رواية محاكمة شيطان الحب كاملة بقلم دنيا رشاد

رواية محاكمة شيطان الحب الجزء الثاني من رواية عشقني شيطان كاملة من الفصل الأول إلى الفصل الأخير بقلم دنيا رشاد عبر دليل الروايات للقراءة والتحميل Pdf

رواية محاكمة شيطان الحب الحلقة الأولى 1

لا يمكنني أن اتركك تنتصر عليا ...فانار انتقامي 

اقوي من قوتك ....🌚

عرف ماركو وسهير واسلام ماحدث لجوو ....

قال ماركو...يعني ايه الكلب ده يعمل كده من غير

اذني ودا نفسه في داهيه يستاهل الي يحصله....

يضيع نفسه علشان بنت ...

اسلام بغضب من كلام ماركو....هو انت كل الي 

همك أنه ماخدش اذنك هاياخد اذنك في ايه بالظبط

انت اناني ياباشا وجوو هايطلع من السجن باي 

تمن وانت الي هاتهربو انت ناسي هو يعرف ايه

عنك ولا ايه....

ماركو بغضب من كلام اسلام ....انت بتهددني ولا

ايه ،انا مبتهددش وانت عارف كويس انا ممكن 

اقتلكم كلكم بتنفذو الي في دماغكم من غير تفكير

ومن غير كمان ماترجعولي ، ناسين بتشتغلو

مع مين هاتودونا في داهية ، انا في اكبر مني 

ممكن يقتلوني بدم بارد شوفو بقا ممكن يعملوا

فيكم انتو ايه ، ركز يااسلام بدل مااخلص منك

وبعدين من أمتي بتحب جوو ..ماانتو دائما 

في خناقات ...

لم يستطيع اسلام ان يرد علي كلام ماركو...

فهو يعرف أن كلامه صحيح ، وأنه يمكنه

إن يقتله بدم بارد ...فليس عنده عزيز أو 

غالي ..

اوميئ اسلام برأسه علامة علي الموافقة 

علي كلام ماركو وقال له ...خلاص ياباشا

اعمل الي تشوفه صح انا تحت امرك...

ماركو ببتسامة خبيثة ....روح شوف شغلك 

وعايز كل حاجة تمام وشوف الموضوع الي

قلتلك عليه خلص علي ايه ؟!!....

اسلام بتلعثم في الكلام ...تمام ياباشا 

رحل اسلام وهو يلعن ماركو في سره لماذا

استقوي هاكذا ، نعم نعرف أنه قوي ويوجد 

أعلي منه ولكن ليس كان  كذالك من قبل ...

ماذا حدث لكل هذا .

ماركو موجه كلامه الي سهير الجالسة تقلب 

في احدي المجلات متجاهلة كلامه مع إسلام

.... مالك ياسهير مش سامع صوتك يعني.

سهير ببتسامة كلها اغراء لماركو فابرغم من

كبر سنها الا أنها تتقن فن الاغراء ....لا عادي

ياحبيبي مفيش حاجة بس بفكر في البت الي 

هربت مع ايات هانعمل معاها ايه ؟!!!...

ماركو بخبث فهو يعرف انها تهرب من شيء

فهي خائفة منه بسبب كلامه مع إسلام ولكنه

تصنع الخبث وقال....متقلقيش مفيش خوف

منها هي متعرفش حاجة عنا ولا حتي يعرفو

مكانا هربو بليل ....

سهير والخوف يبان علي وجهها ...تمام .

ماركو بصوت عالي بعض الشئ....عايزك 

تركزي شوي عندنا شغل كتيير ...وكمان

جوو الكلب عملنا أزمة انتي هاتقومي يشغله

ومش عايز غلطة ...

سهير بتلعثم في الكلام وقلق ...انا ليه ؟! انا

معرفش حد من الي بتتعاملو معاهم !!!

ماركو بصوت عالي وغضب ...انتي تنفذي من

غير كلام انتي فاهمة ...

