رواية علاقة غير مشروعة البارت الرابع عشر 14 بقلم فاطمة ابراهيم
رواية علاقة غير مشروعة الفصل الرابع عشر 14
يقرب نور جامد من الصورة في زهول =
معقولة هي !!!
تخرج ريم و معاها الكاب تلاقي نور واقف مبرق للصورة....
ريم = نور ؛ نور !
نور = ها نعم
ريم = ايه مالك سرحت فى ايه؟
نور = هي دي مامتك ؟!
ريم = لأ دي صورة مرات عمي الله يرحمها....
اي هي شبهي للدرجة دى ولا ايه!
نور = هي عندها أولاد ؟
ريم بستغراب = كان عندها بس توفت هو في حاجة؟!
نور= لالا مفيش اصلها شبه حد اعرفه ...
ياله عن أذنك وشكرا تانى ع وقفتك جمبي دي حقيقي شكرا أشوف وشك بخير....
ريم = ااا نور
يلتفت نور ويبصلها= نعم
ريم بتوتر وكسوف= هو يعنى انا ممكن يعنى أبقي ااا
نور = مالك ي ريم وبإبتسامة :-
لو مش عاوزانى أمشي عادي يعنى ممكن نفضل قاعدين مع بعض بس بشرط تجاوبينى ع سؤالي الأول
ريم بتلقائية = لأ طبعا مش قصدي كدا ...
نور = أحم طيب ايه قولي
ريم = كنت عاوزة اقولك ممكن يعنى أبقي ااا
نور = اه هو انا لو فضلت مستنيكى علشان تطلعيها هنفضل طول اليوم واقفين كدا خلاص انا إلا هكلمك علشان اطمنك عليا ....
ريم = أي دا انت عارف انا عاوزة اقول ايه!!؟
نور يضحك ويقول = انتى نسيتى انى ظابط واقدر اعرف إلا قدامي هيقول ايه مجرد ما يفكر فيه بس
ريم بغيظ وكسوف = خلاص انا غيرت رأيي مش هرن عليك دا أنت رخم صحيح
نور = طب خلاص متزعليش كدا ممكن انا ارن اطمن عليكى لو مش هضايقك يعنى
ريم بكبرياء = رن برحتك مش هرد اصلا ....
نور بجدية = لأ بقولك ايه انا ارن مرة واحدة انتى عارفة لو مردتيش !!
ريم = ايه هتعمل ايه يعنى ؟
نور بدلع= هرن التانية والتالتة وال....
ملك = أحم أحم طب ما تتفضلوا تكملوا كلامكم دا جوه اصل الوقفه شكلها هطول.....
نور = ااا طب استأذن انا مع السلامة
ريم = بااي ...
اااا نور نسيت الكاب .....
**
في الكافيه
نور = صباح الخير ي إيسو
ياسين = هو انت خليت فيها خير !!
كنت فين ي استاذ وأبوك قالب الدنيا عليك....
نور = ي نهار زي بعضه بابا كلمك وسألك عليا ! ؛ يبقي اكيد مقتنعش انى اكون في القسم
ياسين = سيبك من ابوك وقولي احسنلك كنت فين؟
انت مش نزلت مع رامى ع اساس مروحين ؟!
يقلع نور الكاب ....
ياسين بصدمة = ي لهووى ايه دا راسك مالها !!
نور = عملت حادثة امبارح بالليل وانا مروح واغمي عليا وأول ما فوقت انهاردة جيت ع طول اهو
ياسين بخوف يقرب منه ويمسك راسه ويبص كويس=
عملت حادثة أزاي انت كنت نايم وانت سايق !!؟
نور = سيبك منى انا يعم صدقنى انا كويس قولي انت كنت عايزني في ايه ....
ياسين بحزن = مش عارف ي نور مش عارف علاقتى مع در كانت صح من البداية ولا غلط
نور بصدمة = أييه !! انت ي ياسين إلا بتقول كدا
ياسين = حاسس انى كنت غلطان لما قررت اعمل إلا انا عملته دا ....
