رواية دنيا وزين كاملة من الفصل الأول للأخير

رواية دنيا وزين بقلم سلمى أشرف كاملة جميع الفصول عبر مدونة دليل الروايات للقراءة والتحميل Pdf

رواية دنيا وزين الفصل الأول

بت ي دنيا 

دنيا : عايز اي ي ولااا😂

زين بعصبية وبيقرص ودنها : أنا مش قولت تحترميني شويه !! اي ولااااا دي بلعب معاكي في الشارع أنا !!

دنيا بتكتم ضحكتها : والله انت غلس ومش هكلمك تاني مكنوش ٣ سنين اللي بينا

زين : ي بت ده انا اللي مربيكي 

أم دنيا بتبص عليهم وتضحك من جنانهم : لسانها متبري منها يابني

دنيا : المهم فين هديتي بمناسبة نجاحي !

زين بضحك : مصلحجية😂

دنيا بعصبية : بقي كده طب مش عايزة منك حاجة ي خراب وامشي من وشي عاااعهعهع مش طيقاك خليه يمشي ي ماما

أم دنيا : عوض عليا عوض الصابرين يارب

زين : يخربيت جنانك خلاص شوكولا اهي اللي بتحبيها وعايزك تبدأي بقي سنة جديدة بجدية شويه دي اخر سنة ثانية عامة وعايزك تشرفيني وتحققي حلمك وتدخلي كلية هندسة

دنيا : حاضر بس سيبني اتمتع بالاجازة بقي قبل ما أبدأ

..

( زين يبقي ابن خالة دنيا ومن وقت ما باباها مات وهو بقي أقرب حد ليها وديما واقف جنبها وبيساعدها وبيحاول يعوضها عن غياب والدها وهو عايش مع والدته ووالده في نفس العمارة ) 

..

بعد مرور شهرين بدأت دنيا دروسها وزين كان بيوديها الدروس ويجيبها من خوفه عليها لحد ما في يوم كان مستنيها قدام المكان اللي بتاخد فيه درس ولقاها اتأخرت رن عليها .. كنسلت وبعتتله ماسدج أنها بتسال المستر عن حاجة وطالعة فضل مستنيها عشر دقايق وبعدين بص لقاها طالعة 

زين بعصبية : كل ده تأخير ي هانم كل ده بتسألي المستر

دنيا باستغراب : في أي ي زين !!  أنا سألت المستر عن كام سؤال مكنتش عارفة احلهم وهو شرحهملي وكنت عايزة اكتب الإجابة عشان منسهاش ف زميل في الدرس أداني الكشكول بتاعه نقلت منه الإجابة هو كان كاتب كل الاسئلة بالحل وجتلك اهو

زين : وانتي ليه تقفي معاه وتاخدي كشكوله ! اخر مرة ي دنيا لما تحتاجي حاجة خديها من اصحابك البنات أو اسالي المستر 

دنيا بخنقة : زين لو سمحت أنا تعبانة من هدة الدروس اليوم كله .. وحاضر مش هعمل كده تاني مع اني مش شايفة مبرر لعصبيتك دي كلها .. وياريت نروح

زين بغضب : اركبي ي دنيا

..

بعد مرور ربع ساعة وهي راكبة العربية وباصة للشباك وساكته

زين حس أنه غلط لما اتعصب عليها بس هو متحملش تقف مع حد .. مش فاهم سبب غيرته عليها برر ده أنه مربيها والطبيعي يخاف عليها .. بس هو شايف انها مينفعش تكلم حد غيره هو وبس ..

زين : احم  دنيا

دنيا بصتله  : نعم 

زين : متزعليش حقك عليا أنا بخاف عليكي ي دنيا مش عايز حد يشوفك واقفة معاه ويفهمك غلط وانا مسمحش بده .. أنا عارفة انك مبتعمليش حاجة غلط أنا مربيكي وواثق فيكي بس ..

