رواية يوميات اتنين مجانين الفصل الأخير

يوميات اتنين مجانين الفصل السادس والفصل السابع والأخير بقلم حبيبة محمد

رواية يوميات اتنين مجانين الفصل السادس قبل الأخير

(ذكريات الفرح)

:ايوا نعم... ايه... خير انت مش قولت في مؤموريه... بتتصل لييييه؟!

:ريم انا بخونك

:بتعمل ايه يا روح امك؟!

:بخونك ولسانك ميطولش

:ده انت قلبك قوي بقى متصل بيا تقولي بخونك؟! انت اهبل يلااا

:بت لمى لسانك كده هااااا

:انت لسه شوفت حاجه يا دلعدي ده انا هوريك النجوم في عز العصر يا اقرع يا معفن

:خلصتي؟!!!

:انت بتخوني بجد؟!

:مش مصدقاني اديكي تكلميها

:وهيا مين العاميه اللي هتبصلك اساسا؟!

:بسم الله عليكي نبغه امال حضرتك متجوزاني ليه؟!

:انا يبني.. شكرا على ثقتك الغاليه

:يبنتي فوقي من النوم كده بقولك بخونك

:ما تخوني عاادي الشرع محلل مثنى وثلاث وراباع

:قلبي هتشل هتشل

:بقولك ايه انت متصل بيا تصحيني من احلى نومه تقولي بخونك خوني بس عارف لما ترجع هتلاقيني عامله ايه؟!

:ايه هتسيبي البيت قولي هتسيبي البيت؟!.

:أخص عليك يا حوده لا طبعا هغير كالون الباب وهنيمك على باب الشقه وهكلم بابا اقوله انك ضربتني ومش بس كده هروح اعمل بلاغ تحرش ضدك في القسم

:اااايييييه متجوز مرات ابليس ده انا لو قاتلك حد مش هتعملي فيا كده

**

رجع من الشغل ودخل لقاها قاعده تسمع فيلم أو مسلسل معرفش يحدد بس الغيظ واكله منها

:ريم انا جعان

:ما تاكل هو انا ماسكاك هل انا مسكاك؟!

:انا كرهتك

:ربنا يديم عدم القبول بينا

:هو انا اتجوزتك ليه؟!.

:وانا مااالي يا لمبي الله محدش قالك اتجوزني يلا هش هش عايزه اسمع الفيلم

:ربنا ياخدك يا شيخه

:وياخدك معايا ما هو انا مش هسيبك للحريم يا خويا

:يارب اني لا اسئلك رد القضاء ولكن اسئلك اللطف فيه

:وهيصه

:بتقولي ايه يا مجنونه؟!

:امك بالعه بريصه

:لمى لسانك يا جموسه

:محمد طلقني

:اه الهرومانات بدأت

:اسمها Startيا جااااهل

:يا سلام علي الثقافه يا بت

ضرب ايد على التانيه ودخل الاوضه غير هدومه وطلع لقاها لسه قاعده قدام التلفزيون سند على الباب وبيبص عليها وافتكر اول يوم في الجواز وابتسم

**

فلااش باااك

**

:عااااااااااا انت بتدوس على الفستان؟

:غصب عني واللهي بس ايه الحلاوه دي

:طول عمري قمر يا حبيبي الباقي على الأعمى اللي مبيقدرش النعمه

:الكلام ده عليا؟

:وهو انا كنت اطسيت في نظري واتجوزت غيرك يعني؟!

