رواية فتاة فى زمن قاسي الفصل الثامن

رواية فتاة فى زمن قاسي الفصل الثامن بقلم دودو محمد

فتاة فى زمن قاسي بقلم دودو محمد

فتاة فى زمن قاسي الفصل الثامن 8

مر اسبوع على ابطالنا بدون احداث تذكر

فى شقة عمر

صحيت علياء على صوت جرس الباب قامت من على السرير وراحت عند الباب وبصت من العين السحريه لاقته عمر اتنهدت براحه وفتحت الباب وابتسمت ليه

عمر :- مد أيده بالشنط وقال صباح الخير

علياء :- صباح النور ايه ده

عمر :- خدى بس منى

علياء :- اخدت الشنط وحطتها على السفره وقالت انت كل يوم لازم تيجى تجيب حاجات كتير كده

عمر:- علشان لو يوم انشغلت فى الشغل ومقدرتش اجى ليكى يكون عندك اكل فى البيت

علياء :- انا مخلصتش اللى انت جبتهم اول مره علشان تجيب ليا كل يوم وبعدين ا.ا.انا قررت ارجع لاخواتى النهارده

عمر :- بصدمه ترجعى لاخواتك

علياء :- ايوه انا غايبه عنهم بقالى اسبوع معرفش بيعملوا ايه لوحديهم ولا عايشين ازاى

عمر :- متقلقيش عليهم انا مش سايبهم انا بسيب ليهم فلوس عند باب الشقه من غير ما حد يحس ولا يعرف مين اللى بيبعت ليهم الفلوس دى

علياء :- بأستغراب وليه بتعمل كده

عمر :- علشان اعوض ليهم غيابك وعلشان كنت متأكد ان بالك مشغول عليهم

علياء :- انت ليه بتعمل معايا كل ده ومتقولش علشان متحمل جزء من اللى حصل ليا لأن اللى حصلى ملكش يد فيه

عمر :- دخل قعد على الكنبه وقال انا نفسى مش عارف السبب بس بفرح لما بعمل حاجه تفرحك برتاح لما بشوف ابتسامتك واشوف الرضا اللى فى وشك بحس أن يومى بيبدء بجد لما بشوفك حسيتك شئ اساسي فى حياتى

علياء :- بتوتر م.م.مينفعش

عمر :- بأستغراب هو ايه ده اللى مينفعش

علياء :- احساسك اتجاهى ده وبصت الاتجاه التانى ودموعها نزلت منها وقالت لأن كل اللى انت حاسس بيه اتجاهى مش اكتر من شفقه عليا وده انا عمرى ما هقبل بيه انا عيشت عمرى كله متعوده على الصدمات واقع فى الارض وارجع اقف من اول وجديد وده بقى بالنسبه ليا شئ عادى إنما عمرى ما هقبل العطف والشفقه يا استاذ عمر

عمر :- شفقه !

علياء :- ايوه شفقه ملهاش معنى تانى

عمر :- لاء ليها معنى تانى يا علياء ممكن متصدقهوش او ممكن تكونى حاسه بيه وبتنكرى بس دى الحقيقه

علياء :- تقصد ايه

عمر :- وقف قصادها وقال علياء انا بحبك

علياء :- بصت ليه بصدمه وقالت بتحبنى !

بتحب واحده اعتدى عليها حيوان وخسرها شرفها ولا بتحب البنت الفقيره الخدامه ولا بتحب البنت المكسوره من وجع الزمن ليها حب ايه بس يا استاذ عمر اللى بتقول عليه ده فيه فرق كبير وفيه موانع كتير اوى للحب ده العين عمرها ما تترفع عن الحاجب وبلاش ابوس ايدك كلام الافلام والروايات بتاع الحب عمره ما يعرف طبقات ولا يعرف غنى وفقير علشان ده كلام روايات مش بيحصل فى الحقيقه انا ماشيه النهارده يا استاذ عمر وأنت اكيد هتلاقى البنت اللى من مستواك اللى تحبها بجد البنت اللى مفيش حد قابلك لمسها