دنيا : بس اي ؟ 

زين بارتباك : احم لا مفيش المهم متزعليش ❤️

دنيا بتعب ابتسمت : مش زعلانة أنا بس تعبانة غصب عني اليوم كان تقيل

زين : ولا يهمك ي ست البنات

وصل زين بعد ربع ساعة قدام البيت بيبص علي دنيا لقاها غفلت ونامت من الأرهاق .. 

زين بابتسامه : زي الملاك وانتي نايمة رغم جنانك اللي بيحلي حياتي .. حتي عصبيتك وخداها مني ربنا يقويني وأكونلك السند طول العمر وأعوضك عن كل اللي شوفتيه❤️ 

حاول يصحيها لقاها في سابع نومة ..

زين بضحك : أنا عارف نومك تقيل هدبس وأشيلك

نزل زين فتح عربيته بصلها وقلبه بيدق .. ❤️ شالها وطلع لشقة خالته كان بيبصلها وبيبتسم من قلبه علي برائتها وهي نايمة بس كان حاسس احساس غريب لكن حلو  ..❤️

أم دنيا : مالها دنيا ي زين ؟ 

زين : متقلقيش ي خالتي هي بس نامت واحنا راجعين

دخل أوضتها وحطها علي السرير وغطاها كويس واستأذن من خالته 

أم دنيا : تعبناك ي حبيبي

زين: متقوليش كده ي خالتي احنا أهل يلا تصبحي علي خير

..

عدت شهور ودنيا كانت امتحاناتها قربت وفي يوم :

أم دنيا : الو ي زين 

زين : ازيك ي خالتي عاملة اي

أم دنيا : الحمد لله يابني كنت عيزاك ضروري

زين بقلق : طيب انا نازلك اهو

الفصل الثاني

زين : خير ي خالتي في أي

أم دنيا : كنت عيزاك تتكلم مع دنيا بقالها فترة مبتطلعش من أوضتها ومش بتتكلم كتير والنهاردة بتقولي مش عايزة تدخل الامتحانات .. رهبة وخوف طبيعي بس أنا خايفة لتقوم في دماغها وتسيب فعلا الامتحانات اتكلمت معاها وخدتها في حضني وأقنعتها بالعافية

زين : طيب ي خالتي هي في أوضتها ؟ 

أم دنيا : أيوة يابني

زين : طيب تسمحيلي ادخل اتكلم معاها ؟

أم دنيا : ادخل يابني البيت بيتك

..

زين بابتسامه القمر زعلان لي ؟ 

دنيا بفرحة : تعالي ي زين 

زين بهدوء : ممكن اعرف بقي قافلة علي نفسك لي كده وليه كنتي بتفكري تسيبي الامتحانات !!

دنيا بدموع : ضغط ي زين وخائفة مجبش مجموع يدخلني هندسة .. خايفة أخذلكم 

زين قرب بهدوء ومسح دموعها : ممكن تهدي وبلاش عياط .. الثانوية مش نهاية الحياة .. انتي بس اعملي اللي عليكي وسيبي الباقي لربنا حتي لو مدخلتيش هندسة وربنا كاتبلك كلية تاني هتكملي بردو وتوصلي لحلمك متضغطيش علي نفسك صحتك أهم مليون مرة .. متضيعيش كل طاقتك عشان متهلكيش نفسك وبعدين مارسي حياتك عادي اسمعي تليفزيون ساعة مثلا اقعدي مع مامتك هزري شويه وكلو مع بعض وكمان ماما هتيجي تقعد مع مامتك فترة الامتحانات عشان يبقو جنبك وانا معاكي متخافيش وبعدين خليكي قوية كده ❤️

دنيا : عندك حق حاضر هحاول بس انا زهقت مش عايز اذاكر 

زين : طب اي رايك بلاش مذاكرة خالص النهاردة وتيجي افسحك 

دنيا بفرحة : بجد ي زينو 

زين بضحك : ده انتي ضيعتي هيبتي خالص قومي يلا البسي هستناكي تحت ❤️

..

