رواية يوميات اتنين مجانين الفصل الثالث

يوميات اتنين مجانين الفصل الثالث بقلم حبيبة محمد

رواية يوميات اتنين مجانين الفصل الثالث 3

(ريم في المكتب) 

:هييييييي انا جيت نورت البيت 

رفع رأسه بصدمه وهو بيبص عليها بص للباب اللي واقف عليه العسكري بيبصله بأستسلام شاورله يطلع وبص لريم اللي نطت قعدت علي المكتب تمرجح رجليها في الهوا

:انتي ايه اللي جابك

:مكنتش عايزني اجيلك عشان تخوني صح؟!

:يا مصبر الوحش على الجحش ايه اللي رماكي عليا علي الصبح

:واللهي ما حدش رماني انا جيت لوحدي حتى اطلبلك رقم التاكسي 

:عااااا الطم ولا اجيب حد يلطم معايا

:اجي انا الطم معاك يا محمد مش مشكله

:اترزعي مكانك يا تقومي تروحي

:انا مش متعتعه من هنا فاااااهم

:يارب صبرني على دي بلوه(رفع سماعه التلفون) دخل يا ابني المتهم

:يا ابنك انت خلفت ومن ورااايا ايوااا كنت عارفه انك بتخوني؟!

:يمين بالله لو ما سكتي لكون مكهربك بكهربه تكفي مصر عشر سنين قداااام فاااااهمه

:عااااا متزعقليش خلاص هسكت ساكته

:هسكت ساكته؟!! المتهم يا شاوووويش

اتفتح الباب ودخل الشاويش وهو ماسك راجل مفيش في وشه حته سليمه عليه طول يالهوي ريم فتحت عينيها على آخرها وهيا بتبص عليه 

:ياما انت هتحقق مع عمود النور ده ازاي هاتلك كرسي أقف عليه ههههههههه؟! 

بصلها بنظره خرستها وبعدين بص للي واقف قدامه وقرب ومسكه من هدومه 

:هتقولي بقى مين اللي وازك يا روح امك ولا لا لأني مرارتي يدووب علي القد البركه في ريم 

:شكرا يا ابني واللهي ده شهاده اعتز بيها 

:اخررسي انطق يلاااا

=واللهي يا باشا انا شغال علي بابا اللله لا حد بيوزني ولا حد بينشني 

:ما تنطق يلااااااا بدل ما اخلي وشك خريطه اكتر ما هو 

:ايه هتزود عليه قاره جديده قهقهقهقه

=واللهي يا باشا ما اعرف حد زي ما قولتلك شغال على باب الله 

:محمد هو ربنا بقى ليه باب؟! 

:بقولك ايه يا بلوه حياتي ومصيبه عمري يا تسكتي يا هاخدك أرميكي في الحجز فاهمه

:سكت سكت 

:يا شاووووويش يا شاااااااويش 

=ايوا يا بيه 

:خد البيه وديه سجن ٦ ووصي عليه قوي لحد ما ينطق 

=اوامرك 

:على فكره بقى هو حلف ومحدش بيحلف كدب

:لا فيه هنا بيحلفو كدب 

:وه وه وه 

:مش وقت تعجب ياااماا ايه اللي جابك؟! 

:الله مجيش اطمن على جوزي حبيبي 

:جوزك؟! يا شيخه ده انا قربت انسى مين مراتي اساسا

:ليه انت متجوز واحده غيري انا كنت عاااااارفه كنت عاااااارفه 

:ياربي اعمل عشان اخلص منك 

:تخلص مني ايه هو انا لبانه؟ 

:لا مش لبانه اسوء 

:بسس انا اروح بيت ابويا لا تقولي ايه اللي جابك ولا ايه اللي وداكي 

:يا شيخه اتنيلي انتي فاكره ابوكي قالك ايه لو شوفتك هقفل الباب في وشك انتي وجوزك

:للدرجه دي وجودي عملكم ازعاج انا ماشيه 

قامت مشيت وهو بيبص من الطريق اللي طلعت منه وبيدعي ربنا تطلع من المركز من غير مشاكل وللحظه ضميره وجعه انه زعلها

**

رجع من الشغل ودخل للبيت بترقب بيبص حواليه بخوف ما هيا روشته ممكن يلاقيها ناطه من السقف عادي ما هو اتدبس واتجوز ارجوز بس اللي حيره فعلا أن مفيش حاجه والبيت طبيعي والغريب انه نضيف  فتح باب اوضته ودخل لقاها لابسه قميص من قمصانه كعادتها ونايمه قرب منها وبيرجع شعرها لورا وللحظه وحشه جنناها فتحت عينيها وبصتله وهو ابتسم ومستنيها تناكشه بس استغرب لما لقاها لفت وشها الجهه التانيه 

:ريم حبيبتي انتي تعبانه؟!