عمر :- علياء فعلا الحب عمره ما يعرف غنى وفقير ده فعلا مش كلام روايات انا حبيتك بجد حبيت علياء القويه حبيت البنت اللى بمية راجل البنت اللى رغم الظروف اللى مرت بيها لسه عندها ايمان بربها ورضا وتسامح فى قلبها ملوش مثيل قلب متغيرش رغم كل اللى حصل ليه اللى حصلك ده مكانش بأيدك علشان انا ولا المجتمع نعقبك عليه علياء انا عيشت عمرى كله رافض الجواز علشان ملاقتش البنت اللى قلبى يتفتح ليها انتى بس اللى قلبى اتفتح ليها من اول لحظه شوفتك فيها حاجه شدتنى ليكى حسيت احساس عمرى ما حسيت بيه قبل كده بعيد عن الشفقه اللى بتقولى عليها دى

علياء :- للاسف يا استاذ عمر انا لا بقيت انفعك ولا انفع غيرك

عمر :- ليييييه

علياء :- اتنهدت وقالت لأسباب كتيره اوى انا عمرى ما هروح ادور على نفسى واسيب اخواتى ومش هقبل راجل غريب مهما كان يصرف عليهم حتى لو الراجل ده جوزى انا وهبة حياتى لاخواتى وبس وعد امى وعد ولازم انفذه فى اخر مره اشوفها فيه قالت ليا علياء انتى دلوقتى كبيره خدى بالك على اخواتك وانا قولت ليها متقلقيش عليهم ومن اليوم ده حسيت أن انا اتحملت المسؤوليه ولازم اقوم بواجبى لآخر لحظه فى عمرى لازم أتمم رسالتى للآخر علشان امى وابويه يبقوا مرتحين مكان ما هما موجودين

عمر :- وده ايه داخله بينا أنا مطلبتش منك انك تبعدى عن اخواتك ولا طلبت منك متصرفيش عليهم بالعكس أنا هساعدك فى رسالتك دى اللى محتاج يتعلم هعلمه واللى محتاج شغل هشغله واللى محتاجه تتجوز هجوزها هعتبرهم اخواتى زى ما هما اخواتك بالظبط

علياء :- يعنى هتشيل البيعه كلها

عمر :- بأستغراب بيعه!

علياء :- ايوه بيعه لما تكون عايز تتجوزنى وتهتم بأخواتى بالشكل ده تبقى بيعه

عمر :- يا علياء افهمى انا بحبك وعلشان خاطرك مستعد اعمل اى حاجه ومش معنى كلامى اهانه ليكى ولا بيقلل من قمتك عندى خالص

علياء :- ادته ضهرها وقالت انا مش بفكر فى الجواز دلوقتى ولا هفكر فيه عمرى ومدت ايديها بالمفتاح وقالت اتفضل حضرتك مفتاح الشقه اهو هترجع بليل مش هتلاقينى وشكرآ جدآ على وقفة حضرتك جمبى عن اذنك وسابته ودخلت الاوضه

عمر :- بص عليها وهى داخله اوضتها واتنهد ونزل يجرى ركب عربيته ومشى

**

فى شقة عبده

دخلت حكمت الاوضه عند بنتها مريم لاقتها لسه نايم اتنهدت وراحت عندها وخبطت على كتفها وقالت

حكمت:- مريم يا مريم

مريم :- وهى مغمضه عينيها قالت سبينى نايمه يا ماما مش رايحه فى حته

حكمت :- يا بنتى بقالك اسبوع مروحتيش الجامعه ولا خرجتى من اوضك فيه ايه مالك ايه حصلك

مريم :- معنديش حاجه مهمه وسبينى انام بقى

حكمت :- يا بنتى قومى اتكلمى معايا شبه الناس

مريم :- يوووووه بقى

حكمت :- اتنهدت وقالت اللى يريحك يا بنتى وخرجت من الاوضه وقفلت الباب وراها

مريم :- قامت قعدت وبصت على الباب واتنهدت بوجع ودموعها نزلت منها وقعدت تعيط وقامت من على سريرها دخلت الحمام وبعد وقت خرجت من الحمام وقعدت تانى على سريرها ومسكت التليفون بتاعها وجابت صور أدم عندها وهما الاتنين مع بعض وقعدت تتفرج عليهم ودموعها تنزل منها اكتر واتنهدت وقالت ليه تعمل فيا كده ليه انا حبيتك بجد كان عندى استعداد ابيع عمرى كله علشانك انت وبعد ده كله مش قادره اكرهك وحضنت التليفون وقعدت تعيط

