رواية علاقة غير مشروعة البارت الثاني 2 بقلم فاطمة ابراهيم
رواية علاقة غير مشروعة الفصل الثاني 2
الاب بعصبية خامدة =عاوز تتجوز واحدة مجنونة ي دكتور !
ياسين بصدمة = أنت عرفت أزاي ...
ولسه بيكمل كلامه يبص وراه لينصدم ياسين بوجود رامي...
ياسين بعصبية وغيظ = أنت ي رامي !! ... انت إلا قولتله..... دا السر إلا قولتلك محدش يعرفه
والد ياسين = أنت كمان بتزعقله قدامي ...
رامي = أنا لو مش بحبك مكنتش عملت كدا انت صاحبي ي ياسين وانت كدا بدمر نفسك ومش هسمحلك بدا أبداا
ياسين ينظر له بعيون غاضبة= انا لو صاحبك فعلا تساعدني انا بحب در وهتجوزها يعنى هتجوزها ...
والد ياسين بغضب يرفع إيده ع ياسين بعصبية ويقول= أنت لسه بتقول الكلمة دي تاني !!
يدخل رامي ويحاول يهدي والد ياسين
والد ياسين = أنت أكيد اتجننت عاوز تسيب عائشة بنت عمك الدكتورة العاقلة وتتجوز واحدة زي دي ....!
ياسين بحزن = ي بابا انا بحبها أرجوك اسمعنى
_ دا كلام فارغ حب ايه دا إلا بتتكلم عنه دى واحدة تقدر تفتح بيت وتربي أولاد أزاي....
مش علشان فيها شبه من يسر تبقي تقول كدا
تدمع عيون ياسين وهو يحاول يتمالك نفسه ويقول= هتتعالج ي بابا وهتبقي كويسة
_ هى بقالها هنا من امتى ي دكتور
ياسين يخفض رأسه بحزن = سنتين ونص
_ حالتها اتحسنت بمعدل كام من يوم ما جت ...
ياسين = .......
_ ما ترد ي دكتور
رامي = ياسين سامحنى بس انت بدمر نفسك جوازك من در دا قتل بالبطئ هي حالتها متسمحش بدا ولا أنت هتقدر تكمل في حاجة زى دي ....
ينظر له ياسين بحزن وغضب صامت
_ أنت عارف ي دكتور دى جت هنا أزاي ؟
دي مغتصبة قبل كدا .... ترضي تتجوز واحدة مغتصبة
ياسين بتفاجئ وصدمة= أيييه !!!
أزاي مش معقول كلامك دا اكيد في حاجة غلط ....
مفيش معلومات جتلنا عن حاجة زى كدا
_ مش كل حاجة تخص المريض بتكون معلنة ولازم الكل يعرفها ....
ياسين = رامي انت كنت عارف الكلام دا
رامي = لأ أبداا والله انا متفاجئ زيي زيك بالظبط ....
ياسين = انا لا يمكن اصدق الكلام دا
وهنا يدخل مدير المستشفي الدكتور حسام
حسام = بس كلام والدك صحيح ي ياسين
يقف ياسين ورامي في حالة زهول...
ياسين = نعم ...... يعنى ايه؟!
حسام = يعنى دا سر كنت مخبية عنكم كلكم علشان الحالة النفسية للمريضة متتأثرش وكمان لان دى بنت وحرام نفضحها في حاجة زى دي فخليت دا بينى وبين والدك ولأني متأكد ان حالتها مش هيكون فيها تحسن أبدا فأنا محبتش اوضح حالتها بالظبط
والد ياسين = ها لسه مصمم ع إلافي دماغك ي دكتور
ياسين = انا مش مصدق حاسس انى بحلم در مريضة مرض نفسي وهتخف منه اكيد وهتبقي كويسة
رامي يقرب منه وبصوت واطي = كفاية بقي كلامك دا ملوش لازمة تعالي معايا ....
يستأذن رامى وياخد ياسين ويروحوا المكتب ...
يقعد ياسين وهو تعبيرات الحزن والزهول في عنيه
رامي = أنا عرفت دلوقتى سبب ان معلوماتها طلعت مش كاملة ولا حد كان يعرف عنها حاجة ....
ياسين يلتزم الصمت وقاعد سرحان
يكمل رامي = عرفت بقي أني خايف عليك شوف
لو كنت ساعدتك وسكت كنت هتوصل نفسك لفين ....
