رواية فتاة فى زمن قاسي الفصل الرابع والعشرون 24 بقلم دودو محمد
 |
| فتاة فى زمن قاسي بقلم دودو محمد |
فتاة فى زمن قاسي الفصل الرابع والعشرون 24
وصلت مياده الفيلا ومعاها مهند ونزلت من العربيه اتفاجئت بمروان واقف ليها عند باب الفيلا استغربت وبصت لمهند وراحت عند مروان وقالت
مياده :- بأستغراب مروان بتعمل ايه هنا
مروان :- بص ليها بغيظ وبص لمهند وقال من هنا ورايح مش عايز اعرفك يا مياده ولسه هيمشى
مياده :- وقفت قصاده وقالت ايه اللى انت بتقوله ده يا مروان
مروان :- اللى انتى سمعتيه يا مياده مش عايز اعرفك تانى
مياده :- دموعها نزلت منها وقالت انا معنديش مشكله براحتك بس الاول تقولى الأسباب
مروان :- بص ليها وبص لمهند وقال عايزه تعرفى الأسباب ماشى يا مياده انتى واحده رخيصه يا مياده وانا ندمان على كل دقيقه فكرت فيها فيكى
مياده :- وانت واحد متخلف وجبان وانا اللى ندمانه أن حبيت واحد زيك ومش عايزه اعرفك تانى وبصت لمهند ودخلت تجرى على جوه
مهند :- راح عند مروان وقال انت غبى وحمار ازاى تقول على مياده كده
مروان :- عجباك اهى عندك اشبع بيها
مهند :- مياده زى اختى يا غبى ايه اللى بتقوله ده معقول تكون غيران عليها منى انا، طيب ازاى
مروان :- اه بغير عليها منك عارف ليه علشان انت واحد حشاش وصايع
مهند :- اتنهد وقال انا اه حشاش وصايع بس عمرى ما هبص لحبيبت اخويا يا مروان
مروان :- لو انا اخوك بجد كنت اشتريت خاطرى وبعد عن حبيبتى إنما انت هتعيش طول عمرك واطى وجبان
مهند :- افهم يا حمااااار مياده زى اختى والله العظيم ما فيه حاجه ما بينا وعمرى ما افكر فيها لانها حبيبتك ولأسباب تانيه كتير مياده اخر واحده افكر فيها ياريت متخسرهاش يا مروان لانك هتندم بجد لو عملت كده وانت حر وسابه ومشى
مروان :- بص على مهند وهو ماشى وبص على الفيلا ووقف تاكسى ومشى
**
فى الشركه
فى مكتب علياء
كانت قاعده على المكتب بتاعها دموعها على خدها وسمعت صوت خبط على الباب مسحت دموعها واذنت ليه يدخل اتفتح الباب ودخل أدم وقال
أدم :- عامله ايه يا مرات اخويا
علياء :- الحمدالله يا آدم انت اخبارك ايه
أدم :- هطق من الزهق من كتر القاعده فى البيت
علياء :- وقاعد فى البيت ليه
أدم :- هعمل ايه طيب
علياء :- عندك شركة اخوك انزل اشتغل فيها
أدم :- بأستغراب انزل اشتغل فيها عادى يعنى
علياء :- ايوه طبعآ عادى ده خير اخوك مش حد غريب وعمر الله يرحمه كان بيحبك اوى وبيعتبرك ابنه مش اخوه
أدم :- ط.ط.طيب وانتى معندكيش مانع أن انزل اشتغل فى الشركه
علياء :- لاء طبعآ ليه بتقول كده
أدم :- بأستغراب انتى غريبه اوى
علياء :- غريبه ليه
أدم :- يعنى بتتعاملى مع الناس بحسن نيه غريبه حتى انا قولتيلى انزل الشركه مع أن اى واحده غيرك كانت هترفض تعمل كده
علياء :- وارفض ليه
أدم :- هتخافى منى
علياء :- ابتسمت ليه وقالت مش معقول هخاف من اخو جوزى ما اكيد هيخاف عليا وعلى ولاد اخوه لانهم لحمه ولا ايه
أدم :- صح عندك حق
علياء :- الشركه مفتوحه ليك فى اى وقت تحب تنزل فيها
أدم :- وقف وقال من بكره الصبح هنزل الشركه يلا اسيبك تشوفى شغلك وخرج من عندها
علياء :- اتنهدت وبصت فى الساعه بتاعتها لاقت الوقت أتأخر قامت وقفت وخرجت من المكتب بتاعها وقالت لسكرتير انها ماشيه وفى الوقت ده خرج مراد من مكتبه وبص لعلياء ولسه هيروح عندها علياء بصت ليه بقرف ونزلت
مراد :- نزل وراها وقال علياء يا علياء
علياء :- مردتش عليه ونزلت
مراد :- نزل يجرى ووقف قصادها وقال علياء اسمعينى
علياء :- لو سمحت ابعد عن سكتى