نور = أنت بتهزر ولا بتهزر ما هو انت اكيد مفيهمش حل تالت يعنى بعد كل إلا عملته دا جاي تقولي حاسس انك غلطان!!
ياسين = عارف انا عملت زي إلا بني بيت جميل أووى وكان فرحان وهو بيبنيه ومش همه تعبه وكان بيقنع نفسه ان تعبه دا كله هيتمحي بمجرد ما يخلص ويشوف بيته الجميل ونتيجة تعبه بس بعد ما خلص اكتشف انه كان بيبنى البيت في الهوا وملقاش أي أثر لتعبه دا غير جواه وبس ....
نور = مالك ي ياسين انا أول مرة اسمع منك الكلام دا أنتم اتخانقت انت ودر ولا ايه ؟
ياسين = تعبت ي نور تعبت أووي ....
نور = افهم من كلامك دا انك مبقتش تحبها ؟!
ياسين = معرفش حقيقي مش عارف دا حب ولا غباء مني ولا أنانية انى عملت كدا من غير ما اعرف مشاعرها هي كمان ناحيتى ولا ايه.....
في الوقت دا تليفون نور يرن
نور بإرتباك = ي نهار ابيض دا بابا ....
ياسين = رد عليه واستلم وعدك ي بيه
نور = ألوو
_ أنت فين من امبارح ي نور ومكنتش بترد ليه!!؟
نور = هو انا كنت ااا
_ أنت فين دلوقتى ؟
نور = مع ياسين ي بابا
_ ياسين اه انا كان قلبي حاسس ان اخرتك هتبقي ع إيده هو تجيبه وتجيلي حالا ....
نور = هو حضرتك مش نزلت المستشفي انهاردة؟
_ لأ انا في البيت بسرعة تكون عندي انت واخوك فاهم!
نور = حاضر ي بابا جايين ع طول
ياسين = قالك ايه اكيد سمعك كلمتين دلوقتى ملهمش لازمة ....
نور = صورتك في نظره الله اكبر مقولكش ناقصلك جناحين وتبقي ملاك
ياسين يضحك ويقول = ما انا عارف دا انا سجلاتي معاه بقت سودا خالص المهم قالك ايه؟
نور وهو بيقلد أبوه في نرفزته وصوته = أحم أحم
بقولك ايه انا في البيت بسرعة تكون عندي انت واخوك فاهم!!
ياسين يبلع ريقه = ايه دا وانا مالي ما تروح انت لوحدك ....
نور = ودا كلام برضو تسيب اخوك حبيبك في الموقف دا لوحده دا طلبك قبلي اساسا
ياسين = هو انا ناقص مش كفاية إلا انا فيه ؟!!
نور = تعالي بس نشوف هو عاوز ايه وبعد كدا نشوف حكايتك دي كمان....
**
في البيت
_ أهلا اهلا شرفتوا
ياسين = كله منك أنت ....
نور = أنا مالي يعنى هو كان بمزاجي
_ انتو كمان مش مكفيكوا سرمحة بالليل كلها وجايين تكملوا كلام هنا !!
ياسين = سرمحة !! هي حصلت
نور = نهار اسود هو مفكر ايه ؟!
ياسين = بابا حضرتك مفكر غلط كل الحكاية ان نور ااا
_ مش عاوز حجج فارغة انا مش هستنى لما تضيعوا مني انا خلاص قررت ....
ياسين ونور يبصوا لبعض ويبصوا لأبوهم= قررت ايه ي بابا مش فاهمين ؟!
_ أنتو نسيتوا الموضوع إلا قولتلكم عليه ولا ايه!!
نور= موضوع ايه ي بابا....
_ موضوع الجواز جهزوا نفسكم هنعملهم زيارة انهاردة بالليل....
ياسين بصدمة = مستحيل ....
