رواية جحيم الجاسر بقلم الكاتبة المجهولة كاملة جميع الفصول من الفصل الأول للأخير عبر دليل الروايات للقراءة والتحميل pdf
مقدمة رواية جحيم الجاسر
المقدمة :
فريدة ٢٣ سنة في كلية طب عيوني عسلي كتير بيقولو اني جملية جدا محجبة ملهاش علاقة بالولاد ملتزمة
جاسر ٢٦ سنة ظابط بس شديد اوي وعصبي جدا وقت غضبه ميعرفش حد والده متوفي وبيحب فريدة اوي
محمد ٥٢ سنة والد فريدة محاسب في شركة وبيحب عيلته جدا
سلوي ٥٠سنة والدة فريدة بتحب جوزها وبنتها اوي ربة منزل
زينب ٥٤ سنة والدة جاسر تكفلت بتربيته بعد وفاة جوزها
جاسر وفريدة جيران ومتربيين مع بعض وكانو صحاب وهما صغار لما كبروا مبقوش صحاب
رواية جحيم الجاسر الفصل الأول
_ اركبي
= افندم
_ ايه بقولك اركبي انتي مش رايحة الكلية تعالي حوصلك في طريقي مش حتلاقي مواصلات دلوقتي وحتتاخري
= شكرا مش عاوزة اتعبك معايا
(انا فريدة ٢٣ سنة في كلية طب عيوني عسلي كتير بيقولو اني جملية جدا محجبة ودا جاسر جاري ٢٦ سنة ظابط بس شديد اوي اصلا بحسه بيخاف يضحك لما كنا صغيرين كنا صحاب وبنلعب مع بعض بس اول ما كبرنا مش بقينا نتكلم خالص انا مبكلمش ولاد)
انا كنت واقفة مستغربة انه من طلبه اني اركب معاه واحنا اصلا مبنكلمش بعض الا قليل جدا
جاسر بجمود : حتفضلي كدا كتير حتأخر ع شغلي ع فكرة
فريدة : اسفة بس مينفعش اركب مع حضرتك
جاسر : مش حاكلك علي فكرة ومفيش مواصلات حتتاخري على محاضراتك
كان بابا طالع من البيت رايح الشغل وسمع كلامنا مع بعض
بابا : اركبي يافريدة مع حضرة الظابط علشان متتاخريش
فريدة : حاضر يابابا
ركبت معاه وانا مكسوفة جدا وفضلنا ساكتين طول الطريق لحد ما الفون بتاعي رن
فريدة : الو
الشخص : ازيك يافري عاملة اية
فريدة بفرحة : الحمد لله ياحبيبي انت اخبارك ايه وحشتني اووي
الشخص : والله انتى اكتر ياحبيبتي انا كنت بتصل علشان ابلغك اني جاي كمان اسبوع كدا
فريدة : بجد فرحتني اوي
الشخص : يلا سلام ياقلبي
فريدة : بحبك مع السلامة ياحبيبي
خلصت المكالمة وببص على جاسر لقيت وشه احمر وعليه علامات الغضب وعنيه بطق شرار وفجأة وقف العربية وبصلي بحدة
جاسر بهدؤ مميت على عكس ما بداخله : كنتي بتكلمي مين
فريدة : افندم وانت مالك
انا في طبيعتي مبحبش حد يدخل في خصوصياتي وجاسر في طبيعته عصبي اوي ولما بيضايق مبيشوفش قدامه
جاسر بزعيق : فريدة كنتي بتكلمي ميين
انا كنت خايفة اوي بس أظهرت العكس علشان مبحبش حد يزعقلي او يتعصب عليا
فريدة بغضب وصوت عالي : قولتلك انت مالك دي حاجة متخصكش اكلم اللي اكلمو ملكش دعوة وبعدي......
مكملتش كلامي لقيتو سحب المسدس وصوبه على دماغي ساعتها مقدرتش إداري خوفي ودموع نزلت وفضلت اصرخ
فريدة بعياط وصريخ : سيبني والنبي ابعده عنييي
حاولت افتح باب العربية كتير وهو مش حاسس بيا لحد ما اخيرا فتحته خرجت بسرعة وطلعت اجري في الشارع كنت خايفة وبعيط وهو طبعا نزل ورايا وفضل ينادي عليا لحد وانا مردش عليه كنت بجري وانا برتعش وفجأة سمعت صوت....
