رواية صفقة عشق بقلم سمسم الكاتبة سماح نجيب، الرواية كاملة جميع الفصول من الفصل الأول إلى الفصل الأخير عبر مدونة دليل الروايات للقراءة والتحميل pdf
رواية صفقة عشق الفصل الأول
كانت تتأمل وجوه الاطفال السعيدة فى تلك الحديقة التى تحب المجىء اليها فى ذكرى مولدها وها هى قد اكملت عامها العشرون فوالدتها الراحلة كثيرا ما اصطحبتها الى تلك الحديقة لذلك فهذا المكان ذكرى عزيزة على قلبها ولكن فرت دموعها ساخنة على وجنتيها عندما تذكرت والدتها الحبيبة التى رحلت منذ ان كانت فى 12من عمرها ثم تزوج والدها من امرأة اخرى واصبحت حياتها بائسة بسبب زوجة ابيها
ولكنها لمحت طفلة شديدة الجمال تنظر اليها وتبتسم فابتسمت لها فاقبلت الصغيرة بتجاهها
الطفلة......ماما حبيبتى اتاخرتى ليه
نغم باستغراب.....ماما مين يا حبيبتى انتى تايهه ماما فين
الطفلة.....ايه يا ماما مش عرفانى انا بنتك روجين
نغم....روجين فين ماما يا حبيبتى
روجين....انتى ماما يلا علشان انا استنيتك كتير يلا علشان نلعب مع بعض
نغم....الظاهر انك يا حبيبتى ضيعتى من ماما
روجين...لاء يا ماما انا جيت النهاردة علشان اشوفك
نغم....تشوفينى
روجين....ايوة علشان انتى كنتى مسافرة يلا تعالى معايا
نغم....اجى معاكى فين بس
روجين....نروح لبابا ونروح على البيت
نغم..... حبيبتى انا مش ماما
روجين بدموع.....انتى هتسيبينى تانى يا ماما وتسافرى
نغم....خلاص يا حبيبتى متعيطيش تيجى نلعب سوا
روجين بفرحة.....يلا بينا بس بابا هيدور علينا
نغم.....لو دور علينا هقوله انك كنتى معايا
استمتعت نغم باللعب مع هذه الفتاة فنسيت همومها مؤقتا فتلك الصغيرة استطاعت ان تدخل السرور الى قلب نغم
روجين....ماما انا عايزة ايس كريم
نغم...حاضر يا روحى تعالى
اثناء شراء نغم للايس كريم لمحت روجين تركض ناحية رجل وتبتسم
روجين.....بابا
انتى كنتى فين يا روجين كنت بدور عليكى
روجين.....بابا انا لاقيت ماما وكنت بلعب معاها
لقيتى ماما فين
روجين....اهى يا بابا
واشارت الطفلة الى نغم
رأت نغم والد الطفلة فهو على مايبدو فى اواسط الثلاثينات ذو ملامح وسيمة ويبدو عليه الثراء ايضا
روجين ...يلا يا ماما بابا جه يلا نروح البيت
لا تعرف نغم ماذا تفعل
نغم....حبيبتى مش هقدر اجى معاكى
روجين...قولها يابابا تيجى معايا ومتسبنيش وتسافر تانى
انا اسف جدا اذا كانت بنتى ضايقتك
نغم....لا ابدا دى عسولة اوى وحبيتها خالص
انا ابقى أوس العزازى وحضرتك مين
نغم.....انا نغم
أوس....تشرفنا يا انسة نغم
نغم.....الشرف ليا
أوس....يلا يا روجين علشان نروح
روجين بعند.....لاء انا عايزة ماما
نغم.....خلاص يا روجين تعالى نكمل لعب
فرحت الصغيرة واكملت لعب مع نغم حتى غلب الصغيرة النوم
أوس....انا متشكر ليكى على اهتمامك بيها
نغم.....مفيش شكر ولا حاجة هى اللى خليتنى اقضى يوم جميل
أوس....مع السلامة يا آنسة نغم
نغم....مع السلامة
بعد رحيل روجين ووالدها شعرت نغم بالحزن مرة اخرى فقد حان موعد رجوعها الى البيت او اذا صح القول الى الجحيم
...........
فى منزل نغم
كانت زوجة والدها تنتظرها كالعادة عند عودتها الى البيت لكى تسمعها ما يحطم معنوياتها
حسنات......اخيرا جيتى يا برنسيسة
نغم....لا حول ولا قوة الا بالله
حسنات.....بتقولى ايه
نغم.....مبقولش
سيد.....انتى اتاخرتى ليه كده يا بت انتى
نغم.....متاخرتش ولا حاجة لسه بدرى
حسنات.....انتى هتردى على ابوكى كمان يا قليلة الادب
نغم....ربنا يسامحك
سيد.....فين فلوس القبض
نغم.....اتفضل الفلوس اهى
كانت نغم تعمل باحدى مصانع الملابس بسبب اصرار زوجة ابيها على ترك الدراسة واكتفت بالثانوية
حسنات.....روحى الاكل فى المطبخ اطفحى
نغم..... شكرا نفسى اتسدت
حسنات....روحى غيرى هدومك زمان رجب
خطيبك جاى
نغم....قولتلك 100مرة مش هتجوز ابن اختك ده لو اخر واحد فى الدنيا
سيد.....انتى هتردى عليها يا قليلة الادب
نغم.....حرام عليك هو انا مش بنتك
حسنات.....شوفت بنتك وقلة ادبها
نغم.....مش هتجوزه يعنى مش هتجوزه
حسنات.....ومش عاجبك فى ايه بقى يا برنسيسة
نغم.......ده بلطجى ومدمن
حسنات....اخرسى قطع لسانك هتتجوزيه غصب عنك.
