رواية قطة فى مواجهة الأسد كاملة (سليم وحور) بقلم الكاتبة المصرية ريم عبر دليل الروايات للقراءة والتحميل Pdf
رواية قطة فى مواجهة الأسد الفصل الأول (تعريف الرواية)
تبدا قصتنا من قصر سليم شرقاوي اقل ما يقال عن القصر انه غايه في الجمال والفخم ويوجد جناح خاص لسليم
نجد في صاله الرياضه سليم يجلس على الاريكه لكى يرتاح بعد ممارسته للرياضه بعنف لكي يفرغ كل طاقه الغضب في الرياضه
واتجه بعد ذلك الى غرفته لكي يستحم استعدادا شركته وهذا اليوم مهم له فسيعلن فيه انهيار شركات الاسيوطى أمامه.
في فيلا الاسيوطي يوجد غرفه اقل ما يقال انها حلم كل بنت وهناك فتاه جميله تجذب انتباه كلما يراها
عصمت : حور اصحى يلا هتتاخري على الجامعه يلا يا بنتي كل يوم كده. حور: سبينى شوية ياماما حرام عليكى بجد عصمت : قومى يلا والا هفتح الشباك (أم مصرية أصيلة 😂). حور :اووف صحيت اهو. بعد ان انتهت حور من لبس ملابسها نزلت لكى تفطر مع امها وأبيها حور: صباح الخير على احلى بابا في الدنيا. ابيها بحزن شديد فى صوته: صباح النور على احلى حورية فى الدنيا. وبدات حور تاكل بسرعه شديده الام :حور براحة كده غلط عليكى حور :مستعجلة اوى ندى هتقتلنى يلا همشى. الاب :حور متتاخريش النهاردة عاوزك انتى وماما بليل فى موضوع مهم. الام :بقلق خير يا محمد الاب :بليل هقولكم. حور :حاضر بابا.
رواية قطة فى مواجهة الأسد الفصل الثاني 2
فى الجامعة :
ندى : اه ياحور الكلب كل ده تأخير
حور: سورى يااندوش انتى عارفة اللى فيها
ندى :يلا يااختى هنتاخر المحاضرة وبعدين نشوف الموضوع ده
فى شركة الاسيوطى :
ابراهيم مساعد محمد الاسيوطى : للاسف ياباشا خسرنا الناقصة وابن الشرقاوى كسبها
محمد : اه اه اه الحقنى يااابراهيم
ابراهيم : باشا مالك رد عليا
وتم نقل محمد الاسيوطى إلى المستشفى
فى الجامعة
ابراهيم بيتصل على حور
حور: الو ازيك يا عمو اخبارك ايه
ابراهيم بحزن :تمام الحمد لله انا عاوز اقولك حاجة بس متخافيش
حور بقلق :خير يا عمو
ابراهيم: محمد باشا تعب شوية وانتقل المستشفى
حور بدموع: مستشفى ايه مسافة الطريق وجايه
ندى :فيه ايه ياحور ردى عليا
حور بدموع:بابا تعبان
ندى :متخافيش هيكون كويس ياحور
حور وصلت المستشفى
حور شافت ابراهيم
حور:اخبار بابا ايه ياعمو
ابراهيم:أهدى ياحور لسه الدكتور مطلعش من عنده
الدكتور خرج
حور بانهيار :قولى بابا إخباره ايه
الدكتور: هو تعرض لأزمة قلبية بس الحمد لله اتلهف منها بس للاسف الباشا دخل فى غيبوبة
حور اغمى عليها وتم نقلها فى اوضة جنب اوضة والدهاا
وبعد مافاقت
حور بدموع:بابا حصله كده ليه
ابراهيم :هحكيلك
فلاش باك:
من حوالى سبع شهور رجل الأعمال سالم السيوفى شركته بدأت تخسر وهيعلن إفلاسه بس محمد باشا وقف معاها لحد ما رجع فى السوق تانى بس جه يوم وزار شركتنا رجل الأعمال سليم الشرقاوى وده معروف بأنه غول المعمار وهدد الباشا بأنه ميسعدش السيوفى بس الباشا اعترض على كلامه وبعد كده كل ما ندخل مناقصة نخسرها ونعرف إن ابن الشرقاوى هو اللى كسبها واخر مناقصة الباشا دخل فيها بكل فلوسه وللاسف عرفنا أننا خسرنها والباشا مستحملش وحصل اللى حصل
انتهى الفلاش
حور بانهيار:بابا كان بساعد حد يعنى ده جزاءه
ابراهيم :والله ياابنتى احنا منعرفش ايه العداوة بين سليم والسيوفى مع انى حظرت الباشا انه ميتحداش ابن الشرقاوى
الطبيب لما حور بتعيط جامد حطلها منوم فى المحلول وراحت فى النوم
فى شركة سليم الشرقاوى:
داخل مكتب سليم
حازم بحماس:شوفت الاخبار
سليم:نفسى مرة واحدة تخبط الباب الاول
حازم:ياعم رد عليا شوفت اخبار شركات الاسيوطى
سليم بتكبر :ده كان المتوقع لاى حد يفكر يتحدانى
حازم:ههههه ياعم بطل نفخ فى نفسك
سليم بضيق:اطلع برا
حازم :خلاص ياعم بس والله الراجل صعبان عليا حتى عرفت أنه اتنقل المستشفى
سليم بمكر: واجب نروح نزوه
حازم بضحك:ماشى يا ابو الواجب
بعد مرور ساعتين فى المستشفى فاقت حور
حور : ندى ماما اتصلت عليا
ندى :ايواا اتصلت كتير بس مردتش
حور :هانى الفون بتاعى عشان اكلمها
عصمت بقلق :الو ياحور انتى فين ياحبيبتى
حور بدموع :انا فى المستشفى
عصمت : مستشفى ليه مالك
حور :بابا تعب شويه
عصمت بلهفة :حور ابوكى ماله انطقى
حور ماقدرتش تتكلم وندى اخدت منها الفون
ندى :الو ياطنط عمو كويس بس مستنين الدكتور يطمنا
عصمت :مستشفى ايه انا جاية الوقتى
ندى :تمام ياطنط
بعد مرور نصف ساعة وصلت عصمت المستشفى واول ما شافت ابراهيم
عصمت:محمد ماله ياابراهيم
ابراهيم :متخافيش ياهانم هو كويس
عصمت :حور فين
ابراهيم :فى الاوضة دى
حور اول ما شافت امها عيطت جامد وحضنتها وعصمت لما شافت حالة حور بطلت عياط وبتسكت فيها
وبعد مرور وقت ندى مشيت
ابراهيم :مالوش لزوم القاعدة هنا ياعصمت هانم
حور :انا مستحيل اسيب بابا
عصمت :احنا هنعقد النهاردة وبكرا هنروح عشان حور
فى نفس الوقت وصل سليم المستشفى بحرسه فى مشهد يخوف اى حد مش عارف مين هو سليم الشرقاوى
سليم :عاوز اعرف فين اوضة محمد الاسيوطى
الاستقبال :لحظة يافندم بس يافندم ده ممنوع حد يزوه
سليم بحزن مصطنع :تمام متشكر
الاستقبال:بس حور بنته فى اوضة جنب اوضة محمد بيه
سليم بمكر:تمام قوليلى رقم الاوضة عشان اشوفها
وفعلا راح سليم ومعها يوكية ورد
اول مابراهيم شافه اتصدم
سليم بحزن مصطنع :اسف على اللى حصل لمحمد بيه
ابراهيم بضيق :شكرا
سليم مكنش مركز اول ماعينه شافت حور مصدوم مش مصدق الحورية دى
عصمت باحترام :تعبناك معانا يابنى
سليم:مفيش تعب
عصمت :انتى مين
سليم :انا سليم الشرقاوى
حور اول ما سمعت اسمه انصدمت
حور بصدمه :سليم مين يتبع الفصل الثالث اضغط هنا