رواية علاقة غير مشروعة البارت الثالث 3 بقلم فاطمة ابراهيم
رواية علاقة غير مشروعة الفصل الثالث 3
نور = يمكن ميكنش اسمها در أصلا يا اما بقي اا
ياسين = يا أما ايه قول ؟
نور = يا أما تكون ميتة....
ياسين يوقع مج القهوة بصدمة = أييه
أنت بتقول ايه مستحيل انا غلطان أني اعتمدت عليكى في حاجة زي دى حتى الحاجة الوحيدة إلا طلبتها منك معرفتش تعملها ...
نور = أهدي ي ياسين اعمل ايه يعنى ملقتش ليها اى معلومات في السجل مش يمكن تكون مغيرة اسمها ؟
يقفل ياسين المكالمة ويخرج من البيت ويروح المستشفي بسرعة ....
دخل ياسين أوضة در وفي عيونه لهفة شوق وحزن ولخبطة مش قادر يحدد مشاعره ولا قادر يصدق اى حاجة من إلا قالوها قعد قدامها من غير ما ينطق حرف .....
بصتله در بتركيز اووى كانت مستنياه يتكلم معاها زى كل مرة كانت مستعدة تسمعه وخصوصا المرة دي لأن دى اول مرة يقعد معاها بعد ما طلب منها الجواز ...
نص ساعة قاعدها ياسين قدامها وعيونه مليانة دموع ومش قادر ينزلها ولا قادر يفضفض معاها زي كل مرة
فجأة قطع الصمت دا صوت ياسين بحزن =
در .... أنا عارف أنك مش هتردي عليا وأنك واخدة مهدئات وحقن كتير ....
عارف انك مستنيانى اتكلم زي كل مرة بقعد معاكى فيها بس انهاردة مش جاي اتكلم أنا جاي أخد أول خطوة في التنفيذ ....
ويمسح وشه بإيده ويقول بإهتمام =
در انا هخرجك من هنا بأي طريقة مش هقدر استحمل أشوفك في وضع دا اكتر من كدا ويبص ياسين ع إيديها المربوطة في السرير ويقرب منها اكتر ويلاحظ في عيونها دموع يبتسملها ويقول = متقلقيش مش هسيبك في السجن دا أكتر من كدا بعد النهاردة
هتبقي معايا وجمبي ع طول بحبك ي در حتى لو الجميع اعترضوا على حبي دا....
أسف ع إلا هعمله دلوقتى بس مش قدامي حل تانى
يخرج ياسين ورقه من جيبه وحبر ويباخد بصماتها بسرعه وهو كل شوية يبص ع الباب بتوتر ويخلص وبمنديل يمسح إيديها كويس ....
خرج ياسين وراح مكتبه جمع شويه أوراق وخرج وهو في الطرقة يقابله رامي ...
يمشي ياسين وهو عامل نفسه مش شايفه
يوقفه رامي وبصوت حزين = استنى ي ياسين ...
لسه ي صاحبي مش ناوى تسامحنى وترجع زي الاول بقي
ياسين = اسامحك ع ايه ؟ .... ع الوعد إلا قولتلك يفضل ما بنا وروحت قولته لأبويا ولما ع غدرك ليا كصاحب لما مرضتش تساعدنى.... ولا ع أنك مش مقتنع اصلا انك عملت حاجة تزعل
رامي = كنت خايف عليك والله عملت دا غصب عنى بدافع حبي ليك
ياسين = متشكر أوى ي رامي ع مساعدتك دي عن أذنك بقي
رامي = أنت رايح فين ؟
ياسين = مش شغلك ي دكتور ولو فاهم أنك بعد إلا عملته دا ممكن توقفنى عن إلا في دماغي تبقي غلطان
رامي بصدمة = أييه يعنى أنت بعد إلا عرفته دا لسه عاوز ااا...
يقاطعه ياسين بحدة = ملكش دعوة ي رامي أخرج منها أنت ومتفكرش تدخل علشان صدقنى المرة الجاية مش هعمل حساب للعشرة إلا بينا ....
يخرج ياسين من المستشفي ورامي لسه واقف مكانه مستغرب من كلام ياسين وتصميمه ع قراره دا
ويقول لنفسه = معقولة ي ياسين يوصل بيك الحال لكدا !! هي عملت فيك أيه بس نفسي أفهم ...