**

فى شقة علياء

صحيت مياده من نومها وبصت على سمر اللى نايمه جنبها وقالت

مياده :- سمر يا سمر

سمر :- اممم

مياده :- اصحى يلا

سمر :- مش رايحه

مياده :- ليه بقى أن شاءالله

سمر :- مش معايا فلوس

مياده :- انتى يا بنتى بتودى فلوسك فين انتى تقريبآ بتخدى فلوس منى كل يوم

سمر :- فلوس انتى بتسمى العشرين جنيه دول فلوس ده يدوب بركب مواصلات بيها واشترى اى باكو بسكويت اكله اسد بيه جوعى

مياده :- والله هو ده الموجود

سمر :- امته ربنا يتوب عليا من ام العيشه الفقر دى هوف بقى

مياده :- احمدى ربنا على اللى انتى فيه

سمر :- أحمده لما يبقى معايا فلوس كتير واعيش شبه البنى ادمين

مياده :- يا ساتر يارب عليكى استغفرى ربنا على كلامك ده

سمر :- بقولك ايه هى مش نقصاكى يا ست الشيخه على الصبح انا هنام احسن

مياده :- وقفت وقالت اخرتك سوده يا سمر وبكره افكرك وراحت عند شنتطها وفتحتها اخدت منها فلوس وحدفتها جنب سمر على السرير وقالت ليها بقرف خدى خمسين جنيه اهى يارب بس تملى عينك الفرغه دى وسابتها وخرجت من الأوضه

سمر :- اخدت الخمسين جنيه وقالت مالها دى كأنها اديتنى الف جنيه مش حتة خمسين جنيه ميعملوش حاجه وقامت خرجت دخلت الحمام

مياده :- راحت عند عبدالرحمن وخبطت على كتفه وقالت عبدالرحمن عبده اصحى يلا يا حبيبى

عبدالرحمن :- قام بسرعه وقال علياء انتى جي وسكت بخيبة امل وقال مياده

مياده :- اتنهدت بوجع مش انت لوحدك اللى هتموت عليها يا عبدالرحمن انا حاسه ان روحى رايحه منى بقالها اسبوع

عبدالرحمن :- انا خايف ليكون حصل ليها حاجه يا مياده يا ترى هى عايشه ازاى

مياده :- انا حاسه انها قريبه مننا هنا وان هى اللى بتحط لينا الفلوس دى

عبدالرحمن :- طيب ليه بتحط الفلوس لينا وبتبعد عننا احنا مش عايزين فلوس ولا حاجه احنا عايزين انها ترجع لينا بس

مياده :- وانا والله نفسى ترجع وسطنا تانى

سمر :- وهى خارجه من الحمام متتعبوش نفسكم زمانها عايشه حياتها ولا بتفكر فينا اصلا

عبدالرحمن :- قام عندها بغيظ وقال انتى ايه يا شيخه مش بنى ادمه معندكيش قلب ومفيش دم عندك خالص

سمر :- على فكره بقى انا واقعيه واللى يخليها تغيب عننا اسبوع ومتفكرش حتى تبعت جواب يطمنا عليها أو حتى مكلمة فون تعرفنا مكانها يبقى هى انانيه وفكرت فى نفسها ونسيتنا وده من حقها على فكره ايه يغصبها تعيش فى الفقر ده

مياده :- ضربتها بالقلم وقالت اخرسى حسك عينك تتكلمى على اختك بالطريقه دى والله العظيم خساره فيكى تربيتها وتعبها عليكى انتى اللى زيك مش هيشوف يوم حلو فى حياته بسبب قلبك الاسود ده

سمر :-حطت ايديها على خدها وقالت بغيظ خلاص بقيتوا انتوا الملايكه وانا الشيطانه علشان بقول الحقيقه خلاص انتوا حرين اولعوا بجاز وسابتهم ودخلت الاوضه

عبدالرحمن :- انا مش عارف البت دى طالعه كده لمين

مياده :- ربنا يستر عليها من نفسها هروح احضر الفطار وسابته ودخلت

عبدالرحمن :- دخل الحمام اخد شاور واتوضه ولبس هدومه وخرج اده فرضه وفى الوقت ده خرجت سمر من الاوضه وقالت

