رواية زهرة فى بستان الذكريات البارت الرابع والأخير بقلم سماح نجيب
رواية زهرة فى بستان الذكريات الفصل الرابع والأخير
انتى بتعملى ايه هنا
زهرة بخضة.. هاااا ابدا
مهاب بغضب.. مين سمحلك تدخلى هنا
زهرة.. انا أسفة فضولى سيطر عليا
مهاب....انتى مش عارفة انى مانع اى حد يدخل هنا انتى ازاى تسمحى لنفسك انك تفتشى فى حاجة مش بتاعتك
زهرة.....قولتلك انا أسفة
مهاب......ويفيد بايه اسفك لازم تعرفى حدودك كويس انتى فاهمة انتى مجرد ضيفة هنا
زهرة.....انا عملت ايه لكل ده
مهاب.....انا الكلمة اللى اقولها تتسمع مفهوم
زهرة......كفاية بقى
مهاب ....هو ايه اللى كفاية ها
زهرة نزلت دموعها وقالت بدون ان تعى ما تقول
زهرة بدموع......انا بكرهك
توسعت عين مهاب من الصدمة
خرجت زهرة من الغرفة ولم تذهب الى غرفتها
بعد افاقة مهاب من صدمته
مهاب....انا ايه اللى عملته ده
ذهب الى غرفتها ليعتذر لها
مهاب.....زهرة زهرة
ولكن لا يوجد رد
فتح غرفتها ولم يجدها
مهاب.....هتكون راحت فين
بحث عنها فى المنزل باكمله ولم يجدها
ولكن اثناء مروره امام اسطبل الخيل سمع صوت بكاءها
كانت تحتضن رأس المهرة ذكرى وتبكى
زهرة.....انا عملت ايه علشان يعمل معايا كده انا اتأسفت له بس هو قاسى وقلبه حجر انا لازم امشى من هنا
مهاب....زهرة انا أسف
زهرة....متتأسفش يا مهاب بيه عندك حق انا ضيفة مش اكتر وانا هريحك منى
مهاب....تقصدى إيه
زهرة.....هسيب البيت وامشى
مهاب......تمشى وهتروحى فين
زهرة.....اى مكان بلاد الله واسعة
مهاب.....ومين اللى هيسمحلك تمشى
زهرة......محدش له القرار غيرى
مهاب.....الظاهر انك نسيتى أنك مراتى
زهرة.....ممكن نطلق وكل واحد يروح لحاله
مهاب بندم.....زهرة سامحينى بس انتى متعرفيش حاجة
زهرة.......لاء عرفت كل حاجة عن مراتك وابنك
مهاب....عرفتى منين اكيد سمية هى اللى قالتلك
زهرة.....ايوة لما انا سالتها عن مين فريدة
مهاب.....وانتى عرفتى اسمها منين
زهرة.....منك لما انت كنت تعبان كنت عمال تنادى عليها
مهاب بحزن..... الله يسامحها اخدت منى اغلى حاجة فى حياتى حرمتى من ابنى
زهرة.....كله مقدر ومكتوب
مهاب......ونعم بالله بس كان نفسى اشوف ابنى بيكبر قدام عنيا تصدقى ان ذكرى اشترتها له لانه كان بيحب الخيل كان هو بالنسبة ليا روحى اللى عايش بيها كان احلى حاجة فى دنيتى وموته موتنى انا كمان معاه
زهرة......ربنا يرحمه مش عارفة اقولك ايه
مهاب.....متقوليش انا اللى اسف على اللى حصل بس انا مبحبش حد يدخل الاوضة بتاعته دى الذكرى اللى فاضلة منه
زهرة......وانا اسفة لو كنت ضايقتك
مهاب.....متزعليش منى على عصبيتى
زهرة بابتسامة......خلاص صافى يالبن
مهاب....ابتسامتك حلوة اوى
زهرة..... شكرا عن اذنك
مهاب.....هو كل ما اكلمك تقوليلى عن اذنك
زهرة....ها لا ابدا بس ورايا حاجات اعملها
مهاب.....ماشى براحتك
زهرة لنفسها.....دا انت قليت راحتى وخطفت قلبى وعقلى
فى احد الايام
زهرة......واووو ايس كريم انا هدخل اشترى واحدة بالشوكولاتة
اثناء خروجها بالايس كريم اصطدمت بشاب ووقع الايس كريم على ملابسه
زهرة.....ياخبر الايس كريم وقع
الشاب.....والله هو حضرتك ده كل اللى همك مش همك التيشرت اللى باظ
زهرة.....مش تفتح وانت ماشى
الشاب....انا اللى افتح كمان ما انتى اللى ماشية سرحانة
زهرة.....خلاص متكترش فى الكلام عايز ايه قصاد التيشرت اللى باظ
الشاب بابتسامة.....عايز رقمك ياقمر
زهرة.....افندم رقم ايه
الشاب......هيكون رقم ايه جزمتك مثلا تليفونك طبعا
