا هيثم
هيثم :- بعصبيه تانى يا انجى هتقولى بخاف عليها كفايه بقى يا انجى انسيها وخرجيها من حياتك بقى ومد أيده وقال تعالى معايا يا انجى تعالى نبدء مع بعض دنيا كلها حب بعيد عن الحقد والغل بتاعها ده
انجى :- بصت لايد هيثم ومدت ايديها ببطئ وتوتر ومشيت معاه وهى دموعها على خدها
««««««««««««««««««««««««««««
فى الحاره فى شقة عبده
دخل مهند يجرى وقال
مهند :- يا اما شوفتى اللى حصل
حكمت :- خير يا ابنى فيه ايه
مهند :- اخوات علياء سابوا الشقه و مشوا
حكمت :- بأستغراب مشوا راحوا فين دول
مهند :- وانا هعرف منين يااما
حكمت :- هما من ساعة غياب اختهم وهما اتقلب حالهم يمسيكى بالخير يا علياء كانت هى اللى لماهم تحت جناحها ربنا يطمن قلبى عليها يارب
مهند :- بص لامه بزعل ودخل اوضه وحدف نفسه على السرير وقال وانت زعلت ليه لتكون كنت مفكر نفسك هتاخد واحده انت اللى مربيها سمر عمرها ما هتكون ليك ولا تنفعك يا مهند
مريم :- دخلت وقالت قد كده غيابها اثر فيك وبتكلم نفسك
مهند :- بص ليها وقال دى مين دى
مريم :- حبيبت القلب سموره
مهند :- بعصبيه بت انتى اتكلمى عدل
مريم :- تلاقيها راحت تلف على شاب غنى كده ولا كده
مهند :- اللهم طولك يا روح غورى من وشى بدل ما اخلي وشك شوارع
مريم :- فيه حد يحب واحده اسمها سمر
مهند :- حدفها بالمخده وقال امشى فى داهيه كتك القرف
مريم :- خرجت تجرى من الاوضه وراحت على اوضتها وقعدت على السرير وقالت يا ترى يا عبدالرحمن روحت فين انت وأخواتك البنات يلا داهيه تشيلوا هو وأخواته الفقر دول البيت نضف من اشكالهم وحطت ايديها على خدها وقالت مسيرى ارده ليك يا عبدالرحمن وبدل القلم عشره
«««««««««««««««««««««««««««««
فى المدرسه عند مياده
كانت قاعده فى الاوضه الخاصه بالمدرسين وتليفونها رن بصت فيه لاقته رقم مروان اتنهدت وقامت خرجت بره و وردت عليه وقالت
مياده :- السلام عليكم
مروان :- وعليكم السلام فينك انا انتظرتك تنزلى زى كل يوم بس منزلتيش قلقت عليكى
مياده :- ها م.م.ما انا مش فى البيت
مروان :- بأستغراب مش فى البيت امال فين
مياده :- ها ا.ا.اصل عرفنا مكان أهل ماما الله يرحمها وصمموا أننا نعيش معاهم
مروان :- نعم ده امته وازاى يعنى
مياده :- ا.ا امبارح
مروان :- يعنى ايه مش هعرف اشوفك تانى
مياده :- م.م.مش عارفه
مروان :- انا لازم اقابلك يا مياده انا لازم افهم كل حاجه
مياده :- ها نتقابل
مروان :- ايوه يا مياده
مياده :- م.م.ماشى بعد الشغل
مروان :- تمام هستناكى عند المدرسه يا مياده
مياده :- م.م.ماشي باي وقفلت السكه مع مروان وقالت ربنا يستر وميعرفش أن انا بكدب عليه ودخلت كملت شغلها
««««««««««««««««««««««««««««
عند مراد
كان نايم فى اوضه وسمع صوت علياء بتنده عليه ووشه كله كان عرقان وسمع صوت علياء بتقوله
علياء :-بدموع مراد متسبنيش انا محتاجك مراد انت ليه عملت فيا كده