بعد شويه نزلت دنيا وكانت لابسة فستان سماوي وطرحة بيضة وكوتشي ابيض وشنطة كروس سودة ومكياج خفيف .. وزين كان لابس بنطلون ازرق وقميص أبيض وبليزر أزرق❤️

زين : امممم هو أنا مش قولت مفيش مكياج يتحط هعدهالك النهاردة بس

دنيا بحزن : يوووه وفيها اي ي زين يعني هو أنا مش زي باقي البنات

زين قرب منها وهمسلها : لا انتي مش زي اي حد .. المكياج بيحليكي ومش بحب حد يبصلك وانتي اصلا حلوة وحدك

دنيا اتوترت : طب يلا 

زين بابتسامه : يلا ي ست البنات

..

خدها زين وراحو الملاهي وركبوا العاب كتير وبعدين راحة سينما سمعو كرتون هو عارف انها بتحبه وبعد ما خلصو وهما طالعين من السينما 

زين : اي رايك نتمشي علي الكورنيش 

دنيا بفرح : اكيد يلا 

زين بضحك : مجنونة

وصلو الكورنيش وقعدو وجاب حمص الشام 

زين : دنيا 

دنيا بفرحة : اي ي ولا

زين بضحك : متبطليش تضحكي مفيش حاجة تستاهل أنك تزعلي نفسك 

دنيا : طول ما أنت معايا أنا ببقي مبسوطة❤️

زين : ربنا يقدرني وأسعدك العمر كله❤️

دنيا : زين 

زين : قلبه❤️

دنيا بكسوف : أنا بردانة ممكن نروح 

زين : اممم موافق بس استني  خلع البليزر بتاعه ولبسهولها 

دنيا : لا ي زين هتبرد

زين : شششش مش عايز اعتراض ويلا عشان اجبلك ايس كريم اللي بتحبيه ونروح❤️

..

خلصت دنيا امتحاناتها وربنا كرمها وجابت مجموع يدخلها هندسة وحققت حلمها ووالدتها وكل العيلة فرحولها جدا .. ودخلت الجامعة ومبقتش تشوف زين كتير بسبب ضغط الشغل .. وبقي ليها أصحاب بنات بعد ما كانت شبه منعزلة 

..

زين خلص شغله وقرر يعدي علي دنيا يجيبها من الكلية ويروح  هو عارف مواعيدها .. وصل زين بعربيته قدام الجامعة ورن علي دنيا كلمها تطلعله بره عشان يروحو

دنيا : زينو❤️

زين : اركبي عايز اتكلم معاكي في حاجة مهمة

دنيا : مالك طيب في أي 

زين بعصبية : مفيش اتفضلي ي هانم اركبي

..

دنيا : اديني ركبت اتفضل قول في أي

زين : ممكن أفهم ازاي تتصوري انتي وصحابك مع شباب الدفعة وتقفو جنب بعض عادي

دنيا باستغراب : وفيها اي ي زين .. عادي احنا اتصورنا بما أن السنة قربت تخلص

زين بعصبية : فيها أنه ده غلط ومتتصوريش مع شباب لا انتي ولا اصحابك .. 

دنيا بغضب : متتعصبش عليا انت مكبر الموضوع أنا مليش علاقة بيهم أحنا ..

زين بعصبية : دنيا .. كلامي خلص مش عايز اسمع مبررات بعد كده لو موقف زي ده اتكرر ه..

دنيا بغضب : هتعملي اي ي زين هتعلقلي حبل المنشة

زين بهدوء : لا هربيكي من جديد

دنيا بسخرية : لا والله ! شايفني عيلة !! 

زين : هتشوفي 🙂

الفصل الثالث

خلصت دنيا امتحاناتها وطول الفترة دي زين مكنش بيتكلم معاها غير قليل وهي ادايقت من معاملته وحست أنه بعد عنها .. 

