رواية فتاة فى زمن قاسي الفصل التاسع بقلم دودو محمد
 |
| فتاة فى زمن قاسي بقلم دودو محمد |
فتاة فى زمن قاسي الفصل التاسع 9
فى فيلا أدم
كانت سمر سكرانه ومش حاسه باللى بتعمله قعدت تلف وتضحك وقعدت فى الارض وقعد جنبها أدم وبص على جسمها وبلع ريقه قرب منها ونيمها على الأرض ولسه هيبوسها سمع صوت دوشه بره بعد عن سمر وبص لملك تخرج تشوف فيه ايه وقبل ما تتحرك لاقه شادى وهيثم وانجي داخلين يجروا وراح شادى مسك أدم وقعد يضرب فيه وقال لانجي
شادي :-انجي شوفى اى حاجه غطيها بيها
انجي :- حاضر وطلعت تجرى لاقت بشكير كبير لفته على سمر
سمر :- قامت وقفت ووقعت البشكير من عليها وراحت عند شادى وضحكت وقالت ش.ش.شوفت انا احسن منكم هاء ازاى قولتلكم هبقى احسن منكم كلكم هاء
انجى :- طيب تعالى بس وحطت البشكير عليها تانى
هيثم :- بص لملك وقال قد ايه طلعتى واطيه وزباله ازاى كنت بعتبرك صديقه ليا ليها حق سمر كانت تكرهك هى وانجى من هنا ورايح ملكيش دعوه بأى حد من الشله فاهمه
ملك :- ه.ه.هيثم اسمعنى بس انا مليش دعوه انا اتحيلت عليها كتير وقولت ليها بلاش تعملى كده هى اللى صممت تيجى الفيلا ويحصل ما بينهم كده
هيثم :- كفايه كدب بقى ده انتى شيطانه
ملك :- انا مظلومه يا هيثم وحياتك عندى مظلومه
شادى :- قعد يضرب فى أدم لحد ما فقد الوعى ورماه على الأرض وكتفه
سمر :- زقت انجى وحدفت البشكير فى الارض وقربت من شادى
هيثم :- غير اتجاه وشه علشان ميشوفش جسم سمر العريان
شادي :- بص الاتجاه التانى وقال حاولى تمسكى البشكير عليها كويس يا انجي
انجى :- مسكت البشكير وحطته على سمر
سمر :- زقتها وقالت اوعى يا تخينه انتى ملكيش دعوه بيا انا بكرهك وقربت اكتر من شادي وضحكت وقالت ايه غيران عليا هاء بس بعينك عمرى ما هعبرك يا شحات انت وراحت على هيثم وقالت هاء ا.ا.انا عمرى ما حبيتك بس الصراحه هاء حبيت فلووووسك اوى وضحكت وقالت انا سمر اللى كل الشباب بتجرى ورايا هاء بس انا بجرى وراه الفلوس وهيكون عندى فلوووووس كتيرررررر اوى وهبقى أغنى منكم كلكم هاء ا.ا.انا اتصلت بأنجى علشان هاء اغيظها أن مع واحد أحلى وأغنى منك بكتير وبعت ليها العنوان علشان تيجى وتتغاظ وهى جت تتأكد من ده بنفسها هاء وكويس أنها جابتكم معاها علشان تشوفوا العز اللى انا هعيش فيه
انجي :- راحت عندها ولفت جسمها تانى بالبشكير وقالت كويس انك كلمتينى وخلتينى اعرف انك هنا والحمدلله اننا وصلنا فى الوقت المناسب كنتى هتخسرى كتير يا سمر كتير اوى واهلك ملهمش ذنب يتفضحوا بسبب طمعك وجشعك امشى معايا يلا
سمر :- ا.ا.اوعى ا.ا.انا مش همشى من هنا ا ا انا هعيش فى العز ده كله لوحدى ا.ا.اطلعى بره اطلعوا بره كلكم وراحت عند شادى وقالت ا.ا.انت بالذات متجيش عندى هنا تانى مفهوم ووقعت فى حضنه وحست نفسها انها عايزه ترجع بعدت عن شادى وقعدت ترجع
انجى :- طلعت تجرى عليها ومسكتها
هيثم :- كده بدأ المشروب يخرج من جسمها
سمر :- قعدت ترجع واغمى عليها فى حضن انجي
انجى :- الحقونى اغمى عليها
شادى :- طلع يجرى عليها وشالها
هيثم :- يلا نمشى من هنا وبص لملك بقرف وخرجوا التلاته وشادى شايل سمر
ملك :- بصت عليهم بغيظ وقالت كده يا هيثم ماشى واخدت الكاميرا اللى كانت شغاله فى مكان محدش اخد باله منه لما ملك سمعت الصوت سابتها فى المكان ده وشغلت التصوير كله وقالت من بكره فضحتك هتبقى بجلاجل يا حلوه وطلعت تجرى على آدم فكته وقعدت تفوق فيه
أدم :- فاق وقال راحوا فين انا هدفعهم تمن اللى حصل ده غالى اوى
ملك :- اهدا معانا اللى هينتقم منهم ومسكت الكاميرا وقالت خد اتفرج