مراد :- والله العظيم اللى قولته ليكى فوق ده الحقيقه سامحينى يا علياء انا مظلوم زيك بالظبط احنا الاتنين مجنى عليهم واحنا الاتنين مجروحين
علياء :- بغيظ لاء جرحى انا اكبر من جرحك، انت راجل خسرت ايه ها ولا حاجه سافرت وشوفت نفسك وعيشت حياتك ولا كأنك عملت حاجه إنما انا خسرت كل حاجه خسرت شرفى خسرت ثقتى فى الناس عيشت سنين الدموع مفرقتش عيونى اتعالجت عند دكتور امراض نفسيه علشان اقدر اتعامل مع جوزى زى اى اتنين متجوزين شوفت كتير بسبب غلطه مكانتش مقصوده منك زى ما بتقول وعمرى ما هغير نظرتى ليك مهما قولت انت واحد ندل وجبان وعمرى ما هسامحك على اللى عملتوا فيا حتى لو كان غصب عنك يا مراد بلاش تعيش دور الضحيه كتير علشان انت مجرم
مراد :- انتى ليه نسيتى كل الحلو اللى فيا ومسكتى فى الغلطه الوحيده اللى كانت بدون قصد منى
علياء :- علشان الغلطه الوحيده دى قتلت روحى بيها
مراد :- بص ليها ودموعه نزلت منه وقال انا مستعد اعمل اى حاجه علشان تسامحينى يا علياء
علياء :- متحاولش علشان عمرى ما هسامحك يا مراد وبصت ليه وابتسمت وقالت قد ايه انا فرحانه بدموع عينك دى ربنا يوجع قلبك كمان وكمان وزقته ومشيت
مراد :- قعد على السلم وغمض عينه واتنهد بوجع وحزن ورجع بص مكان ما علياء نزلت وقال كلامك صعب عليا اوى يا علياء اوى وقام نزل وروح على بيته
**
فى مكتب عبدالرحمن
دخلت مريم المكتب عند عبدالرحمن وقالت
مريم :- انا خلصت عايز منى حاجه قبل ما امشى
عبدالرحمن :- لاء انا كمان خلصت وماشى روحى انتى
مريم :- اوك وقفلت الباب واخدت شنتطها وخرجت من المكتب لاقت أدم واقف مستنيها بصت ليه بقرف ومشيت
أدم :- صفر ليها وقال ايه يا جميل تقلان عليا ليه
مريم :- لو سمحت احترم نفسك وبلاش شغل الشوارع ده
أدم :- طيب ايه يا عسل مش ناوى تخلينا نرجع الحب بتاع زمان
مريم :- ضحكت وقالت حب، انت عارف ان انا بسببك كرهت الكلمه دى مبقتش اصدق ان فيه حاجه اسمها حب اصلا انا على قد ما حبيتك على قد ما كرهتك اوى لما عرفت نيتك كانت ليا ايه اخوك عمر الله يرحمه يوم ما انقذنى منك قالى حقيقتك الوسخه وانك عملت مع غيرى كده كتير كنت غبيه سعتها، ومكنتش شايفه غدرك ليا ابعد عن سكتى يا آدم وحسك عينك تتعرض ليا تانى مفهوم
أدم :- طب بقولك ايه ما تيجى معايا ومش هتندمى وغمز ليها
مريم :- واطى وزباله وبصت ليه بقرف ونزلت
أدم :- ضحك وقال مسيرك يا ابيض تبقى فى حضنى ونزل وراها
مريم :- لآخر مره بقولك احترم نفسك وابعد عن سكتى
أدم :- ضحك وغمز ليها ونزل
وفى الوقت ده نزل عبدالرحمن وشاف أدم وهو بيكلم مريم ونزل يجرى بس كان أدم نزل بص لمريم بغيظ وقال
عبدالرحمن :- كان عايز ايه منك
مريم :- ولا حاجه
عبدالرحمن :- امال كان واقف معاكى ليه
مريم :- هوف قولتلك مفيش حاجه ولسه هتمشى
عبدالرحمن :- انا شايفه بعينى وهو واقف بيتكلم معاكى انطقى كان بيقولك ايه
مريم :- يووووه كان بيعاكسنى ارتحت كده
عبدالرحمن :- يا ابن ال وربنا ما انا سيبك ولسه هينزل
مريم :- مسكته من دراعه وقالت لو سمحت متدخلش انا بعرف أوقفه عند حده كويس اوى
عبدالرحمن :- بص على ايديها اللى ماسكه دراعه وبص ليها
مريم :- اتوترت وسابت دراعه وقالت ع.ع.عن اذنك وسابته ونزلت
عبدالرحمن :- بص عليها وهى نازله وداس على أسنانه وقال ماشى يا آدم انا هوريك ونزل من الشركه ركب عربيته ومشى
**
فى فيلا علياء
دخلت مياده تجرى على اوضتها واترمت على السرير وقعدت تعيط وسمعت خبط على الباب مسحت دموعها وقامت راحت فتحت الباب لاقيتها منار نزلت عندها وقالت
مياده :- حبيبت خالتوا عايزه حاجه
منار :- هى خالتوا سمر مالها
مياده :- مالها يا حبيبتى