مراد :- بدموع غصب عنى والله ما كنت فى وعى علياء انا بحبك وعمرى ما اقدر اوجعك سامحينى ارجوكى يا علياء انا بحبك والله العظيم بحبك
علياء :- خد يا مراد
مراد :- ايه ده يا علياء لكلوك بيبى بتاع مين ده
علياء :- بصت ليه بدموع ومشيت وسابته
مراد :- علياء متمشيش علياء خليكى معايا علياء علياااااااء وفتح عينه وهو بينده بأسمها وبص حاوليه وقال انتى فين يا علياء مشيتى وروحتى فين ودموعه نزلت منه وولع سيجاره وقعد يشربها وهو بيفكر فى الحلم
فتاة فى زمن قاسي الفصل الخامس عشر 15
عند مياده
خرجت مياده من المدرسه لاقت مروان واقف مستنيها راحت عنده بتوتر وقالت
مياده :- ا.ا.ازيك
مروان :- الحمدالله اول مره النهارده احس أن فيه حاجه نقصانى علشان مشوفتكيش الصبح
مياده :- غ.غ.غصب عنى أهل ماما مصمموا أننا نعيش معاهم
مروان :- بس ازاى مش هشوفك تانى كل يوم ده انا كان يوم بيبدأ لما بشوفك الصبح يا مياده
مياده :- نقدر نشوف بعض كل يوم بعد الشغل لحد ما ربنا يفرجها ونبقى مع بعض
مروان :- اااااه لو كان فى ايدى فلوس كنت اتجوزتك النهارده قبل بكره
مياده :- بصت ليه وقالت انا لازم امشى
مروان :- لاء تمشى ايه انا ملحقتش اشبع منك تعالى نتمشى شويه مع بعض
مياده :- مش هينفع انا لازم اروح دلوقتى
مروان :- مسك ايديها وقال علشان خاطرى خليكى شويه معايا
مياده :- بصت على أيديهم وبعدين بصت ليه بتوتر وكسوف وسحبت ايديها وقالت م.م.ماشى
مروان :- ابتسم ليها ونزل أيده ومشوا الاتنين مع بعض
مياده :- خالتى عامله ايه
مروان :- كويسه الحمدالله وسكت شويه وقال هو انتوا لسه معرفتوش مكان علياء
مياده :- ها ل.ل.لاء لسه
مروان :- بأستغراب مالك
مياده :- ها م.م.مليش
مروان :- انتى فيه حاجه مخبياها عليا
مياده :- ل.ل.لاء ليه بتقول كده
مروان :- مسك مياده من دراعها وقفها وقال اتكلمى يا مياده فيه ايه مش عايزانى اعرفه
مياده :- بصت ليه بدموع وقالت انا بكدب عليك يا مروان احنا مش قاعدين عند حد من قرايبى احنا قاعدين مع علياء فى بيتها مع جوزها
مروان:- جوزها هى علياء اتجوزت
مياده :- ايوه
مروان :- امته وازاى
مياده :- لسه متجوزه الاسبوع ده
مروان :- وهربت ليه من الحاره
مياده :- علياء مهربتش علياء كانت تعبانه واعصابها تعبانه وعلشان كده بعدت عن الحاره لان كلام الناس كان جارح اوى ليها
مروان :- وليه كذبتى عليا يا مياده
مياده :- علشان متفهمش جواز اختى غلط
مروان :- احنا كلنا عارفين اخلاق علياء ايه ومستحيل تعمل حاجه غلط يا مياده
مياده :- انا مش عايزه حد يعرف حاجه عن علياء ارجوك يا مروان
مروان :- متقلقيش يا مياده
مياده :- شكرآ يا مروان
مروان :- العفو يا مياده بس انا زعلان منك
مياده :- ليه
مروان :- لان انا كنت فاكرك واثقه فيا
مياده :- انا واثقه فيك يا مروان انا اسفه بجد مكنتش اقصد ازعلك بس انا كنت خايفه على سمعت اختى