سمر :- انا ماشيه

مياده :- خرجت من المطبخ وقالت مش هتفطرى

سمر :- بصت على الطبليه بقرف وقالت لاء خليه ليكم الفول وسابتهم ومشيت

مياده :- اتنهدت وقالت مش عارفه علياء كانت مستحمله عجرفتها دى ازاى

عبدالرحمن :- سيبك منها اقعدى

مياده :- قعدت على الطبليه وبدأت تاكل

عبدالرحمن :- مياده

مياده :- نعم

عبدالرحمن :- انتى ومروان ايه اللى ما بينكم

مياده :- بتوتر م.م.مفيش ليه بتقول كده

عبدالرحمن :- شوفتكم امبارح وانتو بتتكلموا على السلم الصبح

مياده :- احم د.د.ده كان بيسألنى على علياء

عبدالرحمن :- مياده توترك ده بيأكد ليا ان فيه حاجه ما بينكم

مياده :- ب.ب.بص هو عايز يتقدم ليا بس لما يثبت نفسه فى الشغل اللي لسه ماسكه

عبدالرحمن :- اه وبعدين

مياده :- بس

عبدالرحمن :- ومكلمنيش انا ليه

مياده :- ما هو لسه مستلم الشغل جديد وحتى لو كده مش هخليه يجى يتقدم غير لما نعرف علياء فين ونوصل ليها

عبدالرحمن :- انا طبعآ واثق فيكى بس بلاش كلام السلم ده علشان محدش يقول عليكى كلمه كده ولا كده

مياده :- ابتسمت ليه وقالت حاضر

عبدالرحمن :- يارب نقدر نوصل لعلياء بقى واحشتنى اوى وهتجنن عليها

مياده :- يارب وقامت وقفت وقالت يلا انا ماشيه

عبدالرحمن :- استنى اوصلك انا كمان شبعت

مياده :- اوك يلا ونزلوا الاتنين على السلم وفى الوقت ده خرج مروان على أساس ان مياده نازله لوحدها لاقه معاها عبدالرحمن بص ليهم بتوتر وقال

مروان :- صباح الخير

مياده :- صباح النور

عبدالرحمن :- صباح النور

مروان :- معرفتوش اى حاجه عن الانسه علياء

عبدالرحمن :- لسه والله بنحاول نوصل ليها

مروان :- أن شاءالله تلاقوها

عبدالرحمن :- يارب

مروان :- بص على مياده وقال تعالوا يلا نركب الاتوبيس مع بعض

عبدالرحمن :- اوك يلا ونزلوا التلاته مع بعض

**

فى شقة عبده

صحى مراد من نومه وهو بينهج ووشه كله عرق وقعد على السرير وقال

مراد :- خير اللهم اجعله خير يارب

مهند :- فتح عينه على صوت مراد وقال فيه ايه يا ابنى مالك بتنهج كده ووشك كله عرق

مراد :- كابوس يا مهند كابوس وحش اوى

مهند :- انت ايه حكاية الكوابيس معاك كل يوم

مراد :- بحزن مهما كانت دى مجرد كوابيس بصحه منها فى الاخر الدور والباقى على اكبر كابوس حقيقى فى حياتى اللى عملته مع علياء والله اعلم هى عملت ايه فى نفسها بسببى

مهند :- انت كنت ناوى تعمل اللى عليك وتصلح غلطتك هى اللى اختفت وبحاول اوصل ليها من خلال الكاميرات

مراد :- بقالنا اسبوع بحاله مش قادرين نوصل ليها يا مهند

مهند :- الصبر يا مراد الصبر قوم يلا انزل شغلك وان شاءالله نوصل ليها

مراد :- بص لأخوه بوجع وقام دخل الحمام اتوضه وخرج اده فرضه وغير هدومه وخرج من اوضه وقال صباح الخير

حكمت :- صباح النور يا حبيبى

عبده :- مالك يا ابنى فيك ايه بقالك اسبوع مش على طبيعتك وحاسس أنك غرقان ومش عارف تنقذ نفسك من اللى انت فيه