أدم :- اخد الكاميرا وبص فيها وقال حلو عايز بقى الفيديو ده ينتشر على تليفونات الجامعه كلها
ملك :- من بكره الكل هيتفرج عليها وهى عريانه وبتبيع نفسها بالفلوس
أدم :- بصلها وضحك بشر وقال بتعجبنى دماغك اوى ومشى أيده على دراعها وقال بس ايه الجسم الملبن ده
ملك :- بعدت عنه وقالت لا ايدك انا اجيب ليك بنات اه إنما أنا خط احمر يا حبيبى قوم معايا اطهرك الجروح اللى فى وشك دى وقام معاها ادم ودخلوا الفيلا من جوه
**
عند شادى وسمر
حط شادى سمر فى العربيه وقفل الباب وبص لهيثم وقال
شادى :- اطلع بينا على شقتك اللى بتسهر فيها انت والشله
هيثم :- ماشي اركبى يا انجى وفتح الباب اللى جنبه
انجي :- بصت لهيثم وقالت لاء انا هركب وراه جنب سمر وفتحت الباب وركبت وراه
هيثم :- اتنهد وقال ماشي وبص لشادى وقال اركب يا ابنى
شادى :- ركب جنب هيثم وقال كويس انك اتصلتى بينا اول ما هى كلمتك يا انجى
هيثم :- ركب العربيه وشغلها ومشي
انجي :- انا الصراحه لما شوفت رقمها مكنتش ناويه ارد بس لاقتها مصممه رديت عليها على أساس ازعق ليها واقولها ملهاش دعوه بيا تانى لاقتها بتقولى انا خلاص مش عايزه اعرف حد فيكم تانى انا بقيت مع اللى احسن منكم ملك وابن خالتها ولما سألتها معاهم فين قالت ليا فى فيلا أدم اول ما قالت ليا كده أتأكد أنهم عاملين عليها لعبه سألتها بتعملى معاهم ايه هناك قالت ليا عيد ميلاد ادم بليل وهتحضر معاهم الفيلا وهتسمح ليا اجى احضر عيد الميلاد علشان اشوف العز والمكان اللى هتعيش فيه وبعتت ليا العنوان على أساس أنها تغظنى بس قفلت معاها واتصلت عليكم علشان نلحقها من شر ملك وادم ومن طمعها اللى عمى عينيها والفلوس اللى كانت هتوقعها فى شر أعمالها
هيثم :- حب سمر للفلوس كان هيضيعها واللى زى سمر دى عمرها ما هتتعدل غير لما تاخد ضربه تكسر نفسها وتحرم تعمل اللى بتعمله ده وبص لشادى وقال انساها يا صاحبى
انجى :- بأستغراب شادي انت بتحب سمر
شادي :- بوجع للاسف حبيتها
انجى :- طيب ازاى انت عمرك ما ظهر عليك اى مشاعر لسمر
شادي :- كنت خايف اصرحها ترفض حبى ليها
انجى :- للاسف هو ده اللى كان هيحصل من سمر عمرها ما هتحبك ولا هتفكر فيك
شادى :- بوجع ما هو ده اللى وجعنى يا انجي عارف ان سمر مستحيل تحبنى زى ما انا بحبها
هيثم :- اسمع كلامى تعال على نفسك وابعد فتره وهتقدر تنساها
شادي :- بص على سمر وراه ورجع بص تانى قدامه وقال لازم انساها لازم وفى الوقت ده وصلوا عند الشقه ونزل شادى وشال سمر وطلع بيها على الشقه بتاعة هيثم والاتنين طلعوا وراه وهيثم فتح الباب ودخلوا التلاته
هيثم :- حطها فى الاوضه اللى جوه دى
شادي :- ماشي ودخل حطها على السرير والبشكير وقع من عليها وجسمها ظهر كله قصاد شادى خرج يجرى من الاوضه وقال انجي ادخلى لبسيها اى حاجه
هيثم :- لبسيها اى تيشيرت ولا قميص من هدومى اللى فى الدولاب
انجي :- حاضر ودخلت الاوضه طلعت قميص من بتوع هيثم من الدولاب وراحت عند سمر لبستها القميص وحطت عليها الغطا وخرجت من الأوضه
شادى :- لبستيها
انجي :- ايوه
شادى :- وقف وقال انا داخل الحمام وسابهم ودخل الحمام
انجى :- اتوترت من نظرات هيثم ليها
هيثم :- ممكن اعرف انتى ليها بتهربى منى من ساعة ما اعترفت ليكى بحبى
انجى :- بصت الاتجاه التانى وقالت بتوتر ه.ه.هيثم لو سمحت ب.ب بلاش نتكلم فى الموضوع ده
هيثم :- سحب وشها ليه وقال ليه يا انجى
انجى :- ك.ك.كده مش وقته المهم نطمن على سمر
هيثم :- ماشى يا انجى بس ارجوكى متبعديش عنى انا ما صدقت انك عرفتى أن انا بحبك