مروان :- خايفه على سمعت اختك من مين منى انا يا مياده احنا كلنا اتربينا مع بعض وانا عارف انتوا ايه وعارف علياء محترمه ازاى وأنها ربيتكم بشرف وعفاف يعنى مش انا اللى اشك فى حد فيكم خالص
مياده :- ابتسمت ليه وقالت ربنا يخليك ليا
مروان :- بحب وميحرمنيش منك
مياده :- ممكن اروح بقى
مروان :- انا لو عليا مش عايز اسيبك خالص بس اعمل ايه تعالى اوصلك
مياده :- لاء خليك انت هروح لوحدى باى
مروان :- استنى
مياده :- نعم
مروان :- هتواحشينى
مياده :- ابتسمت ليه بكسوف ومشيت
مروان :- ابتسم بحب وقال ربنا يقرب البعيد وروح على البيت
««««««««««««««««««««««««««««
وبعد مرور أربع سنين
انجى:- اتخرجت من الجامعه واشتغلت فى شركة ادويه كبيره وبتحاول تعمل رجيم علشان تخس
هيثم :- اتخرج واشتغل مع انجى فى نفس الشركه حبهم زاد لبعض واتمسكوا ببعض جدآ جدآ
مريم :- اتخرجت من الكليه وبدور على شغل لسه متعجرفه زى ما هى عبدالرحمن :- اتخرج ومسك مدير قسم الحسابات فى شركة عمر
مياده :- لسه زى ما هى شغاله فى المدرسه علاقتها بمروان بتزيد وبيتمسكوا ببعض اكتر من الاول
مروان :- اثبت نفسه فى الشغل وبقى مهم جدآ فى الشركه وبقى هو مدير الأمن هناك حبه بيزيد كل يوم اكتر من اللى قبله لمياده وبيستعد علشان يتقدم ليها
مهند :- اتغير تمامآ عن الاول بقى شخص ملتزم واشتغل فى محل أبوه يساعده
سمر :- اتخرجت واشتغلت فى معمل تحاليل لسه مجنونه زى ما هى ومتعجرفه جدآ ولكن طموحاتها قلت عن الاول
أدم :- اتخرج واستلم فرع شركة عمر بدبي ولسه زى ما هو بتاع بنات
ملك:- اتخرجت وسافرت دبي عند أدم ولسه بتكره انجى وسمر
علياء :- عاشت اسعد ايام عمرها مع عمر عمرها ما حست بحزن ولا وجع كان دايمآ بيرسم الضحكه على شفايفها معاها منار هى نور عيونها من جوه
عمر :- حبه كل يوم بيزيد لعلياء كان هو نعم العوض من عند ربنا بيحاول يحقق كل أحلامها
مراد :- لسه زى ما هو حياته واقفه عند اللحظه اللى اغتصب فيها علياء منزلش مصر من يوم ما سافر علطول بيحلم بعلياء بتنادى عليه بدموع اثبت وبجداره نجاحه فى إدارة شركة عمر رغم سفر أدم لدبى الا هو استمر فى مسك الفرع بتاع عمر ورفض يرجع تانى لمصر
«««««««««««««««««««««««««««««
اشرقت شمس صباح يوم جديد بنورها الساطع فى سماء العاصمه لتبدء علياء بفتح عيونها على لمسه على خدها ابتسمت وقالت
علياء :- صباح الخير يا حبيبى
عمر :- وهو بيمشى الورده على خدها قال صباح الورد والفل والياسمين
علياء :- قامت قعدت واخدت الورده وقالت هتفضل لحد امته كده تدلعنى الدلع ده كله
عمر :- لحد ما نعجز واسنانه توقع ونبقى تيته وجدو
علياء :- ربنا يخليك ليا يارب
عمر :- قرب منها وقال الدعوه متنفعش تكون حاف كده ولسه هيبوسها
علياء :- زقته وطلعت تجرى على الحمام
عمر :- بخوف ولهفه طلع يجرى وراها وقال مالك يا قلبى
علياء :- بتعب مش عارفه معدتى تعبانى اوى ومش طايقه اى ريحة برفان علشان.كده لما قربت منى نفسى غمت عليا