_ هو ايه الا مستحيل مش فاهم ؟!
ياسين = لأ ي بابا حضرتك فاهم كل حاجة وعارف انى مستحيل اتجوز بالطريقة دي وبرضو مصمم تضايقنى..
_ بعصبية يرد عليك :- أه وانت بقي مستنى ايه البنت المجنونة الهربانة دي تجيلك وتقولك انا بحبك ي ياسين ولا واخد معاد من المستشفي ونروح نطلب إيديها من كبير المجانين في المستشفي!
ياسين بغضب = لو سمحت ي بابا متقولش عليها كدا...
نور = أهدي ي ياسين بابا كل إلا همه مصلحتك يعنى
ياسين = أنت حتى مش عاوز تدينى فرصة اثبتلك اني صح ....
_ قصدك ايه بكلامك دا!!؟
ياسين = قصدي ي بابا انى مش صغير ولا حتى لسه حد بيتجوز بالطريقة دي من حقي اختار شريكة حياتي بنفسي يرضيك يعنى اجبر نفسي ع واحدة علشان خاطر حضرتك وبعد ما يكون عندنا طفل اكون لسه برضو مجبور استحمل لعند ما في الاخر هطلق برضو وأظلمها هي وابنى ...
_ يبصله أبوه ويسكت ميعرفش يرد
نور يقرب ع ياسين وبصوت واطي= أي دا يابن الايه وبتقولي مبقتش تحبها أمال لو كنت بتحبها بقي كنت عملت ايه....
ياسين = اخرس هتفضحنا ....
_ أحم طيب نروح للناس انهاردة علشان نشوف عروسة اخوك وبعد كدا نبقي نشوف حكايتك انت بعدين ....
نور = ايه دا هو انا إلا هقع فيها ولا ايه!!؟
_ ايه بتحب انت كمان ولا ايه ما هي خلاص بقت موضة كل واحد فاضي يعجب بواحدة....
نور بإبتسامة = ايوا ي بابا عندك حق انا فعلا من الناس دي انا الصراحة ي بابا معجب ببنت محترمة جدا وبنت ناس واتمنى حضرتك تدينى نفس الفرصة إلا اديتها لياسين ....
_ انا معرفتش أربي فعلا
واسمها ايه دي بقي ان شاء الله الا معجب بيها ي حضرة الظابط....
نور بإبتسامة عريضة= ريم ي بابا اسم حلو صح
_ اه ريم طيب قولي أهلها مين وحددلنا معاد معاهم
نور بفرحة = بجد ي بابا !!
_ اه طبعا وليه لأ بدل هتبقي مبسوط
ياسين = طب وانا ي بابا ؟!
يعنى انا إلا اتكلم وهو إلا يستفاد ولا ايه
_ اختار اى واحدة غير المجنونة دي وانا موافق ...
ياسين = خلاص وانا موافق والعروسة جاهزة كمان وبما أني انا الكبير يبقي انا الأول....
نور بستغراب = أيه دا يخربيتك انت بتقول ايه اتخليت عن حبك بالسهولة دى! دا انت لو كنت كسبتها في كيس شبسي كنت اتمسكت بيها اكتر من كدا ....
_ طب كويس اوي اهم حاجة مسمعش اسم در دا ابدا قولي بقي وفرحنى اسم البنت إلا معجب بيها ايه ؟
نور يبصله بصدمة ومبرقله
ياسين بإبتسامة = اسمها ليلي ي بابا
نور أول ما سمع اسم ليلي قعد دقايق لحد ما استوعب ان دا اسم در أصلا ....
_ حلو اسم ليلي دا واكيد أحلي هي احلي من در دي انا صحيح عمري ما شوفتها بس مينساش الإنسان مننا حد غير لما يلاقي إلا احسن منه ويعوضه....
**
في بيت ياسين
در قاعدة تعيط وهي بتفتكر كلام ياسين وأحساسها انها ظلماه معاها وفي نفس الوقت خايفة تقوله ع الحقيقة يواجه رحيم ووقتها يكون في خطر بسببها
وفي وسط دموعها يرن تليفونها....