سهير بخوف ...حاضر 

ذهبت سهير من أمامه وهي خائفة وملامحها يظهر عليها الخوف ...فهي تعرف ماركو عندما يتكلم بجدية لايمكنه ان يفوت شيء لأحد ولا يمكن لأحد أن يقف أمامه ...

خرج ماركو من جيب بنطاله هاتف واتصل بأحد الأشخاص ....

ماركو بجدية شديدة ....جوو يخرج من السجن باي طريقة !! وقفل الهاتف دون أن ينتظر رد من الطرف الآخر..

 في غرفة سهير ..

تاخذ الغرفة ذهابا وايابا وتكلم نفسها وتفرك يدها الاثنين ببعضهما ..فهي رغم جبروتها جبانه تخاف ان ينهي ماركوو حياتها ..وتخاف ان تقوم بعمل جوو فهو خطير للغاية واي غلطة ولو بسيطة ستكلفها حياتها ..يمكنها أن تسيطر علي الوضع مع ماركوو بدلعها ولكن لا يمكنها أن تسيطر علي الرأس الكبيرة فهي لاتعرف من هو ...ولكنها تعرف أنه لا يرحم حتي ولو كان أبيه يمكنه أن يقتله ..

سهير في نفسها ....انا ازاي هاشتغل مكان جوو انا خائفة اوي دا آخرة الي يمشي وراء كلام ماركو ماانا كنت قاعدة في مصر وماليش دعوة بالبيحصل  هنا ده 

منك لله ياجوو ...جوو مين قصدي منك لله ياسلمي انت الي كشفتيني  قدام فهد بس أنا مش هاسكتلك انا هانتقم منك أشد انتقام استني عليا واتفرجي علي الي هايحصلك ...انا لازم امشي من هنا وارجع مصر هاتحجج باي حاجة وانا شاطرة بالتمثيل اكيد هانجح 

يااارب انصرني عليهم ...

(هو انتي تعرفي ربنا الهي تنسخطي قرد معفن ياشيخة 🌚)

لايمكنكما ان تحطمو حقدي عليكما...🖤

فانا خلقت لتدميركم ...🌚

**

في فندق الآيات 

خلاص ماشيه ياسها هاتوحشيني اوي .

سها بحرن ...معلهش ياحببتي انتي عارفة انا حبيتك قد ايه هازورك دائما .

ايات ..وانا كمان حبيتك اوي ياسها زوريني دائما وخالي بالك من نفسك ..

قربت منها سها وعلي وجهها ابتسامه ....بقولك ايه حني علي الولا بقا متسبهوش كده كفاية الي عملو علشانك .

ايات ..انتي مسخرة يالي يابت امشي من هنا مش فضيالك عايزة اروح اشوف اروي .

سها بحرن ..ربنا يقومها بالسلامة هي لسه مفقتش .

ايات ...لاء لسه مفقتش هاروحلها انهاردة اشوفها شريف دائما قاعد جمبيها مبيسبهاش عيونه كلها حزن ودموع مروحش من يوم الحادثة ربنا يجزيه ويقومها بالسلامة ..

سها ...ان شاء الله ياحببتي ربنا يقومها بالسلامة خالي بالك انتي من نفسك ...

ضمتها سها وقبلتها وذهبت الي ياسر الذي ينتظرها بحب ولهفة وسعادة والكثير من المشاعر المختلطة بسبب جلوس سها معه في منزله .

ياسر ....سيبي الشنطة انا هاحطها اركبي انتي يالي .

ركبت سها وانطلق ياسر الي منزله ...

كانت فيلا كبيرة بحديقة كبيرة جدا  مليئة بالزهور التي تعشقها سها ياله من جمال يجذب انتباه المار جمال آخذ ..

سها ...الله حلو اوي ياسر بس انت مقلتليش انك يعني ...