_______________________
في القسم ...
_ مساء الخير لو سمحت عاوز اقابل الظابط نور
= نقوله مين ي فندم
_ أنا اخوه الدكتور ياسين
= ثانية واحدة
نور بيه في واحد بيقول اسمه دكتور ياسين وأنه....
يقاطعه نور = إيه دا ياسين طيب دخله بسرعه
يدخل ياسين ويفتح الشنطة إلا معاه ويطلع منها ورقه ويحطها قدام نور
نور بستغراب = أيه دا !
ياسين = دا فيش عاوزك تعرفلي صاحب البصمات دي كان مسجل قضية بأسمه هنا ولا لأ....
نور = أنت سبت الطب وبقيت تشتغل في الشرطة ولا ايه
ياسين = اخلص ي نور معنديش وقت لازم أخلص كل حاجة بسرعه ....
نور = ما أنت لو تفهمني دماغك فيها ايه صدقنى هفهم واعرف هساعدك أزاي
ياسين = لأ انا مش حمل خيانة تانية كفاية رامي
نور بنظرة غضب = ياسين انت فاهم كلامك دا معناه ايه!! ..... أنت اخويا ع فكرة يعنى لا يمكن افكر اضرك ولا اخونك بس شكرا ع ثقتك فيا دي ي دكتور كنت فاكر انك بتعتبرني اخوك وصاحبك زي ما انا كمان معتبرك كدا بس شكلي طلعت غلطان عن أذنك...
ياسين = خد هنا أنت رايح فين!!
نور = همشي
ياسين = هتمشي تروح فين؟!
نور يقف يفكر وبعدها بثواني يقول =
مش عارف بس هي الجملة بتتقال كدا ع بعضها وفي الاخر عن أذنك وأسيبك وأمشي
ياسين = احنا في مكتبك ي أهبل اقعد هنا
وبإبتسامة يكمل = نور متفهمنيش غلط انا مقصدتش إلا فهمته انا بس مضايق الفترة دي جداا بسبب إلا رامي عمله معايا علشان كدا كنت ناوي أكمل لوحدي بس فعلا انا محتاجك جمبي أنت عارف معزتك عندي واكيد مش هتتخلي عنى ولا هتبعنى لأي سبب....
نور = أبيعك ايه ورامي باعك أزاي يعنى مش فاهم أنت انضميت لعصابة سرقه الأعضاء ولا ايه ....!
ياسين يحط إيده ع وشه وبكتمان غيظ يقول بهدوء
= أهي الوسطة دي إلا جبتنا ورا .... أزاي دي تكون دماغ ظابط شرطة عاوز افهم !!
نور = ايه يا عم ما كفاية تهزيق بقي مش كدا ....
ياسين = خد الورقه دى بس وروح دلوقتى اكشف عليها فيش وقولي النتيجة ....
نور = نتيجة ايه احنا في امتحان!!
ياسين = لأ انت دماغك تخينة وهتتعبنى هدور ع حد غيرك يساعدنى....
نور = خلاص خلاص خلينا وراك لحد ما نشوف أخرتها اقعد هنا عشر دقايق هكشف عليها ع الكمبيوتر واجيلك
خرج نور وياسين لسه قاعد بيفكر في الخطوة إلا بعد كدا ويقول = لازم افهم كل حاجة ودر مهما كان اسمها ايه او هي مين مش هسمح أنكم تبعدوني عنها ولا تفرضوا عليا رأيكم علشان خاطر المجتمع ونظرته العقيمة دي ....
بعد نص ساعة:-
نور = يخربيت معرفتك ي أخي كنت هتودينى في داهية واتقعدني في البيت اقشرلك بطاطس
ياسين= في ايه حصل حاجة ؟
نور = لأ مفيش كنت هترفد بس ورئيس المباحث بيمر وشافنى قاعد ع الكمبيوتر ببحث في سجلات القضايا
ياسين = بجد !! طيب عملت ايه
نور = الحمد لله جت سليمة انا كويس
ياسين = هو انا بسأل عن صحتك بقولك عملت ايه في الفيش !