نور = ألوو
در= أزيك ي نور عامل ايه
نور = الحمد لله بصي بقي اسمعي إلا هقولك عليه بالظبط....
در = قول
قعدوا هما الإتنين يتكلموا شويه وقفل نور معاها وهو بيقولها = اعملي كدا بس ومتخفيش انا معاكي ....
در= انا خايفة أووى....
نور = قولتلك متقلقيش اطمني .....
بالليل :-
نور = ألوو
ريم= مين معايا ؟!
نور = ماشي هعتبر انك معرفتيش صوتي انا نور ي ستى....
ريم بفرحة = أحم حضرت الظابط ؟!
نور = ما بلاش التكليفات دي بقي ....
ريم = عامل ايه والجرح عامل ايه
نور = متخفيش انا راسي جامدة مبتتأثرش....
بقولك ايه...
ريم = نعم
نور = مش ناوية تسمعينى ردك ولا ايه انا مستنيه الصراحة
ريم تتكسف ومتردش ....
نور = ريم انتى في حد في حياتك ؟
ريم = لأ طبعا مفيش ....
نور بسعادة= ان شاء الله هيبقي فيه قريب
ريم بإبتسامة = قصدك ايه
نور = أحم قصدي يعنى انا عاوزك تاخدي معاد من أهلك علشان اجي اتقدم ....
ريم بفرحة وكسوف = بجد ي نور عاوز تقابل أهلي !!
نور = ايوا يبنتى في ايه انا قولت حاجة غلط...
ريم = لأ أبداا انا بس ااا مش عارفه اقولك ايه
نور = وانا مش عاوز اسمع منك حاجة دلوقتى حددي المعاد وان شاء الله ألبسك الكلابشات قريب .....
ريم = نعمم!!
نور = ااا قصدى ألبسك الشبكة الشبكة إلا هي خاتم ودبلة وكدا
ريم = تصبح على خير ي نور
يوصل ياسين البيت وهو معاه ورد أحمر
يخبط بإيده ع الباب بهدوء.....
ياسين = در ممكن ادخل
در = ثانية لو سمحت
يرجع ياسين ويقعد على الكنبة في الصالة ويقول =
مش عارف مشاعري متلخبطة كدا ليه بس الاكيد انى انهاردة عرفت انه مش ممكن اي واحدة غيرك تاخد مكانك في قلبي مهما حصل مابنا....
تخرج در وهى لابسة فستان نبيتى جميل وبتشيل الغطي عن الاكل ليظهر احسن سفرة وأجمل ألاصناف
ياسين يبص للاكل بنفس مفتوحة اووى ويقول = قوليلي بصراحة حد يخطف قلب حد كدا !!
تضحك در بخجل وتقول= أسفة ي ياسين ع كل حاجة بس صدقنى انا ااا
ياسين = أنا إلا أسف ي در متزعليش مني انى زعقتلك اتفضلي ....
تاخد در الورد وهي مبسوطة اووى وتبصله وهي عيونها بتلمع ....
ياسين = بحبك ع فكرة وبحبك جداا كمان
وميهمنيش اسمك ولا انتي فين قد ما يهمنى انك معايا
وعندي ليكى خبر كدا مش عارف هيبقي خبر حلو ولا وحش بالنسبالك....
در = في ايه؟!!
ياسين = أنا فتحت بابا في موضوعنا وهو عاوز يشوفك علشان نتخطب ...
تبتسم در وبدموع = بجد ي ياسين !!
ياسين = اه طبعا بجد يمكن دي الحاجة الأخيرة إلا كان نفسي اقدمهالك من زمان
در بدموع = بس انا أهلي ميتين ومليش حد ...
ياسين بصدمة = أييه!