منار :- كل ما اروح العب معاها بلاقيها بتعيط
مياده :- خالتوا تعبانه شويه يا حبيبتى عايزه تلعبى تعالى العب معاكى انا ادخلى
منار :- دخلت وقالت مامى مش عايزه تخدنى معاها فى الشغل وانا لوحدى زهقانه
مياده :- قفلت الباب وشالت منار وقالت معلش مامى عندها شغل كتير
منار :- طيب هى خالتوا سمر بتعيط كتير ليه هو عمو الوحش ده ضربها
مياده :- بأستغراب عمو مين
منار :- عمو حازم اللى بتروح عنده
مياده :- قعدتها على السرير وقالت مين حازم اللى خالتوا سمر بتروح عنده
منار :- مش عارفه هى كلمته وقالت هجبلك الفلوس بكره وهجيلك
مياده :- حازم يبقى اكيد هو وبصت لمنار وقالت خليكى هنا هروح عند خالتوا سمر وجايه ماشى
منار :- حاضر
مياده :- باست منار فى خدها وراحت فتحت الباب وراحت عند اوضت سمر ودخلت لاقيتها قاعده على سريرها وبتعيط
سمر :- مسحت دموعها وقالت مياده فيه ايه
مياده :- اللى عمل فيكى كده اللى اسمه حازم صح
سمر :- بتوتر ها ا.ا.انتى تعرفى حازم منين
مياده :- ردى عليا هو مش كده
سمر :- بصت فى الارض وقالت ايوه هو
مياده :- عنوانه فين
سمر :- بدموع معرفش
مياده :- اتكلمى يا سمر عنوان اللى اسمه حازم ده فين
سمر :- والله العظيم ما اعرف
مياده :- امال اللى كان بيحصل ما بينكم ده كان بيحصل فين
سمر :- ف.ف.فى شقه كان مأجرها
مياده :- غمضت عينيها بوجع وقالت غبيه ازاى تعملى كده فى نفسك هنوصل ليه ازاى دلوقتى
سمر :- يغور فى ستين داهيه اللى فى بطنى نزل وخلاص مش عايزه اشوف وشه
مياده :- والفضيحه التانيه هنعمل فيها ايه لما حد يتقدملك ويوم فرحك يكتشف انك مش بنت
سمر :- انا خلاص مش هدخل اى راجل تانى فى حياتى ومش هتجوز عمرى
مياده :- والله وبالنسبة لاخواتك لما يسألوا حضرتك رافضه الجواز ليه هتردى عليهم وتقوليلهم ايه
سمر :- ابوس ايدك يا مياده انا مش مستحمله ولا كلمه انا بحاول اقنع نفسى اتقبل اعيش فى الدنيا دى بالعافيه
مياده :- عمومآ انا مش هسكت وهوصله وهخليه يجى يصلح غلطته وبعد كده يطلقك
سمر :- بوجع مش هتعرفى توصلى ليه هو مش من هنا اصلا اللى اعرفه أن هو من الصعيد أو الفلاحين مش عارفه منين بالظبط
مياده :- أن شاءالله هنقدر نوصل ليه
سمر :- دموعها نزلت منها وبصت لمياده وقالت انا اسفه يا مياده طول عمرى تعباكى معايا
مياده :- قعدت جمبها على السرير ودموعها نزلت منها وشدت سمر فى حضنها وقالت هتتحل وكل حاجه هترجع طبيعيه زى الاول أن شاءالله يا سمر أن شاءالله وقعدوا الاتنين يعيطوا
**
انتهى اليوم واشرقت شمس صباح يوم جديد بنورها الساطع فى سماء القاهره لتبدء علياء بفتح عيونها على صوت تليفونها مدت ايديها اخدت التليفون وبصت فيه لاقته رقم غريب قامت قعدت وردت على التليفون وقالت
علياء :- السلام عليكم
ريهام :- وعليكم السلام ورحمه الله وبركاته ازيك يا علياء انا ريهام
علياء :- الحمدلله يا ريهام عامله ايه
ريهام :- الحمدالله كويسه ا.ا.انا اتصلت بيكى علشان اقولك انا موافقه على كلامك
علياء :- تمام جهزى نفسك انتى والاولاد وانا هبعت ليكى السواق يجيبكم تعيشوا معانا فى الفيلا
ريهام :- بس انا خايفه على اولادى من اللى اسمه أدم ده
علياء :- متقلقيش انتوا هتبقوا فى حمايتى ومحدش هيقدر يقرب منكم
ريهام :- فعلا كلام عمر الله يرحمه عليكى كله كان صح قد ايه انتى طيبه وجدعه وقويه قادره تتحملى كل اللى حواليكى من غير زهق ولا ملل
علياء :- علشان محدش عاش وشاف اللى انا شوفته المهم جهزى نفسك وانا هبعت السواق دلوقتى حالا
ريهام :- اوك باى