نور بصدمة = أعوذ بالله من دي أخوات
ياسين = اخلص ي نور اتكلم
نور = ملقتش أى حاجة ع البصمات دي ي اخويا اتفضل
ياسين بفرحة = بجد ي نور متأكد !؟
نور = مالك فرحان كدا ليه بقولك كنت هضيع
ياسين = هتضيع ايه ما انت زي القرد قدامي أهو ياله بقي نحتفل بالخبر الجميل دا
نور = خبر ايه ما تفهمنى بقي
ياسين = نفسك تتغدي ايه أحلم انهاردة كل طلباتك مجابة ....
نور يحط إيده ع وش ياسين بخضة = ياسين انت سخن!
ياسين يضحك ويقول = هتفضل كدا كتير هرجع في كلامى ع فكرة
نور = خلاص ي عم ياله بسرعة دا انا هموت من الجوع
بس بشرط....
ياسين = ها اخلص
نور = تحكيلي على كل حاجة بقي ومين صاحب الفيش دا وعلاقتك بيه ايه ومين در
ياسين = طيب ياله أمري إلي الله هعزمك بس الحساب عليك ....
نور بعدم استعاب = نعم
ياسين = ياله يا عم انت لسه هتتصدم انا جعت اوى
<<<<<<<<<<<<< في المطعم >>>>>>>>>>>>>
ياسين = أيه رأيك بقي
نور = واو انا كبهير اتبهرت ايه دا كله دا انت صارف ومكلف بقي ...
ياسين = اصلي فرحان اووى
نور = طيب فرحنا معاك ي عم ها اتكلم بقي
ياسين = در طلعت بريئة ي نور وكلام بابا والدكتور حسام طلع كله كدب اكيد الغرض منها أنهم يمنعوني من قرار الجواز ....
نور = مش فاهم أي حاجة براحة كدا واحكيلي من الاول
بدأ ياسين يحكيله أول ما در جت المستشفي وتقربه منها لحد ما وصل لقرار الجواز وموقف باباه ومدير المستشفي دكتور حسام وكلامهم عن حالة در
نور = مش معقول ... بابا ودكتور حسام اتهموا در التهمة دي طيب ليه وايه مصلحتهم في حاجة زي دي!
ياسين = مش لاقي تفسير غير انهم رافضين الزواج دا علشان كدا قرروا يخدعونى بالحيلة دي ع أساس أنها هتأثر عليا وهصرف نظر عن الجوازة دي
نور يتردد= ياسين يعنى انت فعلا عاوز تكمل في الجوازة دي حتى لو بابا مش موافق !
ياسين = مش هقدر أسيبها ي نور انا حبيتها بجد
نور= خلينا نتكلم بالعقل شوية انت بنفسك معترف ان حالتها مفيش فيها اى تحسن خالص بالعكس حالتها بتدهور
ياسين = بتاخد العلاج كله بإنتظام معرفش أزاي مفيش تحسن بقالها سنتين
نور = طيب يعنى أنت عارف دا ليه بقي تظلم نفسك وحياتك بأنك ترتبط بواحدة زي دي وانت عارف ان مفيش أمل في حالتها حتى اسمها ملوش اي بيانات في السجل ليه عاوز تورط نفسك في حاجة زى كدا
ياسين بضيق = أووف بقي أنت هتعمل زيهم !
نور = أنت اخويا ي ياسين واكيد انا معاك في اى قرار هتاخده وهساعدك فيه بس عاوزك تفكر كويس تخلي فرحتك بأنها مظلومة وكلامهم غلط وملهاش قواضي انك تستعجل في قرار زواجك منها ....
ياسين = أنت بتثق فيا ولا لأ
نور = طبعا يعنى دى مش محتاجة كلام
ياسين = خلاص تبقي تساعدنى في قراري دا انا مش صغير انا فاهم مشاعري كويس و حاسس انها لو خرجت من المستشفي دي وحبي واهتمامي ممكن يساعدوني في علاجها ....
نور = أنا معاك في أي حاجة لو دا هيسعدك
ياسين = بجد هتساعدنى
نور = اه هساعدك أكيد
ياسين = تعرف يالا طول عمري بقول انك اخويا وجدع
نور = بس استنى ي سقا أنت كمان في حاجة غريبة برضو مش قدرنا نوصلها
ياسين = حاجة ايه؟
نور = مين هي برضو در ؟
مين أهلها وفين بطاقتها فين معلوماتها في السجل لسه شخصيتها مجهولة ....