وانت يا سيد اعمل حسابك لو بنتك ما اتجوزتش رجب هسيبلك البيت
سيد..... متخافيش هتتجوزه
نغم....انا قولت لاء
فقام والدها بصفعها على وجهها ودخلت الى غرفتها تبكى على حالها
حضر المدعو رجب
رجب....ازيك يا خالتى عاملة ايه
حسنات.....الحمد لله عامل ايه يا رجب
رجب....تمام يا خالتى امال فين البت نغم
حسنات....هنديهالك حالا
ذهبت حسنات لتخبر نغم بمجىء رجب
حسنات.....يلا يا شملولة خطيبك جه
نغم.....قولتلك مش خطيبى ومش هتجوزه
حسنات....قومى البسى هدومك واخرجى اقعدى معاه احسن مش هيحصلك كويس
ارغمت نغم نفسها على الخروج فاذا لم تخرج ستسعى زوجة ابيها على ان تنال نغم ضربا مبرحا من ابيها
رحب بسماجة.....ازيك يا جميل
نغم..... الحمد لله
رجب...هانت يا جميل ونتجوز
كانت تنظر اليه نغم وبعيونها كره كبير لهذا الشخص
رجب.....انتى بتبصيلى كده ليه يا بت انتى
نغم.....لانى انا بكرهك ومش عايزة اتجوزك
رجب.....بس انا هتجوزك غصب عنك
يا خالتى تعالى شوفى البت دى ايه حكايتها
حسنات....فى ايه يا رجب
رحب....الحلوة دى بتقول مش عايزة تتجوزنى
نادت حسنات على سيد والد نغم
حسنات....شوف بنتك يا سيد وعمايلها
سيد....عملت ايه البت دى
حسنات....مزعلة رجب وبتقوله مش هتجوزك
سيد......صحيح يا نغم الكلام ده
نغم....ايوة مش هتجوزه لو هو اخر راجل فى الدنيا
حتى لو اضطريت انى انتحر
سيد.....بس يا قليلة التربية دا انا هموتك النهاردة
حسنات.....خلاص يا سيد احنا هنكتب الكتاب الاسبوع الجاى ورجلها فوق رقبتها
نغم....مش هيحصل الكلام ده
سيد....انتى شكلك اشتاقتى للضرب تانى
وقام والدها بضربها حتى عجزت عن الدفاع عن نفسها
فتمنت ان الله يريحها من هذه الدنيا القاسية
................
بعد انتهاء الاسبوع
حسنات....اعملى حسابك يا برنسيسة كتب الكتاب النهاردة باليل
نغم.....انا هخرج اشترى شوية حاجات
حسنات.....حاجات ايه مش وقته
نغم....هجبهم واجى على طول
حسنات..... ماشى ومتتاخريش احسن مش هتعرفى اللى هيحصلك
نغم....حاضر هاجى على طول
خرجت نغم من المنزل وفى نيتها ان لا تعود ابدا الى البيت حتى لايتم زواجها من المدعو رجب
.........
فى المساء
حضر رجب ومعه المأذون ومعه الشهود
رجب......يلا يا خالتى نغم فين
حسنات....خرجت تشترى حاجات ومرجعتش لدلوقتى
رجب.....بتقولى ايه هتكون راحت فين
حسنات.....مش عارفة انا خايفة تكون هربت
سيد.....هربت راحت فين دى ملهاش مكان تروحه
حسنات.....انا اش عرفنى شوف بنتك كانت ماشية على حل شعرها
رجب.....مليش فيه انا هجيبها من تحت الارض
كانت تمشى فى الشارع تحمل احزانها فى قلبها ودموعها على وجنتيها لا تعرف اى مكان تذهب إليه
ولكن اثناء تفكيرها لم تنتبه للسيارة القادمة باتجاهها والتى صدمتها فاطلقت صرخة رعب وغابت عن العالم
........
كانت تحلم بوالدتها الحبيبة تبتسم لها وتناديها فكم تمنت ان تنتهى حياتها التعيسة فربما هذه فرصتها ولكن الله اراد لها ان تحيا فى هذه الدنيا مرة اخرى
نغم.....ماما متسبنيش استنى يا ماما خودينى معاكى ماما ماما لااااااااااء
واطلقت صرخة مدوية استفاقت على إثرها فنظرت حولها فوجدت من ينظر اليها
نغم بدهشة.....انتى
صفقة عشق الفصل الثاني
استفاقت نغم من نومها بعد اطلاقها صرخة قوية ووجدت من ينظر اليها
نغم بدهشة.....انتى
روجين....ايه يا ماما كل ده نوم اصحى بقى
نغم.....انا نايمة بقالى كتير
سمعت نغم صوتا
أوس.....بقالك 3 ايام
نغم.....هو ايه اللى حصل
أوس......كنت ماشى بالعربية ولولا ستر ربنا كنتى اتصابتى جامد بس انا فرملت العربية وانتى من الخضة اغمى عليكى ولما جبت الدكتور قالى ان جالك صدمة عصبية وكنتى رافضة تفوقى
روجين......انتى سيبتينى ليه يا ماما وسافرتى تانى
نغم.....معلش يا حبيبتى
روجين...... خلاص انتى جيتى البيت ومش هتمشى تانى صح
لم تعرف نغم بماذا تجيب الطفلة
أوس.....روجين حبيبتى يلا روحى للدادة علشان تفطرى
روجين....بابا انا هفطر مع ماما مش كده يا ماما
نغم.....حاضر يا حبيبتى هناكل سوا
روجين....بس انتى اللى هتاكلينى
نغم.....حاضر
أوس.....انا هقولهم يحضروا الفطار ويجيبوه هنا تاكلوا سوا
كانت نغم تنظر اليه بامتنان فهى لم تنسى يوم ان قابلت الطفلة وقابلته هو ايضا وكانت تتذكر ملامحه فملامحه من الصعب نسيانها واكثر ما يميزه هو لون عينيه الزرقاء التى تشبه لون السماء الصافية
نغم....شكرا على كل حاجة
أوس..... لاشكر على واجب
اكلت نغم مع روجين وكانت الطفلة سعيدة جدا بوجود نغم
روجين.....ماما لما نخلص اكل تعالى نلعب فى الجنينة برا
نغم.....مش هينفع انا لازم امشى
روجين ببكاء......ماما هاجى معاكى متسبنيش تانى
أوس...... متخافيش يا حبيبتى ماما مش هتمشى
هذا ما تمنته نغم فهى لا تريد ترك الطفلة التى منذ ان قابلتها احست بانها مازالت على قيد الحياة
أوس.....روحى هاتى العروسة بتاعتك علشان تلعبى بيها مع ماما
روجين بفرح.......حاضر
بعد ذهاب الصغيرة
نغم......انا اسفة مقدرش اقعد
أوس.....عارف بس انا قولتلها كده علشان متعيطش
نغم.......انا عايزة اعرف هى بتقولى ماما ليه
أوس.....هى مامتها ماتت وهى كانت صغيرة وكنت دايما اقولها انها مسافرة واليوم اللى قابلتك فيه كنت قايلها هنروح الجنينة وماما مستنيانا هناك على اساس اروح وتشوف الاولاد وتلعب معاهم وتنسى الموضوع بس لما لاقيتك انتى قاعدة لوحدك افتكرتك انك مامتها
أوس...... تحبى اوصلك البيت
نغم......شكرا انا هروح لوحدى
أوس....لاء تعالى هوصلك مينفعش تروحى لوحدك
ولكن اثناء ذهاب نغم لمحتها روجين
روجين.....ماما استنى راحة فين
ولكن اثناء نزولها سقطت الصغيرة من على السلم
أوس.....روجين حبيبتى فى ايه
روجين بدموع......بابا متخليش ماما تمشى
أوس.....اهدى يا حبيبتى
روجين.....لاء انا عايزة ماما
نغم.....خلاص يا حبيبتى مش همشى
روجين....بجد
نغم.....ايوة
فربما ارسل الله هذه الطفلة لكى تتخلص نغم من حياتها التعيسة
...........