ياسر ...قصدك غني يعني انا مدير الشركة الي كنتي شغالة فيها وصاحب شركات الامل لو تسمعي عنها .

سها ...يعني كدبت عليا ياياسر كنت مستغفلني ...

ياسر وعرف أن سها غضبت حاول أن يلطف الجو ...ماانا كدبت عليكي علشان خوفت لو قلتلك اني غني مش هاتقبلي تبقي صديقتي ...

سها ...انت بتكدب تاني ياياسر ليه كده ؟!!

ياسر بحزن يظهر علي ملامحه ...انا اسف ياسها مكنش قصدي اكدب عليكي بس مجاش فرصة اقولك والله. ..

سها ...انت حر ممكن لو سمحت ترجعني الفندق أو ترجعني علي بيتي ...

ياسر بصوت عالي ...مش هايحصل ياسها ايه الي حصل لكل ده انا بقولك بحبك ليه مش متقبلة كلامي ليه انا بحبك والله العظيم بحبك بحبك ياسها ...

بدأت سها تبكي بهستريا ووضعت يدها علي عينيها حتي تمنع دموعها من الهبوط ..

قرب ياسر منها وبعد يدها عن وجهها ...انا بحبك ياسها مش قصدي والله ازعلك ولا ازعقلك سامحيني انتي متعرفيش انا حياتي من غيرك عاملة ازاي انا من غيرك اموت تحبي اموت علشان اريحك ....

سها ...موت 

ياسر بحزن مصطنع ....ماشي هاموت ياسها ...

سها وهي تحاول أن تبتسم ...ايوه موت علشان استريح منك واخد الفيلا دي والحديقة الحلوة دي كمان ..

ياسر ...طيب عندي حل احلي اتجوزيني وهاتبقي ليكي 🙈

سها ...انت بتستبزني ولا ايه 🙄 مفيش جواز تعالي وراية هات الشنط وتعالي يلا ...

ياسر ...ابتدينا طلبات بقا حاضر انستي كل الي تأمري بيه ...

سها بفرح ...انا مسمحاك علي كدبك ليا عد الجمايل بقا ..

ياسر ....جمل ايه ياروحي عايزة تاكلي جمل ..

سها ...ياخفيف اخلص تعالي ورايه ...

ياسر ...حاضر 

ذهبت سها وورائها ياسر الي داخل الفيلا 

سها ...الله واااااااااو ايه الحلاوة دي والجمال ده لا مش طبيعي الحلاوة دي انا موافقة اتجوزك كده وكده ...

ياسر ...ههههههههه طيب تعالي اوديكي اوضتك ..

سها ...لاء ياخوية عايز تغرغر بيا ولا ايه ....

ياسر ....اغرغر بيكي ايه ياسها انتي شيفاني حقير اوي كده قالها بحزن ...

سها ...انا مش قصدي انا بهزر معاك ياياسر ...

ياسر .....ههههه ضحكت عليكي وطلع لها لسانه 

سها ....باسرسور ياجذمة والله ماانا سيباك خد تعالي هنا ...

جريت سها وراء ياسر وياسر يضحك عليها بهستريا 

ياسر ...مش هاتمسكيني 😛

هل ستدوم فرحتهم ام أن للقدر راي اخر 

اجمل مافي الحياة صديق يفرح لرؤياك ⁦❤️⁩

واجمل مافي الصداقة قلب يحس بك ⁦❤️⁩

(نسيبهم بقا يلعبو شوي )

**

لاتحزن يانور عيني ⁦😢

سأظل دوما بجانبك ⁦❤️⁩

اسمع نبضاتك واسمع صوت انفاسك ⁦❤️⁩

احبك يامن ملكت قلبي⁦❤️⁩

في المستشفي عند اروي 

ينام شريف وهو جالس بجوار اروي النائمة علي السرير 

..ويقوم علي صوت خبط ولكن لايجد احد يجد فقط حبيبته التي ملئت حياته بالبهجة والسعادة وجعلت لها معني اخدت علي قلبه الحب الذي يكفي أن يوزع علي العالم ويفيض فهو يحبها حب لايحبه احد ...