عمر :- طيب تعالى هتصل بالدكتور يجى يكشف عليكى
علياء :- لالالا مفيش داعى يا عمر تلاقيتى بس اخد شوية برد فى معدتى
عمر :- شششش مش عايز ولا كلمه امشى قدامى هتصل بالدكتور
علياء :- بس
عمر :- قطعها وقال انا قولت ايه امشى يلا
علياء :- اتنهدت وخرجت لبست هدوم مقفوله ونامت على السرير
عمر :- اتصل بالدكتور وقعد جمب علياء ينتظر وصوله
علياء :- مسكت بطنها بتعب
عمر :- مالك يا عمرى
علياء :- بألم عندى شوية مغص
عمر :- الف سلامه عليكى يا قلبى وفى الوقت ده جرس الباب رن نزل عمر يجرى اخد الدكتور وطلع معاه الاوضه
الدكتور :- خير يا مدام علياء
علياء :- مفيش معدتى تعبانى شويه
الدكتور :- اخر بريود كانت امته
علياء :- بكسوف ها يعنى من شهر وشويه
الدكتور :- اوك وبدء يكشف عليها وعمل ليها اختبار حمل
عمر :- بقلق خير يا دكتور
الدكتور :- مبروك يا عمر باشا المدام حامل
عمر :- بفرحه بجد يا دكتور ي.ي.يعنى ظهر عندك كده يعنى علياء حامل بجد
الدكتور :- ابتسم وقال ايوه حامل ومد أيده بالروشته وقال دى شوية ادويه هتخدها لحد ما تابع مع دكتور نسا
عمر :- أخدها منه بفرحه وقال شكرآ يا دكتور شكرآ انا بحبك اوى مش عارف اقولك ايه بصراحه
الدكتور :- ضحك وقال متقولش حاجه ربنا يكملها على خير عن اذنكم وسابه ومشى
عمر :- قعد على السرير وشد علياء فى حضنه وقال مبروك يا ام ولادى انا فرحان اوى مش قادر اصدق نفسى
علياء :- بحب الله يبارك فيك يا حبيبى
عمر :- من هنا ورايح مش عايزك تتحركى فاهمه اى حاجه عايزاها اطلبيها تيجى لحد عندك ماشى
علياء :- ابتسمت وقالت حاضر وفى الوقت ده الباب خبط راح عمر فتح لاقها منار شالها بحب وقال
عمر :- صباح الفل يا روح بابى
منار :- باسته فى خده وقالت انا بحبك اوى اوى يا بابى
عمر :- وانا بعشقك يا روح بابى تعالى بوسى مامى وقوليلها مبروك علشان هتجيب لينا بيبى صغنون هيبقى اخوكى ولا اختك
منار :- بجد يا بابى وطلعت تجرى على امها وقالت بجد يا مامى هتجيبى لينا بيبى صغنون
علياء :- شالتها حطتها على رجليها وقالت ايوه يا روح مامى فرحانه
منار :- اوى اوى يا مامى
علياء :- اتنهدت وبصت لعمر بتوتر وباست منار وقالت يلا روحى خلى تيته ام حسن تفطرك
منار :- حاضر يا مامى
عمر :- يلا بسرعه وبص على منار وهى بتجرى وضحك وراح قعد جمب علياء وباس راسها وقال ربنا يخليك لينا يا قلبى
علياء :- بصت ليه بحب وقالت وميحرمنيش منك
عمر :- مالك يا عمرى حاسس انك متغيره من ساعات ما عرفتى انك حامل
علياء :- خايفه
عمر :- بأستغراب خايفه ؟! من ايه
علياء :- خايفه احسن ما تف وفى الوقت ده الباب خبط وقطعت كلامها
عمر :- قام فتح الباب وقال مياده تعالى
مياده :- علياء مالها سمعت أن الدكتور كان عندها
عمر :- بفرحه علياء حامل
مياده :- بجد مبروك وفى الوقت ده تليفون عمر رن بص لمياده وقال