حااااااسباااااااااااااي
جحيم الجاسر الفصل الثاني
_ فريداااة حااااسباااااااااي.... اخر كلمة سمعتها وبعدها الدنيا كلها اسودت ومحستش باي حاجة حواليه
جاسر جري عليها كانت وشها كلو دم ودماغها بتنزف جامد
جاسر بفزع وقلق : فريدة ردي عليا انا اسف متسبينيش ارجوكي فريداااة
جاسر شالها وحطها في العربية وراح بيها على المستشفى بسرعة كبيرة اوي
جاسر بزعيق وهو شايلها : دكتور بسرعة عاوز دكتور هنا
الممرضة : اهدي يااستاذ احنا هنا في مستشفى محترم
جاسر بعصبية : معاكي الرائد جاسر الرفاعي اطلبي دكتور بسرعة احسن مااطربقها على دماغكو
الممرضة بخوف : اسفة جدا يافندم ونادت ع الممرضات
الممرضات جم وأخدو فريدة واستدعو دكتور ودخلت العمليات
جاسر كان واقف برة حيموت من الخوف على فريدة وفضل يلوم نفسه ويدعى ربنا متروحيش منه
_ بعد ساعتين طلع الدكتور من العمليات جاسر جري عليه
جاسر بلهفة : طمني يادكتور هي كويسة صح
الدكتور : للأسف الحالة صعبة جدا والعملية كانت خطيرة ادعي ال٢٤ ساعة الجايين يعدو على خير لأنها لو مفاقتش حتدخل ف غيبوبة ومش عارفين حتفوق منها امته
جاسر : طيب ممكن اشوفها يادكتور
الدكتور : لا مينفعش هي دلوقتي في العناية
جاسر : لوسمحت يادكتور خمس دقايق بس مش حتاخر
الدكتور : اتفضل بس ياريت بسرعة
جاسر : شكرا.. ودخل
_في الداخل
جاسر دخل شاف فريدة نايمة ومتعلق ليها أجهزة تنفس والمحاليل وباين عليها التعب صعبت عليه وفضل يلوم نفسه
جاسر وهو ممسك بيد فريدة : ارجوكي سامحيني يافريدة دا كلو بسببي انا اسف انا والله بحبك متسبينيش يافريدة
دموعه نزلت ولأول مرة : ايوه يافريدة انا بحبك من وقت ماكنا صغيرين ولسه لحد دلوقتي وحتى اهلي وأهلك عارفين وكنت حتقدملك ونتجوز بس بس انا مستحملتش فكرة انك تكوني لحد غيري علشان كدا اتعصبت عليكي قومي يافريدة قومي ياحببتي جاسر من غيرك يموت
جاسر وقف ومسح دموعه وطلع برا اتصل على محمد والد فريدة
محمد : الو
جاسر : عم محمد ف فريدة في المستشفى تعبانة
محمد بخوف : ايه مستشفى ايه يابني انا جاي حالا
جاسر : مستشفى***
_بعد فترة وصل اهل فريدة
والدة فريدة (سلوى) : بنتي بنتي فين ياجاسر جرالها ايه
جاسر : فريدة عملت حادثة ياطنط والدكتور قال ادعولها ال٢٤ ساعة يعدو على خير
سلوى ببكاء : بنتي بنتي حتروح مني احميهالي يارب انا مليش غيرها
محمد : اهدي ياسلوي فريدة حتكون كويسة وتقوم بالسلامة
سلوى : يارب احميهالي يارب
_عدي وقت كبير وجاسر لسه في المستشفى مع فريدة وامها وابوها بيدعو ليها
الممرضة دخلت تتطمن على حالة فريدة وطلعت مفزوعة
الممرضة : الحق يادكتور المريضة نبضها بيقل...