علياء :- قفلت السكه وقامت من على سريرها دخلت الحمام وبعد وقت خرجت وغيرت هدومها وأدت فرضها ونزلت خرجت من الباب وبلغت السواق يروح يجيب ريهام ودخلت تانى طلعت عند اوضت منار بنتها ودخلت قعدت على السرير جمبها ومشيت ايديها على شعرها وابتسمت بحب ليها وقالت ذنبك ايه تعيشى فى الدنيا مخدوعه تبقى يتيمه وانتى ليكى اب عايش لسه ذنبك ايه تتسمى بأسم تانى غير اسمك الحقيقى ودموعها نزلت منها وقالت ذنبك انك جيتى من ليله واحده امك اندبحت فيها ليله خسرتنى وخسرتك كتير ليله خسرت فيها عذريتى على ايد وحش مفترس ليله ابوكى نهى على اخر حاجه كانت امك عايشه علشانها حقك عليا يا بنتى لو كنت ظلمتك فى يوم من الايام، بكره تكبرى وتفهمى كل حاجه بس ساعتها ارجوكى سامحينى لأن كل اللى حصل ده مش بأيديا وقربت من راسها وباستها وقامت من جمبها ولسه هتخرج من الاوضه
منار :- مامى انا عايزه اروح معاكى الشركه عند عمو مراد
علياء :- غمضت عينيها بوجع وقالت هبعت الداده تجهزك وخرجت تجرى من الاوضه قبل ما بنتها تشوف دموعها
**
عند مياده
صحيت مياده من نومها على صوت تليفونها مدت ايديها اخدته وبصت فيه لاقته مهند ردت عليه وقالت
مياده :- ايوه يا مهند
مهند :- انا قولت اشوفك هتروحى زى ما اتفقنا ولا ايه
مياده :- ايوه هنروح انا كمان عرفت اسمه وده هيسهل علينا حاجات كتير
مهند :- قالت ليكى على اسمه طيب مقالتش هو ساكن فين
مياده :- هى مقالتش حاجه اللى قالت ليا منار بنت علياء كانت سمعتها بتكلمه قبل كده
مهند :- تمام انا جاهز وقت ما تجهزى قوليلى علشان انزل
مياده :- ماشى باى وقفلت السكه مع مهند وبصت على رقم مروان ودموعها نزلت منها واتنهدت بوجع ومسحت رقم مروان من عندها وقالت انت صفحه ولازم تنتهى من حياتى يا مروان ومسحت دموعها وقامت دخلت حمامها وبعد وقت خرجت لبست هدومها وأدت فرضها واتصلت بمهند ينزل ليها ونزلت ركبت العربيه وراحت عند مهند وركب معاها وراحوا عند شغل سمر وطلعوا المعمل ودخلوا سألوا على حازم
منه :- والله منعرفش مكانه ولا ساكن فين
مياده :- يا خساره ده كان ليه فلوس معانا يلا ملهوش نصيب ومشوا لحد الباب
مهند :- شكل محدش فيهم يعرف مكانه
مياده :- اتقل بس
شاب :- لو سمحتوا انتوا كنتوا عايزين تعرفوا مكان حازم
مهند :- ياريت
الشاب:- هو لسه راجع من البلد بقاله يومين ومعايا عنوان شقته الجديده
مياده :- بصت لمهند وابتسمت ليه ورجعت بصت لشاب وقالت هات العنوان الجديد لو سمحت
الشاب :- هو ساكن فى (.......)
مهند :- طلع فلوس من جيبه وقال شكرآ يا زميلى وبص لمياده وقال يلا بينا بسرعه ونزلوا الاتنين ركبوا العربيه وراحوا على العنوان اللى معاهم وبعد وقت وصلوا ونزلت مياده تجرى وقالت
مياده :- ده انا هطلع روحه بأيدى الندل الجبان ده
مهند :- أهدى يا مياده وسبينى انا اتفاهم معاه
مياده :- ماشى وطلعوا الاتنين عند الشقه ورنة مياده الجرس وبعد شويه فتح ليهم حازم وهو عريان من فوق اتكسفت مياده وبصت الاتجاه التانى
حازم :- ايوه مين انتوا
مهند :- احنا اهل سمر
حازم :- بتوتر س.س.سمر مين
مياده:- سمر اللى انت ضحكت عليها يا واطى يا جبان وغيرت اتجاه وشها تانى وقالت البس حاجه كده بدل ما انت عريان وشكلك مقرف
حازم :- لبس القميص بتاعه وقال ب.ب.بقولكم ايه ا.ا.انا معرفش حد بالاسم ده واتفضلوا بقى علشان مش فاضى ولسه هيقفل الباب
مهند :- زق الباب وفتحه ومسك حازم من رقابته وقال هتتلم وتمشى معانا على السليم ولا اطلع روحك بأيدى واخلص الناس من شرك
حازم :- وهو بياخد نفسه بالعافيه قال ه.ه.هموت
مهند :- انطق ليه عملت كده فى سمر
حازم :- وهو بيقطع فى الكلام قال ب.ب.بمزاحها ه.ه.هى اللى كانت بتيجى الشقه برجليها