ياسين يقوم يخرج بسرعه من غير ما يتكلم....
رامي لنفسه = أسف ي صاحبي عارف انك زعلان منى وكمان الصدمة دي مكنتش سهلة بس انا قولتله لأنى خايف عليك بجد ....
يخرج ياسين من المستشفي وهو مش قادر يستوعب إلا سمعه يسيب سيارته ويتمشي لعند ما وصل لكافيه
قعد ياسين وهى عيونه بدمع من إلا سمعه ويقول لنفسه =
ليه مصممين يشوهوا صورتها في عينى انا متأكد ان در هتبقي بخير وهتتعالج دى الوحيدة إلا ارتحت معاها بعد ماما يسر الشبه إلا بينهم كبير اووى نظرة عنيها بتحسسنى انها هو إلا قدامى
هى الوحيدة الا كنت بتكلم معاها في كل حاجة وانا مرتاح و حاسس انها بتسمعنى.... معقولة البنت الوحيدة إلا حبتها اتحكم علينا بالبعد قبل ما نقرب حتى !
=============== في القسم
_ لو سمحت عاوزة اقابل الظابط إلا هنا ....
= بخصوص ايه
_ عاوزة أبلغ عن جريمة قتل
= أيه قتل ! .... طيب ثانية واحدة وهجيلك حالا ...
_ ي نور باشا في واحدة جاية تبلغ عن جريمة قتل
نور = قتل .... دخلها بسرعها
دا شكل الشغل الا بجد هبدأ بجد اخيرا همسك قضايا كبيرة بدل قضايا النصب والسرقه التافهه دي ...
الباب يخبط ...
نور = اتفضل
تدخل بنت عمرها بين ٢٠ أو ٢١ سنة
لابسة بنطلون جينز أسمر وبلوزة سوداء ونظارة شمس
نور =اتفضلي
_ شكرا
نور = تحبي نفتح الشباك ونقفله تانى علشان تعرفي انه مفيش شمس في القسم ...
البنت بإحراج تخلع النظارة = أنا اسفه بس من التوتر مش مركزة اوى
نور يبص في عيونها العسلي إلا متحددين بالكحل ويقول = ليكي حق تداري العيون دى والله...
_ بتقول حاجة ي فندم !
نور = أحم لأ طبعا ها اتفضلي ايه تفاصيل جريمة القتل إلا حضرتك جاية تبلغي عنها
تبصله البنت بخوف شديد وعيونها تدمع =
قتلوه .... قتلوه بدون رحمة ولا إنسانية حاول يهرب منهم بس لحقوه بالعربية وخبطوه وجريوا....
نور بتأثر يديها منديل ويقول = طيب اهدى عارف ان المنظر بشع بس حاولي تهدي علشان نقدر نساعدك ...
_مش قادرة شوفته بعينى وهو بيموت ومقدرتش اعمل حاجة ...
نور = طيب هما عملوا كدا ليه ؟
البنت بكسوف= كانوا عاوزين مني ااا
نور = خلاص خلاص فهمت ...
ممكن اعرف اسم حضرتك
_ اسمى ملك ...
نور = طيب واكيد بقي هما لما تعرضولك القتيل مستحملش وقامت خناقه ما بنهم ولما حاولوا يهربوا مسك فيهم وقتلوه...
تبصله ريم والدموع ملية عنيها وتقول = صح ...
مش قادرة اصدق ان فيه ناس لسه قلبها بالوحشية دى
نور بحماس = متقلقيش القضية دى هتخلص في ٢٤ ساعه بس عاوزك تقوليلي الأول المجنى عليه كان ليه أي أعداء أو متخانق مع حد ممكن يكون هو الا بعت الناس دي علشان تستدرجه وتقتله
ريم بدموع = ريري مكنش ليه اعداء خالص
نور لنفسه = ريري !! ايه الاسم المايع دا .... ليهم حق يستهيفوه طبعا دا لو كان اسمه سوسن كان أرحم
أحم طيب ممكن اعرف علاقتك بيه وصلت لفين بالظبط ....
ريم بعياط= كان صاحبي وحبيبي وكل حاجة ليا في الدنيا دي مليش حد غيره ....
نور = جوزك قصدك !