:عايزه انام 

:لا مفيش نوم اصحى كده 

:عايزه انام يا بني آدم يا مستفز 

:انا جعان طيب 

:التلاجه موجوده والبوتجاز موجود اعمل لنفسك مش نغه 

:عايزك تحضريلي الغدا انت 

اتعدلت وهو بصلها ومستني اي حركه من حركاتها المجنونه 

:مش انا منفعش ام منفعش زوجه منفعش بنت منفعش اي حاجه قوم اعمل لنفسك طفح بقى 

:واهون عليكي 

:تهون عليا ويلا بقى غور عايزه انام 

:قومي يا لمضه هانم مفيش نوم 

ومره واحده قام وقف شالها على كتفه وهيا بتشتم فيه ينزلها لحد ما وصلوا المطبخ وراح حاططها على الرخامه وبيبصلها وهيا ربعت ايديها ولفت وشها الجهه التانيه 

:لا انا عايز ريم شعنونتي ترجع تاني

:معلش أصلها خدت يومين اجازه هتزور شرم وجايه 

:تيجي نخرج 

:مش عايزه حاجه منك 

:طب يا ستي انا اسف 

:اعمل بأسف دي ايه هات كوبايه كده 

:اهو 

:ارميها علي الارض

:رميتها 

:تعرف ترجعها زي ما اتكسرت 

:اه لأنها بلاستيك اساسا متكسرتش

:بوظت الحكمه اللي يخربيتك 

:ايوا كده اضحكي يلا بقى يا شعنونتي هنطبخ ايه انا جعان 

:كل بعضك 

:عوض عليا عوض الصابرين يارب 

:محمد انا لسه مخصماك 

:ليه؟؟ 

:الله بمزاجي كيفي كده كيفي بيقولي اخاصمك 

:اه الهرومانات طفحت بقى 

:طفحت؟! ايه المصطلحات دي؟! 

:بسم الله علي مصطلحاتك انتي يا ام مصطلحات 

:تعرف اني صالحتك لأنك صدقت ما كذبت عليا 

:لا يا شيخه خليكي مخصماني شويه 

:محمددد

:قلبه 

:جك شكه في قلبك 

:ده اخرك في الرومانسيه 

:لا انا برج السرطان يعني بص هبهرك رومانسيه 

:طب هاكل من ايدك أمته يا قلبي؟ 

:لما تتشل يا روح قلبك 

**

:محمد هو ليه الشجره موقعتش فوق نيوتن وخلصتنا منه بدل التفاحه 

:هبقي اسئله 

:انت بتعمل ايه؟! 

:بلعب 

:الله طب لعبني معاك 

:لا 

:ليه يا محمد؟! 

:ده شغل يا ريم انا بضحك عليكي اسكتي بقى عشان اركز 

:افففف كل شويه اسكتي اسكتي يا شيخ ده انت رخم ليه يا رب مجوزتنيش واحد عدل 

:سامعك يا ام لسان عايز القص 

خلص شغله وقفل الورق وشاله حطه على التلاجه لأنها قصيره مش هطوله وهو عارفها مجنونه ممكن تعمل الورق مركب وتملي البانيو وتحطهم فيه فتح باب الاوضه وبيبص ملقهاش خبط على باب الحمام برضه مسمعش صوتها 

:ايه لبست طقيه الأخفاء ولا ايه؟! 

قرب من الدولاب يفتحه عشان يطلع هدوم ينام بيه وهوب حس بجسم بيتحدف عليه من جوا الدولاب، ريم كانت مستخبيه  في الدولاب وهوب مره واحده ناطت عليه وراحت متشعلقه في رقبته ولفت رجليها حواليه

:اقسم بالله انتي قطعتيلي الخلف انت عارفه متنفعيش زوجه إنما بنت اه إنما زوجه أشك 

:ليه يا حبيبي ده انا بنت قمر وزوجه قمرين وهبقي ام ٣ قمرات 

:ريم حياتي مش ناويه تعقلي؟!

:انتي ازاي ضميرك سمحلك تحطني انا والكلمه دي في جمله واحد يا قاسي انت قلبك قاسي 

:اوي اوي 

:انت مبتحسش 

:كده وكده ايه اللي بقوله ده اوعي يا بت كده 

:قولتلك متقوليش بت 

:لما تعقلي هبطل اقولها 

:شوف بيقولي عقل تاني طب قابلني لو نزلت وانا حاسه ان متشعلقه في الدور الخمستاشر ده

:الخمستاشر؟ رقم جديد ده

:طول عمري بقول الجديد 

:ريم يا نبض قلبي ظهري وقف واللهي 

:الله ما تقعده انا مااالي يا رمضان 😂

محمد لف بظهره ومره واحده حدفها على السرير وهيا غمضت عينيها كأنها اغني عليها 

:قديمه الحركات دي قديمه 

لف وشه وكمل تطليع هدوم وكل شويه يبص على ريم اللي شبه راحت في غيبوبه 

:ريمممممممم

ساب الهدوم وقرب منها من على السرير بيخبط على وشها براحه والخوف سيطر عليه وهوب صرخه في وشه وقعته على الأرض 

:عليا النعمه يا حج كامل انت اتخضيتتتت اتخضيتتت😂

محمد غمض عينه ونام على الأرض وريم جاتلها هستريا ضحك ومحمد فتح عينه يبصلها بغيظ بس غصب عنه ابتسم على حركاتها الطفوليه اللي هتجيب أجله في يوم اكيد .. يتبع الفصل الرابع اضغط هنا