ياسين = ميهمنيش كل دا أنفذ إلا في دماغي الأول وبعد كدا ادور ع إجابات كل الأسئلة دي
نور بستغراب وإبتسامه = أنت بتحبها بجد ولا ايه
ياسين = مكنتش اعرف ان في حاجة اكتر من الحب كمان ممكن تحسها إتجاه حد
نور بإبتسامة وسرحان = وايه كمان ي مرهف الحس
ياسين يخبطه في كتفه بقوة ويقول = والله أنت بتتريق ! ياله بينا علشان هنخطفها انهاردة ونبقي كدا قتلناها
نور = ماشي عادي أنا ااا
أييه انت قولت ايه دلوقتى !!؟
ياسين = افهمنى هخطفها ونكتب الكتاب وبكدا اقدر اكون المتحكم الوحيد في حالتها وهساعدها وعندى أمل كبير ان حبي ليها هيكون سبب قوى انها تستحاب للعلاج وهما لما يعرفوا انها هربت هيخافوا من المسؤلية فيطلعولها شهادة وفاه وخلاص ويبقي بالنسبة ليهم ماتت...
نور بخوف = ياسين انت عارف ان إلا بتتكلم فيه دا مخالف للقانون....
ياسين = عارف بس هي بقالها سنتين ونص محدش بيزورها ولا حتى بيطمن عليها من بعيد فلو اختفت محدش هيحس بيها
نور = ياسين أنت بتقول ايه!
ياسين = دا قراري انا فكرت كتير ووصلت للقرار دا بعد تفكير عميق
نور = أنت كدا فكرت !!
امال لو كنت أتهورت كنت هتعمل ايه؟!
ياسين = بلاش كلام كتير انا كلمت شخص هيعملي ليها بطاقه وكلمت المأذون هيكون مستنينا في البيت وهيكتب الكتاب اول ما اجيبها....
نور = البيت!! .... انت ناوي تجيبها البيت عندنا !
ياسين = أووف بقولك مش عاوز بابا يعرف تقول هجيبها البيت عندنا انت ايه دماغك دي فيها عش عصافير!!
نور = ما أنت معندكش بيت تانى ي ياسين
ياسين = اتأجرت بيت ي ذكي
نور = كمان ...!
ياسين = خلص هتيجى معايا نجيبها انهاردة الساعه ١٢
نور = ١٢ بالليل؟!
ياسين = لأ بالنهار
نور = اه طمنتنى....
ياسين = نور متفكرش انت خالص نفذ معايا وبس هنروح نخطف مريضة من مستشفي بالنهار !؟
نور = اه صحيح فاتتنى دي
__________________________ بالليل
_ ألوو
= أيوا ي بابا
_ فينك ي نور لحد دلوقتى والأستاذ اخوك هو كمان لسه مشرفش
= أحم الحقيقه ي بابا هو معايا في القسم بيساعدنى في لغز قضية مهم جداا وهنسهر للصبح هناك اقصدى هنا في القسم
_ طمنتنى انه معاك ماشي ي حبيبي تصبح على خير
= وانت من اهله سلام
نور = عاجبك كدا كذبي دا ...
ياسين = أنت هترجع في كلامك ولا ايه وبعدين ما هما كمان خدعوني وقالولي انها كان معمولها قضية
نور = خلاص خلاص ياله خلينا نمشي
ياسين = ياله الساعه ١١ونص دلوقتى الأبواب كلها قفلت بس احنا هندخل من باب خلفي وعامل كل احتياطاتى....
نور = لو اتقفشنا هيتعمل معانا الصح
ياسين = متخفش انا دارس الموضوع كويس ياله بينا
خرج ياسين ونور وبالفعل وصلوا للمستشفي ودخل ياسين بهدوء في الجناح إلا فيه در وطلب من نور يستناه بره يأمن البوابة ويبلغه لو حاجة حصلت
دخل ياسين أوضة در وأداها حقنة منوم علشان متفوقش وتعمل صوت ولسه هيشلها ويحطها ع كرسي متحرك علشان يخرج يلاقي صوت ناحية الأوضة وخطوات رجل بتقرب من الباب
استخبي ياسين بخوف الباب اتفتح ببطئ وقفل تانى بس المرة دى بالمفتاح....