فى منزل والد نغم
سيد.....وبعدين فى البت اللى مش لاقينها دى
حسنات....تلاقيها دايرة على حل شعرها
سيد.....بس انا اشوفها وهى مش هيحصلها طيب
سمعوا جرس الباب
سيد......قومى افتحى شوفى مين
فتحت حسنات الباب وكان رجب
رجب.....ازيك يا خالتى
حسنات .....ادخل يا رجب
سيد.....عرفت اخبار عنها يا رجب
رجب.....ايوه طلعت قاعدة فى بيت راجل باين عليه راجل غنى اوى
سيد.....ودى تعرفه منين دى
حسنات ....شوف بقى بنتك المصونة كانت بتعمل ايه من وراك
رجب.....احنا هنروح نجيبها وهتجوزها واعلمها الادب
.........
فى منزل أوس العزازى
روجين...ماما انا عيزاكى تيجى نشترى فساتين ولعب كتير على طول كنت بشوف اصحابى بيروحوا مع مامتهم ويشتروا حاجات كتير
قامت نغم باحتضان الطفلة
نغم.....حاضر يا روحى
أوس..... آنسة نغم فى ناس جايين عاوزينك
نغم برعب.....مين
أوس.....باباكى ومراته وخطيبك
عند سماع نغم هذا الكلام وجدت الدموع تسيل على خدها
أوس.....انتى بتعيطى ليه
نغم.... مفيش
روجين.....تعالى يا ماما نشوف مين
كانت نغم تمسك بيد الطفلة وكانها تستمد منها القوة لمواجهة هؤلاء الناس
روجين.....انتوا مين وعايزين ماما ليه
سيد....ماما مين مين دى يا بت انطقى
روجين....متعليش صوتك على ماما ماشى
حسنات......مش قولتلك بنتك حطت شرفك فى الطين وطلعت مخلفة كمان
رجب.....ازاى الكلام ده يا ناس انطقى يا نغم
أوس.....اهدوا يا جماعة
رجب....نهدى ازاى يا باشمهندس
سيد.....يلا معايا على البيت انا هربيكى من اول وجديد
نغم.....انا والله معملتش حاجة
حسنات...امال ايه اللى شايفينو ده
رجب.....انتى هتنطقى ولا اخلص عليكى دلوقتى
أوس.....هتخلص عليها ازاى يعنى
رجب..... ملكش فيه
أوس بتهديد.....احترم نفسك احسن مش هيحصلك كويس
رجب....هتعمل ايه يعنى يا استاذ
أوس..... احسنلك متعرفش
رجب.....انت بتهددنى يعنى ولا ايه
أوس.....انا مبهددش انا بنفذ على طول
رجب......دى خطيبتى وهاخدها غصب عن اى حد
أوس.....ورينى كده هتاخدها ازاى
سيد.....يلا يا نغم
روجين.....ماما مش هتيجى معاك انت راجل وحش
حسنات.....بس يا حلوة انتى
روجين...... اسكتى خالص يا شريرة مش هى يا ماما شبه الساحرة الشريرة اللى كانت فى فيلم الكارتون
حسنات..... ساحرة شريرة انا هوريكى الشر على اصوله يا نغم هانم
كانت تنظر اليها نغم ويملؤها الرعب فهى تعرف زوجة ابيها لن ترضى سوى بضرب نغم حتى لايبقى على موتها الا القليل فربما كلمة ساحرة شريرة قليل عليها
رجب...... احنا مش هنفضل نرغى كتير يلا يا نغم
احست نغم بالخوف مما سوف يحدث لها
لمح أوس الخوف عليها وارتجافها وأحس بالشفقة عليها من منظر اتساع عينها من الخوف
أوس....نغم مش هتخرج من هنا
سيد ...دى بنتى وهاخدها
حسنات.....بص يا استاذ احنا مش عايزين مشاكل هناخدها ونمشى
روجين.....بابا متخليهمش يا خدوا ماما
بكت الصغيرة كثيرا وتألمت نغم لبكاءها لكنها لا تعرف ماذا تفعل فهذا قدرها فستعود الى بيت أبيها وربما ستتزوج رجب وتقضى بقية عمرها فى مأساة حقيقية
رجب فى سره.....بس لما تروحى يا نغم مش هخلى فيكى حتة سليمة
أوس......طب ممكن تهدوا واشربوا حاجة وهنتكلم
سيد.....مفيش كلام خلاص انا عايز بنتى
حسنات.....مايلا يا بنتى بقى تعبتينا معاكى
كانت تريد نغم معجزة إلهية تنقذها من هذا المأزق
نغم فى سرها......يارب ساعدنى يارب وارحمنى من الناس دى
روجين.....اللى هياخد ماما منى هموته
ماما متروحيش معاهم دول ناس وحشة هيخلوكى تعيطى يا ماما
كانت نغم تبكى لا تعرف ماذا تفعل
رجب.....احنا هنفضل نرغى طول النهار
أوس....ما قولتلك احترم نفسك
رجب.....انا محترم غصب عن اى حد
أوس.....الظاهر انت متعرفش بتتكلم مع مين
رجب....هنكون بتكلم مع مين يعنى عزرائيل
أوس.....الظاهر فعلا هديك ميعاد مع عزرائيل النهاردة
سيد.....بس يا رجب
حسنات....احنا هنخلص فى يومنا ده ولا لاء
كان رجب يريد اخذ نغم فعندما حاول مسك يديها وجد أوس يمسك يده قبل ان تصل اليها
رجب.....فى ايه يا استاذ انت
أوس.....فى كل خير
سيد.....هو فى ايه بينك وبينها بالزبط
أوس....بينى وبينها كل خير
حسنات.....يعنى ايه مش فاهمين
سيد....وضح كلامك يا استاذ
أوس....هو ايه اللى مش واضح فى كلامى
رجب.....انت عايز منها ايه
أوس......مش عايز حاجة
سيد.....خلاص سيبنا ناخدها
أوس....مش هينفع
رجب.....هو ايه اللى مش هينفع
أوس....ان نغم تروح معاكم
حسنات.....ليه بقى ان شاء الله
أوس....علشان نغم تبقى مراتى
اتسعت اعينهم من الصدمة وخصوصا نغم
سيد....انت بتقول ايه
أوس.....هو ايه اللى مش مفهوم فى كلامى
بقولك نغم تبقى مراتى
رجب.....صحيح الكلام ده يا نغم
نغم..