عمر :- ادخلى يا مياده ونزل وراح على المكتب يرد على التليفون
مياده :- دخلت وقعدت جمب علياء على السرير وقالت مبروك يا لولو
علياء :- الله يبارك فيكى
مياده :- وهبقى خاله لتانى مره مش مصدقه نفسى
علياء :- ابتسمت ليها بتوتر ومردتش عليها
مياده :- مالك يا لولو عينك حزينه ليه
علياء :- خايفه على منار
مياده :- خايفه عليها من ايه
علياء :- حطت ايديها على بطنها وقالت خايفه اظلمها بوجود ده
مياده :- تظلميها ؟! ليه طيب
علياء :- اتنهدت وقالت مهما اقولك مش هتفهمه حاجه يا مياده مش هتفهمه
مياده :- اربع سنين وانا بشوف فى عينك سر مخبياه عن الناس كلها حاولت كتير افهم ايه بس برضه مش قادره أوصله عمرك ما كنتى كده يا علياء
علياء :- ضحكت بوجع وقالت علشان اللى انا شوفته فى اخر اربع سنين من عمرى بحياتى كلها يا مياده واتنهدت وقالت سيبك منى دلوقتى عامله ايه مع مروان
مياده :- ابتسمت بحب وقالت الحمدالله اثبت نفسه فى الشغل وبقى هو مدير الأمن وقالى قريب اوى هيجى يتقدم ليا
علياء :- طبطبت عليها وقالت ربنا يسعدك يا مياده
مياده :- بحب ويكملك على خير يا حبيبتى ووقفت وقالت يلا هروح انا علشان متأخرش على الشغل وباست راسها وقالت ريحى بقى ومتتحركيش باى ونزلت وسابتها
علياء :- حطت ايديها على بطنها وقالت يا ترى لما تيجى ايه هيحصل لاختك ومصيرها ايه وبصت على صورة عمر
«««««««««««««««««««««««««««««
فى المكتب
كان عمر بيتكلم مع أدم فى التليفون وقال
عمر :- واحشتنى اوى يا آدم اربع سنين مشوفتكش فيهم اربع سنين روحى غايبه عنى يا آدم
أدم :- ايه يا عم ده انا قولت انك انت مستريح منى
عمر :- انت عارف غلاوتك عندى ازاى يا آدم انتى مش مجرد اخ وخلاص انت ابنى اللى مجبتهوش
أدم :- ربنا يخليك ليا يارب قولى بقى مفيش مزه كده ولا كده شغلت بالك
عمر :- ها ل.ل.لاء مفيش
أدم :- انا مش عارف قادر تعيش ازاى من غير مزز فى حياتك دول هما فاكهة الحياه يا عمور
عمر :- ا.ا.اه أن شاءالله المهم خلى بالك على نفسك
أدم :- ماشى اهرب من الكلام يا كبير انت الخسران خد بالك من نفسك سلام
عمر :- سلام وقفل التليفون واتنهد وقال ربنا يستر من ردة فعلك لما تعرف أن انا اتجوزت وخلفة يا آدم ربنا يستر وخرج من المكتب لاقه سمر قاعده بتفطر قال صباح الخير
سمر :- صباح الورد والفل والياسمين على جوز اختى الغالى
عمر :- امممم عايزه كام
سمر :- ضحكت وقالت مش كتير عايزه اشترى فستان علشان فرح صحبتى النهارده
عمر :- الف جنيه حلو
سمر :- بقولك فستان تقولى الف
عمر :- خدى اتنين اهم
سمر :- من يد ما نعدمها يارب
عمر :- ابتسم ليها وطلع على اوضه
منار :- خالتو
سمر :- اممم نعم
منار :- انتى الفلوس دى هتعملى بيها ايه
سمر :- وانتى مالك انتى يا ام نص لسان
منار :- اصل انا سمعتك وانتى بتقولى لواحد أنك هتتصرفى فى فلوس ليه ضرورى
سمر :- طلعت تجرى عليها وكتمت بؤقها وقالت شششش اياكى تنطقى كلمه واحده من اللى انتى سمعتيها دى فاهمه