انجى :- بصت ليه بكسوف وهزت راسها بمعنى حاضر
هيثم :- ابتسم ليها بحب وقال تعالى اقعدى لحد ما تفوق
انجى :- هتغيب على ما تفوق
هيثم :- لاء هى هتقوم دلوقتى بس دماغها هتبقى تقيله ومصدعه من المشروب اقعدى
انجى :- م.م.ماشى وقعدت
هيثم :- هدخل اجبلك حاجه تشربيها وسابها ودخل المطبخ
انجى :- بصت على هيثم وهو ماشي واتنهدت بوجع وقالت ليه يا سمر توصلى نفسك لكده ليه
عند سمر
بدأت تفوق وتفتح عينيها بصعوبه وبعد محاولات كتير منها قدرت تفتح عينيها وتبص حاوليها استغربت المكان وقامت قعدت ومسكت راسها بألم وهزتها وقالت
سمر :- انا فين وايه الصداع الجامد ده انا اخر حاجه فاكرها أن انا كنت فى البيسين مع أدم ومش قادره افتكر ايه تانى حصل وقامت وقفت بصعوبه وبصت على نفسها بأستغراب وقالت قميص مين ده معقول قميص أدم وبصت جوه القميص لاقت نفسها من غير اى حاجه خالص اتصدمت وقالت معقول يكون عمل فيا حاجه ولطمت على وشها وقالت يا نهار اسود ليكون عمل فيا حاجه اعمل ايه انا دلوقتى ومشيت فتحت الباب وخرجت لاقت انجى قاعده قالت انجى انتى هنا بتعملى ايه
انجى :- وقفت وقالت انتى هنا فى شقة هيثم
سمر :- شقة هيثم وانا جيت هنا ازاى وقميص مين ده انا مش قادره افتكر اى حاجه
هيثم :- وهو جاى من المطبخ قال ده قميصى يا سمر واحنا اللى جبناكى هنا بعد ما كان اللى اسمه أدم ده ناوى يضحك عليكى
سمر :- بصت ليهم بصدمه وقالت انت كداب ادم مستحيل يعمل كده تلاقى انتوا اللى عملتوا التمثيليه دى علشان ابعد عنه ومبقاش احسن منكم
شادى :- لاء يا سمر احنا مش كدابين ادم بعد ما شربك الخمره انتى مكنتيش عارفه بتعملى ايه ولا حاسه هو كان عايز منك ايه احنا وصلنا فى الوقت اللى كان خلاص هيخسرك فيه نفسك وانقذناكى منه قبل ما يعملك اى حاجه
سمر :- سقفت وقالت برافووووو انت كده بقيت بطل فى عينى وهجرى عليك واترمى فى حضنك واقولك انت فارس احلامى صح لعبه واطيه ورخيصه اوى منكم عملتوها مع بعض لما حسيتوا أن انا هبقى احسن منكم علشان ابعد عن آدم وارجع ليكم مذلوله وضحكت وقالت لاء برافو بجد
هيثم :- لعبه ايه دى فوقى يا سمر فؤقى بقى غبائك وجشعك دول هيضيعوكى صدقينى احنا عملنا كده علشان العيش والملح اللى ما بنا وأنك كنتى صديقه لينا مش علشان اى حاجه تانيه بس طلعنا غلطانين أن انقذناكى اتفضلى روحى ليه خليه يعمل فيكى اللى كان عايز يعملوا بس متلوميش حد بعد كده غير نفسك وبص لانجى وقال هى دى اللى انتى كنتى خايفه عليها وبتعيطى علشانها بالدموع هى دى صحبتك واختك دى طلعت واحده واطيه متستهلش كل اللى عملانا علشانها
سمر :- انا بكرهكم كلكم وهبقى احسن وأغنى منكم كلكم
شادى :- يا خساره يا سمر يا خساره هتبيعى الغالى بالرخيص علشان الفلوس وفى الاخر هتخسرى كل حاجه واول حاجه فى طريق الخساره هو احنا يا سمر انتى خسرتى أصحاب بيحبوكى وكانوا بيخافوا عليكى من نفسهم امشي يا سمر وروحى لطريق اللى اختارتى تمشى فيه بس اعملى حسابك مستحيل ترجعى لينا مهما حصل وبص لهيثم وقال امشى يلا يا هيثم انت وانجى
هيثم :- بصلها وقال عندك الشقه اقعدى شويه مع نفسك وفكرى فى كلامنا يمكن تفؤقى شويه من اللى انتى فيه ده و التلاته بصوا لسمر ونزلوا وسابوها
انجى :- بدموع علشان خاطرى بلاش نسيبها تمشى الطريق ده سمر هضيع
هيثم :- دى واحده متستهلش دموعك يا انجى هى اللى اختارت تمشى فى الطريق ده وبكامل إرادتها امشي يا انجى متقلقيش انا سبتها فى الشقه لوحديها يمكن تراجع نفسها شويه وتتأكد أننا عايزين مصلحتها
