رواية حب حقيقي بقلم نيرة محمد كاملة جميع الفصول من الفصل الأول إلى الفصل الأخير عبر دليل الروايات للقراءة والتحميل Pdf
رواية حب حقيقي الفصل الأول
احمد.اتفضلي ياعروسه بخنقه مش عارف يداريها
سلمي.دخلت وسميت بالله وانا داخله شقتي اللي اول ليله ليا فيها بس مش عارفه ليه قلبي مقبوض ومرعوبه واحساسي كان في محله لما سمعت جوزي احمد متعصب عليا
احمد.انتي هتفضلي متنحه كده للشقه كتير اتفضلي يلا اوريك اوضتك عشان تغيري واتكلم معاكي كلمتين
سلمي .دخلت قدامه وانا مرعوبه منه بجد شكله كده مش زي مانا كنت شيفاه كان في الخطوبه اللي هي فتره صغيره مكملتش شهرين زوق وطيب واخلاقه حلوه حتي ده بشهاده ماما وبابا وكل اللي سالناهم عليه بس مش باين بصراحه خرجت من شرودي علي هزه جامده في كتفي منه بعد ماوصلنا الاوضه
احمد .انا هسيبك تغيري براحتك وتخرجيلي بره اتكلم معاكي بس هما 10 دقايق ولو مخرجتيش هدخلك انا وساعتها هتندمي بغضب
سلمي .مقدرتش اقول غير كلمه واحده حاضر وانا بترعش منه ايه الانسان ده خرج ورزع الباب وراه وانا مقدرش اقولكم كنت بجري ازاي علي الحمام عشان مينفذش تهديده وفعلا غيرت الفستان بصعوبه طبعا بس مش مشكله ارحم منه وخدت الشاور بسرعه جدا وخرجت فتحت الدولاب لقيت كله لبس عرايس لا يليق للموقف ولا طريقته معايا ابدا فنقيت انسب حاجه فيهم واكترهم طول يعني وهي كانت ترنج برموده مرسوم عليه ميكي بالبادي الربع كم بتاعه كان شكلي يضحك بس حلو بصراحه انا اه مش الجمال اللي يتقال عليه مبهر بس ليا جمالي الشرقي والخاص بيا لوحدي خرجتله وانا خايفه بصراحه من طريقته واسلوبه معايا من شويه وزاد رعبي لما عنيا جت فعنيه اللي كلها غضب كاني بيني وبينه تار كان غير البدله ولابس تشيرت وبرمودا وقاعد مستنيني
احمد.مش عارف اما شوفتها ليه ضحكت بيني وبين نفسي حاسسها طفله بس للاسف جت في المكان اللي مش مكانها ومع الشخص اللي المفروض ميكونش ليها فوقت لنفسي وقولتلها اقعدي ياسلمي انا عايز اقولك حاجه بس ياريت تفهميني
سلمي ...اتفضل يا احمد عايز تقول ايه اديني قعدت
احمد...انا مش عايز اجرحك ياسلمي بس لازم اكون واضح معاكي انا بحب واحده زميلتي ف الشركه اللي شغال فيها وهي محاسبه زيي وانا وهي بنحب بعض من سنه
سلمي... انت بتقول اييييه
احمد...من فضلك ياسلمي خليني اكمل انا وملك بنحب بعض جدا وكنا متفقين ع الخطوبه وكل ده اتكسر في لحظه بسببك انتي وبس
سلمي..
حب حقيقي الفصل الثاني
سلمي ..قولتله وانا قلبي هيخرج من مكانه ودموعي بدات تنزل مش عارفه اداريها اكتر من كده انا السبب في ايه انا قولتلك تعالي اخطبي واتجوزني وانت مش بتحبني
احمد... انتي كان ممكن ترفضي لكن انا امي بتحبك جدا وبتحب مامتك وامي ست كبيره ومريضه وكانت هتغضب عليا لو رفضتك خاصه انها شايفه انك الزوجه الصالحه ليا فكنت مضطر اوافق عشان خاطرها
سلمي ...دموعي بجد كانت بتنزل وانا بسمعه وقلبي وجعني اوووي المفروض ان دي ليله العمر اللي اي بنت بتحلم بيها تتحول لكابوس بشع كده واتهان في كرامتي وانوثتي للدرجه دي مقدرتش اسمع منه اكتر من كده ورديت بمنتهي القوه ردا لكرامتي اللي داسها برجله وليه متقولش انك انسان ضعيف مقدرتش تدافع عن حبك ومش راج...لسه مكملتش الكلمه ولقيت قلم نازل علي وشي حسيت ان وشي معنتش حاسه بيه من قوته وقلبي وقف ودموعي بقت شلال احساس وحش اوي بجد
احمد ..انا مش عارف ازي مديت ايدي عليها بس هي السبب هي اللي غلطت فيا بصي بقا انتي تحترمي نفسك وانا راجل غصب عنك وعن اي حد اتفضلي غوري من وشي دلوقتي لاني مش طايقك قدامي احسن ماوريك الراجل ده ممكن يعمل ايه فيكي وساعتها هتتمني الموت احسنلك
سلمي ..انا جريت من قدامه علي اوضتي لان فعلا معتش قادره استحمل اكتر من كده واتذل اكتر من كده دخلت اوضتي وقفلت الباب عليا بالمفتاح واترميت علي السرير وفعلا انهارت ومحستش بنفسي وروحت ف النوم
احمد..نمت مكاني من كتر التفكير ومن الندم عشان اول مره امد ايدي علي واحده وكمان هو انا فعلا ضعيف وسلمي انسانه جميله ورقيقه ومحترمه ليه ظلمتها معايا كده وظلمت نفسي وملك كمان فوقت كده لقيت الساعه بقت 10 الصبح قمت اخد شاور واتوضيت وصليت ودخلت المطبخ اعمل لنفسي نسكافيه وبصيت علي الاوضه بتاعه سلمي بصراحه قلقت عليها جدا مشفتهاش من امبارح وكمان مكلتش حاجه انا هشوفها وارضيها واخليها تاكل معايا خبط علي الباب براحه كذا مره مش بترد
سلمي ..فوقت كده علي دقه الباب قومت وافكرت اللي حصل صعب عليا نفسي اوي بس انا لازم ابقا قويه اكتر من كده قومت فتحت وانا عيني وارمه من العياط لقيت احمد بصتله بضعف وزعل
احمد ..اول ماشوفتها وشوفت عنيها وضعفها بالطريقه دي استغبيت نفسي اوي ولقيت ايدي غصب عني بتتمد تمسك ايدها بحنيه سلمي بعد اذنك محتاج اتكلم معاكي
سلمي ..بعدت ايدي عن ايده بس حبيت معصبوش قولتله حاضر يا احمد جايه
يتبع الفصل الثالث والأخير اضغط هنا