رواية ملك وعمر الفصل الثاني 2 بقلم تقى بدر عبر دليل الروايات
رواية ملك وعمر الفصل الثاني 2
" ابتسمت ورجعت براسى لوره واستسلمتله هو وافكاره المجنونه "
_ اسكندريه ولا مطروح.
= ايه !
_ يبقى اسكندريه .
" سكت وانا مصدومه وانا شيفاه طالع ع طريق اسكندريه، أول ماوصلنا دخلنا انا وهو محل شاورما واكلنا كتيير جدا تقريبا كل واحد اكل اكتر من ٨ سندوتشات، طلعنا من المحل واخدناها مشى لحد البحر ، وصلنا هناك وتحت رغبتى الملحه فالنزول للبحر ورفضه الشديد انى البس
" مايوه " اتوصلنا فالاخر لحل يرضى الطرفين وهو اننا ننزل بهدومنا، نزلنا سوا وفضلنا وقت جميل جد وسط اللعب بالمياه، وسباق العوم، وتمثيله الحقير ان بيغرق لحد ما قطعلى الخلف ، طلعنا بعدها بهدومنا المبلوله قعدنا ع الشط وكاننا أطفال مش دكاترة كبيره وليها مركزها.. فضلنا نلعب بالرمل ونبنى بيه ، عملنا راجل وست ماسكين ايد بعض وعملنلهم بيت كبير جميل، كان فى اطفال صغيره بتلعب ع الشط كلهم جم واتجمعو حاولينا، فصلو يلعب معانا ويسعدونا فالبنا ويروحو يجوبولنا مايه من البحر للحظه حستنى امهم وهو ابوهم، خلصنا لعب بالرمل بعدها طلعنا ع مول كبير نشترى هدوم بدل ال احنا بهدلناها دى لانها اصلا مبقتش تنفع تانى ، مكنتش لاقيه حاجه مناسبه ليا فحبيت اجرب حاجه جديده ، اشتريت جلبيه سودا وعليها طرحه موف ، كنت فرحانه بنفسى اوى وانا لابساهم وخصوصا بعد ما طلعتله من البروفا وكان مبهور بالمعنى الحرفى للكلمه، قرر يتهبل هو كمان واشترى جلبيه بيضا ، اول مره فحياتى اشوفه لابس جلبيه حقيقى كانت عظيمه عليا عضلاته كانت مخلياها تقريبا شبه مرسومه عليا .. طلعنا من المول بعدها واحنا تقريبا كل شويه بتنكعبل مش عارفين نمشى من الجلبيات، كانت الساعه حوالى ١٠ بليل وكنا ماشين فشوارع اسكندريه ايدينا فايد بعض لما لقينا قاعه مفتوحه وكان فيها فرح فدخلنا وهو كان عامل كانه خالت العروسه وكان بيسلم ع المعازيم كلهم وكان بيحاول ينظم الفرح مع اننا اصلا منعرفش اى حد؛ رقصنا مع العريس والعروسه ال كانوو مستغربين جدا، بس والله انسجموا معانا وقضو وقت جميل ، جات فقره التورته والمفروض العريس والعروسه هيقطعو وكدا يسكت لا طبعا وقف العريس والعروسه قصاد بعض فنفس الوقت ال وقفنى فيه انا وهو قصاد بعض وقطعنا التورته معاهم واكلنى منها .. فضلنا لحد ما الفرح خلص ومشينا فضلنا ماشين كتير هوا اسكندريه حلو بشكل بليل بيحى الروح وخصوصا لو بتسمع اغانى ل
" محمد سعيد " ، وصلنا لعربيته ال كان راكنها جمب محل صغير قبل ما نركب دخلنا المحل دا اخدنا منه شنطه كبيره وملناها شكولاته كتير ؛ وبسكويت، وشيتوش، سبسى؛ كييك وببسى، اخدنا من كل ال كان موجود ف المحل دفعنا اكتر من ٦٠٠ جنيه ركبنا والطريق كان طويل حوالى اكتر من ساعتين ونص لدرجه اننا خلصنا كل الاكل ال معانا ، وقف العربيه بمكان يشبه الصحراء.. نزلنا من العربيه قالى هنجمع خشب شغلنا الفلاش بتاع الفون وفضلنا ندور ع خشب لحد مجمعنا شويه مش صغيرين ولعلنا وفضلنا قاعدبن حاوليهم، قاعدين جمب بعض هو قاعد وحاطط ايده ورا ضهره وساند بيها ع الارض وانا حاطه راسى ع رجله وبقيت جسمى ع الارض كنا متقاسمين الهاند فرى واحنا بنسمع فيروز وباصين للسما والنجوم فصمت لحد مانا قطعته.