زهرة.....شكلك واحد فاضى عن اذنك
تركته زهرة ولكنه ظل ينظر اليها حتى غابت عن عينه
ذات مساء
مهاب......زهرة انا فى فرح معزوم عليه تحبى تيجى معايا
زهرة......اجى معاك بس
مهاب.....بس ايه انتى لازم تخرجى انتى مبتخرجيش الا للجامعة بس
زهرة بفرحة.....اوك ماشى بس مش عارفة هلبس ايه
مهاب......ايه رايك نخرج نشترى ليكى فستان
زهرة......ماشى ثوانى هلبس واجى
كانت زهرة يغمرها الفرحة لخروجها مع مهاب ولم يكن مهاب اقل منها فرحة فهو اصبح يعشق ابتسامتها وعينها التى اصبحت بالنسبة له واحة من الراحة عندما ينظر اليها ينسى كل ما يعانيه من الم وذكريات حزينة
فى الاتيليه
مهاب.....لو سمحتى عايز فستان سهرة يليق بيها
صاحبة الاتيلية وتدعى سوزى.....اوامرك انت بس تؤمر
زهرة بحاجب مرفوع ......الامر لله يا حبيبتى
سوزى.....افندم بتقولى حاجة
زهرة.....لا ابدا
سوزى.....اتفضلى دا احسن فستان عندنا
زهرة......وحضرتك ده البسه ازاى ان شاء الله البسه واقعد فى البيت
سوزى.....ايه اللى مش عاجبك فيه
زهرة.....لا ابدا بس تقريبا جبتى ليا فستان بنت اختك
سوزى.....افندم حضرتك بتقولى ايه
زهرة.....الظاهر حضرتك ناسية انى محجبة وده مينفعش
سوزى....اه سورى ما اخدتش بالى
زهرة....ماهو لو تركزى فى شغلك هتاخدى بالك
كان مهاب يتابع الحوار ولم يستطيع تمالك نفسه من الضحك وتعجبت زهرة فكانت هذه اول مرة تراه يضحك بهذا الشكل كانت زهرة سعيدة لرؤيته مبتسما
سوزى.....سورى يا مهاب بيه
زهرة.....كلامك معايا يا حبيبتى وحضرتك اتفضل اخرج برا على ما اشوف حاجة تنفع
مهاب بضحك......حاضر
بعد فترة خرجت زهرة
مهاب.....خلصتى
زهرة.....ايوة ممكن اعرف كنت بتضحك على ايه
مهاب.....انا ابدا مبضحكش هههههه
زهرة......هههههه ست غريبة اوى
مهاب.....يلا بينا
تجهزت زهرة لخروجها مع مهاب فكان فستانها فى غاية الجمال وحجابها زادها جمال على جمالها
مهاب لنفسه.....يا خبر ابيض ودى اخرج بيها ازاى يا ريتنى ما قولتلها تيجى معايا دى جميلة اوى والناس هتاكلها بعينيها
زهرة....ايه رأيك حلو
مهاب...حلو اوى
ذهب مهاب وزهرة الى الفرح فاندهش الناس ان مهاب المنياوى يحضر حفلات زفاف فمنذ حادثة زوجته وابنه وهو لا يحضر اى مناسبة اجتماعية بالاضافة الى اصطحابة فتاة شديدة الجمال وهذا على غير عادته
كانت معظم النساء تنظر لزهرة بحسد وغيرة فمن تكون حتى تستطيع خروج مهاب من الحصار الذى فرضه على نفسه
زهرة .....هما مالهم حاسة كانهم بيبصوا للديك الرومى اللى هياكلوه فى البوفيه
مهاب......ههههههه احتمال
زهرة....لو واحدة فيهم قربت منى انا مش مسؤلة عن اللى هيحصل
مهاب.....طول ما انتى معايا متخافيش
زهرة لنفسها....انت الامان بالنسبة ليا وكل دنيتى
اثناء انشغال مهاب مع التحدث مع احد المدعويين
ذهبت زهرة للجلوس على مقعد تحت شجرة ولكن سمعت صوتا
ايه ده الآنسة بتاعة الايس كريم
زهرة......هو انت
اسمى حازم مش هعرف اسمك
زهرة.....وتعرف اسمى ليه
حازم.....انا من ساعة ما شوفتك وانا مش على بعضى بالمناسبة انا اخو العريس وانتى جاية مع مين
زهرة.....مهاب المنياوى
حازم.....هو انتى قريبة مهاب
زهرة ....حاجة زى كده
لمح مهاب زهرة وهى تتحدث مع حازم فشر بغيرة قوية فكان يريد تحطيم وجه حازم لأنه ينظر اليها
حازم.....اهلا مهاب عاش من شافك
مهاب.....اهلا حازم اخبارك ايه
حازم....تمام الانسة تبقى قريبتك
مهاب..... بتسأل ليه
حازم.....اصلها حلوة اوى فلو هى قريبتك اطلب ايدها منك
مهاب.....نعم
حازم......ايوة بتكلم جد