صفقة عشق الفصل الثالث
أوس....هو ايه اللى مش مفهوم فى كلامى بقولك نغم تبقى مراتى
رجب....صحيح الكلام ده يا نغم
نغم...... أنا أنا
سيد.....انتى ايه يا بت انتى انطقى
حسنات....والله عال يا سلام على الادب والتربية
كان سيد يريد ضرب نغم ولكن انقذها أوس
أوس.....بقولك حضرتك مينفعش كده لازم نقعد نتكلم ونتفاهم
سيد.....نتفاهم على ايه انت ضحكت على بنتى
أوس....حضرتك انا ممكن ادفعلك المهر اللى تطلبه
سيد ....انا مببعش بنتى
حسنات ....استنى يا سيد نفهم الكلام الاول
رجب....كلام ايه اللى نفهمه يا خالتى
حسنات.....اللى حصل حصل والفلوس هتبقى احسن منها
أوس....وانا عندى استعداد ادفعلكم المهر اللى تطلبوه
إيه رأيك فى ربع مليون جنية
اصابت الدهشة كل من سيد وحسنات ورجب
حسنات..... ربع مليون جنيه بحالهم
سيد.....بس ده شوية
أوس.....حضرتك عايز كام
سيد....عايز نص مليون جنيه
أوس.....بس كده انا هكتبلك شيك بيهم ولو عايز اكتر ممكن ادفعلك
حسنات بطمع.....هتدفع كام
أوس....هديكم شيك بمليون جنية
حسنات.....يالهوووى دى كله
رجب.....ايه السر فى انك عايز تدفع ده كله
أوس....شىء ميخصكش
سيد.... ماشى موافق بس عايز فلوسى كاش
أوس....موافق بس هتاخدهم بعد كتب الكتاب علشان احنا كنا متجوزين عرفى
حسنات.....ماشى يا باشا موافقين
كانت نغم تستمع اليهم وكأن الكلام لا يخصها فماذا يحدث والدها يزايد عليها مقابل المال
نغم.....هو ايه اللى بيحصل بالزبط
أوس....تعالى معايا يا نغم وانتوا اتفضلوا لحد ما المأذون ييجى والفلوس تجهز
........
فى مكتب أوس
أوس.....انا أسف جدا على اللى حصل بس انا شوفت الرعب فى عينك منهم فقررت ان اعمل كده علشان احميكى منهم
نغم.....بس ليه ده كله
أوس....علشانك وعلشان خاطر روجين هى اتعلقت بيكى
نغم.....لدرجة انك تتجوزنى
أوس.....صدقينى هيبقى جواز صورى بس ولو حبيتى ننفصل فى اى وقت انا موافق
وافقت نغم على الزواج من أوس فهذا ارحم من ان تصبح زوجة رجب
تم كتب كتاب نغم على أوس وقبض والدها ثمن زواجها فشعرت كأنها سلعة للبيع ووالدها قام ببيعها
هى لا تلوم أوس على ما فعله فهو فعل ذلك من اجل مساعدتها ومن اجل ابنته ولكنها لا تسامح والدها على التفريط بها مقابل المال
حسنات بحقد....اه يا بنت المحظوظة
اخذ سيد المال وزوجته و رجب وغادروا المنزل
روجين....ماما هتفضلى معايا
أوس....ايوة يا حبيبتى هتفضل معاكى
لاتعرف نغم هل تشعر بالسعادة لتخلصها من رجب ام بالمهانة لانها تزوجت عن طريق صفقة عقدها والدها عليها
أوس....نغم خدى راحتك ده بقى بيتك
اصرت روجين على ان تنام فى احضان نغم واصبحت روجين ووالدها اهم شىء بحياة نغم
.......
فى احد الايام
نغم.....هو انا ممكن اطلب من حضرتك طلب
أوس.....اكيد طبعا اتفضلى
نغم....انا عايزة اكمل دراستى
أوس....حابة تدرسى ايه
نغم.....فنون جميلة
أوس....انتى بتحبى الرسم
نغم....ايوة طول عمرى
أوس.....اوك ماشى هخلصلك الاوراق المطلوبة
نغم بامتنان...... متشكرة جدا
أوس....انا اللى متشكر كفاية انك من ساعة ما ظهرتى فى حياة روجين وهى بقت عايشة زى بقية الأطفال
نغم.... روجين بقت اهم حاجة فى حياتى
أوس بمكر......روجين بس
نغم...هاا عن اذنك اشوف روجين
أوس بابتسامة .....اتفضلى
احست نغم بان وجهها اصبح اشد احمرارا من الطماطم فعندما تنظر لأوس لا تمنع نفسها من التأمل فى ملامح وجهه وعندما يراها تصبح فى شدة الخجل والتوتر
......
ذات يوم
أوس....خلاص انا خلصت اجراءات دخولك الكلية وتقدرى تروحى فى بداية الدراسة
نغم بفرحة....بتتكلم جد
أوس....ايوة طبعا
نغم.....انا مش عارفة اشكرك ازاى
أوس.....مفيش داعى للشكر ومتنسيش انك مراتى وليكى الحق تطلبى اللى انتى عوزاه
كانت نغم تريد القول انها لاتريد من الدنيا سواه هو وروجين فمنذ ظهورهم بحياتها اصبحت حياتها افضل بعد ان كانت حزينة وتشعر انها كالأموات
أوس.....على فكرة انا هاخدك انتى وروجين علشان تتعرفى على عمتى هى نفسها تشوفك بعد ما حكيتلها عنك
نغم.....هو حضرتك ملكش قرايب غيرها
أوس بابتسامة.....حضرتك على فكرة اسمى أوس ومش صعب جربى تقوليه كده
نغم بخجل....مش هقدر
أوس....جربى كده بس
نغم.... أوس
أوس....مكنتش اعرف ان اسمى حلو كده
شعرت نغم بالخجل الشديد فهو يتعمد اغاظتها
أوس....ايوة مليش قرايب غير عمتى نادية
.......
اثناء لعب نغم مع روجين لمحت امرأة شديدة الجمال والجاذبية والأناقة تنظر اليها نظرات غير ودية وتقيمها من رأسها الى قدميها
نغم.....مين دى يا روجين
روجين....دى طنط مي
نغم......اهلا بحضرتك
مى....اهلا انتى بقى تبقى مرات أوس
نغم.....ايوة وحضرتك مين
مى....انا يعتبر خالة روجين ابقى بنت عم مامتها شهيرة
نغم.....اه اتفضلى
روجين....طنط مى شوفتى ماما رجعت من السفر
مى ......ماما ودى تيجى ايه فى مامتك
بقى أوس بعد شهيرة يتجوزك انتى
نغم..... حضرتك عايزة ايه
مى..... جيت بس اشوف مين دى اللى أوس اتجوزها
سمعت مى صوت أوس
أوس....وشوفتيها يا مى ايه رأيك
مى.... رأيى بقى دى زى شهيرة اللى مكنش فى حد فى شياكتها وجمالها
أوس.....ومالها نغم بقى الصراحة مشوفتش حد جميل جمال طبيعى زيها ومتنسيش هى بقت مرات أوس العزازى اللى مش هقبل اى حد يدوسلها على طرف مفهوم يامى
مى.....مفهوم يا أوس
بعد رحيل مى
روجين....طنط مى دى رخمة اوى
أوس....عيب كده يا روجين
روجين....هى زعلت ماما
أوس.....انا أسف على اللى حصل يا نغم
نغم..... متتأسفش انت ملكش ذنب بس الظاهر انى فعلا مش لايقة انى اكون مراتك
أوس.....مش عايز اسمع الكلام ده تانى ماشى ويلا بينا علشان نشوف عمتو
.......