أم دنيا : دنيا حبيبتي بقولك

دنيا : أيوة ي ماما 

أم دنيا : جهزي نفسك عشان خالتك وجوزها وزين هييجو النهاردة 

دنيا : ليه يعني ؟ 

أم دنيا : اه ي مغلباني ي بنتي اسمعي الكلام دول اهلنا هنقولهم جايين لي ؟ 

دنيا : يووه حاضر 

..

أم دنيا : منورين والله بقالنا فترة متجمعناش كده

ابو زين : بنورك ي أم دنيا .. بصي بقي احنا اهل فهتكلم علي طول أنا طالب أيد بنتك دنيا ل زين ابني 

أم دنيا بفرحة : واحنا هنلاقي عريس زي زين فين

زين بخبث : طب مش ناخد راي العروسة الاول

إم دنيا : وهي هترفضك ليه يابني 

ابو زين : يعني نقرأ الفاتحة ؟

أم دنيا : علي بركة الله 

..

بعد ما قرو الفاتحة أستأذنت منهم ام دنيا تنادي دنيا دخلتلها الأوضة ..

أم دنيا : مطلعتيش لي ؟

دنيا : كنت بغير هدومي يلا نطلع

أم دينا : استني .. زين طالب إيدك

دنيا بضحك : بطلي هزار ي ماما 

أم دنيا : أنا بتكلم جد زين طلب إيدك وأنا وافقت وقرينا الفاتحة ودلوقتي تطلعي تسلمي عليهم وتقولي انك موافقة  تتجوزيه 

دنيا بصدمة : انتي بتقولي اي ي ماما ده زين اللي مربيني وبعدين ازاي متاخدوش رايي !! 

أم دنيا : زين قال ناخد رايك بس أنا قولت موافقين 

دينا : لا ي ماما أنا مش موافقة وهطلع ارفض ال..🏃

أم دنيا بحزن : لو رفضتي زين ي دنيا هتبقي لا بنتي ولا اعرفك أنا عايزة اطمن عليكي قبل ما يجرالي حاجة ي بنتي محدش ضامن عمره ..

دنيا : ي ماما بعد الشر عليكي أنا بس مش شايفة زين كزوج شيفاه اخ عشان هو اللي رباني 

أم دنيا بخبث :  امممم خلاص بقي أروح اقولهم أنك رفضتي وخلي أمه تجوزه وحدة تانية

دينا بعصبية : يعني أي يتجوز وحدة تانية !🙂

أم دنيا : أي وحدة بقي زميلته في الشغل والا بنت عمه

دنيا بغضب : ماما أنا موافقة🏃

..

طلعت دنيا بابتسامه سلمت عليهم وبصت ل زين بغضب اتفقوا بعد يومين يجيبو الشبكة ويعملو الخطوبة 

زين : تسمحيلي ي خالتي اخد دنيا نقف في البلكونة شويه 

أم دنيا : طبعا ي حبيبي 

..

زين بهدوء : انتي مش عايزة تتجوزيني ؟ 

دنيا بتوتر : مش كده 

زين بصلها : امال مش مبسوطة لي !!

دنيا بغضب : عشان انت قولتلي هتربيني من جديد وعشان كده هتتجوزني صح ! عشان تتحكم فيا 

زين بهدوء : مش معني اني بخاف عليكي يبقي بتحكم فيكي .. أنا بثق فيكي وعارف انك مش هتخذليني بس أنا بحميكي مش معني اني اشوف تصرف غلط ليكي واقولك علي الصح يبقي كده بقيد حريتك .. والا انتي شايفة اي ! ❤️

دنيا بسرحان : طب ليه انا !! ليه عايز تتجوزني ؟

زين بابتسامه : بعد كتب الكتاب هقولك❤️

دنيا : زين بص أنا مش رافضة بس بردو مش عايزة عشان يعني انت..

زين : عشان أنا اللي مربيكي .. صح !!