مهند :- داس اكتر وخنقه وقال وانتى واطى وجبان عملت عملتك وهربت زى النسوان
حازم :- ه.ه.هموت مش قادر
مياده :- بخوف م.م.مهند الراجل هيموت يا مهند خف شويه عليه احنا كده هنموته
مهند :- بص ليه بقرف وبعد عنه وقال اعمل حسابك هتيجى تتقدم ليها وهتتجوزها وبعد فتره هطلقها فاهم
حازم :- ب.ب.بس انا مش معايا فلوس اجبلها شقه ولا شبكه
مياده :- انتوا هتعيشوا معانا فى الفيلا والشبكه هجبها ليك
حازم :- ماشى هعملكم اللى انتوا عايزينه بس بشرط
مياده :- بصت لمهند ورجعت بصت ليه وقالت ايه هو الشرط
مهند:- بعصبيه انتى بتسأليه وبص لحازم وقال انت هتنفذ اللى نقولك عليه من غير ولا كلمه
حازم :- والله هو ده اللى عندى تنفذه الشرط بتاعى انفذ ليكم طلبكم
مياده :- اتفضل قول عايز ايه
حازم :- مية الف جنيه اخدهم اكتب عليها واستر عليها
مهند :- نعم يا روح امك انت مش هتاخد ولا جنيه وهتتجوزها برضه
حازم :- براحتكم بس ممكن اجى قدام الكل واقول الحقيقه وعليا وعلى اعدائى
مياده :- يا واطى يا زباله
مهند :- وانا وحياة امك مش هخليك عايش لحد اليوم ده ومسكه من هدومه ولسه هيضربه
مياده :- سيبه يا مهند انا موافقه ادفعلك الفلوس بس علشان اضمن انك مش هتخلع هديك خمسين قبل الجواز وخمسين لما تطلقها
حازم :- اوك علشان خاطرك يا جميل
مهند:- اتعدل لعدلك يا روح امك
مياده :- تيجى تتقدم ليها النهارده فاهم
حازم :- انا فهمى صعب شويه بيوصل ليا بالفلوس الاقيش معاكى الف جنيه
مياده :- تعال اتقدم ليها النهارده وانا هديك اللى انت عايزه
حازم :- عينيا بليل هكون عندكم
مهند :- بص ليه بقرف وقال (.....)
حازم :- ضحك وقال مقبوله منك يا ابو النسب
مهند :- امشى يلا يا مياده
وخرجوا الاتنين من عنده
حازم :- شكلها هتلعب معاك يا زوما وفى الوقت ده سمع صوت واحده بتنادى عليه قال أيوه يا روحى جايلك على نار وقفل الباب
**
فى بيت عبده
فى اوضت مراد ومهند
فاق مراد من نومه وهو مفزوع ووشه كله عرق وبينادى على علياء دخلت أمه تجرى وقعدت جمبه على السرير وقالت
حكمت :- مالك يا حبيبى
مراد :- بص لامه بدموع واترمى فى حضنها وقعد يعيط
حكمت :- دموعها نزلت وقالت مالك يا حبيبى بس انت حالك مش عجبنى بقالك فتره اتكلم يا ابنى وطمن قلب امك عليك
مراد :- ابنك مجرم يا امى ابنك حيوان قتل اطهر روح على أيده دمرت حياتى وحياتها بأيدى
حكمت :- بخوف وقلق انا مش فاهمه حاجه يا مراد تقصد ايه بالكلام ده
مراد :- بعد عنها وقال انتى لازم تعرفى حقيقة ابنك يا ماما انا انا وقام وقف والدموع نازله من عينه وقال انا اغتصبت علياء يا امى
حكمت :- وقفت جمبه بصدمه وقالت علياء مين
مراد :- بدموع اللى كانت عايشه هى واخواتها على السطح
حكمت :- خبطت على صدرها وقالت وده حصل امته وازاى
مراد :- من اربع سنين قبل ما اسافر يوم كنت مصدع وجبتى ليا حبايه واخدها منك على أساس حباية صداع كانت حبايه كان مهند جايبه من الزفت اللى اسمه سيد ده ولما اخدها للاسف كنت طالع عند علياء علشان أقنعها تقعد ومتسبش السطح وقعد على حرف السرير وحط راسه ما بين ايديه وقال بوجع والحبايه عملت مفعول وانا عندها فوق ودبحتها بأيدى يا امى اغتصبتها وطلعت حيوان
حكمت :- قعدت جمبه وشدته فى حضنها وقالت اهدا يا حبيبى اللى حصل ده كان غصب عنك
مراد :- لاء يا امى انا واحد ندل وجبان انا غبى غبى ازاى قدرت اعمل فيها كده ازاى
حكمت :- بدموع وليه مقولتش ليا فى ساعتها كنت جوزتها ليك وصلحت اللى حصل ده
مراد :- بدموع كانت مشيت ومكنتش عارف مكانها
حكمت :- وعرفت مكانها
مراد :- ايوه واتجوزت كمان وجوزها مات