انجي :- بصت لفوق بدموع ومشيت مع هيثم وشادي
سمر :- قعدت على الكرسى ومسكت راسها بألم وقالت انا بكرهكم كلكم وهبقى احسن منكم انتوا التلاته وبصت على نفسها وقالت همشى ازاى انا دلوقتى لما اقوم اشوف حاجه ألبسها وقامت فتحت الدولاب ودورت فى كل اللى موجود ملاقتش حاجه تنفع تلبسها اتنهدت وقالت ده ايه الغلب ده ياربى دورت على تليفونها ملاقتهوش طلعت مسكت التليفون بتاع البيت وقالت طيب هتصل بمين لو اتصلت بالبيت هقولهم ايه بمنظرى ده هوف هتصل بمياده وخلاص وطلبت رقم مياده وانتظرت الرد
مياده :- بدموع السلام عليكم
سمر :- ايوه يا مياده
مياده :- بخوف ولهفه سمر انتى فين حرام عليكى وجعتى قلبى عليكى من الصبح
سمر :- احم أهدى طيب
مياده :- ايه البرود اللى فيكى ده من الصبح وانا بدور عليكى وبكل برود تقوليلى أهدى انطقى انتى فين
سمر :- انا مش عارفه انا فين
مياده :- يعنى ايه مش عارفه انتى فين
سمر :- انتى معاكى رقم انجى صح
مياده :- ايوه علشان لما الفون بتاعك يفصل شحن اكلمك عندها
سمر :- تمام اتصلى بيها وهى هتقولك انا فين وانتى جايه هاتى ليا هدوم
مياده :- بقلق اجيب ليكى هدوم هو ايه اللي حصل بالظبط
سمر :- هفهمك بس لما تيجى متتأخريش عليا
مياده :- حرام عليكى اللى بتعمليه فينا ده مش كفايه أننا قلقانين على علياء اختك تيجى انتى تكملى علينا
سمر :- عبدالرحمن عرف
مياده :- عبدالرحمن مجاش لسه نزل يدور على شغل من الصبح ولحد دلوقتى مرجعش اتصلت اطمنت قال إنه هيتأخر شويه
سمر :- حلو بلاش تقولى ليه حاجه وتعالى بسرعه
مياده :- ماشى يا سمر لما نشوف اخرتها معاكى ايه
سمر :- نفخت وقفلت السكه وقالت هتيجى دلوقتى تعملى فيها الكبيره ومش هخلص من كلامها حاجه مقرفه وقعدت تنتظر وصولها
**
فى شقة علياء
قفلت مياده السكه مع اختها سمر واتنهدت ومسحت دموعها وقالت
مياده :-بفرحه الف حمد والف شكر يارب أن انا اطمنت على سمر وأنها لسه بخير يارب احفظها واحميها من نفسها يارب وطمنى على علياء هى كمان يارب خلي ليا اخواتى ومتحرمنيش منهم يارب ومسكت تليفونها وجابت رقم انجى واتصلت بيها وانتظرت ردها
انجى :- السلام عليكم
مياده :- وعليكم السلام ورحمة الله وبركاته ازيك يا انجى
انجي :- الحمدالله يا مياده انتى ايه اخبارك
مياده :- بخير الحمدالله
انجي :- انتى بتتصلى علشان تسألينى على سمر صح
مياده :- لاء ما هى كلمتنى بس هى مش عارفه هى فين وقالت ليا انك انتى معاكى العنوان
انجى :- اه العنوان (........)
مياده :- هى ايه الحكايه ازاى سمر مش عارفه هى فين
انجى :- هى مقالتش ليكى حاجه
مياده :- لاء ممكن تقولى ليا انتى لو بتحبى سمر وخايفه عليها بجد عرفينى سمر بتعمل ايه من ورانا
انجي :- بصى انا هقولك علشان تخدوا بالكم منها لانها طايشه وهضيع نفسها وانا خايفه عليها والله وهى مش بتسمع كلامى
مياده :- انتى قلقتنى قولى بسرعه يا انجى
انجى :- حكت ليها كل اللى حصل
مياده :- بصدمه ودموعها نازله منها قالت سمر اختى عملت كده
انجى :- والله انا خايفه عليها اوى ارجوكم خدوا بالكم منها هضيع نفسها بطموحاتها الكبيره اوى دى
مياده :- بدموع شكرآ يا انجى انك عرفتينى مع السلامه
انجى :- ربنا معاكم سلام
مياده :- قفلت السكه وقالت شكلك محتاجه تربيه من اول وجديد يا سمر انا بقى اللى هربيكى من اول و جديد الوقت كان متأخر اتصلت بعبد الرحمن رد عليها وقال
عبدالرحمن :- ايوه يا مياده
مياده :- بدموع انت كل ده فين
عبدالرحمن :- انا مش هاجى البيت النهارده يا مياده متقلقيش عليا
مياده :- بعصبيه ليه هتنام فين انت كمان