مراد :- بتوتر ا ا انا كويس يا بابا شوية ضغوط عليا بس من الشغل

عبده :- ربنا يريح قلبك يا ابنى

مراد :- اتنهد بوجع وقال يارب يا بابا يارب

حكمت :- اقعد كل لقمه

مراد :- معلش يا امى مليش نفس

حكمت :- يا ابنى انت خسيت ومبقاش فيك حاجه

مراد :- معلش يا امى يلا عن اذنكم ونزل ركب الاتوبيس وافتكر لما ركبت معاه علياء ولما وقعت عليه ابتسم بوجع والدموع نزلت منه وقال ياترى انتى فين يا علياء حقك عليا والله مقصدش اوجعك بالطريقه دى عارف انها صعبه عليكى وصعبه عليا انا كمان والله وبعد وقت وصل مراد الشركه ونزل من الاتوبيس ودخل الشركه وراح على مكتبه واول ما دخل وقعد دخل السكرتير وقال إن عمر عايزه قام تانى من على مكتبه وراح على مكتب عمر وخبط على الباب وقال صباح الخير يا فندم

عمر :- صباح النور يا مراد اقعد عايزك

مراد :- قعد وقال خير يا فندم

عمر :-مريم عامله ايه

مراد :- بقالها اسبوع مش بتخرج من اوضتها بس خير حضرتك بتسأل ليه

عمر :- هى مقالتش ليكم حاجه

مراد :- بأستغراب حاجة ايه مش فاهم حضرتك

عمر :- سكت شويه وقال بص يا مراد اكيد انت عارف ان الجواز ده قسمه ونصيب وادم ومريم مفيش نصيب ما بينهم

مراد :- ليه حضرتك حصلت حاجه من اختى مريم

عمر :- لاء اللى حصل من اخويا انا ومقبلش أن اختك تبقى ضحيه ليه وزى ما جيت طلبتها منكم لاخويه فأنا بنهى الموضوع برضه وبعتذر ليكم

مراد :- وقف وقال تمام يا فندم مفيش مشكله كل شئ قسمه ونصيب ولسه هيمشى

عمر :- مراد

مراد :- ايوه يا فندم

عمر :- بتمنى اللى حصل ده ميأثرش عليك فى الشغل انت من اكفاء الموظفين عندى فى الشركه ومقدرش استغنا عنك

مراد :- متقلقش يا فندم العلاقات الشخصيه ملهاش دعوه بالشغل

عمر :- ابتسم ليه وقال كنت واثق فيك وعارف انك مش هدخل المشاكل الخاصه فى الشغل

مراد :- ابتسم ليه وقال عن اذنك يا فندم

عمر :- اتفضل

مراد :- خرج من عند عمر وراح على مكتبه وقعد على الكرسى واتنهد بوجع وبدء يشوف شغله

**

فى كلية العلوم

وصلة سمر ودخلت دورت بعنيها على انجى واول ما شافتها راحت عندها وقالت

سمر :- صباح الخير يا بكبوظه

انجى :- صباح الخير يا سمر

سمر :- فين باقى الشله

انجى :- معرفش

سمر :- مالك يا بكبوظه بقالك اسبوع متغيره معايا

انجي :- لاء عادى مفيش حاجه يا سمر

سمر :- بس انا مش واخده عليكى كده يا بكبوظه

انجى :- بعصبيه بطلى تقولى يا بكبوظه يا بكبوظه كفايه معايره فيا أن انا تخينه انتى لو صحبتى بجد هتخافى على مشاعرى ومش هتجرحينى كل شويه بالطريقه دى انا لو اتكلمت معاكى وبأسلوبك ده ثانيه واحده مش هتستحملى ولا مره حاولت اعيرك بأى عيب فيكى مع انك كلك عيوب والله بس بحاول مجرحش مشاعرك لأن انا صاحبه بجد كفايه بقى مبقتش قادره استحمل اسلوبك ده اكتر من كده

سمر :- دلوقتى بقيت وحشه وكلى عيوب وبعدين انتى ايه مزعلك ما انتى فعلا تخينه والناس كلها شيفاكى تخينه مش ذنبى يعنى ولا زعلانه بقى علشان قولتلك إن هيثم لا يمكن يحبك علشان هو بيحب البنات الرفيعه مش التخينه الحق عليا عايزه افوقك بدل ما تتعلقى بوهم ملهوش اى اساس هيثم مستحيل يحبك