فهي الوردة التي تعطر حياته ...

فاق شريف من شروده علي دخول الدكتور ليطمئن علي اروي ....

الدكتور ....مش تروح تستريح ياشريف كده صحتك هاتنزل ...

شريف ...مش ممكن اسيب اروي لوحدها خالص دي هي حياتي هي النفس الي بتنفسه مستحيل اسيبها هنا وامشي ...

الدكتور ...ربنا يخليكو لبعض عموما هي كلها خمس دقائق وتفوق انا وقفت المخدر وان شاء الله هاتبقي بخير وهانتاكد اكتر من خلال الأشعة ...

شريف ..شكرا يادكتور تعبناك معانا ...

ذهب الدكتور وظل شريف واقف يراقب اروي حتي تفيق ...

بدأت اروي تفتح عيونها بتعجب يظهر علي ملامحها ...

اروي بتعب ...اه دماغي بتجعني وجسمي مكسر منك لله يااروي شكلك نمتي كتيير حتي الزفت شريف متصلش بيا شكله بيعاكس دلوقتي دا انا هانفخه ااااه يادماغي .....

قرب شريف منها وهو يضحك علي هذه المجنونة التي تظن أنها في غرفتها ولاتتذكر ماذا حدث معاها ...حمد لله على السلامه يا قلب شريف ...

اروي بوجع في رأسها ...قلبك ايه كالك وجع في قلبك دا انت مبتعبرنيش برسالة رومانسية لحد مابقي قلبي عامل ذي العيش الناشف !!!!! ايه ده انت مين دخلك اوضتي يالهوووي لو أخوية دخل شافك هايقول ايه رحنا في داهية شكلك ناوي علي موتي ....

شريف بضحك ...انتي مش فاكره حاجة ولا ايه بصي حواليكي كده ....

نظرت اروي بكل أرجاء الغرفة وتذكرت يوم خطبتها وماحدث معاها وسالت نفسها من يكرهها لهذا الحد حتي يريد ان ينهي حياتها فهي مسالمة جدا ولايوجد لديها أعداء وبدأت الدموع تتجمع في عينيها ...

قرب شريف منها ولمس علي شعرها بحنية ...انتي دلوقتي كويسة وده اهم حاجة لما تقومي بالسلامة ان شاء الله هاحكيلك علي كل حاجة ...

ومقلتليش قبل كده أن شعرك حلو كده 🙈⁦❤️⁩

اروي بكسوف ...كده الحمد لله ضمنت جهنم الحمره لا جهنم ايه دا انا مع ابولهب في القاع هاشوي بطاطا علشان تبقي مقرمشة ولا اقولك اعملك بطاطس محمرة ....

شريف بتعجب من هذه المجنونة....ربنا يصبرني منك هاتشليني دا انتي مجنونة ياهبلة ...

اروي بزعل طفولي ...ماشي ياشوشو انا بكرهك بقا 

اثناء حديثهما دق الباب ودخلت الممرضة وطلبت من شريف أن يذهب الي الدكتور فهو يحتاجه ...

ذهب شريف الي الدكتور وكله امل من تحسن اروي ...

خبط شريف الباب ودخل 

الدكتور ...عندي خبر مش حلووو

شريف ...خير يادكتور ...

قال الدكتور لشريف ماحدث ........

شريف ...مستحيل لاااااااااااااااا 

ياتري ايه الي حصل 

محاكمة شيطان الحب الحلقة الثانية 2

لاتخاف !!!! فالقدر يفعل ما يشاء ...ونحن نصبر قدر مانشاء !!!....

شريف بحزن وغضب ...مستحيل لاااااااااااااااا .

الدكتور بتفهم ...اهدي ياشريف دي معجزة ان اروي عائشة ....