= اليوم كان جميييل يشكل .
_ كنتى وحشانى .
= قول والله.
" اخد تنهيده طويله وبدء يتكلم وهو بيلعب بايده فشعرى " .
_ والله.. ضحكتك كانت وحشانى، هبلك يبنت الهبله كان واحشنى، فرحتك بااقل حاجه كانت وحشانى ، مشاركتك لجنانى بحنان أكبر منه كان واحشنى، لمعه عيونك المختلفه، احساسى معاكى بانى ممكن استغنى عن العالم بيكى .
" اكتفيت ببتسامه فكمل "
_ كان شهر غبى أوى .. شغل المستشفى كان كتير وممل، وبابا طول الشهر دا مش سايبنى فحالى كميه أوراق كان عاوزنى اخلصهاله رهيبه وبهدله فكل حته، وماما عاوزه تسافر لبابا فكنت بجرى لها بالأوراق المطلوبه مكنتش فاضى اتنفس، وآيه الحناكه دى كان ...
" قال كدا وطلعت منى ضحكه معرفش جبتها ازاى تقريبا لو كنا قاعدين فمقابر كانو الميتين صحيوا من علو الصوت "
= حناكه ؟
_ اه والله يبنتى منتى م فاهمه.. عوزانى اقعد احب فيها ٢٤ ساعه، كل شويه منزله صورى استورى ع اغانى نرم انا لو أمير كراره مش هتعمل كدا .. وكل خمس ثوانى تتصل ع حاجات تافهه انتى عارفه دى بتقولى يكوكو ويبيبى !
" ضحكت من قلبى ع طريقه كلامه دى ال عمرها ما فشلت انها تفصلنى ضحك ، كنت عارفه انوا مش هيرتاح غير لما يحكيلى عمل ايه بالتفصيل بالشهر ال فات ، هو متعود ع
كدا "
اتكلم بهدوء وهو بيتسم :-
اضحكى ، منتو متعرفوش ال انا فيه.
_يبنى هتبقى مراتك وام عيالك، احترمها ولو بربع جنيه.
=سيبك أنتى ، المهم مرضيه.
(ببتسامه راضيه )_ فوق ما تتخيل .
=طب تعالى.
" نام ع الرمل وفرد ايديه وقالى تعالى، قومت من ع رجله ورحت نمت ع دراعه حطيب ايدى ع صدره وهو كان باصصلى برقه وحنيه حقيقى مبالغ فيهم ،وفضلنا كدا بنتكلم وهو بيحكيلى ف حكايات وحواديت لحد ما الشمس طلعت ورجعنا "
" اما روحت نمت، فضلت نايمه لحد تانى يوم العصر، صحيت وعملت نسكافيه عشان اقدر اكمل يومى ال هو قرب يخلص اصلا بس م حوار "
" فتحت فيس وكالعادة جريت ع جروب how to move on الجروب دا بيغسلنى من جوايا قسم بالله ال هو بدخل فيه مش بعرف أخرج.. بقلب كالعاده لقيت بوست بيقول
" ارتبطوا بالبست يجماعه وبلاش تمثيل بقا "
ساعتها اتضايقت وحقيقى أتمنينت انو مكانش يبقى مع آيه هو مش حقد ولا غل أنا اصلا عمرى ما اتمنتيت حاجه وحشه لحد بس انا كنت محتجاه يبقى ليا كل حاجه، كنت محتاجه وجوده يبقى دايم، دلوقت مش ضمانه وجوده حتى لاخر الشهر .. ممكن آيه تتضايق من علاقتنا وصحوبيتنا وتقوله طلعها من حياتك ، اتنهدت بتعب ودخلت اشوف الكومنتات كالعاده لقيت بنات ممنشنه لصحابها البنات وبتقولها تعالى نرتبط، وولد بيقول انها اتجوزت، ولد تانى بيقول عندها ملك وعامر ولما بتخرج هى وجوزها بتقعدنى بعيالها، بنت بتقول عملتها ومخطوبين من شهرين، وتانيين بيقولو لاء واحنا صحاب بس احسن ..."