مهاب.....معلش اصل الانسة متنفعش تتجوزك
حازم.....ليه بس كلمها انت وبس وشوف رأيها ايه
مهاب....قولتلك مينفعش يا حازم
حازم.....ليه بس
مهاب......علشان الآنسة تبقى مراتى
حازم.....ايه مراتك انا معرفش انك اتجوزت
مهاب ....اديك عرفت عن اذنك
زهرة.....فى حاجة حصلت
مهاب....لاء يلا علشان نمشى
زهرة.....ليه لسه بدرى
مهاب.....زهرة بقولك يلا
زهرة....حاضر
فى البيت
دخل مهاب مكتبه كان كالعاصفة واخذ يفكر فى كلام حازم عنها
مهاب.....وبعدين كده مش هينفع لازم اشوف حل انا هعترف ليها انى بحبها
استغربت زهرة تصرف مهاب فذهبت للاطمئنان عليه
زهرة.....مهاب بيه فى حاجة انت كويس
مهاب بنرفزة....قولتلك بلاش تقوليلى مهاب بيه دى
زهرة....مالك فى ايه
مهاب.....فى انى مبقتش قادر استحمل انا بحبك يا زهرة
زهرة...بببتحبنى
مهاب.....ايوة ومش بس كده وبعشقك كمان انتى من اول ما دخلتى البيت ده حبيتك وعشقت ابتسامتك زهرة انا اول مرة احب واحدة فى حياتى
زهرة...... بس انت فين وانا فين
مهاب....مش عايزة اسمع منك الكلام ده تانى زهرة انتى بقيتى عشقى واجمل حاجة فى حياتى وانا مستحيل اخليكى تبعدى عنى حتى لو انتى مبتحبنيش برضومش هسيبك هعيش بأمل ان ييجى يوم وتحبينى انتى مبترديش ليه
زهرة بدموع سعادة..... علشان انا بحبك فوق متتصور
مهاب...... بجد يا زهرتى
زهرة.....ايوة يا روح زهرتك انا اول ما شوفتك حبيتك بس متخيلتش ان انت كمان تكون بتحبنى
مهاب.....انا هعوضك عن كل لحظة حزن عيشتيها
زهرة.....وانا هخلى كل حياتك سعادة وفرح
وفعلا كانت زهرة بلسم لجراح قلب مهاب واستطاعت أن تعيد له ابتسامته وجعلت كل ايامه سعادة لا تنتهى
بعد مرور 5 سنوات
مهاب.....زهرتى فين جورى وتوليب
زهرة.....فى اوضتهم
مهاب.....نادى عليهم علشان جبتلهم اللعبة اللى طلبوها
زهرة....انت مش بتقولهم لاء على حاجة ابدا
مهاب.....ههههه لاء دول اغلى ما عندى
زهرة .....يا سلام وانا ابقى ايه بقى
مهاب.....انتى نسمة امل دخلت حياتى رجعتنى أعيش من تانى
زهرة....للدرجة دى
مهاب......واكتر كمان
زهرة......على فكرة انا حامل
مهاب بفرحة......بجد يا روحى
زهرة.....انت فرحان فيا
مهاب....ليه يا حياتى انتى مش مبسوطة
زهرة.....مبسوطة بس البنات لسه صغيرين هاخد بالى منهم كلهم ازاى
مهاب..... متخافيش انتى قدها
زهرة.....لا والله تصدق ما انت مش خسران حاجة هو انت اللى هتسهر ولا هتبقى شبه الزومبى من قلة النوم
مهاب.....ههههه انا قولتلك كتير نجيب مربية اجنبية مش راضية
زهرة......لاء مبحبش حد يهتم باولادى غيرى ومش يمكن تحلو انت فى عينها وتخطفك
مهاب.....بتغيرى عليا يا زهرتى
زهرة.....طبعا مش جوزى حبيبى
وضعت زهرة صبى فاصرت على تسميته أسر
مهاب.....انتى متأكدة انك عايزة تسميه أسر
زهرة.....طبعا يا حبيبى ده عوض ربنا ليك
مهاب.....ربنا ميحرمنيش منك ولا منهم
جورى.....بابى مامى جابت نونو حلو اوى
توليب....ايوة وهنلعب معاه
مهاب.....طبعا يا حبايب بابى وهو لما يكبر هيكون سندكم فى الدنيا
كان مهاب وزهرة سعداء برؤية اولادهم يكبرون امام اعينهم
مهاب.....البيت بقى جنة من يوم ما انتى دخلتى حياتى
زهرة.....انا اللى محظوظة ان ربنا عوضنى بيك انت والاولاد ربنا ما يحرمنى منكم
مهاب... انا قولتلك النهاردة انى بحبك
زهرة بابتسامة جميلة......قولتلى الصبح واحنا بقينا باليل
مهاب .....بحبك يا اجمل زهرة شفتها عيني بقيتى زهرة فى بستان السعادة والذكريات الجميلة بتاعتى انا..
تمت روايتي الجديدة أريد سجنك كاملة اضغط هنا