شريف ببكاء علي حبيبته ...انا تعبان يادكتور مش هاقدر اشوفها مبتمشيش قدامي ...

الدكتور بعيون حانيه ....شريف اهدي الرصاصة جت من ضرها اخترقت العمود الفقري والعملية مكنتش ساهلة وانت شوفت بعينك انها كانت ماتت وبقدر ربنا فاقت قادر علي كل شيء ....

شريف ببعض الامل ....يعني هي ممكن تمشي تاني ...

الدكتور بنبرة حنونة ...اوي طبعا طول مافي نفس في الإنسان الامل هايبقي موجود بس العملية محتاجة دكتور متخصص ويكون متفوق ...

شريف باصرار ...انا هاعمل اي حاجة علشانها بس ليا عند حضرتك طلب اروي متعرفش دلوقتي خالص انا خايف حالتها النفسية تبوض ...

الدكتور بتفهم ...حاضر بس انت لازم تقولها مينفعش تخبي عليها لانها هاتعرف ...

شريف ...حاضر 

خرج شريف من عند الدكتور ودموعه تغرق وجهه ويفكر كيف يقول لاروي علي هذا الخبر ...ماذا سيقول لها ؟!! ...أنه يحبها بشدة ويخاف عليها ...يخاف أن تختفي ابتسامتها ...يخاف أن تذبل وردته ....

شريف بتنهيدة قوية....يااااارب 

ومسح دموعه ودخل غرفة اروي وجد ايات جالسة مع اروي وتضحك معها ...

اروي ببتسامة جذابة ...تعالي ياشريف شوف ايات بتقول ايه ؟!!!

شريف وهو يحاول أن يخفي حزنه ويبتسم ...قوليلي ياحببتي بتقول ايه ؟!!!

اروي وهي تشده من يده وتقعده قريب منها ...بتقول أن انت كنت هاتفرح لو انا موت وسيبتك وتقعد تعاكس في الطلبة عندك في الكلية براحتك ...

شريف بحزن وصرامة ...مسمعكيش تتكلمي عن الموت تاني انا محبتشي ومش هاحب غيرك انتي حياتي ...

اروي وبدأت الدموع تهبط من عيونها الذي تشبه حديقة مليئة بالحشائش .....هئ هئ 

شريف و و يئنب نفسه ويضم رأسها لصدره ...انا اسف يااروي مبحب تجيبي سيرة الموت انا اسف سامحيني ...

ايات ...خلاص بقا فكوها كده !!!

اروي ...افكها هو انتي شيفاني بخيلة ولا ايه يابت انتي وبعدين خلاص انا هافسخ الخطوبة دي ودور علي واد حلاوة احسن منه ميزعقليش ...

شريف ...نعم ياروح امك ؟!!!! بت انتي اتلمي مسمعش تجيبي علي لسانك صوت راجل غيري لحسن وديني ماهاخليكي نافعة لحاجة ....

ايات ...ايوه بقا مين قدك بقا بيغير عليكي وحركات الله يسهلك ...

اروي بتعب ظهر عليها وعلي ملامح وجهها ...قومي يابت امشي اااااااه 

شريف بقلق ...مالك ياااروي انتي كويسة اجيبلك الدكتور ردي عليا ...

اروي ....انا كويسة بس تعبت شوية هانام وهابقي كويسة .....

وضعت اروي رأسها ونامت بمجرد أن وضعت رأسها علي المخدة وذهبت ايات لتاتي بملابس لاروي وجلس شريف بالقرب من اروي لكي يسمع دقات قلبها ويسمع صوت أنفاسها فهو خائف بشدة عليها ....

(ربنا يقومك بالسلامة يااروي )

احببتك اكثر مما ينبغي ....⁦❤️⁩

احببتك اكثر مما يجب ....⁦❤️⁩

حتي انقلب الحب هذا لمرض ...⁦❤️⁩

لا يمكن أن اشفي منه ......⁦❤️⁩

**

في السويد ...