فى منزل عمة أوس
نادية.....حبيبى وحشتنى وانتى يا روجين
روجين.....وانتى كمان يا نانا
نادية ...قلب نانا انتى تعالى يا حبيبتى انتى نغم
نغم....ايوة
نادية.... ماشاء الله عليكى زى القمر
نغم..... شكراً
أوس....عمتو انا هسيبلك نغم وروجين عندى شغل مهم وهرجع اخدهم
نادية..... ماشى يا حبيبى
خرج أوس وظلت نغم تتابعه بعينها حتى غاب عنها سمعت صوت عمته
نادية.....عسول مش كده
نغم بخجل....ها هو مين
نادية .....اللى انتى هتاكليه بعينك
لا تعرف ماذا تقول فنظرات عينها تفضحها
نادية.....انتى مكسوفة ليه كده هو عيب ان الواحدة تحب جوزها
روجين.....نانا انا عايزة اركب خيل
نادية..... بلاش لو باباكى عرف مش هيسكت كفاية اللى حصل اخر مرة
روجين....طب هتفرج عليه بس
نادية..... ماشى تعالى يا نغم شوفى الخيل انتى كمان
كانت عمة أوس شديدة الطيبة واحبتها نغم جدا فاحيانا كثيرة تفكر كيف تبدل حالها فمن زواجها من رجب اصبحت زوجة أوس ومن معاملة زوجة ابيها القاسية الى معاملة عمة أوس الودية واللطيفة التى تعاملها كأبنتها فكانت عندما تصلى تشكر الله على ما رزقها من محبة هؤلاء الناس
نغم....الله شكلهم حلو اوى
نادية....كان جوزى الله يرحمه من عشاق الخيل
نغم....الله يرحمه وحضرتك عايشة لوحدك
نادية....ربنا ما ارأدش ان يبقى عندى اولاد بس عوضنى بأوس وروجين ودلوقتى بقى عندى بنت كمان انتى يا نغم
كانت نغم هذه اول مرة تسمع كلام يطيب خاطرها منذ وفاة والدتها
روجين.....يانانا مش طنط مى جت عندنا
نادية....كانت بتعمل ايه دى عندكم
روجين....قالت لماما كلام زعلها
نادية.....هى مى كده ومش هتتغير
نغم.....بس ليه حاسة انها كرهانى ومش طيقانى
نادية....علشان انتى اخدتى منها أوس
نغم....يعنى ايه
نادية....ايوة هى كانت عايزة تتجوز أوس وانتى جيتى ضيعتى عليها الفرصة
نغم.....ودى هعمل معاها ايه
نادية....ولا حاجة اللى انتى متعرفيهوش ان مى اخر واحدة يفكر أوس يتجوزها
نغم....ليه انا شايفة انها جميلة وشيك واى راجل يتمناها
نادية.....بس مش أوس
نغم باستغراب.....ليه يعنى
نادية.....علشان مى السبب فى انتحار شهيرة مرات أوس
نغم....ايه هى مامت روجين انتحرت
نادية.... ايوه والسبب كانت مى بنت عمها
نغم.....ازاى ده حصل
نادية.. هقولك...
الفصل الرابع
نغم.....ايه هى مامت روجين انتحرت
نادية.....ايوة والسبب مى بنت عمها
نغم.... ازاى ده حصل
نادية.....هقولك الحكاية بدأت لما أوس سافر يكمل تعليمه برا مصر كانت شهيرة ومى بيدرسوا فى نفس الجامعة معاه وبحكم انهم من بلد واحدة أوس كان واقف جمبهم فى اى حاجة علشان هما كانوا بنتين لوحدهم فى الغربة وجواز أوس من شهيرة بدأ برهان بين شهيرة ومى على اللى هتقدر تخليه يحبها ويتجوزها
نغم باستنكار.....ايه كانوا بيتراهنوا عليه
نادية .....ايوة وفعلا أوس اتجوز شهيرة
نغم.....وهو عرف موضوع الرهان ازاى
نادية.....من شهيرة هى اللى قالتله على اساس ان الموضوع هزار
نغم....وهو تقبل الموضوع
نادية.....كان خلاص بقت شهيرة مراته
نغم....وايه اللى حصل
نادية....شهيرة حبت أوس حب مرضى كانت عيزاه ملكها هى وبس لدرجة ان فى فترة بسببها خسر كتير فى شغله بسبب غيرتها وشكوكها فيه فى الفترة دى ابتدت مى تقرب من أوس بس هو كان بيعاملها عادى بحكم انها بنت عم مراته بس مى مقتنعتش ووهمت نفسها ان أوس بيحبها والمفروض يكون من نصيبها هى
نغم.....وهو ده السبب فى انتحار شهيرة
نادية....ايوة مى قالت لشهيرة ان أوس بيحبها هى واقنعتها ان فى علاقة بينهم أوس حاول يفهمها ان ده مش صح بس هى رفضت تصدقه وانتحرت
نغم....لا اله الا الله ازاى هانت عليها نفسها كده
نادية....بسبب تملكها وهوسها بأوس وبسبب كلام بنت عمها اللى قالتهولها عن أوس وانه بيخونها
نغم.....وهو عمل ايه لما مراته انتحرت
أوس....نفسيته تعبت بسبب ان مراته ماتت بسبب حاجة ملهاش وجود وسابتله روجين بنت صغيرة علشان كده مكنش بيقول لروجين غير ان مامتها مسافرة
ظلت نغم تفكر فى أوس وكيف ان امرأتين حاولوا الاستيلاء عليه عن طريق رهان تافه بينهم
نادية....بس دلوقتى انا عندى امل ان أوس يعيش حياة طبيعية مع واحدة بتحبه
كانت نغم تنظر اليها بخجل ولا ترد
نادية بابتسامة....واخدة بالك يا واحدة من اللى بقوله
ابتسمت نغم من كلام عمة أوس
روجين.....ماما انا جعانة
نادية....تعالوا يلا زمان أوس جاى نتغدى مع بعض
حضر أوس ووجد نغم تتحدث مع عمته فعلى ما يبدو انه نشأت بينهم علاقة ودية
أوس.... السلام عليكم
نغم ونادية..... وعليكم السلام
نادية.... كويس انك جيت يلا الغدا جاهز
بعد الغدا استأذن اوس ونغم للذهاب
نادية.....مع السلامة خلى بالك منهم يا أوس
أوس....قوليلهم هما اللى يا خدوا بالهم منى
نادية...هههه حاضر سمعتى يا نغم انتى وروجين خدوا بالكم من أوس
نغم بابتسامة....حاضر
.........