عبدالرحمن :- استلمت جرسون فى كافيه كبير بس الشغل هيبقى بليل علطول
مياده :- والجامعه بتاعتك هتعمل فيها ايه
عبدالرحمن :- هخلص شغلى وارجع البيت انام ساعتين وبعد كده اروح الجامعه
مياده :- بدموع والله العظيم حرام اللى انتوا بتعملوا فيا ده انا تعبت والله العظيم تعبت انا مش عارفه علياء كانت مستحمله كل ده لوحدها ازاى
عبدالرحمن :- مالك يا مياده ايه مضايقك
مياده :- مفيش يا عبدالرحمن سلام وقفلت السكه مع عبدالرحمن وبعدين قالت هروح ازاى انا دلوقتى لوحدى فى مكان زى ده فى حته بعيد وقالت انزل اخبط على مروان واخليه يجى معايا يحمينى وقامت لبست هدومها ونزلت خبطت على الباب فتحت ليها ام مروان وقالت
ام مروان :- خير يا بنتى
مياده :- استاذ مروان موجود يا خالتى
ام مروان :- نايم يا بنتى
مياده :- نايم خلاص ماشى يا خالتى
ام مروان :- خير يا بنتى فيه حاجه
مياده :- ها لاء خلاص يا خالتى تصبحى على خير
ام مروان :- ماشى يا بنتى وانتى من أهله وقفلت الباب
مياده :- اعمل انا ايه دلوقتى اشوف مراد مش هيقول حاجه وراحت خبطت على الباب
حكمت :- فتحت وقالت مياده تعالى يا بنتى
مياده :- شكرآ يا خالتى معلش خبط عليكم فى وقت زى ده
حكمت :- لاء يا حبيبتى ولا يهمك
مياده :- بأحراج هو استاذ مراد موجود
حكمت :- نايم ليه يا بنتى خير
مياده :- خلاص يا خالتى شكرآ ولسه هتمشى
حكمت :- يا حبيبتى استنى بس محتاجه مراد فيه ايه
مياده :- ك.ك.كنت رايحه مشوار ضرورى وعبد الرحمن مش موجود وقولت يجى معايا بدل ما امشى فى الشارع لوحدى فى وقت زى ده
حكمت :- مهند صاحى استنى اخليه يجى معاكى
مياده :- لاء خلاص يا خالتى متشغليش بالك انا هتصرف
حكمت :- يا بنتى استنى ودخلت الاوضه عند مهند وقالت قوم يا مهند روح مشوار مع مياده
مهند :- بأستغراب مياده مين
حكمت :- مياده اخت علياء
مراد :- فتح عينه اول ما سمع اسم علياء وقام يجرى وقال علياء هى رجعت
حكمت :- يا حبيبى بقول مياده اخت علياء عايزه حد ينزل معاها مشوار
مهند :- مشوار دلوقتى
حكمت :- اه بتقول مشوار ضرورى
مهند :- وأخوها مرحش معاها ليه
حكمت :- اخوها مش موجود وانتوا هنا زى اخواتها حد فيكم يقوم يروح معاها
مراد :- غمض عينه بوجع وقال انا تعبان وعندى شغل الصبح
حكمت :- خلاص قوم انت يا مهند
مهند :- نفخ وقال اه ما هو مفيش غير مهند اللى يزفت علشان عواطلى معندهوش شغل
حكمت :- انت كده كده بتسهر براحتك وبتقوم براحتك إنما اخوك بيصحه بدرى علشان شغله
مهند :- هوف هتزفت اهو وقام اخد التليفون بتاعه وقال هاتوا فلوس
حكمت :- فلوس ليه بقى أن شاءالله
مهند :- معيش فلوس للمواصلات اخر حاجه كانت معايا اشتريت بيها علبة سجاير
حكمت :- استنا وراحت جابت البوك بتاعها وقالت خد فلوس اهى خلى بالك على البت
مهند :- انتى ليه محسسانى أن انا عيل صغير مش راجل كبير
حكمت :- يا ابنى خلص البت مستنياك بره كل ده
مهند :- طيب ما يلا بينا
حكمت :- هتروح كده
مهند :- كده ازاى
حكمت :- بهدوم البيت
مهند :-بعصبيه والله بقى هو ده اللى عندى
حكمت :- اتنهدت وقالت طيب خلص امشى يلا وخرجوا الاتنين من الاوضه وراحوا عند مياده
مياده :- انا اسفه يا استاذ مهند هتعبك معايا
مهند:- مفيش تعب ولا حاجه يا انسه مياده اتفضلى يلا
مياده :- استغربت وبصت على هدومه
مهند :- لاء عادى بنزل الشارع بيهم عادى انزلى يلا
مياده :- نزلت قدامه ونزل هو وراها وخرجوا على اول الشارع ووقف تاكسى وركبت مياده وراه وركب مهند قدام جنب السواق
السواق :- على فين أن شاءالله
مياده :- على (.........)