هيثم :- بصوت عالى سمر انتى مين علشان تتكلمى نيابة عنى ها

سمر :- بضحك طيب تعال انت قولها الحقيقه الهانم مفكره انك انت بتحبها

انجي :- بدموع بس ارجوكى بس

هيثم :- مشى لحد انجى ووقف قصادها ورفع وشها ليه ومد أيده مسح دموعها ومسك ايديها وقال انجى انا فعلا بحبك وكنت بتمنى انك تحسى بيا من زمان وكنت خايف اجى اعترفلك بحبى ترفضى واخسرك كمان ک صديقه انا من اول لحظه شوفتك فيها وانا حبيتك شوفت نظرة عيونك البريئه ملامحك اللى تشبه الملايكه ضحكتك وخفة دمك اللى بتخطف القلب شوفت فيكى حاجات كتير اوى حلوه وبتمنى انك انتى كمان يكون جوه منك مشاعر ليا وبتحبينى

سمر :- بصت ليهم بصدمه

انجى :- بصت ليه بدموع وسحبت ايديها من أيده وطلعت تجرى

هيثم :- راح مسك سمر من دراعها بعصبيه وقال حسك عينك تجرحى انجى بكلامك ده تانى مفهوم وبص ليها بقرف وزقها وطلع يجرى يدور على انجى بس ملاقهاش

سمر :- كانت مش مصدقه اللى حصل ده وواقفه مصدومه

شادى :- راح عند سمر وقال ليه ليه بتكرهى اصحابك فيكى وبتبعديهم عنك واحد وراه التانى غرورك ده هيوديكى فى داهيه احنا كلنا بنحبك بس بطريقتك دى بتخسرينا راجعى نفسك بدل ما تخسرى كل حاجه وتبقى فى الاخر وحيده وسابها ومشى

سمر :- داست على أسنانها وقالت فى ستين داهيه كلكم انا مش عايز اعرف حد فيكم ومسكت تليفونها وطلبت رقم ملك وانتظرت الرد واول ما سمعت صوتها قالت انتى فين

ملك :- انا فى الفيلا عند ادم

سمر :- مش جايه

ملك :- لاء عيد ميلاد ادم النهارده وانا معاه

سمر :- ممكن لو هو جمبك تخليه يكلمنى

ملك :- اه طبعآ ثوانى وقالت ادم يا آدم تعال كلم سمر

أدم :- ايوه يا سمر

سمر :- ا.ا.انا عايزه اقابلك

أدم :- بس انا مش هعرف اخرج النهارده بحضر لعيد الميلاد بليل

سمر :- بس انا محتاجه اشوفك ضرورى

أدم :- امممم طيب ايه رأيك تيجى تحضرى معانا الفيلا لعيد الميلاد وتحضرى بليل معايا

سمر :- ب.ب.بس يعنى انا مش عامله حسابى فى الهدوم لابسه هدوم عادى

أدم :- متشغليش بالك تعالى وانا هخلى ملك تديكى هدوم من عندها

سمر :- سكتت شويه وقالت اوك

أدم :- ضحك بلؤم وقال مستنيكى على نار سلام

سمر :- استنا انا معرفش العنوان

أدم :- هبعته ليكى فى رساله باى

سمر :- قفلت السكه مع أدم وبعد شويه وصلت ليها الرساله بالعنوان بصت لتليفون بتاعها بتوتر وخرجت وقفت تاكسي وراحت على العنوان اللى بعته ليها ونزلت من التاكسى وادته اخر فلوس معاها وبصت على الفيلا من بره بأنبهار شديد وقالت الله حلوه اوى لما هى كده من بره امال من جوه تبقى ازاى وراحت عند البوابه وقالت لو سمحت انا جايه لأستاذ أدم

البواب :- اسمك ايه

سمر :- انا أسمى سمر

البواب:- ايوه الأستاذ أدم سايب ليا خبر وفتح البوابه ليها وقال اتفضلى ادخلى

سمر :- دخلت وهى بتبص على الفيلا بأعجاب شديد وراحت رنت الجرس فتحت الباب ليها ملك وقالت

ملك :- هاى كويس انك عرفتى توصلى هنا

سمر :- اديت العنوان لتاكسى وهو اللى جابنى هنا

ملك :- تعالى ادخلى ادم جوه فى الجنينه

سمر :- دخلت وهى مذهوله من جمال الفيلا وبتبص حاوليها وقالت بصوت واطى ده احنا مدفونين بالحي هى دى العيشه اللى بجد يا سلااااام لو اعيش فى مكان زى ده