قامت نغم برسم صورة لروجين
روجين....الله يا ماما دى جميلة اوى
نغم....عجبتك
روجين.....ايوة تعالى نعلقها فى الاوضة بتاعتى وهترسميلى صور كتير تانى ماشى
نغم.....ماشى يا روحى
رسمت نغم العديد من الصور لروجين وكانت الصغيرة سعيدة جدا وايضا رسمت نغم صورة لأوس ولكن هذه الصورة لم يراها احد فهى تحتفظ بها تحت وسادتها قبل النوم تظل تتأمل الصورة وتحدثها بما فى قلبها فهى لا تغمض عينها الا بعد رؤية صورته
.........
بدأ العام الدراسى كانت نغم متحمسة جدا للذهاب الى الجامعة فهى عالم اخر غير العالم الذى اعتادت عليه
أوس....كان يومك النهاردة كويس
نغم بحماس.....جدا كنت مبسوطة اوى انى شفت ناس واتعرفت على اصحاب من الكلية
أوس بغيرة....ولاد ولا بنات
نغم....بنات طبعا انا مبصاحبش أولاد
اطمئن قلب أوس من كلام نغم
روجين.....بابا انا عايزة نونو
أوس.....عايزة إيه يا حبيبتى
روجين.....عايزة نونو واحدة صاحبتى مامتها جابت نونو
أوس....هههههه قولى لماما
نغم بعيون متسعة.....ايه
أوس.....ايه يا ماما روجين عايزة نونو
نغم.....اشتريه يعنى من السوبر ماركت ولا اعمل ايه
لايعلم أوس لماذا يتعمد اغاظة نغم فهو يعشق وجهها عندما يتلون باللون الاحمر من الخجل والكسوف
........
فى احد الايام
أوس....نغم فى خبر مش كويس
نغم بقلق...فى ايه
أوس....باباكى فى المستشفى
نغم....ليه ايه اللى حصل
أوس.....مراته وابن اختها حاولوا يقتلوه
نغم.....ازاى ده لو سمحت انا عايزة اروح اشوفه
أوس .....اكيد طبعا يلا بينا
ذهبت نغم مع زوجها لرؤية والدها
نغم بدموع.....بابا الف سلامة عليك
سيد بصوت متعب.....نغم الحمد لله انى شوفتك قبل ما اموت
نغم .....بعد الشر عليك يابابا
سيد....سامحينى يا بنتى على اللى عملته فيكى بس انا اخدت جزاءى
نغم......متقولش كده ان شاء الله هتبقى كويس
كانت نغم لا تسيطر على دموعها فبرغم معاملته القاسية لها مازال هو والدها
سيد.... خلاص نهايتى قربت وكمان حسنات ورجب هياخدوا جزاؤهم كل اللى ظلمك نال جزاؤه
بس سامحينى يا بنتى علشان ربنا يسامحنى
نغم ببكاء....والله مسمحاك يا بابا
سيد....خالى بالك من نفسك وجوزك راجل هيحافظ عليكى
بعد نطقه هذا الكلام اسلمت روحه الى خالقها
نغم.....بابا بابا رد عليا
أوس.....البقاء لله يا نغم
نغم.....قوله انا مسمحاه بس يصحى
أوس....اهدى يا نغم دى ارادة ربنا
ظلت نغم متمسكة بثياب أوس وتبكى بشدة على والدها وهو يواسيها
بعد انتهاء العزاء عادت نغم الى بيت زوجها
روجين.....ماما انتى كنتى فين
نغم..... معلش يا حبيبتى
روجين.....انتى كنتى بتعيطى يا ماما
أوس.....روجين حبيبتى ماما تعبانة شوية خديها علشان ترتاح
روجين ..... حاضر يا بابا يلا يا ماما
صعدت نغم الى غرفتها ومعها روجين وجلست على السرير وكانت تبكى
روجين....ماما بتعيطى ليه
نغم....مفيش حاجة يا روحى
روجين.....طب نامى وانا هحكيلك حدوتة
نغم.....ماشى
قامت روجين باحتضان نغم وقصت عليها بعض قصص الاطفال التى تقرأها حتى نامت نغم على صوت الصغيرة
.........
كان أوس مراعيا لشعور نغم وحاول ان يخرجها من حالتها النفسية فاقترح عليها ان يسافروا
أوس.....ايه رأيك لو نسافر اى مكان تغيرى فيه جو
نغم..... ماشى
روجين بحماس......هنسافر فين يا بابا
أوس.....تحبى تروحى فين يا نغم
نغم.....اى مكان
روجين......انا عايزة اروح الغردقة
أوس.... ماشى نروح الغردقة ونتغردق كلنا
ابتسمت نغم على كلام أوس
أوس.....ايوة كده اضحكى
نغم....ربنا يخليكوا ليا
سافروا الى الغردقة وابتدت نغم تخرج من حالتها النفسية السيئة
استمتعت نغم بقضاء الاجازة برفقة أوس وروجين
كانت تجلس امام البحر وقت الغروب ولاتعلم ان هناك من يراقبها بعينه وهى جالسه على الشاطىء تشبه الحوريات
ويتمنى الذهاب اليها ليخبرها بما فى قلبه ولكنه يخاف ان تكون لا تبادله نفس شعوره نحوها ففضل الصمت
أوس.....انبسطتى بالاجازة
نغم......اوى متشكرة على كل حاجة
أوس....مفيش شكر ما بينا يا نغم
روجين....بابا دى طنط مى جت
أوس.....ايه اللى جابها دى
مى...... هاى اخباركم ايه
أوس.....الحمد لله انتى جاية لوحدك
مى..... لاء جاية مع جماعة اصحابى
ازيك يا مدام نغم
نغم......الحمد لله وانتى عاملة ايه
مى..... كويسة
نادت مى على احد أصدقائها وكان هذا الشاب دكتور بكلية نغم فعرفته على الفور
مى.....سيف تعالى اعرفك
دا أوس ودى تبقى نغم وروجين
سيف....اهلا هو انا ليه حاسس انى شوفتك قبل كده
أوس.....شوفتها فين
نغم....حضرتك بدرسلى فى الكلية
سيف.....ايوة انتى البنت اللى الدفعة مسمياها صاحبة الجمال الحزين
أوس....نعم
عند سماع نغم هذا الكلام لم تمنع وجهها من الاحمرار فهذه عادتها عندما يتحدث اليها احد ولكن أوس فسر احمرار وجهها تفسيرا خاطيء انه ربما سعيدة باعجاب سيف بلقبها
نغم.....الصراحة اول مرة اسمع اللقب ده
سيف.....بس يليق بيكى
نغم ....شكرا
كان أوس يتابع حديثها مع سيف ويشعر بنيران الغيرة تكاد تحرق قلبه
مى بلؤم....بطل بقى يا سيف كسفت نغم
أوس....عن اذنكم علشان مصدع شوية
سيف....اتفضل فرصة سعيدة انى قابلتكم
نغم.... شكرا عن اذنكم
كان أوس يتابع نظرات سيف لنغم فهو لم يخفض عينه عنها وكان أوس يريد كسر رقبته على النظر الى زوجته
........