السواق :- بس ده بعيد اوى
مياده :- معلش عايزه اوصل هناك بسرعه
السواق :- بس المشوار ده حسابه عالى اوى
مهند :-بعصبيه امشى وخلص ومتشغلش بالك بالفلوس
السواق :- بخوف م.م.ماشى ومشى بالتاكسى
مهند :- خير يا انسه مياده رايحين فين كده
مياده :- احم سمر عند واحده صحبتها ومش معاها فلوس تيجى والمشوار بعيد وعبد الرحمن استلم شغل جديد واتصلت بيا وقالت إنها عايزه تروح ومش عارفه علشان كده رايحه اجيبها
مهند :- اااااه ماشى مفيش مشكله وبعد وقت طويل وصلوا العنوان اللى قالت عليه لسواق
مياده :- تمام خليك هنا مع السواق يا استاذ مهند وانا هطلع اجيب سمر واجى
مهند :- تمام مفيش مشكله
مياده :- ابتسمت ليه وشكرته ونزلت طلعت عند الشقه اللى قالت عليها انجى ورنت الجرس
سمر :- بصت من العين لاقتها مياده ابتسمت وفتحت الباب وهى ماسكه فى ايديها تفاحه وقالت انتى ايه اخرك كده
مياده :- بصت ليها بغيظ وبصت على منظرها فى القميص ومسكت شعرها ودخلت جوه وقالت انتى ايه يا شيخه عايزه توصلى لايه عايزه تبيعى جسمك بفلوس فين دينك اللى اتربيتى عليه فين اخلاقك يا شيخه قولتها ليكى قبل كده اخرتك سوده بس انتى عارفه اللى حصل النهارده ووصول انجى واصحابك فى الوقت ده وانقذوكى من ايد الشاب ده ربنا عمل كده مش علشانك لاء انتى واحده عديمة الدين والأخلاق ربنا عمل كده علشان خاطر اختك وتعبها فى تربيتك علشان اخوكى مينكسرش فى الحاره علشانى اللى لو حصلك حاجه انا ممكن اروح فيها اموت واعرف انتى طالعه كده لمين ردى عليا
سمر :- زقت ايديها وقالت اوعى متمديش ايدك عليا وتعملى فيها الكبيره مش كل واحده هتعيش عليا الدور شويه إذا كنتى انتى ولا اختك التانيه مليون مره اقولكم انا حره سبونى فى حالى بقى اشوف نفسى يمكن اطلع من ام الفقر وام الحاره دى تعبت وزهقت نفسى اعيش الدنيا وادوق طعم العز انتو ناس فقر وراضين بيه إنما أنا لاء هحاول لحد ما اوصل للى انا عايزاه
مياده :- رفعت ايديها وضربتها بالقلم وقالت اخرسى شكل علياء بقلبها الطيب دلعتك زياده عن اللزوم انا هعرف اربيكى من اول وجديد يا سمر ومسكتها من شعرها ودخلتها الاوضه وحدفت ليها الهدوم وقالت البسى هدومك خلصى وقفلت الباب وبتبص وراها لاقت مهند اتوترت وقالت ا.ا استاذ مهند ا.ا انت هنا من امته
مهند :- من بدرى اوى السواق مرضاش يستنا قولت اطلع اقولك واتصدمت من اللى سمعته
مياده :- س.س.سمعت ايه
مهند :- كل حاجه قولتيها لأختك
مياده :- ها لاء اوعى تكون فهمت غلط
مهند :- ما انا عايزك تقوليلى على اللى حصل علشان افهم الصح
مياده :- م.م.مفيش انا كنت بعقبها علشان اتأخرت لحد دلوقتى عند صحبتها
مهند :- والله صحبتها اللى هى فين بقى الشقه مفيهاش حد غيرنا
مياده :- غمضت عينيها والدموع نزلت منها وقالت والله الحكايه مش زى ما انت فاهم انا هفهمك هى راحت عيد ميلاد زميلها فى الجامعه من غير ما تقول لينا ولما اتأخرت جت هنا خافت تروح البيت وصحبتها اتصلت بيا وقالت ليا على مكانها وانا جيت اخدها
مهند :- اممم وعيد ميلاد زميلها ده هتقلع فيه هدومها وهتقعد بقميص بتاع راجل كده
مياده :- ارجوك بلاش تفهم غلط سمر طايشه بس ربنا حماها من طيشها ده ارجوك اوعى تفضحها فى الحاره اعتبرها مريم اختك ارجوك احنا مش حمل فضيحه فى الحاره
مهند :- انا مستحيل اعمل كده بس انا عايز افهم ايه اللى حصل بالظبط
مياده :- بصت فى الارض بإنكسار ودموع وقالت واحد كان ناوى يضحك عليها وشربها خمره بس أصحابها انقذوها فى اخر لحظه
مهند :- قوليلى مين ده وانا هعرفه شغله
مياده :- بدموع ابوس ايدك بلاش فضايح الحمدالله ربنا ستر ومحصلهاش حاجه
مهند :- بصلها وقال متقلقيش محدش فى الحاره هيعرف حاجه