ريم بتفاجئ = نعم !! قصدك ايه بكلامك دا
نور بستغراب = أيه مالك اتخضيتى كدا ليه انا قولت حاجة غلط ولا حاجة ....
ريم = أيوا طبعا كلامك غلط أزاي اتجوز ريري هو صحيح كان قريب منى جداا بس مش لدرجة اتجوزه
نور = هو انا مصلح إجتماعي ي انسة اتفضلي قوليلي علاقتك بيه ايه الأستاذ ريري دا ....
ريم بتلقائية = دا الكلب بتاعي
نور = اتعرفتى عليه من أمتى...
ريم = أنا إلا مربياه من وقت ما كان بيبي
نور يسيب القلم من إيده فجأة ويقوم مصدوم = نعم انتي قولتى أيه؟! .....الكلب بتاعك !!
ريم تقف مخضوضة من عصبيته وصوته العالي =
أيه في ايه انا قولت حاجة غلط؟
نور = انتى جاية تبلغي ان في حد قتل الكلب بتاعك !!
ريم بحزن= أيوا فعلا والله شفتهم بعينى
نور يخبط بإيده ع المكتب بقوة = انتى فاكرة نفسك فين ي انسة جمعية الرفق بالحيوان ولا السيرك القومي
ريم = أنت بتزعقلي ليه الشرطة في خدمة الشعب...
نور = والمفروض اعتبر أن الكلب دا من الشعب !
ريم = لأ بس إلا قتله من الشعب أرجوك جبله حقه دا مظلوم كدا مفيش كلب هيقدر يحس بالأمان تانى ...
نور = أنشاله عنهم ما حسوا بالأمان إذا كنت انا مش حاسس بيه ..... المفروض أشكر الشباب إلا قتلته
ريم = ريري مات علشان كان بيحافظ ع شرفي ...
دا ارجل من ناس كتير موجودة ....
نور = لأ دي هبت منك ع الآخر أنتي هتمشي من هنا دلوقتى حالا ولا ....
يقاطعه صوت رنة تلفونه ....يبص ع الفون يلاقي رقم ياسين
نور بإبتسامة = سبحان الله جه في وقته
يفتح الفون = طول عمرك محظوظ ي ياسين
جبتلك حالة خاصة بشغلك انما ايه هتدعيلي دماغ كلابي أنما حاجة قمر اووى ....
ريم تبصله بقوة ونور بيحاول يتجاهلها وكأنه بيتكلم عن حد تانى ....
ياسين = أنت بتقول ايه ي نور مش فاهم منك حاجة
نور = أيوا ما انا متأكد انك لما تشوفها هتعجبك أووى
القميص الأبيض هيكون تحفةة عليها ابعتلي ناس يخدوها بسرعه هى عندى هنا ....
ريم تسمع كلامه دا تمسك شنطتها بخوف ولسه بيلف نور ويبص عليها يلاقيها اختفت والباب مفتوح...
نور يضحك ويقول = يظهر مش حبت تطل بالابيض ...
ياسين = نور أنت شارب حاجة ولا بتكلم حد تانى ...
نور = معاك ي عم أهو خير ايه سر المكالمة السعيدة دي دا أنا كنت قربت أشك انك معاك رقمي أساسا
ياسين = هتسمعنى ولا اقفل السكة !
نور = خلاص ي عم مش تقفش كدا ها خير سامعك
ياسين = لأ مش هينفع في التلفون تعالي ...
نور = اجي فين ي عم دا الحجز أهون عندي من أني ادخل مستشفي العباسية دي تعالي أنت
ياسين = مين قالك أنى في المستشفي تعالي في كافيه هبعتلك اللوكيشن بتاعه في ماسج ...
نور = في ايه ي ياسين أول مرة تسيب المستشفي وتنزل في كافيه يعنى....
ياسين = تعرف تسكت وتنفذ وانت ساكت
نور = لأ بقولك ايه مش علشان اخويا الكبير بقي هتع...
ألوو ألووو .... أحم اكيد الشبكة عنده وحشة
_________________ بعد نص ساعة
نور = أهلا بدكتور المهام المعقدة
ياسين = معلشي لو كنت هعطلك عن شغلك شوية
يضحك نور ويقول = هو انا مقولتلكش دي المهنة باظت ي اخويا بقت كلابي خلاص ...