في احدي مستشفياتها ...

عدنان بحب ...صباح الماس علي احلي ماسة بالدنيا ...

شغف ...صباح الورد جاي بدري يعني ..

عدنان ....هو انا مقلتلكيش انك هاتخرجي انهاردة واكيد يعني مش هاسيبك تخرجي من المستشفي لوحدك وبعدين بقا ارغد ورماس وريناد وحشوني اوي اوي بس اسم الواد ارغد ده اسمه غريب اوي ....

شغف ...ههههه لاء مش غريب حلوو اسم جديد ..

عدنان ...ياخبر ايه الضحكة الحلوة دي دا انا بدوب فيها ...انا عايز اسالك سؤال بس خايف تزعلي مني ؟!!!

اسال ولا لاء ؟...

شغف ...انا عارفة انت عايز تسال علي ايه !!!... بس مش عارفة احكيلك واقولك ايه ..بس اتاكد اني هاحكيلك كل حاجة عايز تعرفها بس في الوقت المناسب ...

عدنان ...وانا مستني اليوم ده بس ياريت ميتاخرش ...

شغف بتفكير ...متخفش اليوم قرب اوي وخصوصا بعد الحادثة الي عملتها والشخص الي كان عايز يقتلني لازم اعمل حاجة بس ايه هي لازم ادرسها كويس ...

عدنان ...طيب سيبك من الموضوع ده دلوقتي ويالي بينا علشان نخرج من هنا انا هاروح اطمن علي الاطفال وانتي غيري هدومك ...

شغف ...ماشي روح انت وخالي بالك منهم وانا خمس دقائق وهاجهز ....

ذهب عدنان وغيرت شغف ملابسها وارتدت درس طويل باللون الابيض ...

وأخذت شنطتها وخرجت الي حيث عدنان حملت شغف احدي اصفالها وحمل عدنان طفل والممرضة طفل ....

واتجهوا الي خارج المستشفي حيث سيارة عدنان ركبت شغف بالخلف مع أطفالها واوصلها عدنان الي منزلها وساعدها في إدخال الاطفال ...

عدنان بحيرة ...انتي ازاي هاتهتمي بالأطفال لوحدك ياشغف ...

شغف ...ممكن بلاش تقولي شغف وقولي حور انا بحب اسم حور ومن غير ماتسالني ليه ...

عدنان ....لاء هاقولك شغف لأن انا حبيت شغف مش حور ...

شغف ...وايه الفرق الاتنين شخص واحد ...

عدنان ...لاء مش شخص واحد ....انا حبيت شغف الدكتورة الشاطرة ...الإنسانة الطيبة ...البنت المحبوبة والمميزة ..فتاة الابيض والاسود !!!.... انما حور معرفش حكايتها معرفش هي مين وخايف اعرف اخسر شغف خالص ...

ابتسمت شغف وغيرت الموضوع ....انت عندك حق انا مش هاعرف اهتم بالأطفال لوحدي وانا عندي كلية وشغل ...ومش هاامن عليهم مع مربية ...

عدنان ...محلولة مش لازم تروحي الكلية انا هاجبلك المحاضرات وبالنسبة للعملي انتي اصلا تدي محاضرات للدكاترة ووقت شغلك انا اقعد مع الاولاد ...

شغف بتعجب منه ...انت بتتكلم جد ممكن تقعد مع الاولاد ....

عدنان وهو ينظر للاطفال بحب ...طبعا انا بحبهم اوي اكنهم اولادي ...

هنا تذكرت حور فهد واليوم اللعين وما حدث وتجمعت الدموع في عينيها ولم تستطيع أن تخفيها واستاذنت من عدنان وذهبت إلي الحمام واطلقت العنان لدموعها 

إن تهبط علي خدودها أن تهبط علي انسان كسرها وكسر كبريائها وانوثتها وحطمها وتركها فتات انثي ...