:ريم تيجي نفركش الجوازه

:احسن واحد أجهزتي ابيعها وافتح بيها صاله كوكو لتعليم الرقص الشرقي

:كو..... كوكو مين دي يا عنيا تعرفي اني قدمت خدمه كبيره للوطن

:ليه؟

:انقذتهم منك وادبست انا تدبيسه مدبسهتش حمار وربنا

:محمد

ابتسم ليها وهيا ابتسمتله

:محمد متزعلش مني بس دي طبيعتي ومش هعرف اغيرها

:ومين قالك اني عاوزك تغيرها انا عاوزك زي ما انتي

:بس بحس ساعات انك بتزهق مني

:ريم حياتي انا كظابط شرطه جدي رسمي لما اقابل واحده زيك طبيعي اكون كده

:يعني مش هتزهق مني

:تؤ تؤ

:عااااااا هيخلصوا الاكل البوفيه فتح

محمد ضحك بعلو صوته وهيا بصتله وابتسامه هبله اترسمت على وشها

:أنت حلو كده ليه؟

:انتي بتعاكسيني يعني

:جوزي وابو العيال اعاكسه براحتي الااااكل يلاااا سيب الاكل

:عليا النعمه مجنونه وهتجنني معاها

**

:خشي يا زفته

:حيوان بيتكلم اول مره اشوف حيوان بيتكلم

:مش ههزقك عارفه ليه لأني مهزق اني اتجوزت واحده مهزقه زيك

:متزقش والا هفتح راسك بموله السرير دي ويبقى عروسه تقتل زوجها في ليله زواجهم

:استغفر الله العظيم...... خلصانه ده تكفير ذنب عارف

:امممم اول مره اشوف حيوان زوقه حلو

:واللهي شكلي انا اللي هقتلك يا ام لسان طول خرطوم البوتاجاز

:واللهي هاخد أجهزتي الكهربائيه وهمشي وهخليك على المحاره كده خلصاااانه

:انتي بلاء وانا ابتليت بيه انا عارف امي كل يوم كانت تدعي عليا

:انا بلاء عظيم... عظيم جدا انا مبهوره بنفسي

:بقا انا كنتي بتنكدي عليا كل يوم؟!

:عاااااا الحقوني انت بتقفل الباب ليه ياناااااس الحقوني عايز يتحمرش بياااااا

:بقا في الفرح تقوليلي طلقني عشان دوست على فستان الفرح

:أحمد ربنا اني مخلتكش تمسحه بجاكت البدله بتاعتك وانت عامل زي باتمان كده

:با.... با ايه يا اختي الصبر من عندك يا رب طب ايه (وغمزلها)

:محمد هيا عينك وجعاك؟

:هتجلط يا ناااااس هتجلط

:لا اتجلط بعيد عني وتلبسني تهمت موتك لا انا لسه صغيره على الحبس

:مش هتغيري بقا الفستان ده

:وانت مالك حاشر مناخيرك ليه اغيره ولا مغيروهوش فستاني ولا فستانك؟!

:هتنامي ليه يعني؟؟!

:ايه ده هو انا مقولتلكش؟!

:اييييييه يا بلاء عمري

:هنام بالفستان

:ايييييه؟!

:هل هو مكتوب في العقد اني لازم اغير الفستان

:عقد؟!

:راجع معايا الضمانات كده

:هو انا مشتري تلاااجه يا بت الجزمه انتي؟؟!!!

:رايح فييين؟!

:هنام على الكنبه ما هو انا مش ناقص؟!

:مش هتغير؟!.

:هو انا مكتوب في العقد اغير هدومي؟!

:انت بتردهالي

:ربنا يهديكي

:ربنا ياخدك براحه

**

بااااك

**

:عاااااااااااا بتبصلي كده ليه هتموتني انا كنت عارفه

:اتهدي جك هده تهدك خااالص يا بعيده

:انت بتشتمني انت بتدعي عليا اكمني بنكد عليك في عيشتك وبهزهقك حسبي الله ونعم الوكيل

:ربنا ياخدك

:ربنا يشلك

:ربنا يهديكي

:وهيصه عند العريس هيصه وهيصهه

:حسبي الله ونعم الوكيل

الفصل السابع والأخير (ابننا مستقبل)

:محممممد الحقني انا بولد

:نامي يا ريم هتولدي ازاي وانتي لسه في التالت

:قصدك اني بكدب عليك يا محمد..... وبعدين افرض بولد بجد كنت هتفضل نايم زي الجردل كده

:يا ريم يا قلب قلبي يا دقاتي واللهي بقالي ٣ايام بسببك ما دوقت النوم

:وهو النوم بيداااق يا فشاااار عرفت ليه مكنتش عاوزه اتجوزك من البدايه

:يا الله الهرومانات طفحت.