منار :- امممم
سمر :- شالت ايديها وقالت عارفه لو محدش عرف بالكلام ده هجبلك شيكولاته وهجبلك لعب وحاجات كتير اوى حلوه ماشى
منار :- مش محتاجه منك حاجه بابى بيجيب ليا حاجات كتير حلوه وبعدين الفلوس اللى معاكى دى اصلا بتاعت بابى مش هتجيبى ليا حاجه من جيبك وعمومآ انا مش هقول لحد حاجه خالص ولا اللى انتى بتديله الفلوس اسمه حازم ولا بتروحى ليه البيت
سمر :- انتى يا قرده سمعتى كل ده امته
منار :- بليل وانتى بتتكلمى معاه فى اوضك كنت أنا قاعده فى الارض وانتى نسيتى أن انا موجوده
سمر :- مونى حبيبتى انا خالتو سمر اللى بتحبك صح
منار :- اممم بتحبينى اوى
سمر :- داست على أسنانها وقالت وعد أن محدش هيعرف حاجه من الكلام ده
منار :- امممم اوعدك يا خالتو سموره وضحكت ليها
سمر :- بت انتى مش مرتاحه ليكى
منار :- عيب يا خالتو
سمر :- بصت ليها بقلق وقالت ربنا يستر وسابتها ومشيت
منار :- بصت لسمر وهى ماشيه وقعدت تاكل
««««««««««««««««««««««««««««
فى الشركه
دخل عبدالرحمن على مكتبه بكل هيبه وقعد على كرسي ومسك تليفونه وطلب السكرتير يدخله فنجان قهوه وقفل معاه وشويه ودخل السكرتير وحط ليه فنجان القهوه والاوراق وقال
السكرتير :- انا كنت جاى علشان اودع حضرتك
عبدالرحمن :- ليه رايح فين
السكرتير :- جاى ليا عقد من شركه خليجيه بمقابل مدى مغرى قابلته
عبدالرحمن :- ربنا يوفقك أن شاءالله طيب مين هيستلم مكانك
السكرتير :- سكرتيره جديده عملت مقابله مع استاذ عمر وهتستلم الشغل من بكره
عبدالرحمن :- تمام هتوحشنى
السكرتير :- حضرتك اكتر ربنا يعلم غلاوتك عندى قد ايه انت من اجمل الشخصيات اللى قابلتها فى حياتى ربنا يوفقك يارب
عبدالرحمن :- مضى على الأوراق اللى قدامه ومد أيده بالورق وقال بالتوفيق أن شاءالله
السكرتير :- اخد الورق وابتسم ليه وخرج وسابه
عبدالرحمن :- قعد يكمل شغله
«««««««««««««««««««««««««««««
فى شقة عبده
خرج مهند من اوضه بص على أمه ملاقهاش قاعده دخل المطبخ وقال
مهند :- الجميل بيعمل ايه
حكمت :- بعمل ليكم الفطار
مهند :- مسك ايديها وباسها وقال تسلم ايدك يا ست الكل
حكمت :- مش ناوى بقى تشوف بنت حلال كده وتتجوزها يعنى مش كفايه عليا اخوك اللى من يوم ما سافر مشوفتش وشه واختك اللى كل ما يجى عريس ترفضه
مهند :- يعنى هى جات على قرمط الغلبان وتكلميه
حكمت :- يا ابنى نفسى اشوف حفيد ليكم قبل ما اموت حرام عليكم اللى بتعملوا فيا ده
مهند :- يعنى انتى سايبهم هما وجايه تكلمينى انا مش بفكر فى الجواز دلوقتى يا اما
حكمت :- من ساعة ما مقصوفة الرقبه رفضتك وانت رافض الجواز خالص ليه يا حبيبى هى لا كانت أول البنات ولا اخرهم شاور بس على اى واحده وانا هروح اخطبها ليك
مهند :- يا دين النبى يا اما يا حبيبتى ايه جاب سيرتها بس انا مش رافض الجواز علشان حد بس انتى شايفه ام الظروف اللى احنا فيها هتجوز واقعدها فين معاكم