لاحظ عدنان الدموع في عين حور لذلك هربت لم يرد احراجها فتركها ....

كانت حور داخل الحمام تجلس علي الأرض ودموعها 

تعرق وجهها ورقبتها كانت تضم رجليها الي صدرها وهي تتذكر حياتها الماضية وتتذكر اختها التي لم تراها منذو ٨ اشهر .....

خرجت حور من الحمام بعدما هدئت وذهبت الي المضبخ لتجهز طعام لها ولعدنان ...

عدنان بصوت عالي لكي تسمعه شغف  ...شغف متعمليش حاجة انا طلبت اكل من بره تعالي هايوصل كمان ربع ساعة ...

شغف ...ماشي هاعمل عصير وجايه ....

عدنان ...تمام ...

بعد ربع ساعة جاء الاكل وكانت طول القاعدة حور بتفكر ....

عدنان ....مالك سرحانة في ايه .؟!!!..

شغف ...انا هاحكيلك علي كل حاجة لأن لازم اعرف مين حاول يقتلني معني كده أن في حد يعرف مكاني وإني متراقبة ....

عدنان ...احكي في ايه ياشغف انا حاسس ان وراكي قصة كبيرة ...

شغف .....ها حكيلك انا اسمي حور مازن الهواري ..

حكت حور لعدنان كل شيء حدث معها ابتداء من موت ابيها ومعرفتها بفهد وضياع أموالهم  واغتصاب فهد لها حكت له كل شيء لم تخبئ عنه شيء كانت تحكي وتبكي في نفس الوقت كان جسدها يهتز من البكاء والحزن ...

عدنان بحزن علي هذه الفتاة البريئة وماحدث معها ....مش عارف اقولك ايه بس انتي كده بخطر لان مفيش حد من مصلحته يقتلك غير الي انتي تعرفي سرهم انهم بتاع أعضاء ومتهيالي فهد مش هايحاول يقتلك ....

حور ...متقولش اسمه قدامي ...

عدنان ...خلاص اهدي بس انتي هاتعملي ايه دلوقتي ..

حور ...لازم ابقي قوية هارجع مصر الشهر الجاي اكون خلصت امتحانات ...

عدنان ....امتحانات ايه بقا احنا نسينا كورونا وقفت التعليم ...

شغف ...يبقي هاسافر الاسبوع الجاي هاسافر في اقرب وقت مش هافضل اتفرج لحد ماحاجة تحصل لولادي ...

عدنان ...بعد الشر عنهم خلاص هاسافر معاكي بس قوليلي ايه حكاية شغف دي ...

فلاش باك ...

حور بتردد ...انا عايزة اطلب من حضرتك طلب ...

بيلين ...اطلبي وانت عيوني ليكي ...

حور ...أنا عايزة باسبور يكون باسم غير اسمي عايز ورق غير ورقي خالص ومش عايزة حضرتك تسالي عن السبب وده شرطي علشان اسافر ...

بيلين بتفكير ...هو صعب بس موافقة اكيد عنك سبب قوي يخليكي تعملي كده ودي حاجة تخصك انتي ...

حور بامتنان ...شكرا جدا ...

باك ...

حور ...وفعلا عملتلي باسبور جديد باسم شغف علشان كده محدش عرف يوصلي طول الشهور الي فاتت ....

عدنان باصرار ...هاسافر معاكي حتي لو غصبن عنك ..

حور ...انت عندك حياتك هنا انا معنيلكش حاجة علشان تربط حياتك بيا ...

عدنان بحزن ...بالعكس انتي تعنيلي كل حاجة في الحياة من يوم ماشوفت وانا قلبي انفتحلك وحبيتك بنسي نفسي وانا معاكي بحبك اطفالك من قبل ماشوفهم اكنهم ولادي ....

حور لا تعرف ماذا ترد فكلامه نابع من قلبه الصدق يبان في كلامه ...انا مش عارفة اقولك ايه !!!....