ملك :- بتقولى حاجه يا سمر

سمر :- ها ل.ل لاء

ودخلوا الجنينه عند ادم

أدم :- الفيلا نورت والله احلى هديه فى عيد ميلادى النهارده

سمر :- بكسوف ش.ش.شكرآ

أدم :- ملك هاتى لسمر حاجه تشربها

سمر :- ش.ش.شكرآ مش عايزه

أدم :- كده طيب انا زعلان منك

سمر :- لاء خلاص مقدرش على زعلك هاتى اى حاجه

ملك :- هجبلك انا على مزاجى وسابتهم ومشيت

أدم :- تعالى اقعدى واقفه ليه

سمر :- راحت قعدت بتوتر وقالت د.د.دى الفيلا بتاعتك

أدم :- ابتسم ليها وقال ايوه عندنا كذا فيلا ودى واحده منهم عجبتك

سمر :- اوى اوى

أدم :- تحبى تتفرجى عليها من جوه

سمر :- اوك

أدم :- مسك ايديها وقال تعالى معايا

سمر :- بصت على أيده اللى ماسكه ايديها بكسوف

أدم :- زعلتى

سمر :- احم لاء

أدم :- ابتسم ليها ودخل جوه وطلعوا على السلم وقال دى اوضت اخويه وقفلها وراح على اوضه تانيه وقال دى اوضه احتياطى لضيوف وقفلها وقال ودى اوضى ودخلها جوه وقال ايه رأيك فيها

سمر :- بصت عليها بإعجاب وقالت جميله اوى

أدم :- قرب منها وقال بحلم باليوم اللى هتيجى مراتى فيها تنورها وتشاركنى سريرى

سمر :- بتوتر ا.ا.انت هتتجوز هنا

أدم :- اه وحشه

سمر :- بالعكس حلوه اوى وجميله

أدم :- قرب منها اكتر وقال اهم حاجه انها عجبتك

سمر :- بتوتر ا.ا.اشمعنا انا يعنى

أدم :- سندها على الحيطه وقرب اوى ليها وقال علشان انتى اللى هتبقى مراتى وهتشاركينى فيها

سمر :-بفرحه ا.ا انا

أدم :- بص على شفايفها وقال ايوه انتى يا سمر انتى متعرفيش انتى عملتى ايه فيا من اول لحظه شوفتك فيها صورتك مفرقتش خيالى وانا نايم على سريرى بتخيل أنك فى حضنى وشفايفى لمسه شفايفك وقرب من شفايفها ولسه هيبوسها

سمر :- بعدت وشها عنه وقالت احم ي.ي.يلا بينا ننزل تحت زمان ملك بدور علينا

أدم :- ابتسم ليها وقال اوك يلا ونزلوا الاتنين تحت لاقوه ملك

ملك :- انتوا رحتوا فين كنت بدور عليكم

أدم :- كنت بفرج سمر الفيلا

ملك :- وعجبتك الفيلا يا سمر

سمر :- تحفه

ملك :- هتبقى ملكك قريب اوى وابتسمت ليها

سمر :- بصت ليها بكسوف وابتسمت ليها

ملك :- لسه بدرى على عيد الميلاد تحبى تنزلى البسين ولا مش بتعرفى

سمر :- بعرف ب.ب بس هنزل ازاى

ملك :- عندى المايوهات بتاعتى كتير تحبى اجبلك واحد

سمر :- ب.ب.بس ازاى وادم موجود

ملك :- ماله أدم عادى ده مايوه انتى لازم تتعودى على اللبس ده لان الطبقه بتاعتنا عادى عكس عندكم

سمر :- م.م.ماشى

ملك :- غمزت لادم وقالت تعالى معايا فوق وطلعوا الاتنين فوق لبسوا المايوه ونزلوا

أدم :- اول ما شافهم صفر ليهم وقال ايه الجمال والحلاوه دى بس

سمر :- بصت على الأرض بكسوف

ملك :- لفت وقالت ايه رأيك

أدم :- قمر بس متزعليش منى سمر قمرين

سمر :- ابتسمت ليه بكسوف

أدم :- لاء بقى ده انا كمان لازم انزل معاكم

سمر :- بتوتر ت.ت.تنزل فين

ملك :- ينزل معانا فيها ايه يا بنتى فكى بقى ومسكت ايديها وقالت تعالى يلا ونزلوا الاتنين المايه وفضلوا يرشوا على بعض ندهت عليه ملك وقالت تعال يا آدم المايه تحفه هيفوتك نص عمرك