ياسين = قصدك ايه
نور = سيبك انت من الكلام دا وقولي ايه بقي الموضوع المهم إلا عاوزني فيه و شايف شغلك علشانه
ياسين بتوتر = نور انا عاوز منك خدمة أنت اخويا وكمان الوحيد إلا ممكن يساعدنى في إلا انا عاوزه ....
نور = في ايه ي ياسين قلقتنى!
ياسين = محدش يعرف ي نور فاهم محدش يعرف
وخصوصا بابا ...
نور = متقلقش سر في بير اتكلم بقي قلقتنى
ياسين = عاوزك تبحثلي وتعرف في السجل المدني عن أهل وإذا كان فيه فعلا محضر اتعمل من سنتين ونص بالاسم دا وأي حاجة تعرفها تخص الاسم تجبهالي
نور = مش عاوز كمان DVD !
ياسين يقف بعصبية = انا ماشي
يمسك نور دراعه ويقعده = استنى بس ي عم انت بتقفش بسرعه ليه براحه
حاضر ي سيدى مع انك كدا بتخلينى اعمل حاجة مش قانونية اسمه ايه بقي الأستاذ دا
ياسين = هي بنت مش ولد ...
نور بإبتسامة مكر = أيوا بقي ي يسو طيب ما كنت تقول كدا من الاول دا انا حتى اخوك وحبيبك ...
ياسين = أيه دا انت فهمت ايه ... لأ طبعا ما قصديش إلا في دماغك خالص ....
نور = بس بس متنفعلش كدا قصدك ولا مش قصدك خلاص قولي بس اسمها والرقم القومى
ياسين = در
نور = ما تقول يابنى اسمها
ياسين = قولتلك اسمها در
نور = هو ايه الا در دا ما تكمل الاسم انت علقت !!
ياسين = غبي وهتتعبنى معاك بقولك يابنى ادم اسمها در بضم الداء وسكون الراء
نور = انا كدا فهمت يعنى ؟
ياسين = أنا اسف أنى فكرت في مساعدة من واحد زيك خرتيت....
نور = وليه الغلط طيب دا حتى محدش هيقدر يكملك الحوار دا غير العبد لله
ياسين بإهتمام = بجد ي نور هتعمل دا ...
نور بثقة= طبعا ... كملي بس اسمها ايه
ياسين = تانى ي نور ما قولنا اسمها در
نور بعصبية = كمل الاسم ي دكتور ايه اسمها در بس
ياسين = أمال انت هتجيبلي ايه ؟
نور = نعم !! انت عاوزنى اجبلك معلوماتها باسمها بس؟
ياسين = أنت مش ظابط يابنى ولا سمكري سيارات !
نور = أنا ظابط شرطة مش ساحر حضرتك ...
ياسين = يوه انت شكلك هضيعلي وقتى وخلاص
نور بستغراب = مالك مهتم بصاحبة الاسم دا يعنى
ياسين بإرتباك = ها....لا ابدا بس اصل يعنى البنت دى كانت ااا بقولك ايه انت تعمل إلا بقولك عليه وبس ملكش دعوة هاتلي بس انت المعلومات دى وانا هظبطك في اى حاجة تطلبها ....
نور = مع انى مش مقتنع ولا مصدق بس ماشي اما نشوف أخرتها...عموما اسمها مميز وان شاء الله هوصل لحاجة قريب متنساش اخوك ظابط بقي ....
ياسين لنفسه = لازم اعرف ايه الا حصلها بالظبط
لو الكلام دا صحيح مش هرحمهم....
بعدي اسبوع وياسين قاعد في البيت واخد أجازة من الشغل مش قادر يبطل تفكير في الموضوع لعند ما جاله اتصال ....
ياسين = ألووو
نور = اخبارك ايه
ياسين = سيبك منى انا طمنى وصلت لحاجة تخص در
نور = الحقيقه لأ ملقتش حاجة خالص
ياسين = أزاى يعنى مفيش ولا معلومة عنها !!
نور = دا مفيش تفسير لدا غير حاجتين
ياسين بتوتر = أيه هما
نور = يا أما ميكنش في حد اسمه در أصلا يا اما بقي اا
ياسين = يا أما ايه قول ؟
نور = يا أما تكون ميتة....
ياسين يوقع مج القهوة بصدمة = ميتة !!