يقرب منها ويمسح دموعها ويقول = أنا آسف مكنش قصدي افكرك بيهم وبعدين مش انتى كنتي بتقولي اني بالنسبالك كل حاجة....
در= انا مليش غيرك ومش عاوزة حاجة من الدنيا دي غيرك ي ياسين بجد
ياسين يبوس رأسها ويقولها= طب وبالنسبة للاكل القمر دا انتى لو ناوية تقضيها عياط خليها لبعد العشا أنا مقدرش أقاوم الاكل اكتر من كدا ....
تضحك در وياسين ويقعدوا يتعشوا في جو رومانسي
**
تانى يوم
مرحتش ريم الشركة وقعدت في البيت فاتحت أمها في الموضوع وهي مبسوطة اووى وقعدت تحكيلها عنه كتير وامها في البداية رفضت لانها خافت عليها من رحيم بس لما شافت الفرحة إلا في عينين بنتها مقدرتش تكسر فرحتها ووافقت انهم ييجوا يتقدملها وفضلت تدعي ان الموضوع دا يعدي على خير
تانى يوم راحت ريم الشركة وهي مبسوطة بس يعكر فرحتها دي اول ما وصلت لما واحدة قالتلها ان رحيم عاوزها في المكتب بسرعة ....
مستغربتش ريم لانها كانت متوقعه دا فعلا ومشيت بكل ثقة وهي مستعدة لأي حاجة منه
ريم بإبتسامة = صباح الخير
رحيم بغيظ وعيون حمرة كلها شر= صحيح إلا انا سمعته دا ي ريم !!؟
ريم = سمعت ايه حضرتك
رحيم = سمعت انه جايلك عريس !!؟
ريم = ودي حاجة تزعل يعنى ولا ايه مش فاهمة ....
يقوم رحيم من ع الكرسي بعصبية ويقرب منها ويضغط على إيديها بقوة وتتألم ريم
ريم = سيب ايدي ي رحيم
رحيم مركز في عنيها ووشه أحمر من الضيق وميردش
ريم تزقه بقوة وتقول بصوت حاد = أوعي تتخطي حدودك تانى ي رحيم فاهم انا حرة موضوع زي دا ميخصكش ابعد عنى بدل ما ابيع كل اسهمي في الشركة دي وورث امي للشركة المنافسة ليك وانت عارف بقي ممكن يحصلك ايه في حاجة زي كدا.....
وتخرج ريم من المكتب وهي عند الباب تقف وتبص لرحيم وتقول= اه صحيح متنساش بقي انت معزوم انت واختك ع الخطوبة والله يبارك فيك
تخرج ريم من المكتب وهي متعصبة وبعدين تقف وتاخد نفس عميق وبإرتياح بعد الحوار دا بس بعدها بثواني سمعت صوت تكسير حاجات كتير وراحت ع شغلها وهي مبسوطة اووي عدا يومين وراح نور وياسين وابوهم يطلبوا إيد ريم ....
وكان قبلها بيوم در وياسين مخطوبين قدام الكل ودا طبعا بعد ما ابوه شافها ووافق عليها وهو ميعرفش ان دي نفسها در ....
لعند ما جه يوم الخطوبة الرسمي ؛-
ياسين = ياله ي در بقي هنتأخر
در= خلاص خلاص انا جيت أهو
ياسين = ايه القمر دا معقولة كل مرة يتحلي اكتر من المرة إلا قبلها
در= بس بقي متكسفنيش ....
تعدل در هدوم ياسين والكرفته بتاعته وتمسك إيده
وبإبتسامة = ياله بينا
دخلت در القاعة وهي مبسوطة مع ياسين ولسه راحة تسلم ع نور والعروسة تبص عليهم من بعيد تتصدم وهي شايفة ريم ... ترجع در لورا بضهرها بخوف وهي مصدومة وفجأة تخبط فى حد وهي مش واخدة بالها
ولسه بتلف علشان تعتذر فجأة تتصدم وهي بصاله وبصوت زهول = رحيم!