حكمت :- ما تقعد مفيش غير انا وابوك واختك بكره ربنا يكرمها وتتجوز واخوك الله اعلم هيرجع امته وانا وابوك مش هنعيش قد ما عشنا والشقه هتبقى فاضيه ليك
مهند :- يا اما ربنا يخليكم ليا بصى سيبى الموضوع ده بعدين ابقى افكر فيه يلا بس علشان افطر وانزل افتح المحل وخرج وسابها
حكمت :- ربنا يهديك يا ابنى ويسعدك وحضرت الفطار
«««««««««««««««««««««««««««
فى مصنع الادويه
دخل هيثم عند انجى وقال
هيثم :- يلا يا حبيبتى علشان ناكل
انجي :- لاء مليش نفس
هيثم :- يا بنتى انتى هتموتى نفسك علشان تخسى والله العظيم عجبانى كده وبموت فيكى
انجى :- لاء لازم اخس يا هيثم انا مينفعش البس فستان فرح وانا تخينه كده الناس هتضحك عليا
هيثم :- ما تولع الناس المهم انا شيفك ايه يا انجى انتى بالنسبه ليا ملكة جمال والله انا بحبك من جوه اكتر من بره بحب طيبة قلبك ودمك الخفيف ضحكتك وهزارك دول اللى بيحلوا الدنيا فى عينيا
انجى :- برضه لازم اخس بكره تزهق منى وتروح تدور على واحده رفيعه وحلوه من اللى كنت بتمشى معاهم ايام الجامعه
هيثم :- انتى عبيطه يا بت بحبك انتى وهفضل احبك لاخر يوم فى عمرى وقرب منها وقال هتتلمى ولا ارزعك بوسه تعدلك
انجى :- بكسوف هيثم اتلم ايه اللى انت بتقوله ده
هيثم :- اعمل ايه حلاوتك بتخلى الواحد يتجن
انجي :- بأبتسامه انت اصلا مجنون
هيثم:- بيكى يا قمر ها هتاكلى ولا ابوس ويارب تكون نفسك مسدوده علشان ابوس
انجي :- اخدت السندوتش من أيده واكلته
هيثم :- ابتسم ليها وقال ايوه كده اتظبطى وأكل هو كمان
«««««««««««««««««««««««««««««
عند مراد
صحى مراد من نومه مفزوع وبينادى على علياء فتح عينه وبص حاوليه وهو نفسه سريع وبلع ريقه ومشى أيده على وشه وطلع بيها على شعره لوراه وقال
مراد :- واخرتها انا تعبت اربع سنين مش قادر انساكى اربع سنين بشوفك فى احلامى هى هى نفس النظره هى هى نفس الدموع تعبت نفسى اعيش طبيعى زى الناس كأنى حياتى وقفت على اللحظه دى ومتحركتش نفسى ارتاح بقى يارب أنا تعبت واتنهد وقام دخل الحمام اخد شاور وخرج اده فرضه ولبس هدومه وراح على الشركه دخل على المكتب بتاعه وطلب من السكرتيره تدخل ليه كل الاوراق اللى محتاجه امضته وقفل السكه وبعد الوقت دخلت السكرتيره وحطت الاوراق قصاده وقالت بدلع
السكرتيره :- تأمر بحاجه تانى يا فندم
مراد :- وهو بيبص فى الورق قال لاء
السكرتيره :- بدلع انا عيد ميلادى النهارده وكنت بتمنى من حضرتك تيجى تحضره
مراد :- لاء مش فاضى
السكرتيره :- ده بليل حضرتك
مراد :- بجديه ليان قولتلك مش فاضى ومد أيده بالورق وقال اتفضلى روحى شوفى شغلك
ليان :- بصت ليه بغيظ وقالت حاضر واخدت الورق وخرجت قعدت على المكتب وقالت بغيظ هوف على تقلك ده اربع سنين وهو مبصش فى وشى بصه واحده هو فيه كده ياربى وقعدت تشوف شغلها.. يتبع الفصل 16 اضغط هنا