ياسين بصدمة = نهار اسود دا العامل قفل انا كدا اتحبست
حاول يرن علي نور بس مفيش شبكة في الأوضة وقف بتوتر مش عارف يعمل ايه ويقول لنفسه =
لو حد جه الصبح ولقاني هنا اكيد هيشكوا فيا وابسط حاجة هيقولوا كنت بتعمل ايه ....
وفجأة الباب يتفتح تانى وياسين مش واخد باله وعمال يفكر هيخرج أزاي إيد تنحط ع كتفه
ياسين بصدمة وخوف يلتفت يلاقيه رامي
_ رامي !! أنت عرفت أزاي انى هنا
= دى عيشرة خمس سنين يا صاحبي محدش هيفهمك قدي كنت عارف انك جاي وعارف جاي ليه كمان بس المرة دي مش جاي ضدك انا جاي اساعدك
ياسين = تساعدنى !
رامي= أيوا ي ياسين اساعدك انا عملت نسخة من أوضة در لانى كنت حاسس ان حاجة زى دى ممكن تحصل والأمن يقفل بالمفتاح ....
ياسين = أنت بجد عاوز تساعدنى ولا هتعمل زى اول مرة
رامي = صدقنى عاوز اساعدك بجد ومستعد أشهد ع جوازكم كمان بس نرجع صحاب زي الاول
قرب ياسين من در واخدها ع كرسي متحرك و معاها كل الأدوية بتاعتها ويمشي ووراه رامي بيأمن الطريق بعد ما قفل الباب كويس
لعند ما وصلوا البيت
دخلها ياسين الشقه ونيمها في الأوضة وخرج
المأذون = البطاقات ياله بسرعه
ياسين = اتفضل دي بطاقتى ودى بطاقه در
رامي بصدمة = أنت جبت ااا
يبصله ياسين بحدة ويبص للمأذون
يسكت رامي بسرعه وهو الزهول والصدمة باينه ع تعبيرات وشه جداا
خلص المأذون ومضي نور وبعديه رامي وخرج
نور = أنا مش مصدق أننا عملنا كدا !
يبص ياسين لرامي يلاقيه برضو لسه الصدمة باينه عليه
ياسين = أنتم كدا عملتوا إلا عليكم الباقي شغلي انا اهم حاجه محدش يعرف إلا حصل انهاردة فاهم ي رامي
رامي بتوتر = طبعا طبعا
ياسين = طيب مش ياله بقي تتوكلوا عاوزين ننام ...
نور = مين عاوزين !
ياسين = أنا ومراتي
رامي بصدمة = مراتك ؟!
ياسين = أنا بقول تكلموا صدمتكم دي برا علشان انا تعبان وعاوز ارتاح ياله مع السلامة
يدخل ياسين الأوضة يلاقي در لسه نايمة بس لأول مرة من سنتين ونص نايمة بحرية من غير ربط في إيديها ورجليها ولا حبسة
يقرب ياسين ويقعد جمبها ويبوس رأسها بحب وهو بيأمل ملامح وشها الملاكي ويروح في النوم وهو ماسك إيديها وراسه سانده ع رأسها
تانى يوم الصبح :-
تفوق در ولسه بتفتح عنيها ببطئ تتصدم وهى شايفه نفسها في مكان غريب وتبدأ تصرخ بقوة
يقوم ياسين مفزوع من النوم جمبها ع صوتها ويحاول يهديها
ياسين = متخفيش ي در انا جمبك
اول ما تشوفه در جمبها تحس بالأمان وصوتها بدأ يقل لان هو الوحيد إلا كان متابعها ودايما معاها ....
بدأت تهدي بس الرعشة إلا في جسمها لسه مستمرة
فتح ياسين شنطة الأدوية بتاعتها بسرعه ويديها حبوب المهدئ
بعد عشر دقايق هديت در خالص
ياسين = حرام عليكى ي در أعصابي سابت خالص من خضيتى انا هاخد حباية من المهدئ دا علشان أهدي
خرج ياسين جاب ميه ولسه بيطلع الحباية فجأة يقف بصدمة ومبرق لما ركز في شريط الدوا
ياسين بصدمة = مخدرات !!!