حكمت :- طيب خلاص اهى اتجوزت وقدرت تتغلب على اللى حصلها ده
مراد :- انتى عارفه اتجوزت مين
حكمت :- مين
مراد :- اتجوزت عمر الله يرحمه صاحب الشركه اللى شغال فيها
حكمت :- وايه اللى جاب دى لده
مراد :- بدموع مش عارف
حكمت :- طيب يا ابنى مدام عاشت حياتها انسى اللى حصل زمان وعيش انت كمان حياتك
مراد :- مش قادر يا ماما حياتى واقفه على اليوم ده تعبت من الكوابيس اللى بشوفها فى حياتى الحاجه الوحيده اللى ادتنى شوية أمل أن معاها بنت اسمها منار نسخه منى لما بقرب منها بحس احساس غريب بشوف الدنيا حلوه اوى لما بتتكلم معايا ببقى عايز اخدها فى حضنى واضمها لما بتتكلم بحس انها حته منى روحى قصادى بتتحرك حتى بصى كده واخد الصوره من تحت المخده وبصلها وابتسم وقال شوفى يا امى شبهى ازاى تتحب من اول نظره
حكمت :- اخدت الصوره وقالت فعلا يا ابنى دى نسخه منك انا شيفاك فيها انت تقصد تقول انها ممكن تكون بنتك
مراد :- ابتسم لصوره والدموع نازله منه وقال احساسى بيقول كده أنها بنتى من دمى يا امى خوفها عليها منى بيأكد ليا احساسى ده حب البنت ليا وتعلقها بيا بيأكد الاحساس ده انا نفسى أتأكد نفسى ترد ليا روحى من جديد يا امى نفسى
حكمت :- طيب اسأل علياء
مراد :- مش هتقول الحقيقه يا ماما دى كل ما تشوف البنت تقرب منى تتجنن وتبعدها عنى
حكمت :- انا عايزه اشوف البنت دى يا مراد
مراد :- ازاى بس يا امى
حكمت :- اتصرف وهات البنت ليا هنا اشوفها
مراد:- امها مش هترضى
حكمت :- كده انا هعرف اشوفها بطريقتى
مراد :- ازاى بس
حكمت :- متشغلش بالك انت قوم بس اجهز وروح شغلك وسيب الباقى عليا وخرجت وسابته
مراد :- بص على أمه وهى ماشيه واتنهد بحزن وقام خرج وراها ودخل الحمام
**
فى فيلا أدم
صحيت ملك من نومها لاقت أدم بيسرح شعره قامت قعدت على السرير وقالت بأستغراب
ملك :- انت رايح فين على الصبح كده
أدم :- نازل الشغل
ملك :- شغل ايه ده
أدم :- فى شركة عمر الله يرحمه
ملك :- مقولتلش يعنى على موضوع الشركه دى
أدم :- عادى مجاتش فرصه اقولك وقعد على حرف السرير يلبس الجزمه بتاعته
ملك :- أدم مش ناوى تتجوزنى
أدم :- ها ا.ا.اه ربنا يسهل
ملك :- قامت وقفت وراحت قعدت على رجله وقالت لاء شغل التهرب ده مش معايا انا يا دومى انا كنت بجيب ليك البنات بنفسى علشان تدلع نفسك بس يوم ما تستندل معايا هتشوف واحده تانيه خالص مش انا اللى يتلعب بيها يا حبيبى
أدم :- انتى شايفه وقته الكلام فى الموضوع ده يا ملك
ملك :- ايوه يا حبيبى وقته واعمل حسابك انت هتتجوزنى يعنى هتتجوزنى وقربت من شفايفه وباسته وبعد وقت بعدت عنه وقالت انا ملك يا دومى ها وغمزت ليه ودخلت الحمام
أدم :- بص ليها بغيظ وهى داخله الحمام وقام خرج من الاوضه ونزل ركب عربيته ومشى
ملك :- خرجت من الحمام وقعدت على حرف السرير وقعدت تفتكر اللى حصل ما بينهم فى دبى
**
فلاش بااااك
الاتنين كانوا سهرانين مع بعض وبيشربوا كتير ومع الوقت كتروا فى الشرب وسكروا جامد وقامت ملك وقفت وقالت
ملك :- ا.ا.احنا شكلنا شربنا ك.ك.كتير يا ادم
أدم :- وهو مش قادر يوقف قال ا.ا.انا شايفك كتير اوى بس كل واحده احلى من التانيه
ملك :- وهى مش قادره توقف قالت ل.ل لا ده شكلك انت اللى سكران اوى ا.ا انا هروح انام وهى ماشيه وقعت فى حضن ادم
أدم :- قربها اكتر لحضنه وبص على شفايفها وقرب منهم وباسها وبعد وقت طويل بعد عن شفايفها وميل عليها وشالها وطلع بيها الاوضه عنده ونزلها على الأرض ومد أيده قلعها التيشيرت بتاعها وقرب من شفايفها وباسها
ملك :- كانت مسلمه ليه نفسها
أدم :- شالها حطها على السرير وقرب منها و(.....)