" بعد ما خلصت قرايه منشنت لعُمر وكتبت البست خاطب وقريب هيبقى متجوز "
فونى رن كان فيه مريضه بتسئلنى عن نوع علاج وازاى تستعمله وايه أعراضه خلصت معاها ومفيش ثوانى حوالى نوفكيشن " إشعار " ان عُمر رد عليا روحت اشوفه كاتب ايه لقيته كاتبلى كدا بالظبط
" البست فركش "
ايدى اترعشت الفون وقع كنت مصدومه ال هو انت بتقول ايه يجدع.. حاولت أتمالك أعصابى ع قد ما اقدر وروحت قريت تاتى كتاب ايه يمكن اتلغبطت او قريت غلط لا مش غلط صح طب اى بس يقلب يمهزء انت الله يخربيتك من امتى وانت بتفرح فالمصايب قلب شرير ؛اتصلت بيه و ..
= اا انت بتهزر معايا صح ، طب أمتى وفين ازاى وهى عملت اى طب مقولتليش ليه ، بقيت بتخبى عليا كتير ع فكرا كان نفسى ابقى بكلمك واتس كنت هرزعك حته استيكر مترد يبنى
_ والله انا نفسى ارد من الصبح ، والله يبنتى لسه مفركش تقريبا من ساعه لسه طازه .
= طب طب ليه !
_ انتى متضايقه ليه !
=عمر قوم البس وتعالى البيت حالا .
_ ليه.
= شوف انا بقولك اهه مسافه ما اقفل معاك واقوم اغير الاقيك قدامى.
" مسنتش رده وقفلت بسرعه و قمت غيرت هدومى، ووققت مستنياه فالبلكونه .. مهو م معقول بقا كدا دنا لو كنت بحبه ومرطبطه بيه قلبى م هييقى فرحان كدا ، لمحته جاى ع اول الشارع دخلت جوه بسرعه رهيبه ووقفتله ع الباب واول ما شوفته مسكته من ايده وكنت سحباه ورايا"
= يبنى اخلص ادخل .
ماما:- عمر بنفسه عندنا.
_ ازيك يطنط.
= م وقته يماما م وقته والله.
" اخدته ودخلت أوضتى حدفته ع السرير وقعدت قدامه وانا مربعه ايدى ورجلى "
= ها احكيلى انجز قول .
_ قوليلى اقول ايه وانا هقول علطول .
= سبت آيه ليه ؟
_ عشانك.
= ايييييه!! معلش عندك كدا انت بدبسنى !!
" قام وقف قصاد الشباك واتكلم وهو مدينى ضهره فقمت وقفت وراه "
_ بتقولى اقطع علاقتك بيها
" اتكلمت بصوت مرعوش "
= بب بيا أنا ؟!
_ امم
= وبعدين !!
_ قلعتلها الدبله وسبتاها ومشيت.
= بكل البساطة دى !
" لفلى وأتكلم بعالى"
_ أمال كنتى عوزانى اعمل ايه وهى بتقولى كدا .. !!
انتى عارفه دى قارنت نفسها بيكى وبتقولى اختار يتكمل معايا يتفضلو صحاب .. انتى شوفتى التخلف وصل لحد فين الغريبه انها كانت مفكرانى هختارها هى او هتمسك بيها.
= ماخترتهاش ليه انتوا كنتو خلاص هتتجوزو !
_ امممم .. يعنى انتى عوزانى اضحى بيكى عشناها وكدا ، ال هى دى كنت هعملها اواى ، ازاى هسيبك او ابعد عنك دانا مبعرفش انام غير لما احكيلك تفاصيل يومى حتى لو كنتى عيشاه معايا ، بحسه واجب مدرسه ولازم اعمله عشان اعرف انام وانا مرتاح ومش خايف.. دا انا مش هقولك مبرتاحش اصلا مبعرفش اتكلم غير معاكى، ازاى عاوزانى اضحى بسندى ببير اسرارى ، بال لما بيحصلى اى مشكله ما بجريش على حد غيرها وكأنى عارف انى م هلقى الحل غير معاكى، ازاى
_ ....