أوس.....على فكرة بكرة هنرجع القاهرة
نغم....ليه فى حاجة
أوس.....لاء مفيش عن اذنك تصبحى على خير
لاحظت نغم تغيير فى معاملة أوس لها فاصبح لايتحدث إليها كثيرا مثل قبل ولكنه كان متحفظ فى التعامل معها وهى لا تعرف ماسبب تغيره
......
فى الكلية
سيف....على فكرة يا نغم فى معرض للرسم هتشارك فيه الكلية لو انتى حابة تشتركى فيه
نغم....ان شاء الله شكرا يا دكتور سيف
اثناء تحدث نغم مع سيف حضر أوس لاخذ نغم الى المنزل ولكنها لم تراه وعندما وجدها تتحدث مع سيف زادت غيرته عليها فذهب دون ان تراه
.......
فى المنزل
روجين.....ماما تعالى ذاكرى معايا
نغم....حاضر هو بابا لسه موصلش
روجين....لاء وصل وهو فى اوضته
استغربت نغم من تصرفات أوس فصعدت لتراه قامت نغم بطرق الباب
أوس....ايوه مين
نغم....انا نغم
أوس.... ادخلى خير فى حاجة
نغم..... ابدا انا بس بطمن عليك
أوس....انا كويس متشكر لسؤالك
ارادت نغم البكاء بسبب لهجته الجافة معها ولكنها تمالكت نفسها
نغم.....انا أسفة ان كنت ضايقتك
ساعدت نغم روجين فى مذاكرة دروسها ثم ذهبت الى غرفتها لترسم، ولكنها تركت القلم من يدها وظلت تفكر فى زوجها وارتسمت ابتسامة جميلة على ثغرها الوردى فهى تريد ان يشعر بها ويعرف ان قلبها اصبح ملك له فقط
ترددت مى على المنزل عدة مرات وكأنها تثبت لنغم انها تستطيع سلب أوس منها
مى.....عاملة ايه فى الكلية يا نغم
نغم....الحمد لله
مى....دا سيف بيقولى انك شاطرة اوى فى الرسم
عند سماع أوس اسم سيف زادت غيرته
أوس......نغم شاطرة فى كل حاجة
لاتعلم نغم هل هذا مدح منه ام ماذا
مى.....ما سيف بيقول كده برضو
بعد ذهاب مى لم يستطيع أوس تمالك اعصابه
أوس.....هى ايه حكايتك مع سيف ده
نغم....انت قصدك ايه
أوس....قصدى انتى فهماه
نغم....انت اتجننت
أوس....حاسبى على كلامك مفهوم
نغم..
الفصل الخامس والأخير
أوس.... هى ايه حكايتك مع سيف ده
نغم.....انت قصدك ايه
أوس.....قصدى انتى فهماه
نغم.....انت اتجننت
أوس......حاسبى على كلامك مفهوم
نغم......احاسب على كلامى يعنى اسيبك تتهمنى فى اخلاقى واسكت
أوس.....انا متهمتكيش انا عايزة اعرف فى ايه بينك وبينه
نغم......هيكون فى ايه يعنى هو دكتور وانا طالبة اكتر من كده مفيش
أوس.....بجد يا صاحبة الجمال الحزين
نغم......انت مش طبيعى على فكرة
أوس....انا اللى مش طبيعى الغريب تتكلمى معاه وجوزك تتهربى منه مش كده
نغم......ماهو الخاين بيفتكر ان كل الناس زيه
أوس....قصدك ايه
نغم..... أسأل نفسك وشوف حكايتك انت مع الست مى يا أوس بيه
أوس...ومالها مى
نغم......مالهاش شوف انت بتتعامل معاها ازاى اليومين دول ومتحكمش عليا بمقياسك
أوس.....تقصدى ان انا خاين
نغم.....انا مقصدش حاجة عن اذنك
أوس......لاء استنى فهمينى تقصدى ايه
نغم.... انت عايز ايه منى بالزبط
أوس....عايز ميكونش ليكى علاقة باللى اسمه سيف ده تانى
نغم.....وده هيحصل ازاى اذا كان هو بيدرسلى وانا طالبته
أوس..... يحصل زى ما يحصل وكلامى لازم يتسمع
نغم... أسفة مقدرش اسمع كلامك
أوس.....خلاص يبقى مفيش كلية تانى
نغم باستغراب......انت بتقول ايه
أوس.....اللى سمعتيه
نغم.....انت بتهددنى
أوس....مسمهوش تهديد ده تحذير
نغم...خلاص يبقى بعد اذنك انا همشى من البيت ده
أوس.....انتى قولتى ايه
نغم....قولت همشى من البيت طالما انا مديقاك
أوس.....وهتروحى فين بقى يا نغم هانم
نغم.....فى اى داهية
أوس.....وروجين
نغم....انا ممكن اخدها معايا
أوس.....انا بنتى مش هتبعد عنى
تمنت نغم ان تسمع منه انه لايريدها ان تبعد عنه هى أيضا ولكنه ظل على عناده
نغم....خلاص يبقى انا اللى هبعد
وبالفعل قامت نغم بترك المنزل وذهبت الى بيتها القديم بقلب مكسور على يد من احبته
......