عدنان بحزن ...انا مش عايزك تقوليلي حاجة انا عايزك تفضلي جمبي جمبي انا وبس ...

حور ...ان شاء الله ...

عدنان ...انا هاجهز تذاكر السفر ...

(احيانا الحب بيجي في الوقت الغلط ...بيجي مع اشخاص كنا بنتمني يبادلونا نفس الشعور بس للاسف دائما القدر بيلعب دوره في حياتنا .. بتمني دائما يكون القدر معنا ...الله يسعدكم جميعا )

حور في نفسها الحرب هاتبتدي يافهد هاعمل اي حاجة علشان احمي اولادي هاعمل اي حاجة ...

**

لا تياس ايها القلب ...⁦❤️⁩

فستقابها يوم ما ...⁦❤️⁩

نكتب الكثير والكثير من الكلمات لعلها تخرج مابداخلنا... لعلها تعبر عن حكاياتنا... ولكن من الموءكد ان هناك قصة لا نسيطيع الافصاح عنها لاي شخص... فقط ستظل مجرد درس لنا نتعلم منها.. يوجد بها لحظات تفرح قلوبنا وارواحنا.. ويوجد بها ايضا مايتعب ارواحنا ويجهدها.. ولكن يظل قرارنا محتونا بعدم الافصاح لعلي القدر له كلمة اخري بحكاياتنا... لعلها تتغير الي رواية تغير مجري حياتنا.. لعلها تنقلب الي قصة تحكي قبل موتنا... او تقال قبل نومنا حتي نحظي بحلم... 

كتب فهد هذه الكلمات في مذكراتها ففهد يدون ملاحظاته اليومية يكتب مايحس فيوجد في حياته سر لااحد يعرفه الا ادم ويمكن أن يكون ادم نفسه لايركز فيه موضوع يمثل عقبة كبيرة في حياة فهد ...

قفل فهد مذكراته ووضعها في أحد ادراج غرفة نومه ..

وغير ملابسه وذهب الي احدي شركاته ....

في مكتب فهد ....

دخلت السكرتيرة بملابسها التي تكشف اكثر مما تستر 

....تترنج في مشيتها ووضعت احدي الملفات علي مكتب فهد وقربت منه ووضعت يدها علي صدره باغراء ....

قرب فهد منها وجذبها إليه وقبلها ولكن كان يتذوق شفايفها ويتذكر حور وذلك اليوم اللعين ...بعد عن هذه السكرتيرة وهو غاضب للغاية ....

قربت منه السكرتيرة مرة أخري منه ولكن فهد مسك يدها وثناها خلف ظهرها ...مش عايز اشوف وشك قدامي اطلعي بره بره ..قالها بصوت عالي .

السكرتيرة بألم في يدها ...حاضر ياباشا حاضر تحت امرك ..

فهد والشيطان غالب علي أمره ...استني هاتي شنطتك واسبقيني علي الشقة دي ...

السكرتيرة بفرحة من جواها ...حاضر ياباشا .

ذهبت السكرتيرة وقعد فهد علي كرسي مكتبه وطلع تلفونه ...رعد كل حاجة تمام جبت الزفت الي قلتلك عليه 

رعد ..ايوه ياباشا وهو في المكان الي حضرتك قلت عليه وقمنا معاه بالواجب وقال إنه هايقول لحضرتك علي كل حاجة وللاسف في اخبار مش مطمنه عن الحور ...اظن حضرتك تيجي دلوقتي حالا ...

فهد...خليك معاه انا جاي حالا ....

 سر السعادة ليس بالابتسامة  😌وانما سر سعادتنا في الرضا بقضاء الله  ❤ والصبر علي بلاءه 🙂 والاهتمام بما اعطانا في هذه الحياة من نعم واشياء.  🌹 فقط تحصن بسلاح الامل .. يتبع الفصل الثالث اضغط هنا