وتانى يوم صحيت ملك من نومها وبصت حاوليها لاقت أدم نايم على وشه وضهره عريان وبصت على نفسها لاقت نفسها من غير هدوم والهدوم كلها مرميه على الأرض خبطت على ضهر أدم وقالت
ملك :- انت يا بنى أدم قوم بسرعه قولى ايه اللى حصل
أدم :- فتح عينه وبص لملك وقال ايه فيه ايه
ملك :- ممكن افهم ايه اللى حصل ده
أدم :- قام قعد جمبها وقال كانت احلى واجمل ليله قضتها فى حياتى كنتى طلقه يا بنت الايه
ملك :- انت ازاى تعمل معايا كده ولفت الملايه على جسمها وقامت وقفت وقالت ده انا اللى كنت بجيب ليك البنات بنفسى وولعة سيجاره واخدت منها نفس وقالت ازاى تعمل فيا كده ازاى
أدم :- قام وقف وقال احنا كنا سكرانين يا ملك ومحسناش باللى حصل ده وبعدين احنا الاتنين محتاجين بعض وانا بعد ما عيشت معاكى الليله دى مستحيل هتنازل عنك انتى كنتى فاهمنى اكتر من نفسى يخربيتك كنتى جامده موت
ملك :- يعنى هتتجوزنى
أدم :- ها ما بلاش فكرة الجواز دى تحسى أن الجواز بيدخل من الباب المتعه بتنط من الشباك
ملك :- الكلام ده بالنسبه ليك والبنات اللى بجبها ليك إنما انا غيرهم يا آدم
أدم :- سيبك انتى بس وتعالى نعيش مع بعض زى الليله بتاعة امبارح وشدها فى حضنه
ملك :- اوعى يا آدم مش هتقرب منى غير لما تتجوزنى
أدم :- شششش هعملك كل اللى انتى عايزاه بس تعالى ونزل الملايه من على جسمها وقرب منها و(......)
**
بااااااك
فاقت ملك من تفكيرها وقالت
ملك :- لاء يا آدم مش انا اللى تلعب بيها وتعاملها زى اى واحده من الشارع ويا تتجوزنى يا عليا وعلى اعدائى وولعت السيجاره واخدت نفس منها ونفخت الدخان فى الهوا وبصت عليه وقالت انت وثروتك ليا انا وبس يا آدم
**
فى شركة علياء
كانت علياء قاعده فى مكتبها مع بنتها منار وبتهزر معاها وسمعت صوت خبط على الباب بصت اتجاه الباب وقالت
علياء :- ادخل
الباب اتفتح ودخل السكرتير وبلغها أن فيه واحده عايزه تقابلها قالت ليه يدخلها وكانت مستغربه مين دى واتفاجئت بدخول حكمت قالت بصدمه خالتى حكمت
حكمت :- راحت عندها وقالت عامله ايه يا بنتى
علياء :- نزلت منار من على رجليها وقامت وقفت وراحت عندها واترمت فى حضنها ودموعها نزلت منها وقالت واحشتينى اوى يا خالتى اوى
حكمت :- طبطبت على ضهرها وقالت وانتى يا بنتى واحشتينى اوى كده برضه يا علياء تمشى ومتسأليش على حد فينا ليه كده يا بنتى
علياء :- بعدت عنها وبصت فى الارض وقالت غصب عنى يا خالتى مش بأيدى كان لازم ابعد
حكمت :- بصت على منار وابتسمت وقالت دى بنتك
علياء :- ها ا.ا.اه
حكمت :- تعالى لتيته حكمت يا حبيبتى
علياء :- بصت بتوتر ليها وبصت لمنار وقالت روحى لتيته يا منار
منار :- راحت عند حكمت وقالت ازيك يا تيته
حكمت :- شالت منار وحضنتها وقالت الله كلمة تيته حلوه اوى منك يا حبيبت تيته عندها كام سنه يا علياء
علياء :- احم ماشيه فى اربع سنين
حكمت :- تقريبآ من ساعة ما مشيتى من الحاره
علياء :- ها م.م.ما انا اتجوزت علطول وهى اتولدت فى السابع
حكمت :- معلش يا بنتى شوية ميه بس هاتيها انتى بأيدك علشان بقرف
علياء :- حاضر تعالى يا منار
حكمت :- لاء سيبى منار معايا لحد ما تيجى
علياء :- ابتسمت ليها بتوتر وقالت م.م.ماشى وخرجت وسابت منار مع حكمت
حكمت :- حضنتها وقالت اكيد اللى انا حاسه بيه ده صح انتى مننا ودمنا يا بنتى ياااااه معقوله انا جده بقالى اربع سنين من غير ما اعرف يارب يطلع إحساسنا ده صح وطلعت مقص من الشنطه بتاعتها وقصت حته من شعرها
منار :- تيته انتى قطعتى شعرى
حكمت :- ها لاء يا حبيبتى ده شعرك شبك فى الخاتم بتاعى وحطت الشعر فى منديل وحطتها تانى فى الشنطه وقالت تخدى حاجه حلوه
منار :- شكرآ يا تيته مش عايزه
حكمت:- انتى عارفه انا ابقى ام مين
منار :- لاء
حكمت :- انا ابقى ام عمو مراد
منار :- عمو مراد
حكمت :- اه بتحبيه
منار :- اوى اوى يا تيته
حكمت :- حضنتها وقالت وهو بيموت فيكى يا حبيبتى ومشيت ايديها على شعرها وقالت خدى من تيته دى بقى
منار :- اخدتت منها الشكولاته وفى الوقت ده جابت علياء الميه وقالت