جحيم الجاسر الفصل الثالث
الممرضة بفزع : الحقنا يادكتور المريضة نبضها بيقل
دخل الدكتور بسرعة لفريدة
سلوى : بنتي يارب قومهالي بالسلامة يارب
محمد وهو بيحاول يتماسك : اهدي ياسلوي ارجوكي
محمد للممرضة : هي حصلها ايه
الممرضة : نبضها بيقل وفي الحالة دي احتمال كبير نخسر المريضة
سلوى بعياط : لااا فريدة مستحيل تسيبني بنتي حتكون كويسة انا عرفها هي بتحب تخضني عليها ع طول
محمد والدموع ف عينيه٠ : يارب قومها بالسلامة يارب انا مليش غيرها
_جاسر كان منهار و في عالم تاني خالص و قلبه وجعه لفكرة ان فريدة ممكن تموت وتسيبه..... خرج من المستشفى وراح مسجد جنب المستشفى اتوضأ وصلي وفضل يدعي وهو ساجد انها تقوم بالسلامة وان ربنا يحفظهاله وكان بيعيط وصوت شهقاته كانت عالية اوي لدرجة كل اللي كان في المسجد سامعها وكانو بيدعو ان ربنا يريح قلبه ولما خلص صلاته رجع تاني علي المستشفي
_في المستشفى
سلوى قاعدة بتعيط وبتدعي ومحمد كان جنبها والدموع في عينيه وبيهدي ف سلوى.... لحد ما الدكتور خرج
جاسر كان جاي من بعيد وشاف الدكتور طالع من عند فريدة جري عليه.
سلوى بخوف : طمني يادكتور فريدة بقت كويسة صح
الدكتور : هي كويسة دلوقتي وممكن تفوق في اي وقت
محمد : الحمد لله
جاسر : طيب نبضات القلب قلت فجأة كدا ليه يادكتور
الدكتور : المريضة عندها القلب وكمان الحادثة أثرت عليه فالنبض قل بس الحمد لله لحقناها في الوقت المناسب
سلوى بشهقة : ازاي فريدة بنتي مكانش عندها القلب
الدكتور : ازاي يامدام بنت حضرتك عندها القلب من ٣سنين
محمد : طيب في علاج أو عملية علشان تكون كويسة
الدكتور : العملية خطر اوي عليها ونسبة نجاحها قليلة اوي الأفضل انها تنتظم على الدوا بتاعها
سلوي : طيب ممكن ندخلها
الدكتور : اه تقدروا تشوفوها دلوقتي
دخل محمد وسلوي لفريدة اما جاسر وقف برة خايف من ردة فعل فريدة لو شافته
_في غرفة فريدة
سلوى بعياط وهي ماسكة ايد فريدة : فريدة ياحببتي انا ماما قومي يلا يابنتى متوجعيش قلبي عليكي قومي يافريي
فريدة بدأت تفتح عينها ببطئ وبعدين صحيت وشافت مامتها بتعيط وباباها جنبها وباين عليه الزعل والتعب
سلوى بلهفة : انتى كويسة ياحببتي اناديلك الدكتور
فريدة بتعب : انا كويسة ياماما خلاص بقا بطلي عياط
محمد : كدا يافريدة تقلقينا عليكي ايه اللي حصلك وازاي عملت الحادثة
فريدة افتكرت كل اللي حصل بس مش حبت تحكي ليهم
فريدة : مفيش يابابا كنت رايحة الكلية وبعدين دخت ومشفتش العربية و خبطتني
سلوى : الف سلامة عليكي ياحببتي الحمد لله ان ربنا قومك بالسلامة
محمد : فريدة انتي كنتي تعبانة وعندك القلب ومش قولتي لينا ليه كدا يابنتي
فريدة : انا مكنتش حابة اقلقكو عليا وكنت عارفة انكو حتزعلو لما تعرفو
سلوى : احنا اهلك يافريدة ومن حقنا نعرف وان شاء الله حتتعالجي وتقومي بالسلامة
_ في الوقت دا جاسر كان واقف برا وسمع كل كلامهم واستغرب انها مقالتش انه السبب في حالتها وبعدين قرر يدخل يعتزر منها
دخل جاسر وفريدة اول ماشافته افتكرت كل حاجة وانه كان حيقتلها بالمسدس خافت اوي وبدأت تعيط وتصرخ و..