مياده :- بدموع شكرآ ربنا يكرمك ويسترها على اختك دايمآ يارب
سمر :- بصت على الباب بغيظ وضربت الهدوم برجليها وقعدت على السرير وفضلت تهز رجليها بغيظ وبصت على الهدوم وقامت لبست وخرجت من الاوضه لاقت مهند واقف مع مياده اتغاظت وقالت انت جاى ليه
مهند :- بقرف امشى يلا
سمر :- انت بتتكلم معايا كده ليه لاء بقولك ايه اتظبط لظ
مهند :- قطع كلامها ومسكها من دراعها وقال انجرى قدامى بقولك
سمر :- انت اتجننت سيب ايدى يا حيوان
مياده :- كانت فرحانه باللى مهند بيعمله وقفلت باب الشقه ونزلت تجرى وراهم
سمر :- انا هعرفك مقامك يا سرسجى انت
مهند :- داس على أسنانه وقال لمى لسانك لقطعولك
سمر :- تقطع لسان مين انت اتجننت بدل ما انت عامل راجل عليا روح اعمل راجل على اختك
مياده :- سمر اتلمى بقى الراجل كتر خيره جه معايا علشان مبقاش لوحدى فى وقت زى ده
سمر :- بغيظ يا حنين بقى اللى علطول بيشرب حشيش ويعاكس فى البنات فى الرايحه والجايه استرجل وبقى بنى أدم دلوقتى
مهند :- ضربها بالقلم وقال اخرسى بقى من بدرى ماسك نفسى واقول عيب متمدش ايدك عليها مهما كان دى بنت وانتى مش ساكته انا راجل غصب عنك واختى الحمدالله حكمها كويس اوى على الأقل معملتش اللى انتى عملتيه انتى مالك شايفه نفسك على ايه انا لو حطيتك فى دماغى هفعصك برجلي هخليكى تكرهى اليوم اللى طولتى لسانك عليا اتلمى كده واحترمى نفسك بصى لاخواتك واعملى زيهم بدل ما انا اللى اظبطك بطريقتى فاهمه
سمر :- كانت اول مره تحس بخوف بصت ليه بتوتر وقالت س.س.سيب دراعى
مهند :- بصلها مده طويله وساب دراعها
مياده :- كانت مش مصدقه نفسها أن سمر بدأت تخاف من مهند ابتسمت وقالت بصوت واطى حلو اخيرآ سمر خافت من حد
سمر :- كانت بتبص بغيظ لمهند والدموع حابسها فى عينيها بس غصب عنها دمعه نزلت منها
مياده :- بصت على اختها وقالت ليها بصوت واطى يا بركت الله اول مره دمعه تنزل من عينك يا سمر عايزه اعمل لمهند ده تمثال علشان عرف يكسرك وظهر دموعك اللى عمرها ما ظهرت لحد
سمر :- بصوت واطى لا عاش ولا كان اللى يكسرنى يا مياده وفى الوقت ده سمعوا صوت مهند وهو بينادى عليهم علشان يركبوا اتخضت وطلعت تجرى على التاكسى بخوف
مياده :- بفرحه ايوه بقى ده انت ربنا بعتك لينا علشان تكسر مناخيرها وراحت ركبت جنب سمر ومهند ركب جنب السواق وراحوا البيت وطول الطريق سمر تبص لمهند بغيظ ومياده سعيده من اللى حصل بين مهند وسمر وبعد وقت طويل رجعوا البيت ونزلت سمر من التاكسى وطلعت تجرى على الشقه
مياده :- نزلت وانتظرت مهند
مهند :- حاسب التاكسى ونزل وقال طلعت
مياده :- ايوه شكرآ يا استاذ مهند بجد مش عارفه اقولك ايه
مهند :- انتوا زى اخواتى ومتزعليش لو كنت عملت اختك بقسوه ولا مديت ايدى عليها بس غصب عنى هى عصبتنى جامد
مياده :- لا خالص انا مش زعلانه بالعكس أنا فرحانه اوى باللى حصل
مهند :- بأستغراب فرحانه
مياده :- ايوه سمر من يوم ما ربنا خلقها محدش فى الدنيا دى قدر عليها وعلياء مكانتش بترضى تقسى عليها بسبب انا ماما وبابا ماتوا وهى لسه عندها ايام فكانت بتصعب عليها وزى ما انت شيفها كده متفرعنه علطول ومحدش عارف يكسرها وعمرها ما خافت من حد ولا دموعها نزلت من عينيها الا النهارده اول مره اشوف نظره الخوف فى عيونها منك واول مره دمعه تنزل من عينيها منك برضه وده فرحنى أن اتخلق حد فى الدنيا تخاف منه سمر
مهند :- تمام انا تحت الخدمه فى اى وقت
مياده :- ابتسمت ليه وقالت شكرآ عن اذنك
مهند :- اتفضلى
مياده :- طلعت على الشقه لاقتها قاعده على الكنبه بغيظ وقالت
سمر :- ايه خلصتوا غرميات مدام انتوا واقعين فى بعض كده ما تتزفتوا اتجوزوا وخلصونا
مياده :- لمى لسانك ليكى عين تتكلمى بعد المصيبه اللى حصلت دى