فى منزل أوس
روجين....هى ماما راحت فين يا بابا
أوس....ماما مشيت
روجين......مشيت راحت فين
أوس..... روجين حبيبتى انا تعبان شوية اطلعى اوضتك
روجين بدموع.....لاء انا عايزة ماما
أوس بغضب.....بس يا روجين
بكت الصغيرة كثيرا وذهبت الى غرفتها
كان أوس يشعر انه فى الجحيم بسبب فراق نغم
عندما علمت نادية عمة أوس بما حدث مع نغم
نادية.....انت ايه اللى عملته ده يا أوس
أوس.....معملتش حاجة هى اللى عندية ومش عايزة تسمع الكلام
نادية.....كلام ايه يا بنى دا الدكتور بتاعها وطبيعى تتكلم معاه
أوس..... انتى مشوفتيش هو بيبصلها ازاى
نادية .....وهى ذنبها ايه
أوس.....انا طلبت منها متتكلمش معاه مش اكتر بس هى عاندت معايا
نادية.....الامور متتحلش كده يا أوس او انت تخيرها يا متتكلمش معاه يا متروحش الكلية
أوس.....تسمع الكلام او متسمعوش هى حرة
نادية...... للدرجة دى يا أوس ربنا يهديك الظاهر مى رجعت لحركاتها القديمة متخليهاش تخربلك بيتك تانى يا أوس
اشتاق أوس الى نغم كثيرا فذهب الى غرفتها وجد أوس الكثير من الرسومات التى كانت ترسمها نغم وبالصدفة وجد صورة له تحت وسادتها فاندهش أوس واخذ يقرأ ما كتب على ظهر الصورة
أوس......الى من يمتلك قلبى واصبح حبيب عمرى وأصبح لى وطن فى غربتى فى هذه الدنيا
ايه ده نغم طلعت بتحبنى ياربى ايه اللى انا عملته ده
اثناء ذلك حضرت مى الى المنزل
مى .....اهلا أوس امال نغم فين
أوس.... بتسألى عليها ليه
مى.....اصلى مش شيفاها دا حتى سيف بيقولى هى مبتجيش الكلية ليه
أوس......هو اللى قالك كده
مى.....اه الصراحة مش عارفة ايه سر اهتمامه بيها
أوس.....مى انا عايز منك خدمة
مى.....طبعا انت تؤمر
أوس.....مش عايز اشوف وشك تانى
مى....انت بتقول ايه
أوس.....اللى انتى سمعتيه انا مش عايز اشوف وشك تانى وملكيش دعوة بيا اوى بأى حد يخصنى ماشى يا مى
مى.....انت بتطردنى
أوس.....انا بكلمك بالذوق دلوقتى متخلينيش اعمل تصرف مش هيعجبك
مى.....دا كله علشان نغم هانم
أوس......مى انتى خربتيلى بيتى مرة بس المرة دى مش هسمحلك مفهوم
مى ......اشبع بيها يا أوس
بعد خروج مى ظل اوس يفكر كيف يصلح غلطته ويرجع حبيبته مرة اخرى الى بيته
........
فى منزل نغم
بعد ترك نغم المنزل ظلت حبيسة المنزل لاتخرج الا لشراء ضروريات المنزل حتى انها لم تعد تذهب الى الكلية
وبرغم ماحدث بينها وبين أوس تمنت ان يأتي إليها فلقد اشتاقت اليه والى روجين ومنذ تركها للمنزل لاتعرف ان تعيش بدونهم فهم اصبحوا حياتها باكملها
......
استعد أوس للذهاب الى نغم لكى يصالحها
روجين.....انت رايح فين يا بابا
أوس.....هروح اجبلك ماما يا حبيبتى
روجين بفرحة......بجد يا بابا
أوس.....بجد يا روح بابا وعايزك على ما اجيب ماما واجى تجبيلها ورد جميل من الجنينة ماشى
روجين.....ماشى بس متتأخروش
أوس.....حاضر يا روحى
ذهب أوس الى منزل نغم وقام برن الجرس
نغم....ايوة مين
أوس....انا أوس
تراقص قلبها من الفرحة لسماع صوته وقامت بفتح الباب
أوس....ممكن ادخل
نغم....اتفضل
كم اشتاقت لرؤيته بالرغم انها تركته منذ ايام قليلة
أوس.....نغم
نغم....افندم
أوس.... بداية مش مبشرة بالخير
نغم....خير فى اوامر تانية نسيت تقولها
أوس.....نغم انا أسف على اللى عملته بس ده كان بسبب غيرتى عليكى
نغم ......غيرتك عليا
أوس.....ايوة يا نغم انا بحبك ومش بس كده وكمان بموت فيكى
ازداد احمرار وجهها من كلامه
أوس....كده مينفعش فى خدودك اللى بتحمر دى ايه مش هتقوليلى انك بتحبينى
نغم....وايه اللى عرفك انى بحبك
أوس....الصورة دى
نغم بصدمة.....انت شوفتها
أوس....اه وقريت اللى كتباه عليها
نغم فى سرها....وكمان قريت المكتوب عليها يا فضحتى
أوس....بحبك بحبك
نغم....وانا كمان
أوس....وانتى كمان ايه
نغم....بحبك
أوس....يلا بينا علشان روجين مستنيانا
نغم....دى وحشتنى اوى
أوس.....هى بس اللى وحشتك
لاتعرف نغم ماذا تقول بسبب احراجه لها
عادت نغم الى منزل أوس وكانت فى قمة سعادتها عندما علمت بحب أوس لها فقد تحققت امنيتها بأن تعيش سعيدة مع زوجها
.......
بعد مرور 3سنوات
نغم.....اوس بس بقى مش عارفة اذاكر الامتحانات قربت
أوس....هو انا عملت حاجة ما انا قاعد ساكت أهو
نغم.....قاعد تبحلق فيا ليه كده
أوس.....معجب
نغم.....طب نام واسكت وسيبنى اذاكر
أوس....طب ما تيجى اسمعلك
نغم..... هههههه لاء شكرا انت بتسمعلى وانا بتوه وبقول كلام مش فى المنهج اصلا
أوس.....لاء مراتى شطورة وهتنجح بتقدير
نغم.... تقدير ايه دا بسببك هجيب كحك السنة دى ودى اخر سنة وعايزة اخلص
أوس.....ما بلاش كحك وهاتى فطير نفسى فيه
نغم....بس كده دا انا هجيب كحك وفطير وبسكوت وبيتى فور كمان بسببك
أوس.....خلاص يا ستى هنام اهو
سمعت نغم صوت روجين
نغم....تعالى يا روحى فى ايه
روجين....ماما مازن صحى وبيعط
نغم....حاضر يا روحى جاية عجبك كده اهو ابنك كمان صحى
أوس....وانا مالى بقى هو انا اللى صحيته
نغم......انا هروح انيم الاولاد ارجع الاقيك نمت انت كمان علشان اذاكر فى هدوء
ذهبت نغم لترى صغيرها وبعد ان نام مازن وروجين عادت الى غرفتها
نغم....هو انت لسه صاحى
أوس.....مستنيكى تنيمينى زيهم
نغم.....أوسى حبيبى ربنا يهديك نام
أوس.... هو بعد كلمة أوسى دى منك هيجيلى نوم
احمر وجهها من كلام زوجها
أوس.....حرام عليكى فى خدودك دى بيحمروا ببقى نفسى اكلك
نغم.....ههههه بطل قلة ادب
أوس.....بحبك
نغم....انا اكتر يا روحى أوس
أوس....عيون أوس
نغم....نام بقى
أوس....والله انتى بتناديلى علشان تقوليلى نام
قوليلى بحبك واستحيلى عليا شوية
نغم بهمس.....بحبك
أوس....بموت فيكى بس هسمعلك برضو
ابتسمت نغم بسبب عند زوجها الذى لايترك اى مناسبة الا ويظهر لها فيها حبه وعشقه لها فتحول زواجهم من صفقة مادية الى((صفقة عشق))
تمت روايتي الجديدة اضغط هنا