:اهئ اهئ لما انت مش هتستحملني في ضعفي هتستحملني أمته عاااااااا

:يا ريم اعملك ايه زهقتيني واللهي

:عايزه فسيخ

:ف..... عايزه ايه يا ريم!؟ فسيخ ايه اللي هجبهالك الساعه ٣ الفجر

:شوفت يا حبيبي بابا بيحرمك من الاكل من دلوقتي ابوك الأقرع اللي كان بياكل السمكه على ٤ ايام

:يا حبيبتي الساعه ٣ الفجر الصبح هجبهالك

:يرضيك يطلع في وش ابني سمكه ويفضلوا يقولوه يا سمكه يرضيك؟!

**

:خدي يا أكبر بلوه اتبليت بيها في حيااتي

:يعععع ايه البتاع المعفن دي ابعدها عني دي ريحتها تقرف

:نعم يا اختي نزلتيني في نصاص اليالي وتقوليلي يعع؟!

:الله مش عاجبك طلقني يا لوتفي

:اهئ اهئ يارب انا عملت ايه في حياتي اتعاقب عليه كده انا طول عمري بحمدك بس كده كتير

:بتحسبن عليا يا محمد اكمني مزهقاك ومطينه عيشتك حسبي الله ونعم الوكيل

:٠ربنا ياخدك

:ربنا يهدك

:حسبنا الله ونعم الوكيل

:محمد عايزه سمك مشوي

**

:مش ده قميصي ولا انا بشبه عليه

:لا هو ده قميصك يا حياتي بس كل الهدوم اللي عندي كشت

:متأكده انها كشت مش انتي اللي طخنتي

:تؤ هيا اللي كشت

فتح الدولاب ملقتش غير قميصين بس

:ريم باقي هدومي فين؟!

:ما انا خدتهم كلهم ولما صعبت عليا سيبتلك دول رغم أن عيني عليهم

:ريم انت عارفه كانوا بيعدموا الناس زمان ازاي

:وانا هعرف منين شايفني جوجل متحرك ولا كنت بعدم معاهم

:رمي بالرصاص وشكلي هعمل كده

:حيوان بيتكلم اول مره اشوف حيوان بيتكلم

:ريمممممم

:محمد عاوزه بيتزا

**

:محمد الحقني شكلي بووووولد

:دي المره اللي مش عارف عددها في نفس الشهر تقولي كده واحدة واطلع على المستشفى زي الاهبل والدكتوره تقول مفيش حاجه

:عاااااااا هموووت يا ابن الجزمه

هممممووووووت

:اااييييه انتي عامله اللوز وانتي صغيره كل ده صوت

:شوف بقاله ايه وهو بيقولي ايه هممممووووووت الله يخربيتك

:لا دي شكلها بجد همتك معايا اقفى كده

:انت رايح تولد جموسه يا حيوان شيلنننننيي عاااااااااااا

:اشيلك ايه ظهري هيتقسم

:اقسم بالله هتف في خلقتك يا محمد هموت يا بني آدم هموووووووت

**

:احنا جهزنا المدام كلها نص ساعه وهتدخل العمليات

:محمد هو لو مت هتزعل عليا

:موتى وملكيش دعوه انتي

:بتقول ايه سمعني

:بعيط يا حبيبتي على تعبك

:محمد انت هتخش معايا العمليات صح

:عيوني ليكي يا حبيبتي

**

:احنا ادينا المدام بنج موضعي كلها دقايق والبيبي هيشرف

:محمد انت حلو كده ليه ما تجيب بوسه

:ريم اتلمي احنا في العمليات

:هتسرق أعضائي وتبعها انا قولت لأبويا انك حيوان مصدقنيش

:هيا مالها يا دكتور

:لا ده عادي هلوسه من أثر البنج

:ايه الدكتور الحلو ده ما تجيب بوسه

:الله يخربيتك هتفضحيني اسكتي

:مين الراجل ده الحقووووووووني

وفجأه صوت البيبي طلع والدكتور بصله وابتسامه اترسمت على وشه قرب من محمد اللي مشاعر كتير هاجمته وهو بيبص على ابنه اللي استناه كتير قرب من ريم اللي وشها كله عرق وابتسمت اول ما شافته عينيها دمعت بتعب

:ده صغنن اوووي يا محمد

:عشان لسه مولود بس يا قلبي

:عايزه اشيله

:لما تخفي شيليه أهم حاجه انتي عندي دلوقتي❤️

**

:هنسميه ايه يا محمد؟!