سمر :- والله انا حره
مياده :- لاء مش حره يا سمر لما تجيبى لينا العار تبقى مش حره لما تبصى على عيشه مش عيشتنا وتعملى حاجات غلط زيهم يبقى مش حره ولازم نكسرك علشان تتهدى شويه وتعرفى انتى بتعملى ايه
سمر :- لا عاش ولا كان اللى يسكرنى
مياده :- بأبتسامه لاء عايش وكان تصبحى على خير الحق انام ساعتين قبل الشغل وسابتها ودخلت الاوضه
سمر :- بنى ادمه مستفزه ونامت على الكنبه وغمضت عينيها وراحت فى النوم
**
اشرقت شمس صباح يوم جديد بنورها الساطع فى السماء القاهره ليبدء عمر بفتح عيونه قام قعد على سريره ودعك عينه بأيده واتنهد قام دخل الحمام اتوضه وخرج اده فرضه وغير هدومه ونزل قعد على السفره ونده على الشغال يحضر ليه الفطار وقعد يقراه فى الجريده وفى الوقت ده نزل أدم وقعد على الكرسى وقال
أدم :- صباح الخير
عمر :- صباح النور اخيرآ شوفتك
أدم :- ده على اساس انك بتبص ليا مش بتبص فى الجريده
عمر :- طبق الجريده وحطها على السفره وبص ليه بصدمه وقال ايه ده اللى فى وشك ده
أدم :- احم خناقه صغيره كده
عمر :- بعصبيه انا تعبت منك ومن تصرفاتك الطايشه دى انت ايه يا اخى مش بتتعب من المشاغبات مش بتزهق من دور الولد الصايع هتعقل امته بقى
أدم :- فيه ايه يا عمر دى شوية خدوش بسيطة مش مستحقه كل اللى انت بتعمله ده
عمر :- بعصبيه اصل اكيد الخدوش البسيطه دى وراها بنت وعلاقه قذره زى ما متعود بص انا كان فيه قرار بفكر فيه من زمان اوى بس كان صعب عليا اخده بس بيتهيألى هو ده انسب وقت علشان اخده
أدم :- قرار ايه ده
عمر :- هسفرك تكمل تعليمك بره
أدم :- نعم
عمر :- انت مش هيتصلح حالك غير لو بعد عن شلة السوء دول وانا قررت ابعدك عنهم واسفرك بره
أدم :- لاء طبعآ انا مستحيل اسافر واسيب اصحابى
عمر :- خلاص انت حر بس اعمل حسابك طول ما انت هنا مش هصرف عليك ولا مليم والعربيه تسيب المفاتيح بتاعتها والفيلا برضه ملكش عيش فيها اطلع اشتغل واصرف على نفسك بقى ومتنتظرش انك تورثنى لأن املاكى كلها هتبرع بيها خلى بقى اصحابك يبقى ينفعوك
أدم :- انت بتلوى دراعى يا عمر
عمر :- انا بعمل كده علشان مصلحتك يا آدم لازم اقسى عليك لأن الطيبه مبقتش تنفع معاك
أدم :- مش انت علطول بتقولى أن انا ابنك مش اخوك يبقى ازاى عايز تبعدنى عنك
عمر :- ما هو علشان انت ابنى مش اخويه لازم ابعدك علشان مصلحتك صدقنى هتبقى صعبه عليا بس لازم اعمل كده انا مش هسيبك وانت بره هجيلك علطول وهوفرك الحياه اللى تعيشها مرتاحه بره متقلقش
أدم :- طيب هعيش لوحدى ازاى هناك
عمر :- مش هتبقى لوحدك هكلم ناس اصدقائى يخلى بالهم منك وياريت تختار ناس نضيفه بجد تصاحبهم بلاش تعرف حد زى اللى تعرفهم هنا
أدم :- سكت ومردش عليه
عمر :- وقف وراح عنده وحط أيده على كتفه وقال أدم انت قولتها بنفسك انا بعتبرك ابنى وعلشان كده عايز مصلحتك عايزك راجل بجد بعد ما اموت تتحمل مسؤولية نفسك وتاخد بالك من الشركات اللى انا عملتها ليك ومضيعش تعبى طول حياتى على الفاضى
أدم :- اترمى فى حضنه وقال بعد الشر عليك ربنا يخليك ليا
عمر :- خبط على ضهره واتنهد وقال ويخليك ليا يا حبيبى انا هخلص اوراق السفر وهجهز ليك كل حاجه وانت هتسافر علطول
أدم :- بعد عنه وقال ماشى
عمر :- ابتسم ليه وخبط على رقابته وقال جدع يلا بقى احسن هموت من الجوع وقعدوا الاتنين فطروا وكل واحد ركب عربيته ومشى بيها
**
فى شقة عمر
وصل عمر بعربيته عند العماره اللى فيها علياء واتنهد ونزل من العربيه وطلع عند الشقه وفتح الباب بالمفتاح لاقه الشقه ضلمه عرف أن علياء سابت البيت ومشيت اتنهد بوجع وراح فتح النور وراح عند الاوضه اللى علياء كانت بتنام فيها وفتح الباب وبص بصدمه وقال.. يتبع الفصل العاشر اضغط هنا