جحيم الجاسر الفصل الرابع
فريدة بهسترية وعياط : ابعد عني اطلع برة حرام عليك سيبني بقا متقتلنيش انا عملتلك ايه
فضلت فريدة تعيط وترتعش وسلوي ومحمد بيهدوها اما جاسر فكان واقف حزين وقلبه واجعه علي الحالة اللي وصلت ليها بسببه وقد ايه هي خايفة منه
محمد لجاسر : لوسمحت ياحضرة الظابط اطلع استناني بره وانا ٥ دقايق واحصلك
طلع جاسر واستند بضهره على الحيطة وفضل يفكر حيقول ايه لابوها وهي كذبت علي اهلها ومحكتش ليهم عن اللي حصل فقرر انه مش حيقول لابوها
طلع محمد من أوضة فريدة بعد مانامت
محمد لجاسر : جاسر انت زي ابني ارجوك يابني قولي فريدة فيها ايه وليه كانت خايفة منك كدا انت عملت فيها ايه انا عارف انك بتحبها ومستحيل تاذيها احكيلي هي مالها ياجاسر
جاسر بتنهيدة : انا مقدرش اقولك حاجة دلوقتي ياعمي الا لما فريدة هي اللي تحكيلك بس اوعدك اني حصلح كل حاجة قريب وفريدة حتبقى زي الاول واحسن
محمد : اللي تشوفه ياجاسر وانا واثق فيك يابني
__مر اسبوع وفريدة أحسنت وراحت الجامعة ومشفتش جاسر طول الاسبوع وجاسر كان بيفكر ازاي حخليها تسامحه وفي يوم جاسر راح لفريدة الجامعة وكان معاه بوكيه ورد وعلبة شوكلاتة وفريد كانت طالعة من الجامعة وكان في ولد بيعاكسها وماسك ايدها وهي بتحاول تبعده جاسر شافهم من بعيد حط بوكية الورد وعلبة الشوكولاتة على سقف العربية وراح عند فريدة بسرعة وهو متعصب
جاسرمسك ايد الشاب : مش عيب تمد ايدك على حاجةمتخصكش ياكابتن
الشاب : ومين الامور بقا وهي تخصك في ايه لتكون ماشية معاك و.. مكملش كلامه بسبب بوكس من جاسر وقعه
جاسر نزل فيه ضرب : دي اشرف من ميه زيك يابن ال..
وفضل يضرب فيه لحد مامبقاش فيه حته سليمة
فريدة بعياط : خلاص ياجاسر سيبه حيموت في ايديك
واخيرا بعد عنه ومسك ايد فريدة وراح عند العربية
فريدة بعدت ايده بعنف : ابعد عني متلمسنيش
جاسر مسك بوكية الورد والشوكلاتة وبص لفريدة بندم
جاسر : انا عارف اني غلطت في حقك كتير ومستاهلش انك تسامحيني انا اسف ممكن نبدأ صفحة جديدة ونكون صحاب
فريدة فضلت ساكتة وحست انه فعلا ندمان
فريدة : خلاص انا مسمحاك ولايهمك وموافقة نكون صحاب
جاسر بسعادة : بجد شكرا اوي
__ مر اسبوع على أبطالنا واتقربو من بعض اكتر حتى أن فريدة حست انها حبته وجاسر أتقدم ليها واتخطبو واعترف بحبه وهي كمان اعترفت انها بتحبه وجاسر فكر انها نسيت اللي كانت بتحبه وفي يوم..
فريدة بسعادة : يعني انت رجعت
الشخص : ايو ياحببتي تعالي قابليني في..
فريدة : طيب تعالي البيت
الشخص : للأسف مش حقدر عندي شغل وحسافر في نفس اليوم متتاخريش بقا حعدي اخدك
فريدة بفرح : اشطا مستنياك
_ لبست فريدة ونزلت وقابلت الشخص دا تحت البيت واول ماشفته راحت وترمت في حضنه وجاسر كان رايح طالع من بيته رايح لصاحبه فشاف فريدة من بعيد ( زي ماقلنا قبل كدا هما جيران) جاسر اول ماشافها في حضنه اتصدم واتعصب جامد ومشي وراهم لحد ما صلو كافيه وهو بيراقبهم من بعيد وكانت بتضحك ومبسوطة مع الشاب دا
جاسر كان متعصب اوي وهاين عليه يروح يقتلهم بس جاتله فكرة
جاسر في نفسه:.. يتبع الفصل الخامس والسادس اضغط هنا