علياء :- اتفضلى يا خالتى
حكمت :- من يد ما نعدمها يا بنتى وشربت منها
علياء:- ايه اللى فى ايدك ده يا منار
منار :- من تيته يا مامى
علياء :- ليه بس كده يا خالتى
حكمت :- دى حاجه بسيطه يا بنتى وقامت وقفت وقالت تبقى تعالى اسألى علينا يا بنتى
علياء :- حاضر يا خالتى خليكى قاعده شويه طيب
حكمت :- انا لو عليا مش عايزه اسيبك انتى ومنار حبيبت تيته بس اعمل ايه لازم اروح علشان اعمل اكل لعمك عبده انا بس جيت اشوفكم لما عرفت مكانكم من مريم بنتى
علياء :- نورتينى يا خالتى
حكمت :- سلمت عليهم وخرجت وسألت على مكتب مراد وراحت عنده وخبطت على الباب ودخلت
مراد :- ماما تعالى وقام يجرى مسك ايديها وقال خير يا ماما بابا كويس
حكمت :- قعدت وقالت اهدا يا مراد مفيش حاجه انا جيت اشوف بنت ابنى
مراد :- بنت ابنك
حكمت :- انا حسيت بكلامك يا مراد انا فعلا حسيت بأحساس غريب لما حضنة منار حسيت انها من دمنا انا متأكده أن البنت دى بنتك دى نسخه منك يا حبيبى وعمومآ انا جبت اللى هيثبت أنها بنتك
مراد :- ازاى
حكمت :- هنعمل تحليل DNA ونتأكد أنها بنتك وجبت عينه من البنت خدها وروح أتأكد يا حبيبى وخرجت المنديل من شنتطها ومدت ايديها بيه
مراد :- بص على ايد أمه ومد أيده ببطئ واخد من ايديها المنديل وبص لامه وقال انا هروح اعمله دلوقتى حالا
حكمت :- روح يا حبيبى ووقفت وقالت وانا همشى علشان ابوك
مراد :- تعالى اوصلك الاول وبعد كده اروح المعمل
حكمت :- ماشى يلا وخرجوا الاتنين مع بعض ونزلوا من الشركه وراح مراد وصلها وراح على المعمل يعمل التحليل
**
فى فيلا علياء
سمر كانت قاعده فى اوضتها زهقانه قامت وقفت و نزلت تقعد شويه فى الجنينه وفى الوقت ده جرس الباب رن راحت فتحت الباب ووقفت مصدومه مكانها
أدم :- اوباااااا انتى بتعملى ايه هنا
سمر :- ا.ا.ادم
أدم :- عيون وقلب أدم
سمر :- ا.ا.انت جاى هنا ليه
أدم :- علشان اشوف الحلو بزياده انتى عارفه من يوم ما شوفت جسمك وحلاوته وجماله صورته مش بتروح من خيالى اااااه نار يا بنت اللذينه وحاول يمشى أيده على جسم سمر
سمر :- بعدت عنه وقالت لو سمحت احترم نفسك وياريت تتفضل تمشى علشان محدش موجود فى الفيلا
أدم :- دخل وقال حلو برضه وقرب منها وقال هو ده المطلوب وقرب اكتر ليها وقال مقولتليش يا مزتى انتى بتعملى ايه هنا
سمر :- بعدت عنه وقالت انا اخت علياء
أدم :- اوبا ده ايه الصدف دى بس ياربى وقرب اكتر ليها وقال ده انا محظوظ بقى ومشى أيده على كتفها وقال شكلنا هنتمتع كتير اوى الايام الجايه
سمر :- ابعد عنى لو سمحت
أدم :- بسها من رقابتها وقال لاء مش متعود عليكى كده انا عايز سمر الجريئه وداس على شفيته من تحت بأسنانه وقال عايز سمر بتاعة الفيلا فاكره ااااااه
سمر :- ارجوك ابعد عنى وقعدت تزق فيه
أدم :- ابعد ايه مزه وفيلا فاضيه ابقى مجنون لو سيبتك وقعد يبوس فى رقابتها
سمر :- قعدت تزق فيه وتبعده عنها
وفى الوقت ده دخل مهند ومياده ووقفوا مصدومين من المنظر
مياده :- بصدمه انتوا بتعملوا ايه
سمر :- بدموع اوعوا تفهمونى غلط والله العظيم هو اللى حاول يتهجم عليا وانا كنت بحاول أبعده عنى
أدم :- احم طيب باى بقى يا سموره ابقى اشوفك مره تانيه وسابهم ومشى
سمر :- والله العظيم ما حصل حاجه والله العظيم مظلومه
مهند :- انتى هتفضلى و*** كده لحد امته عاملين نلم من وراكى وانتى رخيصه بتبيعى جسمك لكل راجل شويه ايه يا شيخه مش بضيعى وقتك خالص
سمر :- بدموع انتوا ظلمنى والله هو اللى حاول يتهجم عليا مياده اوعى تصدقى ده كداب ما انتى عارفه كل حاجه مهند بلاش تظلمنى انا اه عملت حاجات كتير اوى زمان لكن دلوقتى مظلومه
مهند :- بصلها بقرف ومشى وسابهم
سمر :- مياده ردى عليا قوليلى انك مصدقانى والله هو اللى اتهجم عليا وجسمى ضعيف مكانتش قادره أبعده عنى
مياده :- بصت ليها وهزت راسها يمين وشمال وسابتها وطلعت على اوضتها
سمر :- قعدت فى الارض وبصت على مياده وهى طالعه اوضتها وقعدت تعيط.. يتبع الفصل 25 اضغط هنا