دنيا : أيوة 

زين قرب منها بهدوء وقال : دنيا .. بصيلي كويس .. أنا بالنسبالك مش اخ والا اب بس ..  انتي وعيتي علي الدنيا  لقتيني معاكي في كل حاجة وواقف جنبك فطبيعي تكوني شيفاني كده .. انتي بس مشاعرك ملغبطة .. بس لو مش عايزاني اكون زوجك فأنا هطلع دلوقتي ألغي كل حاجة أنا مقدرش أجبرك علي حاجة .. 

دنيا بسرحان : بس أنا نفسي تكمل معايا ديما أنا حاسة بلغبطة زي ما انت بتقول ومقدرش  اشوفك بتتجوز غيري 

زين بابتسامة خبث : امم طب اي تتجوزيني ؟❤️

دنيا بابتسامة : موافقة❤️

..

تمت الخطوبة وفضلو سنه مخطوبين وزين اتخرج من كلية تجارة ووالده بما أنه ماسك مدير بنك قدر يوفرله شغل ( محاسب في بنك ) ودنيا لسه بتكمل في كليتها وبتجيب تقديرات عالية .. كل يوم كانت دنيا بتكتشف في زين حاجة جديدة .. حنيته اللي مكنتش بتاخد بالها منها .. خوفه عليها فعلا وغيرته من اي حد يقرب منها .. وزين قدر يشغلها بيه أنها تكتشف جانب تاني فيه مش اب او أخ بس واتأكد من إحساسه ناحيتها .. قدر يخليها مجنونة بيه بقت تغير عليه من قرايبه البنات وبتشاركه تفاصيلها .. وبدأو حياة جديدة مع بعض❤️

..

زين : بابا لو سمحت كنت عايز اتكلم معاك في حاجة

ابو زين : اي ي حبيبي 

زين : كنت عايز اتكلم مع خالتي اكتب كتابي علي دنيا هي لسه معاها سنة علي ما تخلص كلية هندسة بس ممكن نخلي الفرح بعد ما تخلص عشان الجواز مياخودهاش من الدراسة 

ابو زين : وانا موافق علي بركة الله 

..

زين : اي رايك بقي ي دنيا !! أنا اتكلمت مع خالتي وهي موافقة 

دنيا : طب ما كنت استنيت بالمرة لحد ما اخلص كلية

زين : أنا اتأخرت ف الخطوة دي ي دنيا كان لازم ناخدها عشان اقعد معاكي براحتي واتكلم واقول اللي عايز اقوله وعشان لما امسك ايدك مثلا ميبقاش حرام أنا يوم الخطوبة خليت اهالينا يلبسونا الدبل عشان ملمسكيش غير وانتي مراتي .. أنا والله بعمل كده عشان اصونك وأحس اني استاهلك❤️ ودلوقتي بقي بطلب منك ياريت توافقي علي الخطوة دي❤️

دنيا بدموع : لو كان بابا عايش كان هيبقي فخور بكل اللي بتعمله معايا

زين بابتسامه : الله يرحمه .. طب امسحي دموعك بقي والا مش هديكي الحاجة الحلوة اللي جبتهالك

دنيا بفرحة وهي بتمسح دموعها : بجد اي هي 

زين : جبتلك كل الشوكولاتات اللي بتحبيها❤️

دنيا : هات كده يلا بقي روح انت 

زين بضحك : مصلحجية ردو زي ما انتي 😂

دنيا : أنا مصلحجية !! طب مش موافقة علي كتب الكتاب 

زين : بقي كده ! خلاص بقي ملكيش نصيب كنت هوديكي الملاهي وافسحك بعد كتب الكتاب 

دنيا بفرحة : بجد ! قوم هات المأذون دلوقتي ❤️

زين بضحك : مجنونة😂❤️ .. همشي أنا بقي واتفق مع خالتي علي كتب الكتاب سلام ي عروسة❤️ يتبع الفصل الرابع اضغط هنا