:اللي انتي عايزاه يا حبيبتي

:ايه رايك في مستقبل؟!

:مستقبل مين يا حجه ده اسم ده

:عشان يبقى مستقبلي انا وانت نشوف فيه حلمنا نشوف فيه تعبنا السنين اللي فاتت كلها

:لو تفضلي عاقله كده

:وه عاقله انت قلبك جمد

:ورجعنا لنقطه الصفر تاااني

:هههههههههه انا ريم يا حياتي عمري ما هعقل

:بحبك يا شعنونه❤️

**

:عاااااا يا محمد انا زهقت

:ايه يا قلب محمد مالك؟!

:يعني انا اخلف وامسح واكنس وارتب وانت فالح تروح الشغل وتيجي وخلاااص انا تعبت طلقني

:يا دي السنه السوده

:حرام تسود ايام ربنا يا حوده

:اللهم قوي إيمانك يا شيخه ريم

:ربنا يخليك ليا يا ابو مستقبل

:هيولع أن شاء الله

:هو ايه؟!.

:مستقبلي انا وانتي أن شاء الله يا قلبي😂

**

بعد مرور خمس سنوات

رجع من الشغل وعلى وشه ابتسامه انه هيشوف المجانين بتوعه فتح الباب لقى الدنيا ضلمه اتأكد انه مقلب من مقالبهم وهوب نط مستقبل على ظهر وريم طلعت بسرعه حضنته

:ههههههه يا مجانين هتوقعوني

=وحشتني اووووي يا بابا عارف ماما مش رضيت تخليني اشوف بنت الجيران

:ليه كده يا ريم دي اول حب ليه

:٠ده مجنون وربنا شافها انبارح طالعه بشورت جينز جابها من شعرها ونزل ضرب فيها امها طلعت مسكت فيا

:هههههههههه الراجل حمش الله

:بابا باابا انا عاوز اشتغل حرامي

:بس دى حرام يا حبيبي السرقه حرام

:خلاص هروح اشتغل في بنك واسرقه قدامهم

:على رائي المثل متخافش من العبيطه خاف من خلفتها

:قصدك اني عبيطه؟!!!

:واحلى عبيطه في حياتي ❤️

:بحبك يا مستحملني ❤️

:بحبك يا شعنونه❤️

:بحمد ربنا اني قابلتك في حياتي❤️

:بابا انا هرجع من الرومانسيه دي

:شوفتي خلفتك؟!!!

:ومالها يا محمد خلفتي كنت خلفها انت

**

:بابا هيا ليه الشمس مبتطلعش بليل تنور الدنيا بدل ما تطلع بالنهار والدنيا نور

:مش انا ابن ريم كان لازم اتوقع اي سؤال زي ده منك

:بتقول حاجه يا حيااااتي

:لا ده انا بسمع لمستقبل جدول الضرب.

:بابا ممكن اروح العب مع ساره

:روح يا حبيبي

"بعد ما يقارب النص ساعه"

:انتي يااااا هااانم ياللي اسمك ريم

:في ايه يأم كريم........ يا نهار ابيض انتي شايله الواد كده ليه

:ابنك ضرب كريم فتحله راسه

:عااااا مختلفه بلطجي هل انا مختلفه بلطجي حقك عليا خش جوا خش

:في ايه بتزعقي ايه؟.

:ابنك فتح دماغ الواد

:ليه يا مستقبل!

:ده واد ملزق وجاي يمسك في ساره وضربها رحت ضاربه بالطوبه

:وهيا مين ساره دي

:دي مراتي يا بابا

:نعم يا روح بابا؟؟؟!

:مش انت متحوز ماما

:اه

:يبقى انا كمان من حقي اتجوز ساره

:كده كتيرررر عليا كتيرررررررر

انفجرت ريم ومستقبل في الضحك وهما بيبصوا على محمد الواقع على الأرض.

"الحياه ليها من الحظ جانب ومفيش احلى من الحب الشغب خلونا نرمي اللي يزعلنا ونسيب للي فرحنا نصيب"

"ريم ومحمد يومياتهم مش هتخلص وهتفضل مستمره لحد اخر نفس".. تمت

رواية جديدة اضغط هنا