أدم :- هدخل البس المايوه وجاي ليكم ودخل وبعد شويه خرج ليهم وراح عندهم وقال انا جيييييت ونزل معاهم المايه وقعد يرش عليهم هما الاتنين والتلاته يضحكوا ويشيل سمر ويحدفها وغمز لملك أنها تطلع من المايه

ملك :- خرجت من المايه

سمر :- انتى رايحه فين

ملك :- هعمل مكالمة فون وجايه خدى اشربى

سمر :- اخدته منها وقالت متتأخريش

ملك :- اوك وخرجت وسابتهم

أدم :- قرب منها وقال اشربى

سمر :- اتوترت وشربت وقالت بقرف ايه ده ده طعمه وحش اوى ده ايه ده

أدم :- دى خمره

سمر :- مدت ايديها وقالت بس انا مش بشرب

أدم :- قرب منها وقال طيب لو قولتلك علشان خاطرى انا اول مره اطلب منك حاجه واشربى ده بس ومش هخليكى تشربى واحد تانى

سمر :- بس

أدم :- قطعها وقال مفيش بس انتى شكلك كده مش هتنفعى تبقى مراتى انا بحب اقول الكلمه تتسمع علطول

سمر :- بصت ليه وقالت بس دى طعمها وحش اوى

أدم :- اشربي مره واحده وانتى مش هتحسى بطعمها وقرب من بؤقها المشروب وقال يلا يا حبيبتى علشان خاطرى

سمر :- بصت ليه بتوتر وقربت المشروب من بؤقها ببطئ

أدم :- يلا يا حبيبتى جدعه

سمر :- غمضت عينيها وشربته مره واحده وحست بقرف شديد منه وقالت طعمه وحش اوى

أدم :- شششش سيبى نفسك وانتى هتلاقى نفسك فى حته تانيه خالص

سمر :- حطت ايديها على دماغها وقالت ه ه.هى الدنيا بتلف بيا كده ليه ووقعت فى حضن أدم

أدم :- نفسه سرع وقرب من رقابتها وباسها ومد أيده فى ضهرها فك رباط المايه

سمر :- بعدت عنه وهى بتتهز وقالت انت عايز ايه هاء وضحكت وقالت انت عايز هاء قلة ادب صح هاء

أدم :- شطوره تعالى بقى

سمر :- سبحت فى المايه وبعدت عنه وقالت وهى بتضحك هاء ا ا.انت مفكرنى سكرانه هاء لاء ا.ا.انا فايقه اوى هاء وقعدت تضحك وغطست فى المايه

أدم :- طلع يجرى عليها وطلعها من تحت المايه وشالها طلعها من البيسين

سمر :- هاء ا.ا انت مالك متشقلب كده ه.ه.هو انت سكران هاء وضحكت وقالت ا.ا انت بقيت تلاته هاء

أدم :- مشى أيده على دراعها وشد من عليها المايوه

سمر :- بضحك هاء ا.ا.ابعد ع.ع.عنى هاء

أدم :- شششش انا بحبك وهتجوزك

سمر :- هاء ا.ا انت هتتجوزنى وهبقى هاء هبقى غنيه وعندى ف .ف فلوس كتير اوى وهعيش هاء فى فيلا

أدم :- ايوه ايوه بس تعالى بقى وقرب منها

سمر :- زقته من عليها وقعته فى المايه وقامت وقفت وضحكت وقالت هاء ا.انت وقعت فى المايه

أدم :- اتغاظ وطلع من المايه وقال انتى هتتعبينى معاكى ولا ايه

سمر :- وقعت فى حضنه وقالت ا.ا.انت بقيت كتيرررر اوى هاء ك.ك.كده ليه وقعدت تضحك

أدم :- مسك راسها من وراه وقرب من شفايفها وباسها وبعد وقت بعد عنها وبص جوه لاقه ملك بتصورهم شاور ليها وغمزلها

سمر :- ا.ا.انا عصفوررررره هاء طايره فووو وق وبعدت عن آدم وقالت هبقى عندى فلوووووس كتير وهوريهم كلهم هاء مين تبقى سمر وقعدت تلف ووقعت فى الارض وقعدت تضحك

أدم :- قعد جمبها فى الارض وبص على جسمها وبلع ريقه ونفسه سرع ونيمها فى الارض وقرب منها و.. يتبع الفصل التاسع اضغط هنا